ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๓ ภาษาบาลี อักษรไทย พระสุตตันตปิฎกเล่มที่ ๕ สุตฺต. ม. มชฺฌิมปณฺณาสกํ
                         สุภสุตฺตํ
     [๗๐๙]   เอวมฺเม   สุตํ   เอกํ  สมยํ  ภควา  สาวตฺถิยํ  วิหรติ
เชตวเน   อนาถปิณฺฑิกสฺส   อาราเม   ฯ   เตน   โข   ปน  สมเยน
สุโภ    มาณโว    โตเทยฺยปุตฺโต    สาวตฺถิยํ    ปฏิวสติ   อญฺตรสฺส
คหปติสฺส    นิเวสเน   เกนจิเทว   กรณีเยน   ฯ   อถ   โข   สุโภ
มาณโว    โตเทยฺยปุตฺโต   ยสฺส   คหปติสฺส   นิเวสเน   ปฏิวสติ   ตํ
คหปตึ   เอตทโวจ   สุตเมตํ   คหปติ   อวิวิตฺตา   สาวตฺถี  อรหนฺเตหิ
กํ  ๑-  นุ  ขฺวชฺช  สมณํ  วา  พฺราหฺมณํ  วา  ปยิรุปาเสยฺยามาติ ฯ อยํ
ภนฺเต   ภควา   สาวตฺถิยํ   วิหรติ  เชตวเน  อนาถปิณฺฑิกสฺส  อาราเม
ตํ ภนฺเต ภควนฺตํ ปยิรุปาสสฺสูติ ฯ
     [๗๑๐]   อถ  โข  สุโภ  มาณโว  โตเทยฺยปุตฺโต  ตสฺส  คหปติสฺส
ปฏิสฺสุตฺวา    เยน    ภควา    เตนุปสงฺกมิ    อุปสงฺกมิตฺวา   ภควตา
สทฺธึ   สมฺโมทิ   สมฺโมทนียํ   กถํ   สาราณียํ   วีติสาเรตฺวา  เอกมนฺตํ
นิสีทิ   ฯ   เอกมนฺตํ   นิสินฺโน   โข   สุโภ   มาณโว  โตเทยฺยปุตฺโต
ภควนฺตํ   เอตทโวจ   พฺราหฺมณา   โภ   โคตม   เอวมาหํสุ   คหฏฺโ
อาราธโก    โหติ   ายํ   ธมฺมํ   กุสลํ   น   ปพฺพชิโต   อาราธโก
โหติ ายํ ธมฺมํ กุสลนฺติ อิธ ภวํ โคตโม กิมาหาติ ฯ
     {๗๑๐.๑}  วิภชวาโท  โข  อหเมตฺถ มาณว นาหเมตฺถ เอกํสวาโท
คิหิสฺส  วาหํ  มาณว  ปพฺพชิตสฺส  วา มิจฺฉาปฏิปตฺตึ [๒]- วณฺเณมิ คิหี วา
@เชิงอรรถ:  ยุ. กนฺนุ ฯ  ยุ. เอตฺถนฺตเร นสทฺโท ทิสฺสติ ฯ
หิ   มาณว   ปพฺพชิโต   วา   มิจฺฉาปฏิปนฺโน   มิจฺฉาปฏิปตฺตาธิกรณเหตุ
น  อาราธโก  โหติ  ายํ  ธมฺมํ  กุสลํ  คิหิสฺส  วาหํ  มาณว ปพฺพชิตสฺส
วา   สมฺมาปฏิปตฺตึ   วณฺเณมิ   คิหี   วา   หิ   มาณว  ปพฺพชิโต  วา
สมฺมาปฏิปนฺโน      สมฺมาปฏิปตฺตาธิกรณเหตุ      อาราธโก      โหติ
ายํ ธมฺมํ กุสลนฺติ ฯ
     [๗๑๑]   พฺราหฺมณา  โภ  โคตม  เอวมาหํสุ  มหตฺถมิทํ  มหากิจฺจํ
มหาธิกรณํ     มหาสมารมฺภํ     ฆราวาสกมฺมฏฺานํ    มหปฺผลํ    โหติ
อปฺปตฺถมิทํ     อปฺปกิจฺจํ     อปฺปาธิกรณํ    อปฺปสมารมฺภํ    ปพฺพชฺชา-
กมฺมฏฺานํ อปฺปปฺผลํ โหตีติ อิธ ภวํ โคตโม กิมาหาติ ฯ
     {๗๑๑.๑}  เอตฺถปิ โข อหํ มาณว วิภชวาโท นาหเมตฺถ เอกํสวาโท
อตฺถิ   มาณว   กมฺมฏฺานํ   มหตฺถํ  มหากิจฺจํ  มหาธิกรณํ  มหาสมารมฺภํ
วิปชฺชมานํ   อปฺปปฺผลํ  โหติ  อตฺถิ  มาณว  กมฺมฏฺานํ  มหตฺถํ  มหากิจฺจํ
มหาธิกรณํ   มหาสมารมฺภํ   สมฺปชฺชมานํ   มหปฺผลํ   โหติ  อตฺถิ  มาณว
กมฺมฏฺานํ   อปฺปตฺถํ   อปฺปกิจฺจํ   อปฺปาธิกรณํ  อปฺปสมารมฺภํ  วิปชฺชมานํ
อปฺปปฺผลํ  โหติ  อตฺถิ  มาณว  กมฺมฏฺานํ  อปฺปตฺถํ  อปฺปกิจฺจํ อปฺปาธิกรณํ
อปฺปสมารมฺภํ สมฺปชฺชมานํ มหปฺผลํ โหติ ฯ
     [๗๑๒]   กตมํ  ๑-  มาณว  กมฺมฏฺานํ  มหตฺถํ มหากิจฺจํ มหาธิกรณํ
มหาสมารมฺภํ   วิปชฺชมานํ  อปฺปปฺผลํ  โหติ  กสิ  โข  มาณว  กมฺมฏฺานํ
มหตฺถํ      มหากิจฺจํ      มหาธิกรณํ     มหาสมารมฺภํ     วิปชฺชมานํ
@เชิงอรรถ:  ยุ. กตมญฺจ ฯ
อปฺปปฺผลํ   โหติ   ฯ   กตมญฺจ   มาณว   กมฺมฏฺานํ  มหตฺถํ  มหากิจฺจํ
มหาธิกรณํ    มหาสมารมฺภํ    สมฺปชฺชมานํ    มหปฺผลํ   โหติ   กสิเยว
โข   มาณว   กมฺมฏฺานํ   มหตฺถํ   มหากิจฺจํ  มหาธิกรณํ  มหาสมารมฺภํ
สมฺปชฺชมานํ    มหปฺผลํ    โหติ    ฯ    กตมญฺจ   มาณว   กมฺมฏฺานํ
อปฺปตฺถํ   อปฺปกิจฺจํ   อปฺปาธิกรณํ   อปฺปสมารมฺภํ   วิปชฺชมานํ  อปฺปปฺผลํ
โหติ   วนิชฺชา  โข  มาณว  กมฺมฏฺานํ  อปฺปตฺถํ  อปฺปกิจฺจํ  อปฺปาธิกรณํ
อปฺปสมารมฺภํ    วิปชฺชมานํ    อปฺปปฺผลํ   โหติ   ฯ   กตมญฺจ   มาณว
กมฺมฏฺานํ     อปฺปตฺถํ     อปฺปกิจฺจํ     อปฺปาธิกรณํ     อปฺปสมารมฺภํ
สมฺปชฺชมานํ   มหปฺผลํ   โหติ   วนิชฺชาเยว   โข   มาณว   กมฺมฏฺานํ
อปฺปตฺถํ     อปฺปกิจฺจํ     อปฺปาธิกรณํ     อปฺปสมารมฺภํ    สมฺปชฺชมานํ
มหปฺผลํ โหติ ฯ
     [๗๑๓]   เสยฺยถาปิ   มาณว   กสิกมฺมฏฺานํ   มหตฺถํ   มหากิจฺจํ
มหาธิกรณํ    มหาสมารมฺภํ    วิปชฺชมานํ   อปฺปปฺผลํ   โหติ   เอวเมว
โข    มาณว    ฆราวาสกมฺมฏฺานํ    มหตฺถํ    มหากิจฺจํ   มหาธิกรณํ
มหาสมารมฺภํ   วิปชฺชมานํ   อปฺปปฺผลํ   โหติ   ฯ   เสยฺยถาปิ   มาณว
กสิเยว    กมฺมฏฺานํ    มหตฺถํ   มหากิจฺจํ   มหาธิกรณํ   มหาสมารมฺภํ
สมฺปชฺชมานํ   มหปฺผลํ   โหติ  เอวเมว  โข  มาณว  ฆราวาสกมฺมฏฺานํ
มหตฺถํ      มหากิจฺจํ     มหาธิกรณํ     มหาสมารมฺภํ     สมฺปชฺชมานํ
มหปฺผลํ   โหติ   ฯ   เสยฺยถาปิ   มาณว   วนิชฺชากมฺมฏฺานํ   อปฺปตฺถํ
อปฺปกิจฺจํ    อปฺปาธิกรณํ   อปฺปสมารมฺภํ   วิปชฺชมานํ   อปฺปปฺผลํ   โหติ
เอวเมว    โข    มาณว    ปพฺพชฺชากมฺมฏฺานํ    อปฺปตฺถํ   อปฺปกิจฺจํ
อปฺปาธิกรณํ   อปฺปสมารมฺภํ   วิปชฺชมานํ  อปฺปปฺผลํ  โหติ  ฯ  เสยฺยถาปิ
มาณว    วนิชฺชาเยว    กมฺมฏฺานํ   อปฺปตฺถํ   อปฺปกิจฺจํ   อปฺปาธิกรณํ
อปฺปสมารมฺภํ   สมฺปชฺชมานํ   มหปฺผลํ   โหติ   เอวเมว   โข   มาณว
ปพฺพชฺชากมฺมฏฺานํ    อปฺปตฺถํ    อปฺปกิจฺจํ   อปฺปาธิกรณํ   อปฺปสมารมฺภํ
สมฺปชฺชมานํ มหปฺผลํ โหตีติ ฯ
     [๗๑๔]   พฺราหฺมณา   โภ   โคตม   ปญฺจ   ธมฺเม   ปญฺเปนฺติ
ปุญฺสฺส   กิริยาย   กุสลสฺส   อาราธนายาติ   ฯ   เย   เต   มาณว
พฺราหฺมณา    ปญฺจ   ธมฺเม   ปญฺเปนฺติ   ปุญฺสฺส   กิริยาย   กุสลสฺส
อาราธนาย   สเจ   เต   อครุ  สาธุ  เต  ปญฺจ  ธมฺเม  อิมสฺมึ  ๑-
ปริสติ  ๒-  ภาสสฺสูติ  ฯ  น  โข  ๓-  โภ  โคตม ครุ ยตฺถสฺสุ ภวนฺโต
วา นิสินฺนา ภวนฺตรูปา วาติ ฯ เตนหิ มาณว ภาสสฺสูติ ฯ
     [๗๑๕]   สจฺจํ   โข   โภ   โคตม   พฺราหฺมณา   ปมํ   ธมฺมํ
ปญฺเปนฺติ    ปุญฺสฺส    กิริยาย    กุสลสฺส   อาราธนาย   ตปํ   โข
โภ   โคตม   พฺราหฺมณา   ทุติยํ   ธมฺมํ   ปญฺเปนฺติ  ปุญฺสฺส  กิริยาย
กุสลสฺส    อาราธนาย    พฺรหฺมจริยํ   โข   โภ   โคตม   พฺราหฺมณา
ตติยํ    ธมฺมํ   ปญฺเปนฺติ   ปุญฺสฺส   กิริยาย   กุสลสฺส   อาราธนาย
อชฺเฌนํ   โข   โภ   โคตม   พฺราหฺมณา   จตุตฺถํ   ธมฺมํ   ปญฺเปนฺติ
ปุญฺสฺส   กิริยาย   กุสลสฺส   อาราธนาย   จาคํ   โข   โภ   โคตม
@เชิงอรรถ:  อิมิสฺสนฺติ ปาเน ภวิตพฺพํ ฯ  ยุ. ปริสตึ ฯ  ยุ. น โข เม ฯ
พฺราหฺมณา    ปญฺจมํ   ธมฺมํ   ปญฺเปนฺติ   ปุญฺสฺส   กิริยาย   กุสลสฺส
อาราธนาย   พฺราหฺมณา   โภ   โคตม  อิเม  ปญฺจ  ธมฺเม  ปญฺเปนฺติ
ปุญฺสฺส กิริยาย กุสลสฺส อาราธนายาติ อิธ ภวํ โคตโม กิมาหาติ ฯ
     [๗๑๖]   กึ  ปน  มาณว  อตฺถิ  โกจิ  พฺราหฺมณานํ เอกพฺราหฺมโณปิ
โย   เอวมาห   อหํ   อิเมสํ   ปญฺจนฺนํ   ธมฺมานํ   สยํ  ๑-  อภิญฺา
สจฺฉิกตฺวา  วิปากํ  ปเวเทมีติ  ฯ  โน  หิทํ  โภ  โคตม ฯ กึ ปน มาณว
อตฺถิ   โกจิ   พฺราหฺมณานํ   เอกาจริโยปิ   เอกาจริยปาจริโยปิ   ยาว
สตฺตมา   อาจริยมหยุคา   โย  เอวมาห  อหํ  อิเมสํ  ปญฺจนฺนํ  ธมฺมานํ
สยํ  อภิญฺา  สจฺฉิกตฺวา  วิปากํ  ปเวเทมีติ  ฯ  โน  หิทํ  โภ โคตม ฯ
กึ   ปน   มาณว   เยปิ   เต   พฺราหฺมณานํ  ปุพฺพกา  อิสโย  มนฺตานํ
กตฺตาโร   มนฺตานํ   ปวตฺตาโร   เยสมิทํ   เอตรหิ   พฺราหฺมณานํ  ๒-
โปราณํ    มนฺตปทํ   คีตํ   ปวุตฺตํ   สมิหิตํ   ตทนุคายนฺติ   ตทนุภาสนฺติ
ภาสิตมนุภาสนฺติ    วาจิตมนุวาเจนฺติ    เสยฺยถีทํ    อฏฺโก    วามโก
วามเทโว   เวสฺสามิตฺโต   ยมตคฺคิ   องฺคีรโส  ภารทฺวาโช  วาเสฏฺโ
กสฺสโป   ภคุ   เตปิ   เอวมาหํสุ   มยํ   อิเมสํ  ปญฺจนฺนํ  [๓]-  สยํ
อภิญฺา สจฺฉิกตฺวา วิปากํ ปเวเทมาติ ฯ โน หิทํ โภ โคตม ฯ
     [๗๑๗]   อิติ  กิร  มาณว  นตฺถิ  โกจิ พฺราหฺมณานํ เอกพฺราหฺมโณปิ
โย     เอวมาห     อหํ     อิเมสํ     ปญฺจนฺนํ    ธมฺมานํ     สยํ
@เชิงอรรถ:  ยุ. สยนฺติ นตฺถิ ฯ  ยุ. พฺราหฺมณาติ ทิสฺสติ ฯ  ยุ. เอตฺถนฺตเร ธมฺมานนฺติ
@ทิสฺสติ ฯ
อภิญฺา   สจฺฉิกตฺวา   วิปากํ   ปเวเทมีติ   นตฺถิ   โกจิ   พฺราหฺมณานํ
เอกาจริโยปิ   เอกาจริยปาจริโยปิ   ยาว  สตฺตมา  อาจริยมหยุคา  โย
เอวมาห   อหํ   อิเมสํ   ปญฺจนฺนํ   ธมฺมานํ   สยํ  อภิญฺา  สจฺฉิกตฺวา
วิปากํ   ปเวเทมีติ   เยปิ   เต  พฺราหฺมณานํ  ปุพฺพกา  อิสโย  มนฺตานํ
กตฺตาโร   มนฺตานํ   ปวตฺตาโร  เยสมิทํ  เอตรหิ  พฺราหฺมณานํ  โปราณํ
มนฺตปทํ   คีตํ  ปวุตฺตํ  สมิหิตํ  ตทนุคายนฺติ  ตทนุภาสนฺติ  ภาสิตมนุภาสนฺติ
วาจิตมนุวาเจนฺติ   เสยฺยถีทํ  อฏฺโก  วามโก  วามเทโว  เวสฺสามิตฺโต
ยมตคฺคิ  องฺคีรโส  ภารทฺวาโช  วาเสฏฺโ กสฺสโป ภคุ เตปิ น เอวมาหํสุ
มยํ อิเมสํ ปญฺจนฺนํ ธมฺมานํ สยํ อภิญฺา สจฺฉิกตฺวา วิปากํ ปเวเทมาติ
     {๗๑๗.๑}   เสยฺยถาปิ  มาณว  อนฺธเวณิ  ปรํปราสํสตฺตา  ปุริโมปิ
น   ปสฺสติ   มชฺฌิโมปิ  น  ปสฺสติ  ปจฺฉิโมปิ  น  ปสฺสติ  เอวเมว  โข
มาณว     อนฺธเวณูปมํ    มญฺเ    พฺราหฺมณานํ    ภาสิตํ    สมฺปชฺชติ
ปุริโมปิ น ปสฺสติ มชฺฌิโมปิ น ปสฺสติ ปจฺฉิโมปิ น ปสฺสตีติ ฯ
     [๗๑๘]   เอวํ  วุตฺเต  สุโภ  มาณโว  โตเทยฺยปุตฺโต  ภควโต ๑-
อนฺธเวณูปมฺเมน   วุจฺจมาโน   กุปิโต  อนตฺตมโน  ภควนฺตํเยว  ขุํเสนฺโต
ภควนฺตํเยว    วมฺเภนฺโต    ภควนฺตํเยว   วทมาโน   สมโณ   โคตโม
ปาปิโต   ๒-   ภวิสฺสตีติ   ภควนฺตํ  เอตทโวจ  พฺราหฺมโณ  ๓-  โคตม
โปกฺขรสาติ   โอปมญฺโ   สุภควนิโก   เอวมาห   เอวเมว   โข  ๔-
ปนิเม   เก  สมณพฺราหฺมณา  อุตฺตรึ  มนุสฺสธมฺมา  อลมริยาณทสฺสนวิเสสํ
@เชิงอรรถ:  ยุ. ภควตา ฯ ๒. ยุ. ปาปิโก ฯ  ยุ. พฺราหฺมโณ โภ ฯ  ยุ. โขติ นตฺถิ ฯ
ปฏิชานนฺติ    เตสมิทํ    ภาสิตํ    หสฺสกํเยว    สมฺปชฺชติ   นามกํเยว
สมฺปชฺชติ   ริตฺตกํเยว   สมฺปชฺชติ   ตุจฺฉกํเยว  สมฺปชฺชติ  กถํ  หิ  นาม
มนุสฺสภูโต       อุตฺตรึ       มนุสฺสธมฺมา      อลมริยาณทสฺสนวิเสสํ
สฺสติ วา ทกฺขิติ ๑- วา สจฺฉิ วา กริสฺสตีติ เนตํ านํ วิชฺชตีติ ฯ
     {๗๑๘.๑}   กึ   ปน  มาณว  พฺราหฺมโณ  โปกฺขรสาติ  โอปมญฺโ
สุภควนิโก    สพฺเพสํเยว   สมณพฺราหฺมณานํ   เจตสา   เจโต   ปริจฺจ
ปชานาตีติ   ฯ  สกายปิ  หิ  โภ  โคตม  ปุณฺณิกาย  ทาสิยา  พฺราหฺมโณ
โปกฺขรสาติ   โอปมญฺโ   สุภควนิโก   [๒]-   เจตสา  เจโต  ปริจฺจ
ปชานาติ   กุโต   ปน   สพฺเพสํเยว   สมณพฺราหฺมณานํ  เจตสา  เจโต
ปริจฺจ ปชานิสฺสตีติ ฯ
     [๗๑๙]   เสยฺยถาปิ  มาณว  ชจฺจนฺโธ  ปุริโส  โส ๓- น ปสฺเสยฺย
กณฺหสุกฺกานิ   รูปานิ   น   ปสฺเสยฺย   นีลกานิ   รูปานิ   น  ปสฺเสยฺย
ปีตกานิ   รูปานิ   น   ปสฺเสยฺย   โลหิตกานิ   รูปานิ   น   ปสฺเสยฺย
มญฺเชฏฺกานิ    รูปานิ    น    ปสฺเสยฺย   สมวิสมานิ   น   ปสฺเสยฺย
ตารกรูปานิ   น   ปสฺเสยฺย   จนฺทิมสุริเย   โส   เอวํ  วเทยฺย  นตฺถิ
กณฺหสุกฺกานิ    รูปานิ    นตฺถิ   กณฺหสุกฺกานํ   รูปานํ   ทสฺสาวี   นตฺถิ
นีลกานิ   รูปานิ   นตฺถิ   นีลกานํ   รูปานํ   ทสฺสาวี   นตฺถิ   ปีตกานิ
รูปานิ   นตฺถิ   ปีตกานํ   รูปานํ   ทสฺสาวี   นตฺถิ   โลหิตกานิ  รูปานิ
นตฺถิ    โลหิตกานํ    รูปานํ   ทสฺสาวี   นตฺถิ   มญฺเชฏฺกานิ   รูปานิ
นตฺถิ   มญฺเชฏฺกานํ   รูปานํ  ทสฺสาวี  นตฺถิ  สมวิสมํ  นตฺถิ  สมวิสมสฺส
@เชิงอรรถ:  ยุ. ทกฺขิสฺสติ ฯ  ยุ. เอตฺถนฺตเร นสทฺโท ทิสฺสติ ฯ  ยุ. โสติ นตฺถิ ฯ
ทสฺสาวี     นตฺถิ     ตารกรูปานิ     นตฺถิ    ตารกรูปานํ    ทสฺสาวี
นตฺถิ    จนฺทิมสุริยา    นตฺถิ    จนฺทิมสุริยานํ   ทสฺสาวี   อหเมตํ   น
ชานามิ   อหเมตํ  น  ปสฺสามิ  ตสฺมา  ตํ  ๑-  นตฺถีติ  สมฺมา  นุ  โข
โส มาณว วทมาโน วเทยฺยาติ ฯ
     {๗๑๙.๑}   โน  หิทํ  โภ  โคตม  อตฺถิ  กณฺหสุกฺกานิ  รูปานิ อตฺถิ
กณฺหสุกฺกานํ   รูปานํ   ทสฺสาวี   อตฺถิ   นีลกานิ  รูปานิ  อตฺถิ  นีลกานํ
รูปานํ   ทสฺสาวี  อตฺถิ  ปีตกานิ  รูปานิ  อตฺถิ  ปีตกานํ  รูปานํ  ทสฺสาวี
อตฺถิ   โลหิตกานิ   รูปานิ   อตฺถิ   โลหิตกานํ   รูปานํ  ทสฺสาวี  อตฺถิ
มญฺเชฏฺกานิ   รูปานิ   อตฺถิ   มญฺเชฏฺกานํ   รูปานํ   ทสฺสาวี   อตฺถิ
สมวิสมํ    อตฺถิ    สมวิสมสฺส    ทสฺสาวี   อตฺถิ   ตารกรูปานิ   อตฺถิ
ตารกรูปานํ    ทสฺสาวี    อตฺถิ    จนฺทิมสุริยา    อตฺถิ   จนฺทิมสุริยานํ
ทสฺสาวี   อหเมตํ   น   ชานามิ  อหเมตํ  น  ปสฺสามิ  ตสฺมา  ตํ  ๒-
นตฺถีติ น หิ ๓- โภ โคตม สมฺมา วทมาโน วเทยฺยาติ ฯ
     {๗๑๙.๒}  เอวเมว  โข  มาณว พฺราหฺมโณ โปกฺขรสาติ โอปมญฺโ
สุภควนิโก  อนฺโธ  อจกฺขุโก  โส  วต  อุตฺตรึ  มนุสฺสธมฺมา อลมริยาณ-
ทสฺสนวิเสสํ   สฺสติ   วา   ทกฺขิติ   วา  สจฺฉิ  วา  กริสฺสตีติ  เนตํ
านํ วิชฺชติ ฯ
     [๗๒๐]   ตํ  กึ  มญฺสิ  มาณว  เย  ปน  ๔-  เต  โกสลิกา ๕-
พฺราหฺมณมหาสาลา     เสยฺยถีทํ     จงฺกี     พฺราหฺมโณ     ตารุกฺโข
พฺราหฺมโณ     โปกฺขรสาติ     พฺราหฺมโณ     ชาณุสฺโสณิ    พฺราหฺมโณ
ปิตา   วา   เต   โตเทยฺโย   กตมา   เนสํ   เสยฺยา  ยํ  วา  เต
@เชิงอรรถ: ๑-๒ ยุ. ตนฺติ นตฺถิ ฯ  ยุ. น หิ โส โภ ฯ  ยุ. ปน สทฺโท นตฺถิ ฯ  ยุ.
@โกสลกา ฯ
สํมุจฺฉา  ๑-  วาจํ  ภาเสยฺยุํ  ยํ  วา  อสํมุจฺฉาติ  ๒-  ฯ  สํมุจฺฉา โภ
โคตม  ฯ  กตมา  เตสํ  เสยฺยา  ยํ  วา  เต  มนฺตา วาจํ ภาเสยฺยุํ ยํ
วา  อมนฺตาติ  ฯ  มนฺตา  โภ  โคตม  ฯ กตมา เตสํ เสยฺยา ๓- ยํ วา
เต  ปฏิสงฺขาย  วาจํ  ภาเสยฺยุํ  ยํ  วา  อปฺปฏิสงฺขายาติ  ฯ ปฏิสงฺขาย
โภ  โคตม  ฯ  กตมา  เตสํ  เสยฺยา  ๔-  ยํ  วา เต อตฺถสญฺหิตํ วาจํ
ภาเสยฺยุํ ยํ วา อนตฺถสญฺหิตนฺติ ฯ อตฺถสญฺหิตํ โภ โคตม ฯ
     [๗๒๑]   ตํ   กึ  มญฺสิ  มาณว  ยทิ  เอวํ  สนฺเต  พฺราหฺมเณน
โปกฺขรสาตินา   โอปมญฺเน   สุภควนิเกน   สํมุจฺฉา   วาจา   ภาสิตา
อสํมุจฺฉาติ  ๕-  ฯ  สํมุจฺฉา  โภ  โคตม ฯ มนฺตา วาจา ภาสิตา อมนฺตา
วาจาติ  ๖-  ฯ  อมนฺตา  โภ  โคตม  ฯ  ปฏิสงฺขาย ภาสิตา ๗- วาจา
อปฺปฏิสงฺขายาติ   ๘-   ฯ   อปฺปฏิสงฺขาย  โภ  โคตม  ฯ  อตฺถสญฺหิตา
วาจา ภาสิตา อนตฺถสญฺหิตาติ ๙- ฯ อนตฺถสญฺหิตา โภ โคตม ฯ
     [๗๒๒]   ปญฺจ  โข  อิเม  มาณว  นีวรณา กตเม ปญฺจ กามจฺฉนฺท-
นีวรณํ      พฺยาปาทนีวรณํ      ถีนมิทฺธนีวรณํ     อุทฺธจฺจกุกฺกุจฺจนีวรณํ
วิจิกิจฺฉานีวรณํ  อิเม  โข  มาณว  ปญฺจ  นีวรณา  ฯ  อิเมหิ  โข มาณว
ปญฺจหิ    นีวรเณหิ   พฺราหฺมโณ   โปกฺขรสาติ   โอปมญฺโ   สุภควนิโก
อาวุโต  ๑๐-  นิวุโต  โอผุโต  ปริโยนทฺโธ  โส  วต อุตฺตรึ มนุสฺสธมฺมา
อลมริยาณทสฺสนวิเสสํ   สฺสติ   วา  ทกฺขิติ  วา  สจฺฉิ  วา  กริสฺสตีติ
เนตํ านํ วิชฺชติ ฯ
@เชิงอรรถ:  ยุ. สมฺมุสา ฯ  ยุ. อสมฺมุสา ฯ ๓-๔ ยุ. เสยฺโย ฯ  ยุ. อสมฺมุสา วาติ ฯ
@ ยุ. อมนฺตา วาติ ฯ  ยุ. วาจา ภาสิตา ฯ  ยุ. อปฺปฏิสงฺขาย วาติ ฯ  ยุ.
@อนตฺถสญฺหิตา วาติ ฯ ๑๐ ยุ. อาวโฏ ฯ
     [๗๒๓]   ปญฺจ   โข   อิเม   มาณว   กามคุณา   กตเม  ปญฺจ
จกฺขุวิญฺเยฺยา   รูปา   อิฏฺา   กนฺตา  มนาปา  ปิยรูปา  กามูปสญฺหิตา
รชนียา   โสตวิญฺเยฺยา   สทฺทา   ...   ฆานวิญฺเยฺยา  คนฺธา  ...
ชิวฺหาวิญฺเยฺยา      รสา     ...     กายวิญฺเยฺยา     โผฏฺพฺพา
อิฏฺา    กนฺตา    มนาปา   ปิยรูปา   กามูปสญฺหิตา   รชนียา   อิเม
โข  มาณว  ปญฺจ  กามคุณา  ฯ  อิเมหิ  โข  มาณว  ปญฺจหิ  กามคุเณหิ
พฺราหฺมโณ   โปกฺขรสาติ   โอปมญฺโ   สุภควนิโก  คธิโต  ๑-  มุจฺฉิโต
อชฺฌาปนฺโน       อนาทีนวทสฺสาวี       อนิสฺสรณปญฺโ      ปริภุญฺชติ
โส    วต    อุตฺตรึ    มนุสฺสธมฺมา    อลมริยาณทสฺสนวิเสสํ   สฺสติ
วา ทกฺขิติ วา สจฺฉิ วา กริสฺสตีติ เนตํ านํ วิชฺชติ ฯ
     [๗๒๔]   ตํ   กึ  มญฺสิ  มาณว  ยํ  วา  ติณกฏฺฐุปาทานํ  ปฏิจฺจ
อคฺคึ    ชาเลยฺย   ยํ   วา   นิสฺสฏฺติณกฏฺฐุปาทานํ   อคฺคึ   ชาเลยฺย
กตโม  นุ  โข  อสฺส  อคฺคิ  อจฺจิมา  เจว  ๔-  วณฺณิมา  จ  ปภสฺสโร
จาติ   ฯ   สเจ   ตํ   โภ  โคตม  านํ  นิสฺสฏฺติณกฏฺฐุปาทานํ  อคฺคึ
ชลิตุํ   ๓-   สฺวาสฺส  อคฺคิ  อจฺจิมา  เจว  ๒-  วณฺณิมา  จ  ปภสฺสโร
จาติ   ฯ   อฏฺานํ   โข   เอตํ   มาณว   อนวกาโส   ยํ  นิสฺสฏฺ-
ติณกฏฺฐุปาทานํ    อคฺคึ    ชาเลยฺย   อญฺตฺร   อิทฺธิมตา   เสยฺยถาปิ
มาณว    ติณกฏฺฐุปาทานํ    ปฏิจฺจ    อคฺคิ   ชลติ   ตถูปมาหํ   มาณว
อิมํ   ปีตึ   วทามิ   ยายํ  ปีติ  ปญฺจ  กามคุเณ  ปฏิจฺจ  ฯ  เสยฺยถาปิ
มาณว     นิสฺสฏฺติณกฏฺฐุปาทาโน    ๕-    อคฺคิ    ชลติ    ตถูปมาหํ
@เชิงอรรถ:  ยุ.คถิโต ฯ ๒-๔ ยุ.เอวสทฺโท นตฺถิ ฯ  ยุ.ชาลิตุํ ฯ  ยุ. ...ปาทานํ ปฏิจฺจ ฯ
มาณว   อิมํ   ปีตึ   วทามิ   ยายํ   ปีติ  อญฺเตฺรว  กาเมหิ  อญฺตฺร
อกุสเลหิ ธมฺเมหิ
     {๗๒๔.๑}   กตมา    จ   มาณว   ปีติ   อญฺเตฺรว   กาเมหิ
อญฺตฺร   อกุสเลหิ   ธมฺเมหิ   อิธ   มาณว   ภิกฺขุ  วิวิจฺเจว  กาเมหิ
วิวิจฺจ   อกุสเลหิ   ธมฺเมหิ   ฯเปฯ   ปมํ   ฌานํ  อุปสมฺปชฺช  วิหรติ
อยมฺปิ   โข   มาณว   ปีติ   อญฺเตฺรว   กาเมหิ   อญฺตฺร  อกุสเลหิ
ธมฺเมหิ  ฯ  ปุน  จปรํ  มาณว  [๑]- วิตกฺกวิจารานํ วูปสมา ฯเปฯ ทุติยํ
ฌานํ    อุปสมฺปชฺช   วิหรติ   อยมฺปิ   โข   มาณว   ปีติ   อญฺเตฺรว
กาเมหิ อญฺตฺร อกุสเลหิ ธมฺเมหิ ฯ
     [๗๒๕]   เย   เต  มาณว  พฺราหฺมณา  ปญฺจ  ธมฺเม  ปญฺเปนฺติ
ปุญฺสฺส   กิริยาย   กุสลสฺส   อาราธนาย   กเมตฺถ   พฺราหฺมณา  ธมฺมํ
มหปฺผลตรํ   ปญฺเปนฺติ   ปุญฺสฺส   กิริยาย  กุสลสฺส  อาราธนายาติ  ฯ
เยเม   โภ   โคตม   พฺราหฺมณา   ปญฺจ   ธมฺเม  ปญฺเปนฺติ  ปุญฺสฺส
กิริยาย   กุสลสฺส  อาราธนาย  จาคเมตฺถ  พฺราหฺมณา  ธมฺมํ  มหปฺผลตรํ
ปญฺเปนฺติ ปุญฺสฺส กิริยาย กุสลสฺส อาราธนายาติ ฯ
     [๗๒๖]   ตํ   กึ   มญฺสิ   มาณว  อิธ  อญฺตรสฺส  พฺราหฺมณสฺส
มหายญฺโ   ปจฺจุปฏฺิโต   อสฺส  ฯ  อถ  เทฺว  พฺราหฺมณา  อาคจฺเฉยฺยุํ
อิตฺถนฺนามสฺส   พฺราหฺมณสฺส   มหายญฺ   อนุภวิสฺสามาติ   ฯ  ตตฺร  ๒-
เอกสฺส   พฺราหฺมณสฺส   เอวมสฺส   อโห  วตาหเมว  ลเภยฺยํ  ภตฺตคฺเค
อคฺคาสนํ   อคฺโคทกํ   อคฺคปิณฺฑํ   น   อญฺเ  ๓-  พฺราหฺมณา  ลเภยฺยุํ
ภตฺตคฺเค   อคฺคาสนํ   อคฺโคทกํ   อคฺคปิณฺฑนฺติ   ฯ   านํ  โข  ปเนตํ
@เชิงอรรถ:  ยุ. เอตฺถนฺตเร ภิกฺขูติ ทิสฺสติ ฯ  ยุ. ตตฺเถว ตสฺส ฯ  ยุ. น อญฺโ
@พฺราหฺมโณ ลเภยฺย ฯ
มาณว    วิชฺชติ    ยํ    อญฺโ    พฺราหฺมโณ    ลเภยฺย    ภตฺตคฺเค
อคฺคาสนํ    อคฺโคทกํ    อคฺคปิณฺฑํ    น    โส   พฺราหฺมโณ   ลเภยฺย
ภตฺตคฺเค    อคฺคาสนํ    อคฺโคทกํ    อคฺคปิณฺฑํ    ฯ    อญฺเ    ๑-
พฺราหฺมณา    ลภนฺติ    ภตฺตคฺเค    อคฺคาสนํ    อคฺโคทกํ    อคฺคปิณฺฑํ
นาหํ    ลภามิ    ภตฺตคฺเค   อคฺคาสนํ   อคฺโคทกํ   อคฺคปิณฺฑนฺติ   อิติ
โส   กุปิโต   ๒-   อนตฺตมโน   อิมสฺส   ปน   มาณว  พฺราหฺมณา  กึ
วิปากํ   ปญฺเปนฺตีติ   ฯ   น   เขฺวตฺถ  โภ  โคตม  พฺราหฺมณา  เอวํ
ทานํ   เทนฺติ   อิมินา  ๓-  จ  โว  กุปิโต  อนตฺตมโนติ  อถ  เขฺวตฺถ
พฺราหฺมณา   อนุกมฺปชาติกํเยว   ทานํ   เทนฺตีติ   ฯ  เอวํ  สนฺเต  โข
มาณว   พฺราหฺมณานํ   อิทํ   ฉฏฺ   ปุญฺกิริยาวตฺถุํ   ๔-   โหติ  ยทิทํ
อนุกมฺปชาติกนฺติ   ๕-   ฯ  เอวํ  สนฺเต  โภ  โคตม  พฺราหฺมณานํ  อิทํ
ฉฏฺ ปุญฺกิริยาวตฺถุํ ๖- โหติ ยทิทํ อนุกมฺปชาติกนฺติ ๗- ฯ
     [๗๒๗]   เย   เต  มาณว  พฺราหฺมณา  ปญฺจ  ธมฺเม  ปญฺเปนฺติ
ปุญฺสฺส   กิริยาย   กุสลสฺส   อาราธนาย   เอเต   ๘-   กตฺถ  พหุลํ
สมนุปสฺสสีติ  ฯ  เยเม  โภ  โคตม  พฺราหฺมณา  ปญฺจ  ธมฺเม ปญฺเปนฺติ
ปุญฺสฺส    กิริยาย    กุสลสฺส    อาราธนาย   อิมาหํ   ปญฺจ   ธมฺเม
ปพฺพชิเตสุ   พหุลํ   สมนุปสฺสามิ   อปฺปํ   คหฏฺเสุ   คหฏฺโ   หิ  โภ
โคตม    มหตฺโถ    มหากิจฺโจ    มหาธิกรโณ    มหาสมารมฺโภ    น
สตตํ   สมิตํ   สจฺจวาที   โหติ   ปพฺพชิโต   โข   ปน   โภ   โคตม
อปฺปตฺโถ    อปฺปกิจฺโจ    อปฺปาธิกรโณ   อปฺปสมารมฺโภ   สตตํ   สมิตํ
@เชิงอรรถ:  ยุ. อญฺโ พฺราหฺมโณ ลภติ ฯ  ยุ. กุปิโต โหติ ฯ  ยุ. อิมินา ปโร
@กุปิโต โหตุ ฯ ๔-๖ ยุ. .. วตฺถุ ฯ ๕-๗ ยุ. อนุกมฺปาชาติกนฺติ
@ ยุ. อิเม ตวํ ปญฺจ... *-
@* เชิงอรรถไม่ครบ
สจฺจวาที    โหติ   คหฏฺโ   หิ   โภ   โคตม   มหตฺโถ   มหากิจฺโจ
มหาธิกรโณ   มหาสมารมฺโภ   น   สตตํ   สมิตํ   ตปสฺสี   โหติ  ...
พฺรหฺมจารี   โหติ   ...   สชฺฌายพหุโล  โหติ  ...  จาคพหุโล  โหติ
ปพฺพชิโต   โข   ปน   โภ  โคตม  อปฺปตฺโถ  อปฺปกิจฺโจ  อปฺปาธิกรโณ
อปฺปสมารมฺโภ    สตตํ    สมิตํ    ตปสฺสี    โหติ   ...   พฺรหฺมจารี
โหติ  ...  สชฺฌายพหุโล  โหติ  ...  จาคพหุโล  โหติ  ฯ  เยเม โภ
โคตม   พฺราหฺมณา   ๑-   ปญฺจ   ธมฺเม  ปญฺเปนฺติ  ปุญฺสฺส  กิริยาย
กุสลสฺส    อาราธนาย    อิมาหํ    ปญฺจ   ธมฺเม   ปพฺพชิเตสุ   พหุลํ
สมนุปสฺสามิ อปฺปํ คหฏฺเสูติ ฯ
     [๗๒๘]   เย   เต  มาณว  พฺราหฺมณา  ปญฺจ  ธมฺเม  ปญฺเปนฺติ
ปุญฺสฺส   กิริยาย   กุสลสฺส  อาราธนาย  จิตฺตสฺสาหํ  เอเต  ปริกฺขาเร
วทามิ   ยทิทํ   จิตฺตํ   อเวรํ   อพฺยาปชฺฌํ   ตสฺส   ภาวนาย  ฯ  อิธ
มาณว   ภิกฺขุ   สจฺจวาที   โหติ   โส   สจฺจวาทิมฺหีติ  ลภติ  อตฺถเวทํ
ลภติ    ธมฺมเวทํ   ลภติ   ธมฺมูปสญฺหิตํ   ปามุชฺชํ   ยนฺตํ   กุสลูปสญฺหิตํ
ปามุชฺชํ   จิตฺตสฺสาหํ   เอตํ   ปริกฺขารํ   วทามิ   ยทิทํ   จิตฺตํ  อเวรํ
อพฺยาปชฺฌํ   ตสฺส  ภาวนาย  ฯ  อิธ  มาณว  ภิกฺขุ  ตปสฺสี  โหติ  ...
พฺรหฺมจารี  โหติ  ...  สชฺฌายพหุโล  โหติ  ...  จาคพหุโล  โหติ โส
จาคพหุโลมฺหีติ   ลภติ   อตฺถเวทํ   ลภติ   ธมฺมเวทํ  ลภติ  ธมฺมูปสญฺหิตํ
ปามุชฺชํ   ยนฺตํ   กุสลูปสญฺหิตํ   ปามุชฺชํ   จิตฺตสฺสาหํ   เอตํ   ปริกฺขารํ
วทามิ    ยทิทํ    จิตฺตํ    อเวรํ   อพฺยาปชฺฌํ   ตสฺส   ภาวนาย   ฯ
@เชิงอรรถ:  ยุ. สมณพฺราหฺมณา ฯ
เย   เต   มาณว   พฺราหฺมณา   ปญฺจ   ธมฺเม   ปญฺเปนฺติ   ปุญฺสฺส
กิริยาย   กุสลสฺส   อาราธนาย   จิตฺตสฺสาหํ  เอเต  ปริกฺขาเร  วทามิ
ยทิทํ   จิตฺตํ   อเวรํ   อพฺยาปชฺฌํ  ตสฺส  ภาวนายาติ  ฯ  เอวํ  วุตฺเต
สุโภ   มาณโว   โตเทยฺยปุตฺโต   ภควนฺตํ   เอตทโวจ  สุตํ  เมตํ  โภ
โคตม สมโณ โคตโม พฺรหฺมานํ สหพฺยตาย มคฺคํ ปชานาตีติ ๑- ฯ
     [๗๒๙]   ตํ   กึ   มญฺสิ  มาณว  อาสนฺเน  อิโต  นฬการคาโม
นยิโต  ทูเร  นฬการคาโมติ  ฯ  เอวํ  โภ  โคตม  ๒-  อาสนฺเน อิโต
นฬการคาโม   นยิโต   ทูเร  นฬการคาโมติ  ฯ  ตํ  กึ  มญฺสิ  มาณว
อิธ  ๓-  ขฺวสฺส  ปุริโส  นฬการคาเม  ชาตวฑฺโฒ  ตเมนํ นฬการคามโต
ตาวเทว   อปสกฺกํ  ๔-  นฬการคามสฺส  มคฺคํ  ปุจฺเฉยฺย  สิยา  นุ  โข
มาณว    ตสฺส   ปุริสสฺส   นฬการคาเม   ชาตวฑฺฒสฺส   นฬการคามสฺส
มคฺคํ   ปุฏฺสฺส   ทนฺธายิตตฺตํ   วา   วิตฺถายิตตฺตํ   วาติ  ฯ  โน  หิทํ
โภ   โคตม  ตํ  กิสฺส  เหตุ  อสฺส  ๕-  หิ  โภ  โคตม  ปุริสสฺส  ๖-
นฬการคาเม    ชาตวฑฺฒสฺส    สพฺพาเนว    นฬการคามสฺส    มคฺคานิ
สุวิทิตานีติ  ฯ  สิยา  น  ๗-  โข  มาณว  ตสฺส  ปุริสสฺส  นฬการคาเม
ชาตวฑฺฒสฺส    นฬการคามสฺส    มคฺคํ    ปุฏฺสฺส    ทนฺธายิตตฺตํ   วา
วิตฺถายิตตฺตํ  วา  น  เตฺวว  ตถาคตสฺส  พฺรหฺมโลกํ  วา พฺรหฺมโลกคามินึ
วา  ปฏิปทํ  ปุฏฺสฺส  ทนฺธายิตตฺตํ  วา  วิตฺถายิตตฺตํ  วา  พฺรหฺมานญฺจาหํ
มาณว        ปชานามิ        พฺรหฺมโลกญฺจ       พฺรหฺมโลกคามินิญฺจ
ปฏิปทํ     ยถาปฏิปนฺโน     จ     พฺรหฺมโลกํ     อุปปนฺโน     ตญฺจ
@เชิงอรรถ:  ยุ. ชานาตีติ ฯ  ยุ. โคตมาติ นตฺถิ ฯ  ยุ. อิธสฺส ฯ  ยุ. อวสฏํ ฯ
@ ยุ. อมุ ฯ  ยุ. ปุริโส นฬการคาเม ชาตวทฺโธ ตสฺส ฯ  ยุ. นุ ฯ
ปชานามีติ   ฯ   สุตํ   เมตํ   โภ   โคตม  สมโณ  โคตโม  พฺรหฺมานํ
สหพฺยตาย   มคฺคํ   เทเสตีติ   สาธุ   เม   ภวํ   โคตโม   พฺรหฺมานํ
สหพฺยตาย    มคฺคํ   เทเสตูติ   ฯ   เตนหิ   มาณว   สุณาหิ   สาธุกํ
มนสิกโรหิ    ภาสิสฺสามีติ    ฯ   เอวํ   โภติ   โข   สุโภ   มาณโว
โตเทยฺยปุตฺโต ภควโต ปจฺจสฺโสสิ ฯ
     [๗๓๐]   ภควา   เอตทโวจ   กตโม   จ   มาณว   พฺรหฺมานํ
สหพฺยตาย    มคฺโค   อิธ   มาณว   ภิกฺขุ   เมตฺตาสหคเตน   เจตสา
เอกํ   ทิสํ   ผริตฺวา   วิหรติ   ตถา  ทุติยํ  ตถา  ตติยํ  ตถา  จตุตฺถํ
อิติ    อุทฺธมโธ    ติริยํ    สพฺพธิ    สพฺพตฺถตาย    ๑-   สพฺพาวนฺตํ
โลกํ    เมตฺตาสหคเตน   เจตสา   วิปุเลน   มหคฺคเตน   อปฺปมาเณน
อเวเรน   อพฺยาปชฺเฌน   ผริตฺวา  วิหรติ  เอวํ  ภาวิตาย  โข  มาณว
เมตฺตาย   เจโตวิมุตฺติยา   ยํ   ปมาณกตํ   กมฺมํ  น  ตํ  ตตฺราวสิสฺสติ
น  ตํ  ตตฺราวติฏฺติ  เสยฺยถาปิ  มาณว  พลวา  สงฺขธโม อปฺปกสิเรเนว
จาตุทฺทิสา    วิญฺาเปยฺย   เอวเมว   โข   มาณว   เอวํ   ภาวิตาย
เมตฺตาย   เจโตวิมุตฺติยา   ยํ   ปมาณกตํ   กมฺมํ  น  ตํ  ตตฺราวสิสฺสติ
น   ตํ   ตตฺราวติฏฺติ   อยมฺปิ   โข   มาณว   พฺรหฺมานํ   สหพฺยตาย
มคฺโค   ฯ   ปุน   จปรํ   มาณว  ภิกฺขุ  กรุณาสหคเตน  เจตสา  ...
มุทิตาสหคเตน   เจตสา   ...   อุเปกฺขาสหคเตน  เจตสา  เอกํ  ทิสํ
ผริตฺวา  วิหรติ  ตถา  ทุติยํ  ตถา  ตติยํ  ตถา จตุตฺถํ อิติ อุทฺธมโธ ติริยํ
สพฺพธิ   สพฺพตฺถตาย   ๒-  สพฺพาวนฺตํ  โลกํ  อุเปกฺขาสหคเตน  เจตสา
@เชิงอรรถ: ๑-๒ ยุ. สพฺพตฺตตาย ฯ
วิปุเลน   มหคฺคเตน   อปฺปมาเณน   อเวเรน   อพฺยาปชฺเฌน   ผริตฺวา
วิหรติ   เอวํ   ภาวิตาย   โข   มาณว  อุเปกฺขาย  เจโตวิมุตฺติยา  ยํ
ปมาณกตํ    กมฺมํ    น    ตํ   ตตฺราวสิสฺสติ   น   ตํ   ตตฺราวติฏฺติ
เสยฺยถาปิ    มาณว    พลวา   สงฺขธโม   อปฺปกสิเรเนว   จาตุทฺทิสา
วิญฺาเปยฺย    เอวเมว   โข   มาณว   เอวํ   ภาวิตาย   อุเปกฺขาย
เจโตวิมุตฺติยา   ยํ   ปมาณกตํ   กมฺมํ   น   ตํ   ตตฺราวสิสฺสติ  น  ตํ
ตตฺราวติฏฺติ อยมฺปิ โข มาณว พฺรหฺมานํ สหพฺยตาย มคฺโคติ ฯ
     [๗๓๑]   เอวํ   วุตฺเต   สุโภ  มาณโว  โตเทยฺยปุตฺโต  ภควนฺตํ
เอตทโวจ   อภิกฺกนฺตํ   โภ   โคตม  อภิกฺกนฺตํ  โภ  โคตม  เสยฺยถาปิ
โภ   โคตม   นิกฺกุชฺชิตํ   วา   อุกฺกุชฺเชยฺย   ปฏิจฺฉนฺนํ  วา  วิวเรยฺย
มูฬฺหสฺส  วา  มคฺคํ  อาจิกฺเขยฺย  อนฺธกาเร  วา  เตลปชฺโชตํ  ธาเรยฺย
จกฺขุมนฺโต  รูปานิ  ทกฺขนฺตีติ  ๑-  เอวเมว  โภตา ๒- โคตเมน อเนก-
ปริยาเยน   ธมฺโม   ปกาสิโต  เอสาหํ  ภวนฺตํ  โคตมํ  สรณํ  คจฺฉามิ
ธมฺมญฺจ   ภิกฺขุสงฺฆญฺจ   อุปาสกํ   มํ  ภวํ  โคตโม  ธาเรตุ  อชฺชตคฺเค
ปาณุเปตํ   สรณงฺคตํ  หนฺท  จทานิ  มยํ  โภ  โคตม  คจฺฉาม  พหุกิจฺจา
มยํ  พหุกรณียาติ  ฯ  ยสฺสทานิ  ตฺวํ  มาณว  กาลํ  มญฺสีติ  ฯ  อถ โข
สุโภ   มาณโว   โตเทยฺยปุตฺโต   ภควโต   ภาสิตํ  อภินนฺทิตฺวา  [๓]-
อุฏฺายาสนา ภควนฺตํ อภิวาเทตฺวา ปทกฺขิณํ กตฺวา ปกฺกามิ ฯ
     [๗๓๒]   เตน  โข  ปน  สมเยน ชาณุสฺโสณิ พฺราหฺมโณ สพฺพเสเตน
วลวาภิรเถน    สาวตฺถิยา   นิยฺยาติ   ทิวาทิวสฺส   ฯ   อทฺทสา   โข
@เชิงอรรถ:  ยุ. ทกฺขินฺตีติ ฯ  ยุ. โภโต ฯ  ยุ. เอตฺถนฺตเร อนุโมทิตฺวาติ ทิสฺสติ ฯ
ชาณุสฺโสณิ     พฺราหฺมโณ    สุภํ    มาณวํ    โตเทยฺยปุตฺตํ    ทูรโตว
อาคจฺฉนฺตํ   ทิสฺวาน   สุภํ  มาณวํ  โตเทยฺยปุตฺตํ  เอตทโวจ  หนฺท  ๑-
ภวํ  ภารทฺวาโช  อาคจฺฉิ  ๒-  ทิวาทิวสฺสาติ  ฯ  อิโต  หิ  โข อหํ โภ
อาคจฺฉามิ   สมณสฺส   โคตมสฺส   สนฺติกาติ   ฯ   ตํ   กึ  มญฺสิ  ภวํ
ภารทฺวาโช   สมณสฺส   โคตมสฺส   ปญฺาเวยฺยตฺติยํ   ปณฺฑิโต   มญฺเติ
โก   จาหมฺโภ  โก  จ  สมณสฺส  โคตมสฺส  ปญฺาเวยฺยตฺติยํ  ชานิสฺสามิ
โสปิ   นูนสฺส   ตาทิโสว   โย   สมณสฺส   โคตมสฺส   ปญฺาเวยฺยตฺติยํ
ชาเนยฺยาติ   ฯ   อุฬาราย   ขลุ   ภวํ   ภารทฺวาโช   สมณํ   โคตมํ
ปสํสาย   ปสํสตีติ  ฯ  โก  จาหมฺโภ  โก  จ  สมณํ  โคตมํ  ปสํสิสฺสามิ
ปสตฺถปฺปสตฺโถ  จ  ๓-  ภวํ  โคตโม  เสฏฺโ  เทวมนุสฺสานํ  เย  จิเม
โภ    พฺราหฺมณา    ปญฺจ    ธมฺเม    ปญฺเปนฺติ   ปุญฺสฺส   กิริยาย
กุสลสฺส  อาราธนาย  จิตฺตสฺเสว  ๔-  สมโณ  โคตโม  เอเต ปริกฺขาเร
วเทติ ยทิทํ จิตฺตํ อเวรํ อพฺยาปชฺฌํ ตสฺส ภาวนายาติ ฯ
     [๗๓๓]   เอวํ    วุตฺเต   ชาณุสฺโสณิ   พฺราหฺมโณ   สพฺพเสตา
วลวาภิรถา   โอโรหิตฺวา   เอกํสํ   อุตฺตราสงฺคํ  กริตฺวา  เยน  ภควา
เตนญฺชลิมฺปณาเมตฺวา   อุทานํ   อุทาเนสิ   ลาภา   รญฺโ   ปเสนทิสฺส
โกสลสฺส    สุลทฺธํ    [๕]-    รญฺโ   ปเสนทิสฺส   โกสลสฺส   ยสฺส
วิชิเต ตถาคโต วิหรติ อรหํ สมฺมาสมฺพุทฺโธติ ฯ
                   สุภสุตฺตํ นิฏฺิตํ นวมํ ฯ
                        ------
@เชิงอรรถ:  ยุ. หนฺท กุโต นุ ฯ  ยุ. อาคจฺฉติ ฯ  ยุ. จ โส ภวํ ฯ  ยุ. จิตฺตสฺส
@เต สมโณ โคตโม ปริกฺขาเร วทติ ฯ  ยุ. เอตฺถนฺตเร ลาภาติ ทิสฺสติ ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๑๓ หน้าที่ ๖๕๐-๖๖๖. http://84000.org/tipitaka/pitaka_item/pali_item_s.php?book=13&item=709&items=25              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=13&item=709&items=25&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=13&item=709&items=25              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=13&item=709&items=25              ศึกษาอรรถกถานี้ได้ที่ :- http://84000.org/tipitaka/attha/attha.php?b=13&i=709              The Pali Atthakatha in Thai :- http://84000.org/tipitaka/atthapali/read_th.php?B=9&A=7993              The Pali Atthakatha in Roman :- http://84000.org/tipitaka/atthapali/read_rm.php?B=9&A=7993              สารบัญพระไตรปิฎกเล่มที่ ๑๓ http://84000.org/tipitaka/read/?index_13

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :