ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.)

หน้าที่ ๓๐๒.

เทฺว สมาธี ฌานาเนว, น ฌานนฺตริกา, เอวํ อิตเรนาปิ ฌาเนเนว ภวิตพฺพํ,
น ฌานนฺตริกายาติ.
                     ฌานนฺตริกกถาวณฺณนา นิฏฺฐิตา.
                            ---------
                   ๘. สมาปนโนสทฺทํสุณาตีติกถาวณฺณนา
     [๘๒๓-๘๒๕] อิทานิ สมาปนฺโน สทฺทํ สุณาตีติกถา นาม โหติ. ตตฺถ
"ยสฺมา ปฐมสฺส ฌานสฺส สทฺโท กณฺฏโก ๑- วุตฺโต ภควตา, ยทิ จ สมาปนฺโน
ตํ น สุเณยฺย, กถํ กณฺฏโก สิยา. ตสฺมา สมาปนฺโน สทฺทํ สุณาตี"ติ เยสํ
ลทฺธิ เสยฺยถาปิ ปุพฺพเสลิยานํ, เต สนฺธาย ปุจฺฉา สกวาทิสฺส, ปฏิญฺญา
อิตรสฺส. จกฺขุนา รูปํ ปสฺสตีติอาทิ "สมาปนฺนสฺส ตาว ปญฺจทฺวารปฺปวตฺตํ นตฺถิ,
ตสฺมึ อสติ ยทิ โส สทฺทํ สุเณยฺย, รูปมฺปิ ปสฺเสยฺยา"ติ โจทนตฺถํ วุตฺตํ.
สทฺโท กณฺฏโกติ วิกฺเขปกรณตฺตา ๒- วุตฺตํ. โอฬาริเกน หิ สทฺเทน โสเต
ฆฏฺฏิเต ปฐมชฺฌานโต วุฏฺฐานํ โหติ, เตเนตํ วุตฺตํ, ตสฺมา อสาธกํ. ทุติยสฺส
ฌานสฺสาติอาทิ "ยถา อญฺโญปิ กณฺฏโก อนฺโตสมาปตฺติยํ นตฺถิ, เอวํ
สทฺทสวนมฺปี"ติ โพธนตฺถํ วุตฺตํ, ตํ สพฺพํ อุตฺตานตฺถเมวาติ.
                 สมาปนฺโนสทฺทํสุณาตีติกถาวณฺณนา นิฏฺฐิตา.
                          -------------
                     ๙. จกฺขุนารูปํปสฺสตีติกถาวณฺณนา
     [๘๒๖-๘๒๗] อิทานิ จกฺขุนา รูปํ ปสฺสตีติกถา นาม โหติ. ตตฺถ
"จกฺขุนา รูปํ ทิสฺวา"ติ วจนํ นิสฺสาย "ปสาทจกฺขุเมว รูปํ ปสฺสตี"ติ เยสํ
ลทฺธิ เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส.
@เชิงอรรถ:  ฉ.ม. กณฺฑโก. เอวมุปริปิ    ฉ.ม. วิกฺเขปกรตฺตา



เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๐๒. http://84000.org/tipitaka/read/attha_page.php?book=55&page=302&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6799&modeTY=2&pagebreak=1 http://84000.org/tipitaka/atthapali/th_line.php?B=55&A=6799&modeTY=2&pagebreak=1#p302


จบการแสดงผล หน้าที่ ๓๐๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]