ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๒ ภาษาบาลี อักษรไทย พระสุตตันตปิฎกเล่มที่ ๑๔ สุตฺต. องฺ. (๓): ปญฺจก-ฉกฺกนิปาตา
     [๓๓๔]   ๖๓  นิพฺเพธิกปริยายํ  โว ภิกฺขเว ธมฺมปริยายํ เทเสสฺสามิ
@เชิงอรรถ:  ม. ยุ. ... คโตยํ ฯ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต   ภิกฺขู  ภควโต  ปจฺจสฺโสสุํ  ฯ  ภควา  เอตทโวจ  กตโม  จ  โส
ภิกฺขเว   นิพฺเพธิกปริยาโย   ธมฺมปริยาโย   กามา  ภิกฺขเว  เวทิตพฺพา
กามานํ  นิทานสมฺภโว  เวทิตพฺโพ  กามานํ  เวมตฺตตา เวทิตพฺพา กามานํ
วิปาโก   เวทิตพฺโพ   กามนิโรโธ   เวทิตพฺโพ   กามนิโรธคามินีปฏิปทา
เวทิตพฺพา    เวทนา   ภิกฺขเว   เวทิตพฺพา   เวทนานํ   นิทานสมฺภโว
เวทิตพฺโพ  เวทนานํ  เวมตฺตตา  เวทิตพฺพา  เวทนานํ วิปาโก เวทิตพฺโพ
เวทนานิโรโธ   เวทิตพฺโพ  เวทนานิโรธคามินีปฏิปทา  เวทิตพฺพา  สญฺา
ภิกฺขเว    เวทิตพฺพา    สญฺานํ   นิทานสมฺภโว   เวทิตพฺโพ   สญฺานํ
เวมตฺตตา   เวทิตพฺพา   สญฺานํ   วิปาโก   เวทิตพฺโพ   สญฺานิโรโธ
เวทิตพฺโพ    สญฺานิโรธคามินีปฏิปทา    เวทิตพฺพา   อาสวา   ภิกฺขเว
เวทิตพฺพา   อาสวานํ   นิทานสมฺภโว   เวทิตพฺโพ  อาสวานํ  เวมตฺตตา
เวทิตพฺพา   อาสวานํ   วิปาโก   เวทิตพฺโพ   อาสวนิโรโธ  เวทิตพฺโพ
อาสวนิโรธคามินีปฏิปทา   เวทิตพฺพา   กมฺมํ  ภิกฺขเว  เวทิตพฺพํ  กมฺมานํ
นิทานสมฺภโว  เวทิตพฺโพ  กมฺมานํ  เวมตฺตตา  เวทิตพฺพา กมฺมานํ วิปาโก
เวทิตพฺโพ   กมฺมนิโรโธ   เวทิตพฺโพ  กมฺมนิโรธคามินีปฏิปทา  เวทิตพฺพา
ทุกฺขํ   ภิกฺขเว   เวทิตพฺพํ   ทุกฺขสฺส  นิทานสมฺภโว  เวทิตพฺโพ  ทุกฺขสฺส
เวมตฺตตา    เวทิตพฺพา   ทุกฺขสฺส   วิปาโก   เวทิตพฺโพ   ทุกฺขนิโรโธ
เวทิตพฺโพ     ทุกฺขนิโรธคามินีปฏิปทา     เวทิตพฺพา     ฯ     กามา
ภิกฺขเว      เวทิตพฺพา      กามานํ     นิทานสมฺภโว     เวทิตพฺโพ
กามานํ    เวมตฺตตา    เวทิตพฺพา    กามานํ    วิปาโก   เวทิตพฺโพ
กามนิโรโธ      เวทิตพฺโพ     กามนิโรธคามินีปฏิปทา     เวทิตพฺพาติ
อิติ  โข  ปเนตํ  วุตฺตํ  กิญฺเจตํ  ปฏิจฺจ  วุตฺตํ  ปญฺจิเม ภิกฺขเว กามคุณา
จกฺขุวิญฺเยฺยา   รูปา   อิฏฺา   กนฺตา   มนาปา  ปิยรูปา  กามูปสํหิตา
รชนิยา   ๑-   โสตวิญฺเยฺยา   สทฺทา   ฯเปฯ  ฆานวิญฺเยฺยา  คนฺธา
ชิวฺหาวิญฺเยฺยา    รสา   กายวิญฺเยฺยา   โผฏฺพฺพา   อิฏฺา   กนฺตา
มนาปา   ปิยรูปา   กามูปสํหิตา   รชนิยา   ๑-  อปิ  จ  โข  ภิกฺขเว
เนเต กามา กามคุณา นาเมเต อริยสฺส วินเย วุจฺจนฺติ ฯ
               สงฺกปฺปราโค ปุริสสฺส กาโม
               น เต ๒- กามา ยานิ จิตฺรานิ โลเก
               สงฺกปฺปราโค ปุริสสฺส กาโม
               ติฏฺนฺติ จิตฺรานิ ตเถว โลเก
               อเถตฺถ ธีรา วินยนฺติ ฉนฺทนฺติ ฯ
     {๓๓๔.๒}   กตโม   จ   ภิกฺขเว  กามานํ  นิทานสมฺภโว  ผสฺโส
ภิกฺขเว   กามานํ   นิทานสมฺภโว   ฯ   กตมา   จ   ภิกฺขเว  กามานํ
เวมตฺตตา  อญฺโ  ภิกฺขเว  กาโม  รูเปสุ  อญฺโ  กาโม สทฺเทสุ อญฺโ
กาโม   คนฺเธสุ   อญฺโ   กาโม   รเสสุ  อญฺโ  กาโม  โผฏฺพฺเพสุ
อยํ   วุจฺจติ   ภิกฺขเว   กามานํ   เวมตฺตตา   ฯ  กตโม  จ  ภิกฺขเว
กามานํ   วิปาโก  ยํ  โข  ภิกฺขเว  กามยมาโน  ตชฺชํ  ตชฺชํ  อตฺตภาวํ
@เชิงอรรถ:  ม. ยุ. รชนียา ฯ   ม. ยุ. เนเต ฯ
อภินิพฺพตฺเตติ   ปุญฺภาคิยํ   วา  อปุญฺภาคิยํ  วา  อยํ  วุจฺจติ  ภิกฺขเว
กามานํ  วิปาโก  ฯ กตโม จ ภิกฺขเว กามนิโรโธ ผสฺสนิโรธา ๑- ภิกฺขเว
กามนิโรโธ   อยเมว  อริโย  อฏฺงฺคิโก  มคฺโค  กามนิโรธคามินีปฏิปทา
เสยฺยถีทํ    สมฺมาทิฏฺิ    สมฺมาสงฺกปฺโป   สมฺมาวาจา   สมฺมากมฺมนฺโต
สมฺมาอาชีโว     สมฺมาวายาโม     สมฺมาสติ     สมฺมาสมาธิ    ยโต
จ  ๒-  โข  ภิกฺขเว  อริยสาวโก  เอวํ  กาเม  ปชานาติ เอวํ กามานํ
นิทานสมฺภวํ   ปชานาติ   เอวํ   กามานํ   เวมตฺตตํ   ปชานาติ   เอวํ
กามานํ    วิปากํ    ปชานาติ    เอวํ   กามนิโรธํ   ปชานาติ   เอวํ
กามนิโรธคามินีปฏิปทํ    ปชานาติ    โส   อิมํ   นิพฺเพธิกํ   พฺรหฺมจริยํ
ปชานาติ     กามนิโรธํ     กามา    ภิกฺขเว    เวทิตพฺพา    ฯเปฯ
กามนิโรธคามินีปฏิปทา      เวทิตพฺพาติ      อิติ      ยนฺตํ     วุตฺตํ
อิทเมตํ ปฏิจฺจ วุตฺตํ ฯ
     {๓๓๔.๓}   เวทนา  ภิกฺขเว  เวทิตพฺพา ฯเปฯ เวทนานิโรธคามินี-
ปฏิปทา  เวทิตพฺพาติ  อิติ  โข  ปเนตํ  วุตฺตํ กิญฺเจตํ ปฏิจฺจ วุตฺตํ ติสฺโส
อิมา   ภิกฺขเว   เวทนา   สุขา  เวทนา  ทุกฺขา  เวทนา  อทุกฺขมสุขา
เวทนา  ฯ  กตโม  จ  ภิกฺขเว  เวทนานํ  นิทานสมฺภโว  ผสฺโส ภิกฺขเว
เวทนานํ   นิทานสมฺภโว   ฯ  กตมา  จ  ภิกฺขเว  เวทนานํ  เวมตฺตตา
อตฺถิ   ภิกฺขเว  สามิสา  สุขา  เวทนา  อตฺถิ  นิรามิสา  สุขา  เวทนา
อตฺถิ   สามิสา  ทุกฺขา  เวทนา  อตฺถิ  นิรามิสา  ทุกฺขา  เวทนา  อตฺถิ
สามิสา   อทุกฺขมสุขา   เวทนา   อตฺถิ  นิรามิสา  อทุกฺขมสุขา  เวทนา
อยํ  วุจฺจติ  ภิกฺขเว  เวทนานํ  เวมตฺตตา  ฯ กตโม จ ภิกฺขเว เวทนานํ
@เชิงอรรถ:  ม. ยุ. ผสฺสนิโรโธ ฯ   โป. ม. จสทฺโท นตฺถิ ฯ
วิปาโก   ยํ   โข   ภิกฺขเว   เวทยมาโน  ๑-  ตชฺชํ  ตชฺชํ  อตฺตภาวํ
อภินิพฺพตฺเตติ   ปุญฺภาคิยํ   วา  อปุญฺภาคิยํ  วา  อยํ  วุจฺจติ  ภิกฺขเว
เวทนานํ  วิปาโก  ฯ  กตโม  จ  ภิกฺขเว เวทนานิโรโธ ผสฺสนิโรธา ๒-
ภิกฺขเว    เวทนานิโรโธ    อยเมว    อริโย    อฏฺงฺคิโก    มคฺโค
เวทนานิโรธคามินีปฏิปทา   เสยฺยถีทํ   สมฺมาทิฏฺิ   ฯเปฯ   สมฺมาสมาธิ
ยโต  จ  ๓-  โข  ภิกฺขเว  อริยสาวโก  เอวํ เวทนํ ๔- ปชานาติ เอวํ
เวทนานํ   นิทานสมฺภวํ   ปชานาติ  เอวํ  เวทนานํ  เวมตฺตตํ  ปชานาติ
เอวํ   เวทนานํ  วิปากํ  ปชานาติ  เอวํ  เวทนานิโรธํ  ปชานาติ  เอวํ
เวทนานิโรธคามินีปฏิปทํ   ปชานาติ   โส   อิมํ   นิพฺเพธิกํ   พฺรหฺมจริยํ
ปชานาติ    เวทนานิโรธํ    เวทนา    ภิกฺขเว    เวทิตพฺพา   ฯเปฯ
เวทนานิโรธคามินีปฏิปทา    เวทิตพฺพาติ   อิติ   ยนฺตํ   วุตฺตํ   อิทเมตํ
ปฏิจฺจ วุตฺตํ ฯ
     {๓๓๔.๔}   สญฺา  ภิกฺขเว  เวทิตพฺพา  ฯเปฯ  สญฺานิโรธคามินี-
ปฏิปทา   เวทิตพฺพาติ   อิติ  โข  ปเนตํ  วุตฺตํ  กิญฺเจตํ  ปฏิจฺจ  วุตฺตํ
ฉยิมา     ภิกฺขเว     สญฺา    รูปสญฺา    สทฺทสญฺา    คนฺธสญฺา
รสสญฺา    โผฏฺพฺพสญฺา    ธมฺมสญฺา    ฯ   กตโม   จ   ภิกฺขเว
สญฺานํ   นิทานสมฺภโว   ผสฺโส   ภิกฺขเว   สญฺานํ   นิทานสมฺภโว  ฯ
กตมา   จ   ภิกฺขเว   สญฺานํ   เวมตฺตตา   อญฺา   ภิกฺขเว  สญฺา
รูเปสุ   อญฺา   สญฺา   สทฺเทสุ   อญฺา   สญฺา   คนฺเธสุ   อญฺา
สญฺา    รเสสุ    อญฺา    สญฺา    โผฏฺพฺเพสุ    อญฺา   สญฺ@เชิงอรรถ:  โป. ม. ยุ. เวทิยมาโน ฯ   ม. ยุ. ผสฺสนิโรโธ ฯ   ม. จสทฺโท นตฺถิ ฯ
@ ยุ. เวทนา ฯ
ธมฺเมสุ   อยํ   วุจฺจติ   ภิกฺขเว   สญฺานํ   เวมตฺตตา  ฯ  กตโม  จ
ภิกฺขเว  สญฺานํ  วิปาโก  โวหารเวปกฺกาหํ  ๑-  ภิกฺขเว  สญฺา วทามิ
ยถา  ยถา  นํ  สญฺชานาติ  ตถา  ตถา  โวหรติ  เอวํ  สญฺี  อโหสินฺติ
อยํ  วุจฺจติ  ภิกฺขเว  สญฺานํ  วิปาโก  ฯ กตโม จ ภิกฺขเว สญฺานิโรโธ
ผสฺสนิโรธา   ๒-   ภิกฺขเว   สญฺานิโรโธ  อยเมว  อริโย  อฏฺงฺคิโก
มคฺโค     สญฺานิโรธคามินีปฏิปทา    เสยฺยถีทํ    สมฺมาทิฏฺิ    ฯเปฯ
สมฺมาสมาธิ  ยโต  จ  ๓-  โข  ภิกฺขเว  อริยสาวโก  เอวํ  สญฺ๔-
ปชานาติ    เอวํ   สญฺานํ   นิทานสมฺภวํ   ปชานาติ   เอวํ   สญฺานํ
เวมตฺตตํ    ปชานาติ    เอวํ    สญฺานํ    วิปากํ   ปชานาติ   เอวํ
สญฺานิโรธํ   ปชานาติ   เอวํ   สญฺานิโรธคามินีปฏิปทํ   ปชานาติ  โส
อิมํ   นิพฺเพธิกํ   พฺรหฺมจริยํ   ปชานาติ   สญฺานิโรธํ   สญฺา  ภิกฺขเว
เวทิตพฺพา       ฯเปฯ      สญฺานิโรธคามินีปฏิปทา      เวทิตพฺพาติ
อิติ ยนฺตํ วุตฺตํ อิทเมตํ ปฏิจฺจ วุตฺตํ ฯ
     {๓๓๔.๕}   อาสวา ภิกฺขเว เวทิตพฺพา ฯเปฯ อาสวนิโรธคามินีปปฏิทา
เวทิตพฺพาติ   อิติ   โข   ปเนตํ  วุตฺตํ  กิญฺเจตํ  ปฏิจฺจ  วุตฺตํ  ตโยเม
ภิกฺขเว  อาสวา  กามาสโว  ภวาสโว  อวิชฺชาสโว  ฯ กตโม จ ภิกฺขเว
อาสวานํ   นิทานสมฺภโว   อวิชฺชา  ภิกฺขเว  อาสวานํ  นิทานสมฺภโว  ฯ
กตมา   จ   ภิกฺขเว   อาสวานํ   เวมตฺตตา   อตฺถิ  ภิกฺขเว  อาสวา
นิรยคมนิยา   ๕-   อตฺถิ   อาสวา  ติรจฺฉานโยนิคมนิยา  อตฺถิ  อาสวา
เปตฺติวิสยคมนิยา    ๖-    อตฺถิ    อาสวา   มนุสฺสโลกคมนิยา   อตฺถิ
@เชิงอรรถ:  ม. โวหารเวปกฺกํ ภิกฺขเว สญฺ วทามิ ฯ   ม. ยุ. ผสฺสนิโรโธ ฯ   โป.
@ม. จสทฺโท นตฺถิ ฯ   ม. สญฺ โป. ... คามินียา ฯ ม. ... คมนียา ฯ
@ ยุ. ปิตฺติ ... ฯ
อาสวา  เทวโลกคมนิยา  อยํ  วุจฺจติ  ภิกฺขเว  อาสวานํ  เวมตฺตตา  ฯ
กตโม   จ   ภิกฺขเว  อาสวานํ  วิปาโก  ยํ  โข  ภิกฺขเว  อวิชฺชาคโต
ตชฺชํ   ตชฺชํ   อตฺตภาวํ   อภินิพฺพตฺเตติ   ปุญฺภาคิยํ   วา  อปุญฺภาคิยํ
วา  อยํ วุจฺจติ ภิกฺขเว อาสวานํ วิปาโก ฯ กตโม จ ภิกฺขเว อาสวนิโรโธ
อวิชฺชานิโรธา   ๑-  ภิกฺขเว  อาสวนิโรโธ  อยเมว  อริโย  อฏฺงฺคิโก
มคฺโค     อาสวนิโรธคามินีปฏิปทา    เสยฺยถีทํ    สมฺมาทิฏฺิ    ฯเปฯ
สมฺมาสมาธิ   ยโต   จ  ๒-  โข  ภิกฺขเว  อริยสาวโก  เอวํ  อาสเว
ปชานาติ   เอวํ   อาสวานํ   นิทานสมฺภวํ   ปชานาติ   เอวํ  อาสวานํ
เวมตฺตตํ  ปชานาติ  เอวํ  อาสวานํ วิปากํ ปชานาติ เอวํ อาสวนิโรธํ ๓-
ปชานาติ    เอวํ    อาสวนิโรธคามินีปฏิปทํ    ปชานาติ    โส    อิมํ
นิพฺเพธิกํ    พฺรหฺมจริยํ    ปชานาติ    อาสวนิโรธํ   อาสวา   ภิกฺขเว
เวทิตพฺพา       ฯเปฯ      อาสวนิโรธคามินีปฏิปทา      เวทิตพฺพาติ
อิติ ยนฺตํ วุตฺตํ อิทเมตํ ปฏิจฺจ วุตฺตํ ฯ
     {๓๓๔.๖}   กมฺมํ  ภิกฺขเว  เวทิตพฺพํ  ฯเปฯ กมฺมนิโรธคามินีปฏิปทา
เวทิตพฺพาติ   อิติ   โข  ปเนตํ  วุตฺตํ  กิญฺเจตํ  ปฏิจฺจ  วุตฺตํ  เจตนาหํ
ภิกฺขเว  กมฺมํ  วทามิ  เจตยิตฺวา  กมฺมํ  กโรติ กาเยน วาจาย มนสา ฯ
กตโม   จ   ภิกฺขเว   กมฺมานํ  นิทานสมฺภโว  ผสฺโส  ภิกฺขเว  กมฺมานํ
นิทานสมฺภโว   ฯ   กตโม   จ   ภิกฺขเว   กมฺมานํ   เวมตฺตตา  อตฺถิ
ภิกฺขเว   กมฺมํ   นิรยเวทนิยํ   อตฺถิ   กมฺมํ  ติรจฺฉานโยนิเวทนิยํ  อตฺถิ
กมฺมํ   ปิตฺติวิสยเวทนิยํ   อตฺถิ   กมฺมํ   มนุสฺสโลกเวทนิยํ   อตฺถิ  กมฺมํ
@เชิงอรรถ:  ม. ยุ. อวิชฺชานิโรโธ ฯ   ม. จสทฺโท นตฺถิ ฯ   ม. อาสวานํ นิโรธํ ฯ
เทวโลกเวทนิยํ  อยํ  วุจฺจติ  ภิกฺขเว  กมฺมานํ  เวมตฺตตา  ฯ  กตโม จ
ภิกฺขเว   กมฺมานํ   วิปาโก   ติวิธาหํ  ภิกฺขเว  กมฺมานํ  วิปากํ  วทามิ
ทิฏฺเว   ธมฺเม   อุปปชฺเช   วา   อปเร  วา  ปริยาเย  อยํ  วุจฺจติ
ภิกฺขเว  กมฺมานํ  วิปาโก ฯ กตโม จ ภิกฺขเว กมฺมนิโรโธ ผสฺสนิโรธา ๑-
ภิกฺขเว   กมฺมนิโรโธ   อยเมว  อริโย  อฏฺงฺคิโก  มคฺโค  กมฺมนิโรธ-
คามินีปฏิปทา    เสยฺยถีทํ    สมฺมาทิฏฺิ   ฯเปฯ   สมฺมาสมาธิ   ยโต
จ  ๒-  โข  ภิกฺขเว  อริยสาวโก  เอวํ  กมฺมํ  ปชานาติ  เอวํ กมฺมานํ
นิทานสมฺภวํ   ปชานาติ   เอวํ   กมฺมานํ   เวมตฺตตํ   ปชานาติ   เอวํ
กมฺมานํ  วิปากํ  ปชานาติ  เอวํ  กมฺมนิโรธํ  ปชานาติ  เอวํ กมฺมนิโรธ-
คามินีปฏิปทํ   ปชานาติ   โส   อิมํ   นิพฺเพธิกํ   พฺรหฺมจริยํ  ปชานาติ
กมฺมนิโรธํ   กมฺมํ   ภิกฺขเว   เวทิตพฺพํ   ฯเปฯ  กมฺมนิโรธคามินีปฏิปทา
เวทิตพฺพาติ อิติ ยนฺตํ วุตฺตํ อิทเมตํ ปฏิจฺจ วุตฺตํ ฯ
     {๓๓๔.๗}   ทุกฺขํ  ภิกฺขเว เวทิตพฺพํ ทุกฺขสฺส นิทานสมฺภโว เวทิตพฺโพ
ทุกฺขสฺส  เวมตฺตตา  เวทิตพฺพา  ทุกฺขสฺส  วิปาโก  เวทิตพฺโพ ทุกฺขนิโรโธ
เวทิตพฺโพ    ทุกฺขนิโรธคามินีปฏิปทา   เวทิตพฺพาติ   อิติ   โข   ปเนตํ
วุตฺตํ   กิญฺเจตํ   ปฏิจฺจ   วุตฺตํ  ชาติปิ  ทุกฺขา  ชราปิ  ทุกฺขา  พฺยาธิปิ
ทุกฺขา    มรณมฺปิ    ทุกฺขํ    โสกปริเทวทุกฺขโทมนสฺสุปายาสาปิ   ทุกฺขา
ยมฺปิจฺฉํ  น  ลภติ  ตมฺปิ  ทุกฺขํ  สงฺขิตฺเตน  ปญฺจุปาทานกฺขนฺธา  ทุกฺขา ฯ
กตโม   จ   ภิกฺขเว   ทุกฺขสฺส  นิทานสมฺภโว  ตณฺหา  ภิกฺขเว  ทุกฺขสฺส
@เชิงอรรถ:  ม. ยุ. ผสฺสนิโรโธ ฯ   ม. จสทฺโท นตฺถิ ฯ
นิทานสมฺภโว  ฯ  กตมา  จ  ภิกฺขเว  ทุกฺขสฺส  เวมตฺตตา  อตฺถิ ภิกฺขเว
ทุกฺขํ   อธิมตฺตํ   อตฺถิ   ปริตฺตํ   อตฺถิ   ทนฺธวิราคิ   อตฺถิ  ขิปฺปวิราคิ
อยํ  วุจฺจติ  ภิกฺขเว  ทุกฺขสฺส  เวมตฺตตา  ฯ  กตโม  จ ภิกฺขเว ทุกฺขสฺส
วิปาโก  อิธ  ภิกฺขเว  เอกจฺโจ  เยน  ทุกฺเขน  อภิภูโต ปริยาทินฺนจิตฺโต
โสจติ   กิลมติ   ปริเทวติ   อุรตฺตาฬี   ๑-  กนฺทติ  สมฺโมหํ  อาปชฺชติ
เยน  วา  ปน  ทุกฺเขน  อภิภูโต  ปริยาทินฺนจิตฺโต  พหิทฺธา ปริเยฏฺ๒-
อาปชฺชติ  โก  เอกปทํ  ทฺวิปทํ  ปชานาติ  ๓- อิมสฺส ทุกฺขสฺส นิโรธายาติ
สมฺโมหเวปกฺกํ   วาหํ  ภิกฺขเว  ทุกฺขํ  วทามิ  ปริเยฏฺิเวปกฺกํ  ๒-  วา
อยํ  วุจฺจติ  ภิกฺขเว  ทุกฺขสฺส  วิปาโก  ฯ  กตโม จ ภิกฺขเว ทุกฺขนิโรโธ
ตณฺหานิโรธา   ๓-   ภิกฺขเว   ทุกฺขนิโรโธ  อยเมว  อริโย  อฏฺงฺคิโก
มคฺโค    ทุกฺขนิโรธคามินีปฏิปทา   ๔-   เสยฺยถีทํ   สมฺมาทิฏฺิ   ฯเปฯ
สมฺมาสมาธิ
     {๓๓๔.๘}   ยโต จ ๕- โข ภิกฺขเว อริยสาวโก เอวํ ทุกฺขํ ปชานาติ
เอวํ    ทุกฺขสฺส   นิทานสมฺภวํ   ปชานาติ   เอวํ   ทุกฺขสฺส   เวมตฺตตํ
ปชานาติ  เอวํ  ทุกฺขวิปากํ  ปชานาติ  เอวํ  ทุกฺขนิโรธํ  ปชานาติ  เอวํ
ทุกฺขนิโรธคามินีปฏิปทํ    ปชานาติ    โส   อิมํ   นิพฺเพธิกํ   พฺรหฺมจริยํ
ปชานาติ   ทุกฺขนิโรธํ   ทุกฺขํ  ภิกฺขเว  เวทิตพฺพํ  ทุกฺขสฺส  นิทานสมฺภโว
เวทิตพฺโพ    ทุกฺขสฺส    เวมตฺตตา    เวทิตพฺพา    ทุกฺขสฺส   วิปาโก
เวทิตพฺโพ      ทุกฺขนิโรโธ      เวทิตพฺโพ     ทุกฺขนิโรธคามินีปฏิปทา
เวทิตพฺพาติ  อิติ  ยนฺตํ  วุตฺตํ  อิทเมตํ  ปฏิจฺจ  วุตฺตํ อยํ โข โส ภิกฺขเว
นิพฺเพธิกปริยาโย ธมฺมปริยาโยติ ฯ
@เชิงอรรถ:  ม. อุรตฺตาฬึ ฯ   โป. ปริยิฏฺึ ฯ   ม. ยุ. ตณฺหานิโรโธ ฯ   ม. ทุกฺขสฺส
@นิ ... ฯ  ม. จสทฺโท นตฺถิ ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๒๒ หน้าที่ ๔๕๘-๔๖๖. http://84000.org/tipitaka/pitaka_item/pali_item_s.php?book=22&item=334&items=1&mode=bracket              อ่านโดยใช้เนื้อความเป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=22&item=334&items=1              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=22&item=334&items=1&mode=bracket              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=22&item=334&items=1&mode=bracket              ศึกษาอรรถกถานี้ได้ที่ :- http://84000.org/tipitaka/attha/attha.php?b=22&i=334              The Pali Atthakatha in Thai :- http://84000.org/tipitaka/atthapali/read_th.php?B=16&A=3347              The Pali Atthakatha in Roman :- http://84000.org/tipitaka/atthapali/read_rm.php?B=16&A=3347              สารบัญพระไตรปิฎกเล่มที่ ๒๒ http://84000.org/tipitaka/read/?index_22

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :