ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๒ ภาษาบาลี อักษรไทย พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ
                              ปญฺหาวาโร
     [๔๖๔]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส     เหตุปจฺจเยน     ปจฺจโย:     สญฺโญชนสมฺปยุตฺตา    เหตู
สมฺปยุตฺตกานํ   ขนฺธานํ   เหตุปจฺจเยน   ปจฺจโย  ฯ  สญฺโญชนสมฺปยุตฺโต
ธมฺโม     สญฺโญชนวิปฺปยุตฺตสฺส    ธมฺมสฺส    เหตุปจฺจเยน    ปจฺจโย:
สญฺโญชนสมฺปยุตฺตา    เหตู    จิตฺตสมุฏฺฐานานํ    รูปานํ   เหตุปจฺจเยน
ปจฺจโย    ฯ    สญฺโญชนสมฺปยุตฺโต   ธมฺโม   สญฺโญชนสมฺปยุตฺตสฺส   จ
สญฺโญชนวิปฺปยุตฺตสฺส     จ     ธมฺมสฺส     เหตุปจฺจเยน     ปจฺจโย:
สญฺโญชนสมฺปยุตฺตา       เหตู       สญฺโญชนสมฺปยุตฺตานํ      ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
     {๔๖๔.๑}   สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส     เหตุปจฺจเยน     ปจฺจโย:     สญฺโญชนวิปฺปยุตฺตา    เหตู
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   เหตุปจฺจเยน
ปจฺจโย   อุทฺธจฺจสหคโต   โมโห  จิตฺตสมุฏฺฐานานํ  รูปานํ  เหตุปจฺจเยน
ปจฺจโย   ปฏิสนฺธิ   ฯ   สญฺโญชนวิปฺปยุตฺโต  ธมฺโม  สญฺโญชนสมฺปยุตฺตสฺส
ธมฺมสฺส   เหตุปจฺจเยน   ปจฺจโย:  อุทฺธจฺจสหคโต  โมโห  สมฺปยุตฺตกานํ
ขนฺธานํ เหตุปจฺจเยน ปจฺจโย ฯ
     {๔๖๔.๒}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส    จ    ธมฺมสฺส    เหตุปจฺจเยน   ปจฺจโย:
อุทฺธจฺจสหคโต    โมโห    สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ฯ
     [๔๖๕]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    สญฺโญชนสมฺปยุตฺเต   ขนฺเธ
อารพฺภ   สญฺโญชนสมฺปยุตฺตา   ขนฺธา   อุปฺปชฺชนฺติ   ฯ   มูลํ   กาตพฺพํ
สญฺโญชนสมฺปยุตฺเต   ขนฺเธ   อารพฺภ   สญฺโญชนวิปฺปยุตฺตา   ขนฺธา   จ
โมโห    จ    อุปฺปชฺชนฺติ    ฯ    มูลํ   กาตพฺพํ   สญฺโญชนสมฺปยุตฺเต
ขนฺเธ อารพฺภ อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     {๔๖๕.๑}   สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส  อารมฺมณปจฺจเยน ปจฺจโย: ทานํ ทตฺวา สีลํ ... อุโปสถกมฺมํ ...
ตํ   ปจฺจเวกฺขติ   ปุพฺเพ   สุจิณฺณานิ   ปจฺจเวกฺขติ   ฌานา  วุฏฺฐหิตฺวา
ฌานํ   ปจฺจเวกฺขติ   อริยา   มคฺคา   วุฏฺฐหิตฺวา   มคฺคํ  ปจฺจเวกฺขนฺติ
ผลํ    ปจฺจเวกฺขนฺติ    นิพฺพานํ    ปจฺจเวกฺขนฺติ   นิพฺพานํ   โคตฺรภุสฺส
โวทานสฺส   มคฺคสฺส   ผลสฺส   อาวชฺชนาย   อารมฺมณปจฺจเยน  ปจฺจโย
อริยา   สญฺโญชนวิปฺปยุตฺเต   ปหีเน   กิเลเส  ปจฺจเวกฺขนฺติ  วิกฺขมฺภิเต
กิเลเส ปจฺจเวกฺขนฺติ
     {๔๖๕.๒}   ปุพฺเพ สมุทาจิณฺเณ กิเลเส ชานนฺติ จกฺขุํ ... วตฺถุํ ...
สญฺโญชนวิปฺปยุตฺเต   ขนฺเธ   จ   โมหญฺจ   อนิจฺจโต   ...  วิปสฺสนฺติ
ทิพฺเพน   จกฺขุนา   รูปํ   ปสฺสนฺติ   ทิพฺพาย  โสตธาตุยา  สทฺทํ  สุณนฺติ
เจโตปริยญาเณน     สญฺโญชนวิปฺปยุตฺตจิตฺตสมงฺคิสฺส     จิตฺตํ    ชานนฺติ
อากาสานญฺจายตนํ       วิญฺญาณญฺจายตนสฺส       รูปายตนํ      ...
โผฏฺฐพฺพายตนํ    ...    สญฺโญชนวิปฺปยุตฺตา    ขนฺธา   อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     {๔๖๕.๓}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    ทานํ   ...   สีลํ   ...
อุโปสถกมฺมํ        ปุพฺเพ        สุจิณฺณานิ       ...       ฌานา
วุฏฺฐหิตฺวา  ฌานํ  ...  จกฺขุํ ... วตฺถุํ ... สญฺโญชนวิปฺปยุตฺเต ขนฺเธ จ
โมหญฺจ   อสฺสาเทติ   อภินนฺทติ   ตํ   อารพฺภ  ราโค  ...  โทมนสฺสํ
อุปฺปชฺชติ    ฯ   สญฺโญชนวิปฺปยุตฺโต   ธมฺโม   สญฺโญชนสมฺปยุตฺตสฺส   จ
สญฺโญชนวิปฺปยุตฺตสฺส     จ    ธมฺมสฺส    อารมฺมณปจฺจเยน    ปจฺจโย:
จกฺขุํ  ...  วตฺถุํ  ...  สญฺโญชนวิปฺปยุตฺเต  ขนฺเธ  จ  โมหญฺจ อารพฺภ
อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     {๔๖๕.๔}   สญฺโญชนสมฺปยุตฺโต    จ    สญฺโญชนวิปฺปยุตฺโต   จ
ธมฺมา    สญฺโญชนสมฺปยุตฺตสฺส    ธมฺมสฺส   อารมฺมณปจฺจเยน   ปจฺจโย:
อุทฺธจฺจสหคเต   ขนฺเธ  จ  โมหญฺจ  อารพฺภ  สญฺโญชนสมฺปยุตฺตา  ขนฺธา
อุปฺปชฺชนฺติ   ฯ   มูลํ   กาตพฺพํ   อุทฺธจฺจสหคเต   ขนฺเธ   จ  โมหญฺจ
อารพฺภ   สญฺโญชนวิปฺปยุตฺตา   ขนฺธา   จ   โมโห   จ  อุปฺปชฺชนฺติ  ฯ
มูลํ    กาตพฺพํ    อุทฺธจฺจสหคเต    ขนฺเธ    จ    โมหญฺจ   อารพฺภ
อุทฺธจฺจสหคตา ขนฺธา จ โมโห จ อุปฺปชฺชนฺติ ฯ
     [๔๖๖]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส   อธิปติปจฺจเยน   ปจฺจโย:   อารมฺมณาธิปติ   สหชาตาธิปติ  ฯ
อารมฺมณาธิปติ:   ราคํ   ...   ทิฏฺฐึ   ...   ครุํ  กตฺวา  อสฺสาเทติ
อภินนฺทติ   ตํ   ครุํ   กตฺวา   ราโค   อุปฺปชฺชติ   ทิฏฺฐิ  อุปฺปชฺชติ  ฯ
สหชาตาธิปติ:     สญฺโญชนสมฺปยุตฺตาธิปติ     สมฺปยุตฺตกานํ     ขนฺธานํ
อธิปติปจฺจเยน   ปจฺจโย   ฯ   สญฺโญชนสมฺปยุตฺโต   ธมฺโม   สญฺโญชน-
วิปฺปยุตฺตสฺส    ธมฺมสฺส    อธิปติปจฺจเยน    ปจฺจโย:   สหชาตาธิปติ:
สญฺโญชนสมฺปยุตฺตาธิปติ     จิตฺตสมุฏฺฐานานํ     รูปานํ    อธิปติปจฺจเยน
ปจฺจโย ฯ
     {๔๖๖.๑}   สญฺโญชนสมฺปยุตฺโต   ธมฺโม   สญฺโญชนสมฺปยุตฺตสฺส  จ
สญฺโญชนวิปฺปยุตฺตสฺส     จ     ธมฺมสฺส     อธิปติปจฺจเยน    ปจฺจโย:
สหชาตาธิปติ:     สญฺโญชนสมฺปยุตฺตาธิปติ     สมฺปยุตฺตกานํ     ขนฺธานํ
จิตฺตสมุฏฺฐานานญฺจ  รูปานํ  อธิปติปจฺจเยน  ปจฺจโย  ฯ สญฺโญชนวิปฺปยุตฺโต
ธมฺโม        สญฺโญชนวิปฺปยุตฺตสฺส       ธมฺมสฺส       อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ
     {๔๖๖.๒}   อารมฺมณาธิปติ:  ทานํ ทตฺวา สีลํ ... อุโปสถกมฺมํ ...
ตํ  ครุํ  กตฺวา  ปจฺจเวกฺขติ  ปุพฺเพ สุจิณฺณานิ ... ฌานา วุฏฺฐหิตฺวา ...
อริยา  มคฺคา  ...  ผลํ ... นิพฺพานํ ... นิพฺพานํ โคตฺรภุสฺส โวทานสฺส
มคฺคสฺส    ผลสฺส    อธิปติปจฺจเยน    ปจฺจโย    ฯ    สหชาตาธิปติ:
สญฺโญชนวิปฺปยุตฺตาธิปติ    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     {๔๖๖.๓}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส  อธิปติปจฺจเยน  ปจฺจโย:  อารมฺมณาธิปติ:  ทานํ  ... สีลํ ...
อุโปสถกมฺมํ  กตฺวา  ตํ  ครุํ  กตฺวา  อสฺสาเทติ  ตํ  ครุํ  กตฺวา  ราโค
อุปฺปชฺชติ   ทิฏฺฐิ  อุปฺปชฺชติ  ปุพฺเพ  สุจิณฺณานิ  ...  ฌานา  ...  จกฺขุํ
...  วตฺถุํ  ...  สญฺโญชนวิปฺปยุตฺเต  ขนฺเธ  ครุํ  กตฺวา  อสฺสาเทติ ตํ
ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ ฯ
     [๔๖๗]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส   อนนฺตรปจฺจเยน   ปจฺจโย:  ปุริมา  ปุริมา  สญฺโญชนสมฺปยุตฺตา
ขนฺธา     ปจฺฉิมานํ     ปจฺฉิมานํ     สญฺโญชนสมฺปยุตฺตานํ     ขนฺธานํ
อนนฺตรปจฺจเยน      ปจฺจโย     ฯ     สญฺโญชนสมฺปยุตฺโต     ธมฺโม
สญฺโญชนวิปฺปยุตฺตสฺส    ธมฺมสฺส    อนนฺตรปจฺจเยน    ปจฺจโย:   ปุริมา
ปุริมา   อุทฺธจฺจสหคตา   ขนฺธา   ปจฺฉิมสฺส   ปจฺฉิมสฺส  อุทฺธจฺจสหคตสฺส
โมหสฺส     อนนฺตรปจฺจเยน    ปจฺจโย    สญฺโญชนสมฺปยุตฺตา    ขนฺธา
วุฏฺฐานสฺส อนนฺตรปจฺจเยน ปจฺจโย ฯ
     {๔๖๗.๑}   สญฺโญชนสมฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส    จ   ธมฺมสฺส   อนนฺตรปจฺจเยน   ปจฺจโย:
ปุริมา     ปุริมา    อุทฺธจฺจสหคตา    ขนฺธา    ปจฺฉิมานํ    ปจฺฉิมานํ
อุทฺธจฺจสหคตานํ   ขนฺธานํ   โมหสฺส   จ   อนนฺตรปจฺจเยน  ปจฺจโย  ฯ
สญฺโญชนวิปฺปยุตฺโต       ธมฺโม      สญฺโญชนวิปฺปยุตฺตสฺส      ธมฺมสฺส
อนนฺตรปจฺจเยน    ปจฺจโย:   ปุริโม   ปุริโม   อุทฺธจฺจสหคโต   โมโห
ปจฺฉิมสฺส    ปจฺฉิมสฺส    อุทฺธจฺจสหคตสฺส    โมหสฺส    อนนฺตรปจฺจเยน
ปจฺจโย   ปุริมา   ปุริมา   สญฺโญชนวิปฺปยุตฺตา   ขนฺธา  ปจฺฉิมานํ  ...
ฯเปฯ ผลสมาปตฺติยา อนนฺตรปจฺจเยน ปจฺจโย ฯ
     {๔๖๗.๒}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส   อนนฺตรปจฺจเยน   ปจฺจโย:   ปุริโม   ปุริโม   อุทฺธจฺจสหคโต
โมโห   ปจฺฉิมานํ   ปจฺฉิมานํ  อุทฺธจฺจสหคตานํ  ขนฺธานํ  อนนฺตรปจฺจเยน
ปจฺจโย    อาวชฺชนา   สญฺโญชนสมฺปยุตฺตานํ   ขนฺธานํ   อนนฺตรปจฺจเยน
ปจฺจโย     ฯ     สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
จ      สญฺโญชนวิปฺปยุตฺตสฺส      จ      ธมฺมสฺส     อนนฺตรปจฺจเยน
ปจฺจโย:   ปุริโม   ปุริโม   อุทฺธจฺจสหคโต  โมโห  ปจฺฉิมานํ  ปจฺฉิมานํ
อุทฺธจฺจสหคตานํ      ขนฺธานํ      โมหสฺส     จ     อนนฺตรปจฺจเยน
ปจฺจโย     อาวชฺชนา    อุทฺธจฺจสหคตานํ    ขนฺธานํ    โมหสฺส    จ
อนนฺตรปจฺจเยน ปจฺจโย ฯ
     {๔๖๗.๓}   สญฺโญชนสมฺปยุตฺโต     จ     สญฺโญชนวิปฺปยุตฺโต
จ     ธมฺมา     สญฺโญชนสมฺปยุตฺตสฺส     ธมฺมสฺส     อนนฺตรปจฺจเยน
ปจฺจโย:   ปุริมา   ปุริมา   อุทฺธจฺจสหคตา   ขนฺธา   จ   โมโห   จ
ปจฺฉิมานํ    ปจฺฉิมานํ    อุทฺธจฺจสหคตานํ    ขนฺธานํ    อนนฺตรปจฺจเยน
ปจฺจโย   ฯ   สญฺโญชนสมฺปยุตฺโต   จ   สญฺโญชนวิปฺปยุตฺโต   จ  ธมฺมา
สญฺโญชนวิปฺปยุตฺตสฺส    ธมฺมสฺส    อนนฺตรปจฺจเยน    ปจฺจโย:   ปุริมา
ปุริมา   อุทฺธจฺจสหคตา   ขนฺธา   จ   โมโห   จ  ปจฺฉิมสฺส  ปจฺฉิมสฺส
อุทฺธจฺจสหคตสฺส    โมหสฺส   อนนฺตรปจฺจเยน   ปจฺจโย   อุทฺธจฺจสหคตา
ขนฺธา จ โมโห จ วุฏฺฐานสฺส อนนฺตรปจฺจเยน ปจฺจโย ฯ
     {๔๖๗.๔}   สญฺโญชนสมฺปยุตฺโต    จ    สญฺโญชนวิปฺปยุตฺโต   จ
ธมฺมา    สญฺโญชนสมฺปยุตฺตสฺส   จ   สญฺโญชนวิปฺปยุตฺตสฺส   จ   ธมฺมสฺส
อนนฺตรปจฺจเยน  ปจฺจโย:  ปุริมา  ปุริมา  อุทฺธจฺจสหคตา ขนฺธา จ โมโห
จ  ปจฺฉิมานํ  ปจฺฉิมานํ อุทฺธจฺจสหคตานํ ขนฺธานํ โมหสฺส จ อนนฺตรปจฺจเยน
ปจฺจโย     ฯ     สญฺโญชนสมฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส    สมนนฺตรปจฺจเยน    ปจฺจโย:    นว   ฯ   สหชาตปจฺจเยน
ปจฺจโย:   นว   ฯ  อญฺญมญฺญปจฺจเยน  ปจฺจโย:  ฉ  ฯ  นิสฺสยปจฺจเยน
ปจฺจโย: นว ฯ
     [๔๖๘]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส   อุปนิสฺสยปจฺจเยน  ปจฺจโย:  อารมฺมณูปนิสฺสโย  อนนฺตรูปนิสฺสโย
ปกตูปนิสฺสโย       ฯเปฯ      ปกตูปนิสฺสโย:      สญฺโญชนสมฺปยุตฺตา
ขนฺธา       สญฺโญชนสมฺปยุตฺตานํ       ขนฺธานํ      อุปนิสฺสยปจฺจเยน
ปจฺจโย     ฯ     สญฺโญชนสมฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส   อุปนิสฺสยปจฺจเยน   ปจฺจโย:   อนนฺตรูปนิสฺสโย   ปกตูปนิสฺสโย
ฯเปฯ        ปกตูปนิสฺสโย:        สญฺโญชนสมฺปยุตฺตา        ขนฺธา
สญฺโญชนวิปฺปยุตฺตานํ     ขนฺธานํ     โมหสฺส    จ    อุปนิสฺสยปจฺจเยน
ปจฺจโย ฯ
     {๔๖๘.๑}   สญฺโญชนสมฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส   จ   ธมฺมสฺส   อุปนิสฺสยปจฺจเยน   ปจฺจโย:
อนนฺตรูปนิสฺสโย       ปกตูปนิสฺสโย       ฯเปฯ       ปกตูปนิสฺสโย:
สญฺโญชนสมฺปยุตฺตา    ขนฺธา   อุทฺธจฺจสหคตานํ   ขนฺธานํ   โมหสฺส   จ
อุปนิสฺสยปจฺจเยน     ปจฺจโย     ฯ     สญฺโญชนวิปฺปยุตฺโต     ธมฺโม
สญฺโญชนวิปฺปยุตฺตสฺส      ธมฺมสฺส      อุปนิสฺสยปจฺจเยน      ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:    สทฺธํ   อุปนิสฺสาย   ทานํ   เทติ   ฯเปฯ   สมาปตฺตึ
อุปฺปาเทติ   สีลํ   ...   ฯเปฯ   ปญฺญํ   กายิกํ   สุขํ   กายิกํ  ทุกฺขํ
เสนาสนํ   ...   โมหํ   อุปนิสฺสาย   ทานํ   เทติ   ฯเปฯ  สมาปตฺตึ
อุปฺปาเทติ   สทฺธา   ฯเปฯ   เสนาสนํ   โมโห   จ   สทฺธาย  ฯเปฯ
ผลสมาปตฺติยา อุปนิสฺสยปจฺจเยน ปจฺจโย ฯ
     {๔๖๘.๒}   สญฺโญชนวิปฺปยุตฺโต   ธมฺโม สญฺโญชนสมฺปยุตฺตสฺส ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:  สทฺธํ  อุปนิสฺสาย  มานํ  ชปฺเปติ
ทิฏฺฐึ  คณฺหาติ  สีลํ ... ฯเปฯ ปญฺญํ กายิกํ สุขํ ฯเปฯ เสนาสนํ ... โมหํ
อุปนิสฺสาย  ปาณํ  หนติ  ฯเปฯ  สงฺฆํ ภินฺทติ สทฺธา ฯเปฯ เสนาสนํ โมโห
ราคสฺส  ฯเปฯ  ปตฺถนาย  อุปนิสฺสยปจฺจเยน ปจฺจโย ฯ สญฺโญชนวิปฺปยุตฺโต
ธมฺโม        สญฺโญชนสมฺปยุตฺตสฺส       จ       สญฺโญชนวิปฺปยุตฺตสฺส
จ     ธมฺมสฺส     อุปนิสฺสยปจฺจเยน     ปจฺจโย:     อนนฺตรูปนิสฺสโย
ปกตูปนิสฺสโย    ฯเปฯ    ปกตูปนิสฺสโย:    สทฺธา    ฯเปฯ    ปญฺญา
กายิกํ   สุขํ   ฯเปฯ   เสนาสนํ   โมโห  จ  อุทฺธจฺจสหคตานํ  ขนฺธานํ
โมหสฺส จ อุปนิสฺสยปจฺจเยน ปจฺจโย ฯ
     {๔๖๘.๓}   สญฺโญชนสมฺปยุตฺโต  จ  สญฺโญชนวิปฺปยุตฺโต  จ  ธมฺมา
สญฺโญชนสมฺปยุตฺตสฺส      ธมฺมสฺส      อุปนิสฺสยปจฺจเยน      ปจฺจโย:
อนนฺตรูปนิสฺสโย   ปกตูปนิสฺสโย   ฯเปฯ   ปกตูปนิสฺสโย:  อุทฺธจฺจสหคตา
ขนฺธา   จ   โมโห  จ  สญฺโญชนสมฺปยุตฺตานํ  ขนฺธานํ  อุปนิสฺสยปจฺจเยน
ปจฺจโย   ฯ   สญฺโญชนสมฺปยุตฺโต   จ   สญฺโญชนวิปฺปยุตฺโต   จ  ธมฺมา
สญฺโญชนวิปฺปยุตฺตสฺส      ธมฺมสฺส      อุปนิสฺสยปจฺจเยน      ปจฺจโย:
อนนฺตรูปนิสฺสโย   ปกตูปนิสฺสโย   ฯเปฯ   ปกตูปนิสฺสโย:  อุทฺธจฺจสหคตา
ขนฺธา   จ   โมโห   จ   สญฺโญชนวิปฺปยุตฺตานํ   ขนฺธานํ   โมหสฺส  จ
อุปนิสฺสยปจฺจเยน ปจฺจโย ฯ
     {๔๖๘.๔}   สญฺโญชนสมฺปยุตฺโต  จ  สญฺโญชนวิปฺปยุตฺโต  จ  ธมฺมา
สญฺโญชนสมฺปยุตฺตสฺส     จ     สญฺโญชนวิปฺปยุตฺตสฺส     จ     ธมฺมสฺส
อุปนิสฺสยปจฺจเยน    ปจฺจโย:   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:   อุทฺธจฺจสหคตา   ขนฺธา  จ  โมโห  จ  อุทฺธจฺจสหคตานํ
ขนฺธานํ โมหสฺส จ อุปนิสฺสยปจฺจเยน ปจฺจโย ฯ
     [๔๖๙]   สญฺโญชนวิปฺปยุตฺโต     ธมฺโม    สญฺโญชนวิปฺปยุตฺตสฺส
ธมฺมสฺส  ปุเรชาตปจฺจเยน  ปจฺจโย:  อารมฺมณปุเรชาตํ  วตฺถุปุเรชาตํ  ฯ
อารมฺมณปุเรชาตํ:    จกฺขุํ   ...   วตฺถุํ   อนิจฺจโต   ...   ทิพฺเพน
จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ  รูปายตนํ
จกฺขุวิญฺญาณสฺส    โผฏฺฐพฺพายตนํ    กายวิญฺญาณสฺส   ฯ   วตฺถุปุเรชาตํ:
จกฺขายตนํ       จกฺขุวิญฺญาณสฺส       กายายตนํ       กายวิญฺญาณสฺส
วตฺถุ   สญฺโญชนวิปฺปยุตฺตานํ   ขนฺธานํ   โมหสฺส   จ   ปุเรชาตปจฺจเยน
ปจฺจโย ฯ
     {๔๖๙.๑}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส       ปุเรชาตปจฺจเยน       ปจฺจโย:      อารมฺมณปุเรชาตํ
วตฺถุปุเรชาตํ   ฯ   อารมฺมณปุเรชาตํ:   จกฺขุํ   ...  วตฺถุํ  อสฺสาเทติ
อภินนฺทติ  ตํ  อารพฺภ  ราโค  ...  โทมนสฺสํ อุปฺปชฺชติ ฯ วตฺถุปุเรชาตํ:
วตฺถุ   สญฺโญชนสมฺปยุตฺตานํ   ขนฺธานํ   ปุเรชาตปจฺจเยน   ปจฺจโย   ฯ
สญฺโญชนวิปฺปยุตฺโต   ธมฺโม  สญฺโญชนสมฺปยุตฺตสฺส  จ  สญฺโญชนวิปฺปยุตฺตสฺส
จ     ธมฺมสฺส     ปุเรชาตปจฺจเยน     ปจฺจโย:    อารมฺมณปุเรชาตํ
วตฺถุปุเรชาตํ    ฯ   อารมฺมณปุเรชาตํ   จกฺขุํ   ...   วตฺถุํ   อารพฺภ
อุทฺธจฺจสหคตา  ขนฺธา  จ  โมโห  จ  อุปฺปชฺชนฺติ  วตฺถุ  อุทฺธจฺจสหคตานํ
ขนฺธานํ โมหสฺส จ ปุเรชาตปจฺจเยน ปจฺจโย ฯ
     [๔๗๐]   สญฺโญชนสมฺปยุตฺโต     ธมฺโม    สญฺโญชนวิปฺปยุตฺตสฺส
ธมฺมสฺส   ปจฺฉาชาตปจฺจเยน   ปจฺจโย:  ปจฺฉาชาตา  สญฺโญชนสมฺปยุตฺตา
ขนฺธา      ปุเรชาตสฺส     อิมสฺส     กายสฺส     ปจฺฉาชาตปจฺจเยน
ปจฺจโย     ฯ     สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส   ปจฺฉาชาตปจฺจเยน   ปจฺจโย:  ปจฺฉาชาตา  สญฺโญชนวิปฺปยุตฺตา
ขนฺธา   จ  โมโห  จ  ปุเรชาตสฺส  อิมสฺส  กายสฺส  ปจฺฉาชาตปจฺจเยน
ปจฺจโย   ฯ   สญฺโญชนสมฺปยุตฺโต   จ   สญฺโญชนวิปฺปยุตฺโต   จ  ธมฺมา
สญฺโญชนวิปฺปยุตฺตสฺส      ธมฺมสฺส      ปจฺฉาชาตปจฺจเยน     ปจฺจโย:
ปจฺฉาชาตา    อุทฺธจฺจสหคตา   ขนฺธา   จ   โมโห   จ   ปุเรชาตสฺส
อิมสฺส กายสฺส ปจฺฉาชาตปจฺจเยน ปจฺจโย ฯ
     [๔๗๑]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส   อาเสวนปจฺจเยน   ปจฺจโย:   นว   อาวชฺชนาปิ   วุฏฺฐานมฺปิ
นตฺถิ ฯ
     [๔๗๒]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส     กมฺมปจฺจเยน    ปจฺจโย:    สญฺโญชนสมฺปยุตฺตา    เจตนา
สญฺโญชนสมฺปยุตฺตานํ      ขนฺธานํ     กมฺมปจฺจเยน     ปจฺจโย     ฯ
สญฺโญชนสมฺปยุตฺโต       ธมฺโม      สญฺโญชนวิปฺปยุตฺตสฺส      ธมฺมสฺส
กมฺมปจฺจเยน    ปจฺจโย:    สหชาตา    นานาขณิกา   ฯ   สหชาตา:
สญฺโญชนสมฺปยุตฺตา    เจตนา   จิตฺตสมุฏฺฐานานํ   รูปานํ   กมฺมปจฺจเยน
ปจฺจโย     อุทฺธจฺจสหคตา    เจตนา    โมหสฺส    จิตฺตสมุฏฺฐานานญฺจ
รูปานํ   กมฺมปจฺจเยน   ปจฺจโย   ฯ   นานาขณิกา:  สญฺโญชนสมฺปยุตฺตา
เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     {๔๗๒.๑}   สญฺโญชนสมฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส    จ    ธมฺมสฺส    กมฺมปจฺจเยน   ปจฺจโย:
สญฺโญชนสมฺปยุตฺตา   เจตนา   สมฺปยุตฺตกานํ  ขนฺธานํ  จิตฺตสมุฏฺฐานานญฺจ
รูปานํ   กมฺมปจฺจเยน   ปจฺจโย   อุทฺธจฺจสหคตา  เจตนา  สมฺปยุตฺตกานํ
ขนฺธานํ    โมหสฺส    จ    จิตฺตสมุฏฺฐานานญฺจ   รูปานํ   กมฺมปจฺจเยน
ปจฺจโย     ฯ     สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส    กมฺมปจฺจเยน    ปจฺจโย:    สหชาตา    นานาขณิกา    ฯ
สหชาตา:    สญฺโญชนวิปฺปยุตฺตา    เจตนา    สมฺปยุตฺตกานํ    ขนฺธานํ
จิตฺตสมุฏฺฐานานญฺจ  รูปานํ  กมฺมปจฺจเยน  ปจฺจโย  ปฏิสนฺธิกฺขเณ  ... ฯ
นานาขณิกา:     สญฺโญชนวิปฺปยุตฺตา    เจตนา    วิปากานํ    ขนฺธานํ
กฏตฺตา จ รูปานํ กมฺมปจฺจเยน ปจฺจโย ฯ
     [๔๗๓]   สญฺโญชนวิปฺปยุตฺโต     ธมฺโม    สญฺโญชนวิปฺปยุตฺตสฺส
ธมฺมสฺส วิปากปจฺจเยน ปจฺจโย: เอกํ ฯ
     [๔๗๔]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส    อาหารปจฺจเยน   ปจฺจโย:   จตฺตาริ   ฯ   อินฺทฺริยปจฺจเยน
ปจฺจโย:  จตฺตาริ  ฯ  ฌานปจฺจเยน  ปจฺจโย:  จตฺตาริ  ฯ มคฺคปจฺจเยน
ปจฺจโย: จตฺตาริ ฯ สมฺปยุตฺตปจฺจเยน ปจฺจโย: ฉ ฯ
     [๔๗๕]   สญฺโญชนสมฺปยุตฺโต     ธมฺโม    สญฺโญชนวิปฺปยุตฺตสฺส
ธมฺมสฺส    วิปฺปยุตฺตปจฺจเยน    ปจฺจโย:    สหชาตํ    ปจฺฉาชาตํ   ฯ
สงฺขิตฺตํ     ฯ     สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส   วิปฺปยุตฺตปจฺจเยน  ปจฺจโย:  สหชาตํ  ปุเรชาตํ  ปจฺฉาชาตํ  ฯ
สงฺขิตฺตํ     ฯ     สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส  วิปฺปยุตฺตปจฺจเยน  ปจฺจโย:  ปุเรชาตํ: วตฺถุ สญฺโญชนสมฺปยุตฺตานํ
ขนฺธานํ     วิปฺปยุตฺตปจฺจเยน     ปจฺจโย     ฯ    สญฺโญชนวิปฺปยุตฺโต
ธมฺโม        สญฺโญชนสมฺปยุตฺตสฺส       จ       สญฺโญชนวิปฺปยุตฺตสฺส
จ     ธมฺมสฺส    วิปฺปยุตฺตปจฺจเยน    ปจฺจโย:    ปุเรชาตํ:    วตฺถุ
อุทฺธจฺจสหคตานํ   ขนฺธานํ   โมหสฺส   จ  วิปฺปยุตฺตปจฺจเยน  ปจฺจโย  ฯ
สญฺโญชนสมฺปยุตฺโต      จ      สญฺโญชนวิปฺปยุตฺโต      จ     ธมฺมา
สญฺโญชนวิปฺปยุตฺตสฺส    ธมฺมสฺส   วิปฺปยุตฺตปจฺจเยน   ปจฺจโย:   สหชาตํ
ปจฺฉาชาตํ ฯ สงฺขิตฺตํ ฯ
     [๔๗๖]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส  อตฺถิปจฺจเยน  ปจฺจโย:  เอกํ  ปฏิจฺจสทิสํ  ฯ สญฺโญชนสมฺปยุตฺโต
ธมฺโม        สญฺโญชนวิปฺปยุตฺตสฺส        ธมฺมสฺส       อตฺถิปจฺจเยน
ปจฺจโย:    สหชาตํ   ปจฺฉาชาตํ   ฯ   สหชาตา:   สญฺโญชนสมฺปยุตฺตา
ขนฺธา      จิตฺตสมุฏฺฐานานํ      รูปานํ     อตฺถิปจฺจเยน     ปจฺจโย
อุทฺธจฺจสหคตา  ขนฺธา  โมหสฺส  จิตฺตสมุฏฺฐานานญฺจ  รูปานํ  อตฺถิปจฺจเยน
ปจฺจโย      ฯ      ปจฺฉาชาตา:      สญฺโญชนสมฺปยุตฺตา     ขนฺธา
ปุเรชาตสฺส อิมสฺส กายสฺส อตฺถิปจฺจเยน ปจฺจโย ฯ
     {๔๗๖.๑}   สญฺโญชนสมฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส    จ    ธมฺมสฺส    อตฺถิปจฺจเยน   ปจฺจโย:
สญฺโญชนสมฺปยุตฺโต   เอโก  ขนฺโธ  ติณฺณนฺนํ  ขนฺธานํ  จิตฺตสมุฏฺฐานานญฺจ
รูปานํ  อตฺถิปจฺจเยน  ปจฺจโย  เทฺว  ขนฺธา  ...  อุทฺธจฺจสหคโต เอโก
ขนฺโธ   ติณฺณนฺนํ   ขนฺธานํ   โมหสฺส   จ   จิตฺตสมุฏฺฐานานญฺจ   รูปานํ
อตฺถิปจฺจเยน   ปจฺจโย   เทฺว   ขนฺธา   ...   ฯ  สญฺโญชนวิปฺปยุตฺโต
ธมฺโม     สญฺโญชนวิปฺปยุตฺตสฺส    ธมฺมสฺส    อตฺถิปจฺจเยน    ปจฺจโย:
สหชาตํ   ปุเรชาตํ   ปจฺฉาชาตํ   อาหารํ   อินฺทฺริยํ   ฯ   สงฺขิตฺตํ  ฯ
วิตฺถาเรตพฺพํ ฯ
     {๔๗๖.๒}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
ธมฺมสฺส   อตฺถิปจฺจเยน   ปจฺจโย:   สหชาตํ   ปุเรชาตํ  ฯ  สหชาโต:
อุทฺธจฺจสหคโต     โมโห     สมฺปยุตฺตกานํ    ขนฺธานํ    อตฺถิปจฺจเยน
ปจฺจโย   ฯ   ปุเรชาตํ:   จกฺขุํ  ...  วตฺถุํ  อสฺสาเทติ  อภินนฺทติ  ตํ
อารพฺภ   ราโค   ...  โทมนสฺสํ  อุปฺปชฺชติ  วตฺถุ  สญฺโญชนสมฺปยุตฺตานํ
ขนฺธานํ      อตฺถิปจฺจเยน     ปจฺจโย:     ฯ     สญฺโญชนวิปฺปยุตฺโต
ธมฺโม    สญฺโญชนสมฺปยุตฺตสฺส   จ   สญฺโญชนวิปฺปยุตฺตสฺส   จ   ธมฺมสฺส
อตฺถิปจฺจเยน  ปจฺจโย:  สหชาตํ  ปุเรชาตํ  ฯ  สหชาโต: อุทฺธจฺจสหคโต
โมโห      สมฺปยุตฺตานํ     ขนฺธานํ     จิตฺตสมุฏฺฐานานญฺจ     รูปานํ
อตฺถิปจฺจเยน   ปจฺจโย   ฯ   ปุเรชาตํ:   จกฺขุํ   ...  วตฺถุํ  อารพฺภ
อุทฺธจฺจสหคตา  ขนฺธา  จ  โมโห  จ  อุปฺปชฺชนฺติ  วตฺถุ  อุทฺธจฺจสหคตานํ
ขนฺธานํ โมหสฺส จ อตฺถิปจฺจเยน ปจฺจโย ฯ
     {๔๗๖.๓}   สญฺโญชนสมฺปยุตฺโต    จ    สญฺโญชนวิปฺปยุตฺโต   จ
ธมฺมา     สญฺโญชนสมฺปยุตฺตสฺส    ธมฺมสฺส    อตฺถิปจฺจเยน    ปจฺจโย:
สหชาตํ   ปุเรชาตํ   ฯ   สหชาโต:  สญฺโญชนสมฺปยุตฺโต  เอโก  ขนฺโธ
จ  วตฺถุ  จ  ติณฺณนฺนํ  ขนฺธานํ  อตฺถิปจฺจเยน  ปจฺจโย  เทฺว ขนฺธา ...
อุทฺธจฺจสหคโต   เอโก   ขนฺโธ   จ   โมโห   จ   ติณฺณนฺนํ   ขนฺธานํ
อตฺถิปจฺจเยน ปจฺจโย เทฺว ขนฺธา ... ฯ
     {๔๗๖.๔}   สญฺโญชนสมฺปยุตฺโต    จ    สญฺโญชนวิปฺปยุตฺโต   จ
ธมฺมา     สญฺโญชนวิปฺปยุตฺตสฺส    ธมฺมสฺส    อตฺถิปจฺจเยน    ปจฺจโย:
สหชาตํ    ปุเรชาตํ   ปจฺฉาชาตํ   อาหารํ   อินฺทฺริยํ   ฯ   สหชาตา:
สญฺโญชนสมฺปยุตฺตา     ขนฺธา    จ    โมโห    จ    มหาภูตา    จ
จิตฺตสมุฏฺฐานานํ    รูปานํ    อตฺถิปจฺจเยน    ปจฺจโย    อุทฺธจฺจสหคตา
ขนฺธา   จ   โมโห  จ  จิตฺตสมุฏฺฐานานํ  รูปานํ  อตฺถิปจฺจเยน  ปจฺจโย
อุทฺธจฺจสหคตา  ขนฺธา  จ  วตฺถุ  จ  โมหสฺส  อตฺถิปจฺจเยน  ปจฺจโย  ฯ
ปจฺฉาชาตา:  อุทฺธจฺจสหคตา  ขนฺธา  จ  โมโห  จ  ปุเรชาตสฺส  อิมสฺส
กายสฺส    อตฺถิปจฺจเยน    ปจฺจโย   ปจฺฉาชาตา:   สญฺโญชนสมฺปยุตฺตา
ขนฺธา  จ  กพฬึกาโร  อาหาโร  จ  อิมสฺส กายสฺส อตฺถิปจฺจเยน ปจฺจโย
ปจฺฉาชาตา:     สญฺโญชนสมฺปยุตฺตา    ขนฺธา    จ    รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ
     {๔๗๖.๕}   สญฺโญชนสมฺปยุตฺโต     จ     สญฺโญชนวิปฺปยุตฺโต
จ      ธมฺมา     สญฺโญชนสมฺปยุตฺตสฺส     จ     สญฺโญชนวิปฺปยุตฺตสฺส
จ   ธมฺมสฺส  อตฺถิปจฺจเยน  ปจฺจโย:  สหชาตํ  ปุเรชาตํ  ฯ  สหชาโต:
อุทฺธจฺจสหคโต   เอโก   ขนฺโธ   จ   โมโห   จ   ติณฺณนฺนํ   ขนฺธานํ
จิตฺตสมุฏฺฐานานญฺจ   รูปานํ   อตฺถิปจฺจเยน  ปจฺจโย  เทฺว  ขนฺธา  ...
สหชาโต:   อุทฺธจฺจสหคโต   เอโก   ขนฺโธ   จ   วตฺถุ   จ  ติณฺณนฺนํ
ขนฺธานํ   โมหสฺส   จ   อตฺถิปจฺจเยน  ปจฺจโย  เทฺว  ขนฺธา  ...  ฯ
นตฺถิปจฺจเยน    ปจฺจโย:    วิคตปจฺจเยน    ปจฺจโย:   อวิคตปจฺจเยน
ปจฺจโย: ฯ
     [๔๗๗]   เหตุยา    ฉ    อารมฺมเณ   นว   อธิปติยา   ปญฺจ
อนนฺตเร    นว   สมนนฺตเร   นว   สหชาเต   นว   อญฺญมญฺเญ   ฉ
นิสฺสเย    นว    อุปนิสฺสเย    นว    ปุเรชาเต   ตีณิ   ปจฺฉาชาเต
ตีณิ   อาเสวเน   นว   กมฺเม   จตฺตาริ   วิปาเก   เอกํ   อาหาเร
จตฺตาริ    อินฺทฺริเย    จตฺตาริ    ฌาเน   จตฺตาริ   มคฺเค   จตฺตาริ
สมฺปยุตฺเต    ฉ    วิปฺปยุตฺเต   ปญฺจ   อตฺถิยา   นว   นตฺถิยา   นว
วิคเต นว อวิคเต นว ฯ
     [๔๗๘]   สญฺโญชนสมฺปยุตฺโต     ธมฺโม    สญฺโญชนสมฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน ปจฺจโย: ฯ สญฺโญชนสมฺปยุตฺโต ธมฺโม สญฺโญชนวิปฺปยุตฺตสฺส
ธมฺมสฺส       อารมฺมณปจฺจเยน       ปจฺจโย:       สหชาตปจฺจเยน
ปจฺจโย:      อุปนิสฺสยปจฺจเยน      ปจฺจโย:      ปจฺฉาชาตปจฺจเยน
ปจฺจโย:     กมฺมปจฺจเยน     ปจฺจโย:     ฯ     สญฺโญชนสมฺปยุตฺโต
สมฺปยุตฺโต   ธมฺโม   สญฺโญชนสมฺปยุตฺตสฺส   จ   สญฺโญชนวิปฺปยุตฺตสฺส  จ
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน ปจฺจโย: ฯ
     {๔๗๘.๑}   สญฺโญชนวิปฺปยุตฺโต    ธมฺโม    สญฺโญชนวิปฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน       ปจฺจโย:      ปุเรชาตปจฺจเยน      ปจฺจโย:
ปจฺฉาชาตปจฺจเยน   ปจฺจโย:   กมฺมปจฺจเยน  ปจฺจโย:  อาหารปจฺจเยน
ปจฺจโย:     อินฺทฺริยปจฺจเยน     ปจฺจโย:    ฯ    สญฺโญชนวิปฺปยุตฺโต
ธมฺโม       สญฺโญชนสมฺปยุตฺตสฺส       ธมฺมสฺส      อารมฺมณปจฺจเยน
ปจฺจโย:       สหชาตปจฺจเยน       ปจฺจโย:      อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ฯ
     {๔๗๘.๒}   สญฺโญชนวิปฺปยุตฺโต    ธมฺโม    สญฺโญชนสมฺปยุตฺตสฺส
จ    สญฺโญชนวิปฺปยุตฺตสฺส   จ   ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย:  ปุเรชาตปจฺจเยน
ปจฺจโย:    ฯ    สญฺโญชนสมฺปยุตฺโต    จ    สญฺโญชนวิปฺปยุตฺโต    จ
ธมฺมา    สญฺโญชนสมฺปยุตฺตสฺส    ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ
     {๔๗๘.๓}   สญฺโญชนสมฺปยุตฺโต    จ    สญฺโญชนวิปฺปยุตฺโต   จ
ธมฺมา    สญฺโญชนวิปฺปยุตฺตสฺส    ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย: ปจฺฉาชาตปจฺจเยน
ปจฺจโย:   ฯ   สญฺโญชนสมฺปยุตฺโต   จ   สญฺโญชนวิปฺปยุตฺโต  จ  ธมฺมา
สญฺโญชนสมฺปยุตฺตสฺส     จ     สญฺโญชนวิปฺปยุตฺตสฺส     จ     ธมฺมสฺส
อารมฺมณปจฺจเยน  ปจฺจโย:  สหชาตปจฺจเยน  ปจฺจโย:  อุปนิสฺสยปจฺจเยน
ปจฺจโย: ฯ
     [๔๗๙]   นเหตุยา    นว   นอารมฺมเณ   นว   สพฺพตฺถ   นว
โนวิคเต นว โนอวิคเต นว ฯ
     [๔๘๐]   เหตุปจฺจยา  นอารมฺมเณ ฉ ฯ สงฺขิตฺตํ ฯ ... นสมนนฺตเร
ฉ  นอญฺญมญฺเญ  เทฺว  นอุปนิสฺสเย  ฉ  ฯ  สงฺขิตฺตํ  ฯ  ... นมคฺเค ฉ
นสมฺปยุตฺเต เทฺว นวิปฺปยุตฺเต ตีณิ โนนตฺถิยา ฉ โนวิคเต ฉ ฯ
     [๔๘๑]   นเหตุปจฺจยา   อารมฺมเณ   นว  ...  อธิปติยา  ปญฺจ
อนุโลมปทานิ คณิตพฺพานิ ... อวิคเต นว ฯ
                     สญฺโญชนสมฺปยุตฺตทุกํ นิฏฺฐิตํ ฯ
                                  ---------



             เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๒๖๕-๒๘๒. http://84000.org/tipitaka/pitaka_item/pali_item_s.php?book=42&item=464&items=18&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=42&item=464&items=18&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=42&item=464&items=18&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=42&item=464&items=18&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=42&i=464              สารบัญพระไตรปิฎกเล่มที่ ๔๒ http://84000.org/tipitaka/read/?index_42

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :