ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๒ ภาษาบาลี อักษรไทย พระสุตตันตปิฎกเล่มที่ ๒๔ สุตฺต. ขุ. อปทานํ (๑)

หน้าที่ ๔๗๖.

จตฺตาฬีโส ปิลินฺทวคฺโคมํ ปิลินฺทวจฺฉตฺเถราปทานํ (๓๙๑) [๓๙๓] |๓๙๓.๑| นคเร หํสวติยา อาสึ โทวาริโก อหํ อกฺโขพฺภํ ๑- อมิตํ โภคํ ฆเร สนฺนิจิตํ มม ฯ |๓๙๓.๒| รโหคโต นิสีทิตฺวา ปหํสิตฺวาน มานสํ นิสชฺช ปาสาทวเร เอวํ จินฺเตสหํ ตทา ฯ |๓๙๓.๓| พหู เมว ๒- คตา โภคา ผีตํ อนฺเตปุรํ มม ราชาปิ มํ นิมนฺเตสิ ๓- อานนฺโท ปวิสฺสโร ฯ |๓๙๓.๔| อยญฺจ พุทฺโธ อุปฺปนฺโน อธิจฺจุปฺปตฺติโก มุนิ สํวิชฺชนฺติ จ เม โภคา ทานํ ทสฺสามิ สตฺถุโน ฯ |๓๙๓.๕| ปทุเมน ๔- ราชปุตฺเตน ทินฺนํ ทานวรํ ชิเน หตฺถินาเค จ ปลฺลงฺเก อปสฺเสนํ จนปฺปกํ ฯ |๓๙๓.๖| อหํปิ ทานํ ทสฺสามิ สงฺเฆ คณวรุตฺตเม ๕- อทินฺนปุพฺพํ ทานวรํ ๖- ภวิสฺสํ อาทิกมฺมิโก ฯ |๓๙๓.๗| จินฺเตตฺวาหํ พหุวิธํ ยาเค ยสฺส สุขํ ผลํ ปริกฺขารทานมทฺทกฺขึ มม สงฺกปฺปปูรณํ ฯ |๓๙๓.๘| ปริกฺขารานิ ทสฺสามิ สงฺเฆ คณวรุตฺตเม ๗- อทินฺนปุพฺพมญฺเสํ ภวิสฺสํ อาทิกมฺมิโก ฯ @เชิงอรรถ: ม. ยุ. อกฺโขภํ ฯ ม. ยุ. พหูเมธิคตา ฯ ม. ยุ. ราชาปิ สนฺนิมนฺเตสิ ฯ @ ยุ. ปทุเม ฯ ๕-๗ โป. ยุ. คุณวรุตฺตเม ฯ ม. ยุ. อทินฺนปุพฺพมญฺเสํ ฯ

--------------------------------------------------------------------------------------------- หน้าที่ ๔๗๗.

|๓๙๓.๙| นฬกาเร อุปาคมฺม ฉตฺตํ กาเรสิ ตาวเท ฉตฺตสตสหสฺสานิ เอกโต สนฺนิปาตยึ ฯ |๓๙๓.๑๐| ทุสฺสสตหสฺสานิ เอกโต สนฺนิปาตยึ ปตฺตสตสหสฺสานิ เอกโต สนฺนิปาตยึ ฯ |๓๙๓.๑๑| วาสิโย สตฺถเก จาปิ สูจิโย นขเฉทเน เหฏฺา ฉตฺเต ปาเปสึ กาเรตฺวา ตทนุจฺฉเว ฯ |๓๙๓.๑๒| วิธูปเน ตาลปณฺเณ ๑- โมรหตฺเถ จ จามเร ปริสฺสาวเน เตลธาเร การยึ ตทนุจฺฉเว ฯ |๓๙๓.๑๓| สูจิฆเร อํสวทฺเธ อโถปิ กายพนฺธเน อาธารเก จ สุกเต การยึ ตทนุจฺฉเว ฯ |๓๙๓.๑๔| ปริโภคภาชเน จ อโถปิ โลหถาลเก เภสชฺเช ๒- ปูรยิตฺวาน เหฏฺาฉตฺเต เปสหํ ฯ |๓๙๓.๑๕| วจํ อุสีรํ ลฏฺิมธุํ ปิปฺผลิมริจานิ จ หรีตกึ สิงฺคิเวรํ สพฺเพ ปูเรสิ ภาชเน ฯ |๓๙๓.๑๖| อุปาหนา ปาทุกาโย อโถ อุทกปุญฺฉเน กตฺตรทณฺเฑ สุกเต การยึ ตทนุจฺฉเว ฯ |๓๙๓.๑๗| โอสถํ อญฺชนาปิจ ๓- สลากา ธมฺมกุตฺตรา กุญฺจิกา ปญฺจวณฺเณหิ สิพฺพิเต กุญฺจิกาฆเร ฯ |๓๙๓.๑๘| อาโยเค ธูมเนตฺเต จ อโถปิ ทีปธารเก ตุมฺพเก จ กรณฺเฑ จ การยึ ตทนุจฺฉเว ฯ @เชิงอรรถ: ม. ยุ. ตาลวณฺเฏ ฯ ยุ. เภสชฺชํ ฯ ม. ยุ. โอสธญฺชนนาฬี จ ฯ

--------------------------------------------------------------------------------------------- หน้าที่ ๔๗๘.

|๓๙๓.๑๙| สณฺฑาเส ปิปฺผเล เจว อโถปิ มลหาริโน ๑- เภสชฺชถวิเก เจว การยึ ตทนุจฺฉเว ฯ |๓๙๓.๒๐| อาสนฺทิโย ปีเก จ ปลฺลงฺเก จตุโรมเย ตทนุจฺฉเว กาเรตฺวา เหฏฺาฉตฺเต เปสหํ ฯ |๓๙๓.๒๑| อุณฺณาภิสึ ๒- ตุลภิสึ อโถปิ ปีกาภิสึ พิพฺโพหเน จ สุกเต การยึ ตทนุจฺฉเว ฯ |๓๙๓.๒๒| กุรุวินฺเท มธุสิตฺเถ เตลหตฺถปตาปกํ สิเวฏิผลกํ ๔- สุจึ มญฺจํ อตฺถรเณน จ ฯ |๓๙๓.๒๓| เสนาสเน ปาทปุญฺเฉ สยนาสนฑณฺฑเก ทนฺตโปเณ จ กถลึ ๕- สีสเลปนคนฺธเก ๖- ฯ |๓๙๓.๒๔| อรณึ ๗- ผลปีเ จ ปตฺตปิธานถาลเก อุทกสฺส กฏจฺฉุญฺจ ๘- จุณฺณกํ รชนมฺพณํ ฯ |๓๙๓.๒๕| สมฺมุญฺชนํ ๙- อุทวตฺถํ ตถา วสฺสิกสาฏกํ นิสีทนํ กณฺฑุจฺฉาทึ อถ อนฺตรวาสกํ ฯ |๓๙๓.๒๖| อุตฺตราสงฺคสงฺฆาฏึ นตฺถุกํ มุขโสธนํ พิลงฺคโลณภูตญฺจ ๑๐- มธุํ จ ทธิปานกํ ฯ |๓๙๓.๒๗| ปุปฺผสิตฺถํ ปิโลติญฺจ มุขปุญฺฉนสุตฺตกํ ทาตพฺพํ นาม ยํ อตฺถิ ยญฺจ กปฺปติ สตฺถุโน ฯ |๓๙๓.๒๘| สพฺพเมตํ สมาเนตฺวา อานนฺทํ อุปสงฺกมึ อุปสงฺกมฺม ราชานํ ชเนตารํ มหายสํ ๑๑-@เชิงอรรถ: ม. ยุ. มลหารเก ฯ ม. ยุ. อูณฺณาภิสี ... ปิกาภิสี ฯ ม. ยุ. พิมฺโพหเน ฯ @ ม. ยุ. สิปาฏิผลเก สุจี ฯ ม. อาฏฺลี ฯ ม. ยุ. สีสาเลปนคนฺธเก ฯ @ ม. ยุ. อรณี ฯ ม. กฏจฺฉู จ ฯ ม. สมฺมชฺชนํ ฯ ๑๐ ม. พิลงฺคโลณํ ปหูตํ จ ฯ @๑๑ ม. มเหสิโน ฯ

--------------------------------------------------------------------------------------------- หน้าที่ ๔๗๙.

|๓๙๓.๒๙| สิรสา อภิวาเทตฺวา อิทํ วจนมพฺรวึ เอกโต ชาติสํวฑฺฒา อุภินฺนํ เอกโต ยโส ๑- ฯ |๓๙๓.๓๐| สาธารณา สุเข ทุกฺเข อุโภ จ อนุวตฺตกา อตฺถิ เจตสิกํ ทุกฺขํ ตวาเธยฺยํ ๒- อรินฺทม ฯ |๓๙๓.๓๑| ยทิ สกฺโกสิ ตํ ทุกฺขํ วิโนเทยฺยาสิ ขตฺติย ตว ทุกฺขํ มม ทุกฺขํ อภินฺนํ เอกโต มนํ ๓- ฯ |๓๙๓.๓๒| นิฏฺิตนฺติ วิชานาสิ ๔- ตํ โมเจยฺย สเจ ตุวํ ชานาหิ โข มหาราช ทุกฺขํ เม ทุพฺพิโนทยํ ฯ |๓๙๓.๓๓| พหุํ สมาโน คชฺชสฺสุ เอตนฺเต ทุจฺจชํ ธนํ ๕- ยาวตา วิชิเต ๖- อตฺถิ ยาวตา มม ชีวิตํ ฯ |๓๙๓.๓๔| เอเตหิ ยทิ เต อตฺโถ ทสฺสามิ อวิกมฺปิโต คชฺชิตํ โข ตยา เทว มิจฺฉา ตํ พหุคชฺชิตํ ฯ |๓๙๓.๓๕| ชานิสฺสามิ ตุวํ อชฺช สพฺพธมฺเม ปติฏฺิตํ อติพาฬฺหํ นิปีเฬสิ ททมานสฺส เม สโต ฯ |๓๙๓.๓๖| กินฺเต ๗- สลฺลปิเตนตฺโถ ปตฺถิตํ เต กเถหิ เม อิจฺฉามหํ มหาราช พุทฺธเสฏฺ อนุตฺตรํ ฯ |๓๙๓.๓๗| โภชยิสฺสามิ สมฺพุทฺธํ วชฺชํ เม มาหุ ชีวิตํ อญฺ เตหํ วรํ ทมฺมิ อยาจิโต ๘- ตถาคโต ฯ |๓๙๓.๓๘| อเทยฺโย กสฺสจิ พุทฺโธ มณิ โชติรโส ยถา นนุ เต คชฺชิตํ เทว ยาว ๙- ชีวิตมตฺถิกํ ฯ @เชิงอรรถ: ม. มนํ ฯ ยุ. ยสํ ฯ โป. วิโนเทตุํ ฯ ม. มโน ฯ ม. ยุ. วิชานาหิ ฯ @ ม. วรํ ฯ ยุ. วิชิตํ ฯ ม. กึ เต เม ปิฬิเตนตฺโถ ฯ ม. มายาจิตฺโถ @ ม. มายาจิตฺโถ ตถาคตํ ฯ ม. ยาว ชีวิตมตฺตโน ฯ

--------------------------------------------------------------------------------------------- หน้าที่ ๔๘๐.

|๓๙๓.๓๙| ชีวิตํ ททมาเนน ยุตฺตํ ทาตุํ ตถาคตํ ปนีโย มหาวีโร อเทยฺโย กสฺสจิ ชิโน ฯ |๓๙๓.๔๐| น เม ปฏิสฺสุโต พุทฺโธ วรสฺสุ อมิตํ ธนํ วินิจฺฉยํ ปาปุณามิ ๑- ปุจฺฉิสฺสามิ ๒- วินิจฺฉเย ฯ |๓๙๓.๔๑| ยถา สณฺหํ กเถสฺสนฺติ ปฏิปุจฺฉาม ตํ ตถา รญฺโ หตฺเถ คเหตฺวาน อคมาสึ วินิจฺฉยํ ฯ |๓๙๓.๔๒| ปุรโต อกฺขทสฺสานํ อิทํ วจนมพฺรวึ สุณนฺตุ เม อกฺขทสฺสา ราชา วรํ อทาสิ เม ฯ |๓๙๓.๔๓| น กิญฺจิ ปยิตฺวาน ชีวิตํปิ ปวารยึ ๓- ตสฺส เม วรทินฺนสฺส พุทฺธเสฏฺ วรึ อหํ ฯ |๓๙๓.๔๔| สุทินฺโน โหติ เม พุทฺโธ ฉินฺทถ ๔- สํสยํ มม สุสฺสาม ตว วจนํ ภูมิปาลสฺส ราชิโน ฯ |๓๙๓.๔๕| อุภินฺนํ วจนํ สุตฺวา ฉินฺทิสฺสาเมตฺถ สํสยํ สพฺพํ เทว ตยา ทินฺนํ อิมสฺส สพฺพคาหิตํ ๕- ฯ |๓๙๓.๔๖| น กิญฺจิ ปยิตฺวาน ชีวิตํปิ ปวารยึ กิจฺฉปฺปตฺโตว หุตฺวาน ยาวชีวมนุตฺตรํ ๖- ฯ |๓๙๓.๔๗| อิมํ สุทุกฺขิตํ ตฺวา อทาสึ สพฺพคาหิตํ ๗- ปราชโย ตุวํ เทว อสฺส เทยฺโย ตถาคโต ฯ |๓๙๓.๔๘| อุภินฺนํ สํสโย ฉินฺโน ยถา สณฺมฺหิ ติฏฺ ราชา ตตฺเถว ตฺวาน อกฺขทสฺเสตทพฺรวิ ฯ @เชิงอรรถ: ม. ยุ. ปาปุณาม ฯ ม. ยุ. ปุจฺฉิสฺสาม ฯ โป. ม. ยุ. ปวารยิ ฯ @ ยุ. อถวา ฯ ๕-๗ ม. ยุ. สพฺพคาหิกํ ฯ ม. ยุ. ยาจีวรมนุตฺตรํ ฯ

--------------------------------------------------------------------------------------------- หน้าที่ ๔๘๑.

|๓๙๓.๔๙| สมฺมา มยฺหํปิ เทยฺยาถ ปุน พุทฺธํ ลภามหํ ปูเรตฺวา ตว สงฺกปฺปํ โภชยิตฺวา ตถาคตํ ฯ |๓๙๓.๕๐| ปุน เทยฺยาสิ สมฺพุทฺธํ อานนฺทสฺส ยสสฺสิโน อกฺขทสฺเสภิวาเทตฺวา อานนฺทมปิ ๑- ขตฺติยํ ฯ |๓๙๓.๕๑| ตุฏฺโ ปมุทิโต หุตฺวา สมฺพุทฺธํ อุปสงฺกมึ อุปสงฺกมฺม สมฺพุทฺธํ โอฆติณฺณํ อนาสวํ ฯ |๓๙๓.๕๒| สิรสา อภิวาเทตฺวา อิทํ วจนมพฺรวึ วสีสตสหสฺเสหิ อธิวาเสหิ จกฺขุมา ฯ |๓๙๓.๕๓| หาสยนฺโต มม จิตฺตํ นิเวสนมุเปหิ เม ปทุมุตฺตโร โลกวิทู อาหุตีนํ ปฏิคฺคโห ฯ |๓๙๓.๕๔| มม สงฺกปฺปมญฺาย อธิวาเสสิ จกฺขุมา อธิวาสนมญฺาย อภิวาทิย สตฺถุโน ฯ |๓๙๓.๕๕| หฏฺโ อุทคฺคจิตฺโตหํ นิเวสนมุปาคมึ มิตฺตามจฺเจ สมาเนตฺวา อิทํ วจนมพฺรวึ ฯ |๓๙๓.๕๖| สุทุลฺลโภ มยา ลทฺโธ มณิ โชติรโส ยถา เกน ตํ ปูชยิสฺสามิ ๒- อปฺปเมยฺโย อนูปโม ฯ |๓๙๓.๕๗| อตุโล อสโม ธีโร ๓- ชิโน อปฺปฏิปุคฺคโล ตถาสมสโม เจว อทุติโย นราสโภ ฯ |๓๙๓.๕๘| ทุกฺกรํ อธิการํ หิ พุทฺธานุจฺฉวิกํ มยา ๔- นานาปุปฺเผ สมาเนตฺวา กโรม ปุปฺผมณฺฑปํ ฯ @เชิงอรรถ: ม. ยุ. อานนฺทญฺจาปิ ฯ ม. ยุ. ปูชยิสฺสาม ฯ ยุ. วีโร ฯ ยุ. ตยา ฯ

--------------------------------------------------------------------------------------------- หน้าที่ ๔๘๒.

|๓๙๓.๕๙| พุทฺธานุจฺฉวิกํ เอตํ สพฺพปูชา ภวิสฺสติ อุปฺปลํ ปทุมํ วาปิ วสฺสิกํ อธิมุตฺตกํ ฯ |๓๙๓.๖๐| จมฺปกํ นาคปุปฺผญฺจ มณฺฑปํ การยึ อหํ สตาสนสหสฺสานิ ฉตฺตฉายาย ปญฺปึ ฯ |๓๙๓.๖๑| ปจฺฉิมํ อาสนํ มยฺหํ อธิกํ สตมคฺฆติ สตาสนสหสฺสานิ ฉตฺตฉายาย ปญฺปึ ฯ |๓๙๓.๖๒| ปฏิยาเทตฺวา อนฺนปานํ กาลํ อาโรจยึ อหํ อาโรจิตมฺหิ กาลมฺหิ ปทุมุตฺตโร มหามุนิ ฯ |๓๙๓.๖๓| วสีสตสหสฺเสหิ นิเวสนมุเปสิ เม ธาเรนฺตํ อุปริจฺฉตฺตํ สุผุลฺลปุปฺผมณฺฑเป ฯ |๓๙๓.๖๔| วสีสตสหสฺเสหิ นิสีทิ ปุริสุตฺตโม ฉตฺตสตสหสฺสานิ สตสหสฺสมาสนํ ฯ |๓๙๓.๖๕| กปฺปิยํ อนวชฺชญฺจ ปฏิคฺคณฺหาหิ จกฺขุมา ปทุมุตฺตโร โลกวิทู อาหุตีนํ ปฏิคฺคโห ฯ |๓๙๓.๖๖| มมํ ตาเรตุกาโม โส สมฺปฏิจฺฉิ มหามุนิ ภิกฺขุโน เอกเมกสฺส ปจฺเจกํ ปตฺตทาสหํ ฯ |๓๙๓.๖๗| ชหึสุ สมฺภตํ ๑- ปตฺตํ โลหปตฺตํ อธารยุํ สตฺตรตฺตินฺทิวํ พุทฺโธ นิสีทิ ปุปฺผมณฺฑเป ฯ |๓๙๓.๖๘| โพธยนฺโต พหู สตฺเต ธมฺมจกฺกํ ปวตฺตยิ ธมฺมจกฺกํ ปวตฺเตนฺโต เหฏฺโต ปุปฺผมณฺฑเป ฯ @เชิงอรรถ: ม. สุมฺภกํ ฯ ยุ. ปุปฺผกํ ฯ

--------------------------------------------------------------------------------------------- หน้าที่ ๔๘๓.

|๓๙๓.๖๙| จุลฺลาสีติสหสฺสานํ ธมฺมาภิสมโย อหุ สตฺตเม ทิวเส ปตฺเต ปทุมุตฺตโร มหามุนิ ฯ |๓๙๓.๗๐| ฉตฺตฉายาย นิสินฺโน อิมา คาถา อภาสถ อนูนกํ ทานวรํ โย เม ปาทาสิ มาณโว ฯ |๓๙๓.๗๑| ตมหํ กิตฺตยิสฺสามิ สุณาถ มม ภาสโต หตฺถี อสฺสา รถา ปตฺตี เสนา จ จตุรงฺคินี ฯ |๓๙๓.๗๒| ปริวาเรสฺสนฺติ ตํ ๑- นิจฺจํ สพฺพทานสฺสิทํ ผลํ หตฺถิยานํ อสฺสยานํ สิวิกํ ๒- สนฺทมานิกํ ฯ |๓๙๓.๗๓| อุปฏฺิสฺสนฺติ ตํ นิจฺจํ สพฺพทานสฺสิทํ ผลํ สฏฺี รถสหสฺสานิ สพฺพาลงฺการภูสิตา ฯ |๓๙๓.๗๔| ปริวาเรสฺสนฺติ ตํ นิจฺจํ สพฺพทานสฺสิทํ ผลํ สฏฺี ตุริยสหสฺสานิ เภริโย สมลงฺกตา ฯ |๓๙๓.๗๕| วชฺชยิสฺสนฺติ ตํ นิจฺจํ สพฺพทานสฺสิทํ ผลํ ฉฬาสีติสหสฺสานิ นาริโย สมลงฺกตา ฯ |๓๙๓.๗๖| วิจิตฺตวตฺถาภรณา อามุตฺตมณิกุณฺฑลา อาฬารมุขา ๓- หสุลา สุสญฺา ตนุมชฺฌิมา ฯ |๓๙๓.๗๗| ปริวาเรสฺสนฺติ ตํ นิจฺจํ สพฺพทานสฺสิทํ ผลํ ตึสกปฺปสหสฺสานิ เทวโลเก รมิสฺสติ ฯ |๓๙๓.๗๘| สหสฺสกฺขตฺตุํ เทวินฺโท เทวรชฺชํ กริสฺสติ สหสฺสกฺขตฺตุํ ราชา จ จกฺกวตฺติ ภวิสฺสติ ฯ @เชิงอรรถ: ม. ยุ. สพฺพตฺถ มํ ฯ ม. สิวิกา สนฺทมานิกา ฯ ม. อาฬารปมฺหา ฯ

--------------------------------------------------------------------------------------------- หน้าที่ ๔๘๔.

|๓๙๓.๗๙| ปเทสรชฺชํ วิปุลํ คณนาโต อสงฺขยํ เทวโลเก วสนฺตสฺส ปุญฺกมฺมสมงฺคิโน ฯ |๓๙๓.๘๐| เทวโลกานุปริยนฺเต ๑- รตนฉตฺตํ ธริสฺสติ อิจฺฉิสฺสติ ยทา วายํ ๒- ฉทนํ ทุสฺสปุปฺผชํ ฯ |๓๙๓.๘๑| อิมสฺส จิตฺตมญฺาย นิวทฺธํ ฉาทยิสฺสติ เทวโลกา จวิตฺวาน สุกฺกมูเลน โจทิโต ฯ |๓๙๓.๘๒| ปุญฺกมฺเมน สํยุตฺโต พฺรหฺมพนฺธุ ภวิสฺสติ กปฺปสตสหสฺสมฺหิ โอกฺกากกุลสมฺภโว ฯ |๓๙๓.๘๓| โคตโม นาม นาเมน สตฺถา โลเก ภวิสฺสติ สพฺพเมตํ อภิญฺาย โคตโม สกฺยปุงฺคโว ฯ |๓๙๓.๘๔| ภิกฺขุสงฺเฆ นิสีทิตฺวา เอตทคฺเค เปสฺสติ ปิลินฺทวจฺโฉ นาเมน เหสฺสติ สตฺถุสาวโก ฯ |๓๙๓.๘๕| เทวานํ อสุรานญฺจ คนฺธพฺพานญฺจ สกฺกโต ภิกฺขูนํ ภิกฺขุนีนญฺจ คิหีนญฺจ ตเถว โส ฯ |๓๙๓.๘๖| ปิโย หุตฺวาน สพฺเพสํ วิหริสฺสตินาสโว สตสหสฺเส กตํ กมฺมํ ผลํ ทสฺเสสิ เม อิธ ฯ |๓๙๓.๘๗| สุมุตฺโต สรเวโคว กิเลเส ฌาปยึ ๓- อหํ อโห เม สุกตํ กมฺมํ ปุญฺกฺเขตฺเต อนุตฺตเร ฯ |๓๙๓.๘๘| ยตฺถ การํ กริตฺวาน ปตฺโตสฺมิ อจลํ ปทํ อนูนกํ ทานวรํ อทาสิ โย หิ มาณโว ฯ @เชิงอรรถ: ม. เทวโลกปริยนฺตํ ฯ ม. ฉายํ ฯ ยุ. จายํ ฯ ม. ฌาปยี มม ฯ ยุ. ฌาปยิสฺสติ ฯ

--------------------------------------------------------------------------------------------- หน้าที่ ๔๘๕.

|๓๙๓.๘๙| อาทิปุพฺพงฺคโม อาสิ ตสฺส ทานสฺสิทํ ผลํ ฉตฺเต ๑- สุคเต ทตฺวาน สงฺเฆ คณวรุตฺตเม ๒- ฯ |๓๙๓.๙๐| อฏฺานิสํเส อนุโภมิ กมฺมานุจฺฉวิเก มม สีตํ อุณฺหํ น ชานามิ รโชชลฺลํ น ลิมฺปติ ฯ |๓๙๓.๙๑| อนุปทฺทโว อนีติ จ โหมิ อปจิโต สทา สุขุมจฺฉวิโก โหมิ วิสทํ โหมิ มานสํ ฯ |๓๙๓.๙๒| ฉตฺตสตสหสฺสานิ ภเว สํสรโต มม สพฺพาลงฺการยุตฺตานิ ตสฺส กมฺมสฺส วาหสา ฯ |๓๙๓.๙๓| อิมํ ๓- ชาตึ เปตฺวาน มตฺถเก ธารยนฺติ เม ตสฺมา ๔- อิมาย ชาติยา นตฺถิ เม ฉตฺตธารณา ฯ |๓๙๓.๙๔| มม สพฺพํ กตํ กมฺมํ วิมุตฺติฉตฺตปตฺติยา ทุสฺสานิ สุคเต ทตฺวา สงฺเฆ คณวรุตฺตเม ฯ |๓๙๓.๙๕| อฏฺานิสํเส อนุโภมิ กมฺมานุจฺฉวิเก มม สุวณฺณวณฺโณ วิรโช สปฺปภาโส ปตาปวา ฯ |๓๙๓.๙๖| สินิทฺธํ โหติ เม คตฺตํ ภเว สํสรโต มม ทุสฺสสตสหสฺสานิ เสตา ปีตา จ โลหิตา ฯ |๓๙๓.๙๗| ธาเรนฺติ มตฺถเก มยฺหํ ทุสฺสทานสฺสิทํ ผลํ โกเสยฺยกมฺพลิยานิ โขมกปฺปาสิกานิ จ ฯ |๓๙๓.๙๘| สพฺพตฺถ ปฏิลภามิ เตสํ นิสฺสนฺทโต อหํ ปตฺเต จ สุคเต ทตฺวา สงฺเฆ คณวรุตฺตเม ฯ @เชิงอรรถ: ม. ฉตฺเต จ สุกเต ทตฺวา ฯ โป. ม. ยุ. คุณวรุตฺตเม ฯ อิโต ปรํ อีทิสเมว ฯ @ ยุ. อิทํ ฯ ม. กสฺมา ฯ

--------------------------------------------------------------------------------------------- หน้าที่ ๔๘๖.

|๓๙๓.๙๙| ทสานิสํเส อนุโภมิ กมฺมานุจฺฉวิเก มม สุวณฺณถาเล มณิถาเล รชเตปิจ ถาลเก ฯ |๓๙๓.๑๐๐| โลหิตงฺกมเย ถาเล ปริภุญฺชามิ สพฺพทา อนุปทฺทโว อนีติ จ โหมิ อปจิโต สทา ฯ |๓๙๓.๑๐๑| ลาภี อนฺนสฺส ปานสฺส วตฺถสฺส สยนสฺส จ น วินสฺสนฺติ เม โภคา ิตจิตฺโต ภวามหํ ฯ |๓๙๓.๑๐๒| ธมฺมกาโม สทา โหมิ อปฺปเกฺลโส อนาสโว เทวโลเก มนุสฺเส วา อนุพนฺธา อิเม คุณา ฯ |๓๙๓.๑๐๓| ฉายา ยถาปิ รูปสฺส ๑- สพฺพตฺถ น ชหนฺติ มํ จิตฺตพนฺธนสมฺพทฺธา สุกตา วาสิโย พหู ฯ |๓๙๓.๑๐๔| ทตฺวาน พุทฺธเสฏฺสฺส สงฺฆสฺส จ ตเถวหํ อฏฺานิสํเส อนุโภมิ กมฺมานุจฺฉวิเก มม ฯ |๓๙๓.๑๐๕| สูโร ๒- โหมิ ๓- วิสารี จ เวสารชฺเชสุ ปารมี ธิติวิริยวา โหมิ ปคฺคหิตมโน สทา ฯ |๓๙๓.๑๐๖| กิเลสจฺเฉทนํ าณํ สุขุมํ อตุลํ สุจึ สพฺพตฺถ ปฏิลภามิ ตสฺส นิสฺสนฺทโต มม ฯ |๓๙๓.๑๐๗| อกกฺกเส อผรุเส อโธเต สตฺถเก พหู ปสนฺนจิตฺโต ทตฺวาน พุทฺเธ สงฺเฆ ตเถว จ ฯ |๓๙๓.๑๐๘| ปญฺจานิสํเส อนุโภมิ กมฺมานุจฺฉวิเก มม กลฺยาณมิตฺตํ วิริยํ ขนฺติญฺจ เมตฺติสตฺถกํ ฯ @เชิงอรรถ: ม. ยุ. รุกฺขสฺส ฯ โป. สีโห ฯ ม. โหม ฯ

--------------------------------------------------------------------------------------------- หน้าที่ ๔๘๗.

|๓๙๓.๑๐๙| ตณฺหาสลฺลสฺส ฉินฺนตฺตา ปญฺาสตฺถํ อนุตฺตรํ วชิเรน สมํ าณํ เตสํ นิสฺสนฺทโต ลเภ ฯ |๓๙๓.๑๑๐| สูจิโย สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๑๑| นมสฺสิโย กงฺขจฺเฉโท อภิรูโป จ โภควา ติกฺขปญฺโ สทา โหมิ สํสรนฺโต ภวาภเว ฯ |๓๙๓.๑๑๒| คมฺภีรํ นิปุณํ านํ อตฺถํ าเณน ปสฺสยึ วชิรคฺคสมํ าณํ โหติ เม ตมฆาตนํ ฯ |๓๙๓.๑๑๓| นขจฺเฉทเน สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๑๔| ทาสทาสี ควสฺเส จ ภฏเก นาฏเก ๑- พหู นฺหาปิเต ภตฺตเก สูเท สพฺพตฺเถว ลภามหํ ฯ |๓๙๓.๑๑๕| วิธูปเน สุคเต ทตฺวา ตาลปณฺเณ จ โสภเน อฏฺานิสํเส อนุโภมิ กมฺมานุจฺฉวิเก มม ฯ |๓๙๓.๑๑๖| สีตํ อุณฺหํ น ชานามิ ปริฬาโห น วิชฺชติ ทรถํ นาภิชานามิ จิตฺตสนฺตาปนํ มม ฯ |๓๙๓.๑๑๗| ราคคฺคิ โทสโมหคฺคิ มานคฺคิ ทิฏฺิอคฺคิ จ สพฺพคฺคิ นิพฺพุโต มยฺหํ ตสฺส นิสฺสนฺทโต มม ฯ |๓๙๓.๑๑๘| โมรหตฺเถ จามริโย ทตฺวา สงฺเฆ คณุตฺตเม อุปสนฺตกิเลโสหํ วิหรามิ อนงฺคโณ ฯ @เชิงอรรถ: ยุ. อารกฺเข ฯ

--------------------------------------------------------------------------------------------- หน้าที่ ๔๘๘.

|๓๙๓.๑๑๙| ปริสฺสาวเน สุคเต ทตฺวา สุคเต ๑- ธมฺมกุตฺตเร ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๒๐| สพฺเพสํ สมติกฺกมฺม ทิพฺพํ อายุํ ลภามหํ อปฺปสโยฺห สทา โหมิ โจรปจฺจตฺถิเกหิ วา ฯ |๓๙๓.๑๒๑| สตฺเถน วา วิเสน วา วิเหสํปิ น กุพฺพเต อนฺตรามรณํ นตฺถิ เตสํ นิสฺสนฺทโต มม ฯ |๓๙๓.๑๒๒| เตลธาเร สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๒๓| สุจารุรูโป สุภทฺโท ๒- สุสมุคฺคตมานโส อวิกฺเขปมโน โหมิ สพฺพารกฺเขหิ รกฺขิโต ฯ |๓๙๓.๑๒๔| สูจิฆเร สุคเต ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๒๕| เจโตสุขํ กายสุขํ อิริยาปถชํ สุขํ อิเม คุเณ ปฏิลภามิ ๓- ตสฺส นิสฺสนฺทโต อหํ ฯ |๓๙๓.๑๒๖| อํสวทฺเธ ชิเน ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๒๗| สทฺธมฺเม คาฬฺหํ ๔- วินฺทามิ สรามิ ทุติยํ ภวํ สพฺพตฺถ สุจฺฉวิ โหมิ ตสฺส นิสฺสนฺทโต อหํ ฯ |๓๙๓.๑๒๘| กายพนฺเธ ชิเน ๕- ทตฺวา สงฺเฆ คณวรุตฺตเม ฉานิสํเส อนุโภมิ กมฺมานุจฺฉวิเก มม ฯ @เชิงอรรถ: ยุ. สงฺเฆ คณุตฺตเม ฯ ม. ธมฺมกรุตฺตเม ฯ ยุ. สุคโต ฯ ม. ปฏิลเภ ฯ @ โป. พนฺธามิ ฯ ม. ยุ. คาธํ ฯ ยุ. สุคเต ฯ

--------------------------------------------------------------------------------------------- หน้าที่ ๔๘๙.

|๓๙๓.๑๒๙| สมาธีสุ น กมฺปามิ วสี โหมิ สมาธิสุ อเภชฺชปริโส โหมิ อาเทยฺยวจโน สทา ฯ |๓๙๓.๑๓๐| อุปฏฺิตสฺสติ โหมิ ตาโส มยฺหํ น วิชฺชติ เทวโลเก มนุสฺเส วา อนุพนฺธา อิเม คุณา ฯ |๓๙๓.๑๓๑| อาธารเก ชิเน ทตฺวา สงฺเฆ คณวรุตฺตเม ปญฺจวณฺเณ ๑- ภยาภาโว อจโล โหมิ เกนจิ ฯ |๓๙๓.๑๓๒| เยเกจิ เม สุตา ธมฺมา สติาณปฺปโพธนา ธตา ๒- เม น วินสฺสนฺติ ภวนฺติ สุวินิจฺฉิตา ฯ |๓๙๓.๑๓๓| ภาชเน ปริโภเค จ ทตฺวา พุทฺเธ คณุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๓๔| โสวณฺณมเย มณิมเย อโถปิ ผลิกามเย โลหิตงฺกมเย เจว ลภามิ ภาชเน อหํ ฯ |๓๙๓.๑๓๕| ภริยา ทาสทาสี จ หตฺถิสฺสรถปตฺติเก อิตฺถี ปติพฺพตา เจว ปริโภคานิ สพฺพทา ฯ |๓๙๓.๑๓๖| วิชฺชา มนฺตปเท เจว วิวิเธ อาคเม พหู สพฺพสิปฺปํ นิสาเมมิ ปริโภคานิ สพฺพทา ฯ |๓๙๓.๑๓๗| ถาลเก สุคเต ทตฺวา สงฺเฆ คุณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๓๘| โสวณฺณมเย มณิมเย อโถปิ ผลิกามเย โลหิตงฺกมเย เจว ลภามิ ถาลเก อหํ ฯ @เชิงอรรถ: ม. ยุ. ปญฺจวณฺเณหิ ทายาโท ฯ ยุ. วตา ฯ

--------------------------------------------------------------------------------------------- หน้าที่ ๔๙๐.

|๓๙๓.๑๓๙| อสฺสฏฺเก ผลมเย อโถ โปกฺขรปตฺตเก มธุปานกสงฺเข จ ลภามิ ถาลเก อหํ ฯ |๓๙๓.๑๔๐| วตฺเต คุเณ ปฏิปตฺตึ ๑- อาจารกิริยาสุ จ อิเม คุเณ ปฏิลเภ ตสฺส นิสฺสนฺทโต อหํ ฯ |๓๙๓.๑๔๑| เภสชฺชํ สุคเต ทตฺวา สงฺเฆ คณวรุตฺตเม ทสานิสํเส อนุโภมิ กมฺมานุจฺฉวิเก มม ฯ |๓๙๓.๑๔๒| อายุวา พลวา ธีโร วณฺณวา ยสวา สุขี อนุปทฺทโว อนีติ จ โหมิ ๒- อปจิโต สทา น เม ปิยวิโยคตฺถิ ตสฺส นิสฺสนฺทโต มม ฯ |๓๙๓.๑๔๓| อุปาหเน ชิเน ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๔๔| หตฺถิยานํ อสฺสยานํ สิวิกํ สนฺทมานิกํ สฏฺี รถสหสฺสานิ ปริวาเรนฺติ มํ สทา ฯ |๓๙๓.๑๔๕| มณิมยา ตมฺพมยา ๓- โสณฺณรชตปาทุกา นิพฺพตฺตนฺติ ปทุทฺธาเร ภเว สํสรโต มม ฯ |๓๙๓.๑๔๖| นิยามํ ปฏิธาวนฺติ ๔- อาจารคุณโสธนํ ๕- อิเม คุเณ ปฏิลเภ ตสฺส นิสฺสนฺทโต อหํ ฯ |๓๙๓.๑๔๗| ปาทุเก สุคเต ทตฺวา สงฺเฆ คุณวรุตฺตเม อิทฺธิปาทุกมารุยฺห วิหรามิ ยถิจฺฉกํ ฯ @เชิงอรรถ: ม. ปฏิปตฺติ ฯ ยุ. ปฏิลเภ ฯ ยุ. โภมิ จาปจิโต สทา ฯ ยุ. มณฺฑลกา ฯ @ ม. สติ ธาวนฺติ ฯ ม. อาคุอาจารโสธนํ ฯ

--------------------------------------------------------------------------------------------- หน้าที่ ๔๙๑.

|๓๙๓.๑๔๘| มุขปุญฺฉนํ ๑- สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๔๙| สุวณฺณวณฺโณ วิรโช สปฺปภาโส ปตาปวา สินิทฺธํ โหติ เม คตฺตํ รโชชลฺลํ น ลิมฺปติ ฯ |๓๙๓.๑๕๐| อิเม คุเณ ปฏิลเภ ตสฺส นิสฺสนฺทโต อหํ กตฺตรทณฺเฑ สุคเต ทตฺวา สงฺเฆ คณวรุตฺตเม ๒- ฯ |๓๙๓.๑๕๑| ปญฺจานิสํเส ๓- อนุโภมิ กมฺมานุจฺฉวิเก มม ปุตฺตา มยฺหํ พหู โหนฺติ ตาโส มยฺหํ น วิชฺชติ ฯ |๓๙๓.๑๕๒| อปฺปสโยฺห สทา โหมิ สพฺพารกฺเขหิ รกฺขิโต ขลิตมฺปิ ๔- น ชานามิ อภนฺตํ มานสํ มม ฯ |๓๙๓.๑๕๓| โอสถํ อญฺชนํ ทตฺวา สงฺเฆ ๕- คณวรุตฺตเม อฏฺานิสํเส อนุโภมิ กมฺมานุจฺฉวิเก มม ฯ |๓๙๓.๑๕๔| วิสาลนยโน โหมิ เสตปิโต จ โลหิโต อนาวิลปสนฺนกฺโข สพฺพโรควิวชฺชิโต ฯ |๓๙๓.๑๕๕| ลภามิ ทิพฺพนยนํ ปญฺาจกฺขุํ อนุตฺตรํ อิเม คุเณ ปฏิลเภ ตสฺส นิสฺสนฺทโต อหํ ฯ |๓๙๓.๑๕๖| กุญฺจิเก สุคเต ทตฺวา สงฺเฆ คณวรุตฺตเม ธมฺมทฺวารวิวรณํ ลภามิ าณกุญฺจิกํ ฯ |๓๙๓.๑๕๗| กุญฺจิกานํ ฆเร ทตฺวา สงฺเฆ ๖- คณวรุตฺตเม ทฺวานิสํเส อนุโภมิ กมฺมานุจฺฉวิเก มม ฯ @เชิงอรรถ: ม. ยุ. มุขปุญฺฉนโจเล ทตฺวา พุทฺเธ คณุตฺตเม ฯ ม. คณุตฺตเม ฯ @ ม. ยุ. ฉานิสํเส ฯ ยุ. ชลิตํ มํ น ชานามิ ฯ ๕-๖ ม. ยุ. พุทฺเธ @สงฺเฆ คณุตฺตเม ฯ

--------------------------------------------------------------------------------------------- หน้าที่ ๔๙๒.

|๓๙๓.๑๕๘| อปฺปโกโธ อนุปายาโส สํสรนฺโต ภเว อหํ อาโยเค สุคเต ทตฺวา สงฺเฆ คณวรุตฺตเม ฯ |๓๙๓.๑๕๙| ปญฺจานิสํเส อนุโภมิ กมฺมานุจฺฉวิเก มม สมาธีสุ น กมฺปามิ วสี โหมิ สมาธิสุ ฯ |๓๙๓.๑๖๐| อเภชฺชปริโส โหมิ อาเทยฺยวจโน สทา ชายติ ๑- โภคสมฺปตฺติ ภเว สํสรโต มม ฯ |๓๙๓.๑๖๑| ธูมเนตฺเต ชิเน ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๖๒| สติ เม อุชุกา โหติ สุสมฺพนฺธา จ นฺหารุโย ๒- ลภามิ ทิพฺพสยนํ ๓- ตสฺส นิสฺสนฺทโต อหํ ฯ |๓๙๓.๑๖๓| ทีปทาเน ๔- ชิเน ทตฺวา สงฺเฆ คณวรุตฺตเม ตีณานิสํเส อนุโภมิ กมฺมานุจฺฉวิเก มม ฯ |๓๙๓.๑๖๔| ชาติมา องฺคสมฺปนฺโน ปญฺวา พุทฺธสมฺมโต อิเม คุเณ ปฏิลเภ ตสฺส นิสฺสนฺทโต มม ๕- ฯ |๓๙๓.๑๖๕| ตุมฺพเก จ กรณฺเฑ จ ทตฺวา พุทฺเธ คณุตฺตเม ทสานิสํเส อนุโภมิ กมฺมานุจฺฉวิเก มม ฯ |๓๙๓.๑๖๖| ตทา ๖- คุตฺโต ๗- สุขสมงฺคี มหายสวา ตถา คติ วิภตฺติคตฺโต ๘- สุขุมาโล สพฺพีติปริวชฺชิโต ฯ |๓๙๓.๑๖๗| วิปุเล จ คุเณ ลาภี สมฺมานจลนา ๙- มม สุวิวชฺชิตอุพฺเพโค ตุมฺพเก จ กรณฺฑเก ฯ @เชิงอรรถ: ยุ. ชาติจฺจ ฯ ม. นหารโว ฯ ม. ยุ. ทิพฺพนยนํ ฯ ม. ยุ. ทีปธาเร ฯ @ ม. ยุ. อหํ ฯ ยุ. สทา ฯ ม. สุคุตฺโต ฯ ม. วิปตฺติวิคโต ฯ ยุ. ภตฺติกโต ฯ @ ม. สมาวจลนา ฯ

--------------------------------------------------------------------------------------------- หน้าที่ ๔๙๓.

|๓๙๓.๑๖๘| ลภามิ จตุโร วณฺเณ หตฺถิสฺสรตนานิ จ ตานิ เม น วินสฺสนฺติ ตุมฺพกาเร ๑- อิทํ ผลํ ฯ |๓๙๓.๑๖๙| หตฺถลีลงฺคเก ๒- ทตฺวา พุทฺเธ สงฺเฆ คณุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๗๐| สพฺพลกฺขณสมฺปนฺโน อายุปญฺาสมาหิโต สพฺพายาสวินิมุตฺโต กาโย เม โหติ สพฺพทา ฯ |๓๙๓.๑๗๑| ตนุธาเร สุนิสิเต สงฺเฆ ทตฺวาน ปิปฺผเล กิเลสกนฺตนํ าณํ ลภามิ อตุลํ สุจึ ฯ |๓๙๓.๑๗๒| สณฺฑาเส สุคเต ทตฺวา สงฺเฆ คณวรุตฺตเม กิเลสลุญฺจนํ ๓- าณํ ลภามิ อตุลํ สุจึ ฯ |๓๙๓.๑๗๓| นตฺถุเก สุคเต ทตฺวา สงฺเฆ คณวรุตฺตเม อฏฺานิสํเส อนุโภมิ กมฺมานุจฺฉวิเก มม ฯ |๓๙๓.๑๗๔| สทฺธา สีลํ หิริญฺจาปิ อถ โอตฺตปฺปิยํ คุณํ สุตํ จาคญฺจ ขนฺตี ๔- จ ปญฺา เม อฏฺมํ คุณํ ฯ |๓๙๓.๑๗๕| ปีเก สุคเต ทตฺวา สงฺเฆ คณวรุตฺตเม ปญฺจานิสํเส อนุโภมิ กมฺมานุจฺฉวิเก มม ฯ |๓๙๓.๑๗๖| อุจฺเจ กุเล ปชายามิ มหาโภโค ภวามหํ สพฺเพ มํ อปจายนฺติ กิตฺติ อพฺภุคฺคตา มม ฯ |๓๙๓.๑๗๗| กปฺปสตสหสฺสานิ ปลฺลงฺกา จตุรสฺสกา ปริวาเรนฺติ มํ นิจฺจํ สํวิภาครโต อหํ ฯ @เชิงอรรถ: ม. ยุ. ตุมฺพทาเน ฯ ม. มลหรณิโย ฯ ม. กิเลสภญฺชนํ ฯ ม. ยุ. ขนฺติญฺจ ฯ

--------------------------------------------------------------------------------------------- หน้าที่ ๔๙๔.

|๓๙๓.๑๗๘| ภิสิโย สุคเต ทตฺวา สงฺเฆ คณวรุตฺตเม ฉานิสํเส อนุโภมิ กมฺมานุจฺฉวิเก มม ฯ |๓๙๓.๑๗๙| สมสุคตฺโตปจิโต ๑- มุทุโก จารุทสฺสโน ลภามิ าณปวรํ ๒- ภิสิทานสฺสิทํ ผลํ ฯ |๓๙๓.๑๘๐| ตูลิกา วิกติกาโย กฏิสฺสา จิตฺตกา พหู วรโปตฺถเก กมฺพเล จ ลภามิ วิวิเธ อหํ ฯ |๓๙๓.๑๘๑| ปาวารเก จ มุทุเก มุทุกาชินเวณิโย ลภามิ วิวิธฏฺาเน ๓- ภิสิทานสฺสิทํ ผลํ ฯ |๓๙๓.๑๘๒| ยโต สรามิ อตฺตานํ ยโต ปตฺโตสฺมิ วิญฺุตํ อตุจฺโฉ ฌานมญฺโจมฺหิ ภิสิทานสฺสิทํ ผลํ ฯ |๓๙๓.๑๘๓| พิพฺโพหเน ชิเน ทตฺวา สงฺเฆ คณวรุตฺตเม ฉานิสํเส อนุโภมิ กมฺมานุจฺฉวิเก มม ฯ |๓๙๓.๑๘๔| อุณฺณิเก ปทุมเก จ อโถ โลหิตจนฺทเน พิพฺโพหเน อุปาเตมิ ๔- อุตฺตมงฺคํ สทา มม ฯ |๓๙๓.๑๘๕| อฏฺงฺคิเก มคฺควเร สามญฺเ จตุโร ผเล เตสุ าณํ อุปฺปาเทตฺวา ๕- วิหเร นิจฺจกาลิกํ ฯ |๓๙๓.๑๘๖| ทาเน ทเม สญฺเม จ อปฺปมญฺาสุ รูปิสุ เตสุ าณํ อุปฺปาเทตฺวา วิหเร สพฺพกาลิกํ ฯ |๓๙๓.๑๘๗| วตฺเต คุเณ จ ๖- ปฏิเม อาจารกิริยาสุ จ เตสุ าณํ อุปฺปาเทตฺวา วิหเร สพฺพทา อหํ ฯ @เชิงอรรถ: ยุ. สมํ สมฺภตฺโตปจิโต ฯ ม. ยุ. าณปริวารํ ฯ ม. ยุ. วิวิธตฺถาเร ฯ @ ม. อุปาเธมิ ฯ ยุ. อุปาเทมิ ฯ ยุ. สพฺพตฺถ อุปาเนตฺวา ฯ @ ม. ปฏิปตฺติ ฯ ยุ. ปญฺจเม ฯ

--------------------------------------------------------------------------------------------- หน้าที่ ๔๙๕.

|๓๙๓.๑๘๘| จงฺกเม วา ปธาเน วา วิริเย โพธิปกฺขิเก ๑- เตสุ าณํ อุปฺปาเทตฺวา วิหรามิ ยถิจฺฉกํ ฯ |๓๙๓.๑๘๙| สีลํ สมาธิ ปญฺา จ วิมุตฺติ จ อนุตฺตรา เตสุ าณํ อุปฺปาเทตฺวา วิหรามิ สุขํ อหํ ฯ |๓๙๓.๑๙๐| ผลปีเ ชิเน ทตฺวา สงฺเฆ คณวรุตฺตเม ทฺวานิสํเส ๒- อนุโภมิ กมฺมานุจฺฉวิเก มม ฯ |๓๙๓.๑๙๑| โสณฺณมเย มณิมเย ทนฺตสารมเย พหู ปลฺลงฺกเสฏฺเ วินฺทามิ ผลปีสฺสิทํ ผลํ ฯ |๓๙๓.๑๙๒| ปาทปีเ ชิเน ทตฺวา สงฺเฆ คณวรุตฺตเม ทฺวานิสํเส อนุโภมิ กมฺมานุจฺฉวิเก มม ฯ |๓๙๓.๑๙๓| ลภามิ พหุเก ยาเน ปาทปีสฺสิทํ ผลํ ทาสี ทาสา จ ภริยา เย จญฺเ อนุชีวิโน ฯ |๓๙๓.๑๙๔| สมฺมา ปริจรนฺเตว ๓- ปาทปีสฺสิทํ ผลํ เตลอพฺภญฺชเน ทตฺวา สงฺเฆ คณวรุตฺตเม ฯ |๓๙๓.๑๙๕| ปญฺจานิสํเส อนุโภมิ กมฺมานุจฺฉวิเก มม อพฺยาธิตา รูปวตา ขิปฺปํ ธมฺมนิสนฺธิตา ๔- ฯ |๓๙๓.๑๙๖| ลาภิตา อนฺนปานสฺส อายุํ ปญฺจมกํ มม สปฺปิเตลญฺจ ทตฺวาน สงฺเฆ คณวรุตฺตเม ฯ |๓๙๓.๑๙๗| ปญฺจานิสํเส อนุโภมิ กมฺมานุจฺฉวิเก มม ถามวา รูปสมฺปนฺโน ปหฏฺตนุโช สทา ฯ @เชิงอรรถ: ม. โพธิปกฺขิเย ฯ ยุ. จตุรานิสํเส ฯ ม. ยุ. ปริจรนฺเต มํ ฯ @ ม. ยุ. ธมฺมนิสนฺติตา ฯ

--------------------------------------------------------------------------------------------- หน้าที่ ๔๙๖.

|๓๙๓.๑๙๘| อพฺยาธิ ๑- จ สทา โหมิ สปฺปิเตลสฺสิทํ ผลํ มุขโธวนํ ทตฺวาน สงฺเฆ คณวรุตฺตเม ฯ |๓๙๓.๑๙๙| ปญฺจานิสํเส อนุโภมิ กมฺมานุจฺฉวิเก มม วิสุทฺธกณฺโ มธุสฺสโร กาสสาสวิวชฺชิโต ฯ |๓๙๓.๒๐๐| อุปฺปลคนฺโธ มุขโต อุปวายติ เม สทา ทธึ ทตฺวาน สมฺปนฺนํ พุทฺเธ สงฺเฆ คณุตฺตเม ฯ |๓๙๓.๒๐๑| ภุญฺชามิ อมตํ ภตฺตํ ๒- วรํ กายคตาสตึ วณฺณคนฺธรโสเปตํ มธุํ ทตฺวา ชิเน คเณ ฯ |๓๙๓.๒๐๒| อนูปมํ อนญฺมฺปิ ๓- ลภามิ วิมุตฺติรสํ ยถาภูตํ รสํ ทตฺวา พุทฺเธ สงฺเฆ คณุตฺตเม ฯ |๓๙๓.๒๐๓| จตุโร ผเล อนุโภมิ กมฺมานุจฺฉวิเก มม อนฺนปานญฺจ ทตฺวาน พุทฺเธ สงฺเฆ คณุตฺตเม ฯ |๓๙๓.๒๐๔| ทสานิสํเส อนุโภมิ กมฺมานุจฺฉวิเก มม อายุวา พลวา ธีโร วณฺณวา ยสวา สุขี ฯ |๓๙๓.๒๐๕| ลาภี อนฺนสฺส ปานสฺส สูโร ปญฺาณวา ตถา ๔- อิเม คุเณ ปฏิลเภ สํสรนฺโต ภเว อหํ ฯ |๓๙๓.๒๐๖| ธูปํ ทตฺวาน สุคเต สงฺเฆ คณวรุตฺตเม ทสานิสํเส อนุโภมิ กมฺมานุจฺฉวิเก มม ฯ |๓๙๓.๒๐๗| สุคนฺธเทโห ยสวา สีฆปญฺโ จ กิตฺติมา ติกฺขปญฺโ ภูริปญฺโ หาสคมฺภีรปญฺวา ฯ @เชิงอรรถ: ม. อพฺยาธิ วิสโท โหมิ ฯ ยุ. ... วิสชี ... ฯ ยุ. จิตฺตํ ฯ @ ม. ยุ. อตุลิยํ ปิเว มุตฺติรสํ อหํ ฯ ม. สทา ฯ

--------------------------------------------------------------------------------------------- หน้าที่ ๔๙๗.

|๓๙๓.๒๐๘| เวปุลฺลชวนสปฺปญฺโ ๑- สํสรนฺโต ภวาภเว ตสฺเสว วาหสา ทานิ ปตฺโต สนฺติสุขํ สิวํ ฯ |๓๙๓.๒๐๙| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๓๙๓.๒๑๐| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๓๙๓.๒๑๑| ปฏิสมฺภิทา จตสฺโส วิโมกฺขาปิจ อฏฺิเม ฉฬภิญฺา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปิลินฺทวจฺโฉ เถโร อิมา คาถาโย อภาสิตฺถาติ ฯ ปิลินฺทวจฺฉตฺเถรสฺส อปทานํ สมตฺตํ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๓๒ หน้าที่ ๔๗๖-๔๙๗. http://84000.org/tipitaka/pitaka_item/pali_item_s.php?book=32&item=393&items=1&pagebreak=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=32&item=393&items=1&pagebreak=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=32&item=393&items=1&pagebreak=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=32&item=393&items=1&pagebreak=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=32&i=393              The Pali Atthakatha in Thai :- http://84000.org/tipitaka/atthapali/read_th.php?B=50&A=5304              The Pali Atthakatha in Roman :- http://84000.org/tipitaka/atthapali/read_rm.php?B=50&A=5304              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :