อรรถกถาเล่มที่ ๕๕ หน้าที่ ๒๗๔.

จตฺตาริ สตฺตสตฺตติรตฺติมฺหิ, ตานิ จ โข เยน กมฺมุนา ปฏิสนฺธิ คหิตา, ตสฺเสว อญฺสฺส วา กตตฺตาติ อยํ สกสมเย วาโท. เยสํ ปน เอกกมฺมสมฺภวตฺตา สมฺปนฺนสาขาวิฏปานํ รุกฺขาทีนํ องฺกุโร วิย พีชมตฺตํ สฬายตนํ มาตุกุจฺฉิสฺมึ ปฏิสนฺธิกฺขเณเยว อุปฺปชฺชตีติ ลทฺธิ เสยฺยถาปิ ปุพฺพเสลิยาปรเสลิยานํ, ^๑- เต สนฺธาย สฬายตนนฺติ ปุจฺฉา สกวาทิสฺส, ปฏิญฺา อิตรสฺส. สพฺพงฺคปจฺจงฺคีติอาทิ สฬายตเน สติ เอวรูโป หุตฺวา โอกฺกเมยฺยาติ โจทนตฺถํ วุตฺตํ. มาตุกุจฺฉิคตสฺสาติ ปุจฺฉา ปรวาทิสฺส. ปรโต มาตุกุจฺฉิคตสฺส ปจฺฉา เกสาติ ปุจฺฉา สกวาทิสฺส. เสสเมตฺถ อุตฺตานตฺถเมวาติ. สฬายตนุปฺปตฺติกถาวณฺณนา นิฏฺิตา. ----------- ๓. อนนฺตรปจฺจยกถาวณฺณนา [๖๙๓-๖๙๗] อิทานิ อนนฺตรปจฺจยกถา นาม โหติ. ตตฺถ นจฺจคีตาทีสุ รูปทสฺสนสทฺทสวนาทีนํ ลหุปริวตฺติตํ ทิสฺวา "อิมานิ วิญฺาณานิ อญฺมญฺสฺส อนนฺตรา อุปฺปชฺชนฺตี"ติ เยสํ ลทฺธิ เสยฺยถาปิ อุตฺตราปถกานํ, เต สนฺธาย จกฺขุวิญฺาณสฺสาติ ปุจฺฉา สกวาทิสฺส, ปฏิญฺา อิตรสฺส. โสตวิญฺาณํ รูปารมฺมณํเยวาติ ยทิ จกฺขุวิญฺาณสฺส อนนฺตรา อุปฺปชฺเชยฺย, วิปากมโนธาตุ วิย รูปารมฺมณํ สิยาติ โจทนตฺถํ ^๒- วุตฺตํ. จกฺขุญฺจ ปฏิจฺจ รูเป จ อุปฺปชฺชติ โสตวิญฺาณนฺติ ปเญฺหสุ สุตฺตาภาเวน ปฏิกฺขิปิตฺวา อนนฺตรุปฺปตฺตึ ^๓- สลฺลกฺเขนฺโต ลทฺธิวเสน ปฏิชานาติ. ตญฺเว จกฺขุวิญฺาณํ ตํ โสตวิญฺาณนฺติ ยถา ปมชวนานนฺตรํ ทุติยชวนํ มโนวิญฺาณภาเวน ตญฺเว โหติ, กินฺเต ตถา เอตมฺปิ ทฺวยํ เอกเมวาติ ปุจฺฉติ. อิมินา นเยน สพฺพวาเรสุ อตฺโถ เวทิตพฺโพ. @เชิงอรรถ: ^๑ ฉ.ม. ปุพฺพเสลิยานํ ^๒ ฉ.ม. โจเทตุํ ^๓ สี.,ม. อนนฺตรปวตฺตึ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๗๔. http://84000.org/tipitaka/read/attha_page.php?book=55&page=274&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6171&pagebreak=1 http://84000.org/tipitaka/atthapali/th_line.php?B=55&A=6171&pagebreak=1#p274