ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๙ ภาษาบาลี อักษรไทย ม.อ. (ปปญฺจ.๓)

หน้าที่ ๑๙๘.

เทเสตุกาโม เอวมาห. กึ ปน ตํ พุชฺฌิสฺสตีติ. เอตํ ปเคว น พุชฺฌิสฺสติ,
อนาคเต ปนสฺส วาสนาย ปจฺจโย ภวิสฺสตีติ ทิสฺวา ภควา เอวมาห.
      ปํสุปิสาจกนฺติ อสุจิฏฺาเน นิพฺพตฺตปิสาจํ. โส หิ เอกํ มูลํ คเหตฺวา
อทิสฺสมานกาโย โหติ. ตตฺริทํ วตฺถุ:- เอกา กิร ยกฺขินี เทฺว ทารเก
ถูปารามทฺวาเร นิสีทาเปตฺวา อาหารปริเยสนตฺถํ นครํ คตา. ทารกา เอกํ
ปิณฺฑปาติกตฺเถรํ ทิสฺวา อาหํสุ "ภนฺเต อมฺหากํ มาตา อนฺโตนครํ ปวิฏฺา,
ตสฺสา วเทยฺยาถ `ยํ วา ตํ วา ลทฺธํ ตํ คเหตฺวา สีฆํ คจฺฉ, ทารกา เต
ชิฆจฺฉตาย สณฺาเรตุํ ๑- น สกฺโกนฺตี"ติ. ตมหํ กถํ ปสฺสิสฺสามีติ. อิทํ ภนฺเต
คณฺหถาติ เอกํ มูลกฺขณฺฑํ อทํสุ. เถรสฺส อเนกานิ ยกฺขสหสฺสานิ ปญฺายึสุ,
โส ทารเกหิ ทินฺนสญฺาเณน ตํ ยกฺขินึ อทฺทส วิรูปํ พีภจฺฉํ เกวลํ วีถิยํ ๒-
คพฺภมลํ ปจฺจาสึสมานํ. ทิสฺวา ตมตฺถํ กเถสิ. กถํ มํ ตฺวํ ปสฺสสีติ วุตฺเต
มูลกฺขณฺฑํ ทสฺเสสิ, สา อจฺฉินฺทิตฺวา คณฺหิ. เอวํ ปํสุปิสาจกา เอกํ มูลํ
คเหตฺวา อทิสฺสมานกายา โหนฺติ. ตํ สนฺธาเยส "ปํสุปิสาจกํปิ น ปสฺสามี"ติ
อาห. น ปกฺขายตีติ น ทิสฺสติ น อุปฏฺาติ.
      [๒๗๒] ทีฆาปิ โข เต เอสาติ อุทายิ เอสา ตว วาจา ทีฆาปิ ภเวยฺย,
เอวํ วทนฺตสฺส ๓- วสฺสสตํปิ วสฺสสหสฺสํปิ ปวตฺเตยฺย, น จ อตฺถํ ทีเปยฺยาติ
อธิปฺปาโย. อปฺปาฏิหีรกตนฺติ อนิยฺยานิกํ อมูลกํ นิรตฺถกํ สมฺปชฺชตีติ อตฺโถ.
      อิทานิ ตํ วณฺณํ ทสฺเสนฺโต เสยฺยถาปิ ภนฺเตติอาทิมาห. ตตฺถ ปณฺฑุกมฺพเล
นิกฺขิตฺโตติ วิสภาควณฺเณ รตฺตกมฺพเล ปิโต. เอวํวณฺโณ อตฺตา โหตีติ อิทํ
โส สุภกิณฺหเทวโลเก นิพฺพตฺตกฺขนฺเธ สนฺธาย "อมฺหากํ มตกาเล อตฺตา
สุภกิณฺหเทวโลเก ขนฺธา วิย โชเตตี"ติ วทติ.
      [๒๗๓] อยํ อิเมสํ อุภินฺนนฺติ โส กิร ยสฺมา มณิสฺส พหิ อาภา น
นิจฺฉรติ, ขชฺโชปนกสฺส องฺคุลทฺวงฺคุลจตุรงฺคุลมตฺตํ นิจฺฉรติ, มหาขชฺโชปนกสฺส
ปน ขลมณฺฑลมตฺตํปิ นิจฺฉรติเยว, ตสฺมา เอวมาห.
@เชิงอรรถ:  ฉ.ม. ชิคจฺฉิตํ สนฺธาเรตุํ   สี. เกวฏฺฏวีถิยํ   ม. วทนฺตสฺส จ ปรสฺส ตสฺมึ



เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๑๙๘. http://84000.org/tipitaka/read/attha_page.php?book=9&page=198&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=4991&pagebreak=1 http://84000.org/tipitaka/atthapali/th_line.php?B=9&A=4991&pagebreak=1#p198


จบการแสดงผล หน้าที่ ๑๙๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]