อรรถกถาเล่มที่ ๘ หน้าที่ ๒๒๒.

ปเร อโนตฺตปฺปี ^๑- ภวิสฺสนฺติ, มยเมตฺถ โอตฺตปฺปี ^๒- ภวิสฺสามาติ สลฺเลโข กรณีโย"ติ. ^๓- อิเม จ ^๔- มหากสฺสปตฺเถรสฺส โอวาทูปสมฺปทาติ กตฺวา ทสฺสิตา. วุตฺตเญฺหตํ "ตสฺมาติห เต กสฺสป เอวํ สิกฺขิตพฺพํ, ติพฺพํ เม หิโรตฺตปฺปํ ปจฺจุปฏฺิตํ ภวิสฺสติ เถเรสุ นเวสุ มชฺฌิเมสูติ. เอวํ หิ เต กสฺสป สิกฺขิตพฺพนฺ"ติ. ^๕- อิธ ปน เต สมณธมฺมา นามาติ ทสฺสิตา. ยสฺมา ปน เอตฺตาวตา สามญฺตฺโถ มตฺถกํ ปตฺโต นาม โหติ, ตสฺมา อปเรปิ สมณกรณธมฺเม ทสฺเสตุํ สิยา โข ปน ภิกฺขเว ตุมฺหากนฺติอาทิมาห. ตตฺถ สามญฺตฺโถติ สํยุตฺตเก ตาว ^๖- "กตมญฺจ ภิกฺขเว สามญฺ, อยเมว อริโย อฏฺงฺคิโก มคฺโค. เสยฺยถีทํ, สมฺมาทิฏฺิ ฯเปฯ สมฺมาสมาธิ, อิทํ วุจฺจติ ภิกฺขเว สามญฺ. กตโม จ ภิกฺขเว สามญฺตฺโถ, โย โข ภิกฺขเว ราคกฺขโย โทสกฺขโย โมหกฺขโย, อยํ วุจฺจติ ภิกฺขเว สามญฺตฺโถ"ติ ^๗- มคฺโค "สามญฺนฺ"ติ, ผลนิพฺพานานิ "สามญฺตฺโถ"ติ วุตฺตานิ. อิมสฺมึ ปน าเน มคฺคํปิ ผลํปิ เอกโต กตฺวา สามญฺตฺโถ กถิโตติ เวทิตพฺโพ. อาโรจยามีติ กเถมิ. ปฏิเวทยามีติ ชานาเปมิ. [๔๑๗] ปริสุทฺโธ โน กายสมาจาโรติ เอตฺถ กายสมาจาโร ปริสุทฺโธ อปริสุทฺโธติ ทุวิโธ. โย หิ ภิกฺขุ ปาณํ หนติ, อทินฺนํ อาทิยติ, กาเมสุ มิจฺฉา จรติ, ตสฺส กายสมาจาโร อปริสุทฺโธ นาม, อยํ ปน กมฺมปถวเสเนว วาริโต. โย ปน ปาณินา วา เลฑฺฑุนา วา ทณฺเฑน วา สตฺเถน วา ปรํ โปเถติ ^๘- วิเหเติ, ตสฺส กายสมาจาโร อปริสุทฺโธ นาม, อยํปิ สิกฺขาปทพนฺเธเนว ^๙- ปฏิกฺขิตฺโต. อิมสฺมึ สุตฺเต อุภยเมตํ อกเถตฺวา ปรมสลฺเลโข นาม กถิโต. โย หิ ภิกฺขุ ปานียฆเฏ วา ปานียํ ปิวนฺตานํ ปตฺเต วา ภตฺตํ ภุญฺชนฺตานํ กากานํ นิวารณวเสน หตฺถํ วา ทณฺฑํ วา เลฑฺฑุํ วา อุคฺคิรติ, ตสฺส กายสมาจาโร อปริสุทฺโธ. วิปรีโต ปริสุทฺโธ นาม. อุตฺตาโนติ อุคฺคโต ปากโฏ. วิวโฏติ @เชิงอรรถ: ^๑ ฉ.ม. อโนตฺตาปี ^๒ ฉ.ม. โอตฺตาปี ^๓ ม.มู. ๑๒/๘๓/๘๓ สลฺเลขสุตฺต @^๔ ฉ.ม. อิเมว ^๕ สํ.นิ. ๑๖/๑๕๔/๒๑๐-๑ จีวรสุตฺต ^๖ ม. สามญฺ ตาว @^๗ สํ. มหา. ๑๙/๓๖/๑๙ ทุติยสามญฺสุตฺต ^๘ สี. เหเติ @^๙ สี. สิกฺขาปทกฺขนฺเธเนว

เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๒๒๒. http://84000.org/tipitaka/read/attha_page.php?book=8&page=222&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=8&A=5674&pagebreak=1 http://84000.org/tipitaka/atthapali/th_line.php?B=8&A=5674&pagebreak=1#p222