ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๙ ภาษาบาลี อักษรไทย พระสุตตันตปิฎกเล่มที่ ๑ สุตฺต. ที. สีลกฺขนฺธวคฺโค
                   สุตฺตนฺตปิฏเก ทีฆนิกายสฺสโม   ภาโค
                                -------
                      สีลกฺขนฺธวคฺโค ปโม
           นโม ตสฺส ภควโต อรหโต สมฺมาสมฺพุทฺธสฺส ฯ
                     พฺรหฺมชาลสุตฺตํ ปมํ
     [๑]  เอวมฺเม  สุตํ  ฯ  เอกํ  สมยํ  ภควา  อนฺตรา  จ ราชคหํ
อนฺตรา   จ   นาฬนฺทํ   อทฺธานมคฺคปฏิปนฺโน   โหติ  มหตา  ภิกฺขุสํเฆน
สทฺธึ   ปญฺจมตฺเตหิ  ภิกฺขุสเตหิ  ฯ  สุปฺปิโยปิ  โข  ปริพฺพาชโก  อนฺตรา
จ   ราชคหํ   อนฺตรา   จ   นาฬนฺทํ  อทฺธานมคฺคปฏิปนฺโน  โหติ  สทฺธึ
อนฺเตวาสินา    พฺรหฺมทตฺเตน    มาณเวน   ฯ   ตตฺร   สุทํ   สุปฺปิโย
ปริพฺพาชโก    อเนกปริยาเยน    พุทฺธสฺส    อวณฺณํ   ภาสติ   ธมฺมสฺส
อวณฺณํ    ภาสติ    สํฆสฺส    อวณฺณํ    ภาสติ    ฯ   สุปฺปิยสฺส   ปน
ปริพฺพาชกสฺส    อนฺเตวาสี    พฺรหฺมทตฺโต    มาณโว   อเนกปริยาเยน
พุทฺธสฺส    วณฺณํ    ภาสติ    ธมฺมสฺส   วณฺณํ   ภาสติ   สํฆสฺส   วณฺณํ
ภาสติ  ฯ อิติห เต อุโภ อาจริยนฺเตวาสี อญฺมญฺสฺส อุชุวิปจฺจนิกวาทา ๑-
ภควนฺตํ ปิฏฺิโต ปิฏฺิโต อนุพนฺธา ๒- โหนฺติ ภิกฺขุสํฆญฺจ ฯ
     {๑.๑} อถโข ภควา อมฺพลฏฺิกายํ ราชาคารเก เอกรตฺติวาสํ อุปคญฺฉิ
@เชิงอรรถ:  สี. อุชุวิปจฺจนีกวาทา ฯ  อนุพทฺธาติปิ ปาโ
สทฺธึ    ภิกฺขุสํเฆน   ฯ   สุปฺปิโยปิ   โข   ปริพฺพาชโก   อมฺพลฏฺิกายํ
ราชาคารเก  เอกรตฺติวาสํ  อุปคญฺฉิ  ๑- สทฺธึ อนฺเตวาสินา พฺรหฺมทตฺเตน
มาณเวน   ฯ   ตตฺรปิ   สุทํ   สุปฺปิโย   ปริพฺพาชโก   อเนกปริยาเยน
พุทฺธสฺส   อวณฺณํ   ภาสติ   ธมฺมสฺส   อวณฺณํ   ภาสติ   สํฆสฺส   อวณฺณํ
ภาสติ   ฯ   สุปฺปิยสฺส   ปน   ปริพฺพาชกสฺส   อนฺเตวาสี   พฺรหฺมทตฺโต
มาณโว    อเนกปริยาเยน   พุทฺธสฺส   วณฺณํ   ภาสติ   ธมฺมสฺส   วณฺณํ
ภาสติ   สํฆสฺส   วณฺณํ   ภาสติ   ฯ  อิติห  เต  อุโภ  อาจริยนฺเตวาสี
อญฺมญฺสฺส   อุชุวิปจฺจนิกวาทา   ภควนฺตํ   ปิฏฺิโต   ปิฏฺิโต  อนุพนฺธา
โหนฺติ ภิกฺขุสํฆญฺจ ฯ
     {๑.๒}  อถโข  สมฺพหุลานํ  ภิกฺขูนํ  รตฺติยา ปจฺจูสสมยํ ปจฺจุฏฺิตานํ
มณฺฑลมาเฬ   สนฺนิสินฺนานํ   สนฺนิปติตานํ   อยํ  สํขิยธมฺโม  ๒-  อุทปาทิ
อจฺฉริยํ  อาวุโส  อพฺภูตํ  ๓-  อาวุโส  ยาวญฺจิทํ  เตน  ภควตา ชานตา
ปสฺสตา     อรหตา     สมฺมาสมฺพุทฺเธน    สตฺตานํ    นานาธิมุตฺติกตา
สุปฏิวิทิตา    ๔-   อยํ   หิ   สุปฺปิโย   ปริพฺพาชโก   อเนกปริยาเยน
พุทฺธสฺส   อวณฺณํ   ภาสติ   ธมฺมสฺส   อวณฺณํ   ภาสติ   สํฆสฺส   อวณฺณํ
ภาสติ    สุปฺปิยสฺส    ปน    ปริพฺพาชกสฺส    อนฺเตวาสี   พฺรหฺมทตฺโต
มาณโว    อเนกปริยาเยน   พุทฺธสฺส   วณฺณํ   ภาสติ   ธมฺมสฺส   วณฺณํ
ภาสติ   สํฆสฺส   วณฺณํ  ภาสติ  อิติห  อิเม  อุโภ  ๕-  อาจริยนฺเตวาสี
อญฺมญฺสฺส     อุชุวิปจฺจนิกวาทา     ภควนฺตํ     ปิฏฺิโต     ปิฏฺิโต
@เชิงอรรถ:  อุปคจฺฉีติปิ ปาโ สํขิยาธมฺโมติปิ ปาโ ยุ. อพฺภุตํ ฯ
@ สุปฺปฏิวิทิตาติปิ ปาโ อิติห เต อิเม อุโภติปิ ปาโ
อนุพนฺธา โหนฺติ ภิกฺขุสํฆญฺจาติ ฯ
     {๑.๓}  อถโข  ภควา  เตสํ  ภิกฺขูนํ  อิมํ  สํขิยธมฺมํ วิทิตฺวา เยน
มณฺฑลมาโฬ   เตนุปสงฺกมิ   อุปสงฺกมิตฺวา   ปญฺตฺเต  อาสเน  นิสีทิ  ฯ
นิสชฺช  โข  ภควา  ภิกฺขู  อามนฺเตสิ  กาย  นุตฺถ ภิกฺขเว เอตรหิ กถาย
สนฺนิสินฺนา  สนฺนิปติตา  กา  จ  ปน  โว  อนฺตรา  กถา  วิปฺปกตาติ  ฯ
เอวํ  วุตฺเต  เต  ภิกฺขู  ภควนฺตํ  เอตทโวจุํ  อิธ ภนฺเต อมฺหากํ รตฺติยา
ปจฺจูสสมยํ    ปจฺจุฏฺิตานํ    มณฺฑลมาเฬ    สนฺนิสินฺนานํ    สนฺนิปติตานํ
อยํ   สํขิยธมฺโม   อุทปาทิ  อจฺฉริยํ  อาวุโส  อพฺภูตํ  อาวุโส  ยาวญฺจิทํ
เตน   ภควตา   ชานตา   ปสฺสตา   อรหตา  สมฺมาสมฺพุทฺเธน  สตฺตานํ
นานาธิมุตฺติกตา  สุปฏิวิทิตา  อยํ  หิ  สุปฺปิโย ปริพฺพาชโก อเนกปริยาเยน
พุทฺธสฺส   อวณฺณํ   ภาสติ   ธมฺมสฺส   อวณฺณํ   ภาสติ   สํฆสฺส   อวณฺณํ
ภาสติ   สุปฺปิยสฺส   ปน  ปริพฺพาชกสฺส  อนฺเตวาสี  พฺรหฺมทตฺโต  มาณโว
อเนกปริยาเยน   พุทฺธสฺส   วณฺณํ  ภาสติ  ธมฺมสฺส  วณฺณํ  ภาสติ  สํฆสฺส
วณฺณํ    ภาสติ    อิติห   อิเม   อุโภ   อาจริยนฺเตวาสี   อญฺมญฺสฺส
อุชุวิปจฺจนิกวาทา    ภควนฺตํ    ปิฏฺิโต    ปิฏฺิโต   อนุพนฺธา   โหนฺติ
ภิกฺขุสํฆญฺจาติ  อยํ  โข  โน  ภนฺเต  อนฺตรา  กถา  วิปฺปกตา อถ ภควา
อนุปฺปตฺโตติ ฯ
     {๑.๔}  มมํ  วา  ภิกฺขเว  ปเร  อวณฺณํ  ภาเสยฺยุํ  ธมฺมสฺส  วา
อวณฺณํ   ภาเสยฺยุํ   สํฆสฺส   วา   อวณฺณํ   ภาเสยฺยุํ   ตตฺร   ตุเมฺหหิ
น  อาฆาโต  น  อปจฺจโย  น  เจตโส  อนภิรทฺธิ  กรณียา  ฯ  มมํ วา
ภิกฺขเว   ปเร   อวณฺณํ   ภาเสยฺยุํ   ธมฺมสฺส   วา   อวณฺณํ  ภาเสยฺยุํ
สํฆสฺส   วา   อวณฺณํ   ภาเสยฺยุํ   ตตฺร   เจ   ตุเมฺห  อสฺสถ  กุปิตา
วา  อนตฺตมนา  วา  ตุมฺหญฺเวสฺส  เตน  อนฺตราโย  ฯ มมํ วา ภิกฺขเว
ปเร   อวณฺณํ   ภาเสยฺยุํ   ธมฺมสฺส  วา  อวณฺณํ  ภาเสยฺยุํ  สํฆสฺส  วา
อวณฺณํ   ภาเสยฺยุํ   ตตฺร   เจ  ตุเมฺห  อสฺสถ  กุปิตา  วา  อนตฺตมนา
วา  อปินุ  ตุเมฺห  ปเรสํ  สุภาสิตํ  วา ทุพฺภาสิตํ วา อาชาเนยฺยาถาติ ฯ
โนเหตํ   ภนฺเต   ฯ   มมํ   วา   ภิกฺขเว   ปเร   อวณฺณํ  ภาเสยฺยุํ
ธมฺมสฺส    วา   อวณฺณํ   ภาเสยฺยุํ   สํฆสฺส   วา   อวณฺณํ   ภาเสยฺยุํ
ตตฺร    ตุเมฺหหิ    อภูตํ    อภูตโต    นิพฺเพเตพฺพํ   อิติเปตํ   อภูตํ
อิติเปตํ อตจฺฉํ นตฺถิเปตํ อเมฺหสุ น จ ปเนตํ อเมฺหสุ สํวิชฺชตีติ ฯ
     {๑.๕}  มมํ  วา  ภิกฺขเว  ปเร  วณฺณํ ภาเสยฺยุํ ธมฺมสฺส วา วณฺณํ
ภาเสยฺยุํ  สํฆสฺส  วา  วณฺณํ  ภาเสยฺยุํ  ตตฺร  ตุเมฺหหิ  น  อานนฺโท  น
โสมนสฺสํ  น  เจตโส  อุพฺพิลาวิตตฺตํ  กรณียํ  ฯ  มมํ  วา  ภิกฺขเว ปเร
วณฺณํ   ภาเสยฺยุํ   ธมฺมสฺส   วา   วณฺณํ   ภาเสยฺยุํ  สํฆสฺส  วา  วณฺณํ
ภาเสยฺยุํ   ตตฺร   เจ   ตุเมฺห   ภิกฺขเว   อสฺสถ   อานนฺทิโน  สุมนา
อุพฺพิลาวิตตฺตา   ตุมฺหญฺเวสฺส   เตน  อนฺตราโย  ฯ  มมํ  วา  ภิกฺขเว
ปเร   วณฺณํ   ภาเสยฺยุํ   ธมฺมสฺส   วา   วณฺณํ  ภาเสยฺยุํ  สํฆสฺส  วา
วณฺณํ   ภาเสยฺยุํ   ตตฺร   ตุเมฺหหิ   ภูตํ   ภูตโต  ปฏิชานิตพฺพํ  อิติเปตํ
ภูตํ อิติเปตํ ตจฺฉํ อตฺถิเปตํ อเมฺหสุ สํวิชฺชติ จ ปเนตํ อเมฺหสูติ ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๙ หน้าที่ ๑-๔. http://84000.org/tipitaka/pitaka_item/pali_item_s.php?book=9&item=1&items=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=9&item=1&items=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=9&item=1&items=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=9&item=1&items=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=9&i=1              The Pali Atthakatha in Thai :- http://84000.org/tipitaka/atthapali/read_th.php?B=4&A=1              The Pali Atthakatha in Roman :- http://84000.org/tipitaka/atthapali/read_rm.php?B=4&A=1              สารบัญพระไตรปิฎกเล่มที่ ๙ http://84000.org/tipitaka/read/?index_9

แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :