ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๒๐.

ตสฺมา ตํ ๑- ปฏิกฺขิปติ. เตน หีติ ยสฺมา สงฺขตา น โหติ, ตสฺมา อสงฺขตาติ
ลทฺธิ. อิทมฺปน อสงฺขตภาเว การณํ น โหตีติ วุตฺตมฺปิ อวุตฺตสทิสเมวาติ.
                    นิโรธสมาปตฺติกถาวณฺณนา นิฏฺฐิตา.
                           -----------
                        ๖. อากาสกถาวณฺณนา
     [๔๖๐-๔๖๒] อิทานิ อากาสกถา นาม โหติ. ตตฺถ ติวิโธ อากาโส
ปริจฺเฉทากาโส, กสิณุคฺฆาฏิมากาโส, อชฏากาโสติ. "ตุจฺฉากาโส"ติปิ ตสฺเสว
นามํ. เตสุ ปริจฺเฉทากาโส สงฺขโต, อิตเร ปน เทฺวปิ ๒- ปญฺญตฺติมตฺตา.
เยสมฺปน "ทุวิโธปิ ยสฺมา สงฺขโต น โหติ, ตสฺมา อสงฺขโต"ติ ลทฺธิ
เสยฺยถาปิ อุตฺตราปถกานญฺจ มหิสาสกานญฺจ, เต สนฺธาย อากาโสติ ปุจฺฉา
สกวาทิสฺส, ปฏิญฺญา อิตรสฺส. เสสเมตฺถ อุตฺตานตฺถเมวาติ.
                      อากาสกถาวณฺณนา นิฏฺฐิตา.
                          ------------
                    ๗. อากาโสสนิทสฺสโนติกถาวณฺณนา
     [๔๖๓-๔๖๔] อิทานิ อากาโส สนิทสฺสโนติกถา นาม โหติ. ตตฺถ
เยสํ ตาฬจฺฉิทฺทาทีสุ ญาณปฺปวตฺตึ นิสฺสาย "สพฺโพปิ อชฏากาโส สนิทสฺสโน"ติ
ลทฺธิ เสยฺยถาปิ อนฺธกานํ, เต สนฺธาย อากาโส สนิทสฺสโนติ ปุจฺฉา
สกวาทิสฺส, ปฏิญฺญา อิตรสฺส. อถ นํ "ยทิ สนิทสฺสโน, เอวํวิโธ ภเวยฺยา"ติ
โจทนตฺถํ รูปนฺติอาทิ วุตฺตํ. จกฺขุญฺจ ปฏิจฺจาติ ปเญฺหสุ เอวรูปสฺส สุตฺตสฺส
อภาเวน ปฏิกฺขิปิตฺวา ตุลนฺตริกาทีนํ ๓- อุปลทฺธึ นิสฺสาย ปฏิชานาติ. ทฺวินฺนํ
รุกฺขานํ อนฺตรนฺติ เอตฺถ รุกฺขรูปํ จกฺขุนา ทิสฺวา อนฺตเร รูปาภาวโต
@เชิงอรรถ:  ฉ.ม. อยํ ปาโฐ น ทิสฺสติ    ฉ.ม. อิตเร เทฺว   ม. ตุลานนฺตริกาทีนํ



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๒๐. http://84000.org/tipitaka/read/attha_page.php?book=55&page=220&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4943&modeTY=2&pagebreak=1 http://84000.org/tipitaka/atthapali/th_line.php?B=55&A=4943&modeTY=2&pagebreak=1#p220


จบการแสดงผล หน้าที่ ๒๒๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]