บาลีพระไตรปิฎกเล่มที่ ๓๒ - พระสุตตันตปิฎกเล่มที่ ๒๔

นวมํ โสณโกฏิวิสตฺเถราปทานํ (๓๘๙) [๓๙๑] |๓๙๑.๔๙| วิปสฺสิโน ปาวจเน เอกํ เลณํ มยา กตํ จาตุทฺทิสสฺส สงฺฆสฺส พนฺธุมาราชธานิยา ฯ |๓๙๑.๕๐| ทุสฺเสหิ ภูมึ เลณสฺส สนฺถริตฺวา ปริจฺจชึ อุทคฺคจิตฺโต สุมโน อกาสึ ปณิธึ ตทา ฯ |๓๙๑.๕๑| อาราเธยฺยํ สมฺพุทฺธํ ปพฺพชฺชญฺจ ลเภยฺยหํ อนุตฺตรญฺจ นิพฺพานํ ผุเสยฺยํ สนฺติมุตฺตมํ ฯ |๓๙๑.๕๒| เตเนว สุกฺกมูเลน กปฺเป นวุติ สํสรึ เทวภูโต มนุสฺโส จ กตปุญฺโ วิโรจหํ ฯ

--------------------------------------------------------------------------------------------- หน้าที่ ๔๗๐.

|๓๙๑.๕๓| ตโต กมฺมาวเสเสน อิธ ปจฺฉิมเก ภเว จมฺปายํ อคฺคเสฏฺิสฺส ชาโตมฺหิ เอกปุตฺตโก ฯ |๓๙๑.๕๔| ชาตมตฺตสฺส เม สุตฺวา ปิตุฉนฺโท อยํ อหุ ททามหํ กุมารสฺส วีสโกฏี อนูนกา ฯ |๓๙๑.๕๕| จตุรงฺคุลา จ เม โลมา ชาตา ปาทตเล อุโภ สุขุมา มุทุสมฺผสฺสา ตุลาปิจุสมา สุภา ฯ |๓๙๑.๕๖| อตีตา นวุติ กปฺปา อยํ เอโก จ อุตฺตรึ นาภิชานามิ นิกฺขิตฺเต ปาเท ภุมฺเม ^๑- อสนฺถเต ฯ |๓๙๑.๕๗| อาราธิโต เม สมฺพุทฺโธ ปพฺพชึ อนคาริยํ อรหตฺตญฺจ เม ปตฺตํ สีติภูโตมฺหิ นิพฺพุโต ฯ |๓๙๑.๕๘| อคฺคารทฺธวิริยานํ นิทฺทิฏฺโ สพฺพทสฺสินา ขีณาสโว ^๒- จ อรหา ฉฬภิญฺโ มหิทฺธิโก ฯ |๓๙๑.๕๙| เอกนวุเต อิโต กปฺเป ยํ ทานมททึ ตทา ทุคฺคตึ นาภิชานามิ เลณทานสฺสิทํ ผลํ ฯ |๓๙๑.๖๐| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๓๙๑.๖๑| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๓๙๑.๖๒| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนํ ฯ @เชิงอรรถ: ^๑ ม. ภุมฺยา ฯ ^๒ ม. ขีณาสโวมฺหิ อรหา ฯ

--------------------------------------------------------------------------------------------- หน้าที่ ๔๗๑.

|๓๙๑.๖๓| เถโร ^๑- โกฏิวิโส โสโณ ภิกฺขุสงฺฆสฺส อคฺคโต ปญฺหํ ปุฏฺโ วิยากาสิ อโนตตฺตมหาสเรติ ฯ อิตฺถํ สุทํ อายสฺมา โสโณ โกฏิวิโส เถโร อิมา คาถาโย อภาสิตฺถาติ ฯ โสณโกฏิวิสตฺเถรสฺส อปทานํ สมตฺตํ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๖๙-๔๗๑. http://84000.org/tipitaka/pitaka_item/pali_item_s.php?book=32&item=391&items=1&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=391&items=1&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=391&items=1&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=391&items=1&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=391 The Pali Atthakatha in Thai :- http://84000.org/tipitaka/atthapali/read_th.php?B=50&A=5226 The Pali Atthakatha in Roman :- http://84000.org/tipitaka/atthapali/read_rm.php?B=50&A=5226 สารบัญพระไตรปิฎกเล่มที่ ๓๒ http://84000.org/tipitaka/read/?index_32