ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๘ ภาษาบาลี อักษรไทย ม.อ. (ปปญฺจ.๒)

หน้าที่ ๗๙.

สามิวจนํ. อสฺสูนิ มุเข เอเตสนฺติ อสฺสุมุขา, เตสํ อสฺสุมุขานํ,
อสฺสุกิลินฺนมุขานนฺติ อตฺโถ. รุทนฺตานนฺติ กนฺทิตฺวา รุทมานานํ. กึ กุสลคเวสีติ
กึ กุสลนฺติ คเวสมาโน. อนุตฺตรํ สนฺติวรปทนฺติ อุตฺตมํ สนฺติสงฺขาตํ วรปทํ,
นิพฺพานํ ปริเยสมาโนติ อตฺโถ. เยน อาฬาโร กาลาโมติ เอตฺถ อาฬาโรติ ตสฺส นามํ,
ทีฆปิงฺคโล กิเรโส. เตนสฺส อาฬาโรติ นามํ อโหสิ. กาลาโมติ โคตฺตํ.
วิหรตายสฺมาติ วิหรตุ อายสฺมา ยตฺถ วิญฺู ปุริโสติ ยสฺมึ ธมฺเม ปณฺฑิโต ปุริโส.
สกํ อาจริยกนฺติ อตฺตโน อาจริยสมยํ. อุปสมฺปชฺช วิหเรยฺยาติ ปฏิลภิตฺวา
วิหเรยฺย. เอตฺตาวตา เตน โอกาโส กโต โหติ. ตํ ธมฺมนฺติ ตํ เตสํ สมยํ
ตนฺตึ. ปริยาปุณินฺติ สุตฺวาว อุคฺคณฺหึ.
    โอฏฺปหตมตฺเตนาติ เตน วุตฺตสฺส ปฏิคฺคหณตฺถํ โอฏฺปหรณมตฺเตน,
อปราปรํ กตฺวา โอฏฺสญฺจรณมตฺเตนาติ อตฺโถ. ลปิตลาปนมตฺเตนาติ เตน
ลปิตสฺส ปฏิลาปนมตฺตเกน. าณวาทนฺติ ชานามีติ วาทํ. เถรวาทนฺติ ถิรภาววาทํ,
เถโร อหเมตฺถาติ เอตํ วจนํ. อหญฺเจว อญฺเ จาติ น เกวลํ อหํ, อญฺเปิ
พหู เอวํ วทนฺติ. เกวลํ สทฺธามตฺตเกนาติ ปญฺาย อสจฺฉิกตฺวา สุทฺเธน
สทฺธามตฺตเกเนว. โพธิสตฺโต กิร วาจาย ธมฺมํ อุคฺคณฺหนฺโตเยว "น กาลามสฺส
วาจาย ปริยตฺติมตฺตเมว อสฺมึ ธมฺเม, อทฺธา เอส สตฺตนฺนํ สมาปตฺตีนํ ลาภี"ติ
อญฺาสิ, เตนสฺส เอตทโหสิ.
    อากิญฺจญฺายตนํ ปเวเทสีติ อากิญฺจญฺายตนปริโยสานา สตฺตสมาปตฺติโย
มํ ชานาเปสิ. สทฺธาติ อิมาสํ สตฺตนฺนํ สมาปตฺตีนํ นิพฺพตฺตนตฺถาย สทฺธา.
วิริยาทีสุปิ เอเสว นโย. ปทเหยฺยนฺติ ปโยคํ กเรยฺยํ. น จิรสฺเสว ตํ ธมฺมํ สยํ
อภิญฺา สจฺฉิกตฺวา อุปสมฺปชฺช วิหาสินฺติ โพธิสตฺโต กิร วิริยํ ปคฺคเหตฺวา
กติปาหญฺเว สตฺตสุวณฺณนิสฺเสณิโย สมฺปาเทนฺโต ๑- วิย สตฺตสมาปตฺติโย
นิพฺพตฺเตสิ, ตสฺมา เอวมาห.
    ลาภา โน อาวุโสติ อนุสฺสุยฺยโก กิเรส กาลาโม. ตสฺมา "อยํ อธุนาคโต,
กินฺติ กตฺวา อิมํ ธมฺมํ นิพฺพตฺเตสี"ติ อุสฺสูยํ อกตฺวา ปสนฺโน ปสาทํ ปเวเทนฺโต
@เชิงอรรถ:  ฉ.ม. ปสาเรนฺโต, สี. สํฆาเฏนฺโต



เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๗๙. http://84000.org/tipitaka/read/attha_page.php?book=8&page=79&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=8&A=2008&pagebreak=1 http://84000.org/tipitaka/atthapali/th_line.php?B=8&A=2008&pagebreak=1#p79


จบการแสดงผล หน้าที่ ๗๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]