[๑๙๘] เอกํ สมยํ อายสฺมา สารีปุตฺโต สาวตฺถิยํ วิหรติ
@เชิงอรรถ: ๑ ม. รมณียนฺติ ฯ ๒ ม. อหมามิสธมฺมานุคฺคเหน มโมวาเทน มมานุสาสนิยาติ ฯ
เชตวเน อนาถปิณฺฑิกสฺสาราเม ฯ เตน โข ปน สมเยน ยมกสฺส
นาม ภิกฺขุโน เอวรูปํ ปาปกํ ทิฏฺิคตํ อุปฺปนฺนํ โหติ ตถาหํ
ภควตา ธมฺมํ เทสิตํ อาชานามิ ยถา ๑- ขีณาสโว ภิกฺขุ กายสฺส
เภทา อุจฺฉิชฺชติ วินสฺสติ น โหติ ปรมฺมรณาติ ฯ
{๑๙๘.๑} อสฺโสสุํ โข สมฺพหุลา ภิกฺขู ยมกสฺส กิร นาม ภิกฺขุโน
เอวรูปํ ปาปกํ ทิฏฺิคตํ อุปฺปนฺนํ โหติ ตถาหํ ภควตา ธมฺมํ เทสิตํ
อาชานามิ ยถา ขีณาสโว ภิกฺขุ กายสฺส เภทา อุจฺฉิชฺชติ วินสฺสติ น โหติ
ปรมฺมรณาติ ฯ อถ โข เต ภิกฺขู เยนายสฺมา ยมโก เตนุปสงฺกมึสุ
อุปสงฺกมิตฺวา อายสฺมตา ยมเกน สทฺธึ สมฺโมทึสุ สมฺโมทนียํ
กถํ สาราณียํ วีติสาเรตฺวา เอกมนฺตํ นิสีทึสุ ฯ เอกมนฺตํ นิสินฺนา
โข เต ภิกฺขู อายสฺมนฺตํ ยมกํ เอตทโวจุํ สจฺจํ กิร เต ๒- อาวุโส
ยมก เอวรูปํ ปาปกํ ทิฏฺิคตํ อุปฺปนฺนํ ตถาหํ ภควตา ธมฺมํ
เทสิตํ อาชานามิ ยถา ขีณาสโว ภิกฺขุ กายสฺส เภทา อุจฺฉิชฺชติ
วินสฺสติ น โหติ ปรมฺมรณาติ ฯ เอวํ ขฺวาหํ อาวุโส ภควตา
ธมฺมํ เทสิตํ อาชานามิ ยถา ขีณาสโว ภิกฺขุ กายสฺส เภทา
อุจฺฉิชฺชติ วินสฺสติ น โหติ ปรมฺมรณาติ ฯ
{๑๙๘.๒} มา อาวุโส ยมก เอวํ อวจ มา ภควนฺตํ อพฺภาจิกฺขิ
น หิ สาธุ ภควโต อพฺภกฺขานํ น หิ ภควา เอวํ วเทยฺย ขีณาสโว ภิกฺขุ
กายสฺส เภทา อุจฺฉิชฺชติ วินสฺสติ น โหติ ปรมฺมรณาติ ฯ เอวํปิ โข
@เชิงอรรถ: ๑ โป. ยถาปิ ฯ ๒ โวติปิ ปาโ ฯ
อายสฺมา ยมโก เตหิ ภิกฺขูหิ วุจฺจมาโน ตเถว ตํ ปาปกํ ทิฏฺิคตํ
ถามสา ปรามาสา อภินิวิสฺสํ ๑- โวหรติ ตถาหํ ภควตา ธมฺมํ
เทสิตํ อาชานามิ ยถา ขีณาสโว ภิกฺขุ กายสฺส เภทา อุจฺฉิชฺชติ
วินสฺสติ น โหติ ปรมฺมรณาติ ฯ
{๑๙๘.๓} ยโต โข เต ภิกฺขู นาสกฺขึสุ อายสฺมนฺตํ ยมกํ เอตสฺมา
ปาปกา ทิฏฺิคตา วิเวเจตุํ ฯ อถ โข เต ภิกฺขู อุฏฺายาสนา เยนายสฺมา
สารีปุตฺโต เตนุปสงฺกมึสุ อุปสงฺกมิตฺวา อายสฺมนฺตํ สารีปุตฺตํ เอตทโวจุํ
ยมกสฺส นาม อาวุโส สารีปุตฺต ภิกฺขุโน เอวรูปํ ปาปกํ ทิฏฺิคตํ
อุปฺปนฺนํ ตถาหํ ภควตา ธมฺมํ เทสิตํ อาชานามิ ยถา ขีณาสโว ภิกฺขุ
กายสฺส เภทา อุจฺฉิชฺชติ วินสฺสติ น โหติ ปรมฺมรณาติ สาธายสฺมา
สารีปุตฺโต เยน ยมโก ภิกฺขุ เตนุปสงฺกมตุ อนุกมฺปํ อุปาทายาติ ฯ
อธิวาเสสิ โข อายสฺมา สารีปุตฺโต ตุณฺหีภาเวน ฯ
[๑๙๙] อถ โข อายสฺมา สารีปุตฺโต สายณฺหสมยํ ปฏิสลฺลานา
วุฏฺิโต เยนายสฺมา ยมโก เตนุปสงฺกมิ อุปสงฺกมิตฺวา อายสฺมตา
ยมเกน สทฺธึ สมฺโมทิ ฯเปฯ เอกมนฺตํ นิสินฺโน โข อายสฺมา
สารีปุตฺโต อายสฺมนฺตํ ยมกํ เอตทโวจ สจฺจํ กิร เต อาวุโส
ยมก เอวรูปํ ปาปกํ ทิฏฺิคตํ อุปฺปนฺนํ [๒]- ตถาหํ ภควตา ธมฺมํ
เทสิตํ อาชานามิ ยถา ขีณาสโว ภิกฺขุ กายสฺส เภทา อุจฺฉิชฺชติ
วินสฺสติ น โหติ ปรมฺมรณาติ ฯ เอวํ ขฺวาหํ อาวุโส ภควตา
@เชิงอรรถ: ๑ สี. ปรามสฺส อภินิวิสฺส ฯ ๒ โป. โหติ ฯ
ธมฺมํ เทสิตํ อาชานามิ ยถา ขีณาสโว ภิกฺขุ กายสฺส เภทา
อุจฺฉิชฺชติ วินสฺสติ น โหติ ปรมฺมรณาติ ฯ ตํ กึ มญฺสิ
อาวุโส ยมก รูปํ นิจฺจํ วา อนิจฺจํ วาติ ฯ อนิจฺจํ อาวุโส ฯเปฯ
เวทนา ฯ สญฺา ฯ สงฺขารา ฯ วิญฺาณํ นิจฺจํ วา อนิจฺจํ
วาติ ฯ อนิจฺจํ อาวุโส ฯ ตสฺมา ติห ฯเปฯ เอวํ ปสฺสํ ฯเปฯ
นาปรํ อิตฺถตฺตายาติ ปชานาติ ฯ
[๒๐๐] ตํ กึ มญฺสิ อาวุโส ยมก รูปํ ตถาคโตติ สมนุปสฺสสีติ ฯ
โน เหตํ อาวุโส ฯ เวทนํ ตถาคโตติ สมนุปสฺสสีติ ฯ โน เหตํ
อาวุโส ฯ สญฺ ฯ สงฺขาเร ฯ วิญฺาณํ ตถาคโตติ สมนุปสฺสสีติ ฯ
โน เหตํ อาวุโส ฯ
[๒๐๑] ตํ กึ มญฺสิ อาวุโส ยมก รูปสฺมึ ตถาคโตติ
สมนุปสฺสสีติ ฯ โน เหตํ อาวุโส ฯ อญฺตฺร รูปา ตถาคโตติ
สมนุปสฺสสีติ ฯ โน เหตํ อาวุโส ฯ เวทนาย ฯเปฯ อญฺตฺร
เวทนาย ฯเปฯ สญฺาย ฯ อญฺตฺร สญฺาย ฯ สงฺขาเรสุ ฯ
อญฺตฺร สงฺขาเรหิ ฯ วิญฺาณสฺมึ ตถาคโตติ สมนุปสฺสสีติ ฯ
โน เหตํ อาวุโส ฯ อญฺตฺร วิญฺาณา ตถาคโตติ สมนุปสฺสสีติ ฯ
โน เหตํ อาวุโส ฯ
[๒๐๒] ตํ กึ มญฺสิ อาวุโส ยมก รูปํ ๑- ฯ เวทนา ฯ
สญฺา ฯ สงฺขารา ฯ วิญฺาณํ ตถาคโตติ สมนุปสฺสสีติ ฯ
โน เหตํ อาวุโส ฯ
@เชิงอรรถ: ๑ ม. รูปํ ฯ เวทนํ ฯ สญฺ ฯ สงฺขาเร ฯ ยุ. รูปา ฯ
[๒๐๓] ตํ กึ มญฺสิ อาวุโส ยมก อยํ โส อรูปี อเวทโน
อสญฺี อสงฺขาโร อวิญฺาโณ ตถาคโตติ สมนุปสฺสสีติ ฯ โน
เหตํ อาวุโส ฯ เอตฺถ จ เต อาวุโส ยมก ทิฏฺเว ธมฺเม สจฺจโต
ตถโต ๑- ตถาคโต อนุปลพฺภิยมาโน กลฺลํ นุ เต ตํ
เวยฺยากรณํ ตถาหํ ภควตา ธมฺมํ เทสิตํ อาชานามิ ยถา
ขีณาสโว ภิกฺขุ กายสฺส เภทา อุจฺฉิชฺชติ วินสฺสติ น โหติ
ปรมฺมรณาติ ฯ อหุ โข เม ตํ อาวุโส สารีปุตฺต ปุพฺเพ
อวิทฺทสุโน ๒- ปาปกํ ทิฏฺิคตํ อิทญฺจ ปน เม อายสฺมโต
สารีปุตฺตสฺส ธมฺมเทสนํ สุตฺวา ตญฺเจว ปาปกํ ทิฏฺิคตํ ปหีนํ
ธมฺโม จ เม อภิสมิโตติ ฯ
[๒๐๔] สเจ ตํ อาวุโส ยมก เอวํ ปุจฺเฉยฺยุํ โย โส อาวุโส
ยมก ภิกฺขุ อรหํ ขีณาสโว โส กายสฺส เภทา ปรมฺมรณา
กึ โหตีติ เอวํ ปุฏฺโ ตฺวํ อาวุโส ยมก กินฺติ พฺยากเรยฺยาสีติ ฯ
สเจ มํ อาวุโส เอวํ ปุจฺเฉยฺยุํ โย โส อาวุโส ยมก ภิกฺขุ
อรหํ ขีณาสโว โส กายสฺส เภทา ปรมฺมรณา กึ โหตีติ
เอวํ ปุฏฺโ ๓- อหมาวุโส เอวํ พฺยากเรยฺยํ รูปํ โข
อาวุโส อนิจฺจํ ยทนิจฺจํ ตํ ทุกฺขํ ยํ ทุกฺขํ ตํ นิรุทฺธํ ตทตฺถํ ๔-
คตํ ฯ เวทนา ฯ สญฺา ฯ สงฺขารา ฯ วิญฺาณํ อนิจฺจํ
ยทนิจฺจํ ตํ ทุกฺขํ ยํ ทุกฺขํ ตํ นิรุทฺธํ ตทตฺถํ คตนฺติ เอวํ
@เชิงอรรถ: ๑ ม. ยุ. เถตโต ๒ โป. อวินฺทสุโน ฯ ๓ ม. ปุฏฺาหํ อาวุโส ฯ ๔ ยุ.
@ตมตฺถคตํ ฯ
ปุฏฺโ อหํ อาวุโส เอวํ พฺยากเรยฺยนฺติ ฯ
[๒๐๕] สาธุ สาธุ อาวุโส ยมก เตนหาวุโส ยมก อุปมนฺเต
กริสฺสามิ เอตสฺเสว อตฺถสฺส ภิยฺโยโส มตฺตาย าณาย ฯ
เสยฺยถาปิ อาวุโส ยมก คหปติ วา คหปติปุตฺโต วา อฑฺโฒ
มหทฺธโน มหาโภโค โส จ อารกฺขสมฺปนฺโน ตสฺส โกจิ เทว
ปุริโส อุปฺปชฺเชยฺย อนตฺถกาโม อหิตกาโม อโยคกฺเขมกาโม
ชีวิตา โวโรเปตุกาโม ตสฺส เอวมสฺส อยํ โข คหปติ วา
คหปติปุตฺโต วา อฑฺโฒ มหทฺธโน มหาโภโค โส จ
อารกฺขสมฺปนฺโน น หายํ ๑- สุกโร ปสยฺห ชีวิตา โวโรเปตุํ
ยนฺนูนาหํ อนุปขชฺช ชีวิตา โวโรเปยฺยนฺติ ฯ โส ตํ คหปตึ วา
คหปติปุตฺตํ วา อุปสงฺกมิตฺวา เอวํ วเทยฺย อุปฏฺเหยฺยนฺตํ ๒-
ภนฺเตติ ฯ ตเมนํ โส คหปติ วา คหปติปุตฺโต วา อุปฏฺาเปยฺย โส
อุปฏฺเหยฺย ปุพฺพุฏฺายี ปจฺฉานิปาตี กึการปฏิสาวี มนาปจารี
ปิยวาที ตสฺส โส คหปติ วา คหปติปุตฺโต วา มิตฺตโตปิ นํ
ทเหยฺย ๓- สุหชฺชโตปิ นํ ทเหยฺย ตสฺมิญฺจ วิสฺสาสํ อาปชฺเชยฺย ฯ
ยทา โข อาวุโส ตสฺส ปุริสสฺส เอวมสฺส สํวิสฺสฏฺโ โข มฺยายํ
คหปติ วา คหปติปุตฺโต วาติ อถ นํ รโหคตํ วิทิตฺวา ติเณฺหน
สตฺเถน ชีวิตา โวโรเปยฺย ฯ
{๒๐๕.๑} ตํ กึ มญฺสิ อาวุโส ยมก ยทาปิ โส ปุริโส
อมุํ คหปตึ วา คหปติปุตฺตํ วา อุปสงฺกมิตฺวา เอวมาห
อุปฏฺเหยฺยํ ตํ ภนฺเตติ ตทาปิ โส วธโกว วธกญฺจ
@เชิงอรรถ: ๑ ม. ยุ. นายํ ฯ ๒ โป. อุปฏฺเหยฺยนฺติ ฯ ๓ โป. ทเทยฺย ฯ ม. สทฺธเหยฺยํ ฯ
ปน สนฺตํ น อญฺาสิ วธโก เมติ ฯ ยทาปิ โส อุปฏฺาติ ๑-
ปุพฺพุฏฺายี ปจฺฉานิปาตี กึการปฏิสาวี มนาปจารี ปิยวาที
ตทาปิ โส วธโกว วธกญฺจ ปน สนฺตํ น อญฺาสิ วธโก เมติ ฯ
ยทาปิ นํ รโหคตํ วิทิตฺวา ติณฺเหน สตฺเถน ชีวิตา โวโรเปติ
ตทาปิ โส วธโกว วธกญฺจ ปน สนฺตํ น อญฺาสิ วธโก เมติ ฯ
เอวมาวุโสติ ฯ
[๒๐๖] เอวเมว โข อาวุโส อสฺสุตวา ปุถุชฺชโน อริยานํ
อทสฺสาวี อริยธมฺมสฺส อโกวิโท อริยธมฺเม อวินีโต สปฺปุริสานํ
อทสฺสาวี สปฺปุริสธมฺมสฺส อโกวิโท สปฺปุริสธมฺเม อวินีโต รูปํ
อตฺตโต สมนุปสฺสติ รูปวนฺตํ วา อตฺตานํ อตฺตนิ วา รูปํ
รูปสฺมึ วา อตฺตานํ ฯ เวทนํ ฯ สญฺ ฯ สงฺขาเร ฯ วิญฺาณํ
อตฺตโต สมนุปสฺสติ ฯเปฯ วิญฺาณสฺมึ วา อตฺตานํ ฯ
{๒๐๖.๑} โส อนิจฺจํ รูปํ อนิจฺจํ รูปนฺติ ยถาภูตํ นปฺปชานาติ
อนิจฺจํ เวทนํ อนิจฺจา เวทนาติ ยถาภูตํ นปฺปชานาติ อนิจฺจํ สญฺ
อนิจฺจา สญฺาติ ยถาภูตํ นปฺปชานาติ อนิจฺเจ สงฺขาเร อนิจฺจา
สงฺขาราติ ยถาภูตํ นปฺปชานาติ อนิจฺจํ วิญฺาณํ อนิจฺจํ
วิญฺาณนฺติ ยถาภูตํ นปฺปชานาติ ฯ
{๒๐๖.๒} ทุกฺขํ รูปํ ทุกฺขํ รูปนฺติ ยถาภูตํ นปฺปชานาติ ทุกฺขํ
เวทนํ ฯ ทุกฺขํ สญฺ ฯ ทุกฺเข สงฺขาเร ฯ ทุกฺขํ วิญฺาณํ ทุกฺขํ
วิญฺาณนฺติ ยถาภูตํ นปฺปชานาติ ฯ
{๒๐๖.๓} อนตฺตํ รูปํ อนตฺตํ ๒- รูปนฺติ ยถาภูตํ นปฺปชานาติ
@เชิงอรรถ: ๑ ยุ. อุปฏฺหติ ฯ ๒ โป. ม. ยุ. สพฺพตฺถ อนตฺตาติ ทิสฺสติ ฯ
อนตฺตํ เวทนํ ฯ อนตฺตํ สญฺ ฯ อนตฺเต สงฺขาเร ฯ อนตฺตํ
วิญฺาณํ อนตฺตํ วิญฺาณนฺติ ยถาภูตํ นปฺปชานาติ ฯ
{๒๐๖.๔} สงฺขตํ รูปํ สงฺขตํ รูปนฺติ ยถาภูตํ นปฺปชานาติ
สงฺขตํ เวทนํ ฯ สงฺขตํ สญฺ ฯ สงฺขเต สงฺขาเร ฯ สงฺขตํ วิญฺาณํ
สงฺขตํ วิญฺาณนฺติ ยถาภูตํ นปฺปชานาติ ฯ วธกํ รูปํ วธกํ รูปนฺติ
ยถาภูตํ นปฺปชานาติ วธกํ เวทนํ ฯ วธกํ สญฺ ฯ วธเก สงฺขาเร ฯ
วธกํ วิญฺาณํ วธกํ วิญฺาณนฺติ ยถาภูตํ นปฺปชานาติ ฯ โส รูปํ
อุเปติ อุปาทิยติ อธิฏฺาติ อตฺตา เมติ เวทนํ ฯ สญฺ ฯ สงฺขาเร ฯ
วิญฺาณํ อุเปติ อุปาทิยติ อธิฏฺาติ อตฺตา เมติ ฯ ตสฺสิเม
ปญฺจุปาทานกฺขนฺธา อุเปตา ๑- อุปาทินฺนา ทีฆรตฺตํ อหิตาย
ทุกฺขาย สํวตฺตนฺติ ฯ
[๒๐๗] สุตวา จ โข อาวุโส อริยสาวโก อริยานํ ทสฺสาวี
อริยธมฺมสฺส โกวิโท อริยธมฺเม สุวินีโต ฯเปฯ สปฺปุริสธมฺเม
สุวินีโต น รูปํ อตฺตโต สมนุปสฺสติ น รูปวนฺตํ วา ๒- อตฺตานํ
น อตฺตนิ วา รูปํ น รูปสฺมึ วา อตฺตานํ น เวทนํ ฯ น สญฺ ฯ
น สงฺขาเร ฯ น วิญฺาณํ อตฺตโต สมนุปสฺสติ น วิญฺาณวนฺตํ
วา อตฺตานํ น อตฺตนิ วา วิญฺาณํ น วิญฺาณสฺมึ วา อตฺตานํ ฯ
{๒๐๗.๑} โส อนิจฺจํ รูปํ อนิจฺจํ รูปนฺติ ยถาภูตํ
ปชานาติ อนิจฺจํ เวทนํ ฯ อนิจฺจํ สญฺ ฯ อนิจฺเจ
@เชิงอรรถ: ๑ อุปฺปนฺนาติปิ อุเปนฺตาติปิ ปาโ ฯ ๒ โป. ม. ยุ. วาสทฺโท น ปญฺายติ ฯ
สงฺขาเร ฯ อนิจฺจํ วิญฺาณํ อนิจฺจํ วิญฺาณนฺติ ยถาภูตํ
ปชานาติ ฯ ทุกฺขํ รูปํ ทุกฺขํ รูปนฺติ ยถาภูตํ ปชานาติ ทุกฺขํ
เวทนํ ฯ ทุกฺขํ สญฺ ฯ ทุกฺเข สงฺขาเร ฯ ทุกฺขํ วิญฺาณํ
ทุกฺขํ วิญฺาณนฺติ ยถาภูตํ ปชานาติ ฯ อนตฺตํ รูปํ อนตฺตํ
รูปนฺติ ยถาภูตํ ปชานาติ อนตฺตํ เวทนํ ฯ อนตฺตํ สญฺ ฯ
อนตฺเต สงฺขาเร ฯ อนตฺตํ วิญฺาณํ อนตฺตํ วิญฺาณนฺติ
ยถาภูตํ ปชานาติ ฯ
{๒๐๗.๒} สงฺขตํ รูปํ สงฺขตํ รูปนฺติ ยถาภูตํ ปชานาติ
สงฺขตํ เวทนํ ฯ สงฺขตํ สญฺ ฯ สงฺขเต สงฺขาเร ฯ สงฺขตํ
วิญฺาณํ สงฺขตํ วิญฺาณนฺติ ยถาภูตํ ปชานาติ ฯ วธกํ รูปํ
วธกํ รูปนฺติ ยถาภูตํ ปชานาติ วธกํ เวทนํ ฯ วธกํ สญฺ ฯ
วธเก สงฺขาเร วธกา สงฺขาราติ ยถาภูตํ ปชานาติ วธกํ
วิญฺาณํ วธกํ วิญฺาณนฺติ ยถาภูตํ ปชานาติ ฯ โส รูปํ น
อุเปติ น อุปาทิยติ น อธิฏฺาติ ๑- อตฺตา เมติ เวทนํ ฯ
สญฺ ฯ สงฺขาเร ฯ วิญฺาณํ น อุเปติ น อุปาทิยติ น
อธิฏฺาติ อตฺตา เมติ ฯ ตสฺสิเม ปญฺจุปาทานกฺขนฺธา อนุเปตา ๒-
อนุปาทินฺนา ทีฆรตฺตํ หิตาย สุขาย สํวตฺตนฺตีติ ฯ เอวเญฺหตํ ๓-
อาวุโส สารีปุตฺต โหติ เยสํ อายสฺมนฺตานํ ตาทิสา สพฺรหฺมจาริโน
อนุกมฺปกา อตฺถกามา โอวาทกา อนุสาสกา อิทญฺจ ปน เม
@เชิงอรรถ: ๑ ม. ยุ. นาธิฏฺาติ ฯ ๒ อนุปฺปนฺนาติ วา อนุปฺเปนฺตาติ วา ปาโ ฯ
@๓ สี. เอวํ หิ เต ฯ ม. เอวเมตํ ฯ
อายสฺมโต สารีปุตฺตสฺส ธมฺมเทสนํ สุตฺวา อนุปาทาย อาสเวหิ
จิตฺตํ วิมุตฺตนฺติ ฯ [๑]-
เนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๑๓๒-๑๔๑.
http://84000.org/tipitaka/pitaka_item/pali_item_s.php?book=17&item=198&items=10
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=17&item=198&items=10&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=17&item=198&items=10
อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=17&item=198&items=10
ศึกษาอรรถกถานี้ได้ที่ :-
http://84000.org/tipitaka/attha/attha.php?b=17&i=198
The Pali Atthakatha in Thai :-
http://84000.org/tipitaka/atthapali/read_th.php?B=12&A=7477
The Pali Atthakatha in Roman :-
http://84000.org/tipitaka/atthapali/read_rm.php?B=12&A=7477
สารบัญพระไตรปิฎกเล่มที่ ๑๗
http://84000.org/tipitaka/read/?index_17
บันทึก ๑๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
