บาลีพระไตรปิฎกเล่มที่ ๒๖ - พระสุตตันตปิฎกเล่มที่ ๑๘

[๓๖๕] |๓๖๕.๔๘๗| ๕ สเร หตฺเถหิ ภญฺชิตฺวา กตฺวาน กุฏิมจฺฉิสํ เตน เม สรภงฺโคติ นามํ สมฺมติยา ^๑- อหุ ฯ |๓๖๕.๔๘๘| น มยฺหํ กปฺปเต อชฺช สเร หตฺเถหิ ภญฺชิตุํ สิกฺขาปทา โน ปญฺญตฺตา โคตเมน ยสสฺสินา ฯ |๓๖๕.๔๘๙| สกลํ สมตฺตํ โรคํ สรภงฺโค นาทฺทสํ ปุพฺเพ โสยํ โรโค ทิฏฺโฐ วจนกเรนาติเทวสฺส ฯ |๓๖๕.๔๙๐| เยเนว มคฺเคน คโต วิปสฺสี เยเนว มคฺเคน สิขี จ เวสฺสภู กกุสนฺธโกนาคมโน จ กสฺสโป เตนญฺชเสน อคมาสิ โคตโม ฯ |๓๖๕.๔๙๑| วีตตณฺหา อนาทานา สตฺต พุทฺธา ขโยคธา เยหยํ เทสิโต ธมฺโม ธมฺมภูเตหิ ตาทิหิ |๓๖๕.๔๙๒| จตฺตาริ อริยสจฺจานิ อนุกมฺปาย ปาณินํ ทุกฺขํ สมุทโย มคฺโค นิโรโธ ทุกฺขสงฺขโย ฯ |๓๖๕.๔๙๓| ยสฺมึ นิวตฺตเต ^๒- ทุกฺขํ สํสารสฺมึ อนนฺตกํ @เชิงอรรถ: ^๑ ม. ยุ. สมฺมุติยา ฯ ^๒ ยุ. นิพฺพตฺตเต ฯ เภทา อิมสฺส กายสฺส ชิวิตสฺส จ สงฺขยา อญฺโญ ปุนพฺภโว นตฺถิ สุวิมุตฺโตมฺหิ สพฺพธีติ ฯ สรภงฺโค เถโร ฯ อุทฺทานํ สุนฺทรสมุทฺโท เถโร เถโร ลกุณฺฏภทฺทิโย ภทฺโท เถโร จ โสปาโก สรภงฺโค มหาอิสิ สตฺตเก ปญฺจกา เถรา คาถาโย ปญฺจตึสตีติ ฯ สตฺตกนิปาโต นิฏฺฐิโต ฯ --------------- เถรคาถาย อฏฺฐกนิปาโต [๓๖๖] |๓๖๖.๔๙๔| ๑ กมฺมํ พหุกํ น การเย ปริวชฺเชยฺย ชนํ น อุยฺยเม โส อุสฺสุโก รสานุคิทฺโธ อตฺถํ ริญฺจติ โย สุขาธิวาโห ฯ |๓๖๖.๔๙๕| ปงฺโกติ หิ นํ อเวทยุํ ยายํ วนฺทนปูชนา กุเลสุ สุขุมํ สลฺลํ ทุรุพฺพหํ สกฺกาโร กาปุริเสน ทุชฺชโห ฯ |๓๖๖.๔๙๖| น ปรสฺสุปณิธาย กมฺมํ มจฺจสฺส ปาปกํ อตฺตนา ตํ น เสเวยฺย กมฺมพนฺธู หิ มาติยา ฯ |๓๖๖.๔๙๗| น ปเร วจนา โจโร น ปเร วจนา มุนิ อตฺตานญฺจ ยถา เวทิ เทวาปิ นํ ตถา วิทู ฯ |๓๖๖.๔๙๘| ปเร จ น วิชานนฺติ มยเมตฺถ ยมามฺหเส ^๑- @เชิงอรรถ: ^๑ ม. ยุ. ยมามเส ฯ เย จ ตตฺถ วิชานนฺติ ตโต สมฺมนฺติ เมธคา ฯ |๓๖๖.๔๙๙| ชีวเตวาปิ สปฺปญฺโญ อปิ วิตฺตปริกฺขยา ^๑- ปญฺญาย จ อลาเภน วิตฺตวาปิ น ชีวติ ฯ |๓๖๖.๕๐๐| สพฺพํ สุณาติ โสเตน สพฺพํ ปสฺสติ จกฺขุนา น จ ทิฏฺฐํ สุตํ ธีโร สพฺพํ อุชฺฌิตุมรหติ ฯ |๓๖๖.๕๐๑| จกฺขุมสฺส ยถา อนฺโธ โสตวา พธิโร ยถา ปญฺญาวสฺส ยถา มูโค พลวา ทุพฺพโลริว อถ อตฺเถ สมุปฺปนฺเน สเยถ มตสายิกนฺติ ฯ มหากจฺจายโน เถโร ฯ

เนื้อความพระไตรปิฎกฉบับภาษาบาลีอักษรไทย เล่มที่ ๒๖ หน้าที่ ๓๔๐-๓๔๒. http://84000.org/tipitaka/pitaka_item/pali_item_s.php?book=26&item=365&items=2&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=26&item=365&items=2&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=26&item=365&items=2&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=26&item=365&items=2&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=26&i=365 The Pali Atthakatha in Thai :- http://84000.org/tipitaka/atthapali/read_th.php?B=33&A=3570 The Pali Atthakatha in Roman :- http://84000.org/tipitaka/atthapali/read_rm.php?B=33&A=3570 สารบัญพระไตรปิฎกเล่มที่ ๒๖ http://84000.org/tipitaka/read/?index_26