ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๒๗๗-๒๗๘.

หน้าที่ ๒๗๗.

กามวิตกฺกสงฺขาตํ กามธาตุํ สหชาตวเสน อนุเสติ, กินฺเต เอวํ รูปราโคปิ รูปธาตุนฺติ ปุจฺฉติ. ปริยาปนฺโนติ ยถา จ โส ติวิธาย กามธาตุยา กิเลสกามวเสน ปริยาปนฺนตฺตา กามธาตุปริยาปนฺโน, กินฺเต เอวํ รูปราโคปิ รูปธาตุปริยาปนฺโนติ ปุจฺฉติ. อิตโร ปนสฺส อธิปฺปายํ อสลฺลกฺเขนฺโต เกวลํ ลทฺธิวเสน อามนฺตาติ ปฏิชานาติ. อถ นํ ตมตฺถํ สลฺลกฺขาเปตุํ กุสลวิปากกิริยาสงฺขาเตหิ สมาปตฺเตสิยาทีหิ สํสนฺเทตฺวา ๑- ปุจฺฉิตุํ สมาปตฺเตสิโยติอาทิมาห. เสสเมตฺถ ยถาปาลิเมว นิยฺยาติ. นนุ กามราโคติอาทิวจนมฺปิ กามราคสฺเสว กามธาตุยํ อนุสยภาวญฺจ ปริยาปนฺนตญฺจ ทีเปติ, น อิตเรสํ อิตรธาตูสูติ. ปริยาปนฺนกถาวณฺณนา นิฏฺฐิตา. ------------ ๘. อพฺยากตกถาวณฺณนา [๗๐๖-๗๐๘] อิทานิ อพฺยากตกถา นาม โหติ. ตตฺถ วิปากกิริยารูป- นิพฺพานสงฺขาตํ จตุพฺพิธํ อพฺยากตํ อวิปากตฺตา อพฺยากตนฺติ วุตฺตํ, ทิฏฺฐิคตํ "สสฺสโต โลโกติ โข วจฺฉ อพฺยากตเมตนฺ"ติ ๒- สสฺสตาทิภาเวน อกถิตตฺตา. เยสํ ปน อิมํ วิภาคํ อคฺคเหตฺวา ปุริมาพฺยากตํ วิย ทิฏฺฐิคตํ อพฺยากตนฺติ ลทฺธิ เสยฺยถาปิ อนฺธกานญฺเจว อุตฺตราปถกานญฺจ, เตสํ ตํ วิภาคํ ทสฺเสตุํ ทิฏฺฐิคตํ อพฺยากตนฺติ ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ยถาปาลิเมว นิยฺยาตีติ. อพฺยากตกถาวณฺณนา นิฏฺฐิตา. ------------ ๙. อปริยาปนฺนกถาวณฺณนา [๗๐๙-๗๑๐] อิทานิ อปริยาปนฺนกถา นาม โหติ. ตตฺถ ยสฺมา ปุถุชฺชโน ฌานลาภี กาเมสุ วีตราโคติ วตฺตพฺโพ โหติ, น ปน วิคตทิฏฺฐิโกติ, @เชิงอรรถ: ฉ.ม. สํสนฺทิตฺวา สํ.สฬา. ๑๘/๗๙๒/๔๗๙ (สฺยา)

--------------------------------------------------------------------------------------------- หน้าที่ ๒๗๘.

ตสฺมา ทิฏฺฐิคตํ อปริยาปนฺนนฺติ เยสํ ลทฺธิ เสยฺยถาปิ ปุพฺพเสลิยานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ยถาปาลิเมว นิยฺยาตีติ. อปริยาปนฺนกถาวณฺณนา นิฏฺฐิตา. จุทฺทสโม วคฺโค สมตฺโต. ------------ ๑๕. ปณฺณรสมวคฺค ๑. ปจฺจยตากถาวณฺณนา [๗๑๑-๗๑๗] อิทานิ ปจฺจยตากถา นาม โหติ. ตตฺถ โย ธมฺโม เหตุปจฺจเยน ปจฺจโย, โส เยสํ เหตุปจฺจเยน ปจฺจโย, เตสญฺเญว ยสฺมา อารมฺมณานนฺตรสมนนฺตรปจฺจเยน ปจฺจโย น โหติ, โย วา อารมฺมณปจฺจเยน ปจฺจโย, โส ยสฺมา เตสญฺเญว อนนฺตรสมนนฺตรปจฺจเยน ปจฺจโย น โหติ, ตสฺมา ปจฺจยตา ววตฺถิตาติ เยสํ ลทฺธิ เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ยถาปาลิเมว นิยฺยาตีติ. ปจฺจยตากถาวณฺณนา นิฏฺฐิตา. ------------- ๒. อญฺญมญฺญปจฺจยกถาวณฺณนา [๗๑๘-๗๑๙] อิทานิ อญฺญมญฺญปจฺจยกถา นาม โหติ. ตตฺถ เยสํ สมเย "อวิชฺชาปจฺจยา สงฺขารา"ติ อยเมว ตนฺติ, "สงฺขารปจฺจยาปิ อวิชฺชา"ติ อยํ นตฺถิ, ตสฺมา อวิชฺชาว สงฺขารานํ ปจฺจโย, น ปน สงฺขารา อวิชฺชายาติ ลทฺธิ เสยฺยถาปิ มหาสํฆิกานํ, เต สนฺธาย อวิชฺชาสงฺขาราทีนํ อญฺญมญฺญปจฺจยตาปิ อตฺถีติ ทสฺเสตุํ ปุจฺฉา สกวาทิสฺส, ปฏิญฺญา อิตรสฺส. อวิชฺชา สงฺขาเรนาติ


เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๗๗-๒๗๘. http://84000.org/tipitaka/read/attha_page.php?book=55&page=277&pages=2&modeTY=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6238&modeTY=2&pagebreak=1 http://84000.org/tipitaka/atthapali/th_line.php?B=55&A=6238&modeTY=2&pagebreak=1#p277


จบการแสดงผล หน้าที่ ๒๗๗-๒๗๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]