บาลีพระไตรปิฎกเล่มที่ ๑๙ - พระสุตตันตปิฎกเล่มที่ ๑๑

หน้าที่ ๘๘.

โอฆวคฺโค เตรสโม [๓๓๓] สาวตฺถีนิทานํ ฯ จตฺตาโรเม ภิกฺขเว โอฆา ฯ กตเม จตฺตาโร ฯ กาโมโฆ ภโวโฆ ทิฏฺโโฆ อวิชฺโชโฆ ฯ อิเม โข ภิกฺขเว จตฺตาโร โอฆา ฯ [๓๓๔] อิเมสํ โข ภิกฺขเว จตุนฺนํ โอฆานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ (ยถา เอสนา เอวํ วิตฺถาเรตพฺพํ) ฯ [๓๓๕] สาวตฺถีนิทานํ ฯ จตฺตาโรเม ภิกฺขเว โยคา ฯ กตเม จตฺตาโร ฯ กามโยโค ภวโยโค ทิฏฺิโยโค อวิชฺชาโยโค ฯ อิเม โข ภิกฺขเว จตฺตาโร โยคา ฯ [๓๓๖] อิเมสํ โข ภิกฺขเว จตุนฺนํ โยคานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๓๗] สาวตฺถีนิทานํ ฯ จตฺตารีมานิ ภิกฺขเว อุปาทานานิ ฯ กตมานิ จตฺตาริ ฯ กามูปาทานํ ทิฏฺฐูปาทานํ สีลพฺพตูปาทานํ อตฺตวาทูปาทานํ ฯ อิมานิ โข ภิกฺขเว จตฺตาริ อุปาทานานิ ฯ [๓๓๘] อิเมสํ โข ภิกฺขเว จตุนฺนํ อุปาทานานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ

--------------------------------------------------------------------------------------------- หน้าที่ ๘๙.

[๓๓๙] สาวตฺถีนิทานํ ฯ จตฺตาโรเม ภิกฺขเว คนฺถา ฯ กตเม จตฺตาโร ฯ อภิชฺฌา กายคนฺโถ พฺยาปาโท กายคนฺโถ สีลพฺพตปรามาโส กายคนฺโถ อิทํสจฺจาภินิเวโส กายคนฺโถ ฯ อิเม โข ภิกฺขเว จตฺตาโร คนฺถา ฯ [๓๔๐] อิเมสํ โข ภิกฺขเว จตุนฺนํ คนฺถานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๔๑] สาวตฺถีนิทานํ ฯ สตฺติเม ภิกฺขเว อนุสยา ฯ กตเม สตฺต ฯ กามราคานุสโย ปฏิฆานุสโย ทิฏฺานุสโย วิจิกิจฺฉานุสโย มานานุสโย ภวราคานุสโย อวิชฺชานุสโย ฯ อิเม โข ภิกฺขเว สตฺต อนุสยา ฯ [๓๔๒] อิเมสํ โข ภิกฺขเว สตฺตนฺนํ อนุสยานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๔๓] สาวตฺถีนิทานํ ฯ ปญฺจิเม ภิกฺขเว กามคุณา ฯ กตเม ปญฺจ ฯ จกฺขุวิญฺเยฺยา รูปา อิฏฺา กนฺตา มนาปา ปิยรูปา กามูปสญฺหิตา รชนิยา โสตวิญฺเยฺยา สทฺทา ฯเปฯ ฆานวิญฺเยฺยา คนฺธา ฯ ชิวฺหาวิญฺเยฺยา รสา ฯ กายวิญฺเยฺยา โผฏฺพฺพา อิฏฺา กนฺตา มนาปา ปิยรูปา กามูปสญฺหิตา รชนิยา ฯ อิเม โข ภิกฺขเว ปญฺจ กามคุณา ฯ

--------------------------------------------------------------------------------------------- หน้าที่ ๙๐.

[๓๔๔] อิเมสํ โข ภิกฺขเว ปญฺจนฺนํ กามคุณานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๔๕] สาวตฺถีนิทานํ ฯ ปญฺจิมานิ ภิกฺขเว นีวรณานิ ฯ กตมานิ ปญฺจ ฯ กามจฺฉนฺทนีวรณํ พฺยาปาทนีวรณํ ถีนมิทฺธนีวรณํ อุทฺธจฺจกุกฺกุจฺจนีวรณํ วิจิกิจฺฉานีวรณํ ฯ อิมานิ โข ภิกฺขเว ปญฺจ นีวรณานิ ฯ [๓๔๖] อิเมสํ โข ภิกฺขเว ปญฺจนฺนํ นีวรณานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๔๗] สาวตฺถีนิทานํ ฯ ปญฺจิเม ภิกฺขเว อุปาทานกฺขนฺธา ฯ กตเม ปญฺจ ฯ เสยฺยถีทํ ฯ รูปูปาทานกฺขนฺโธ เวทนูปาทานกฺขนฺโธ สญฺูปาทานกฺขนฺโธ สงฺขารูปาทานกฺขนฺโธ วิญฺาณูปาทานกฺขนฺโธ ฯ อิเม โข ภิกฺขเว ปญฺจุปาทานกฺขนฺธา ฯ [๓๔๘] อิเมสํ โข ภิกฺขเว ปญฺจนฺนํ อุปาทานกฺขนฺธานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๔๙] สาวตฺถีนิทานํ ฯ ปญฺจิมานิ ภิกฺขเว โอรมฺภาคิยานิ สญฺโชนานิ ฯ กตมานิ ปญฺจ ฯ สกฺกายทิฏฺิ วิจิกิจฺฉา สีลพฺพตปรามาโส กามจฺฉนฺโท พฺยาปาโท ฯ อิมานิ โข ภิกฺขเว

--------------------------------------------------------------------------------------------- หน้าที่ ๙๑.

ปญฺโจรมฺภาคิยานิ สญฺโชนานิ ฯ [๓๕๐] อิเมสํ โข ภิกฺขเว ปญฺจนฺนํ โอรมฺภาคิยานํ สญฺโชนานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ [๓๕๑] สาวตฺถีนิทานํ ฯ ปญฺจิมานิ ภิกฺขเว อุทฺธมฺภาคิยานิ สญฺโชนานิ ฯ กตมานิ ปญฺจ ฯ รูปราโค อรูปราโค มาโน อุทฺธจฺจํ อวิชฺชา ฯ อิมานิ โข ภิกฺขเว ปญฺจุทฺธมฺภาคิยานิ สญฺโชนานิ ฯ [๓๕๒] อิเมสํ โข ภิกฺขเว ปญฺจนฺนํ อุทฺธมฺภาคิยานํ สญฺโชนานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพ ฯ กตโม อริโย อฏฺงฺคิโก มคฺโค ฯ อิธ ภิกฺขเว ภิกฺขุ สมฺมาทิฏฺึ ภาเวติ วิเวกนิสฺสิตํ ฯเปฯ สมฺมาสมาธึ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามึ ฯ อิเมสํ โข ภิกฺขเว ปญฺจนฺนํ อุทฺธมฺภาคิยานํ สญฺโชนานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ เสยฺยถาปิ ภิกฺขเว คงฺคา นที ฯเปฯ [๓๕๓] สาวตฺถีนิทานํ ฯ ปญฺจิมานิ ภิกฺขเว อุทฺธมฺภาคิยานิ สญฺโชนานิ ฯ กตมานิ ปญฺจ ฯ รูปราโค อรูปราโค มาโน อุทฺธจฺจํ อวิชฺชา ฯ อิมานิ โข ภิกฺขเว ปญฺจุทฺธมฺภาคิยานิ สญฺโชนานิ ฯ

--------------------------------------------------------------------------------------------- หน้าที่ ๙๒.

[๓๕๔] อิเมสํ โข ภิกฺขเว ปญฺจนฺนํ อุทฺธมฺภาคิยานํ สญฺโชนานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพ ฯ กตโม อริโย อฏฺงฺคิโก มคฺโค ฯ อิธ ภิกฺขเว ภิกฺขุ สมฺมาทิฏฺึ ภาเวติ ฯเปฯ สมฺมาสมาธึ ภาเวติ ราควินยปริโยสานํ โทสวินยปริโยสานํ โมหวินยปริโยสานํ ฯ อมโตคธํ อมตปรายนํ อมตปริโยสานํ ฯ นิพฺพานนินฺนํ นิพฺพานโปณํ นิพฺพานปพฺภารํ ฯ อิเมสํ โข ภิกฺขเว ปญฺจนฺนํ อุทฺธมฺภาคิยานํ สญฺโชนานํ อภิญฺาย ปริญฺาย ปริกฺขยาย ปหานาย ฯเปฯ อยํ อริโย อฏฺงฺคิโก มคฺโค ภาเวตพฺโพติ ฯ โอฆวคฺโค ฯ ตสฺสุทฺทานํ โอโฆ โยโค อุปาทานํ คนฺถํ อนุสเยน จ กามคุณา นีวรณา ^๑- ขนฺธา โอรุทฺธมฺภาคิยาติ ฯ ^[๒]- มคฺคสํยุตฺตํ สมตฺตํ ^๓- ฯ --------- @เชิงอรรถ: ^๑ ม. ยุ. นีวรณํ ฯ ^๒ ม. วคฺคุทฺทานํ ฯ @ อวิชฺชาวคฺโค ปโม ทุติยํ วิหารํ วุจฺจติ @ มิจฺฉตฺตํ ตติโย วคฺโค จตุตฺถํ ปฏิปนฺเนเนว @ ติตฺถิยํ ปญฺจโม วคฺโค จตสฺโส สูริเยน จ @ พหุกเต สตฺตโม วคฺโค อุปฺปาโท ปเมน จ @ ทิวสวคฺโค นวโม ทสโม อปฺปมาเทน จ @ เอกาทส พลวคฺโค ทฺวาทส เอสนา ปาลิยํ ฯ @ โอฆวคฺโค ภวติ เตรสาติ @^๓ ม. ยุ. ปมํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๑๙ หน้าที่ ๘๘-๙๒. http://84000.org/tipitaka/pitaka_item/pali_item_s.php?book=19&item=333&items=22&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=19&item=333&items=22&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=19&item=333&items=22&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=19&item=333&items=22&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=19&i=333 The Pali Atthakatha in Thai :- http://84000.org/tipitaka/atthapali/read_th.php?B=13&A=4410 The Pali Atthakatha in Roman :- http://84000.org/tipitaka/atthapali/read_rm.php?B=13&A=4410 สารบัญพระไตรปิฎกเล่มที่ ๑๙ http://84000.org/tipitaka/read/?index_19