พระไตรปิฎกเล่มที่ ๒๖ ภาษาบาลี อักษรไทย
พระสุตตันตปิฎกเล่มที่ ๑๘ สุตฺต. ขุ. วิมานวตฺถุ-เปตวตฺถุ-เถรคาถา-เถรีคาถา

                                     เถรคาถาย มหานิปาโต
     [๔๐๑]   |๔๐๑.๑๒๐๗| ๑ นิกฺขนฺตํ วต มํ สนฺตํ   อคารสฺมา อนคาริยํ
                          วิตกฺกา อุปภวนฺติ ๒-    ปคพฺภา กณฺหโต อิเม
     |๔๐๑.๑๒๐๘| อุคฺคปุตฺตา มหิสฺสาสา   สิกฺขิตา ทฬฺหธมฺมิโน
                          สมนฺตา ปริกิเรยฺยุํ         สหสฺสํ อปลายินํ ฯ
     |๔๐๑.๑๒๐๙| สเจปิ เอตฺตกา ภิยฺโย   อาคมิสฺสนฺติ อิตฺถิโย
                          เนว มํ พฺยาธยิสฺสนฺติ    ธมฺเม สมฺหิ ปติฏฺิโต ฯ
@เชิงอรรถ: ๑ ม. จียเต ฯ   ๒ ม. ยุ. อุปธาวนฺติ ฯ
---------------------------------------------------------------------------------------------
หน้าที่ ๔๓๓.
     |๔๐๑.๑๒๑๐| สกฺขี หิ เม สุตํ เอตํ        พุทฺธสฺสาทิจฺจพนฺธุโน
                          นิพฺพานคมนํ มคฺคํ       ตตฺถ เม นิรโต มโน ฯ
     |๔๐๑.๑๒๑๑| เอวญฺเจ มํ วิหรนฺตํ        ปาปิม อุปคจฺฉสิ
                          ตถา มจฺจุ กริสฺสามิ       น เม มคฺคํ อุทิกฺขสิ ฯ
     |๔๐๑.๑๒๑๒| อรตึ รติญฺจ ปหาย        สพฺพโส เคหสิตญฺจ วิตกฺกํ
                          วนถํ น กเรยฺย กุหิญฺจิ       นิพฺพนโถ อนโต ส หิ ภิกฺขุ ฯ
     |๔๐๑.๑๒๑๓| ยมิธ ปถวิญฺจ เวหาสํ    รูปคตํ ชคโตคธํ กิญฺจิ
                          ปริชิยฺยติ สพฺพมนิจฺจํ        เอวํ สเมจฺจ จรนฺติ มุตตฺตา ฯ
     |๔๐๑.๑๒๑๔| อุปธีสุ ชนา คธิตาเส     ทิฏฺสุเต ปฏิเฆ จ มุเต จ
                          เอตฺถ วิโนทย ฉนฺทมเนโช        โย เหตฺถ น ลิปฺปติ มุนิ ตมาหุ ฯ
     |๔๐๑.๑๒๑๕| อถ สฏฺิสิตา สวิตกฺกา   ปุถุชฺชนตาย ๑- อธมฺมนิวิฏฺา
                          น จ วฏฺฏคตสฺส กุหิญฺจิ           โน ปน ทุฏฺฐุลฺลภาณี ส ภิกฺขุ ฯ
     |๔๐๑.๑๒๑๖| ทพฺโพ จิรรตฺตํ สมาหิโต   อกุหโก นิปโก อปิหาลุ
                          สนฺตํ ปทมชฺฌคมา มุนี      ปฏิจฺจ ปรินิพฺพุโต กงฺขติ กาลํ ฯ
     |๔๐๑.๑๒๑๗| มานํ ปชหสฺสุ โคตม      มานปถญฺจ ปชหสฺสุ อเสสํ
                          มานปถสฺมึ ส มุจฺฉิโต   วิปฺปฏิสารีหุวา จีรรตฺตํ ฯ
     |๔๐๑.๑๒๑๘| มกฺเขน มกฺขิตา ปชา     มานหตา นิรยํ ปตนฺติ
                          โสจนฺติ ชนา จิรรตฺตํ     มานหตา นิรยํ อุปปนฺนา ฯ
     |๔๐๑.๑๒๑๙| น หิ โสจติ ภิกฺขุ กทาจิ   มคฺคชิโน สมฺมา ปฏิปนฺโน
@เชิงอรรถ: ๑ ปุถู ชนตายาติปิ ฯ
---------------------------------------------------------------------------------------------
หน้าที่ ๔๓๔.
                          กิตฺติญฺจ สุขญฺจานุโภติ    ธมฺมทโสติ ตมาหุ ตถตฺตํ ฯ
     |๔๐๑.๑๒๒๐| ตสฺมา อขิโล อิธ ปธานวา   นีวรณานิ ปหาย วิสุทฺโธ
                          มานญฺจ ปหาย อเสสํ     วิชฺชายนฺตกโร สมิตาวี ฯ
     |๔๐๑.๑๒๒๑| กามราเคน ฑยฺหามิ       จิตฺตํ เม ปริฑยฺหติ
                          สาธุ นิพฺพาปนํ พฺรูหิ       อนุกมฺปาย โคตม ฯ
     |๔๐๑.๑๒๒๒| สญฺาย วิปริเยสา         จิตฺตนฺเต ปริฑยฺหติ
                          นิมิตฺตํ ปริวชฺเชหิ            สุภํ ราคูปสญฺหิตํ ฯ
     |๔๐๑.๑๒๒๓| อสุภาย จิตฺตํ ภาเวหิ       เอกคฺคํ สุสมาหิตํ
                          สติ กายคตา ตฺยตฺถุ        นิพฺพิทาพหุโล ภว ฯ
     |๔๐๑.๑๒๒๔| อนิมิตฺตญฺจ ภาเวหิ         มานานุสยมุชฺชห
                          ตโต มานาภิสมยา         อุปสนฺโต จริสฺสสิ ฯ
     |๔๐๑.๑๒๒๕| ตเมว วาจํ ภาเสยฺย         ยายตฺตานํ น ตาปเย
                          ปเร จ น วิหึเสยฺย           สา เว วาจา สุภาสิตา ฯ
     |๔๐๑.๑๒๒๖| ปิยวาจเมว ภาเสยฺย       ยา วาจา ปฏินนฺทิตา
                          ยํ อนาทาย ปาปานิ       ปเรสํ ภาสเต ปิยํ ฯ
     |๔๐๑.๑๒๒๗| สจฺจํ เว อมตา วาจา       เอส ธมฺโม สนนฺตโน
                          สจฺเจ อตฺเถ จ ธมฺเม จ     อหุ สนฺโต ปติฏฺิตา ฯ
     |๔๐๑.๑๒๒๘| ยํ พุทฺโธ ภาสตี วาจํ        เขมํ นิพฺพานปตฺติยา
                          ทุกฺขสฺสนฺตกิริยาย          สา เว วาจานมุตฺตมา ฯ
     |๔๐๑.๑๒๒๙| คมฺภีรปญฺโ เมธาวี       มคฺคามคฺคสฺส โกวิโท
---------------------------------------------------------------------------------------------
หน้าที่ ๔๓๕.
                          สารีปุตฺโต มหาปญฺโ    ธมฺมํ เทเสติ ภิกฺขุนํ ฯ
     |๔๐๑.๑๒๓๐| สงฺขิตฺเตนปิ เทเสติ          วิตฺถาเรนปิ ภาสติ
                          สาลิกาเยว นิคฺโฆโส       ปฏิภาณํ อุทิยฺยติ ฯ
     |๔๐๑.๑๒๓๑| ตสฺส ตํ เทสยนฺตสฺส        สุณนฺตา ๑- มธุรํ คิรํ
                          สเรน รชนีเยน                สวนีเยน วคฺคุนา
                          อุทคฺคจิตฺตา มุทิตา        โสตํ โอเธนฺติ ภิกฺขโว ฯ
     |๔๐๑.๑๒๓๒| อชฺช ปณฺณรเส วิสุทฺธิยา ภิกฺขู ปญฺจสตา สมาคตา
                          สํโยชนพนฺธนจฺฉิทา       อนีฆา ขีณปุนพฺภวา อิสี ฯ
     |๔๐๑.๑๒๓๓| จกฺกวตฺตี ยถา ราชา       อมจฺจปริวาริโต
                          สมนฺตา อนุปริเยติ         สาครนฺตํ มหึ อิมํ ฯ
     |๔๐๑.๑๒๓๔| เอวํ วิชิตสงฺคามํ             สตฺถวาหํ อนุตฺตรํ
                          สาวกา ปยิรุปาสนฺติ       เตวิชฺชา มจฺจุหายิโน ฯ
     |๔๐๑.๑๒๓๕| สพฺเพ ภควโต ปุตฺตา       ปลาโป เอตฺถ น วิชฺชติ
                          ตณฺหาสลฺลสฺส หนฺตารํ   วนฺเท อาทิจฺจพนฺธุนํ ฯ
     |๔๐๑.๑๒๓๖| ปโรสหสฺสํ ภิกฺขูนํ           สุคตํ ปยิรุปาสติ
                          เทเสนฺตํ วิรชํ ธมฺมํ         นิพฺพานํ อกุโตภยํ ฯ
     |๔๐๑.๑๒๓๗| สุณนฺติ ธมฺมํ วิปุลํ ๒-     สมฺมาสมฺพุทฺธเทสิตํ
                          โสภติ วต สมฺพุทฺโธ        ภิกฺขุสงฺฆปุรกฺขโต ฯ
     |๔๐๑.๑๒๓๘| นาคนาโมสิ ภควา          อิสีนํ อิสิสตฺตโม
                          มหาเมโฆว หุตฺวาน        สาวเก อภิวสฺสสิ ฯ
@เชิงอรรถ: ๑ ม. สุณนฺติ ฯ  ๒ ม. วิมลํ ฯ
---------------------------------------------------------------------------------------------
หน้าที่ ๔๓๖.
     |๔๐๑.๑๒๓๙| ทิวาวิหารา นิกฺขมฺม        สตฺถุทสฺสนกมฺยตา
                          สาวโก เต มหาวีร           ปาเท วนฺทติ วงฺคิโส ฯ
     |๔๐๑.๑๒๔๐| อุมฺมคฺคปถํ ๑- มารสฺส    อภิภุยฺย จรติ ปภิชฺช ขิลานิ
                          ตํ ปสฺสถ พนฺธปมุญฺจกรํ  อสิตํว ภาคโส ปวิภชฺช ฯ
     |๔๐๑.๑๒๔๑| โอฆสฺส หิ นิตฺถรณตฺถํ     อเนกวิหิตํ มคฺคํ อกฺขาสิ
                          ตสฺมิญฺจ อมเต อกฺขาเต  ธมฺมทสา ิตา อสํหิรา ฯ
     |๔๐๑.๑๒๔๒| ปชฺโชตกโร อติวิชฺฌ        สพฺพิตีนํ อติกฺกมมทฺทส
                          ตฺวา จ สจฺฉิกตฺวา จ     อคฺคํ โส เทสยิ ทสทฺธานํ ฯ
     |๔๐๑.๑๒๔๓| เอวํ สุเทสิเต ธมฺเม          โก ปมาโท วิชานตํ ธมฺมํ
                          ตสฺมา หิ ตสฺส ภควโต สาสเน      อปฺปมตฺโต สทา นมสฺสมนุสิกฺเข ฯ
     |๔๐๑.๑๒๔๔| พุทฺธานุพุทฺโธ โย เถโร     โกณฺฑญฺโ ติพฺพนิกฺกโม
                          ลาภี สุขวิหารานํ            วิเวกานํ อภิณฺหโส ฯ
     |๔๐๑.๑๒๔๕| ยํ สาวเกน ปตฺตพฺพํ        สตฺถุสาสนการินา
                          สพฺพสฺส ตํ อนุปฺปตฺตํ      อปฺปมตฺตสฺส สิกฺขโต ฯ
     |๔๐๑.๑๒๔๖| มหานุภาโว เตวิชฺโช        เจโตปริยโกวิโท
                          โกณฺฑญฺโ พุทฺธทายาโท     ปาเท วนฺทติ สตฺถุโน ฯ
     |๔๐๑.๑๒๔๗| นคสฺส ปสฺเส อาสีนํ        มุนึ ทุกฺขสฺส ปารคุํ
                          สาวกา ปยิรุปาสนฺติ       เตวิชฺชา มจฺจุหายิโน ฯ
     |๔๐๑.๑๒๔๘| เจตสา อนุปริเยติ            โมคฺคลฺลาโน มหิทฺธิโก
@เชิงอรรถ: ๑ อุมฺมคฺคสตนฺติปิ ฯ
---------------------------------------------------------------------------------------------
หน้าที่ ๔๓๗.
                           จิตฺตํ เนสํ สมเนฺวสํ          วิปฺปมุตฺตํ นิรูปธึ ฯ
     |๔๐๑.๑๒๔๙| เอวํ สพฺพงฺคสมฺปนฺนํ       มุนึ ทุกฺขสฺส ปารคุํ
                          อเนกาการสมฺปนฺนํ         ปยิรุปาสนฺติ โคตมํ ฯ
     |๔๐๑.๑๒๕๐| จนฺโท ยถา วิคตวลาหเก นเภ
                          วิโรจติ วีตมโลว ภาณุมา
                          เอวํปิ องฺคีรส ตฺวํ มหามุนิ
                          อติโรจสี ยสสา สพฺพโลกํ ฯ
     |๔๐๑.๑๒๕๑| กาเวยฺยมตฺตา วิจริมฺห    ปุพฺเพ คามา คามํ ปุรา ปุรํ
                          อถทฺทสามิ สมฺพุทฺธํ       สพฺพธมฺมาน ปารคุํ ฯ
     |๔๐๑.๑๒๕๒| โส เม ธมฺมมเทเสสิ         มุนิ ทุกฺขสฺส ปารคู
                          ธมฺมํ สุตฺวา ปสีทิมฺห       สทฺธา โน อุปปชฺชถ ๑- ฯ
     |๔๐๑.๑๒๕๓| ตสฺสาหํ วจนํ สุตฺวา        ขนฺเธ อายตนานิ จ
                          ธาตุโย จ วิทิตฺวาน         ปพฺพชึ อนคาริยํ ฯ
     |๔๐๑.๑๒๕๔| พหูนํ วต อตฺถาย            อุปฺปชฺชนฺติ ตถาคตา
                          อิตฺถีนํ ปุริสานญฺจ          เย เต สาสนการกา ฯ
     |๔๐๑.๑๒๕๕| เตสํ โข วต อตฺถาย         โพธิมชฺฌคมา มุนิ
                          ภิกฺขูนํ ภิกฺขุนีนญฺจ         เย นิยามคตํทสา ๒- ฯ
     |๔๐๑.๑๒๕๖| สุเทสิตา จกฺขุมตา          พุทฺเธนาทิจฺจพนฺธุนา
                          จตฺตาริ อริยสจฺจานิ        อนุกมฺปาย ปาณินํ
     |๔๐๑.๑๒๕๗| ทุกฺขํ ทุกฺขสมุปฺปาทํ        ทุกฺขสฺส จ อติกฺกมํ
@เชิงอรรถ: ๑ ม. ยุ. อุทปชฺชถ ฯ     ๒ นิยามคตทฺทสาติปิ ฯ
---------------------------------------------------------------------------------------------
หน้าที่ ๔๓๘.
                          อริยญฺจฏฺงฺคิกํ มคฺคํ      ทุกฺขูปสมคามินํ ฯ
     |๔๐๑.๑๒๕๘| เอวเมเต ตถา วุตฺตา        ทิฏฺา เม เต ยถาตถา
                          สทตฺโถ เม อนุปฺปตฺโต    กตํ พุทฺธสฺส สาสนํ ฯ
     |๔๐๑.๑๒๕๙| สฺวาคตํ วต เม อาสิ         มม พุทฺธสฺส สนฺติเก
                          สุวิภตฺเตสุ ธมฺเมสุ          ยํ เสฏฺ ตทุปาคมึ ฯ
     |๔๐๑.๑๒๖๐| อภิญฺาปารมิปฺปตฺโต    โสตธาตุวิโสธิโต
                          เตวิชฺโช อิทฺธิปตฺโตมฺหิ    เจโตปริยโกวิโท ฯ
     |๔๐๑.๑๒๖๑| ปุจฺฉามิ สตฺถารมโนมปญฺ
                          ทิฏฺเว ธมฺเม โย วิจิกิจฺฉานํ เฉตฺตา
                          อคฺคาฬเว กาลมกาสิ ภิกฺขุ
                          าโต ยสสฺสี อภินิพฺพุตตฺโต ฯ
     |๔๐๑.๑๒๖๒| นิโคฺรธกปฺโป อิติ ตสฺส นามํ
                          ตยา กตํ ภควา พฺราหฺมณสฺส
                          โส ตํ นมสฺสํ อจริ มุตฺยเปกฺโข
                          อารทฺธวิริโย ทฬฺหธมฺมทสฺสี ฯ
     |๔๐๑.๑๒๖๓| ตํ สาวกํ สกฺก มยมฺปิ สพฺเพ
                          อญฺาตุมิจฺฉาม สมนฺตจกฺขุ
                          สมวฏฺิตา โน สวนาย โสตา
                          ตุวํ โน สตฺถา ตฺวมนุตฺตโรสิ ฯ
---------------------------------------------------------------------------------------------
หน้าที่ ๔๓๙.
     |๔๐๑.๑๒๖๔| ฉินฺเทว โน วิจิกิจฺฉํ พฺรูหิ เมตํ
                          ปรินิพฺพุตํ เวทย ภุริปญฺ
                          มชฺเฌว โน ภาส สมนฺตจกฺขุ
                          สกฺโกว เทวาน สหสฺสเนตฺโต ฯ
     |๔๐๑.๑๒๖๕| เย เกจิ คนฺธา อิธ โมหมคฺคา
                          อญฺาณปกฺขา วิจิกิจฺฉฏฺานา
                          ตถาคตํ ปตฺวา น เต ภวนฺติ
                          จกฺขุํ หิ เอตํ ปรมํ นรานํ ฯ
     |๔๐๑.๑๒๖๖| โน เจ หิ ชาตุ ปุริโส กิเลเส
                          วาโต ยถา อพฺภฆนํ วิหาเน
                          ตโมวสฺส นิวุโต สพฺพโลโก
                          โชติมนฺโตปิ น ปภาเสยฺยุํ ฯ
     |๔๐๑.๑๒๖๗| ธีรา จ ปชฺโชตกรา ภวนฺติ
                          ตนฺตํ อหํ ธีร ตเถว มญฺเ
                          วิปสฺสินํ ชานมุปาคมิมฺห
                          ปริสาสุ โน อาวิกโรหิ กปฺปํ ฯ
     |๔๐๑.๑๒๖๘| ขิปฺปํ คิรํ เอรย วคฺคุ วคฺคุํ
                          หํโสว ปคฺคยฺห สณิกํ นิกูชํ ๑-
                          พินฺทุสฺสเรน สุวิกปฺปิเตน
                          สพฺเพว เต อุชฺชุคตา สุโณม ฯ
@เชิงอรรถ: ๑ ม. นิกูช ฯ นิกุชฺชาติปิ ทิสฺสติ ฯ
---------------------------------------------------------------------------------------------
หน้าที่ ๔๔๐.
     |๔๐๑.๑๒๖๙| ปหีนชาติมรณํ อเสสํ
                          นิคฺคยฺห โธนํ วเทสฺสามิ ธมฺมํ
                          น กามกาโร หิ ปุถุชฺชนานํ
                          สงฺเขยฺยกาโรว ตถาคตานํ ฯ
     |๔๐๑.๑๒๗๐| สมฺปนฺนเวยฺยากรณํ ตเวทํ
                          สมุชฺชุปญฺสฺส สมุคฺคหีตํ
                          อยมญฺชลิ ปจฺฉิโม สุปฺปณามิโต
                          มา โมหยิ ชานมโนมปญฺ ฯ
     |๔๐๑.๑๒๗๑| ปโรวรํ อริยธมฺมํ วิทิตฺวา
                          มา โมหยิ ชานมโนมวิริย
                          วารึ ยถา ฆมฺมนิ ฆมฺมตตฺโต
                          วาจาภิกงฺขามิ สุตํ ปวสฺส ฯ
     |๔๐๑.๑๒๗๒| ยทตฺถิกํ ๑- พฺรหฺมจริยํ อจาริ ๒-
                          กปฺปายโน กจฺจิสฺส ตํ อโมฆํ
                          นิพฺพายิ โส อาทุ สอุปาทิเสโส
                          ยถา วิมุตฺโต อหุ ตํ สุโณม ฯ
     |๔๐๑.๑๒๗๓| อจฺเฉจฺฉิ ตณฺหํ อิธ นามรูเป (ติ ภควา)
                          ตณฺหาย โสตํ ทีฆรตฺตานุสยิตํ
                          อตาริ ชาติมรณํ อเสสํ
@เชิงอรรถ: ๑ ยุ. ยทิตฺถิยํ ฯ ๒ ม. อจรี ฯ
---------------------------------------------------------------------------------------------
หน้าที่ ๔๔๑.
                          อิจฺจาพฺรวี ๑- ภควา    ปญฺจเสฏฺโ ฯ
     |๔๐๑.๑๒๗๔| เอส สุตฺวา ปสีทามิ      วโจ เต อิสิสตฺตม
                          อโมฆํ กิร เม ปุฏฺ       น มํ วญฺเจสิ พฺราหฺมโณ ฯ
     |๔๐๑.๑๒๗๕| ยถาวาที ตถาการี       อหุ พุทฺธสฺส สาวโก
                          ปจฺฉินฺท ๒- มจฺจุโน ชาลํ   ตตํ มายาวิโน ทฬฺหํ ฯ
     |๔๐๑.๑๒๗๖| อทฺทส ภควา อาทึ       อุปาทานสฺส กปฺปิโย
                          อจฺจคา วต กปฺปายโน     มจฺจุเธยฺยํ สุทุตฺตรํ ฯ
     |๔๐๑.๑๒๗๗| ตํ เทวเทวํ วนฺทามิ       ปุตฺตนฺเต ทฺวิปทุตฺตม
                          อนุชาตํ มหาวีรํ        นาคํ นาคสฺส โอสรนฺติ ๓- ฯ
          อิตฺถํ สุทํ อายสฺมา วงฺคีโส เถโร คาถาโย อภาสิตฺถาติ ฯ
                                      มหานิปาโต นิฏฺิโต ฯ
                          สตฺตติมฺหิ นิปาตมฺหิ          วงฺคีโส ปฏิภาณวา
                          เอโกว เถโร นตฺถญฺโ       คาถาโย เอกสตฺตติ ๔- ฯ
                          สหสฺสํ โหนฺติ ตา คาถา      ตีณิ สฏฺิสตานิ จ
                          เถรา จ เทฺว สตา สฏฺิ        จตฺตาโร จ ปกาสิตา
                          สีหนาทํ นทิตฺวาน             พุทฺธปุตฺตา อนาสวา
                          เขมนฺตํ ปาปุณิตฺวาน         อคฺคิกฺขนฺธาว นิพฺพุตาติ ฯ
                                        เถรคาถา นิฏฺิตา ฯ
                                           -------------
@เชิงอรรถ: ๑ ม อิจฺจพฺรวิ ฯ ยุ. อิจฺจพฺรวี ฯ  ๒ ม. ยุ. อจฺเฉจฺฉิ ฯ  ๓ ม. ยุ. โอรสนฺติ ฯ
@๔ ม. เอกสตฺตตีติ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒๖ หน้าที่ ๔๓๒-๔๔๑.
http://84000.org/tipitaka/pitaka_item/pali_item_s.php?book=26&item=401&items=1&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=26&item=401&items=1&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=26&item=401&items=1&pagebreak=1
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=26&item=401&items=1&pagebreak=1
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=26&i=401
             The Pali Atthakatha in Thai :-
http://84000.org/tipitaka/atthapali/read_th.php?B=33&A=12997
             The Pali Atthakatha in Roman :-
http://84000.org/tipitaka/atthapali/read_rm.php?B=33&A=12997
             สารบัญพระไตรปิฎกเล่มที่ ๒๖
http://84000.org/tipitaka/read/?index_26