อรรถกถาเล่มที่ ๕๕ หน้าที่ ๒๗๐.

๕. นิวุตกถาวณฺณนา [๖๖๕-๖๖๗] อิทานิ นิวุตกถา นาม โหติ. ตตฺถ สุทฺธสฺส สุทฺธิกิจฺจา- ภาวโต ^๑- นีวรเณหิ นิวุโต โอผุโฏ ปริโยนทฺโธ จ นีวรณํ ชหตีติ เยสํ ลทฺธิ เสยฺยถาปิ อุตฺตราปถกานํ, เต สนฺธาย นิวุโตติ ปุจฺฉา สกวาทิสฺส, ปฏิญฺญา อิตรสฺส. รตฺโต ราคนฺติอาทิ นิวุตสฺส นีวรณชหเน โทสทสฺสนตฺถํ วุตฺตํ. ปริสุทฺเธ ปริโยทาเตติอาทิ วิกฺขมฺภนวิสุทฺธิยา วิสุทฺธสฺส สมุจฺเฉท- วิสุทฺธิทสฺสนตฺถํ วุตฺตํ. ตสฺส เอวํ ชานโตติอาทิ ชานโต ปสฺสโต อาสวกฺขยํ ทีเปติ, น นิวุตสฺส นีวรณชหนํ, ตสฺมา อสาธกนฺติ. นิวุตกถาวณฺณนา นิฏฺฐิตา. ----------- ๖. สมฺมุขีภูตกถาวณฺณนา [๖๖๘-๖๗๐] อิทานิ สมฺมุขีภูตกถา นาม โหติ. ตตฺถ สมฺมุขีภูโตติ สญฺโญชนานํ สมฺมุขีภาวํ เตหิ สมงฺคิภาวํ อุปคโต. เสสเมตฺถ นิวุตกถาสทิสเมวาติ. สมฺมุขีภูตกถาวณฺณนา นิฏฺฐิตา. ----------- ๗. สมาปนฺโนอสฺสาเทติกถาวณฺณนา [๖๗๑-๖๗๓] อิทานิ สมาปนฺโน อสฺสาเทติกถา นาม โหติ. ตตฺถ "ปฐมํ ฌานํ อุปสมฺปชฺช วิหรติ, โส ตทสฺสาเทตี"ติอาทิวจนํ ^๒- นิสฺสาย "สมาปนฺโน อสฺสาเทติ, สา จสฺส ฌานนิกนฺติ ฌานารมฺมณา โหตี"ติ เยสํ ลทฺธิ เสยฺยถาปิ อนฺธกานํ, เต สนฺธาย สมาปนฺโนติ ปุจฺฉา สกวาทิสฺส, ปฏิญฺญา อิตรสฺส. ตํ ฌานํ ตสฺส ฌานสฺส อารมฺมณนฺติ ปเญฺหสุ ตสฺเสว ตทารมฺมณตํ อปสฺสนฺโต สุตฺตวิโรธภเยน ปฏิกฺขิปติ, "ตทสฺสาเทตี"ติ วจนมตฺเตน @เชิงอรรถ: ^๑ ฉ.ม. สุทฺธกิจฺจาภาวโต ^๒ องฺ.จตุกฺก. ๒๑/๑๒๓/๑๔๒

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๗๐. http://84000.org/tipitaka/read/attha_page.php?book=55&page=270&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6081&modeTY=2&pagebreak=1 http://84000.org/tipitaka/atthapali/th_line.php?B=55&A=6081&modeTY=2&pagebreak=1#p270