บาลีพระไตรปิฎกเล่มที่ ๔๒ - พระอภิธรรมปิฎกเล่มที่ ๙

ปญฺหาวาโร [๕๗๑] คนฺโถเจวคนฺถสมฺปยุตฺโตจ ธมฺโม คนฺถสฺสเจว- คนฺถสมฺปยุตฺตสฺสจ ธมฺมสฺส เหตุปจฺจเยน ปจฺจโย: คนฺถาเจว- คนฺถสมฺปยุตฺตาจ เหตู สมฺปยุตฺตกานํ คนฺถานํ เหตุปจฺจเยน ปจฺจโย ฯ คนฺโถเจวคนฺถสมฺปยุตฺโตจ ธมฺโม คนฺถสมฺปยุตฺตสฺสเจวโนจคนฺถสฺส ธมฺมสฺส เหตุปจฺจเยน ปจฺจโย: คนฺถาเจวคนฺถสมฺปยุตฺตาจ เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ คนฺโถเจวคนฺถสมฺปยุตฺโตจ ธมฺโม คนฺถสฺสเจวคนฺถสมฺปยุตฺตสฺสจ คนฺถสมฺปยุตฺตสฺสเจวโนจคนฺถสฺส จ ธมฺมสฺส เหตุปจฺจเยน ปจฺจโย: คนฺถาเจวคนฺถสมฺปยุตฺตาจ เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโย ฯ {๕๗๑.๑} คนฺถสมฺปยุตฺโตเจวโนจคนฺโถ ธมฺโม คนฺถสมฺปยุตฺตสฺสเจวโนจคนฺถสฺส ธมฺมสฺส เหตุปจฺจเยน ปจฺจโย: คนฺถสมฺปยุตฺตาเจวโนจคนฺถา เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ คนฺถสมฺปยุตฺโตเจวโนจคนฺโถ ธมฺโม คนฺถสฺสเจวคนฺถสมฺปยุตฺตสฺสจ ธมฺมสฺส เหตุปจฺจเยน ปจฺจโย: คนฺถสมฺปยุตฺตาเจวโนจคนฺถา เหตู สมฺปยุตฺตกานํ คนฺถานํ เหตุปจฺจเยน ปจฺจโย ฯ {๕๗๑.๒} คนฺถสมฺปยุตฺโตเจวโนจคนฺโถ ธมฺโม คนฺถสฺสเจวคนฺถ- สมฺปยุตฺตสฺสจ คนฺถสมฺปยุตฺตสฺสเจวโนจคนฺถสฺส จ ธมฺมสฺส เหตุปจฺจเยน ปจฺจโย: คนฺถสมฺปยุตฺตาเจวโนจคนฺถา เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโย ฯ คนฺโถเจวคนฺถสมฺปยุตฺโตจ คนฺถสมฺปยุตฺโตเจวโนจคนฺโถ จ ธมฺมา คนฺถสฺสเจวคนฺถสมฺปยุตฺตสฺสจ ธมฺมสฺส เหตุปจฺจเยน ปจฺจโย: คนฺถาเจวคนฺถสมฺปยุตฺตาจ คนฺถสมฺปยุตฺตาเจวโนจคนฺถา จ เหตู สมฺปยุตฺตกานํ คนฺถานํ เหตุปจฺจเยน ปจฺจโย ฯ {๕๗๑.๓} คนฺโถเจวคนฺถสมฺปยุตฺโตจ คนฺถสมฺปยุตฺโตเจว โนจคนฺโถ จ ธมฺมา คนฺถสมฺปยุตฺตสฺสเจวโนจคนฺถสฺส เหตุปจฺจเยน ปจฺจโย: คนฺถาเจวคนฺถสมฺปยุตฺตาจ คนฺถสมฺปยุตฺตา- เจวโนจคนฺถา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ คนฺโถเจวคนฺถสมฺปยุตฺโตจ คนฺถสมฺปยุตฺโตเจวโนจคนฺโถ จ ธมฺมา คนฺถสฺสเจวคนฺถสมฺปยุตฺตสฺสจ คนฺถสมฺปยุตฺตสฺสเจวโนจคนฺถสฺส จ ธมฺมสฺส เหตุปจฺจเยน ปจฺจโย: คนฺถาเจวคนฺถสมฺปยุตฺตาจ คนฺถสมฺปยุตฺตาเจวโนจคนฺถา จ เหตู สมฺปยุตฺตกานํ ขนฺธานํ คนฺถานญฺจ เหตุปจฺจเยน ปจฺจโย ฯ [๕๗๒] คนฺโถเจวคนฺถสมฺปยุตฺโตจ ธมฺโม คนฺถสฺสเจวคนฺถสมฺปยุตฺตสฺสจ ธมฺมสฺส อารมฺมณปจฺจเยน ปจฺจโย: คนฺเถ อารพฺภ คนฺถา อุปฺปชฺชนฺติ ฯ มูลํ กาตพฺพํ คนฺเถ อารพฺภ คนฺถสมฺปยุตฺตาเจวโนจคนฺถา ขนฺธา อุปฺปชฺชนฺติ ฯ มูลํ กาตพฺพํ คนฺเถ อารพฺภ คนฺถา จ คนฺถสมฺปยุตฺตา จ ขนฺธา อุปฺปชฺชนฺติ ฯ คนฺถสมฺปยุตฺโตเจวโนจคนฺโถ ธมฺโม คนฺถสมฺปยุตฺตสฺสเจวโนจคนฺถสฺส ธมฺมสฺส อารมฺมณปจฺจเยน ปจฺจโย: คนฺถสมฺปยุตฺเตเจวโนจคนฺเถ ขนฺเธ อารพฺภ คนฺถสมฺปยุตฺตาเจวโนจคนฺถา ขนฺธา อุปฺปชฺชนฺติ ฯ มูลํ กาตพฺพํ คนฺถสมฺปยุตฺเตเจวโนจคนฺเถ ขนฺเธ อารพฺภ คนฺถา อุปฺปชฺชนฺติ ฯ มูลํ กาตพฺพํ คนฺถสมฺปยุตฺเตเจวโนจคนฺเถ ขนฺเธ อารพฺภ คนฺถา จ คนฺถสมฺปยุตฺตา จ ขนฺธา อุปฺปชฺชนฺติ ฯ เอวํ อิตเรปิ ตีณิ ปญฺหา กาตพฺพา ฯ อารมฺมณสทิสาเยว อธิปติยาปิ อนนฺตเรปิ อุปนิสฺสเยปิ ฯ วิภงฺโค นตฺถิ ฯ [๕๗๓] เหตุยา นว อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว อาเสวเน นว กมฺเม ตีณิ อาหาเร ตีณิ อินฺทฺริเย ตีณิ ฌาเน ตีณิ มคฺเค นว สมฺปยุตฺเต นว อตฺถิยา นว นตฺถิยา นว วิคเต นว อวิคเต นว ฯ อรูปํเยว ปจฺจยํ ฯ เอเกกสฺส ตีณิ ตีณิ กาตพฺพา ฯ อารมฺมณญฺจ สหชาตญฺจ อุปนิสฺสยญฺจ นวสุปิ ปริวตฺเตตพฺพํ ฯ เอวํ ปญฺหาวาเรปิ สพฺพํ กาตพฺพํ ฯ คนฺถคนฺถสมฺปยุตฺตทุกํ นิฏฺฐิตํ ฯ -----------------

เนื้อความพระไตรปิฎกฉบับภาษาบาลีอักษรไทย เล่มที่ ๔๒ หน้าที่ ๓๔๓-๓๔๖. http://84000.org/tipitaka/pitaka_item/pali_item_s.php?book=42&item=571&items=3&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=42&item=571&items=3&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=42&item=571&items=3&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=42&item=571&items=3&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=42&i=571 สารบัญพระไตรปิฎกเล่มที่ ๔๒ http://84000.org/tipitaka/read/?index_42