บาลีพระไตรปิฎกเล่มที่ ๓๓ - พระสุตตันตปิฎกเล่มที่ ๒๕

ทฺวาวีสติโม กุกฺกุสนฺธพุทฺธวํโส ^๑- [๒๓] |๒๓.๑| เวสฺสภุสฺส อปเรน สมฺพุทฺโธ ทิปทุตฺตโม กุกฺกุสนฺโธ นาม นาเมน อปฺปเมยฺโย ทุราสโท ฯ |๒๓.๒| อุคฺฆาเฏตฺวา สพฺพภวํ จริยาย ปารมิงฺคโต สีโหว ปญฺชรํ เภตฺวา ปตฺโต สมฺโพธิมุตฺตมํ ฯ |๒๓.๓| ธมฺมจกฺกํ ปวตฺเตนฺเต กุกฺกุสนฺเธ โลกนายเก จตฺตาฬีสโกฏิสหสฺสานํ ปมาภิสมโย อหุ ฯ |๒๓.๔| อนฺตลิกฺขมฺหิ อากาเส ยมกํ กตฺวา วิกุพฺพนํ ตึสโกฏิสหสฺสานํ โพเธสิ เทวมานุเส ฯ |๒๓.๕| นรเทวสฺส ยกฺขสฺส จตุสจฺจปฺปกาสเน ธมฺมาภิสมโย ตสฺส คณนาโต อสงฺขิโย ฯ |๒๓.๖| กุกฺกุสนฺธสฺส ภควโต เอโก อาสิ สมาคโม ขีณาสวานํ วิมลานํ สนฺตจิตฺตาน ตาทินํ ฯ |๒๓.๗| จตฺตาฬีสสหสฺสานํ ตทา อาสิ สมาคโม ทนฺตภูมิมนุปฺปตฺตานํ อาสวาทิคณกฺขยา ฯ |๒๓.๘| อหนฺเตน สมเยน เขโม นามาสิ ขตฺติโย ตถาคเต ชินปุตฺเต ทานํ ทตฺวา อนปฺปกํ ฯ |๒๓.๙| ปตฺตญฺจ จีวรํ ทตฺวา อญฺชนํ มธุลฏฺิกํ อิเมตํ ปตฺถิตํ สพฺพํ ปฏิยาเทมิ วรํ วรํ ฯ @เชิงอรรถ: ^๑ ม. ยุ. กกุสนฺธ ... ฯ สพฺพตฺถ อีทิสเมว ฯ |๒๓.๑๐| โสปิ มํ มุนิ ^๑- พฺยากาสิ กุกฺกุสนฺโธ วินายโก อิมมฺหิ ภทฺทเก กปฺเป อยํ พุทฺโธ ภวิสฺสติ ฯ |๒๓.๑๑| อหุ กปิลวฺหยา รมฺมา นิกฺขมิตฺวา ตถาคโต ปธานํ ปทหิตฺวาน กตฺวา ทุกฺกรการิกํ ฯ |๒๓.๑๒| อชปาลรุกฺขมูลสฺมึ นิสีทิตฺวา ตถาคโต ตตฺถ ปายาสํ ปคฺคยฺห เนรญฺชรมุเปหิติ ฯ |๒๓.๑๓| เนรญฺชราย ตีรมฺหิ ปายาสํ อทิ โส ชิโน ปฏิยตฺตวรมคฺเคน โพธิมูลมฺหิ เอหิติ ฯ |๒๓.๑๔| ตโต ปทกฺขิณํ กตฺวา โพธิมณฺฑํ อนุตฺตรํ อสฺสตฺถรุกฺขมูลมฺหิ พุชฺฌิสฺสติ มหายโส ฯ |๒๓.๑๕| อิมสฺส ชนิกา มาตา มายา นาม ภวิสฺสติ ปิตา สุทฺโธทโน นาม อยํ เหสฺสติ โคตโม ฯ |๒๓.๑๖| โกลิโต อุปติสฺโส จ อคฺคา เหสฺสนฺติ สาวกา อนาสวา วีตราคา สนฺตจิตฺตา สมาหิตา อานนฺโท นามุปฏฺาโก อุปฏฺิสฺสติมํ ชินํ ฯ |๒๓.๑๗| เขมา อุปฺปลวณฺณา จ อคฺคา เหสฺสนฺติ สาวิกา อนาสวา วีตราคา สนฺตจิตฺตา สมาหิตา ฯ |๒๓.๑๘| โพธิ ตสฺส ภควโต อสฺสตฺโถติ ปวุจฺจติ จิตฺโต จ หตฺถาฬวโก อคฺคา เหสฺสนฺตุปฏฺกา ฯ @เชิงอรรถ: ^๑ ม. พุทฺโธ ฯ |๒๓.๑๙| นนฺทมาตา จ อุตฺตรา อคฺคา เหสฺสนฺตุปฏฺิกา อายุ วสฺสสตํ ตสฺส โคตมสฺส ยสสฺสิโน ฯ |๒๓.๒๐| อิทํ สุตฺวาน วจนํ อสมสฺส มเหสิโน อาโมทิตา นรมรู พุทฺธวีชงฺกุโร อยํ ฯ |๒๓.๒๑| อุกฺกุฏฺิสทฺทา วตฺตนฺติ อปฺโผเฏนฺติ หสนฺติ จ กตญฺชลี นมสฺสนฺติ ทสสหสฺสี สเทวกา ฯ |๒๓.๒๒| ยทิมสฺส โลกนาถสฺส วิรชฺฌิสฺสาม สาสนํ อนาคตมฺหิ อทฺธาเน เหสฺสาม สมฺมุขา อิมํ ฯ |๒๓.๒๓| ยถา มนุสฺสา นทึ ตรนฺตา ปฏิติตฺถํ วิรชฺฌิย เหฏฺาติตฺถํ คเหตฺวาน อุตฺตรนฺติ มหานทึ ฯ |๒๓.๒๔| เอวเมว มยํ สพฺเพ ยทิ มุญฺจามิมํ ชินํ อนาคตมฺหิ อทฺธาเน เหสฺสาม สมฺมุขา อิมํ ฯ |๒๓.๒๕| ตสฺสาปิ วจนํ สุตฺวา ภิยฺโย จิตฺตํ ปสาทยึ อุตฺตรึ วตฺตมธิฏฺาสึ ทสปารมิปูริยา ฯ |๒๓.๒๖| นครํ เขมวตี นาม เขโม นามาสหํ ตทา สพฺพญฺุตํ คเวสนฺโต ปพฺพชึ ตสฺส สนฺติเก ฯ |๒๓.๒๗| พฺราหฺมโณ อคฺคิทตฺโต จ อาสิ พุทฺธสฺส โส ปิตา วิสาขา นาม ชนิกา กุกฺกุสนฺธสฺส มเหสิโน ^๑- ฯ |๒๓.๒๘| วสติ ตตฺถ เขมปุเร สมฺพุทฺธสฺส มหากุลํ นรานํ ปวรํ เสฏฺ ชาติมนฺตํ มหายสํ ฯ |๒๓.๒๙| จตุวสฺสสหสฺสานิ อคารํ อชฺฌาวสิ โส @เชิงอรรถ: ^๑ ม. สตฺถุโน ฯ กามวฑฺฒกามสุทฺธิรติวฑฺฒโน ^๑- ตโย ปาสาทมุตฺตมา ฯ |๒๓.๓๐| สมตึสสหสฺสานิ นาริโย สมลงฺกตา โรปินี ^๒- นาม สา นารี อุตฺตโร นาม อตฺรโช ฯ |๒๓.๓๑| นิมิตฺเต จตุโร ทิสฺวา รถยาเนน นิกฺขมิ อนูนกํ อฏฺมาสํ ^๓- ปธานํ ปทหี ชิโน ฯ |๒๓.๓๒| พฺรหฺมุนา ยาจิโต สนฺโต กุกฺกุสนฺโธ โลกนายโก ^๔- วตฺตจกฺโก มหาวีโร มิคทาเย นรุตฺตโม ฯ |๒๓.๓๓| วิธุโร สญฺชีวนาโม ^๕- จ อเหสุ อคฺคสาวกา พุทฺธิโช นามุปฏฺาโก กุกฺกุสนฺธสฺส มเหสิโน ^๖- ฯ |๒๓.๓๔| สามา จ จมฺปนามา ^๗- จ อเหสุ อคฺคสาวิกา โพธิ ตสฺส ภควโต สิริโสติ ปวุจฺจติ ฯ |๒๓.๓๕| อจฺจุคฺคโต จ สุมโน อเหสุ อคฺคุปฏฺกา นนฺทา เจว สุนฺนทา จ อเหสุ อคฺคุปฏฺิกา ฯ |๒๓.๓๖| จตฺตาฬีสรตนานิ อจฺจุคฺคโต มหามุนิ กนกปฺปภา นิจฺฉรติ ^๘- สมนฺตา ทสโยชนํ ^๙- ฯ |๒๓.๓๗| จตฺตาฬีสวสฺสสหสฺสานิ อายุ ตสฺส มเหสิโน ตาวตา ติฏฺมาโน โส ตาเรสิ ชนตํ พหุ ฯ |๒๓.๓๘| ธมฺมาปณํ ปสาเรตฺวา นรนารีนํ สเทวเก @เชิงอรรถ: ^๑ สี. รุจิ สุรุจิ รติวทฺธนนามกา ฯ ม. กามกามวณฺณกามสุทฺธินามา ฯ ยุ. รุจิ สุรุจิ @วฑฺฒนา ฯ ^๒ ม. โรจีนี ฯ ยุ. วิโรจมานา ฯ ^๓ ม. อนูนอฏฺมาสานิ ฯ ^๔ ม. วินายโก ฯ @^๕ ม. วิธุโร จ สญฺชีโว จ ฯ ^๖ ม. ยุ. สตฺถุโน ฯ ^๗ ม. สามา จ จมฺปา นามา จ ฯ @^๘ ยุ. นิจฺฉรนฺติ ฯ ^๙ ยุ. ทฺวาทสโยชนํ ฯ นทิตฺวา สีหนาทํว ^๑- นิพฺพุโต โส สสาวโก ฯ |๒๓.๓๙| อฏฺงฺควจนสมฺปนฺโน อจฺฉิทฺทานิ นิรนฺตรํ สพฺพํ สมนฺตรหิตํ นนุ ริตฺตา สพฺพสงฺขาราติ ฯ |๒๓.๔๐| กุกฺกุสนฺโธ ชินวโร เขมารามมฺหิ นิพฺพุโต ตตฺเถว ตสฺส ถูปวโร คาวุตนภมุคฺคโตติ ฯ กุกฺกุสนฺธพุทฺธวํโส ทฺวาวีสติโม ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๓ หน้าที่ ๕๒๙-๕๓๓. http://84000.org/tipitaka/pitaka_item/pali_item_s.php?book=33&item=203&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=33&item=203&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=33&item=203&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=33&item=203&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=33&i=203 The Pali Atthakatha in Thai :- http://84000.org/tipitaka/atthapali/read_th.php?B=51&A=8078 The Pali Atthakatha in Roman :- http://84000.org/tipitaka/atthapali/read_rm.php?B=51&A=8078 สารบัญพระไตรปิฎกเล่มที่ ๓๓ http://84000.org/tipitaka/read/?index_33