บาลีพระไตรปิฎกเล่มที่ ๔๔ - พระอภิธรรมปิฎกเล่มที่ ๑๑

กุสลตฺติกสนิทสฺสนทุกํ [๕๘๑] กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ เหตุปจฺจยา: ตีณิ ฯ อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา: ฯ กุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา: ฯ อกุสลํ อนิทสฺสนญฺจ อพฺยากตํ อนิทสฺสนญฺจ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ เหตุปจฺจยา: ฯ [๕๘๒] กุสลํ อนิทสฺสนํ ธมฺมํ ปฏิจฺจ กุสโล อนิทสฺสโน ธมฺโม อุปฺปชฺชติ อารมฺมณปจฺจยา: ฯ อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ อารมฺมณปจฺจยา: ฯ อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ อารมฺมณปจฺจยา: ฯ [๕๘๓] เหตุยา นว อารมฺมเณ ตีณิ อวิคเต นว ฯ [๕๘๔] อกุสลํ อนิทสฺสนํ ธมฺมํ ปฏิจฺจ อกุสโล อนิทสฺสโน ธมฺโม อุปฺปชฺชติ นเหตุปจฺจยา: ฯ อพฺยากตํ อนิทสฺสนํ ธมฺมํ ปฏิจฺจ อพฺยากโต อนิทสฺสโน ธมฺโม อุปฺปชฺชติ นเหตุปจฺจยา: ฯ [๕๘๕] นเหตุยา เทฺว นอารมฺมเณ ปญฺจ นอธิปติยา นว โนวิคเต ปญฺจ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ [๕๘๖] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส เหตุปจฺจเยน ปจฺจโย: ฯ [๕๘๗] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ [๕๘๘] เหตุยา สตฺต อารมฺมเณ นว อธิปติยา ทส อนนฺตเร สตฺต อุปนิสฺสเย นว อวิคเต สตฺตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสนิทสฺสนทุกํ นิฏฺฐิตํ ฯ -------

เนื้อความพระไตรปิฎกฉบับภาษาบาลีอักษรไทย เล่มที่ ๔๔ หน้าที่ ๔๕๑-๔๕๓. http://84000.org/tipitaka/pitaka_item/pali_item_s.php?book=44&item=2492&items=8&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=44&item=2492&items=8&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=44&item=2492&items=8&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=44&item=2492&items=8&modeTY=2 ศึกษาอรรถกถานี้ได้ที่ :- http://84000.org/tipitaka/attha/attha.php?b=44&i=2492 สารบัญพระไตรปิฎกเล่มที่ ๔๔ http://84000.org/tipitaka/read/?index_44