ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๗ ภาษาบาลี อักษรไทย พระวินัยปิฎกเล่มที่ ๗ วินย. จุลฺลวคฺโค (๒)
     [๒๓๒]   เตน  โข  ปน  สมเยน  ภิกฺขู  มญฺจปาเทปิ  ปีปาเทปิ
ถวิกาโย   ลคฺเคนฺติ   ฯ   อุนฺทูเรหิปิ  อุปจิกาหิปิ  ขชฺชนฺติ  ฯ  ภควโต
เอตมตฺถํ อาโรเจสุํ ฯ อนุชานามิ ภิกฺขเว ภิตฺติขีลํ นาคทนฺตกนฺติ ฯ
     [๒๓๓]   เตน   โข  ปน  สมเยน  ภิกฺขู  มญฺเจปิ  ปีเปิ  จีวรํ
นิกฺขิปนฺติ  ฯ  จีวรํ  ปริภิชฺชติ  ๑-  ฯ  ภควโต  เอตมตฺถํ  อาโรเจสุํ ฯ
อนุชานามิ ภิกฺขเว วิหาเร ๒- จีวรวํสํ จีวรรชฺชุนฺติ ฯ
     [๒๓๔]   เตน   โข  ปน  สมเยน  วิหารา  อนาลินฺทกา  โหนฺติ
อปฺปฏิสรณา    ฯ    ภควโต   เอตมตฺถํ   อาโรเจสุํ   ฯ   อนุชานามิ
ภิกฺขเว   อาลินฺทํ   ปฆนํ   ปกุฏฺฏํ  ๓-  โอสารกินฺติ  ๔-  ฯ  อาลินฺทา
ปากฏา   โหนฺติ   ฯ   ภิกฺขู   หิริยนฺติ   นิปชฺชิตุํ   ฯเปฯ   อนุชานามิ
ภิกฺขเว สํสรณกิฏิกํ อุคฺฆาฏนกิฏิกนฺติ ฯ
     [๒๓๕]   เตน  โข  ปน  สมเยน  ภิกฺขู  อชฺโฌกาเส  ภตฺตวิสฺสคฺคํ
กโรนฺตา    สีเตนปิ    อุเณฺหนปิ    กิลมนฺติ   ฯ   ภควโต   เอตมตฺถํ
อาโรเจสุํ   ฯ  อนุชานามิ  ภิกฺขเว  อุปฏฺานสาลนฺติ  ฯ  อุปฏฺานสาลา
นีจวตฺถุกา    โหติ    ฯ    อุทเกน   โอตฺถริยติ   ฯเปฯ   อนุชานามิ
ภิกฺขเว   อุจฺจวตฺถุกํ   กาตุนฺติ   ฯ   จโย  ปริปตติ  ฯเปฯ  อนุชานามิ
ภิกฺขเว   จินิตุํ   ตโย   จเย   อิฏฺกาจยํ   สิลาจยํ   ทารุจยนฺติ   ฯ
อาโรหนฺตา   วิหญฺนฺติ   ฯเปฯ   อนุชานามิ   ภิกฺขเว  ตโย  โสปาเณ
อิฏฺกาโสปาณํ     สิลาโสปาณํ     ทารุโสปาณนฺติ    ฯ    อาโรหนฺตา
@เชิงอรรถ:  ม. ยุ. ปริภิชฺชิติ ฯ  ยุ. อยํ ปาโ น ทิสฺสติ ฯ  ม. ยุ. ปกุฏํ ฯ
@ ม. โอสารกนฺติ ฯ ยุ. โอสรกนฺติ ฯ
ปริปตนฺติ     ฯเปฯ    อนุชานามิ    ภิกฺขเว    อาลมฺพนพาหนฺติ    ฯ
อุปฏฺานสาลาย    ติณจุณฺณํ    ปริปตติ    ฯเปฯ   อนุชานามิ   ภิกฺขเว
โอคุมฺเพตฺวา      อุลฺลิตฺตาวลิตฺตํ     กาตุํ     เสตวณฺณํ     กาฬวณฺณํ
เครุกปริกมฺมํ   มาลากมฺมํ   ลตากมฺมํ   มกรทนฺตกํ   ปญฺจปฏิกํ   จีวรวํสํ
จีวรรชฺชุนฺติ ฯ
     [๒๓๖]   เตน  โข  ปน  สมเยน  ภิกฺขู  อชฺโฌกาเส  ฉมายํ จีวรํ
ปตฺถรนฺติ    ฯ   จีวรํ   ปํสุกิตํ   โหติ   ฯเปฯ   อนุชานามิ   ภิกฺขเว
อชฺโฌกาเส   จีวรวํสํ   จีวรรชฺชุนฺติ   ฯเปฯ   ปานียํ  โอตปฺปติ  ฯเปฯ
อนุชานามิ    ภิกฺขเว    ปานียสาลํ   ปานียมณฺฑปนฺติ   ฯ   ปานียสาลา
นีจวตฺถุกา   โหติ   ฯ  อุทเกน  โอตฺถริยติ  ฯเปฯ  อนุชานามิ  ภิกฺขเว
อุจฺจวตฺถุกํ   กาตุนฺติ   ฯ   จโย   ปริปตติ  ฯเปฯ  อนุชานามิ  ภิกฺขเว
จินิตุํ   ตโย   จเย   อิฏฺกาจยํ   สิลาจยํ  ทารุจยนฺติ  ฯ  อาโรหนฺตา
วิหญฺนฺติ   ฯเปฯ   อนุชานามิ  ภิกฺขเว  ตโย  โสปาเณ  อิฏฺกาโสปาณํ
สิลาโสปาณํ    ทารุโสปาณนฺติ    ฯ    อาโรหนฺตา   ปริปตนฺติ   ฯเปฯ
อนุชานามิ    ภิกฺขเว    อาลมฺพนพาหนฺติ   ฯ   ปานียสาลาย   ติณจุณฺณํ
ปริปตติ   ฯเปฯ   อนุชานามิ   ภิกฺขเว   โอคุมฺเพตฺวา   อุลฺลิตฺตาวลิตฺตํ
กาตุํ    เสตวณฺณํ    กาฬวณฺณํ    เครุกปริกมฺมํ   มาลากมฺมํ   ลตากมฺมํ
มกรทนฺตกํ    ปญฺจปฏิกํ   จีวรวํสํ   จีวรรชฺชุนฺติ   ฯ   ปานียภาชนํ   น
สํวิชฺชติ ฯเปฯ อนุชานามิ ภิกฺขเว ปานียสงฺขํ ปานียสราวกนฺติ ฯ
     [๒๓๗]   เตน   โข  ปน  สมเยน  วิหารา  อปริกฺขิตฺตา  โหนฺติ
ฯเปฯ   อนุชานามิ   ภิกฺขเว  ปริกฺขิปิตุํ  ตโย  ปากาเร  อิฏฺกาปาการํ
สิลาปาการํ   ทารุปาการนฺติ  ฯ  โกฏฺโก  น  โหติ  ฯเปฯ  อนุชานามิ
ภิกฺขเว  โกฏฺกนฺติ  ฯ  โกฏฺโก  นีจวตฺถุโก  โหติ ฯ อุทเกน โอตฺถริยติ
ฯเปฯ   อนุชานามิ  ภิกฺขเว  อุจฺจวตฺถุกํ  กาตุนฺติ  ฯ  โกฏฺกสฺส  กวาฏํ
น   โหติ   ฯเปฯ   อนุชานามิ  ภิกฺขเว  กวาฏํ  ปิฏฺสงฺฆาฏํ  อุทุกฺขลิกํ
อุตฺตรปาสกํ     อคฺคฬวฏฺฏึ     กปิสีสกํ    สูจิกํ    ฆฏิกํ    ตาลจฺฉิทฺทํ
อาวิญฺฉนจฺฉิทฺทํ    อาวิญฺฉนรชฺชุนฺติ    ฯ    โกฏฺเก    ๑-    ติณจุณฺณํ
ปริปตติ   ฯเปฯ   อนุชานามิ   ภิกฺขเว   โอคุมฺเพตฺวา   อุลฺลิตฺตาวลิตฺตํ
กาตุํ    เสตวณฺณํ    กาฬวณฺณํ    เครุกปริกมฺมํ   มาลากมฺมํ   ลตากมฺมํ
มกรทนฺตกํ ปญฺจปฏิกนฺติ ฯ
     [๒๓๘]   เตน  โข  ปน  สมเยน  ปริเวณํ จิกฺขลฺลํ โหติ ฯ ภควโต
เอตมตฺถํ  อาโรเจสุํ  ฯ  อนุชานามิ  ภิกฺขเว  มรุมฺพํ  อุปกิริตุนฺติ  ฯ  น
ปริยาปุณนฺติ   ฯเปฯ   อนุชานามิ   ภิกฺขเว   ปทรสิลํ   นิกฺขิปิตุนฺติ   ฯ
อุทกํ สนฺติฏฺติ ฯเปฯ อนุชานามิ ภิกฺขเว อุทกนิทฺธมนนฺติ ฯ
     [๒๓๙]   เตน   โข   ปน   สมเยน  ภิกฺขู  ปริเวเณ  ตหํ  ตหํ
อคฺคิฏฺานํ   กโรนฺติ   ฯ   ปริเวณํ   อุกฺลาปํ   ๒-  โหติ  ฯ  ภควโต
เอตมตฺถํ   อาโรเจสุํ   ฯ   อนุชานามิ   ภิกฺขเว   เอกมนฺตํ  อคฺคิสาลํ
@เชิงอรรถ:  ยุ. โกฏฺกา ฯ  ม. ยุ. อุกฺกลาปํ ฯ
กาตุนฺติ  ฯ  อคฺคิสาลา  นีจวตฺถุกา  โหติ  ฯ  อุทเกน  โอตฺถริยติ ฯเปฯ
อนุชานามิ   ภิกฺขเว   อุจฺจวตฺถุกํ   กาตุนฺติ   ฯ  จโย  ปริปตติ  ฯเปฯ
อนุชานามิ    ภิกฺขเว    จินิตุํ    ตโย    จเย   อิฏฺกาจยํ   สิลาจยํ
ทารุจยนฺติ   ฯ   อาโรหนฺตา   วิหญฺนฺติ   ฯเปฯ   อนุชานามิ  ภิกฺขเว
ตโย    โสปาเณ    อิฏฺกาโสปาณํ   สิลาโสปาณํ   ทารุโสปาณนฺติ   ฯ
อาโรหนฺตา ปริปตนฺติ ฯเปฯ อนุชานามิ ภิกฺขเว อาลมฺพนพาหนฺติ ฯ
     {๒๓๙.๑}   อคฺคิสาลาย  กวาฏํ  น  โหติ ฯเปฯ อนุชานามิ ภิกฺขเว
กวาฏํ    ปิฏฺสงฺฆาฏํ    อุทุกฺขลิกํ   อุตฺตรปาสกํ   อคฺคฬวฏฺฏึ   กปิสีสกํ
สูจิกํ    ฆฏิกํ    ตาลจฺฉิทฺทํ    อาวิญฺฉนจฺฉิทฺทํ    อาวิญฺฉนรชฺชุนฺติ    ฯ
อคฺคิสาลาย     ติณจุณฺณํ    ปริปตติ    ฯเปฯ    อนุชานามิ    ภิกฺขเว
โอคุมฺเพตฺวา      อุลฺลิตฺตาวลิตฺตํ     กาตุํ     เสตวณฺณํ     กาฬวณฺณํ
เครุกปริกมฺมํ     มาลากมฺมํ     ลตากมฺมํ     มกรทนฺตกํ     ปญฺจปฏิกํ
จีวรวํสํ  จีวรชฺชุนฺติ  ฯ  อาราโม  อปริกฺขิตฺโต  โหติ  ฯ อชกาปิ ปสุกาปิ
อุปโรเป   วิเหเนฺติ  ฯ  ภควโต  เอตมตฺถํ  อาโรเจสุํ  ฯ  อนุชานามิ
ภิกฺขเว   ปริกฺขิปิตุํ   ตโย   วเฏ  เวฬุวฏํ  กณฺฏกวฏํ  ๑-  ปริขนฺติ  ฯ
โกฏฺโก  น  โหติ  ฯ  ตเถว  อชกาปิ  ปสุกาปิ  อุปโรเป วิเหเนฺติ ฯ
อนุชานามิ   ภิกฺขเว   โกฏฺกํ   อเปสึ  ยมกกวาฏํ  โตรณํ  ปลิฆนฺติ  ฯ
โกฏฺเก  ๒-  ติณจุณฺณํ  ปริปตติ  ฯเปฯ  อนุชานามิ ภิกฺขเว โอคุมฺเพตฺวา
อุลฺลิตฺตาวลิตฺตํ      กาตุํ     เสตวณฺณํ     กาฬวณฺณํ     เครุกปริกมฺมํ
@เชิงอรรถ:  ม. ยุ. วาเฏ เวฬุวาฏํ กณฺฏกาวาฏํ ฯ ม. กณฺฏกวาฏํ ฯ  ยุ. โกฏฺกา ฯ
มาลากมฺมํ    ลตากมฺมํ    มกรทนฺตกํ    ปญฺจปฏิกนฺติ    ฯ    อาราโม
จิกฺขลฺโล   โหติ   ฯเปฯ   อนุชานามิ   ภิกฺขเว  มรุมฺพํ  อุปกิริตุนฺติ  ฯ
น   ปริยาปุณนฺติ   ฯเปฯ   อนุชานามิ  ภิกฺขเว  ปทรสิลํ  นิกฺขิปิตุนฺติ  ฯ
อุทกํ สนฺติฏฺติ ฯเปฯ อนุชานามิ ภิกฺขเว อุทกนิทฺธมนนฺติ ฯ
     [๒๔๐]   เตน  โข  ปน  สมเยน ราชา มาคโธ เสนิโย พิมฺพิสาโร
สงฺฆสฺส     อตฺถาย    สุธามตฺติกาเลปนํ    ปาสาทํ    การาเปตุกาโม
โหติ   ฯ   อถโข   ภิกฺขูนํ   เอตทโหสิ   กึ   นุ  โข  ภควตา  ฉทนํ
อนุญฺาตนฺติ   ๑-   ฯ   ภควโต   เอตมตฺถํ  อาโรเจสุํ  ฯ  อนุชานามิ
ภิกฺขเว     ปญฺจ     ฉทนานิ    อิฏฺกาฉทนํ    สิลาฉทนํ    สุธาฉทนํ
ติณจฺฉทนํ ปณฺณจฺฉทนนฺติ ฯ
                            ภาณวารํ นิฏฺิตํ ปมํ ฯ ๒-



             เนื้อความพระไตรปิฎกฉบับภาษาบาลีอักษรไทย เล่มที่ ๗ หน้าที่ ๙๘-๑๐๒. http://84000.org/tipitaka/pitaka_item/pali_item_s.php?book=7&item=232&items=9              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=7&item=232&items=9&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=7&item=232&items=9              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=7&item=232&items=9              ศึกษาอรรถกถานี้ได้ที่ :- http://84000.org/tipitaka/attha/attha.php?b=7&i=232              สารบัญพระไตรปิฎกเล่มที่ ๗ http://84000.org/tipitaka/read/?index_7

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :