พระไตรปิฎกเล่มที่ ๔๓ ภาษาบาลี อักษรไทย
พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ 

                                    อชฺฌตฺติกทุกํ
                                      ปฏิจฺจวาโร
     [๒๕๖]   อชฺฌตฺติกํ   ธมฺมํ   ปฏิจฺจ  อชฺฌตฺติโก  ธมฺโม  อุปฺปชฺชติ
เหตุปจฺจยา:   ปฏิสนฺธิกฺขเณ   จิตฺตํ   ปฏิจฺจ   อชฺฌตฺติกํ  กฏตฺตารูปํ  ฯ
อชฺฌตฺติกํ    ธมฺมํ    ปฏิจฺจ    พาหิโร  ธมฺโม  อุปฺปชฺชติ  เหตุปจฺจยา:
จิตฺตํ   ปฏิจฺจ   สมฺปยุตฺตกา   ขนฺธา   จิตฺตสมุฏฺฐานญฺจ  รูปํ  ปฏิสนฺธิกฺ-
ขเณ   จิตฺตํ  ปฏิจฺจ  สมฺปยุตฺตกา  ขนฺธา  พาหิรํ  กฏตฺตา  จ  รูปํ  ฯ
อชฺฌตฺติกํ   ธมฺมํ  ปฏิจฺจ  อชฺฌตฺติโก  จ  พาหิโร  จ  ธมฺมา  อุปฺปชฺชนฺติ
เหตุปจฺจยา:    ปฏิสนฺธิกฺขเณ    จิตฺตํ    ปฏิจฺจ    สมฺปยุตฺตกา  ขนฺธา
อชฺฌตฺติกญฺจ    พาหิรญฺจ    กฏตฺตารูปํ    ฯ    พาหิรํ   ธมฺมํ   ปฏิจฺจ
พาหิโร    ธมฺโม   อุปฺปชฺชติ  เหตุปจฺจยา:  พาหิรํ  เอกํ  ขนฺธํ  ปฏิจฺจ
เทฺว   ขนฺธา   จิตฺตสมุฏฺฐานญฺจ  รูปํ  เทฺว  ขนฺเธ  ...  ปฏิสนฺธิกฺขเณ
พาหิรํ   เอกํ   ขนฺธํ   ปฏิจฺจ   เทฺว   ขนฺธา   พาหิรํ   กฏตฺตา   จ
รูปํ   เทฺว   ขนฺเธ   ...   ขนฺเธ   ปฏิจฺจ  วตฺถุ วตฺถุํ  ปฏิจฺจ ขนฺธา
เอกํ   มหาภูตํ   ...  มหาภูเต  ปฏิจฺจ  จิตฺตสมุฏฺฐานํ  รูปํ  กฏตฺตารูปํ
อุปาทารูปํ ฯ
     {๒๕๖.๑}   พาหิรํ   ธมฺมํ   ปฏิจฺจ  อชฺฌตฺติโก  ธมฺโม  อุปฺปชฺชติ
เหตุปจฺจยา:   พาหิเร   ขนฺเธ   ปฏิจฺจ   จิตฺตํ  ปฏิสนฺธิกฺขเณ  พาหิเร
ขนฺเธ   ปฏิจฺจ   จิตฺตํ   อชฺฌตฺติกํ   กฏตฺตา   จ   รูปํ   ปฏิสนฺธิกฺขเณ
พาหิรํ   วตฺถุํ  ปฏิจฺจ  จิตฺตํ   ฯ   พาหิรํ  ธมฺมํ  ปฏิจฺจ  อชฺฌตฺติโก  จ
พาหิโร   จ  ธมฺมา   อุปฺปชฺชนฺติ  เหตุปจฺจยา:   พาหิรํ   เอกํ   ขนฺธํ
ปฏิจฺจ    เทฺว    ขนฺธา   จิตฺตญฺจ  จิตฺตสมุฏฺฐานญฺจ  รูปํ  เทฺว  ขนฺเธ
...   ปฏิสนฺธิกฺขเณ  พาหิรํ  เอกํ  ขนฺธํ  ปฏิจฺจ  เทฺว  ขนฺธา  จิตฺตญฺจ
อชฺฌตฺติกญฺจ    พาหิรญฺจ    กฏตฺตารูปํ    ปฏิสนฺธิกฺขเณ   วตฺถุํ   ปฏิจฺจ
จิตฺตํ สมฺปยุตฺตกา จ ขนฺธา ฯ
     {๒๕๖.๒}   อชฺฌตฺติกญฺจ   พาหิรญฺจ   ธมฺมํ   ปฏิจฺจ   อชฺฌตฺติโก
ธมฺโม   อุปฺปชฺชติ   เหตุปจฺจยา:   ปฏิสนฺธิกฺขเณ   จิตฺตญฺจ  สมฺปยุตฺตเก
จ   ขนฺเธ   ปฏิจฺจ   อชฺฌตฺติกํ   กฏตฺตารูปํ  ฯ  อชฺฌตฺติกญฺจ  พาหิรญฺจ
ธมฺมํ   ปฏิจฺจ   พาหิโร   ธมฺโม  อุปฺปชฺชติ  เหตุปจฺจยา:  พาหิรํ  เอกํ
ขนฺธญฺจ   จิตฺตญฺจ   ปฏิจฺจ   เทฺว   ขนฺธา  จิตฺตสมุฏฺฐานญฺจ  รูปํ  เทฺว
ขนฺเธ  ...  จิตฺตญฺจ  มหาภูเต  จ  ปฏิจฺจ  จิตฺตํ  จิตฺตสมุฏฺฐานญฺจ  รูปํ
ปฏิสนฺธิกฺขเณ   พาหิรํ   เอกํ   ขนฺธญฺจ   จิตฺตญฺจ  ปฏิจฺจ  เทฺว  ขนฺธา
พาหิรํ  กฏตฺตา  จ  รูปํ  จิตฺตญฺจ  มหาภูเต  จ  ปฏิจฺจ พาหิรํ กฏตฺตารูปํ
ปฏิสนฺธิกฺขเณ  จิตฺตญฺจ  วตฺถุญฺจ  ปฏิจฺจ  พาหิรา  ขนฺธา  ฯ  อชฺฌตฺติกญฺจ
พาหิรญฺจ   ธมฺมํ  ปฏิจฺจ  อชฺฌตฺติโก  จ  พาหิโร  จ  ธมฺมา  อุปฺปชฺชนฺติ
เหตุปจฺจยา:   ปฏิสนฺธิกฺขเณ   พาหิรํ   เอกํ   ขนฺธญฺจ  จิตฺตญฺจ  ปฏิจฺจ
เทฺว ขนฺธา อชฺฌตฺติกญฺจ พาหิรญฺจ กฏตฺตารูปํ เทฺว ขนฺเธ ... ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๓ หน้าที่ ๑๔๙-๑๕๑.
https://84000.org/tipitaka/read/pali_item.php?book=43&item=256&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=43&item=256&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=43&item=256&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=43&item=256&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=43&i=256
             สารบัญพระไตรปิฎกเล่มที่ ๔๓
https://84000.org/tipitaka/read/?index_43
https://84000.org/tipitaka/english/?index_43