อรรถกถาเล่มที่ ๗ หน้าที่ ๓๒๙.

โหติ, สเทวกสฺส โลกสฺส เอโกว สตฺถา, ตสฺมา ติตฺถิยา `อมฺหากํ สตฺถา'ติ เอกปเทเนว สตฺถารํ วิสุํ กตฺวา อิมินาว ปเทน วิรุทฺธา ปราชิตา"ติ. ธมฺเม ปสาโทติ อิธ ^๑- ปน ยถา อิทานิ สาสเน "อมฺหากํ ทีฆนิกาโย อมฺหากํ มชฺฌิมนิกาโย"ติ มมายนฺติ, เอวํ อตฺตโน อตฺตโน ปริยตฺติธมฺเม เคหสิตเปมํ สนฺธาย วทนฺติ. สีเลสูติ อชสีลโคสีลเมณฺฑกสีลกุกฺกุรสีลาทีสุ. อิธ โน อาวุโสติ เอตฺถ อิธาติ ปสาทํ ^๒- สนฺธาย วทนฺติ. โก อธิปฺปาโยติ ^๓- โก อธิกปฺปโยโค. ยทิทนฺติ ยํ อิทํ ตุมฺหากญฺเจว อมฺหากญฺจ นานากรณํ วเทยฺยาถ, ตํ กึ นาม. ตุมฺหากํปิ หิ จตูสุ าเนสุ ปสาโท, อมฺหากํปิ. นนุ เอตสฺมึ ปสาเท ตุเมฺห จ อเมฺห จ เทฺวธา ภินฺนสุวณฺณํ วิย เอกสทิสาติ วาจาย สมธุรา หุตฺวา อฏฺสุ. อถ เนสํ ตํ สมธุรตํ ภินฺทนฺโต ภควา เอวํวาทิโนติอาทิมาห. ตตฺถ เอกา นิฏฺาติ ยา ตสฺส ปสาทสฺส ปริโยสานภูตา นิฏฺา, กึ สา เอกา, อุทาหุ ปุถูติ เอวํ ปุจฺฉถาติ วทติ. ยสฺมา ปน ตสฺมึ ตสฺมึ สมเย นิฏฺ อปญฺเปนฺโต นาม นตฺถิ, พฺราหฺมณานํ หิ พฺรหฺมโลโก นิฏฺา, เอกา ^๔- นิพฺพตฺติ ^๔- ตาปสานํ ^๕- อาภสฺสรา, ปริพฺพาชกานํ สุภกิณฺหา, อาชีวกานํ "อนนฺตมานโส"ติ เอวํ ปริกปฺปิโต อสญฺีภโว. อิมสฺมึ สาสเน ปน อรหตฺตํ นิฏฺา. สพฺเพว เจเต อรหตฺตเมว นิฏฺาติ. วทนฺติ. ทิฏฺิวเสน ปน พฺรหฺมโลกาทีนิ ปญฺเปนฺติ. ตสฺมา อตฺตโน อตฺตโน ลทฺธิวเสน เอกเมว นิฏฺ ปญฺเปนฺติ, ตํ ทสฺเสตุํ ภควา สมฺมา พฺยากรมานาติอาทิมาห. อิทานิ ภิกฺขูนํปิ เอกา นิฏฺา, ติตฺถิยานํปิ เอกา นิฏฺาติ ทฺวีสุ อฏฺฏการเกสุ วิย ิเตสุ ภควา อนุโยควตฺตํ ทสฺเสนฺโต สา ปนาวุโส นิฏฺา สราคสฺส, อุทาหุ วีตราคสฺสาติอาทิมาห. ตตฺถ ยสฺมา ราครตฺตาทีนํ นิฏฺา นาม นตฺถิ. ยทิ สิยา, โสณสิงฺคาลาทีนิปิ ^๖- สิยาติ อิมํ โทสํ ปสฺสนฺตานํ ติตฺถิยานํ "วีตราคสฺส อาวุโส สา นิฏฺา"ติอาทินา นเยน พฺยากรณํ ทสฺสิตํ. @เชิงอรรถ: ^๑ ฉ.ม. อิทํ ^๒ ม. สาสนํ ^๓ ก. อธิปฺปายโส, ฉ.ม. อธิปฺปยาโส @^๔-๔ ฉ.ม. อยํ ปาโ น ทิสฺสติ ^๕ ฉ.ม. มหาตาปสานํ ^๖ ฉ.ม. โสณสิงฺคาลาทีนมฺปิ

เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๓๒๙. http://84000.org/tipitaka/read/attha_page.php?book=7&page=329&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=8395&pagebreak=1 http://84000.org/tipitaka/atthapali/th_line.php?B=7&A=8395&pagebreak=1#p329