ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๕ ภาษาบาลี อักษรไทย พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา
     [๓๘๑]   ๙  เอวมฺเม  สุตํ  ฯ  เอกํ  สมยํ  ภควา  อิจฺฉานงฺคเล
วิหรติ   อิจฺฉานงฺคลวนสณฺเฑ   ฯ   เตน   โข  ปน  สมเยน  สมฺพหุลา
อภิญฺาตา     ๑-     พฺราหฺมณมหาสาลา    อิจฺฉานงฺคเล    ปฏิวสนฺติ
เสยฺยถีทํ    จงฺกี    พฺราหฺมโณ    ตารุกฺโข   พฺราหฺมโณ   โปกฺขรสาติ
พฺราหฺมโณ     ชาณุสฺโสณิ    พฺราหฺมโณ    โตเทยฺยพฺราหฺมโณ    อญฺเ
จ อภิญฺาตา พฺราหฺมณมหาสาลา ฯ
     {๓๘๑.๑}   อถ  โข  วาเสฏฺภารทฺวาชานํ  มาณวานํ ชงฺฆาวิหารํ
อนุจงฺกมนฺตานํ    อนุวิจรนฺตานํ    ๒-   อยมนฺตรากถา   อุทปาทิ   กถํ
โภ   พฺราหฺมโณ   โหตีติ   ฯ   [๓]-  ภารทฺวาโช  มาณโว  เอวมาห
ยโต  โข  โภ  อุภโต  สุชาโต  [๔]- มาติโต จ ปิติโต จ สํสุทฺธคหณิโก
ยาว    สตฺตมา    ปิตามหยุคา    อกฺขิตฺโต   อนุปกุฏฺโ   ชาติวาเทน
เอตฺตาวตา    โภ    พฺราหฺมโณ    โหตีติ   ฯ   วาเสฏฺโ   มาณโว
เอวมาห  ยโต  โข  โภ  สีลวา  จ  โหติ  วตฺตสมฺปนฺโน จ เอตฺตาวตา
โข โภ พฺราหฺมโณ โหตีติ ฯ
     {๓๘๑.๒}   เนว  โข  อสกฺขิ ภารทฺวาโช มาณโว วาเสฏฺ มาณวํ
สญฺาเปตุํ  น  ปน  อสกฺขิ  ๕-  วาเสฏฺโ  มาณโว  ภารทฺวาชํ  มาณวํ
สญฺาเปตุํ   ฯ   อถ   โข   วาเสฏฺโ   มาณโว   ภารทฺวาชํ  มาณวํ
อามนฺเตสิ   อยํ   [๖]-   โภ  ภารทฺวาช  สมโณ  โคตโม  สกฺยปุตฺโต
@เชิงอรรถ:  ม. ยุ. สพฺพตฺถวาเร อาเมณฺฑิตํ ฯ   ยุ. อนุจงฺกมมานานํ อนุวิจรมานานํ ฯ
@ โป. ม. ตํ ฯ  ม. ยุ. โหติ ฯ   โป. น ปน สกฺขิ ฯ  ม. ยุ. โข ฯ
สกฺยกุลา    ปพฺพชิโต    อิจฺฉานงฺคเล    วิหรติ    อิจฺฉานงฺคลวนสณฺเฑ
ตํ   โข   ปน   ภวนฺตํ  โคตมํ  เอวํ  กลฺยาโณ  กิตฺติสทฺโท  อพฺภุคฺคโต
อิติปิ   โส  ภควา  ฯเปฯ  พุทฺโธ  ภควาติ  อายาม  [๑]-  ภารทฺวาช
เยน    สมโณ    โคตโม    เตนุปสงฺกมิสฺสาม   อุปสงฺกมิตฺวา   [๒]-
เอตมตฺถํ    ปุจฺฉิสฺสาม    ยถา   โน   สมโณ   โคตโม   พฺยากริสฺสติ
ตถา   นํ   ธาเรสฺสามาติ   ฯ  เอวํ  โภติ  โข  ภารทฺวาโช  มาณโว
วาเสฏฺสฺส มาณวสฺส ปจฺจสฺโสสิ ฯ
     {๓๘๑.๓}   อถ   โข   วาเสฏฺภารทฺวาชมาณวา  เยน  ภควา
เตนุปสงฺกมึสุ    อุปสงฺกมิตฺวา   ภควตา   สทฺธึ   สมฺโมทึสุ   สมฺโมทนียํ
กถํ   สาราณียํ   วีติสาเรตฺวา  เอกมนฺตํ  นิสีทึสุ  ฯ  เอกมนฺตํ  นิสินฺโน
โข วาเสฏฺโ มาณโว ภควนฺตํ คาถาหิ อชฺฌภาสิ
     [๓๘๒]   |๓๘๒.๑๐๒๑| อนุญฺาตปฏิญฺาตา   เตวิชฺชา มยมสฺสุ โภ
                          อหํ โปกฺขรสาติสฺส           ตารุกฺขสฺสาย มาณโว ฯ
     |๓๘๒.๑๐๒๒| เตวิชฺชานํ ยทกฺขาตํ         ตตฺร เกวลิโนสฺมเส
                          ปทกสฺมา เวยฺยากรณา จ ๓- ชปฺเป อาจริยสาทิสา ฯ
     |๓๘๒.๑๐๒๓| เตสนฺโน ชาติวาทมฺหิ       วิวาโท อตฺถิ โคตม
                          ชาติยา พฺราหฺมโณ โหติ   ภารทฺวาโช อิติ ภาสติ
                          อหญฺจ กมฺมุนา พฺรูหิ       เอวํ ชานาหิ จกฺขุม ฯ
     |๓๘๒.๑๐๒๔| เต น สกฺโกม สญฺาตุํ ๔- อญฺมญฺ มยํ อุโภ
                          ภวนฺตํ ปุฏฺฐุมาคมฺหา       สมฺพุทฺธํ อิติ วิสฺสุตํ ฯ
@เชิงอรรถ:  ม. ยุ. โภ ฯ   ม. ยุ. สมณํ โคตมํ ฯ   ม. ยุ. จสทฺโท นตฺถิ ฯ  ม.
@สญฺาเปตุํ ฯ
     |๓๘๒.๑๐๒๕| จนฺทํ ยถา ขยาตีตํ         เปจฺจ ปญฺชลิกา ชนา
                          วนฺทมานา นมสฺสนฺติ     เอวํ โลกสฺมิ โคตม ฯ
     |๓๘๒.๑๐๒๖| จกฺขุํ โลเก สมุปฺปนฺนํ     มยํ ปุจฺฉาม โคตมํ
                          ชาติโต พฺราหฺมโณ โหติ  อุทาหุ ภวติ กมฺมุนา
                          อชานตํ โน ปพฺรูหิ          ยถา ชาเนมุ พฺราหฺมณํ ฯ
     |๓๘๒.๑๐๒๗| เตสํ โวหํ พฺยกฺขิสฺสํ
                          (วาเสฏฺาติ ภควา)         อนุปุพฺพํ ยถาตถํ
                          ชาติวิภงฺคํ ปาณานํ         อญฺมญฺา หิ ชาติโย ฯ
     |๓๘๒.๑๐๒๘| ติณรุกฺเขปิ ชานาถ         น จาปิ ปฏิชานเร
                          ลิงฺคํ ชาติมยํ เตสํ           อญฺมญฺา หิ ชาติโย ฯ
     |๓๘๒.๑๐๒๙| ตโต กีเฏ ปฏงฺเค จ        ยาว กุนฺถกิปิลฺลิเก
                          ลิงฺคํ ชาติมยํ เตสํ           อญฺมญฺา หิ ชาติโย ฯ
     |๓๘๒.๑๐๓๐| จตุปฺปเทปิ ชานาถ ๑-    ขุทฺทเก จ มหลฺลเก
                          ลิงฺคํ ชาติมยํ เตสํ            อญฺมญฺา หิ ชาติโย ฯ
     |๓๘๒.๑๐๓๑| ปาทูทเรปิ ชานาถ         อุรเค ทีฆปิฏฺิเก
                          ลิงฺคํ ชาติมยํ เตสํ           อญฺมญฺา หิ ชาติโย ฯ
     |๓๘๒.๑๐๓๒| ตโต มจฺเฉปิ ชานาถ      อุทเก ๒- วาริโคจเร
                          ลิงฺคํ ชาติมยํ เตสํ           อญฺมญฺา หิ ชาติโย ฯ
     |๓๘๒.๑๐๓๓| ตโต ปกฺขีปิ ชานาถ       ปตฺตยาเน วิหงฺคเม
                          ลิงฺคํ ชาติมยํ เตสํ           อญฺมญฺา หิ ชาติโย ฯ
@เชิงอรรถ:  โป. จตุปฺปเท วิชานาถ ฯ   ม. ยุ. โอทเก ฯ
     |๓๘๒.๑๐๓๔| ยถา เอตาสุ ชาตีสุ         ลิงฺคํ ชาติมยํ ปุถุ
                          เอวํ นตฺถิ มนุสฺเสสุ         ลิงฺคํ ชาติมยํ ปุถุ ฯ
     |๓๘๒.๑๐๓๕| น เกเสหิ น สีเสหิ ๑-      น กณฺเณหิ น อกฺขิหิ
                          น มุเขน น นาสาย          น โอฏฺเหิ ภมูหิ วา
     |๓๘๒.๑๐๓๖| น คีวาย น อํเสหิ           น อุทเรน น ปิฏฺิยา
                          น โสณิยา น อุรสา         น สมฺพาธา น เมถุนา ๒-
     |๓๘๒.๑๐๓๗| น หตฺเถหิ น ปาเทหิ       น องฺคุลีหิ นเขหิ วา
                          น ชงฺฆาหิ น อูรูหิ           น วณฺเณน สเรน วา
                          ลิงฺคํ ชาติมยํ เนว            ยถา อญฺาสุ ชาติสุ ฯ
     |๓๘๒.๑๐๓๘| ปจฺจตฺตํ สสรีเรสุ ๓-       มนุสฺเสเสฺวตํ น วิชฺชติ
                          โวการญฺจ มนุสฺเสสุ        สมญฺาย ปวุจฺจติ ฯ
     |๓๘๒.๑๐๓๙| โย หิ โกจิ มนุสฺเสสุ        โครกฺขํ อุปชีวติ
                          เอวํ วาเสฏฺ ชานาหิ       กสฺสโก โส น พฺราหฺมโณ ฯ
     |๓๘๒.๑๐๔๐| โย หิ โกจิ มนุสฺเสสุ       ปุถุสิปฺเปน ชีวติ
                          เอวํ วาเสฏฺ ชานาหิ       สิปฺปิโก โส น พฺราหฺมโณ ฯ
     |๓๘๒.๑๐๔๑| โย หิ โกจิ มนุสฺเสสุ        โวหารํ อุปชีวติ
                          เอวํ วาเสฏฺ ชานาหิ       วาณิโช โส น พฺราหฺมโณ ฯ
     |๓๘๒.๑๐๔๒| โย หิ โกจิ มนุสฺเสสุ        ปรเปสฺเสน ชีวติ
                          เอวํ วาเสฏฺ ชานาหิ       เปสฺสิโก โส น พฺราหฺมโณ ฯ
     |๓๘๒.๑๐๔๓| โย หิ โกจิ มนุสฺเสสุ       อทินฺนํ อุปชีวติ
@เชิงอรรถ:  ม. ยุ. สีเสน ฯ    โป. ม. ยุ. น สมฺพาเธ น เมถุเน ฯ   โป. ม.
@ปจฺจตฺตญฺจ สรีเรสุ ฯ
                          เอวํ วาเสฏฺ ชานาหิ       โจโร เอโส น พฺราหฺมโณ ฯ
     |๓๘๒.๑๐๔๔| โย หิ โกจิ มนุสฺเสสุ        อิสฺสตฺถํ อุปชีวติ
                          เอวํ วาเสฏฺ ชานาหิ       โยธาชีโว ๑- น พฺราหฺมโณ ฯ
     |๓๘๒.๑๐๔๕| โย หิ โกจิ มนุสฺเสสุ        โปโรหิจฺเจน ชีวติ
                          เอวํ วาเสฏฺ ชานาหิ       ยาชโก โส น พฺราหฺมโณ ฯ
     |๓๘๒.๑๐๔๖| โย หิ โกจิ มนุสฺเสสุ        คามํ รฏฺญฺจ ภุญฺชติ
                          เอวํ วาเสฏฺ ชานาหิ       ราชา เอโส น พฺราหฺมโณ ฯ
     |๓๘๒.๑๐๔๗| น จาหํ พฺราหฺมณํ พฺรูมิ   โยนิชํ มตฺติกสมฺภวํ
                          โภวาทิ นาม โส โหติ       ส เว โหติ สกิญฺจโน
                          อกิญฺจนํ อนาทานํ          ตมหํ พฺรูมิ พฺราหฺมณํ ฯ
     |๓๘๒.๑๐๔๘| สพฺพํ สํโยชนํ เฉตฺวา      โย เว นปริตสฺสติ
                          สงฺคาติคํ ๒- วิสํยุตฺตํ       ตมหํ พฺรูมิ พฺราหฺมณํ ฯ
     |๓๘๒.๑๐๔๙| เฉตฺวา นทฺธึ วรตฺตญฺจ    สนฺธานํ สหนุกฺกมํ
                          อุกฺขิตฺตปลิฆํ พุทฺธํ         ตมหํ พฺรูมิ พฺราหฺมณํ ฯ
     |๓๘๒.๑๐๕๐| อกฺโกสํ วธพนฺธญฺจ       อทุฏฺโ โย ติติกฺขติ
                          ขนฺตี พลานีกํ                 ตมหํ พฺรูมิ พฺราหฺมณํ ฯ
     |๓๘๒.๑๐๕๑| อกฺโกธนํ วตฺตวนฺตํ        สีลวนฺตํ อนุสฺสทํ
                          ทนฺตํ อนฺติมสารีรํ           ตมหํ พฺรูมิ พฺราหฺมณํ ฯ
     |๓๘๒.๑๐๕๒| วารี โปกฺขรปตฺเตว         อารคฺเคริว สาสโป
                          โย น ลิมฺปติ กาเมสุ        ตมหํ พฺรูมิ พฺราหฺมณํ ฯ
@เชิงอรรถ:  โป. โยโธติ โส .. ฯ   โป. สงฺคาติตํ ฯ
     |๓๘๒.๑๐๕๓| โย ทุกฺขสฺส ปชานาติ     อิเธว ขยมตฺตโน
                          ปนฺนภารํ วิสํยุตฺตํ           ตมหํ พฺรูมิ พฺราหฺมณํ ฯ
     |๓๘๒.๑๐๕๔| คมฺภีรปญฺ เมธาวึ       มคฺคามคฺคสฺส โกวิทํ
                          อุตฺตมตฺถํ อนุปฺปตฺตํ       ตมหํ พฺรูมิ พฺราหฺมณํ ฯ
     |๓๘๒.๑๐๕๕| อสํสฏฺ คหฏฺเหิ          อนาคาเรหิ จูภยํ
                          อโนกสารึ อปฺปิจฺฉํ         ตมหํ พฺรูมิ พฺราหฺมณํ ฯ
     |๓๘๒.๑๐๕๖| นิธาย ทณฺฑํ ภูเตสุ        ตเสสุ ถาวเรสุ จ
                          โย น หนฺติ น ฆาเตติ      ตมหํ พฺรูมิ พฺราหฺมณํ ฯ
     |๓๘๒.๑๐๕๗| อวิรุทฺธํ วิรุทฺเธสุ            อตฺตทณฺเฑสุ นิพฺพุตํ
                          สาทาเนสุ อนาทานํ        ตมหํ  พฺรูมิ พฺราหฺมณํ ฯ
     |๓๘๒.๑๐๕๘| ยสฺส ราโค จ โทโส จ      มาโน มกฺโข จ ปาติโต ๑-
                          สาสโปริว อารคฺคา         ตมหํ พฺรูมิ พฺราหฺมณํ ฯ
     |๓๘๒.๑๐๕๙| อกกฺกสํ วิญฺาปนึ        คิรํ สจฺจํ อุทีรเย
                          ยาย นาภิสเช กิญฺจิ ๒-    ตมหํ พฺรูมิ พฺราหฺมณํ ฯ
     |๓๘๒.๑๐๖๐| โย ๓- จ ทีฆญฺจ รสฺสํ วา   อณุํถูลํ สุภาสุภํ
                          โลเก อทินฺนํ นาทิยติ      ตมหํ พฺรูมิ พฺราหฺมณํ ฯ
     |๓๘๒.๑๐๖๑| อาสา ยสฺส น วิชฺชนฺติ    อสฺมึ โลเก ปรมฺหิ จ
                          นิราสยํ ๔- วิสํยุตฺตํ         ตมหํ พฺรูมิ พฺราหฺมณํ ฯ
     |๓๘๒.๑๐๖๒| ยสฺสาลยา น วิชฺชนฺติ     อญฺาย อกถงฺกถี
                          อมโตคธํ อนุปฺปตฺตํ        ตมหํ พฺรูมิ พฺราหฺมณํ ฯ
@เชิงอรรถ:  โป. โอหิโต ฯ  โป. ตํปิ ฯ  ม. โยธ ทีฆํ ว ฯ  โป. ม. นิราสาสํ ฯ
     |๓๘๒.๑๐๖๓| โย ๑- จ ปุญฺญฺจ ปาปญฺจ   อุโภ สงฺคํ อุปจฺจคา
                          อโสกํ วิรชํ สุทฺธํ          ตมหํ พฺรูมิ พฺราหฺมณํ ฯ
     |๓๘๒.๑๐๖๔| จนฺทํว วิมลํ สุทฺธํ           วิปฺปสนฺนมนาวิลํ
                          นนฺทิภวปริกฺขีณํ            ตมหํ พฺรูมิ พฺราหฺมณํ ฯ
     |๓๘๒.๑๐๖๕| โย อิมํ ๒- ปลิปถํ ทุคฺคํ  สํสารํ โมหมจฺจคา
                          ติณฺโณ ปารคโต ฌายี    อเนโช อกถงฺกถี
                          อนุปาทาย นิพฺพุโต        ตมหํ พฺรูมิ พฺราหฺมณํ ฯ
     |๓๘๒.๑๐๖๖| โยธ กาเม ปหนฺตฺวาน    อนาคาโร ปริพฺพเช
                          กามราคปริกฺขีณํ            ตมหํ พฺรูมิ พฺราหฺมณํ ฯ
     |๓๘๒.๑๐๖๗| โยธ ตณฺหํ ปหนฺตฺวาน   อนาคาโร ปริพฺพเช
                          ตณฺหาภวปริกฺขีณํ          ตมหํ พฺรูมิ พฺราหฺมณํ ฯ
     |๓๘๒.๑๐๖๘| หิตฺวา มานุสกํ โยคํ       ทิพฺพํ โยคํ อุปจฺจคา
                          สพฺพโยควิสํยุตฺตํ           ตมหํ พฺรูมิ พฺราหฺมณํ ฯ
     |๓๘๒.๑๐๖๙| หิตฺวา รติญฺจ อรติญฺจ    สีติภูตํ นิรูปธึ
                          สพฺพโลกาภิภุํ วีรํ           ตมหํ พฺรูมิ พฺราหฺมณํ ฯ
     |๓๘๒.๑๐๗๐| จุตึ โย เวทิ สตฺตานํ       อุปปตฺติญฺจ สพฺพโส
                          อสตฺตํ สุคตํ พุทฺธํ           ตมหํ พฺรูมิ พฺราหฺมณํ ฯ
     |๓๘๒.๑๐๗๑| ยสฺส คตึ น ชานนฺติ       เทวา คนฺธพฺพมานุสา
                          ขีณาสวํ อรหนฺตํ             ตมหํ พฺรูมิ พฺราหฺมณํ ฯ
     |๓๘๒.๑๐๗๒| ยสฺส ปุเร จ ปจฺฉา จ      มชฺเฌ จ นตฺถิ กิญฺจนํ
@เชิงอรรถ:  ม. ยุ. โยธ ฯ   ม. โยมํ ฯ
                          อกิญฺจนํ อนาทานํ         ตมหํ พฺรูมิ พฺราหฺมณํ ฯ
     |๓๘๒.๑๐๗๓| อุสภํ ปวรํ ธีรํ                มเหสึ วิชิตาวินํ
                          อเนชํ นฺหาตกํ พุทฺธํ        ตมหํ พฺรูมิ พฺราหฺมณํ ฯ
     |๓๘๒.๑๐๗๔| ปุพฺเพนิวาสํ โย เวทิ       สคฺคาปายญฺจ ปสฺสติ
                          อโถ ชาติกฺขยํ ปตฺโต       ตมหํ พฺรูมิ พฺราหฺมณํ ฯ
     |๓๘๒.๑๐๗๕| สมญฺา เหสา โลกสฺมึ  นามโคตฺตํ ปกปฺปิตํ
                          สมฺมุจฺจา สมุทาคตํ        ตตฺถ ตตฺถ ปกปฺปิตํ ฯ
     |๓๘๒.๑๐๗๖| ทีฆรตฺตมนุสยิตํ            ทิฏฺิคตมชานตํ
                          อชานนฺตา โน ปพฺรูหนฺติ ๑-  ชาติยา โหติ พฺราหฺมโณ ฯ
     |๓๘๒.๑๐๗๗| น ชจฺจา พฺราหฺมโณ โหติ      น ชจฺจา โหติ อพฺราหฺมโณ
                          กมฺมุนา ๒- พฺราหฺมโณ โหติ  กมฺมุนา โหติ อพฺราหฺมโณ ฯ
     |๓๘๒.๑๐๗๘| กสฺสโก กมฺมุนา โหติ     สิปฺปิโก โหติ กมฺมุนา
                          วาณิโช กมฺมุนา โหติ      เปสฺสิโก โหติ กมฺมุนา
     |๓๘๒.๑๐๗๙| โจโรปิ กมฺมุนา โหติ      โยธาชีโวปิ กมฺมุนา
                          ยาชโก กมฺมุนา โหติ       ราชาปิ โหติ กมฺมุนา ฯ
     |๓๘๒.๑๐๘๐| เอวเมตํ ยถาภูตํ            กมฺมํ ปสฺสนฺติ ปณฺฑิตา
                          ปฏิจฺจสมุปฺปาททสฺสา    กมฺมวิปากโกวิทา ฯ
     |๓๘๒.๑๐๘๑| กมฺมุนา วตฺตตี โลโก     กมฺมุนา วตฺตตี ปชา
                          กมฺมนิพนฺธนา สตฺตา     รถสฺสาณีว ยายโต ฯ
     |๓๘๒.๑๐๘๒| ตเปน พฺรหฺมจริเยน       สญฺเมน ทเมน จ
@เชิงอรรถ:  โป. อชานนฺโต นาม พฺรหฺติ ฯ  ม. ยุ. ปพฺรูวนฺติ ฯ   ยุ. สพฺพตฺถวาเรสุ
@กมฺมนาติ ทิสฺสติ ฯ
                          เอเตน พฺราหฺมโณ โหติ   เอตํ พฺราหฺมณมุตฺตมํ
     |๓๘๒.๑๐๘๓| ตีหิ วิชฺชาหิ สมฺปนฺโน     สนฺโต ขีณปุนพฺภโว
                          เอวํ วาเสฏฺ ชานาหิ       พฺรหฺมา สกฺโก วิชานตนฺติ ฯ
     [๓๘๓]   เอวํ   วุตฺเต   วาเสฏฺภารทฺวาชา   มาณวา  ภควนฺตํ
เอตทโวจุํ    อภิกฺกนฺตํ   โภ   โคตม   ฯเปฯ   อุปาสเก   โน   ภวํ
โคตโม ธาเรตุ อชฺชตคฺเค ปาณุเปเต สรณงฺคเตติ ๑- ฯ
                                       วาเสฏฺสุตฺตํ นวมํ ฯ
                                              -----------
         สุตฺตนิปาเต ตติยสฺส มหาวคฺคสฺส ทสมํ โกกาลิกสุตฺตํ ๒-



             เนื้อความพระไตรปิฎกฉบับภาษาบาลีอักษรไทย เล่มที่ ๒๕ หน้าที่ ๔๕๐-๔๕๘. http://84000.org/tipitaka/pitaka_item/pali_item_s.php?book=25&item=381&items=3&mode=bracket              อ่านโดยใช้เนื้อความเป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=25&item=381&items=3              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=25&item=381&items=3&mode=bracket              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=25&item=381&items=3&mode=bracket              ศึกษาอรรถกถานี้ได้ที่ :- http://84000.org/tipitaka/attha/attha.php?b=25&i=381              The Pali Atthakatha in Thai :- http://84000.org/tipitaka/atthapali/read_th.php?B=29&A=6541              The Pali Atthakatha in Roman :- http://84000.org/tipitaka/atthapali/read_rm.php?B=29&A=6541              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :