พระไตรปิฎกเล่มที่ ๒๕ ภาษาบาลี อักษรไทย
พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา

           สุตฺตนิปาเต ตติยสฺส มหาวคฺคสฺส ฉฏฺ สภิยสุตฺตํ
     [๓๖๔]   ๖   เอวมฺเม   สุตํ  ฯ  เอกํ  สมยํ  ภควา  ราชคเห
วิหรติ   เวฬุวเน  กลนฺทกนิวาเป  ฯ  เตน  โข  ปน  สมเยน  สภิยสฺส
ปริพฺพาชกสฺส   ปุราณสาโลหิตาย   เทวตาย   ปญฺหา   อุทิฏฺา   โหนฺติ
โย   เต   สภิย   สมโณ   วา  พฺราหฺมโณ  วา  อิเม  ปเญฺห  ปุฏฺโ
พฺยากโรติ ตสฺส สนฺติเก พฺรหฺมจริยํ จเรยฺยาสีติ ฯ
     {๓๖๔.๑}   อถ   โข   สภิโย   ปริพฺพาชโก  ตสฺสา  เทวตาย
สนฺติเก   [๑]-  ปเญฺห  อุคฺคเหตฺวา  เย  เต  สมณพฺราหฺมณา  สงฺฆิโน
คณิโน    คณาจริยา    าตา    ยสสฺสิโน    ติตฺถกรา    สาธุสมฺมตา
พหุชนสฺส    เสยฺยถีทํ    ปูรโณ   กสฺสโป   มกฺขลิ   โคสาโล   อชิโต
เกสกมฺพโล   ๒-  ปกุทฺโธ  ๓-  กจฺจายโน  สญฺชโย  เวฬฏฺปุตฺโต  ๔-
นิคนฺโถ   นาฏปุตฺโต   เต   อุปสงฺกมิตฺวา  เต  ปเญฺห  ปุจฺฉติ  ฯ  เต
สภิเยน   ปริพฺพาชเกน   ปเญฺห   ปุฏฺา   น  สมฺปายนฺติ  อสมฺปายนฺตา
โกปญฺจ   โทสญฺจ   อปฺปจฺจยญฺจ   ปาตุกโรนฺติ   อปิ   จ   สภิยํ   ๕-
ปริพฺพาชกํ ปฏิปุจฺฉนฺติ ฯ
     {๓๖๔.๒}   อถ  โข  สภิยสฺส  ปริพฺพาชกสฺส  เอตทโหสิ  เย โข
เต   โภนฺโต   สมณพฺราหฺมณา   สงฺฆิโน   คณิโน   คณาจริยา   าตา
ยสสฺสิโน   ติตฺถกรา   สาธุสมฺมตา  พหุชนสฺส  เสยฺยถีทํ  ปูรโณ  กสฺสโป
ฯเปฯ   นิคนฺโถ   นาฏปุตฺโต  เต  มยา  ปเญฺห  ปุฏฺา  น  สมฺปายนฺติ
อสมฺปายนฺตา     โกปญฺจ     โทสญฺจ     อปฺปจฺจยญฺจ     ปาตุกโรนฺติ
@เชิงอรรถ: ๑ โป. ม. ยุ. เอตฺถนฺตเร เตติ ทิสฺสติ ฯ ๒ ยุ. เกสกมฺพลิ ฯ ๓ ม. ปกุโธ
@กจฺจาโน ฯ ยุ. ปกุโธ ฯ ๔ ม. เพลฏฺปุตฺโต ฯ ยุ. เพลฏฺิปุตฺโต ฯ
@๕ ม. ยุ. สภิยญฺเว ฯ
อปิ    จ    มญฺเเวตฺถ    ปฏิปุจฺฉนฺติ    ยนฺนูนาหํ    หีนายาวตฺติตฺวา
กาเม    ปริภุญฺเชยฺยนฺติ    ฯ    อถ    โข   สภิยสฺส   ปริพฺพาชกสฺส
เอตทโหสิ   อยํ   ๑-   โข   สมโณ   โคตโม   สงฺฆี  เจว  คณี  จ
คณาจริโย    าโต   ยสสฺสี   ติตฺถกโร   สาธุสมฺมโต   พหุชนสฺส   ฯ
ยนฺนูนาหํ สมณํ โคตมํ อุปสงฺกมิตฺวา อิเม ปเญฺห ปุจฺเฉยฺยนฺติ ฯ
     {๓๖๔.๓}   อถ  โข  สภิยสฺส ปริพฺพาชกสฺส เอตทโหสิ เย ๒- โข
เต   โภนฺโต  สมณพฺราหฺมณา  ชิณฺณา  วุฑฺฒา  มหลฺลกา  อทฺธคตา  วโย
อนุปฺปตฺตา   เถรา   รตฺตญฺู   จิรปพฺพชิตา  สงฺฆิโน  คณิโน  คณาจริยา
าตา    ยสสฺสิโน    ติตฺถกรา    สาธุสมฺมตา    พหุชนสฺส   เสยฺยถีทํ
ปูรโณ   กสฺสโป   ฯเปฯ  นิคนฺโถ  นาฏปุตฺโต  เตปิ  ๓-  มยา  ปเญฺห
ปุฏฺา     น     สมฺปายนฺติ     อสมฺปายนฺตา     โกปญฺจ    โทสญฺจ
อปฺปจฺจยญฺจ    ปาตุกโรนฺติ    อปิ   จ   มญฺเเวตฺถ   ปฏิปุจฺฉนฺติ   ฯ
กึ   ปน   เม   สมโณ  โคตโม  อิเม  ปเญฺห  ปุฏฺโ  พฺยากริสฺสติ  ฯ
สมโณ หิ โคตโม ทหโร เจว ชาติยา นโว จ ปพฺพชฺชายาติ ฯ
     {๓๖๔.๔}   อถ  โข  สภิยสฺส  ปริพฺพาชกสฺส เอตทโหสิ สมโณ โข
โคตโม   ๔-   ทหโรติ  น  อุญฺาตพฺโพ  น  ปริโภตพฺโพ  ๕-  ทหโรปิ
เจ   สมโณ  โหติ  โส  จ  มหิทฺธิโก  โหติ  มหานุภาโว  ฯ  ยนฺนูนาหํ
สมณํ โคตมํ อุปสงฺกมิตฺวา อิเม ปเญฺห ปุจฺเฉยฺยนฺติ ฯ
@เชิงอรรถ: ๑ ม. อยมฺปิ ฯ ๒ ม. เยปิ ฯ ๓ ยุ. ปิสทฺโท นตฺถิ ฯ ๔ ม. อยํ ปาโ
@นตฺถิ ฯ ๕ อิโต ปรํ มรมฺมโปตฺถเก ทหโรปิ เจส สมโณ โคตโม มหิทฺธิโก
@โหติ มหานุภาโวติ ทิสฺสติ ฯ
     {๓๖๔.๕}   อถ โข สภิโย ปริพฺพาชโก เยน ราชคหํ เตน จาริกํ ปกฺกามิ
อนุปุพฺเพน   จาริกญฺจรมาโน   เยน   ราชคหํ   เวฬุวนํ  กลนฺทกนิวาโป
เยน   ภควา   เตนุปสงฺกมิ   อุปสงฺกมิตฺวา   ภควตา   สทฺธึ   สมฺโมทิ
สมฺโมทนียํ   กถํ  สาราณียํ  วีติสาเรตฺวา  เอกมนฺตํ  นิสีทิ  ฯ  เอกมนฺตํ
นิสินฺโน โข สภิโย ปริพฺพาชโก ภควนฺตํ คาถาย อชฺฌภาสิ
     [๓๖๕]   |๓๖๕.๙๓๗| กงฺขี เวจิกิจฺฉี อาคมํ (อิติ สภิโย)
                          ปเญฺห ปุจฺฉิตุํ อภิกงฺขมาโน
                          เตสนฺตกโร ภวาหิ ปเญฺห เม ปุฏฺโ
                          อนุปุพฺพํ อนุธมฺมํ พฺยากโรหิ เม ฯ
     |๓๖๕.๙๓๘|   ทูรโต อาคโตสิ สภิยาติ ภควา
                          ปเญฺห ปุจฺฉิตุํ อภิกงฺขมาโน
                          เตสนฺตกโร ภวามิ ปเญฺห เต ปุฏฺโ
                          อนุปุพฺพํ อนุธมฺมํ พฺยากโรมิ เต ฯ
     |๓๖๕.๙๓๙|   ปุจฺฉ มํ สภิย ปญฺหํ           ยงฺกิญฺจิ มนสิจฺฉสิ
                          ตสฺส ตสฺเสว ปญฺหสฺส       อหํ อนฺตํ กโรมิ เตติ ฯ
     [๓๖๖]   อถ  โข  สภิยสฺส ปริพฺพาชกสฺส เอตทโหสิ อจฺฉริยํ วต โภ
อพฺภูตํ   วต   โภ   ยํ  วตาหํ  อญฺเสุ  สมณพฺราหฺมเณสุ  โอกาสกมฺม-
มตฺตมฺปิ    นาลตฺถํ   ตมฺเม   อิทํ   สมเณน   โคตเมน   โอกาสกมฺมํ
กตนฺติ     อตฺตมโน    ปมุทิโต    ๑-    อุทคฺโค    ปีติโสมนสฺสชาโต
@เชิงอรรถ: ๑ ยุ. โมทิโต ฯ
ภควนฺตํ ปญฺหํ อปุจฺฉิ
     |๓๖๖.๙๔๐|   กึปตฺตินมาหุ ภิกฺขุนํ (อิติ สภิโย)
                          โสรตํ เกน กถญฺจ ทนฺตมาหุ
                          พุทฺโธติ กถํ ปวุจฺจติ
                          ปุฏฺโ เม ภควา พฺยากโรหิ ๑- ฯ
     |๓๖๖.๙๔๑|   ปชฺเชน กเตน อตฺตนา (สภิยาติ ภควา)
                          ปรินิพฺพานคโต วิติณฺณกงฺโข
                          วิภวญฺจ ภวญฺจ วิปฺปหาย
                          วุสิตวา ขีณปุนพฺภโว ส ภิกฺขุ ฯ
     |๓๖๖.๙๔๒|   สพฺพตฺถ อุเปกฺขโก สตีมา
                          น โส หึสติ กญฺจิ สพฺพโลเก
                          ติณฺโณ สมโณ อนาวิโล
                          อุสฺสทา ยสฺส น สนฺติ โสรโต โส
     |๓๖๖.๙๔๓|   ยสฺสินฺทฺริยานิ ภาวิตานิ
                          อชฺฌตฺตํ พหิทฺธา จ สพฺพโลเก
                          นิพฺพิชฺชิมํ ๒- ปรญฺจ โลกํ
                          กาลํ กงฺขติ ภาวิโต ส ทนฺโต ฯ
     |๓๖๖.๙๔๔|   กปฺปานิ วิเจยฺย เกวลานิ
                          สํสารํ ทุภยํ ๓- จุตูปปาตํ
@เชิงอรรถ: ๑ ยุ. วยากโรหิ ฯ ๒ ม. นิพฺพิชฺช อิมํ ฯ  ๓ วณฺณนายํ ตทุภยํ ฯ
                          วิคตรชมนงฺคณํ วิสุทฺธํ
                          ปตฺตํ ชาติกฺขยํ ตมาหุ พุทฺธนฺติ ฯ
     [๓๖๗]   อถ    โข   สภิโย   ปริพฺพาชโก   ภควโต   ภาสิตํ
อภินนฺทิตฺวา     อนุโมทิตฺวา    อตฺตมโน    ปมุทิโต    ๑-    อุทคฺโค
ปีติโสมนสฺสชาโต ภควนฺตํ อุตฺตรึ ปญฺหํ อปุจฺฉิ
     |๓๖๗.๙๔๕|   กึปตฺตินมาหุ พฺราหฺมณํ (อิติ สภิโย)
                         สมณํ เกน กถญฺจ นฺหาตโกติ
                         นาโคติ กถํ ปวุจฺจติ
                         ปุฏฺโ เม ภควา พฺยากโรหิ ฯ
     |๓๖๗.๙๔๖|   พาเหตฺวา ๒- สพฺพปาปกานิ (สภิยาติ ภควา)
                          วิมโล สาธุสมาหิโต ิตตฺโต
                          สํสารมติจฺจ เกวลี โส
                          อนิสฺสิโต ๓- ตาทิ ปวุจฺจเต ส ๔- พฺรหฺมา ฯ
     |๓๖๗.๙๔๗|   สมิตาวิ ปหาย ปุญฺปาปํ
                          วิรโช ตฺวา อิมํ ปรญฺจ โลกํ
                          ชาติมรณํ อุปาติวตฺโต
                          สมโณ ตาทิ ปวุจฺจเต ตถตฺตา ฯ
     |๓๖๗.๙๔๘|   นินฺนหาย สพฺพปาปกานิ
                          อชฺฌตฺตญฺจ ๕- พหิทฺธา จ สพฺพโลเก
@เชิงอรรถ: ๑ ยุ. ปโมทิโต ฯ ๒ โป. ม. พาหิตฺวา ฯ ๓ ม. ยุ. อสิโต ฯ ๔ ยุ. อยํ
@ปาโ นตฺถิ ฯ ๕ ม. จสทฺโท นตฺถิ ฯ
                          เทวมนุสฺเสสุ กปฺปิเยสุ
                          กปฺปํ เนติ ตมาหุ นฺหาตโกติ ฯ
     |๓๖๗.๙๔๙|   อาคุํ น กโรติ กิญฺจิ โลเก
                          สพฺพสํโยเค วิสชฺช พนฺธนานิ
                          สพฺพตฺถ น สชฺชตี วิปฺปมุตฺโต ๑-
                          นาโค ตาทิ ปวุจฺจเต ตถตฺตาติ ฯ
     [๓๖๘]   อถ   โข  สภิโย  ปริพฺพาชโก  ฯเปฯ  ภควนฺตํ  อุตฺตรึ
ปญฺหํ อปุจฺฉิ
     |๓๖๘.๙๕๐|   กํ เขตฺตชินํ วทนฺติ พุทฺธา (อิติ สภิโย)
                          กุสลํ เกน กถญฺจ ปณฺฑิโตติ
                          มุนิ นาม กถํ ปวุจฺจติ
                          ปุฏฺโ เม ภควา พฺยากโรหิ ฯ
     |๓๖๘.๙๕๑|   เขตฺตานิ วิเจยฺย เกวลานิ (สภิยาติ ภควา)
                          ทิพฺพํ ๒- มานุสกญฺจ พฺรหฺมเขตฺตํ
                          (สพฺพ) เขตฺตมูลพนฺธนา ปมุตฺโต
                          เขตฺตชิโน ตาทิ ปวุจฺจเต ตถตฺตา ฯ
     |๓๖๘.๙๕๒|   โกสานิ วิเจยฺย เกวลานิ
                          ทิพฺพํ มานุสกญฺจ พฺรหฺมโกสํ
                          (สพฺพ) โกสมูลพนฺธนา ปมุตฺโต
                          กุสโล ตาทิ ปวุจฺจเต ตถตฺตา ฯ
@เชิงอรรถ: ๑ ม. ยุ. วิมุตฺโต ฯ ๒ โป. ทิพฺยํ ฯ ยุ. ทิวยํ ฯ
     |๓๖๘.๙๕๓|   ทุภยานิ วิเจยฺย ปณฺฑรานิ
                          อชฺฌตฺตํ พหิทฺธา จ สุทฺธปญฺโ
                          กณฺหสุกฺกํ อุปาติวตฺโต
                          ปณฺฑิโต ตาทิ ปวุจฺจเต ตถตฺตา ฯ
     |๓๖๘.๙๕๔|   อสตญฺจ สตญฺจ ตฺวา ธมฺมํ
                          อชฺฌตฺตํ พหิทฺธา จ สพฺพโลเก
                          เทวมนุสฺเสหิ ปูชิโย ๑- โส
                          สงฺคชาลมติจฺจ โส มุนีติ ฯ
     [๓๖๙]   อถ   สภิโย  โข  ปริพฺพาชโก  ฯเปฯ  ภควนฺตํ  อุตฺตรึ
ปญฺหํ อปุจฺฉิ
     |๓๖๙.๙๕๕|   กึปตฺตินมาหุ เวทคุํ (อิติ สภิโย)
                          อนุวิทิตํ เกน กถญฺจ วิริยวาติ
                          อาชานิโย กินฺติ นาม โหติ
                          ปุฏฺโ เม ภควา พฺยากโรหิ ฯ
     |๓๖๙.๙๕๖|   เวทานิ วิเจยฺย เกวลานิ (สภิยาติ ภควา)
                          สมณานํ ยานิปตฺถิ ๒- พฺราหฺมณานํ
                          สพฺพเวทนาสุ วีตราโค
                          สพฺพํ เวทมติจฺจ เวทคู โส ฯ
     |๓๖๙.๙๕๗|   อนุวิจฺจ ปปญฺจนามรูปํ
@เชิงอรรถ: ๑ ปูชิโตติปิ ปาโ ฯ โป. ม. ปูชนิโย ฯ ๒ โป. ยานิมตฺถิ ฯ ม. ยานิธตฺถิ ฯ
                          อชฺฌตฺตํ พหิทฺธา จ โรคมูลํ
                          (สพฺพ) โรคมูลพนฺธนา ปมุตฺโต
                          อนุวิทิโต ตาทิ ปวุจฺจเต ตถตฺตา ฯ
     |๓๖๙.๙๕๘|   วิรโต สพฺพปาปเกหิ
                          นิรยทุกฺขมติจฺจ วิริยวา โส
                          โส วิริยวา ปธานวา
                          ธีโร ตาทิ ปวุจฺจเต ตถตฺตา ฯ
     |๓๖๙.๙๕๙|   ยสฺสสฺสุ ลูนานิ ๑- พนฺธนานิ
                          อชฺฌตฺตํ พหิทฺธา จ สงฺคมูลํ
                          สพฺพสงฺคมูลพนฺธนา ปมุตฺโต
                          อาชานิโย ตาทิ ปวุจฺจเต ตถตฺตา ฯ
     [๓๗๐]   อถ   โข  สภิโย  ปริพฺพาชโก  ฯเปฯ  ภควนฺตํ  อุตฺตรึ
ปญฺหํ อปุจฺฉิ
     |๓๗๐.๙๖๐|   กึปตฺตินมาหุ โสตฺติยํ (อิติ สภิโย)
                          อริยํ เกน กถญฺจ จรณวาติ
                          ปริพฺพาชโก กินฺติ นาม โหติ
                          ปุฏฺโ เม ภควา พฺยากโรหิ ฯ
     |๓๗๐.๙๖๑|   สุตวา สพฺพธมฺมํ อภิญฺาย โลเก (สภิยาติ ภควา)
                          สาวชฺชานวชฺชํ ยทตฺถิ กิญฺจิ
                          อภิภุํ อกถงฺกถึ วิมุตฺตํ
@เชิงอรรถ: ๑ โป. ม. ลุลานิ ฯ ยุ. ลุตานิ ฯ
                          อนีฆํ สพฺพธิมาหุ โสตฺติโยติ ฯ
     |๓๗๐.๙๖๒|   เฉตฺวา อาลยานิ อาสวานิ ๑-
                          วิทฺวา โส น อุเปติ คพฺภเสยฺยํ
                          สญฺ ติวิธํ ปนุชฺช ปงฺกํ
                          กปฺปํ เนติ ตมาหุ อริโยติ ฯ
     |๓๗๐.๙๖๓|   โย อิธ จรเณสุ ปตฺติปตฺโต
                          กุสโล สพฺพทา อชานิ ๒- ธมฺมํ
                          สพฺพตฺถ น สชฺชตี วิมุตฺตจิตฺโต
                          ปฏิฆา ยสฺส น สนฺติ จรณวา โส ฯ
     |๓๗๐.๙๖๔|   ทุกฺขเวปกฺกํ ยทตฺถิ กมฺมํ
                          อุทฺธํ อโธ ติริยญฺจาปิ ๓- มชฺเฌ
                          ปริพฺพาชยิตฺวา ๔- ปริญฺจารี
                          มายํ มานมโถปิ โลภโกธํ
                          ปริยนฺตมกาสิ นามรูปํ
                          ตํ ปริพฺพาชกมาหุ ปตฺติปตฺตนฺติ ฯ
     [๓๗๑]   อถ  โข  สภิโย  ปริพฺพาชโก  ภควโต ภาสิตํ อภินนฺทิตฺวา
อนุโมทิตฺวา  อตฺตมโน  อุทคฺโค  ปมุทิโต  ปีติโสมนสฺสชาโต  อุฏฺายาสนา
เอกํสํ   อุตฺตราสงฺคํ   กริตฺวา   เยน   ภควา    เตนญฺชลิมฺปณาเมตฺวา
ภควนฺตํ สมฺมุขา สารุปฺปาหิ คาถาหิ อภิตฺถวิ
@เชิงอรรถ: ๑ ม. ยุ. อาสวานิ อาลยานิ ฯ ๒ โป. ม. อาชานาติ ฯ ๓ โป. ม. ติริยํ วาปิ ฯ
@๔ ยุ. ปริวชฺชยิตฺวา ฯ
     |๓๗๑.๙๖๕|   ยานิ จ ตีณิ ยานิ จ สฏฺิ ๑-
                          สมณปฺปวาทนิสฺสิตานิ ๒- ภูริปญฺ
                          สญฺกฺขรสญฺนิสฺสิตานิ
                          โอสรณานิ วิเนยฺย โอฆตมคา ฯ
     |๓๗๑.๙๖๖|   อนฺตคูสิ ปารคูสิ ๓- ทุกฺขสฺส
                          อรหาสิ (สมฺมาสมฺพุทฺโธ) ขีณาสวํ ตํ ๔- มญฺเ
                          ชุติมา มติมา ปหุตปญฺโ
                          ทุกฺขสฺสนฺตกรํ ๕- อตาเรสิ มํ ฯ
     |๓๗๑.๙๖๗|   ยํ เม กงฺขิตมญฺาสิ วิจิกิจฺฉํ ๖- มํ อตารยิ
                          นโม เต (มุนิ) โมนปเถสุ ปตฺติปตฺต
                          อขิลาทิจฺจพนฺธุ ๗- โสรโตสิ ฯ
     |๓๗๑.๙๖๘|   ยา เม กงฺขา ปุเร อาสิ      ตมฺเม พฺยากาสิ จกฺขุมา
                          อทฺธา มุนีสิ สมฺพุทฺโธ     นตฺถิ นีวรณา ตว ฯ
     |๓๗๑.๙๖๙|   อุปายาสา จ เต สพฺเพ     วิทฺธสฺตา วินฬีกตา
                          สีติภูโต ทมปฺปตฺโต         ธิติมา สจฺจนิกฺกโม ฯ
     |๓๗๑.๙๗๐|   ตสฺส เต นาคนาคสฺส       มหาวีรสฺส ภาสโต
                          สพฺเพ เทวา อนุโมทนฺติ   อุโภ นารทปพฺพตา ฯ
     |๓๗๑.๙๗๑|   นโม เต ปุริสาชญฺ        นโม เต ปุริสุตฺตม
                          สเทวกสฺมึ โลกสฺมึ          นตฺถิ เต ปฏิปุคฺคโล ฯ
@เชิงอรรถ: ๑ โป. เตสฏฺี ฯ ๒ ม. ยุ. สมณปฺปวาทสิตานิ ฯ ๓ ม. ยุ. ปารคู ฯ
@๔ โป. ขีณาสวนฺติ มญฺเ ฯ  ๕ ม. ยุ. ทุกฺขสฺสนฺตกร ฯ ๖ โป. วิจิกิจฺฉา ฯ
@ม. วิจิกิจฺจา มํ ตารยิ ฯ  ๗ ม. ยุ. อขิลอาทิจฺจพนฺธุ ฯ
     |๓๗๑.๙๗๒|   ตุวํ พุทฺโธ ตุวํ สตฺถา        ตุวํ มาราภิภู มุนิ
                          ตุวํ อนุสเย เฉตฺวา          ติณฺโณ ตาเรสิมํ ปชํ ฯ
     |๓๗๑.๙๗๓|   อุปธี เต สมติกฺกนฺตา       อาสวา เต ปทาลิตา
                          สีโหสิ อนุปาทาโน         ปหีนภยเภรโว
     |๓๗๑.๙๗๔|   ปุณฺฑรีกํ ยถา วคฺคุ          โตเย น อุปลิมฺปติ
                          เอวํ ปุญฺเ จ ปาเป จ     อุภเย ตฺวํ น ลิมฺปสิ
                          ปาเท วีร ปสาเรหิ           สภิโย วนฺทติ สตฺถุโนติ ฯ
     [๓๗๒]   อถ  โข  สภิโย  ปริพฺพาชโก  ภควโต  ปาเทสุ  สิรสา
นิปติตฺวา   ภควนฺตํ   เอตทโวจ   อภิกฺกนฺตํ   ภนฺเต   อภิกฺกนฺตํ  ภนฺเต
เสยฺยถาปิ    ภนฺเต    นิกฺกุชฺชิตํ   วา   อุกฺกุชฺเชยฺย   ปฏิจฺฉนฺนํ   วา
วิวเรยฺย  มูฬฺหสฺส  วา  มคฺคํ  อาจิกฺเขยฺย  อนฺธกาเร  วา  เตลปชฺโชตํ
ธาเรยฺย     จกฺขุมนฺโต    รูปานิ    ทกฺขนฺตีติ    เอวเมวํ    ภควตา
อเนกปริยาเยน   ธมฺโม   ปกาสิโต   เอสาหํ   ภควนฺตํ  สรณํ  คจฺฉามิ
ธมฺมญฺจ     ภิกฺขุสงฺฆญฺจ    ลเภยฺยาหํ    ภนฺเต    ภควโต    สนฺติเก
ปพฺพชฺชํ ลเภยฺยํ อุปสมฺปทนฺติ ฯ
     {๓๗๒.๑}   โย  โข  สภิย  อญฺติตฺถิยปุพฺโพ  อิมสฺมึ  ธมฺมวินเย
อากงฺขติ    ปพฺพชฺชํ    อากงฺขติ   อุปสมฺปทํ   โส   จตฺตาโร   มาเส
ปริวสติ     จตุนฺนํ     มาสานํ     อจฺจเยน    ปริวุฏฺปริวาสํ    ๑-
อารทฺธจิตฺตา     ภิกฺขู    ปพฺพาเชนฺติ    อุปสมฺปาเทนฺติ    ภิกฺขุภาวาย
อปิ    เจตฺถ    ๒-   ปุคฺคลเวมตฺตตา   วิทิตาติ   ฯ   สเจ   ภนฺเต
อญฺติตฺถิยปุพฺพา     อิมสฺมึ     ธมฺมวินเย     อากงฺขนฺตา     ปพฺพชฺชํ
@เชิงอรรถ: ๑ โป. ม. ยุ. อยํ ปาโ นตฺถิ ฯ ๒ โป. ม. ยุ. อปิจ เมตฺถ ฯ
อากงฺขนฺตา   อุปสมฺปทํ   จตฺตาโร   มาเส   ปริวสนฺติ  จตุนฺนํ  มาสานํ
อจฺจเยน     ปริวุฏฺปริวาเส     อารทฺธจิตฺตา    ภิกฺขู    ปพฺพาเชนฺติ
อุปสมฺปาเทนฺติ   ภิกฺขุภาวาย   ฯ   อหํ   จตฺตาริ   วสฺสานิ   ปริวสามิ
จตุนฺนํ    วสฺสานํ    อจฺจเยน    ปริวุฏฺปริวาสํ   อารทฺธจิตฺตา   ภิกฺขู
ปพฺพาเชนฺตุ   อุปสมฺปาเทนฺตุ   ภิกฺขุภาวายาติ   ฯ   อลตฺถ  โข  สภิโย
ปริพฺพาชโก ภควโต สนฺติเก ปพฺพชฺชํ อลตฺถ อุปสมฺปทํ ฯ
     {๓๗๒.๒}   อจิรุปสมฺปนฺโน  โข  ปนายสฺมา สภิโย เอโก วูปกฏฺโ
อปฺปมตฺโต   อาตาปี   ปหิตตฺโต   วิหรนฺโต   น   จิรสฺเสว  ยสฺสตฺถาย
กุลปุตฺตา    สมฺมเทว    อคารสฺมา    อนคาริยํ   ปพฺพชนฺติ   ตทนุตฺตรํ
พฺรหฺมจริยปริโยสานํ    ทิฏฺเว    ธมฺเม    สยํ   อภิญฺา   สจฺฉิกตฺวา
อุปสมฺปชฺช   วิหาสิ   ขีณา  ชาติ  วุสิตํ  พฺรหฺมจริยํ  กตํ  กรณียํ  นาปรํ
อิตฺถตฺตายาติ    อพฺภญฺาสิ   ฯ   อญฺตโร   โข   ปนายสฺมา   สภิโย
อรหตํ อโหสีติ ฯ
                               สภิยสุตฺตํ ฉฏฺมํ ฯ
                                     -----------


             เนื้อความพระไตรปิฎกฉบับภาษาบาลีอักษรไทย เล่มที่ ๒๕ หน้าที่ ๔๒๖-๔๓๗.
http://84000.org/tipitaka/pitaka_item/pali_item_s.php?book=25&item=364&items=9
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=25&item=364&items=9&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=25&item=364&items=9
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=25&item=364&items=9
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=25&i=364
             The Pali Atthakatha in Thai :-
http://84000.org/tipitaka/atthapali/read_th.php?B=29&A=5488
             The Pali Atthakatha in Roman :-
http://84000.org/tipitaka/atthapali/read_rm.php?B=29&A=5488
             สารบัญพระไตรปิฎกเล่มที่ ๒๕
http://84000.org/tipitaka/read/?index_25