ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๑๐ ภาษาบาลี อักษรไทย พระสุตตันตปิฎกเล่มที่ ๒ สุตฺต. ที. มหาวคฺโค

                     มหาปรินิพฺพานสุตฺตํ
     [๖๗]   เอวมฺเม  สุตํ  ฯ  เอกํ  สมยํ  ภควา  ราชคเห  วิหรติ
คิชฺฌกูเฏ  ปพฺพเต  ฯ  เตน  โข  ปน  สมเยน ราชา มาคโธ อชาตสตฺตุ
เวเทหิปุตฺโต   วชฺชึ   ๑-   อภิยาตุกาโม   โหติ   ฯ   โส  เอวมาห
อหํ   หิ   เม  วชฺชึ  เอวํมหิทฺธิเก  เอวํมหานุภาเว  อุจฺเฉชฺชามิ  วชฺชึ
วินาเสสฺสามิ วชฺชึ อนยพฺยสนํ อาปาเทสฺสามิ วชฺชินฺติ ฯ
     {๖๗.๑}  อถโข  ราชา  มาคโธ อชาตสตฺตุ เวเทหิปุตฺโต วสฺสการํ
พฺราหฺมณํ   มคธมหามตฺตํ  อามนฺเตสิ  เอหิ  ตฺวํ  พฺราหฺมณ  เยน  ภควา
เตนุปสงฺกม   อุปสงฺกมิตฺวา   มม   วจเนน   ภควโต   ปาเท   สิรสา
วนฺทาหิ   อปฺปาพาธํ   อปฺปาตงฺกํ   ลหุฏฺานํ   พลํ   ผาสุวิหารํ   ปุจฺฉ
ราชา   ภนฺเต   มาคโธ   อชาตสตฺตุ   เวเทหิปุตฺโต   ภควโต  ปาเท
สิรสา   วนฺทติ   อปฺปาพาธํ   อปฺปาตงฺกํ   ลหุฏฺานํ   พลํ   ผาสุวิหารํ
ปุจฺฉตีติ    เอวญฺจ    วเทหิ    ราชา   ภนฺเต   มาคโธ   อชาตสตฺตุ
เวเทหิปุตฺโต   วชฺชึ   อภิยาตุกาโม  โส  เอวมาห  อหํ  หิ  เม  วชฺชี
เอวํมหิทฺธิเก    เอวํมหานุภาเว    อุจฺเฉชฺชามิ    วชฺชึ   วินาเสสฺสามิ
วชฺชึ   อนยพฺยสนํ   อาปาเทสฺสามิ   วชฺชินฺติ   ยถา   จ   เต  ภควา
พฺยากโรติ   ตํ   สาธุกํ   อุคฺคเหตฺวา   มม   อาโรเจยฺยาสิ   น   หิ
ตถาคตา วิตถํ ภณนฺตีติ ฯ
     {๖๗.๒}  เอวํ  โภติ  โข  วสฺสกาโร  พฺราหฺมโณ  มคธมหามตฺโต
รญฺโ     มาคธสฺส     อชาตสตฺตุสฺส     เวเทหิปุตฺตสฺส    ปฏิสฺสุตฺวา
ภทฺทานิ    ภทฺทานิ    ยานานิ    โยเชตฺวา    ภทฺทํ    ภทฺทํ    ยานํ
@เชิงอรรถ:  ม. ยุ. วชฺชี ฯ อิโต ปรํ อีทิสเมว ฯ  ม. อุจฺเฉจฺฉามิ ฯ อิโต ปรํ อีทิสเมว ฯ
อภิรุหิตฺวา   ภทฺเทหิ   ภทฺเทหิ   ยาเนหิ   ราชคหมฺหา   นิยฺยาสิ  เยน
คิชฺฌกูโฏ   ปพฺพโต   เตน   ปายาสิ   ยาวติกา  ยานสฺส  ภูมิ  ยาเนน
คนฺตฺวา   ยานา  ปจฺโจโรหิตฺวา  ปตฺติโก  ว  เยน  ภควา  เตนุปสงฺกมิ
อุปสงฺกมิตฺวา   ภควตา   สทฺธึ   สมฺโมทิ   สมฺโมทนียํ   กถํ   สาราณียํ
วีติสาเรตฺวา   เอกมนฺตํ   นิสีทิ  ฯ  เอกมนฺตํ  นิสินฺโน  โข  วสฺสกาโร
พฺราหฺมโณ   มคธมหามตฺโต   ภควนฺตํ   เอตทโวจ   ราชา  โภ  โคตม
มาคโธ   อชาตสตฺตุ   เวเทหิปุตฺโต   โภโต   โคตมสฺส  ปาเท  สิรสา
วนฺทติ   อปฺปาพาธํ   อปฺปาตงฺกํ   ลหุฏฺานํ   พลํ   ผาสุวิหารํ   ปุจฺฉติ
ราชา  โภ  โคตม  มาคโธ  อชาตสตฺตุ  เวเทหิปุตฺโต วชฺชึ อภิยาตุกาโม
โส  เอวมาห  อหํ  หิ เม วชฺชี เอวํมหิทฺธิเก เอวํมหานุภาเว อุจฺเฉชฺชามิ
วชฺชึ วินาเสสฺสามิ วชฺชึ อนยพฺยสนํ อาปาเทสฺสามิ วชฺชินฺติ ฯ
     [๖๘]   เตน   โข   ปน  สมเยน  อายสฺมา  อานนฺโท  ภควโต
ปิฏฺิโต ิโต โหติ ภควนฺตํ วีชิยมาโน ๑- ฯ
     {๖๘.๑}  อถโข  ภควา  อายสฺมนฺตํ  อานนฺทํ อามนฺเตสิ กินฺติ  เต
อานนฺท  สุตํ  วชฺชี  อภิณฺหสนฺนิปาตา  สนฺนิปาตพหุลาติ  ฯ สุตํ เมตํ ภนฺเต
วชฺชี   อภิณฺหสนฺนิปาตา   สนฺนิปาตพหุลาติ  ฯ  ยาวกีวญฺจ  อานนฺท  วชฺชี
อภิณฺหสนฺนิปาตา   สนฺนิปาตพหุลา  ภวิสฺสนฺติ  ๒-  วุฑฺฒิเยว  ๒-  อานนฺท
@เชิงอรรถ:  ม. วิชยมาโน ฯ ยุ. วิชมาโน ฯ  อภิณฺหสนฺนิปาตา ภวิสฺสนฺติ สนฺนิปาตพหุลาติปิ
@ปากฺกเมน ภวิตพฺพํ ฯ  ม. ยุ. วุทฺธิเยว ฯ อิโต ปรํ อีทิสเมว ฯ
วชฺชีนํ ปาฏิกงฺขา โน ปริหานิ ฯ
     {๖๘.๒}  กินฺติ  เต  อานนฺท  สุตํ วชฺชี สมคฺคา สนฺนิปตนฺติ สมคฺคา
วุฏฺหนฺติ  สมคฺคา  วชฺชิกรณียานิ  กโรนฺตีติ  ฯ  สุตํ  เมตํ  ภนฺเต  วชฺชี
สมคฺคา    สนฺนิปตนฺติ    สมคฺคา    วุฏฺหนฺติ   สมคฺคา   วชฺชิกรณียานิ
กโรนฺตีติ  ฯ  ยาวกีวญฺจ  อานนฺท  วชฺชี  สมคฺคา  สนฺนิปติสฺสนฺติ  สมคฺคา
วุฏฺหิสฺสนฺติ    สมคฺคา   วชฺชิกรณียานิ   กริสฺสนฺติ   วุฑฺฒิเยว   อานนฺท
วชฺชีนํ ปาฏิกงฺขา โน ปริหานิ ฯ
     {๖๘.๓}  กินฺติ  เต  อานนฺท  สุตํ วชฺชี อปญฺตฺตํ น ปญฺเปนฺติ ๑-
ปญฺตฺตํ    น    สมุจฺฉินฺทนฺติ    ยถาปญฺตฺเต    โปราเณ   วชฺชิธมฺเม
สมาทาย   วตฺตนฺตีติ   ฯ   สุตํ   เมตํ   ภนฺเต   วชฺชี   อปญฺตฺตํ  น
ปญฺเปนฺติ    ปญฺตฺตํ    น    สมุจฺฉินฺทนฺติ    ยถาปญฺตฺเต   โปราเณ
วชฺชิธมฺเม    สมาทาย    วตฺตนฺตีติ   ฯ   ยาวกีวญฺจ   อานนฺท   วชฺชี
อปญฺตฺตํ     น     ปญฺเปสฺสนฺติ     ปญฺตฺตํ    น    สมุจฺฉินฺทิสฺสนฺติ
ยถาปญฺตฺเต   โปราเณ   วชฺชิธมฺเม   สมาทาย   วตฺติสฺสนฺติ  วุฑฺฒิเยว
อานนฺท วชฺชีนํ ปาฏิกงฺขา โน ปริหานิ ฯ
     {๖๘.๔}  กินฺติ  เต  อานนฺท สุตํ วชฺชี เย เต วชฺชีนํ วชฺชิมหลฺลกา
เต   สกฺกโรนฺติ   ครุกโรนฺติ  ๒-  มาเนนฺติ  ปูเชนฺติ  เตสญฺจ  โสตพฺพํ
มญฺนฺตีติ   ฯ  สุตํ  เมตํ  ภนฺเต  วชฺชี  เย  เต  วชฺชีนํ  วชฺชิมหลฺลกา
เต   สกฺกโรนฺติ   ครุกโรนฺติ   มาเนนฺติ   ปูเชนฺติ   เตสญฺจ   โสตพฺพํ
มญฺนฺตีติ    ฯ     ยาวกีวญฺจ    อานนฺท   วชฺชี   เย   เต   วชฺชีนํ
@เชิงอรรถ:  ปญฺาเปนฺตีติปิ ปาโ ม. ครุํ กโรนฺติ ฯ อิโต ปรํ อีทิสเมว ฯ
วชฺชิมหลฺลกา   เต   สกฺกริสฺสนฺติ   ครุกริสฺสนฺติ  มาเนสฺสนฺติ  ปูเชสฺสนฺติ
เตสญฺจ   โสตพฺพํ   มญฺิสฺสนฺติ   วุฑฺฒิเยว   อานนฺท  วชฺชีนํ  ปาฏิกงฺขา
โน ปริหานิ ฯ
     {๖๘.๕}  กินฺติ  เต อานนฺท สุตํ วชฺชี ยา ตา กุลิตฺถิโย กุลกุมาริโย
ตา  น  โอกฺกสฺส  ปสยฺห  วาเสนฺตีติ  ฯ  สุตํ  เมตํ ภนฺเต วชฺชี ยา ตา
กุลิตฺถิโย  กุลกุมาริโย  ตา  น  โอกฺกสฺส  ปสยฺห วาเสนฺตีติ ฯ ยาวกีวญฺจ
อานนฺท  วชฺชี  ยา  ตา  กุลิตฺถิโย  กุลกุมาริโย  ตา  น โอกฺกสฺส ปสยฺห
วาเสสฺสนฺติ วุฑฺฒิเยว อานนฺท วชฺชีนํ ปาฏิกงฺขา โน ปริหานิ ฯ
     {๖๘.๖}  กินฺติ เต อานนฺท สุตํ วชฺชี ยานิ ตานิ วชฺชีนํ วชฺชิเจติยานิ
อพฺภนฺตรานิ    เจว    พาหิรานิ   จ   ตานิ   สกฺกโรนฺติ   ครุกโรนฺติ
มาเนนฺติ   ปูเชนฺติ   เตสญฺจ   ทินฺนปุพฺพํ   กตปุพฺพํ   ธมฺมิกํ   พลึ  โน
ปริหาเปนฺตีติ  ฯ  สุตํ  เมตํ  ภนฺเต  วชฺชี  ยานิ ตานิ วชฺชี วชฺชิเจติยานิ
อพฺภนฺตรานิ  เจว  พาหิรานิ  จ  ตานิ  สกฺกโรนฺติ  ครุกโรนฺติ  มาเนนฺติ
ปูเชนฺติ  เตสญฺจ  ทินฺนปุพฺพํ  กตปุพฺพํ  ธมฺมิกํ  พลึ  โน  ปริหาเปนฺตีติ  ฯ
ยาวกีวญฺจ  อานนฺท  วชฺชี  ยานิ  ตานิ  วชฺชีนํ  วชฺชิเจติยานิ อพฺภนฺตรานิ
เจว  พาหิรานิ  จ  ตานิ  สกฺกริสฺสนฺติ ครุกริสฺสนฺติ มาเนสฺสนฺติ ปูเชสฺสนฺติ
เตสญฺจ   ทินฺนปุพฺพํ  กตปุพฺพํ  ธมฺมิกํ  พลึ  โน  ปริหาเปสฺสนฺติ  วุฑฺฒิเยว
อานนฺท วชฺชีนํ ปาฏิกงฺขา โน ปริหานิ ฯ
     {๖๘.๗}    กินฺติ    เต    อานนฺท   สุตํ   วชฺชีนํ   อรหนฺเตสุ
ธมฺมิการกฺขาวรณคุตฺติ      สุสํวิหิตา      กินฺติ      อนาคตา      จ
อรหนฺโต   วิชิตํ   อาคจฺเฉยฺยุํ   อาคตา   จ   อรหนฺโต  วิชิเต  ผาสุํ
วิหเรยฺยุนฺติ  ฯ  สุตํ  เมตํ  ภนฺเต วชฺชีนํ อรหนฺเตสุ ธมฺมิการกฺขาวรณคุตฺติ
สุสํวิหิตา   กินฺติ   อนาคตา   จ  อรหนฺโต  วิชิตํ  อาคจฺเฉยฺยุํ  อาคตา
จ   อรหนฺโต   วิชิเต   ผาสุํ   วิหเรยฺยุนฺติ   ฯ   ยาวกีวญฺจ  อานนฺท
วชฺชีนํ   อรหนฺเตสุ   ธมฺมิการกฺขาวรณคุตฺติ   สุสํวิหิตา   ภวิสฺสติ   กินฺติ
อนาคตา   จ   อรหนฺโต   วิชิตํ   อาคจฺเฉยฺยุํ   อาคตา  จ  อรหนฺโต
วิชิเต   ผาสุํ   วิหเรยฺยุนฺติ   วุฑฺฒิเยว   อานนฺท   วชฺชีนํ   ปาฏิกงฺขา
โน ปริหานีติ ฯ
     [๖๙]    อถโข    ภควา   วสฺสการํ   พฺราหฺมณํ   มคธมหามตฺตํ
อามนฺเตสิ   เอกมิทาหํ   พฺราหฺมณ  สมยํ  เวสาลิยํ  วิหรามิ  สารนฺทเท
เจติเย   ตตฺราหํ   วชฺชีนํ   อิเม   สตฺต  อปริหานิเย  ธมฺเม  เทเสสึ
ยาวกีวญฺจ    พฺราหฺมณ    อิเม   สตฺต   อปริหานิยา   ธมฺมา   วชฺชีสุ
สฺสนฺติ   อิเมสุ  จ  สตฺตสุ  อปริหานิเยสุ  ธมฺเมสุ  วชฺชี  สนฺทิสฺสิสฺสนฺติ
วุฑฺฒิเยว พฺราหฺมณ วชฺชีนํ ปาฏิกงฺขา โน ปริหานีติ ฯ
     {๖๙.๑}   เอวํ   วุตฺเต   วสฺสกาโร  พฺราหฺมโณ  มคธมหามตฺโต
ภควนฺตํ   เอตทโวจ   เอกเมเกนปิ  โภ  โคตม  อปริหานิเยน  ธมฺเมน
สมนฺนาคตานํ   วชฺชีนํ   วุฑฺฒิเยว   ปาฏิกงฺขา   โน  ปริหานิ  โก  ปน
วาโท  สตฺตหิ  อปริหานิเยหิ  ธมฺเมหิ  อกรณียา  จ  ๑- โภ โคตม วชฺชี
รญฺา   มาคเธน  อชาตสตฺตุนา  เวเทหิปุตฺเตน  ยทิทํ  ยุทฺธสฺส  อญฺตฺร
อุปลาปนาย   อญฺตฺร   มิถุเภทาย   หนฺท   จทาหิ   มยํ   โภ  โคตม
@เชิงอรรถ:  ม. ยุ. ว ฯ
คจฺฉาม   พหุกิจฺจา   มยํ   พหุกรณียาติ   ฯ   ยสฺสทานิ  ตฺวํ  พฺราหฺมณ
กาลํ   มญฺสีติ   ฯ   อถโข   วสฺสกาโร   พฺราหฺมโณ   มคธมหามตฺโต
ภควโต ภาสิตํ อภินนฺทิตฺวา อนุโมทิตฺวา อุฏฺายาสนา ปกฺกามิ ฯ
     [๗๐]   อถโข   ภควา   อจิรปกฺกนฺเต   วสฺสกาเร   พฺราหฺมเณ
มคธมหามตฺเต   อายสฺมนฺตํ   อานนฺทํ   อามนฺเตสิ   คจฺฉ  ตฺวํ  อานนฺท
ยาวติกา  ภิกฺขู  ราชคหํ  อุปนิสฺสาย  วิหรนฺติ  เต สพฺเพ อุปฏฺานสาลายํ
สนฺนิปาเตหีติ   ฯ   เอวํ   ภนฺเตติ   โข  อายสฺมา  อานนฺโท  ภควโต
ปฏิสฺสุตฺวา    ยาวติกา    ภิกฺขู   ราชคหํ   อุปนิสฺสาย   วิหรนฺติ   เต
สพฺเพ   อุปฏฺานสาลายํ   สนฺนิปาเตตฺวา   เยน   ภควา   เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา  เอกมนฺตํ  อฏฺาสิ  ฯ  เอกมนฺตํ
ิโต    โข   อายสฺมา   อานนฺโท   ภควนฺตํ   เอตทโวจ   สนฺนิปติโต
ภนฺเต ภิกฺขุสงฺโฆ ยสฺสทานิ ภนฺเต ภควา กาลํ มญฺสีติ ฯ
     {๗๐.๑}   อถโข   ภควา   อุฏฺายาสนา   เยน  อุปฏฺานสาลา
เตนุปสงฺกมิ   อุปสงฺกมิตฺวา   ปญฺตฺเต   อาสเน  นิสีทิ  ฯ  นิสชฺช  โข
ภควา   ภิกฺขู   อามนฺเตสิ   สตฺต   โว   ภิกฺขเว  อปริหานิเย  ธมฺเม
เทเสสฺสามิ   ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ
ภนฺเตติ   โข   เต   ภิกฺขู  ภควโต  ปจฺจสฺโสสุํ  ฯ  ภควา  เอตทโวจ
ยาวกีวญฺจ     ภิกฺขเว     ภิกฺขู     อภิณฺหสนฺนิปาตา    สนฺนิปาตพหุลา
ภวิสฺสนฺติ วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๐.๒}      ยาวกีวญฺจ      ภิกฺขเว      ภิกฺขู      สมคฺคา
สนฺนิปติสฺสนฺติ          สมคฺคา         วุฏฺหิสฺสนฺติ         สมคฺคา
สงฺฆกรณียานิ       กริสฺสนฺติ      วุฑฺฒิเยว      ภิกฺขเว      ภิกฺขูนํ
ปาฏิกงฺขา โน ปริหานิ ฯ
     {๗๐.๓}   ยาวกีวญฺจ  ภิกฺขเว  ภิกฺขู  อปญฺตฺตํ  น  ปญฺเปสฺสนฺติ
ปญฺตฺตํ      น     สมุจฺฉินฺทิสฺสนฺติ     ยถาปญฺตฺเตสุ     สิกฺขาปเทสุ
สมาทาย   วตฺติสฺสนฺติ   วุฑฺฒิเยว   ภิกฺขเว   ภิกฺขูนํ    ปาฏิกงฺขา  โน
ปริหานิ ฯ
     {๗๐.๔}  ยาวกีวญฺจ  ภิกฺขเว  ภิกฺขู  เย  เต ภิกฺขู เถรา รตฺตญฺ
จิรปพฺพชิตา     สงฺฆปิตโร     สงฺฆปรินายกา     เต     สกฺกริสฺสนฺติ
ครุกริสฺสนฺติ      มาเนสฺสนฺติ      ปูเชสฺสนฺติ     เตสญฺจ     โสตพฺพํ
มญฺิสฺสนฺติ วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๐.๕}    ยาวกีวญฺจ    ภิกฺขเว   ภิกฺขู   อุปฺปนฺนาย   ตณฺหาย
โปโนพฺภวิกาย    น    วสํ   คจฺฉิสฺสนฺติ   วุฑฺฒิเยว   ภิกฺขเว   ภิกฺขูนํ
ปาฏิกงฺขา โน ปริหานิ ฯ
     {๗๐.๖}   ยาวกีวญฺจ   ภิกฺขเว   ภิกฺขู  อารญฺเกสุ  เสนาสเนสุ
สาเปกฺขา   ภวิสฺสนฺติ   วุฑฺฒิเยว   ภิกฺขเว   ภิกฺขูนํ   ปาฏิกงฺขา   โน
ปริหานิ ฯ
     {๗๐.๗}    ยาวกีวญฺจ    ภิกฺขเว    ภิกฺขู   ปจฺจตฺตญฺเว   สตึ
อุปฏฺเปสฺสนฺติ     กินฺติ     อนาคตา    จ    เปสลา    สพฺรหฺมจารี
อาคจฺเฉยฺยุํ   อาคตา  จ  เปสลา  สพฺรหฺมจารี  ผาสุํ  ๑-  วิหเรยฺยุนฺติ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๐.๘}   ยาวกีวญฺจ   ภิกฺขเว  อิเม  สตฺต  อปริหานิยา  ธมฺมา
ภิกฺขูสุ   สฺสนฺติ   อิเมสุ   จ   สตฺตสุ   อปริหานิเยสุ   ธมฺเมสุ  ภิกฺขู
สนฺทิสฺสิสฺสนฺติ วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ๒-@เชิงอรรถ:  ม. ผาสุ ฯ  โน ปริหานีตีติปิ ปาเน ปน ภวิตพฺพํ ฯ
     [๗๑]  อปเรปิ โว ๑- ภิกฺขเว สตฺต อปริหานิเย ธมฺเม เทเสสฺสามิ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต ภิกฺขู ภควโต ปจฺจสฺโสสุํ ฯ
     {๗๑.๑}  ภควา  เอตทโวจ ยาวกีวญฺจ ภิกฺขเว ภิกฺขู น กมฺมารามา
ภวิสฺสนฺติ   น   กมฺมรตา  น  กมฺมารามตํ  อนุยุตฺตา  วุฑฺฒิเยว  ภิกฺขเว
ภิกฺขูนํ ปาฏิกงฺขา โน ปริหานิ ฯ
     {๗๑.๒}  ยาวกีวญฺจ  ภิกฺขเว  ภิกฺขู  น  ภสฺสารามา  ภวิสฺสนฺติ น
ภสฺสรตา    น   ภสฺสารามตํ   อนุยุตฺตา   วุฑฺฒิเยว   ภิกฺขเว   ภิกฺขูนํ
ปาฏิกงฺขา โน ปริหานิ ฯ
     {๗๑.๓}   ยาวกีวญฺจ   ภิกฺขเว  ภิกฺขู  น  นิทฺทารามา  ภวิสฺสนฺติ
น   นิทฺทารตา   น   นิทฺทารามตํ  อนุยุตฺตา  วุฑฺฒิเยว  ภิกฺขเว  ภิกฺขูนํ
ปาฏิกงฺขา โน ปริหานิ ฯ
     {๗๑.๔}    ยาวกีวญฺจ    ภิกฺขเว    ภิกฺขู   น   สงฺคณิการามา
ภวิสฺสนฺติ     น    สงฺคณิการตา    น    สงฺคณิการามตํ     อนุยุตฺตา
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๑.๕}   ยาวกีวญฺจ   ภิกฺขเว   ภิกฺขู   น  ปาปิจฺฉา  ภวิสฺสนฺติ
น  ปาปิกานํ  อิจฺฉานํ  วสํ  คตา  วุฑฺฒิเยว  ภิกฺขเว  ภิกฺขูนํ  ปาฏิกงฺขา
โน ปริหานิ ฯ
     {๗๑.๖}  ยาวกีวญฺจ  ภิกฺขเว  ภิกฺขู  น  ปาปมิตฺตา  ภวิสฺสนฺติ  น
ปาปสหายา   น  ปาปสมฺปวงฺกรา  วุฑฺฒิเยว  ภิกฺขเว  ภิกฺขูนํ  ปาฏิกงฺขา
โน ปริหานิ ฯ
     {๗๑.๗}  ยาวกีวญฺจ  ภิกฺขเว  ภิกฺขู น โอรมตฺตเกน วิเสสาธิคเมน
อนฺตรา   โวสานํ   อาปชฺชิสฺสนฺติ  วุฑฺฒิเยว  ภิกฺขเว  ภิกฺขูนํ  ปาฏิกงฺขา
โน ปริหานิ ฯ
     {๗๑.๘}   ยาวกีวญฺจ   ภิกฺขเว  อิเม  สตฺต  อปริหานิยา  ธมฺมา
@เชิงอรรถ:  สี. ยุ. โข ฯ สพฺพตฺถ อีทิสเมว ฯ
ภิกฺขูสุ   สฺสนฺติ   อิเมสุ   จ   สตฺตสุ   อปริหานิเยสุ   ธมฺเมสุ  ภิกฺขู
สนฺทิสฺสิสฺสนฺติ     วุฑฺฒิเยว     ภิกฺขเว    ภิกฺขูนํ    ปาฏิกงฺขา    โน
ปริหานิ ฯ
     [๗๒]  อปเรปิ  โว  ภิกฺขเว  สตฺต อปริหานิเย ธมฺเม เทเสสฺสามิ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต   ภิกฺขู   ภควโต   ปจฺจสฺโสสุํ   ฯ   ภควา  เอตทโวจ  ยาวกีวญฺจ
ภิกฺขเว   ภิกฺขู   สทฺธา   ภวิสฺสนฺติ   ฯเปฯ   หิริมนา   ภวิสฺสนฺติ   ฯ
โอตฺตปฺปี    ภวิสฺสนฺติ    ฯ   พหุสฺสุตา   ภวิสฺสนฺติ   ฯ   อารทฺธวิริยา
ภวิสฺสนฺติ    ฯ    อุปฏฺิตสฺสตี   ภวิสฺสนฺติ   ฯ   ปญฺวนฺโต   ภวิสฺสนฺติ
วุฑฺฒิเยว   ภิกฺขเว   ภิกฺขูนํ   ปาฏิกงฺขา   โน  ปริหานิ  ฯ  ยาวกีวญฺจ
ภิกฺขเว   อิเม   สตฺต   อปริหานิยา   ธมฺมา   ภิกฺขูสุ  สฺสนฺติ  อิเมสุ
จ   สตฺตสุ   อปริหานิเยสุ   ธมฺเมสุ   ภิกฺขู   สนฺทิสฺสิสฺสนฺติ   วุฑฺฒิเยว
ภิกฺขเว ภิกฺขูนํ ปาฏิกงฺขา โน ปริหานิ ฯ
     [๗๓]  อปเรปิ  โว  ภิกฺขเว  สตฺต อปริหานิเย ธมฺเม เทเสสฺสามิ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต ภิกฺขู ภควโต ปจฺจสฺโสสุํ ฯ
     {๗๓.๑}    ภควา    เอตทโวจ    ยาวกีวญฺจ   ภิกฺขเว   ภิกฺขู
สติสมฺโพชฺฌงฺคํ       ภาเวสฺสนฺติ      ฯเปฯ      ธมฺมวิจยสมฺโพชฺฌงฺคํ
ภาเวสฺสนฺติ   ฯ    วิริยสมฺโพชฺฌงฺคํ   ภาเวสฺสนฺติ   ฯ   ปีติสมฺโพชฺฌงฺคํ
ภาเวสฺสนฺติ   ฯ    ปสฺสทฺธิสมฺโพชฺฌงฺคํ  ภาเวสฺสนฺติ  ฯ  สมาธิสมฺโพชฺฌงฺคํ
ภาเวสฺสนฺติ   ฯ    อุเปกฺขาสมฺโพชฺฌงฺคํ    ภาเวสฺสนฺติ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๓.๒}   ยาวกีวญฺจ   ภิกฺขเว  อิเม  สตฺต  อปริหานิยา  ธมฺมา
ภิกฺขูสุ   สฺสนฺติ   อิเมสุ   จ   สตฺตสุ   อปริหานิเยสุ   ธมฺเมสุ  ภิกฺขู
สนฺทิสฺสิสฺสนฺติ วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     [๗๔]  อปเรปิ  โว  ภิกฺขเว  สตฺต อปริหานิเย ธมฺเม เทเสสฺสามิ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต   ภิกฺขู   ภควโต   ปจฺจสฺโสสุํ   ฯ   ภควา  เอตทโวจ  ยาวกีวญฺจ
ภิกฺขเว     ภิกฺขู    อนิจฺจสญฺ    ภาเวสฺสนฺติ    ฯเปฯ    อนตฺตสญฺ
ภาเวสฺสนฺติ  ฯ  อสุภสญฺ  ภาเวสฺสนฺติ  ฯ  อาทีนวสญฺ  ภาเวสฺสนฺติ  ฯ
ปหานสญฺ   ภาเวสฺสนฺติ   ฯ   วิราคสญฺ   ภาเวสฺสนฺติ  ฯ  นิโรธสญฺ
ภาเวสฺสนฺติ   วุฑฺฒิเยว   ภิกฺขเว   ภิกฺขูนํ  ปาฏิกงฺขา  โน  ปริหานิ  ฯ
ยาวกีวญฺจ   ภิกฺขเว   อิเม  สตฺต  อปริหานิยา  ธมฺมา  ภิกฺขูสุ  สฺสนฺติ
อิเมสุ    จ    สตฺตสุ   อปริหานิเยสุ   ธมฺเมสุ   ภิกฺขู   สนฺทิสฺสิสฺสนฺติ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     [๗๕]  อปเรปิ  โว  ภิกฺขเว  ฉ  อปริหานิเย  ธมฺเม เทเสสฺสามิ
ตํ   สุณาถ   สาธุกํ   มนสิกโรถ   ภาสิสฺสามีติ  ฯ  เอวํ  ภนฺเตติ  โข
เต ภิกฺขู ภควโต ปจฺจสฺโสสุํ ฯ
     {๗๕.๑}   ภควา   เอตทโวจ  ยาวกีวญฺจ  ภิกฺขเว  ภิกฺขู  เมตฺตํ
กายกมฺมํ   ปจฺจุปฏฺเปสฺสนฺติ   สพฺรหฺมจารีสุ   อาวิ   เจว   รโห   จ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๕.๒}  ยาวกีวญฺจ  ภิกฺขเว ภิกฺขู เมตฺตํ วจีกมฺมํ ปจฺจุปฏฺเปสฺสนฺติ
ฯเปฯ   เมตฺตํ   มโนกมฺมํ  ปจฺจุปฏฺเปสฺสนฺติ  สพฺรหฺมจารีสุ  อาวิ  เจว
รโห จ วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๕.๓}   ยาวกีวญฺจ   ภิกฺขเว  ภิกฺขู  เย  เต  ลาภา  ธมฺมิกา
ธมฺมลทฺธา    อนฺตมโส    ปตฺตปริยาปนฺนมตฺตํปิ    ตถารูเปหิ    ลาเภหิ
น    ๑-    อปฺปฏิวิภตฺตโภคี    ภวิสฺสนฺติ    สีลวนฺเตหิ   สพฺรหฺมจารีหิ
สาธารณโภคี วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๕.๔}  ยาวกีวญฺจ  ภิกฺขเว  ภิกฺขู  ยานิ  ตานิ  สีลานิ อขณฺฑานิ
อจฺฉิทฺทานิ     อสพลานิ     อกมฺมาสานิ     ภุชิสฺสานิ    วิญฺูปสตฺถานิ
อปรามฏฺานิ    สมาธิสํวตฺตนิกานิ   ตถารูเปสุ   สีเลสุ   สีลสามญฺคตา
วิหริสฺสนฺติ  สพฺรหฺมจารีหิ  อาวิ  เจว  รโห  จ  วุฑฺฒิเยว ภิกฺขเว ภิกฺขูนํ
ปฏิกงฺขา โน ปริหานิ ฯ
     {๗๕.๕}  ยาวกีวญฺจ  ภิกฺขเว  ภิกฺขู  ยายํ  ทิฏฺิ อริยา นิยฺยานิกา
นิยฺยาติ     ตกฺกรสฺส     สมฺมาทุกฺขกฺขยาย     ตถารูปาย     ทิฏฺิยา
ทิฏฺิสามญฺคตา   วิหริสฺสนฺติ   สพฺรหฺมจารีหิ   อาวิ   เจว   รโห   จ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานิ ฯ
     {๗๕.๖}  ยาวกีวญฺจ  ภิกฺขเว  อิเม  ฉ  อปริหานิยา ธมฺมา ภิกฺขูสุ
สฺสนฺติ   อิเมสุ   จ   ฉสุ  อปริหานิเยสุ  ธมฺเมสุ  ภิกฺขู  สนฺทิสฺสิสฺสนฺติ
วุฑฺฒิเยว ภิกฺขเว ภิกฺขูนํ ปาฏิกงฺขา โน ปริหานีติ ฯ
     {๗๕.๗}  ตตฺรปิ  สุทํ  ภควา  ราชคเห วิหรนฺโต คิชฺฌกูเฏ ปพฺพเต
เอตเทว  พหุลํ  ภิกฺขูนํ  ธมฺมึ  กถํ  กโรติ  อิติ สีลํ อิติ สมาธิ อิติ ปญฺา
สีลปริภาวิโต   สมาธิ   มหปฺผโล   โหติ   มหานิสํโส   สมาธิปริภาวิตา
@เชิงอรรถ:  ม. ยุ. นสทฺโท นตฺถิ ฯ อติเรโก ภเวยฺย ฯ
ปญฺา   มหปฺผลา   โหติ   มหานิสํสา   ปญฺาปริภาวิตํ  จิตฺตํ  สมฺมเทว
อาสเวหิ วิมุจฺจติ เสยฺยถีทํ กามาสวา ภวาสวา ๑- อวิชฺชาสวาติ ฯ
     [๗๖]  อถโข  ภควา  ราชคเห  ยถาภิรนฺตํ  วิหริตฺวา  อายสฺมนฺตํ
อานนฺทํ  อามนฺเตสิ  อายามานนฺท เยน อมฺพลฏฺิกา เตนุปสงฺกมิสฺสามาติ ฯ
เอวํ  ภนฺเตติ  โข  อายสฺมา  อานนฺโท  ภควโต  ปจฺจสฺโสสิ  ฯ  อถโข
ภควา  มหตา  ภิกฺขุสงฺเฆน  สทฺธึ  เยน  อมฺพลฏฺิกา  ตทวสริ  ฯ  ตตฺร
สุทํ  ภควา  อมฺพลฏฺิกายํ  วิหรติ  ราชาคารเก  ฯ  ตตฺรปิ  สุทํ  ภควา
อมฺพลฏฺิกายํ   วิหรนฺโต   ราชาคารเก   เอตเทว  พหุลํ  ภิกฺขูนํ  ธมฺมึ
กถํ   กโรติ   อิติปิ   สีลํ   อิติปิ   สมาธิ  อิติปิ  ปญฺา  สีลปริภาวิโต
สมาธิ    มหปฺผโล    โหติ    มหานิสํโส    สมาธิปริภาวิตา    ปญฺา
มหปฺผลา    โหติ    มหานิสํสา    ปญฺาปริภาวิตํ    จิตฺตํ    สมฺมเทว
อาสเวหิ วิมุจฺจติ เสยฺยถีทํ กามาสวา ภวาสวา อวิชฺชาสวาติ ฯ
     [๗๗]    อถโข   ภควา   อมฺพลฏฺิกายํ   ยถาภิรนฺตํ   วิหริตฺวา
อายสฺมนฺตํ    อานนฺทํ    อามนฺเตสิ    อายามานนฺท   เยน   นาฬนฺทา
เตนุปสงฺกมิสฺสามาติ   ฯ   เอวํ   ภนฺเตติ   โข   อายสฺมา   อานนฺโท
ภควโต   ปจฺจสฺโสสิ   ฯ   อถโข   ภควา   มหตา  ภิกฺขุสงฺเฆน  สทฺธึ
เยน   นาฬนฺทา   ตทวสริ   ฯ   ตตฺร  สุทํ  ภควา  นาฬนฺทายํ  วิหรติ
@เชิงอรรถ:  อิโต ปรํ ปายโต ทิฏฺาสวาติ ทิสฺสติ สุตฺตนฺตนเยน ปน ตโย อาสวา าตพฺพา ฯ
ปาวาทิกมฺพวเน ฯ
     {๗๗.๑}  อถโข  อายสฺมา  สารีปุตฺโต  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺโน    โข    อายสฺมา   สารีปุตฺโต   ภควนฺตํ   เอตทโวจ   เอวํ
ปสนฺโน   อหํ   ภนฺเต   ภควติ  น  จาหุ  น  จ  ภวิสฺสติ  น  เจตรหิ
วิชฺชติ     อญฺโ     สมโณ     วา    พฺราหฺมโณ    วา    ภควตา
ภิยฺโยภิญฺาตโร   ยทิทํ   สมฺโพธิยนฺติ   ฯ   อุฬารา   โข   เต   อยํ
สารีปุตฺต    อาสภิวาจา   ๑-   ภาสิตา   เอกํโส   คหิโต   สีหนาโท
นทิโต   เอวํ   ปสนฺโน  อหํ  ภนฺเต  ภควติ  น  จาหุ  น  จ  ภวิสฺสติ
น   เจตรหิ   วชฺชติ   อญฺโ   สมโณ   วา  พฺราหฺมโณ  วา  ภควตา
ภิยฺโยภิญฺาตโร ยทิทํ สมฺโพธิยนฺติ
     {๗๗.๒}  กึ  นุ  ๒- สารีปุตฺต เย เต อเหสุํ อตีตมทฺธานํ อรหนฺโต
สมฺมาสมฺพุทฺธา   สพฺเพ   เต  ภควนฺโต  เจตสา  เจโต  ปริจฺจ  วิทิตา
เอวํสีลา   เต   ภควนฺโต  อเหสุํ  อิติปิ  เอวํธมฺมา  ฯ  เอวํปญฺา  ฯ
เอวํวิหารี  ฯ  เอวํวิมุตฺตา  เต  ภควนฺโต  อเหสุํ  อิติปีติ  ฯ  โน เหตํ
ภนฺเตติ ๓- ฯ
     {๗๗.๓}  กึ  ปน  [๔]- สารีปุตฺต เย เต ภวิสฺสนฺติ อนาคตมทฺธานํ
อรหนฺโต  สมฺมาสมฺพุทฺธา  สพฺเพ เต ภควนฺโต เจตสา เจโต ปริจฺจ วิทิตา
เอวํสีลา  เต  ภควนฺโต  ภวิสฺสนฺติ  อิติปิ  เอวํธมฺมา  ฯ  เอวํปญฺา  ฯ
เอวํวิหารี   ฯ   เอวํวิมุตฺตา  เต  ภควนฺโต  ภวิสฺสนฺติ  อิติปีติ  ฯ  โน
เหตํ ภนฺเตติ ฯ
     {๗๗.๔}  กึ  ปน  สารีปุตฺต  เต  อหํ เอตรหิ อรหํ สมฺมาสมฺพุทฺโธ
เจตสา      เจโต      ปริจฺจ      วิทิโต     เอวํสีโล     ภควา
@เชิงอรรถ:  ม. ยุ. อาสภี วาจา ฯ  ม. เต ฯ  ม. ยุ. อิติสทฺโท นตฺถิ ฯ สพฺพตฺถ
@อีทิสเมว ฯ  ม. เต ฯ อิโต ปรํ อีทิสเมว ฯ
อิติปิ  เอวํธมฺโม  ฯ  เอวํปญฺโ  ฯ  เอวํวิหารี  ฯ  เอวํวิมุตฺโต  ภควา
อิติปีติ   ฯ  โน  เหตํ  ภนฺเตติ  ฯ  เอตฺถ  จ  หิ  ๑-  เต  สารีปุตฺต
อตีตานาคตปจฺจุปฺปนฺเนสุ    อรหนฺเตสุ   สมฺมาสมฺพุทฺเธสุ   เจโตปริญฺาย
าณํ  ๒-  นตฺถิ  อถ  กิญฺเจตรหิ  เต  อยํ สารีปุตฺต อุฬารา อาสภิวาจา
ภาสิตา   เอกํโส   คหิโต   สีหนาโท   นทิโต   เอวํ   ปสนฺโน   อหํ
ภนฺเต   ภควติ   น  จาหุ  น  จ  ภวิสฺสติ  น  เจตรหิ  วิชฺชติ  อญฺโ
สมโณ    วา    พฺราหฺมโณ    วา   ภควตา   ภิยฺโยภิญฺาตโร   ยทิทํ
สมฺโพธิยนฺติ ฯ
     {๗๗.๕}  น  โข  เม  ภนฺเต  อตีตานาคตปจฺจุปฺปนฺเนสุ อรหนฺเตสุ
สมฺมาสมฺพุทฺเธสุ   เจโตปริญฺาย   าณํ  อตฺถิ  อปิจ  [๓]-  ธมฺมนฺวโย
วิทิโต   เสยฺยถาปิ   ภนฺเต   รญฺโ   ปจฺจนฺติมํ  นครํ  ทฬฺหทฺวารํ  ๔-
ทฬฺหปาการโตรณํ     เอกทฺวารํ     ตตฺรสฺส     โทวาริโก    ปณฺฑิโต
วิยตฺโต   เมธาวี   อาตานํ  ๕-  นิวาเรตา  าตานํ  ปเวเสตา  โส
ตสฺส  นครสฺส  สมนฺตา  อนุจริยาย  ๖-  ปถํ  อนุกฺกมมาโน  น ปสฺเสยฺย
ปาการสนฺธึ   วา   ปาการวิวรํ  วา  อนฺตมโส  พิฬารนิกฺขมนมตฺตํปิ  ๗-
น   ปสฺเสยฺย   ตสฺส   เอวมสฺส   เย   โข  เกจิ  โอฬาริกา  ปาณา
อิมํ   นครํ  ปวิสนฺติ  วา  นิกฺขมนฺติ  วา  สพฺเพ  เต  อิมินา  ทฺวาเรน
ปวิสนฺติ   วา   นิกฺขมนฺติ  วาติ  เอวเมว  โข  เม  ภนฺเต  ธมฺมนฺวโย
วิทิโต   เย  เต  ภนฺเต  อเหสุํ  อตีตมทฺธานํ  อรหนฺโต  สมฺมาสมฺพุทฺธา
@เชิงอรรถ:  สี. ม. ยุ. เอตฺเถว หิ ฯ  สี. เจโตปริญฺาณํ ฯ ม. ยุ. เจโตปริยาณํ ฯ
@ ม. เม ฯ  สี. ม. ยุ. ทลฺหุทฺทาปํ ฯ  ม. ยุ. อญฺาตานํ ฯ  ม. ยุ.
@อนุปริยาย ฯ  สี. ม. ยุ. วิลารนิสฺสกฺกนมตฺตมฺปิ ฯ
สพฺเพ   เต   ภควนฺโต   ปญฺจ   นีวรเณ  ปหาย  เจตโส  อุปกฺกิเลเส
ปญฺาย     ทุพฺพลีกรเณ     จตูสุ     สติปฏฺาเนสุ     สุปติฏฺิตจิตฺตา
สตฺต    โพชฺฌงฺเค    ยถาภูตํ    ภาเวตฺวา    อนุตฺตรํ   สมฺมาสมฺโพธึ
อภิสมฺพุชฺฌึสุ   เยปิ   เต   ภนฺเต   ภวิสฺสนฺติ  อนาคตมทฺธานํ  อรหนฺโต
สมฺมาสมฺพุทฺธา    สพฺเพ    เต    ภควนฺโต   ปญฺจ   นีวรเณ   ปหาย
เจตโส    อุปกฺกิเลเส    ปญฺาย   ทุพฺพลีกรเณ   จตูสุ   สติปฏฺาเนสุ
สุปติฏฺิตจิตฺตา    สตฺต    โพชฺฌงฺเค    ยถาภูตํ   ภาเวตฺวา   อนุตฺตรํ
สมฺมาสมฺโพธึ    อภิสมฺพุชฺฌิสฺสนฺติ    ภควาปิ    ภนฺเต   เอตรหิ   อรหํ
สมฺมาสมฺพุทฺโธ   ปญฺจ   นีวรเณ   ปหาย  เจตโส  อุปกฺกิเลเส  ปญฺาย
ทุพฺพลีกรเณ   จตูสุ   สติปฏฺาเนสุ   สุปติฏฺิตจิตฺโต   สตฺต   โพชฺฌงฺเค
ยถาภูตํ ภาเวตฺวา อนุตฺตรํ สมฺมาสมฺโพธึ อภิสมฺพุทฺโธติ ฯ
     {๗๗.๖}  ตตฺรปิ  สุทํ  ภควา  นาฬนฺทายํ วิหรนฺโต ปาวาทิกมฺพวเน
เอตเทว  พหุลํ  ภิกฺขูนํ  ธมฺมึ  กถํ  กโรติ  อิติปิ  สีลํ  อิติปิ สมาธิ อิติปิ
ปญฺา     สีลปริภาวิโต     สมาธิ    มหปฺผโล    โหติ    มหานิสํโส
สมาธิปริภาวิตา   ปญฺา   มหปฺผลา   โหติ   มหานิสํสา  ปญฺาปริภาวิตํ
จิตฺตํ   สมฺมเทว   อาสเวหิ   วิมุจฺจติ   เสยฺยถีทํ  กามาสวา  ภวาสวา
อวิชฺชาสวาติ ฯ
     [๗๘]    อถโข    ภควา    นาฬนฺทายํ   ยถาภิรนฺตํ   วิหริตฺวา
อายสฺมนฺตํ    อานนฺทํ   อามนฺเตสิ   อายามานนฺท   เยน   ปาฏลิคาโม
เตนุปสงฺกมิสฺสามาติ  ฯ  เอวํ  ภนฺเตติ  โข  อายสฺมา  อานนฺโท ภควโต
ปจฺจสฺโสสิ   ฯ   อถโข   ภควา   มหตา   ภิกฺขุสงฺเฆน   สทฺธึ   เยน
ปาฏลิคาโม   ตทวสริ   ฯ   อสฺโสสุํ  โข  ปาฏลิคามิยา  ๑-  อุปาสกา
ภควา    กิร    ปาฏลิคามํ   อนุปฺปตฺโตติ   ฯ   อถโข   ปาฏลิคามิยา
อุปาสกา    เยน    ภควา    เตนุปสงฺกมึสุ    อุปสงฺกมิตฺวา   ภควนฺตํ
อภิวาเทตฺวา    เอกมนฺตํ    นิสีทึสุ    ฯ    เอกมนฺตํ   นิสินฺนา   โข
ปาฏลิคามิยา   อุปาสกา   ภควนฺตํ   เอตทโวจุํ  อธิวาเสตุ  โน  ภนฺเต
ภควา อาวสถาคารนฺติ ฯ อธิวาเสสิ ภควา ตุณฺหีภาเวน ฯ
     {๗๘.๑}   อถโข   ปาฏลิคามิยา   อุปาสกา   ภควโต  อธิวาสนํ
วิทิตฺวา    อุฏฺายาสนา    ภควนฺตํ    อภิวาเทตฺวา   ปทกฺขิณํ   กตฺวา
เยน   อาวสถาคารํ   เตนุปสงฺกมึสุ   อุปสงฺกมิตฺวา   สพฺพสนฺถริตํ   ๒-
สนฺถตํ   อาวสถาคารํ  สนฺถริตฺวา  อาสนานิ  ปญฺเปตฺวา  อุทกมณิกํ  ๓-
ปติฏฺาเปตฺวา   เตลปฺปทีปํ   อาโรเปตฺวา   เยน  ภควา  เตนุปสงฺกมึสุ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ  อฏฺสุ  ฯ  เอกมนฺตํ
ิตา   โข   ปาฏลิคามิยา   อุปาสกา  ภควนฺตํ  เอตทโวจุํ  สพฺพสนฺถริตํ
สนฺถตํ    ภนฺเต    อาวสถาคารํ    อาสนานิ   ปญฺตฺตานิ   อุทกมณิโก
ปติฏฺาปิโต   เตลปฺปทีโป   อาโรปิโต   ยสฺสทานิ  ภนฺเต  ภควา  กาลํ
มญฺตีติ ฯ
     {๗๘.๒}  อถโข  ภควา  ปุพฺพณฺหสมยํ  ๔-  นิวาเสตฺวา  ปตฺตจีวรํ
อาทาย    สทฺธึ    ภิกฺขุสงฺเฆน    เยน    อาวสถาคารํ   เตนุปสงฺกมิ
อุปสงฺกมิตฺวา   ปาเท   ปกฺขาเลตฺวา   อาวสถาคารํ   ปวิสิตฺวา  มชฺฌิมํ
@เชิงอรรถ:  ม. ปาฏลิคามิกา ฯ อิโต ปรํ อีทิสเมว ฯ  สี. ม. ยุ. สพฺพสนฺถรึ ฯ  ยุ.
@อุทกมณึ ฯ  ม. สายณฺหสมยํ ฯ
ถมฺภํ   นิสฺสาย   ปุรตฺถาภิมุโข   นิสีทิ   ฯ   ภิกฺขุสงฺโฆปิ   โข  ปาเท
ปกฺขาเลตฺวา  อาวสถาคารํ  ปวิสิตฺวา  ปจฺฉิมภิตฺตึ  นิสฺสาย  ปุรตฺถาภิมุโข
นิสีทิ   ภควนฺตญฺเว   ปุรกฺขตฺวา   ฯ   ปาฏลิคามิยาปิ   โข  อุปาสกา
ปาเท   ปกฺขาเลตฺวา   อาวสถาคารํ   ปวิสิตฺวา   ปุรตฺถิมภิตฺตึ  นิสฺสาย
ปจฺฉิมาภิมุขา นิสีทึสุ ภควนฺตญฺเว ปุรกฺขตฺวา ฯ
     [๗๙]  อถโข  ภควา  ปาฏลิคามิเย  อุปาสเก  อามนฺเตสิ ปญฺจิเม
คหปตโย   อาทีนวา   ทุสฺสีลสฺส  สีลวิปตฺติยา  ฯ  กตเม  ปญฺจ  ฯ  อิธ
คหปตโย    ทุสฺสีโล    สีลวิปนฺโน    ปมาทาธิกรณํ    มหตึ   โภคชานึ
นิคจฺฉติ อยํ ปโม อาทีนโว ทุสฺสีลสฺส สีลวิปตฺติยา ฯ
     {๗๙.๑}   ปุน   จปรํ  คหปตโย  ทุสฺสีลสฺส  สีลวิปนฺนสฺส  ปาปโก
กิตฺติสทฺโท อพฺภุคฺคจฺฉติ อยํ ทุติโย อาทีนโว ทุสฺสีลสฺส สีลวิปตฺติยา ฯ
     {๗๙.๒}  ปุน  จปรํ  คหปตโย  ทุสฺสีโล  สีลวิปนฺโน ยญฺเทว ปริสํ
อุปสงฺกมติ    ยทิ   ขตฺติยปริสํ   ยทิ   พฺราหฺมณปริสํ   ยทิ   คหปติปริสํ
ยทิ   สมณปริสํ  อวิสารโท  อุปสงฺกมติ  มงฺกุภูโต  อยํ  ตติโย  อาทีนโว
ทุสฺสีลสฺส สีลวิปตฺติยา ฯ
     {๗๙.๓}  ปุน  จปรํ  คหปตโย  ทุสฺสีโล  สีลวิปนฺโน สมฺมูโฬฺห กาลํ
กโรติ อยํ จตุตฺโถ อาทีนโว ทุสฺสีลสฺส สีลวิปตฺติยา ฯ
     {๗๙.๔}  ปุน  จปรํ  คหปตโย  ทุสฺสีโล  สีลวิปนฺโน กายสฺส เภทา
ปรมฺมรณา   อปายํ   ทุคฺคตึ   วินิปาตํ   นิรยํ   อุปปชฺชติ  อยํ  ปญฺจโม
อาทีนโว  ทุสฺสีลสฺส  สีลวิปตฺติยา  ฯ  อิเม  โข  คหปตโย ปญฺจ อาทีนวา
ทุสฺสีลสฺส สีลวิปตฺติยา ฯ
     [๘๐]   ปญฺจิเม   คหปตโย   อานิสํสา  สีลวโต  สีลสมฺปทาย  ฯ
กตเม   ปญฺจ   ฯ  อิธ  คหปตโย  สีลวา  สีลสมฺปนฺโน  อปฺปมาทาธิกรณํ
มหนฺตํ    โภคกฺขนฺธํ    อธิคจฺฉติ    อยํ   ปโม   อานิสํโส   สีลวโต
สีลสมฺปทาย ฯ
     {๘๐.๑}    ปุน    จปรํ    คหปตโย    สีลวโต   สีลสมฺปนฺนสฺส
กลฺยาโณ   กิตฺติสทฺโท   อพฺภุคฺคจฺฉติ   อยํ   ทุติโย   อานิสํโส  สีลวโต
สีลสมฺปทาย ฯ
     {๘๐.๒}   ปุน   จปรํ   คหปตโย  สีลวา  สีลสมฺปนฺโน  ยญฺเทว
ปริสํ   อุปสงฺกมติ   ยทิ  ขตฺติยปริสํ  ยทิ  พฺราหฺมณปริสํ  ยทิ  คหปติปริสํ
ยทิ    สมณปริสํ    วิสารโท    อุปสงฺกมติ   อมงฺกุภูโต   อยํ   ตติโย
อานิสํโส สีลวโต สีลสมฺปทาย ฯ
     {๘๐.๓}   ปุน   จปรํ  คหปตโย  สีลวา  สีลสมฺปนฺโน  อสมฺมูโฬฺห
กาลํ กโรติ อยํ จตุตฺโถ อานิสํโส สีลวโต สีลสมฺปทาย ฯ
     {๘๐.๔}   ปุน   จปรํ   คหปตโย   สีลวา  สีลสมฺปนฺโน  กายสฺส
เภทา    ปรมฺมรณา   สุคตึ   สคฺคํ   โลกํ   อุปปชฺชติ   อยํ   ปญฺจโม
อานิสํโส   สีลวโต   สีลสมฺปทาย   ฯ   อิเม   โข   คหปตโย   ปญฺจ
อานิสํสา สีลวโต สีลสมฺปทายาติ ฯ
     [๘๑]  อถโข  ภควา  ปาฏลิคามิเย อุปาสเก พหุเทว รตฺตึ ธมฺมิยา
กถาย    สนฺทสฺเสตฺวา    สมาทเปตฺวา   สมุตฺเตเชตฺวา   สมฺปหํเสตฺวา
อุยฺโยเชสิ    อภิกฺกนฺตา    โข   คหปตโย   รตฺติ   ยสฺสทานิ   ตุเมฺห
กาลํ   มญฺถาติ   ฯ   เอวํ   ภนฺเตติ   โข   ปาฏลิคามิยา  อุปาสกา
ภควโต   ปฏิสฺสุตฺวา   อุฏฺายาสนา   ภควนฺตํ   อภิวาเทตฺวา   ปทกฺขิณํ
กตฺวา   ปกฺกมึสุ   ฯ   อถโข   ภควา   อจิรปกฺกนฺเตสุ  ปาฏลิคามิเยสุ
อุปาสเกสุ สุญฺาคารํ ปาวิสิ ฯ
     [๘๒]   เตน   โข  ปน  สมเยน  สุนิธวสฺสการา  มคธมหามตฺตา
ปาฏลิคาเม   นครํ   มาเปนฺติ   วชฺชีนํ  ปฏิพาหาย  ฯ  เตน  โข  ปน
สมเยน    สมฺพหุลา    เทวตาโย    สหสฺเสว    ปาฏลิคาเม   วตฺถูนิ
ปริคฺคณฺหนฺติ  ฯ  ยสฺมึ  ปเทเส  มเหสกฺขา  เทวตา  วตฺถูนิ  ปริคฺคณฺหนฺติ
มเหสกฺขานํ   ตตฺถ   รญฺ  ราชมหามตฺตานํ  จิตฺตานิ  นมนฺติ  นิเวสนานิ
มาเปตุํ    ยมฺหิ    ปเทเส   มชฺฌิมา   เทวตา   วตฺถูนิ   ปริคฺคณฺหนฺติ
มชฺฌิมานํ   ตตฺถ   รญฺ   ราชมหามตฺตานํ   จิตฺตานิ  นมนฺติ  นิเวสนานิ
มาเปตุํ   ยมฺหิ   ปเทเส   นีจา   เทวตา  วตฺถูนิ  ปริคฺคณฺหนฺติ  นีจานํ
ตตฺถ   รญฺ   ราชมหามตฺตานํ  จิตฺตานิ  นมนฺติ  นิเวสนานิ  มาเปตุํ  ฯ
อทฺทสา   โข   ภควา   ทิพฺเพน  จกฺขุนา  วิสุทฺเธน  อติกฺกนฺตมานุสเกน
ตา เทวตาโย สหสฺเสว ปาฏลิคาเม วตฺถูนิ ปริคฺคณฺหนฺติโย ฯ
     {๘๒.๑}  อถโข  ภควา  รตฺติยา ปจฺจูสสมเย ปจฺจุฏฺาย อายสฺมนฺตํ
อานนฺทํ  อามนฺเตสิ   โก ๑- นุ โข อานนฺท ปาฏลิคาเม นครํ มาเปตีติ ฯ
สุนิธวสฺสการา   ภนฺเต   มคธมหามตฺตา   ปาฏลิคาเม   นครํ  มาเปนฺติ
วชฺชีนํ   ปฏิพาหายาติ   ฯ   เสยฺยถาปิ   อานนฺท   เทเวหิ  ตาวตึเสหิ
สทฺธึ   สกฺโก   ๒-  มนฺเตตฺวา  เอวเมว  โข  อานนฺท  สุนิธวสฺสการา
มคธมหามตฺตา    ปาฏลิคาเม    นครํ   มาเปนฺติ   วชฺชีนํ   ปฏิพาหาย
อิธาหํ   อานนฺท  อทฺทสํ  ทิพฺเพน  จกฺขุนา  วิสุทฺเธน  อติกฺกนฺตมานุสเกน
สมฺพหุลา   เทวตาโย   สหสฺเสว   ปาฏลิคาเม   วตฺถูนิ  ปริคฺคณฺหนฺติโย
@เชิงอรรถ:  ม. เก นุ โข- มาเปนฺตีติ ฯ  ม. ยุ. อยํ ปาโ นตฺถิ ฯ
ยมฺหิ   ปเทเส   มเหสกฺขา   เทวตา  วตฺถูนิ  ปริคฺคณฺหนฺติ  มเหสกฺขานํ
ตตฺถ   รญฺ   ราชมหามตฺตานํ   จิตฺตานิ   นมนฺติ   นิเวสนานิ  มาเปตุํ
ยมฺหิ    ปเทเส   มชฺฌิมา   เทวตา   วตฺถูนิ   ปริคฺคณฺหนฺติ   มชฺฌิมานํ
ตตฺถ   รญฺ   ราชมหามตฺตานํ   จิตฺตานิ   นมนฺติ   นิเวสนานิ  มาเปตุํ
ยมฺหิ   ปเทเส   นีจา   เทวตา   วตฺถูนิ   ปริคฺคณฺหนฺติ   นีจานํ  ตตฺถ
รญฺ   ราชมหามตฺตานํ   จิตฺตานิ   นมนฺติ  นิเวสนานิ  มาเปตุํ  ยาวตา
อานนฺท    อริยํ    อายตนํ    ยาวตา    วณิปฺปโถ    อิทํ   อคฺคนครํ
ภวิสฺสติ   ปาฏลิปุตฺตํ   ปุฏเภทนํ   ปาฏลิปุตฺตสฺส   โข   อานนฺท   ตโย
อนฺตรายา ภวิสฺสนฺติ อคฺคิโต วา อุทกโต วา มิถุเภทา วาติ ฯ
     [๘๓]   อถโข   สุนิธวสฺสการา   มคธมหามตฺตา   เยน   ภควา
เตนุปสงฺกมึสุ    อุปสงฺกมิตฺวา   ภควตา   สทฺธึ   สมฺโมทึสุ   สมฺโมทนียํ
กถํ   สาราณียํ   วีติสาเรตฺวา   เอกมนฺตํ   อฏฺสุ  ฯ  เอกมนฺตํ  ิตา
โข   สุนิธวสฺสการา   มคธมหามตฺตา   ภควนฺตํ   เอตทโวจุํ  อธิวาเสตุ
โน   ภนฺเต   ภวํ  โคตโม  อชฺชตนาย  ภตฺตํ  สทฺธึ  ภิกฺขุสงฺเฆนาติ  ฯ
อธิวาเสสิ     ภควา    ตุณฺหีภาเวน    ฯ    อถโข    สุนิธวสฺสการา
มคธมหามตฺตา   ภควโต   อธิวาสนํ   วิทิตฺวา   เยน   สโก  อาวสโถ
เตนุปสงฺกมึสุ    อุปสงฺกมิตฺวา    สเก    อาวสเถ    ปณีตํ    ขาทนียํ
โภชนียํ   ปฏิยาทาเปตฺวา   ภควโต   กาลํ   อาโรจาเปสุํ  กาโล  โภ
โคตม นิฏฺิตํ ภตฺตนฺติ ฯ
     {๘๓.๑}     อถโข     ภควา     ปุพฺพณฺหสมยํ     นิวาเสตฺวา
ปตฺตจีวรมาทาย     สทฺธึ     ภิกฺขุสงฺเฆน     เยน    สุนิธวสฺสการานํ
มคธมหามตฺตานํ    อาวสโถ    เตนุปสงฺกมิ    อุปสงฺกมิตฺวา   ปญฺตฺเต
อาสเน   นิสีทิ   ฯ   อถโข  สุนิธวสฺสการา  มคธมหามตฺตา  พุทฺธปฺปมุขํ
ภิกฺขุสงฺฆํ    ปณีเตน    ขาทนีเยน    โภชนีเยน   สหตฺถา   สนฺตปฺเปสุํ
สมฺปวาเรสุํ    ฯ    อถโข   สุนิธวสฺสการา   มคธมหามตฺตา   ภควนฺตํ
ภุตฺตาวึ   โอนีตปตฺตปาณึ   อญฺตรํ   นีจํ   อาสนํ   คเหตฺวา  เอกมนฺตํ
นิสีทึสุ   ฯ   เอกมนฺตํ   นิสินฺเน   โข   สุนิธวสฺสกาเร  มคธมหามตฺเต
ภควา อิมาหิ คาถาหิ อนุโมทิ
     [๘๔]  ยสฺมึ ปเทเส กปฺเปติ      วาสํ ปณฺฑิตชาติโย ๑-
           สีลวนฺเตตฺถ โภเชตฺวา        สญฺเต พฺรหฺมจาริโน ๒- ฯ
           ยา ตตฺถ เทวตา อาสุํ ๓-    ตาสํ ทกฺขิณมาทิเส
           ตา ปูชิตา ปูชยนฺติ            มานิตา มานยนฺติ นํ ฯ
           ตโต นํ อนุกมฺปนฺติ           มาตา ปุตฺตํว โอรสํ
           เทวตานุกมฺปิโต โปโส       สทา ภทฺรานิ ปสฺสตีติ ฯ
     [๘๕]   อถโข   ภควา   สุนิธวสฺสกาเร   มคธมหามตฺเต  อิมาหิ
คาถาหิ   อนุโมทิตฺวา   อุฏฺายาสนา   ปกฺกามิ   ฯ   เตน   โข  ปน
สมเยน   สุนิธวสฺสการา   มคธมหามตฺตา   ภควนฺตํ   ปิฏฺิโต   ปิฏฺิโต
อนุพนฺธา   โหนฺติ   เยนชฺช   สมโณ   โคตโม   ทฺวาเรน   นิกฺขมิสฺสติ
ตํ   โคตมทฺวารํ  นาม  ภวิสฺสติ  เยน  ติตฺเถน  คงฺคานทึ  ๔-  ตริสฺสติ
ตํ   โคตมติตฺถํ   นาม   ภวิสฺสตีติ   ฯ  อถโข  ภควา  เยน  ทฺวาเรน
@เชิงอรรถ:  ยุ. ... ชาติโก ฯ  ม. ยุ. พฺรหฺมจารโย ฯ  ยุ. อสฺสุ ฯ  สี. ม. ยุ. คงฺคํ
@นทึ ฯ
นิกฺขมิ   ตํ   โคตมทฺวารํ   นาม   อโหสิ   ฯ   อถโข   ภควา  เยน
คงฺคา   นที   เตนุปสงฺกมิ   ฯ   เตน  โข  ปน  สมเยน  คงฺคา  นที
ปูรา   โหติ   สมติตฺติกา   กากเปยฺยา  ฯ  อปฺเปกจฺเจ  มนุสฺสา  นาวํ
ปริเยสนฺติ    อปฺเปกจฺเจ    อุฬุมฺปํ    ปริเยสนฺติ   อปฺเปกจฺเจ   กุลฺลํ
พนฺธนฺติ ปารา ปารํ ๑- คนฺตุกามา ฯ
     {๘๕.๑}  อถโข  ภควา  เสยฺยถาปิ  นาม  พลวา ปุริโส สมฺมิญฺชิตํ
วา  พาหํ  ปสาเรยฺย  ปสาริตํ  วา  พาหํ  สมฺมิญฺเชยฺย เอวเมว คงฺคาย
นทิยา โอริเม ตีเร อนฺตรหิโต ปาริเม ตีเร ปจฺจุฏฺาสิ สทฺธึ ภิกฺขุสงฺเฆน ฯ
อทฺทสา   โข   ภควา   เต   มนุสฺเส  อปฺเปกจฺเจ  นาวํ  ปริเยสนฺเต
อปฺเปกจฺเจ  อุฬุมฺปํ  ปริเยสนฺเต  อปฺเปกจฺเจ  กุลฺลํ พนฺธนฺเต ปารา ปารํ
คนฺตุกาเม   ฯ   อถโข  ภควา  เอตมตฺถํ  วิทิตฺวา  ตายํ  เวลายํ  อิมํ
อุทานํ อุทาเนสิ
     เย ตรนฺติ อณฺณวํ สรํ                เสตุํ กตฺวาน วิสชฺช ปลฺลลานิ
     กุลฺลํ [๒]- ชโน จ ๓- พนฺธติ      ติณฺณา เมธาวิโน ชนาติ ฯ
                    ปมภาณวารํ ๔- ฯ
     [๘๖]    อถโข    ภควา    อายสฺมนฺตํ    อานนฺทํ   อามนฺเตสิ
อายามานนฺท   เยน  โกฏิคาโม  เตนุปสงฺกมิสฺสามาติ  ฯ  เอวํ  ภนฺเตติ
โข   อายสฺมา   อานนฺโท   ภควโต   ปจฺจสฺโสสิ   ฯ   อถโข  ภควา
มหตา   ภิกฺขุสงฺเฆน   สทฺธึ   เยน   โกฏิคาโม   ตทวสริ   ฯ   ตตฺร
@เชิงอรรถ:  สี. ยุ. อปราปรํ ฯ ม. อปารา ปารํ ฯ อิโต ปรํ อีทิสเมว ฯ ยุ. โอรา ปารํ ฯ
@ ม. ยุ. หิ ฯ  ม. ยุ. จสทฺโท นตฺถิ ฯ  ม. ... วาโร ฯ
สุทํ ภควา โกฏิคาเม วิหรติ ฯ ตตฺร โข ภควา ภิกฺขู อามนฺเตสิ
     {๘๖.๑}   จตุนฺนํ   ภิกฺขเว  อริยสจฺจานํ  อนนุโพธา  อปฺปฏิเวธา
เอวมิทํ    ทีฆมทฺธานํ   สนฺธาวิตํ   สํสริตํ   มมญฺเจว   ตุมฺหากญฺจ   ฯ
กตเมสํ  จตุนฺนํ  ฯ  ทุกฺขสฺส  ภิกฺขเว  อริยสจฺจสฺส อนนุโพธา อปฺปฏิเวธา
เอวมิทํ    ทีฆมทฺธานํ   สนฺธาวิตํ   สํสริตํ   มมญฺเจว   ตุมฺหากญฺจ   ฯ
ทุกฺขสมุทยสฺส   ภิกฺขเว   อริยสจฺจสฺส   อนนุโพธา  อปฺปฏิเวธา  เอวมิทํ
ทีฆมทฺธานํ   สนฺธาวิตํ   สํสริตํ   มมญฺเจว  ตุมฺหากญฺจ  ฯ  ทุกฺขนิโรธสฺส
ภิกฺขเว   อริยสจฺจสฺส   อนนุโพธา   อปฺปฏิเวธา   เอวมิทํ   ทีฆมทฺธานํ
สนฺธาวิตํ  สํสริตํ  มมญฺเจว  ตุมฺหากญฺจ  ฯ  ทุกฺขนิโรธคามินิยา  ปฏิปทาย
ภิกฺขเว   อริยสจฺจสฺส   อนนุโพธา   อปฺปฏิเวธา   เอวมิทํ   ทีฆมทฺธานํ
สนฺธาวิตํ สํสริตํ มมญฺเจว ตุมฺหากญฺจ ฯ
     {๘๖.๒}  ตยิทํ ภิกฺขเว ทุกฺขํ อริยสจฺจํ อนุพุทฺธํ ปฏิวิทฺธํ ทุกฺขสมุทโย ๑-
อริยสจฺจํ  อนุพุทฺธํ  ปฏิวิทฺธํ  ทุกฺขนิโรโธ  ๒-  อริยสจฺจํ อนุพุทฺธํ ปฏิวิทฺธํ
ทุกฺขนิโรธคามินี  ปฏิปทา  อริยสจฺจํ  อนุพุทฺธํ  ปฏิวิทฺธํ  อุจฺฉินฺนา ภวตณฺหา
ขีณา  ภวเนตฺติ  นตฺถิทานิ  ปุนพฺภโวติ  ฯ  อิทมโวจ  ภควา  อิทํ วตฺวาน
สุคโต อถาปรํ เอตทโวจ สตฺถา
     [๘๗]  จตุนฺนํ อริยสจฺจานํ       ยถาภูตํ อทสฺสนา
           สํสริตํ ๓- ทีฆมทฺธานํ       ตาสุ ตาเสฺวว ชาติสุ ฯ
           ตานิ เอตานิ ทิฏฺานิ        ภวเนตฺติ สมูหตา
           อุจฺฉินฺนํ มูลํ ทุกฺขสฺส        นตฺถิทานิ ปุนพฺภโวติ ฯ
@เชิงอรรถ:  ม. ยุ. ทุกฺขสมุทยํ ฯ  ม. ยุ. ทุกฺขนิโรธํ ฯ  ม. ยุ. สํสิตํ ฯ
     [๘๘]  ตตฺรปิ  สุทํ  ภควา  โกฏิคาเม  วิหรนฺโต  เอตเทว  พหุลํ
ภิกฺขูนํ   ธมฺมึ   กถํ   กโรติ   อิติ   สีลํ   อิติ   สมาธิ   อิติ  ปญฺา
สีลปริภาวิโต   สมาธิ   มหปฺผโล   โหติ   มหานิสํโส   สมาธิปริภาวิตา
ปญฺา     มหปฺผลา     โหติ    มหานิสํสา    ปญฺาปริภาวิตํ    จิตฺตํ
สมฺมเทว    อาสเวหิ    วิมุจฺจติ    เสยฺยถีทํ    กามาสวา   ภวาสวา
อวิชฺชาสวาติ ฯ
     [๘๙]  อถโข  ภควา  โกฏิคาเม  ยถาภิรนฺตํ  วิหริตฺวา อายสฺมนฺตํ
อานนฺทํ  อามนฺเตสิ  อายามานนฺท เยน นาทิกา ๑- เตนุปสงฺกมิสฺสามาติ ฯ
เอวํ  ภนฺเตติ  โข  อายสฺมา  อานนฺโท  ภควโต  ปจฺจสฺโสสิ  ฯ  อถโข
ภควา   มหตา   ภิกฺขุสงฺเฆน   สทฺธึ  เยน  นาทิกา  ตทวสริ  ฯ  ตตฺร
สุทํ  ภควา  นาทิเก  วิหรติ  คิญฺชกาวสเถ  ฯ  อถโข อายสฺมา อานนฺโท
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ นิสีทิ ฯ
     {๘๙.๑}   เอกมนฺตํ   นิสินฺโน  โข  อายสฺมา  อานนฺโท  ภควนฺตํ
เอตทโวจ   สาโฬฺห  นาม  ภนฺเต  ภิกฺขุ  นาทิเก  กาลกโต  ตสฺส  กา
คติ  โก  อภิสมฺปราโย  นนฺทา  นาม  ภนฺเต  ภิกฺขุนี  นาทิเก  กาลกตา
ตสฺสา   กา   คติ  โก  อภิสมฺปราโย  สุทตฺโต  นาม  ภนฺเต  อุปาสโก
นาทิเก   กาลกโต   ตสฺส   กา   คติ   โก   อภิสมฺปราโย   สุชาตา
นาม     ภนฺเต    อุปาสิกา    นาทิเก    กาลกตา    ตสฺสา    กา
@เชิงอรรถ:  สี. ม. นาติกา ฯ อิโต ปรํ อีทิสเมว ฯ
คติ   โก   อภิสมฺปราโย  กกุโธ  ๑-  นาม  ภนฺเต  อุปาสโก  นาทิเก
กาลกโต    ตสฺส   กา   คติ   โก   อภิสมฺปราโย   การฬิมฺโภ   ๒-
นาม   ภนฺเต  อุปาสโก  ฯเปฯ  นิกโฏ  นาม  ภนฺเต  อุปาสโก  ฯเปฯ
กฏิสฺสโห   นาม   ภนฺเต   อุปาสโก   ฯเปฯ   ตุฏฺโ   นาม   ภนฺเต
อุปาสโก   ฯเปฯ  สนฺตุฏฺโ  นาม  ภนฺเต  อุปาสโก  ฯเปฯ  ภโฏ  ๓-
นาม   ภนฺเต   อุปาสโก   ฯเปฯ  สุภโฏ  ๔-  นาม  ภนฺเต  อุปาสโก
นาทิเก กาลกโต ตสฺส กา คติ โก อภิสมฺปราโยติ ฯ
     {๘๙.๒}   สาโฬฺห   อานนฺท   ภิกฺขุ   อาสวานํ   ขยา  อนาสวํ
เจโตวิมุตฺตึ    ปญฺาวิมุตฺตึ    ทิฏฺเ    ว    ธมฺเม   สยํ   อภิญฺา
สจฺฉิกตฺวา     อุปสมฺปชฺช     วิหาสิ     นนฺทา    อานนฺท    ภิกฺขุนี
ปญฺจนฺนํ     โอรมฺภาคิยานํ    สญฺโชนานํ    ปริกฺขยา    โอปปาติกา
ตตฺถ    ปรินิพฺพายินี    อนาวตฺติธมฺมา    ตสฺมา    โลกา    สุทตฺโต
อานนฺท   อุปาสโก   ติณฺณํ   สญฺโชนานํ   ปริกฺขยา   ราคโทสโมหานํ
ตนุตฺตา   สกทาคามี   สกิเทว   อิมํ   โลกํ   อาคนฺตฺวา   ทุกฺขสฺสนฺตํ
กริสฺสติ     สุชาตา     อานนฺท    อุปาสิกา    ติณฺณํ    สญฺโชนานํ
ปริกฺขยา   โสตาปนฺนา   อวินิปาตธมฺมา   นิยตา   สมฺโพธิปรายนา  ๕-
กกุโธ    อานนฺท    อุปาสโก   ปญฺจนฺนํ   โอรมฺภาคิยานํ   สญฺโชนานํ
ปริกฺขยา    โอปปาติโก    ตตฺถ   ปรินิพฺพายี   อนาวตฺติธมฺโม   ตสฺมา
โลกา    การฬิมฺโภ    อานนฺท   อุปาสโก   ฯเปฯ   นิกโฏ   อานนฺท
อุปาสโก   ฯ   กฏิสฺสโห   อานนฺท   อุปาสโก   ฯ   ตุฏฺโ   อานนฺท
@เชิงอรรถ:  ม. กุกฺกุโฏ ฯ  สี. ยุ. กาลิงฺโค ฯ ม. กาฬิมฺโภ ฯ อิโต ปรํ อีทิสเมว ฯ
@ สี. ม. ยุ. ภทฺโท ฯ  สี. ม. ยุ. สุภทฺโท ฯ  ม. สมฺโพธิปรายณา ฯ
อุปาสโก    ฯ   สนฺตุฏฺโ   อานนฺท   อุปาสโก   ฯ   ภโฏ   อานนฺท
อุปาสโก   ฯ   สุภโฏ   อานนฺท   อุปาสโก   ปญฺจนฺนํ   โอรมฺภาคิยานํ
สญฺโชนานํ   ปริกฺขยา   โอปปาติโก   ตตฺถ  ปรินิพฺพายี  อนาวตฺติธมฺโม
ตสฺมา   โลกา  ปโรปญฺาส  ๑-  อานนฺท  นาทิเก  อุปาสกา  กาลกตา
ปญฺจนฺนํ   โอรมฺภาคิยานํ   สญฺโชนานํ   ปริกฺขยา   โอปปาติกา   ตตฺถ
ปรินิพฺพายิโน  อนาวตฺติธมฺมา  ตสฺมา  โลกา  ฉาธิกา  ๒-  นวุติ อานนฺท
นาทิเก     อุปาสกา    กาลกตา    ติณฺณํ    สญฺโชนานํ    ปริกฺขยา
ราคโทสโมหานํ   ตนุตฺตา  สกทาคามิโน  สกิเทว  อิมํ  โลกํ  อาคนฺตฺวา
ทุกฺขสฺสนฺตํ   กริสฺสนฺติ   ทสาติเรกานิ  ๓-  อานนฺท  ปญฺจสตานิ  นาทิเก
อุปาสกา    กาลกตา    ติณฺณํ    สญฺโชนานํ   ปริกฺขยา   โสตาปนฺนา
อวินิปาตธมฺมา นิยตา สมฺโพธิปรายนา
     {๘๙.๓}  อนจฺฉริยํ  โข  ปเนตํ อานนฺท ยํ มนุสฺสภูโต กาลํ กเรยฺย
ตสฺมึ  ตสฺมึ  โข  ๔-  กาลกเต  ตถาคตํ อุปสงฺกมิตฺวา เอตมตฺถํ ปุจฺฉิสฺสถ
วิเหสาเวสา   ๕-  อานนฺท  ตถาคตสฺส  ตสฺมาติหานนฺท  ธมฺมทาสํ  นาม
ธมฺมปริยายํ   เทเสสฺสามิ  เยน  สมนฺนาคโต  อริยสาวโก  อากงฺขมาโน
อตฺตนา   ว   อตฺตานํ   พฺยากเรยฺย  ขีณนิรโยมฺหิ  ขีณติรจฺฉานโยนิ  ๖-
ขีณเปตฺติวิสโย         ขีณาปายทุคฺคติวินิปาโต        โสตาปนฺโนหมสฺมิ
อวินิปาตธมฺโม นิยโต สมฺโพธิปรายโนติ
     {๘๙.๔}   กตโม   จ   โส  อานนฺท  ธมฺมาทาโส  ธมฺมปริยาโย
เยน     สมนฺนาคโต    อริยสาวโก    อากงฺขมาโน    อตฺตนา    ว
อตฺตานํ        พฺยากเรยฺย        ขีณนิรโยมฺหิ       ขีณติรจฺฉานโยนิ
@เชิงอรรถ:  ม. ปโรปญฺาสํ ฯ  ม. ยุ. สาธิกา ฯ  ม. ยุ. สาติเรกานิ ฯ
@ ม. ตสฺมึ เยว กาลํกเต ฯ ยุ. ... เจ ฯ  ม. วิเหสา เหสา ฯ
@ ยุ. ... โยนิโย ฯ อิโต ปรํ อีทิสเมว ฯ
ขีณเปตฺติวิสโย         ขีณาปายทุคฺคติวินิปาโต        โสตาปนฺโนหมสฺมิ
อวินิปาตธมฺโม นิยโต สมฺโพธิปรายโนติ
     {๘๙.๕}    อิธานนฺท    อริยสาวโก   พุทฺเธ   อเวจฺจปฺปสาเทน
สมนฺนาคโต    โหติ    อิติปิ    โส    ภควา   อรหํ   สมฺมาสมฺพุทฺโธ
วิชฺชาจรณสมฺปนฺโน     สุคโต    โลกวิทู    อนุตฺตโร    ปุริสทมฺมสารถิ
สตฺถา    เทวมนุสฺสานํ    พุทฺโธ   ภควาติ   ธมฺเม   อเวจฺจปฺปสาเทน
สมนฺนาคโต   โหติ   สฺวากฺขาโต  ภควตา  ธมฺโม  สนฺทิฏฺิโก  อกาลิโก
เอหิปสฺสิโก    โอปนยิโก    ปจฺจตฺตํ    เวทิตพฺโพ    วิญฺูหีติ   สงฺเฆ
อเวจฺจปฺปสาเทน   สมนฺนาคโต   โหติ  สุปฏิปนฺโน  ภควโต  สาวกสงฺโฆ
อุชุปฏิปนฺโน   ภควโต   สาวกสงฺโฆ  ายปฏิปนฺโน  ภควโต  สาวกสงฺโฆ
สามีจิปฏิปนฺโน    ภควโต    สาวกสงฺโฆ   ยทิทํ   จตฺตาริ   ปุริสยุคานิ
อฏฺ  ปุริสปุคฺคลา  เอส  ภควโต  สาวกสงฺโฆ  อาหุเนยฺโย  ปาหุเนยฺโย
ทกฺขิเณยฺโย อญฺชลิกรณีโย อนุตฺตรํ ปุญฺกฺเขตฺตํ โลกสฺสาติ
     {๘๙.๖}   อริยกนฺเตหิ   สีเลหิ   สมนฺนาคโต   โหติ   อขณฺเฑหิ
อจฺฉิทฺเทหิ     อสพเลหิ     อกมฺมาเสหิ     ภุชิสฺเสหิ    วิญฺูปสตฺเถหิ
อปรามฏฺเหิ    สมาธิสํวตฺตนิเกหิ    อยํ   โข   อานนฺท   ธมฺมาทาโส
ธมฺมปริยาโย     เยน     สมนฺนาคโต    อริยสาวโก    อากงฺขมาโน
อตฺตนา    ว    อตฺตานํ   พฺยากเรยฺย   ขีณนิรโยมฺหิ   ขีณติรจฺฉานโยนิ
ขีณเปตฺติวิสโย         ขีณาปายทุคฺคติวินิปาโต        โสตาปนฺโนหมสฺมิ
อวินิปาตธมฺโม นิยโต สมฺโพธิปรายโนติ ฯ
     {๘๙.๗}   ตตฺรปิ   สุทํ  ภควา  นาทิเก  วิหรนฺโต  คิญฺชกาวสเถ
เอตเทว   พหุลํ  ภิกฺขูนํ  ธมฺมึ  กถํ  กโรติ  อิติ  สีลํ  อิติ  สมาธิ  อิติ
ปญฺา     สีลปริภาวิโต     สมาธิ    มหปฺผโล    โหติ    มหานิสํโส
สมาธิปริภาวิตา      ปญฺา      มหปฺผลา      โหติ      มหานิสํสา
ปญฺาปริภาวิตํ    จิตฺตํ    สมฺมเทว    อาสเวหิ    วิมุจฺจติ   เสยฺยถีทํ
กามาสวา ภวาสวา อวิชฺชาสวาติ ฯ
     [๙๐]   อถโข  ภควา  นาทิเก  ยถาภิรนฺตํ  วิหริตฺวา  อายสฺมนฺตํ
อานนฺทํ  อามนฺเตสิ  อายามานนฺท  เยน  เวสาลี  เตนุปสงฺกมิสฺสามาติ ฯ
เอวํ  ภนฺเตติ  โข  อายสฺมา  อานนฺโท  ภควโต  ปจฺจสฺโสสิ  ฯ  อถโข
ภควา  มหตา  ภิกฺขุสงฺเฆน  สทฺธึ  เยน  เวสาลี  ตทวสริ  ฯ  ตตฺร สุทํ
ภควา   เวสาลิยํ   วิหรติ   อมฺพปาลิวเน  ฯ  ตตฺร  โข  ภควา  ภิกฺขู
อามนฺเตสิ
     {๙๐.๑}  สโต  ภิกฺขเว  ภิกฺขุ  วิหเรยฺย  สมฺปชาโน  อยํ เต ๑-
อมฺหากํ  อนุสาสนี  ฯ  กถญฺจ  ภิกฺขเว  ภิกฺขุ  สโต  โหติ ฯ อิธ ภิกฺขเว
ภิกฺขุ   กาเย  กายานุปสฺสี  วิหรติ  อาตาปี  สมฺปชาโน  สติมา  วิเนยฺย
โลเก  อภิชฺฌาโทมนสฺสํ  ฯ  เวทนาสุ  ฯ  จิตฺเต  ฯ ธมฺเมสุ ธมฺมานุปสฺสี
วิหรติ  อาตาปี  สมฺปชาโน  สติมา  วิเนยฺย  โลเก  อภิชฺฌาโทมนสฺสํ  ฯ
เอวํ โข ภิกฺขเว ภิกฺขุ สโต โหติ ฯ
     {๙๐.๒}   กถญฺจ   ภิกฺขเว   ภิกฺขุ   สมฺปชาโน   โหติ  ฯ  อิธ
ภิกฺขเว      ภิกฺขุ      อภิกฺกนฺเต      ปฏิกฺกนฺเต      สมฺปชานการี
โหติ       อาโลกิเต       วิโลกิเต       สมฺปชานการี      โหติ
@เชิงอรรถ:  ม. ยุ. โว ฯ อิโต ปรํ อีทิสเมว ฯ
สมฺมิญฺชิเต    ปสาริเต    สมฺปชานการี   โหติ   สงฺฆาฏิปตฺตจีวรธารเณ
สมฺปชานการี   โหติ   อสิเต   ปีเต   ขายิเต   สายิเต  สมฺปชานการี
โหติ    อุจฺจารปสฺสาวกมฺเม    สมฺปชานการี    โหติ    คเต    ิเต
นิสินฺเน   สุตฺเต  ชาคริเต  ภาสิเต  ตุณฺหีภาเว  สมฺปชานการี  โหติ  ฯ
เอวํ   โข   ภิกฺขเว  ภิกฺขุ  สมฺปชาโน  โหติ  ฯ  สโต  ภิกฺขเว  ภิกฺขุ
วิหเรยฺย สมฺปชาโน อยํ โว อมฺหากํ อนุสาสนีติ ฯ
     [๙๑]   อสฺโสสิ   โข   อมฺพปาลี   คณิกา  ภควา  กิร  เวสาลึ
อนุปฺปตฺโต   เวสาลิยํ   วิหรติ   มยฺหํ  อมฺพวเนติ  ฯ  อถโข  อมฺพปาลี
คณิกา   ภทฺทานิ   ภทฺทานิ   ยานานิ   โยชาเปตฺวา  ภทฺทํ  ภทฺทํ  ยานํ
อภิรุหิตฺวา   ภทฺเทหิ   ภทฺเทหิ   ยาเนหิ   เวสาลิยา   นิยฺยาสิ   เยน
สโก   อาราโม   เตน   ปายาสิ   ยาวติกา   ยานสฺส   ภูมิ  ยาเนน
คนฺตฺวา  ยานา  ปจฺโจโรหิตฺวา  ปตฺติกา  ๑-  เยน  ภควา  เตนุปสงฺกมิ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ   นิสีทิ  ฯ  เอกมนฺตํ
นิสินฺนํ   โข   อมฺพปาลึ   คณิกํ   ภควา   ธมฺมิยา   กถาย  สนฺทสฺเสสิ
สมาทเปสิ   สมุตฺเตเชสิ   สมฺปหํเสสิ   ฯ   อถโข   อมฺพปาลี   คณิกา
ภควตา    ธมฺมิยา    กถาย    สนฺทสฺสิตา    สมาทปิตา   สมุตฺเตชิตา
สมฺปหํสิตา    ภควนฺตํ   เอตทโวจ   อธิวาเสตุ   เม   ภนฺเต   ภควา
สฺวาตนาย    ภตฺตํ    สทฺธึ   ภิกฺขุสงฺเฆนาติ   ฯ   อธิวาเสสิ   ภควา
ตุณฺหีภาเวน   ฯ   อถโข  อมฺพปาลี  คณิกา  ภควโต  อธิวาสนํ  วิทิตฺวา
อุฏฺายาสนา ภควนฺตํ อภิวาเทตฺวา ปทกฺขิณํ กตฺวา ปกฺกามิ ฯ
@เชิงอรรถ:  ม. ยุ. ปตฺติกาว ฯ
     [๙๒]   อสฺโสสุํ   โข   เวสาลิกา  ลิจฺฉวี  ภควา  กิร  เวสาลึ
อนุปฺปตฺโต   เวสาลิยํ   วิหรติ   อมฺพปาลิวเนติ  ฯ  อถโข  เต  ลิจฺฉวี
ภทฺทานิ   ภทฺทานิ  ยานานิ  โยชาเปตฺวา  ภทฺทํ  ภทฺทํ  ยานํ  อภิรุหิตฺวา
ภทฺเทหิ  ภทฺเทหิ  ยาเนหิ  เวสาลิยา  นิยฺยึสุ  ฯ  ตตฺร  เอกจฺเจ ลิจฺฉวี
นีลา   โหนฺติ   นีลวณฺณา   นีลวตฺถา   นีลาลงฺการา   เอกจฺเจ  ลิจฺฉวี
ปีตา   โหนฺติ   ปีตวณฺณา   ปีตวตฺถา   ปีตาลงฺการา   เอกจฺเจ  ลิจฺฉวี
โลหิตกา   ๑-   โหนฺติ   โลหิตกวณฺณา  โลหิตกวตฺถา  โลหิตกาลงฺการา
เอกจฺเจ    ลิจฺฉวี    โอทาตา   โหนฺติ   โอทาตวณฺณา   โอทาตวตฺถา
โอทาตาลงฺการา   ฯ   อถโข   อมฺพปาลี   คณิกา   ทหรานํ   ทหรานํ
ลิจฺฉวีนํ อกฺเขน อกฺขํ จกฺเกน จกฺกํ ยุคฺเคน ยุคฺคํ ๒- ปฏิวฏฺเฏสิ ฯ
     {๙๒.๑}  อถโข  เต  ลิจฺฉวี  อมฺพปาลึ  คณิกํ  เอตทโวจุํ  กึ เช
อมฺพปาลิ   ทหรานํ   ทหรานํ   ลิจฺฉวีนํ   อกฺเขน  อกฺขํ  จกฺเกน  จกฺกํ
ยุคฺเคน   ยุคฺคํ  ปฏิวฏฺเฏสีติ  ฯ  ตถา  หิ  ปน  เม  อยฺยปุตฺตา  ภควา
นิมนฺติโต   สฺวาตนาย   ภตฺตํ   สทฺธึ   ภิกฺขุสงฺเฆนาติ   ฯ   เทหิ  เช
อมฺพปาลิ  เอตํ  ภตฺตํ  สตสหสฺเสนาติ  ฯ  สเจ  หิ  ๓-  เม อยฺยปุตฺตา
เวสาลึ สาหารํ ทสฺสถ เอวํปิ มหนฺตํ ๔- ภตฺตํ น ทสฺสามีติ ฯ
     {๙๒.๒}  อถโข เต ลิจฺฉวี องฺคุลี โปเสุํ ๕- ชิตมฺหา วต โภ อมฺพปาลิกาย
วญฺจิตมฺหา  ๖-  วต  โภ  อมฺพปาลิกายาติ  ๗-  ฯ  อถโข  เต  ลิจฺฉวี
@เชิงอรรถ:  โลหิตา ... โลหิตาลงฺการา  ยุโรปิยวินยโปตฺถเกเยว อีสาย อีสํ จกฺเกน จกฺกํ
@ยุคฺเคน ยุคฺคํ อกฺเขน อกฺขนฺติ ปาลิกฺกโม ทิสฺสติ ฯ  ม. ยุ. ปิ ฯ  ม. เอวมหํ
@ตํ  ม. องฺคุลึ โผเฏสุํ ฯ อิโต ปรํ อีทิสเมว ฯ  สี. ยุ. ปราชิตมฺหา ฯ
@ ม. อมฺพกายาติ ฯ
เยน   อมฺพปาลิวนํ   เตน   ปายึสุ   ฯ   อทฺทสา   โข   ภควา  เต
ลิจฺฉวี   ทูรโต   ว   อาคจฺฉนฺเต   ทิสฺวาน   ภิกฺขู   อามนฺเตสิ  เยสํ
ภิกฺขเว   ภิกฺขูนํ   เทวา   ตาวตึสา   อทิฏฺปุพฺพา  โอโลเกถ  ภิกฺขเว
ลิจฺฉวิปริสํ   อวโลเกถ   ๑-   ภิกฺขเว   ลิจฺฉวิปริสํ  อุปสํหรถ  ภิกฺขเว
ลิจฺฉวิปริสํ   ตาวตึสสทิสนฺติ   ฯ  อถโข  เต  ลิจฺฉวี  ยาวติกา  ยานสฺส
ภูมิ   ยาเนน   คนฺตฺวา   ยานา   ปจฺโจโรหิตฺวา   ปตฺติกา   ว  เยน
ภควา     เตนุปสงฺกมึสุ     อุปสงฺกมิตฺวา     ภควนฺตํ    อภิวาเทตฺวา
เอกมนฺตํ  นิสีทึสุ  ฯ  เอกมนฺตํ  นิสินฺเน  โข  เต  ลิจฺฉวี ภควา ธมฺมิยา
กถาย สนฺทสฺเสสิ สมาทเปสิ สมุตฺเตเชสิ สมฺปหํเสสิ ฯ
     {๙๒.๓}  อถโข  เต  ลิจฺฉวี  ภควตา  ธมฺมิยา  กถาย สนฺทสฺสิตา
สมาทปิตา   สมุตฺเตชิตา   สมฺปหํสิตา   ภควนฺตํ   เอตทโวจุํ  อธิวาเสตุ
โน   ภนฺเต  ภควา  สฺวาตนาย  ภตฺตํ  สทฺธึ  ภิกฺขุสงฺเฆนาติ  [๒]-  ฯ
อธิวาสิตํ  ๓-  โข  เม  ลิจฺฉวี สฺวาตนาย อมฺพปาลิคณิกาย ภตฺตนฺติ ๔- ฯ
อถโข   เต   ลิจฺฉวี  องฺคุลี  โปเสุํ  ชิตมฺหา  วต  โภ  อมฺพปาลิกาย
วญฺจิตมฺหา   วต  โภ  อมฺพปาลิกายาติ  ฯ  อถโข  เต  ลิจฺฉวี  ภควโต
ภาสิตํ      อภินนฺทิตฺวา     อนุโมทิตฺวา     อุฏฺายาสนา     ภควนฺตํ
อภิวาเทตฺวา ปทกฺขิณํ กตฺวา ปกฺกมึสุ ฯ
     {๙๒.๔}   อถโข   อมฺพปาลี   คณิกา  ตสฺสา  รตฺติยา  อจฺจเยน
สเก   อาราเม   ปณีตํ   ขาทนียํ   โภชนียํ   ปฏิยาทาเปตฺวา  ภควโต
@เชิงอรรถ:  ม. อปโลเกถ ฯ  ม. อถโข ภควา เต ลิจฺฉวี เอตทโวจ ฯ  สี. ม. ยุ.
@อธิวุตฺตํ ฯ  ยุโรปิยวินยโปตฺถเก ปน อธิวุตฺโถมฺหิ ลิจฺฉวี สฺวาตนาย คณิกาย
@ภตฺตนฺตีติ ปาลิกฺกโม ทิสฺสติ ฯ
กาลํ   อาโรจาเปสิ   กาโล   ภนฺเต   นิฏฺิตํ   ภตฺตนฺติ   ฯ   อถโข
ภควา     ปุพฺพณฺหสมยํ    นิวาเสตฺวา    ปตฺตจีวรํ    อาทาย    สทฺธึ
ภิกฺขุสงฺเฆน    เยน    อมฺพปาลิคณิกาย   ปริเวสนํ   ๑-   เตนุปสงฺกมิ
อุปสงฺกมิตฺวา   ปญฺตฺเต   อาสเน   นิสีทิ  ฯ  อถโข  อมฺพปาลี  คณิกา
พุทฺธปฺปมุขํ    ภิกฺขุสงฺฆํ    ปณีเตน    ขาทนีเยน   โภชนีเยน   สหตฺถา
สนฺตปฺเปสิ    สมฺปวาเรสิ    ฯ   อถโข   อมฺพปาลี   คณิกา   ภควนฺตํ
ภุตฺตาวึ   โอนีตปตฺตปาณึ   อญฺตรํ   นีจํ   อาสนํ   คเหตฺวา  เอกมนฺตํ
นิสีทิ    ฯ    เอกมนฺตํ   นิสินฺนา   โข   อมฺพปาลี   คณิกา   ภควนฺตํ
เอตทโวจ    อิมาหํ    ภนฺเต    อารามํ   พุทฺธปฺปมุขสฺส   ภิกฺขุสงฺฆสฺส
ทมฺมีติ   ฯ   ปฏิคฺคเหสิ   ภควา  อารามํ  ฯ  อถโข  ภควา  อมฺพปาลึ
คณิกํ   ธมฺมิยา   กถาย   สนฺทสฺเสตฺวา   สมาทเปตฺวา   สมุตฺเตเชตฺวา
สมฺปหํเสตฺวา  อุฏฺายาสนา  ปกฺกามิ  ฯ  ตตฺร  ๒-  สุทํ ภควา เวสาลิยํ
วิหรนฺโต   อมฺพปาลิวเน   เอตเทว   พหุลํ   ภิกฺขูนํ  ธมฺมึ  กถํ  กโรติ
อิติ  สีลํ  อิติ  สมาธิ  อิติ  ปญฺา  สีลปริภาวิโต  สมาธิ  มหปฺผโล โหติ
มหานิสํโส    สมาธิปริภาวิตา    ปญฺา   มหปฺผลา   โหติ   มหานิสํสา
ปญฺาปริภาวิตํ    จิตฺตํ    สมฺมเทว    อาสเวหิ    วิมุจฺจติ   เสยฺยถีทํ
กามาสวา ภวาสวา อวิชฺชาสวาติ ฯ
     [๙๓]    อถโข   ภควา   อมฺพปาลิวเน   ยถาภิรนฺตํ   วิหริตฺวา
อายสฺมนฺตํ      อานนฺทํ      อามนฺเตสิ      อายามานนฺท      เยน
เวฬุวคามโก   เตนุปสงฺกมิสฺสามาติ   ฯ   เอวํ  ภนฺเตติ  โข  อายสฺมา
@เชิงอรรถ:  ยุ. ปริเวสนา ฯ  ม. ยุ. ตตฺรปิ ฯ  ยุ. เพลุวคามโก ฯ
อานนฺโท   ภควโต   ปจฺจสฺโสสิ  ฯ  อถโข  ภควา  มหตา  ภิกฺขุสงฺเฆน
สทฺธึ  เยน  เวฬุวคามโก  ตทวสริ  ฯ  ตตฺร  สุทํ  ภควา  เวฬุวคามเก
วิหรติ   ฯ  ตตฺร  โข  ภควา  ภิกฺขู  อามนฺเตสิ  เอถ  ตุเมฺห  ภิกฺขเว
สมนฺตา   เวสาลึ   ยถามิตฺตํ   ๑-   ยถาสนฺทิฏฺ   ยถาสมฺภตฺตํ   วสฺสํ
อุปคจฺฉถ   อหํ  ปน  อิเธว  เวฬุวคามเก  วสฺสํ  อุปคจฺฉามีติ  ฯ  เอวํ
ภนฺเตติ   โข   เต   ภิกฺขู   ภควโต   ปฏิสฺสุณิตฺวา   สมนฺตา  เวสาลึ
ยถามิตฺตํ    ยถาสนฺทิฏฺ    ยถาสมฺภตฺตํ    วสฺสํ    อุปคจฺฉุํ   ๓-   ฯ
ภควา ปน ตตฺเถว เวฬุวคามเก วสฺสํ อุปคจฺฉิ ฯ
     {๙๓.๑}   อถโข  ภควโต  วสฺสูปคตสฺส  ขโร  อาพาโธ  อุปฺปชฺชิ
พาฬฺหา  เวทนา  วตฺตนฺติ  มรณนฺติกา  ฯ  ตตฺร  ๔-  สุทํ  ภควา  สโต
สมฺปชาโน   อธิวาเสสิ   อวิหญฺมาโน   ฯ  อถโข  ภควโต  เอตทโหสิ
น  โข  เม  ตํ  ปฏิรูปํ  โยหํ  อนามนฺเตตฺวา  อุปฏฺาเก อนปโลเกตฺวา
ภิกฺขุสงฺฆํ     ปรินิพฺพาเยยฺยํ    ยนฺนูนาหํ    อิมํ    อาพาธํ    วิริเยน
ปฏิปฺปณาเมตฺวา   ชีวิตสงฺขารํ  อธิฏฺาย  วิหเรยฺยนฺติ  ฯ  อถโข  ภควา
ตํ  อาพาธํ  วิริเยน  ปฏิปฺปณาเมตฺวา  ชีวิตสงฺขารํ  อธิฏฺาย  วิหาสิ  ฯ
อถโข  ภควโต  โส  อาพาโธ  ปฏิปฺปสฺสมฺภิ  ฯ  อถโข  ภควา  คิลานา
วุฏฺิโต   อจิรวุฏฺิโต   เคลญฺา   วิหารา   นิกฺขมฺม  วิหารปฺปจฺฉายายํ
ปญฺตฺเต   อาสเน   นิสีทิ   ฯ   อถโข   อายสฺมา   อานนฺโท   เยน
ภควา     เตนุปสงฺกมิ     อุปสงฺกมิตฺวา     ภควนฺตํ     อภิวาเทตฺวา
@เชิงอรรถ:  สี. ยถาขิตฺตํ ฯ  ม. ยุ. อุเปถ ฯ  ม. อุปคจฺฉึสุ ฯ  ยุ. ตา ฯ
@ ยุ. อธิวาเสติ ฯ
เอกมนฺตํ  นิสีทิ  ฯ  เอกมนฺตํ  นิสินฺโน  โข  อายสฺมา  อานนฺโท ภควนฺตํ
เอตทโวจ  ทิฏฺ[๑]-  ภนฺเต ภควโต ผาสุ ทิฏฺ [๒]- ภนฺเต ภควโต
ขมนียํ  อปิจ  เม  ภนฺเต  มธุรกชาโต วิย กาโย ทิสาปิ เม น ปกฺขายนฺติ
ธมฺมาปิ  มํ  น ปฏิภนฺติ ภควโต เคลญฺเน อปิจ เม ภนฺเต อโหสิ กาจิเทว
อสฺสาสมตฺตา  น  ตาว  ภควา  ปรินิพฺพายิสฺสติ  น  ยาว ภควา ภิกฺขุสงฺฆํ
อารพฺภ กิญฺจิเทว อุทาหรตีติ ฯ
     {๙๓.๒}  กึ  ปนานนฺท  ภิกฺขุสงฺโฆ  มยิ  ปจฺจาสึสติ  ๓-  เทสิโต
อานนฺท    มยา    ธมฺโม    อนนฺตรํ   อพาหิรํ   กริตฺวา   นตฺถานนฺท
ตถาคตสฺส    ธมฺเมสุ   อาจริยมุฏฺิ   ยสฺส   นูน   อานนฺท   เอวมสฺส
อหํ   ภิกฺขุสงฺฆํ   ปริหริสฺสามีติ   วา   มมุทฺเทสิโก   ภิกฺขุสงฺโฆติ   วา
โส   นูน   อานนฺท   ภิกฺขุสงฺฆํ   อารพฺภ   กิญฺจิเทว   อุทาหเรยฺย  ฯ
ตถาคตสฺส   โข   อานนฺท   น   เอวํ   โหติ   อหํ   โข   ภิกฺขุสงฺฆํ
ปริหริสฺสามีติ   วา   มมุทฺเทสิโก   ภิกฺขุสงฺโฆติ   วา  ฯ  สกึ  อานนฺท
ตถาคโต   ภิกฺขุสงฺฆํ   อารพฺภ   กิญฺจิเทว   อุทาหริสฺสติ   ฯ  อหํ  โข
ปนานนฺท   เอตรหิ   ชิณฺโณ  วุฑฺโฒ  มหลฺลโก  อทฺธคโต  วโยอนุปฺปตฺโต
อสีติโก เม วโย วตฺตติ ฯ
     {๙๓.๓}   เสยฺยถาปิ   อานนฺท  ชรสกฏํ  ๔-  เวฬุมิสฺสเกน  ๕-
ยาเปติ   เอวเมว   โข   อานนฺท   เวฬุมิสฺสเกน   มญฺเ  ตถาคตสฺส
กาโย   ยาเปติ   ฯ   ยสฺมึ   อานนฺท  สมเย  ตถาคโต  สพฺพนิมิตฺตานํ
อมนสิการา    เอกจฺจานํ   เวทนานํ   นิโรธา   อนิมิตฺตํ   เจโตสมาธึ
อุปสมฺปชฺช      วิหรติ     ผาสุตโร     อานนฺท     ตสฺมึ     สมเย
@เชิงอรรถ:  ม. ทิฏฺโ เม ฯ ยุ. ทิฏฺา เม ฯ  ม. ยุ. เม ฯ  ม. ปจฺจาสีสติ ฯ
@ ม. ชชฺชรสกฏํ ฯ  ม. เวขมิสฺสเกน ฯ ยุ. เวฆ ... ฯ อิโต ปรํ อีทิสเมว ฯ
ตถาคตสฺส    กาโย    โหติ   ฯ   ตสฺมาติหานนฺท   อตฺตทีปา   วิหรถ
อตฺตสรณา    อนญฺสรณา    ธมฺมทีปา    ธมฺมสรณา   อนญฺสรณา   ฯ
กถญฺจ   อานนฺท   ภิกฺขุ   อตฺตทีโป   วิหรติ   อตฺตสรโณ   อนญฺสรโณ
ธมฺมทีโป    ธมฺมสรโณ    อนญฺสรโณ   ฯ   อิธานนฺท   ภิกฺขุ   กาเย
กายานุปสฺสี   วิหรติ   อาตาปี   สมฺปชาโน   สติมา   วิเนยฺย   โลเก
อภิชฺฌาโทมนสฺสํ  ฯ  เวทนาสุ  ฯ  จิตฺเต  ฯ  ธมฺเมสุ ธมฺมานุปสฺสี วิหรติ
อาตาปี   สมฺปชาโน  สติมา  วิเนยฺย  โลเก  อภิชฺฌาโทมนสฺสํ  ฯ  เอวํ
โข    อานนฺท    ภิกฺขุ   อตฺตทีโป   วิหรติ   อตฺตสรโณ   อนญฺสรโณ
ธมฺมทีโป    ธมฺมสรโณ   อนญฺสรโณ   ฯ   เย   หิ   เกจิ   อานนฺท
เอตรหิ   วา   มม   วา   อจฺจเยน  อตฺตทีปา  วิหริสฺสนฺติ  อตฺตสรณา
อนญฺสรณา     ธมฺมทีปา     ธมฺมสรณา     อนญฺสรณา     ตมตคฺเค
เม เต อานนฺท ภิกฺขู ภวิสฺสนฺติ เย เกจิ สิกฺขากามาติ ฯ
               มหาปรินิพฺพาเน คามกณฺฑํ สมตฺตํ ฯ
                           ทุติยภาณวารํ ฯ
     [๙๔]   อถโข  ภควา  ปุพฺพณฺหสมยํ  นิวาเสตฺวา  ปตฺตจีวรมาทาย
เวสาลึ   ปิณฺฑาย   ปาวิสิ   เวสาลิยํ   ปิณฺฑาย   จริตฺวา   ปจฺฉาภตฺตํ
ปิณฺฑปาตปฏิกฺกนฺโต     อายสฺมนฺตํ     อานนฺทํ    อามนฺเตสิ    คณฺหาหิ
อานนฺท    นิสีทนํ    เยน   ปาวาลํ   ๑-   เจติยํ   เตนุปสงฺกมิสฺสาม
ทิวาวิหารายาติ   ฯ   เอวํ  ภนฺเตติ  โข  อายสฺมา  อานนฺโท  ภควโต
ปฏิสฺสุณิตฺวา   นิสีทนํ   อาทาย   ภควนฺตํ  ปิฏฺิโต  ปิฏฺิโต  อนุพนฺธิ  ฯ
@เชิงอรรถ:  ม. ยุ. จาปาลํ ฯ อิโต ปรํ อีทิสเมว ฯ
อถโข   ภควา   เยน   ปาวาลํ   เจติยํ   เตนุปสงฺกมิ   อุปสงฺกมิตฺวา
ปญฺตฺเต   อาสเน   นิสีทิ   ฯ   อายสฺมาปิ   โข   อานนฺโท  ภควนฺตํ
อภิวาเทตฺวา เอกมนฺตํ นิสีทิ ฯ
     {๙๔.๑}   เอกมนฺตํ   นิสินฺนํ   โข   อายสฺมนฺตํ  อานนฺทํ  ภควา
เอตทโวจ   รมณียา   อานนฺท   เวสาลี  รมณียํ  อุเทนํ  เจติยํ  รมณียํ
โคตมกํ   เจติยํ   รมณียํ   สตฺตมฺพํ   เจติยํ   รมณียํ   พหุปุตฺตํ  เจติยํ
รมณียํ  สารนฺททํ  เจติยํ  รมณียํ  ปาวาลํ  เจติยํ  ยสฺส  กสฺสจิ  อานนฺท
จตฺตาโร    อิทฺธิปาทา    ภาวิตา    พหุลีกตา    ยานีกตา   วตฺถุกตา
อนุฏฺิตา   ปริจิตา   สุสมารทฺธา   โส   อากงฺขมาโน   อานนฺท  กปฺปํ
วา   ติฏฺเยฺย   กปฺปาวเสสํ   วา  ตถาคตสฺส  โข  อานนฺท  จตฺตาโร
อิทฺธิปาทา    ภาวิตา    พหุลีกตา    ยานีกตา    วตฺถุกตา   อนุฏฺิตา
ปริจิตา   สุสมารทฺธา   โส   อากงฺขมาโน   อานนฺท   ตถาคโต  กปฺปํ
วา ติฏฺเยฺย กปฺปาวเสสํ วาติ ฯ
     {๙๔.๒}   เอวํปิ   โข  อายสฺมา  อานนฺโท  ภควตา  โอฬาริเก
นิมิตฺเต  กยิรมาเน  โอฬาริเก  โอภาเส  กยิรมาเน  นาสกฺขิ  ปฏิวิชฺฌิตุํ
น   ภควนฺตํ   ยาจิ  ติฏฺตุ  ภนฺเต  ภควา  กปฺปํ  ติฏฺตุ  สุคโต  กปฺปํ
พหุชนหิตาย    พหุชนสุขาย   โลกานุกมฺปาย   อตฺถาย   หิตาย   สุขาย
เทวมนุสฺสานนฺติ    ยถา   ตํ   มาเรน   ปริยุฏฺิตจิตฺโต   ฯ   ทุติยมฺปิ
โข    ภควา   ฯเปฯ   ตติยมฺปิ   โข   ภควา   อายสฺมนฺตํ   อานนฺทํ
อามนฺเตสิ    รมณียา    อานนฺท    เวสาลี   รมณียํ   อุเทนํ   เจติยํ
รมณียํ     โคตมกํ    เจติยํ    รมณียํ    สตฺตมฺพํ    เจติยํ    รมณียํ
@เชิงอรรถ:  ยุ. สตฺตมฺพกํ ฯ อิโต ปรํ อีทิสเมว ฯ
พหุปุตฺตํ    เจติยํ    รมณียํ    สารนฺททํ    เจติยํ    รมณียํ   ปาวาลํ
เจติยํ    ยสฺส    กสฺสจิ    อานนฺท   จตฺตาโร   อิทฺธิปาทา   ภาวิตา
พหุลีกตา   ยานีกตา   วตฺถุกตา   อนุฏฺิตา   ปริจิตา  สุสมารทฺธา  โส
อากงฺขมาโน   กปฺปํ   วา   ติฏฺเยฺย   กปฺปาวเสสํ   วา   ตถาคตสฺส
โข   อานนฺท   จตฺตาโร   อิทฺธิปาทา   ภาวิตา   พหุลีกตา   ยานีกตา
วตฺถุกตา    อนุฏฺิตา    ปริจิตา    สุสมารทฺธา    โส   อากงฺขมาโน
อานนฺท ตถาคโต กปฺปํ วา ติฏฺเยฺย กปฺปาวเสสํ วาติ ฯ
     {๙๔.๓}   เอวํปิ   โข  อายสฺมา  อานนฺโท  ภควตา  โอฬาริเก
นิมิตฺเต    กยิรมาเน    โอฬาริเก    โอภาเส   กยิรมาเน   นาสกฺขิ
ปฏิวิชฺฌิตุํ   น   ภควนฺตํ   ยาจิ   ติฏฺตุ   ภนฺเต  ภควา  กปฺปํ  ติฏฺตุ
สุคโต    กปฺปํ    พหุชนหิตาย   พหุชนสุขาย   โลกานุกมฺปาย   อตฺถาย
หิตาย   สุขาย   เทวมนุสฺสานนฺติ  ยถา  ตํ  มาเรน  ปริยุฏฺิตจิตฺโต  ฯ
อถโข   ภควา   อายสฺมนฺตํ   อานนฺทํ   อามนฺเตสิ  คจฺฉ  ตฺวํ  อานนฺท
ยสฺสทานิ   กาลํ   มญฺสีติ  ฯ  เอวํ  ภนฺเตติ  โข  อายสฺมา  อานนฺโท
ภควโต   ปฏิสฺสุณิตฺวา   อุฏฺายาสนา   ภควนฺตํ   อภิวาเทตฺวา  ปทกฺขิณํ
กตฺวา อวิทูเร อญฺตรสฺมึ รุกฺขมูเล นิสีทิ ฯ
     [๙๕]  อถโข  มาโร  ปาปิมา  อจิรปกฺกนฺเต อายสฺมนฺเต อานนฺเท
เยน  ภควา  เตนุปสงฺกมิ  อุปสงฺกมิตฺวา  เอกมนฺตํ  อฏฺาสิ  ฯ เอกมนฺตํ
ิโต    โข   มาโร   ปาปิมา   ภควนฺตํ   เอตทโวจ   ปรินิพฺพาตุทานิ
ภนฺเต      ภควา      ปรินิพฺพาตุ     สุคโต     ปรินิพฺพานกาโลทานิ
ภนฺเต ภควโต
     {๙๕.๑}  ภาสิตา โข ปเนสา ภนฺเต ภควตา วาจา น ตาวาหํ ปาปิม
ปรินิพฺพายิสฺสามิ  ยาว  เม  ภิกฺขู  น  สาวกา  ภวิสฺสนฺติ  วิยตฺตา วินีตา
วิสารทา    พหุสฺสุตา   ธมฺมธรา   ธมฺมานุธมฺมปฏิปนฺนา   สามีจิปฏิปนฺนา
อนุธมฺมจาริโน   สกํ   อาจริยกํ  อุคฺคเหตฺวา  อาจิกฺขิสฺสนฺติ  เทเสสฺสนฺติ
ปญฺเปสฺสนฺติ   ปฏฺเปสฺสนฺติ   วิวริสฺสนฺติ   วิภชิสฺสนฺติ  อุตฺตานีกริสฺสนฺติ
อุปฺปนฺนํ   ปรปฺปวาทํ   สหธมฺเมน   สุนิคฺคหิตํ  นิคฺคเหตฺวา  สปฺปาฏิหาริยํ
ธมฺมํ  เทเสสฺสนฺตีติ  เอตรหิ  โข ปน ภนฺเต ภิกฺขู ภควโต สาวกา วิยตฺตา
วินีตา  วิสารทา  พหุสฺสุตา  ธมฺมธรา  ธมฺมานุธมฺมปฏิปนฺนา สามีจิปฏิปนฺนา
อนุธมฺมจาริโน    สกํ   อาจริยกํ   อุคฺคเหตฺวา   อาจิกฺขนฺติ   เทเสนฺติ
ปญฺเปนฺติ    ปฏฺเปนฺติ   วิวรนฺติ   วิภชนฺติ   อุตฺตานีกโรนฺติ   อุปฺปนฺนํ
ปรปฺปวาทํ   สหธมฺเมน   สุนิคฺคหิตํ   นิคฺคเหตฺวา   สปฺปาฏิหาริยํ   ธมฺมํ
เทเสนฺติ    ปรินิพฺพาตุทานิ    ภนฺเต    ภควา    ปรินิพฺพาตุ    สุคโต
ปรินิพฺพานกาโลทานิ ภนฺเต ภควโต
     {๙๕.๒}  ภาสิตา โข ปเนสา ภนฺเต ภควตา วาจา น ตาวาหํ ปาปิม
ปรินิพฺพายิสฺสามิ  ยาว  เม  ภิกฺขุนิโย  น สาวิกา ภวิสฺสนฺติ วิยตฺตา วินีตา
วิสารทา    พหุสฺสุตา   ธมฺมธรา   ธมฺมานุธมฺมปฏิปนฺนา   สามีจิปฏิปนฺนา
อนุธมฺมจารินิโย  สกํ  อาจริยกํ  อุคฺคเหตฺวา  อาจิกฺขิสฺสนฺติ  ปญฺเปสฺสนฺติ
ปฏฺเปสฺสนฺติ    วิวริสฺสนฺติ    วิภชิสฺสนฺติ    อุตฺตานีกริสฺสนฺติ   อุปฺปนฺนํ
ปรปฺปวาทํ   สหธมฺเมน   สุนิคฺคหิตํ   นิคฺคเหตฺวา   สปฺปาฏิหาริยํ   ธมฺมํ
เทเสสฺสนฺตีติ   เอตรหิ   โข   ปน  ภนฺเต  ภิกฺขุนิโย  ภควโต  สาวิกา
วิยตฺตา   วินีตา   วิสารทา   พหุสฺสุตา   ธมฺมธรา  ธมฺมานุธมฺมปฏิปนฺนา
สามีจิปฏิปนฺนา   อนุธมฺมจารินิโย  สกํ  อาจริยกํ  อุคฺคเหตฺวา  อาจิกฺขนฺติ
เทเสนฺติ   ปญฺเปนฺติ   ปฏฺเปนฺติ   วิวรนฺติ   วิภชนฺติ   อุตฺตานีกโรนฺติ
อุปฺปนฺนํ   ปรปฺปวาทํ   สหธมฺเมน   สุนิคฺคหิตํ  นิคฺคเหตฺวา  สปฺปาฏิหาริยํ
ธมฺมํ     เทเสนฺติ    ปรินิพฺพาตุทานิ    ภนฺเต    ภควา    ปรินิพฺพาตุ
สุคโต ปรินิพฺพานกาโลทานิ ภนฺเต ภควโต
     {๙๕.๓}  ภาสิตา โข ปเนสา ภนฺเต ภควตา วาจา น ตาวาหํ ปาปิม
ปรินิพฺพายิสฺสามิ  ยาว  เม  อุปาสกา  น สาวกา ภวิสฺสนฺติ วิยตฺตา วินีตา
วิสารทา    พหุสฺสุตา   ธมฺมธรา   ธมฺมานุธมฺมปฏิปนฺนา   สามีจิปฏิปนฺนา
อนุธมฺมจาริโน   สกํ   อาจริยกํ  อุคฺคเหตฺวา  อาจิกฺขิสฺสนฺติ  เทเสสฺสนฺติ
ปญฺเปสฺสนฺติ   ปฏฺเปสฺสนฺติ   วิวริสฺสนฺติ   วิภชิสฺสนฺติ  อุตฺตานีกริสฺสนฺติ
อุปฺปนฺนํ   ปรปฺปวาทํ   สหธมฺเมน   สุนิคฺคหิตํ  นิคฺคเหตฺวา  สปฺปาฏิหาริยํ
ธมฺมํ  เทเสสฺสนฺตีติ  เอตรหิ  โข  ปน  ภนฺเต  อุปาสกา ภควโต สาวกา
วิยตฺตา   วินีตา   วิสารทา   พหุสฺสุตา   ธมฺมธรา  ธมฺมานุธมฺมปฏิปนฺนา
สามีจิปฏิปนฺนา   อนุธมฺมจาริโน   สกํ  อาจริยกํ  อุคฺคเหตฺวา  อาจิกฺขนฺติ
เทเสนฺติ   ปญฺเปนฺติ   ปฏฺเปนฺติ   วิวรนฺติ   วิภชนฺติ   อุตฺตานีกโรนฺติ
อุปฺปนฺนํ      ปรปฺปวาทํ      สหธมฺเมน     สุนิคฺคหิตํ     นิคฺคเหตฺวา
สปฺปาฏิหาริยํ    ธมฺมํ    เทเสนฺติ    ปรินิพฺพาตุทานิ    ภนฺเต   ภควา
ปรินิพฺพาตุ สุคโต ปรินิพฺพานกาโลทานิ  ภนฺเต ภควโต
     {๙๕.๔}  ภาสิตา  โข  ปเนสา  ภนฺเต  ภควตา วาจา น ตาวาหํ
ปาปิม   ปรินิพฺพายิสฺสามิ   ยาว   เม  อุปาสิกา  น  สาวิกา  ภวิสฺสนฺติ
วิยตฺตา   วินีตา   วิสารทา   พหุสฺสุตา   ธมฺมธรา  ธมฺมานุธมฺมปฏิปนฺนา
สามีจิปฏิปนฺนา     อนุธมฺมจารินิโย     สกํ    อาจริยกํ    อุคฺคเหตฺวา
อาจิกฺขิสฺสนฺติ       เทเสสฺสนฺติ       ปญฺเปสฺสนฺติ      ปฏฺเปสฺสนฺติ
วิวริสฺสนฺติ     วิภชิสฺสนฺติ     อุตฺตานีกริสฺสนฺติ    อุปฺปนฺนํ    ปรปฺปวาทํ
สหธมฺเมน   สุนิคฺคหิตํ   นิคฺคเหตฺวา   สปฺปาฏิหาริยํ  ธมฺมํ  เทเสสฺสนฺตีติ
เอตรหิ   โข  ปน  ภนฺเต  อุปาสิกา  ภควโต  สาวิกา  วิยตฺตา  วินีตา
วิสารทา    พหุสฺสุตา   ธมฺมธรา   ธมฺมานุธมฺมปฏิปนฺนา   สามีจิปฏิปนฺนา
อนุธมฺมจารินิโย   สกํ   อาจริยกํ   อุคฺคเหตฺวา   อาจิกฺขนฺติ   เทเสนฺติ
ปญฺเปนฺติ    ปฏฺเปนฺติ   วิวรนฺติ   วิภชนฺติ   อุตฺตานีกโรนฺติ   อุปฺปนฺนํ
ปรปฺปวาทํ   สหธมฺเมน   สุนิคฺคหิตํ   นิคฺคเหตฺวา   สปฺปาฏิหาริยํ   ธมฺมํ
เทเสนฺติ    ปรินิพฺพาตุทานิ    ภนฺเต    ภควา    ปรินิพฺพาตุ    สุคโต
ปรินิพฺพานกาโลทานิ ภนฺเต ภควโต
     {๙๕.๕}  ภาสิตา โข ปเนสา ภนฺเต ภควตา วาจา น ตาวาหํ ปาปิม
ปรินิพฺพายิสฺสามิ   ยาว   เม   อิทํ  พฺรหฺมจริยํ  น  อิทฺธญฺเจว  ภวิสฺสติ
ผีตญฺจ   วิตฺถาริกํ   พหุชญฺ   ปุถุภูตํ  ยาว  เทวมนุสฺเสหิ  สุปฺปกาสิตนฺติ
เอตรหิ  โข  ปน  ภนฺเต  ภควโต  อิทํ  พฺรหฺมจริยํ  อิทฺธญฺเจว   ผีตญฺจ
วิตฺถาริกํ  พหุชญฺ  ปุถุภูตํ  ยาว  เทวมนุสฺเสหิ  สุปฺปกาสิตํ ปรินิพฺพาตุทานิ
ภนฺเต    ภควา    ปรินิพฺพาตุ    สุคโต   ปรินิพฺพานกาโลทานิ   ภนฺเต
ภควโตติ   ฯ   เอวํ   วุตฺเต   ภควา   มารํ   ปาปิมนฺตํ   เอตทโวจ
อปฺโปสฺสุกฺโก   ตฺวํ   ปาปิม   โหหิ   น   จิรํ   ตถาคตสฺส  ปรินิพฺพานํ
ภวิสฺสติ อิโต ติณฺณํ มาสานํ อจฺจเยน ตถาคโต ปรินิพฺพายิสฺสตีติ ฯ
     {๙๕.๖}  อถโข  ภควา ปาวาลเจติเย สโต สมฺปชาโน อายุสงฺขารํ
โอสฺสชฺชิ  ๑-  ฯ  โอสฺสฏฺเ  จ ภควตา ๒- อายุสงฺขาเร มหา ภูมิจาโล
อโหสิ  ภึสนโก  โลมหํโส  ๓-  เทวทุนฺทภิโย  จ  ผลึสุ  ฯ อถโข ภควา
เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ
     [๙๖] ตุลมตุลญฺจ สมฺภวํ
            ภวสงฺขารมวสฺสชฺชิ มุนิ
            อชฺฌตฺตรโต สมาหิโต
            อภินฺทิ ๔- กวจมิวตฺตสมฺภวนฺติ ฯ
     [๙๗]   อถโข   อายสฺมโต  อานนฺทสฺส  เอตทโหสิ  อจฺฉริยํ  วต
โภ   อพฺภูตํ   วต   โภ   มหา   วตายํ   ภูมิจาโล   สุมหา   วตายํ
ภูมิจาโล  ภึสนโก  โลมหํโส  ๕-  เทวทุนฺทภิโย  ๖-  จ ผลึสุ โก นุ โข
เหตุ   โก   ปจฺจโย   มหโต   ภูมิจาลสฺส   ปาตุภาวายาติ  ฯ  อถโข
อายสฺมา    อานนฺโท    เยน    ภควา    เตนุปสงฺกมิ   อุปสงฺกมิตฺวา
ภควนฺตํ   อภิวาเทตฺวา   เอกมนฺตํ   นิสีทิ   ฯ  เอกมนฺตํ  นิสินฺโน  โข
อายสฺมา   อานนฺโท   ภควนฺตํ   เอตทโวจ   อจฺฉริยํ   ภนฺเต   อพฺภูตํ
ภนฺเต    มหา   วตายํ   ภนฺเต   ภูมิจาโล   สุมหา   วตายํ   ภนฺเต
ภูมิจาโล   ภึสนโก   โลมหํโส   เทวทุนฺทภิโย   จ  ผลึสุ  โก  นุ  โข
@เชิงอรรถ:  ม. ยุ. โอสฺสชิ ฯ  ยุ. ภควโต ฯ  ม. สโลมหํโส ฯ  ยุ. อภิท ฯ
@ ม ยุ. สโลมหํโส ฯ อิโต ปรํ อีทิสเมว ฯ  ม. ยุ. เทวทุนฺทุภิโย ฯ อิโต ปรํ
@อีทิสเมว ฯ
ภนฺเต เหตุ โก ปจฺจโย มหโต ภูมิจาลสฺส ปาตุภาวายาติ ฯ
     [๙๘]   อฏฺ   โข  อิเม  อานนฺท  เหตู  อฏฺ  ปจฺจยา  มหโต
ภูมิจาลสฺส ปาตุภาวาย ฯ กตเม อฏฺ ฯ
     {๙๘.๑}  อยํ  อานนฺท  มหาปวี  อุทเก  ปติฏฺิตา  อุทกํ  วาเต
ปติฏฺิตํ  วาโต  อากาสฏฺโ  โหติ  โส  โข อานนฺท สมโย ยํ มหาวาตา
วายนฺติ   มหาวาตา   วายนฺตา   อุทกํ   กมฺเปนฺติ  อุทกํ  กมฺปิตํ  ปวึ
กมฺเปติ อยํ ปโม เหตุ ปโม ปจฺจโย มหโต ภูมิจาลสฺส ปาตุภาวาย ฯ
     {๙๘.๒}  ปุน  จปรํ อานนฺท สมโณ วา โหติ พฺราหฺมโณ วา อิทฺธิมา
เจโตวสิปฺปตฺโต  เทโว  วา  มหิทฺธิโก  มหานุภาโว  ตสฺส  ๑-  ปริตฺตา
ปวิสญฺา    ภาวิตา    โหติ    อปฺปมาณา   อาโปสญฺา   โส   อิมํ
ปวึ   กมฺเปติ   สงฺกมฺเปติ   สมฺปกมฺเปติ   สมฺปเวเธติ   อยํ   ทุติโย
เหตุ ทุติโย ปจฺจโย มหโต ภูมิจาลสฺส ปาตุภาวาย ฯ
     {๙๘.๓}  ปุน  จปรํ  อานนฺท ยทา โพธิสตฺโต ตุสิตา กายา จวิตฺวา
สโต  สมฺปชาโน  มาตุ  กุจฺฉึ  โอกฺกมติ  ตทายํ  ปวี  กมฺปติ  สงฺกมฺปติ
สมฺปกมฺปติ   สมฺปเวธติ   อยํ   ตติโย   เหตุ   ตติโย  ปจฺจโย  มหโต
ภูมิจาลสฺส ปาตุภาวาย ฯ
     {๙๘.๔}  ปุน  จปรํ  อานนฺท  ยทา  โพธิสตฺโต  สโต  สมฺปชาโน
มาตุ   กุจฺฉิมฺหา   นิกฺขมติ   ตทายํ  ปวี  กมฺปติ  สงฺกมฺปติ  สมฺปกมฺปติ
สมฺปเวธติ   อยํ   จตุตฺโถ   เหตุ  จตุตฺโถ  ปจฺจโย  มหโต  ภูมิจาลสฺส
ปาตุภาวาย ฯ
@เชิงอรรถ:  สี. ยุ. ยสฺส ฯ
     {๙๘.๕}  ปุน  จปรํ  อานนฺท   ยทา ตถาคโต อนุตฺตรํ สมฺมาสมฺโพธึ
อภิสมฺพุชฺฌติ   ตทายํ   ปวี   กมฺปติ   สงฺกมฺปติ  สมฺปกมฺปติ  สมฺปเวธติ
อยํ  ปญฺจโม  เหตุ  ปญฺจโม  ปจฺจโย  มหโต  ภูมิจาลสฺส  ปาตุภาวาย ฯ
ปุน   จปรํ  อานนฺท  ยทา  ตถาคโต  อนุตฺตรํ  ธมฺมจกฺกํ  ปวตฺเตสิ  ๑-
ตทายํ    ปวี    กมฺปติ    สงฺกมฺปติ    สมฺปกมฺปติ   สมฺปเวธติ   อยํ
ฉฏฺโ เหตุ ฉฏฺโ ปจฺจโย มหโต ภูมิจาลสฺส ปาตุภาวาย ฯ
     {๙๘.๖}   ปุน  จปรํ  อานนฺท  ยทา  ตถาคโต  สโต  สมฺปชาโน
อายุสงฺขารํ   โอสฺสชฺชติ   ตทายํ   ปวี   กมฺปติ  สงฺกมฺปติ  สมฺปกมฺปติ
สมฺปเวธติ   อยํ   สตฺตโม   เหตุ  สตฺตโม  ปจฺจโย  มหโต  ภูมิจาลสฺส
ปาตุภาวาย ฯ
     {๙๘.๗}   ปุน   จปรํ   อานนฺท  ยทา  ตถาคโต  อนุปาทิเสสาย
นิพฺพานธาตุยา    ปรินิพฺพายติ    ตทายํ    ปวี    กมฺปติ    สงฺกมฺปติ
สมฺปกมฺปติ    สมฺปเวธติ    อยํ    อฏฺโม   เหตุ   อฏฺโม   ปจฺจโย
มหโต   ภูมิจาลสฺส   ปาตุภาวาย   ฯ  อิเม  โข  อานนฺท  อฏฺ  เหตู
อฏฺ ปจฺจยา มหโต ภูมิจาลสฺส ปาตุภาวายาติ ฯ
     [๙๙]  อฏฺ  โข อิมา อานนฺท ปริสา ฯ กตมา อฏฺ ฯ ขตฺติยปริสา
พฺราหฺมณปริสา     คหปติปริสา     สมณปริสา     จาตุมฺมหาราชิกปริสา
ตาวตึสปริสา   มารปริสา   พฺรหฺมปริสา   ฯ   อภิชานามิ   โข  ปนาหํ
อานนฺท   อเนกสตํ   ขตฺติยปริสํ   อุปสงฺกมิตฺวา   ๒-  ฯ  ตตฺรปิ  มยา
สนฺนิสินฺนปุพฺพญฺเจว   สลฺลปิตปุพฺพญฺจ   สากจฺฉา   จ  สมาปชฺชิตปุพฺพา  ฯ
@เชิงอรรถ:  ม. ยุ. ปวตฺเตติ ฯ  อุปสงฺกมิตาติปิ ปาโ
ตตฺถ   ยาทิสโก   เตสํ   วณฺโณ   โหติ  ตาทิสโก  มยฺหํ  วณฺโณ  โหติ
ยาทิสโก  เตสํ  สโร  โหติ  ตาทิสโก  มยฺหํ  สโร  โหติ  ฯ ธมฺมิยา จ
กถาย   สนฺทสฺเสมิ   สมาทเปมิ   สมุตฺเตเชมิ   สมฺปหํเสมิ  ภาสมานญฺจ
มํ  น  ชานนฺติ  โก  นุ โข อยํ ภาสติ เทโว วา มนุสฺโส วาติ ฯ ธมฺมิยา
จ   กถาย   สนฺทสฺเสตฺวา   สมาทเปตฺวา  สมุตฺเตเชตฺวา  สมฺปหํเสตฺวา
อนฺตรธายามิ  อนฺตรหิตญฺจ  มํ  น  ชานนฺติ  โก  นุ  โข  อยํ อนฺตรหิโต
เทโว  วา  มนุสฺโส  วาติ  ฯ  อภิชานามิ  โข  ปนาหํ อานนฺท อเนกสตํ
พฺราหฺมณปริสํ     ฯเปฯ    คหปติปริสํ    ฯเปฯ    สมณปริสํ    ฯเปฯ
จาตุมฺมหาราชิกปริสํ   ฯเปฯ   ตาวตึสปริสํ   ฯเปฯ   มารปริสํ   ฯเปฯ
พฺรหฺมปริสํ    อุปสงฺกมิตฺวา    ฯ    ตตฺรปิ   มยา   สนฺนิสินฺนปุพฺพญฺเจว
สลฺลปิตปุพฺพญฺจ   สากจฺฉา   จ   สมาปชฺชิตปุพฺพา   ฯ   ตตฺถ  ยาทิสโก
เตสํ  วณฺโณ  โหติ  ตาทิสโก  มยฺหํ  วณฺโณ  โหติ  ยาทิสโก  เตสํ สโร
โหติ   ตาทิสโก  มยฺหํ  สโร  โหติ  ฯ  ธมฺมิยา  จ  กถาย  สนฺทสฺเสมิ
สมาทเปมิ   สมุตฺเตเชมิ   สมฺปหํเสมิ   ภาสมานญฺจ   มํ   น   ชานนฺติ
โก  นุ  โข  อยํ  ภาสติ  เทโว  วา  มนุสฺโส วาติ ฯ ธมฺมิยา จ กถาย
สนฺทสฺเสตฺวา      สมาทเปตฺวา      สมุตฺเตเชตฺวา      สมฺปหํเสตฺวา
อนฺตรธายามิ  อนฺตรหิตญฺจ  มํ  น  ชานนฺติ  โก  นุ  โข  อยํ อนฺตรหิโต
เทโว วา มนุสฺโส วาติ ฯ อิมา โข อานนฺท อฏฺ ปริสา ฯ
     [๑๐๐]   อฏฺ   โข  อิมานิ  อานนฺท  อภิภายตนานิ  ฯ  กตมานิ
อฏฺ   ฯ   อชฺฌตฺตํรูปสญฺี   เอโก   พหิทฺธารูปานิ   ปสฺสติ   ปริตฺตานิ
สุวณฺณทุพฺพณฺณานิ    ตานิ    อภิภุยฺย    ชานามิ    ปสฺสามีติ   เอวํสญฺี
โหติ อิทํ ปมํ อภิภายตนํ ฯ
     {๑๐๐.๑}    อชฺฌตฺตํรูปสญฺี    เอโก    พหิทฺธารูปานิ    ปสฺสติ
อปฺปมาณานิ      สุวณฺณทุพฺพณฺณานิ      ตานิ      อภิภุยฺย     ชานามิ
ปสฺสามีติ เอวํสญฺี โหติ อิทํ ทุติยํ อภิภายตนํ ฯ
     {๑๐๐.๒}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
ปริตฺตานิ    สุวณฺณทุพฺพณฺณานิ    ตานิ    อภิภุยฺย    ชานามิ   ปสฺสามีติ
เอวํสญฺี โหติ อิทํ ตติยํ อภิภายตนํ ฯ
     {๑๐๐.๓}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
อปฺปมาณานิ    สุวณฺณทุพฺพณฺณานิ    ตานิ   อภิภุยฺย   ชานามิ   ปสฺสามีติ
เอวํสญฺี โหติ อิทํ จตุตฺถํ อภิภายตนํ ฯ
     {๑๐๐.๔}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
นีลานิ    นีลวณฺณานิ    นีลนิทสฺสนานิ   นีลนิภาสานิ   เสยฺยถาปิ   นาม
อุมฺมาปุปฺผํ   นีลํ   นีลวณฺณํ   นีลนิทสฺสนํ   นีลนิภาสํ  เสยฺยถา  ๑-  วา
ปน    ตํ    วตฺถํ    พาราณเสยฺยกํ   อุภโตภาควิมฏฺ   นีลํ   นีลวณฺณํ
นีลนิทสฺสนํ      นีลนิภาสํ     เอวเมว     อชฺฌตฺตํอรูปสญฺี     เอโก
พหิทฺธารูปานิ   ปสฺสติ   นีลานิ   นีลวณฺณานิ   นีลนิทสฺสนานิ  นีลนิภาสานิ
ตานิ   อภิภุยฺย   ชานามิ   ปสฺสามีติ   เอวํสญฺี   โหติ   อิทํ   ปญฺจมํ
อภิภายตนํ ฯ
     {๑๐๐.๕}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
ปีตานิ    ปีตวณฺณานิ    ปีตนิทสฺสนานิ   ปีตนิภาสานิ   เสยฺยถาปิ   นาม
กณฺณิการปุปฺผํ    ปีตํ    ปีตวณฺณํ    ปีตนิทสฺสนํ    ปีตนิภาสํ    เสยฺยถา
@เชิงอรรถ:  ม. เสยฺยถาปิ ฯ อิโต ปรํ อีทิสเมว ฯ
วา   ปน   ตํ   วตฺถํ   พาราณเสยฺยกํ   อุภโตภาควิมฏฺ  ปีตํ  ปีตวณฺณํ
ปีตนิทสฺสนํ      ปีตนิภาสํ     เอวเมว     อชฺฌตฺตํอรูปสญฺี     เอโก
พหิทฺธารูปานิ   ปสฺสติ   ปีตานิ   ปีตวณฺณานิ   ปีตนิทสฺสนานิ  ปีตนิภาสานิ
ตานิ    อภิภุยฺย   ชานามิ   ปสฺสามีติ   เอวํสญฺี   โหติ   อิทํ   ฉฏฺ
อภิภายตนํ ฯ
     {๑๐๐.๖}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
โลหิตกานิ     โลหิตกวณฺณานิ     โลหิตกนิทสฺสนานิ     โลหิตกนิภาสานิ
เสยฺยถาปิ     นาม     พนฺธุชีวกํ     ปุปฺผํ    โลหิตกํ    โลหิตกวณฺณํ
โลหิตกนิทสฺสนํ  โลหิตกนิภาสํ  เสยฺยถา  วา  ปน  ตํ วตฺถํ พาราณเสยฺยกํ
อุภโตภาควิมฏฺ       โลหิตกํ       โลหิตกวณฺณํ       โลหิตกนิทสฺสนํ
โลหิตกนิภาสํ   เอวเมว   อชฺฌตฺตํอรูปสญฺี  เอโก  พหิทฺธารูปานิ  ปสฺสติ
โลหิตกานิ     โลหิตกวณฺณานิ     โลหิตกนิทสฺสนานิ     โลหิตกนิภาสานิ
ตานิ   อภิภุยฺย   ชานามิ   ปสฺสามีติ   เอวํสญฺี   โหติ   อิทํ   สตฺตมํ
อภิภายตนํ ฯ
     {๑๐๐.๗}    อชฺฌตฺตํอรูปสญฺี    เอโก    พหิทฺธารูปานิ   ปสฺสติ
โอทาตานิ     โอทาตวณฺณานิ     โอทาตนิทสฺสนานิ     โอทาตนิภาสานิ
เสยฺยถาปิ      นาม     โอสธิตารกา     โอทาตา     โอทาตวณฺณา
โอทาตนิทสฺสนา    โอทาตนิภาสา    เสยฺยถา   วา   ปน   ตํ   วตฺถํ
พาราณเสยฺยกํ   อุภโตภาควิมฏฺ   โอทาตํ   โอทาตวณฺณํ  โอทาตนิทสฺสนํ
โอทาตนิภาสํ    เอวเมว    อชฺฌตฺตํอรูปสญฺี    เอโก    พหิทฺธารูปานิ
ปสฺสติ        โอทาตานิ       โอทาตวณฺณานิ       โอทาตนิทสฺสนานิ
ตานิ   อภิภุยฺย   ชานามิ   ปสฺสามีติ   เอวํสญฺี   โหติ   อิทํ   อฏฺมํ
อภิภายตนํ ฯ อิมานิ โข อานนฺท อฏฺ อภิภายตนานิ ฯ
     [๑๐๑]  อฏฺ  โข  อิเม  อานนฺท  วิโมกฺขา  ฯ  กตเม  อฏฺ
รูปี   รูปานิ   ปสฺสติ   อยํ   ปโม   วิโมกฺโข   ฯ   อชฺฌตฺตํอรูปสญฺี
พหิทฺธารูปานิ   ปสฺสติ   อยํ   ทุติโย  วิโมกฺโข  ฯ  สุภนฺเตว  อธิมุตฺโต
โหติ   อยํ   ตติโย   วิโมกฺโข   ฯ   สพฺพโส   รูปสญฺานํ  สมติกฺกมา
ปฏิฆสญฺานํ     อตฺถงฺคมา    นานตฺตสญฺานํ    อมนสิการา    อนนฺโต
อากาโสติ    อากาสานญฺจายตนํ    อุปสมฺปชฺช   วิหรติ   อยํ   จตุตฺโถ
วิโมกฺโข    ฯ    สพฺพโส    อากาสานญฺจายตนํ    สมติกฺกมฺม   อนนฺตํ
วิญฺาณนฺติ    วิญฺาณญฺจายตนํ    อุปสมฺปชฺช    วิหรติ    อยํ   ปญฺจโม
วิโมกฺโข   ฯ   สพฺพโส   วิญฺาณญฺจายตนํ   สมติกฺกมฺม   นตฺถิ   กิญฺจีติ
อากิญฺจญฺายตนํ  อุปสมฺปชฺช  วิหรติ  อยํ  ฉฏฺโ  วิโมกฺโข  ฯ   สพฺพโส
อากิญฺจญฺายตนํ           สมติกฺกมฺม          เนวสญฺานาสญฺายตนํ
อุปสมฺปชฺช     วิหรติ    อยํ    สตฺตโม    วิโมกฺโข    ฯ    สพฺพโส
เนวสญฺานาสญฺายตนํ          สมติกฺกมฺม         สญฺาเวทยิตนิโรธํ
อุปสมฺปชฺช   วิหรติ   อยํ   อฏฺโม   วิโมกฺโข  ฯ  อิเม  โข  อานนฺท
อฏฺ วิโมกฺขา ฯ
     [๑๐๒]   เอกมิทาหํ   อานนฺท  สมยํ  อุรุเวลายํ  วิหรามิ  นชฺชา
เนรญฺชราย    ตีเร    อชปาลนิโคฺรเธ   ปมาภิสมฺพุทฺโธ   ฯ   อถโข
อานนฺท    มาโร    ปาปิมา    เยนาหํ    เตนุปสงฺกมิ   อุปสงฺกมิตฺวา
เอกมนฺตํ   อฏฺาสิ   ฯ  เอกมนฺตํ  ิโต  โข  อานนฺท  มาโร  ปาปิมา
มํ   เอตทโวจ   ปรินิพฺพาตุทานิ   ภนฺเต   ภควา   ปรินิพฺพาตุ   สุคโต
ปรินิพฺพานกาโลทานิ   ภนฺเต   ภควโตติ   เอวํ   วุตฺเต   อหํ  อานนฺท
มารํ ปาปิมนฺตํ ๑- เอตทโวจํ
     {๑๐๒.๑}  น  ตาวาหํ  ปาปิม  ปรินิพฺพายิสฺสามิ  ยาว  เม  ภิกฺขู
น   สาวกา   ภวิสฺสนฺติ  วิยตฺตา  วินีตา  วิสารทา  พหุสฺสุตา  ธมฺมธรา
ธมฺมานุธมฺมปฏิปนฺนา    สามีจิปฏิปนฺนา   อนุธมฺมจาริโน   สกํ   อาจริยกํ
อุคฺคเหตฺวา   อาจิกฺขิสฺสนฺติ   เทเสสฺสนฺติ   ปญฺเปสฺสนฺติ   ปฏฺเปสฺสนฺติ
วิวริสฺสนฺติ    วิภชิสฺสนฺติ   อุตฺตานีกริสฺสนฺติ   ๒-   อุปฺปนฺนํ   ปรปฺปวาทํ
สหธมฺเมน สุนิคฺคหิตํ ๓- นิคฺคเหตฺวา สปฺปาฏิหาริยํ ธมฺมํ เทเสสฺสนฺติ ฯ
     {๑๐๒.๒}  น  ตาวาหํ  ปาปิม  ปรินิพฺพายิสฺสามิ ยาว เม ภิกฺขุนิโย
น   สาวิกา  ภวิสฺสนฺติ  วิยตฺตา  วินีตา  วิสารทา  พหุสฺสุตา  ธมฺมธรา
ธมฺมานุธมฺมปฏิปนฺนา      สามีจิปฏิปนฺนา      อนุธมฺมจารินิโย     สกํ
อาจริยกํ    อุคฺคเหตฺวา    อาจิกฺขิสฺสนฺติ   เทเสสฺสนฺติ   ปญฺเปสฺสนฺติ
ปฏฺเปสฺสนฺติ    วิวริสฺสนฺติ    วิภชิสฺสนฺติ   อุตฺตานีกริสฺสนฺติ   อุปฺปนฺนํ
ปรปฺปวาทํ     สหธมฺเมน    สุนิคฺคหิตํ    นิคฺคเหตฺวา    สปฺปาฏิหาริยํ
ธมฺมํ เทเสสฺสนฺติ ฯ
     {๑๐๒.๓}  น  ตาวาหํ  ปาปิม  ปรินิพฺพายิสฺสามิ ยาว เม อุปาสกา
น   สาวกา   ภวิสฺสนฺติ  วิยตฺตา  วินีตา  วิสารทา  พหุสฺสุตา  ธมฺมธรา
ธมฺมานุธมฺมปฏิปนฺนา    สามีจิปฏิปนฺนา   อนุธมฺมจาริโน   สกํ   อาจริยกํ
อุคฺคเหตฺวา   อาจิกฺขิสฺสนฺติ   เทเสสฺสนฺติ   ปญฺเปสฺสนฺติ   ปฏฺเปสฺสนฺติ
วิวริสฺสนฺติ     วิภชิสฺสนฺติ     อุตฺตานีกริสฺสนฺติ    อุปฺปนฺนํ    ปรปฺปวาทํ
@เชิงอรรถ:  ยุ. ปาปิมํ ฯ  ยุ. อุตฺตานิกริสฺสนฺติ ฯ อิโต ปรํ อีทิสเมว ฯ
@ ยุ. สุนิคฺคีหํ ฯ
สหธมฺเมน      สุนิคฺคหิตํ      นิคฺคเหตฺวา     สปฺปาฏิหาริยํ     ธมฺมํ
เทเสสฺสนฺติ   ฯ   น   ตาวาหํ   ปาปิม   ปรินิพฺพายิสฺสามิ   ยาว  เม
อุปาสิกา    น    สาวิกา    ภวิสฺสนฺติ    วิยตฺตา   วินีตา   วิสารทา
พหุสฺสุตา       ธมฺมธรา      ธมฺมานุธมฺมปฏิปนฺนา      สามีจิปฏิปนฺนา
อนุธมฺมจารินิโย     สกํ     อาจริยกํ     อุคฺคเหตฺวา    อาจิกฺขิสฺสนฺติ
เทเสสฺสนฺติ    ปญฺเปสฺสนฺติ    ปฏฺเปสฺสนฺติ    วิวริสฺสนฺติ   วิภชิสฺสนฺติ
อุตฺตานีกริสฺสนฺติ     อุปฺปนฺนํ     ปรปฺปวาทํ     สหธมฺเมน    สุนิคฺคหิตํ
นิคฺคเหตฺวา สปฺปาฏิหาริยํ ธมฺมํ เทเสสฺสนฺติ ฯ
     {๑๐๒.๔}   น  ตาวาหํ  ปาปิม  ปรินิพฺพายิสฺสามิ  ยาว  เม  อิทํ
พฺรหฺมจริยํ     อิทฺธญฺเจว    ภวิสฺสติ    ผีตญฺจ    วิตฺถาริกํ    พหุชญฺ
ปุถุภูตํ  ยาว  เทวมนุสฺเสหิ  สุปฺปกาสิตนฺติ  ฯ  อิทาเนว  ๑- โข อานนฺท
อชฺช   ปาวาเล   ๒-   เจติเย  มาโร  ปาปิมา  เยนาหํ  เตนุปสงฺกมิ
อุปสงฺกมิตฺวา   เอกมนฺตํ   อฏฺาสิ   ฯ   เอกมนฺตํ  ิโต  โข  อานนฺท
มาโร  ปาปิมา  มํ  เอตทโวจ  ปรินิพฺพาตุทานิ  ภนฺเต  ภควา ปรินิพฺพาตุ
สุคโต   ปรินิพฺพานกาโลทานิ   ภนฺเต   ภควโต   ภาสิตา  โข  ปเนสา
ภนฺเต  ภควตา  วาจา  น  ตาวาหํ  ปาปิม  ปรินิพฺพายิสฺสามิ  ยาว  เม
ภิกฺขู  น  สาวกา  ภวิสฺสนฺติ  ฯ ยาว เม ภิกฺขุนิโย น สาวิกา ภวิสฺสนฺติ ฯ
ยาว  เม  อุปาสกา  น  สาวกา  ภวิสฺสนฺติ  ฯ  ยาว  เม  อุปาสิกา น
สาวิกา  ภวิสฺสนฺติ  ฯ  ยาว  เม  อิทํ พฺรหฺมจริยํ [๓]- อิทฺธญฺเจว [๔]-
ภวิสฺสติ    ผีตญฺจ   วิตฺถาริกํ   พหุชญฺ   ปุถุภูตํ   ยาว   เทวมนุสฺเสหิ
สุปฺปกาสิตนฺติ     ฯ     เอตรหิ     โข    ปน    ภนฺเต    ภควโต
@เชิงอรรถ:  ยุ. อิทานิเจว โข ฯ  ม. ยุ. จาปาเล ฯ อิโต ปรํ อีทิสเมว ฯ ๓-๔ ม. ยุ. น ฯ
พฺรหฺมจริยํ    อิทฺธญฺเจว   ผีตญฺจ   วิตฺถาริกํ   พหุชญฺ   ปุถุภูตํ   ยาว
เทวมนุสฺเสหิ      สุปฺปกาสิตํ     ปรินิพฺพาตุทานิ     ภนฺเต     ภควา
ปรินิพฺพาตุ สุคโต ปรินิพฺพานกาโลทานิ ภนฺเต ภควโตติ ฯ
     {๑๐๒.๕}  เอวํ  วุตฺเต  อหํ  อานนฺท  มารํ  ปาปิมนฺตํ เอตทโวจํ
อปฺโปสฺสุกฺโก  ตฺวํ  ปาปิม  โหหิ  น  จิรํ  ตถาคตสฺส  ปรินิพฺพานํ ภวิสฺสติ
อิโต   ติณฺณํ   มาสานํ   อจฺจเยน  ตถาคโต  ปรินิพฺพายิสฺสตีติ  อิทาเนว
โข   อานนฺท  อชฺช  ปาวาเล  เจติเย  ตถาคเตน  สเตน  สมฺปชาเนน
อายุสงฺขาโร โอสฺสฏฺโติ ฯ
     {๑๐๒.๖}  เอวํ  วุตฺเต  อายสฺมา  อานนฺโท  ภควนฺตํ  เอตทโวจ
ติฏฺตุ   ภนฺเต   ภควา   กปฺปํ   ติฏฺตุ   สุคโต   กปฺปํ   พหุชนหิตาย
พหุชนสุขาย      โลกานุกมฺปาย      อตฺถาย      หิตาย      สุขาย
เทวมนุสฺสานนฺติ    ฯ    อลํทานิ    อานนฺท    มา    ตถาคตํ   ยาจิ
อกาโลทานิ   อานนฺท  ตถาคตํ  ยาจนายาติ  ฯ  ทุติยมฺปิ  โข  อายสฺมา
อานนฺโท    ฯเปฯ    ตติยมฺปิ    โข   อายสฺมา   อานนฺโท   ภควนฺตํ
เอตทโวจ    ติฏฺตุ   ภนฺเต   ภควา   กปฺปํ   ติฏฺตุ   สุคโต   กปฺปํ
พหุชนหิตาย     พหุชนสุขาย     โลกานุกมฺปาย     อตฺถาย     หิตาย
สุขาย เทวมนุสฺสานนฺติ ฯ
     {๑๐๒.๗}   สทฺทหสิ  ตฺวํ  อานนฺท  ตถาคตสฺส  โพธินฺติ  ฯ  เอวํ
ภนฺเต  ฯ  อถ  กิญฺจรหิ  ตฺวํ  อานนฺท ตถาคตํ ยาวตติยกํ อภินิปฺปีเฬสีติ ฯ
สมฺมุขา   เม   ตํ   ภนฺเต   ภควโต   สุตํ   สมฺมุขา  ปฏิคฺคหิตํ  ยสฺส
กสฺสจิ     อานนฺท     จตฺตาโร    อิทฺธิปาทา    ภาวิตา    พหุลีกตา
ยานีกตา    ๑-    วตฺถุกตา   อนุฏฺิตา   ปริจิตา   สุสมารทฺธา   โส
@เชิงอรรถ:  ยุ. ยานิกตา ฯ อิโต ปรํ อีทิสเมว ฯ
อากงฺขมาโน   กปฺปํ   วา   ติฏฺเยฺย   กปฺปาวเสสํ   วา   ตถาคตสฺส
โข   อานนฺท   จตฺตาโร   อิทฺธิปาทา   ภาวิตา   พหุลีกตา   ยานีกตา
วตฺถุกตา    อนุฏฺิตา   ปริจิตา   สุสมารทฺธา   อากงฺขมาโน   อานนฺท
ตถาคโต   กปฺปํ   วา   ติฏฺเยฺย  กปฺปาวเสสํ  วาติ  ฯ  สทฺทหสิ  ตฺวํ
อานนฺทาติ ฯ
     {๑๐๒.๘}   เอวํ   ภนฺเต  ฯ  ตสฺมาติหานนฺท  ตุเยฺหเวตํ  ทุกฺกฏํ
ตุเยฺหเวตํ   อปรทฺธํ   ยํ   ตฺวํ   ตถาคเตน  เอวํ  โอฬาริเก  นิมิตฺเต
กยิรมาเน   โอฬาริเก   โอภาเส   กยิรมาเน   นาสกฺขิ  ปฏิวิชฺฌิตุํ  น
ตถาคตํ   ยาจิ   ติฏฺตุ   [๑]-   ภควา   กปฺปํ  ติฏฺตุ  สุคโต  กปฺปํ
พหุชนหิตาย    พหุชนสุขาย   โลกานุกมฺปาย   อตฺถาย   หิตาย   สุขาย
เทวมนุสฺสานนฺติ   สเจ   ตฺวํ   อานนฺท  ตถาคตํ  ยาเจยฺยาสิ  เทฺว  ว
เต    วาจา    ตถาคโต    ปฏิกฺขิเปยฺย   อถ   ตติยกํ   อธิวาเสยฺย
ตสฺมาติหานนฺท ตุเยฺหเวตํ ทุกฺกฏํ ตุเยฺหเวตํ อปรทฺธํ ฯ
     [๑๐๓]   เอกมิทาหํ  อานนฺท  สมยํ  ราชคเห  วิหรามิ  คิชฺฌกูเฏ
ปพฺพเต   ฯ   ตตฺราปิ  โข  ตาหํ  อานนฺท  อามนฺเตสึ  รมณียํ  อานนฺท
ราชคหํ   รมณีโย   [๒]-   คิชฺฌกูโฏ   ปพฺพโต  ยสฺส  กสฺสจิ  อานนฺท
จตฺตาโร    อิทฺธิปาทา    ภาวิตา    พหุลีกตา    ยานีกตา   วตฺถุกตา
อนุฏฺิตา    ปริจิตา    สุสมารทฺธา   โส   อากงฺขมาโน   กปฺปํ   วา
ติฏฺเยฺย   กปฺปาวเสสํ   วา   ฯ   ตถาคตสฺส  โข  อานนฺท  จตฺตาโร
อิทฺธิปาทา   ภาวิตา   พหุลีกตา  ยานีกตา  วตฺถุกตา  อนุฏฺิตา  ปริจิตา
สุสมารทฺธา   โส   ๓-   อากงฺขมาโน   อานนฺท  ตถาคโต  กปฺปํ  วา
@เชิงอรรถ:  ม. ภนฺเต ฯ  ม. อานนฺท ฯ  ยุ. อยํ ปาโ นตฺถิ ฯ
ติฏฺเยฺย   กปฺปาวเสสํ   วาติ   เอวมฺปิ  โข  ตฺวํ  อานนฺท  ตถาคเตน
โอฬาริเก  นิมิตฺเต  กยิรมาเน  โอฬาริเก  โอภาเส  กยิรมาเน นาสกฺขิ
ปฏิวิชฺฌิตุํ   น   ตถาคตํ   ยาจิ   ติฏฺตุ   [๑]-  ภควา  กปฺปํ  ติฏฺตุ
สุคโต    กปฺปํ    พหุชนหิตาย   พหุชนสุขาย   โลกานุกมฺปาย   อตฺถาย
หิตาย    สุขาย    เทวมนุสฺสานนฺติ    สเจ   ตฺวํ   อานนฺท   ตถาคตํ
ยาเจยฺยาสิ   เทฺว  ว  เต  วาจา  ตถาคโต  ปฏิกฺขิเปยฺย  อถ  ตติยกํ
อธิวาเสยฺย ตสฺมาติหานนฺท ตุเยฺหเวตํ ทุกฺกฏํ ตุเยฺหเวตํ อปรทฺธํ ฯ
     [๑๐๔]   เอกมิทาหํ   อานนฺท  สมยํ  ตตฺเถว  ราชคเห  วิหรามิ
โคตมนิโคฺรเธ  ๒-  ฯเปฯ  ตตฺเถว  ราชคเห  วิหรามิ  โจรปฺปปาเต ฯ
ตตฺเถว  ราชคเห  วิหรามิ  เวภารปสฺเส  สตฺตปณฺณคุหายํ  ๓- ฯ ตตฺเถว
ราชคเห   วิหรามิ   อิสิคิลิปสฺเส   กาฬสิลายํ   ฯ   ตตฺเถว  ราชคเห
วิหรามิ   สีตวเน   สปฺปโสณฺฑิกปพฺภาเร  ฯ  ตตฺเถว  ราชคเห  วิหรามิ
ตโปทาราเม  ฯ  ตตฺเถว  ราชคเห  วิหรามิ  เวฬุวเน กลนฺทกนิวาเป ฯ
ตตฺเถว  ราชคเห  วิหรามิ  ชีวกมฺพวเน  ฯ  ตตฺเถว  ราชคเห  วิหรามิ
มทฺทกุจฺฉิสฺมึ มิคทาเย ฯ
     {๑๐๔.๑}   ตตฺราปิ   โข   ตาหํ   อานนฺท   อามนฺเตสึ  รมณียํ
อานนฺท     ราชคหํ     รมณีโย     คิชฺฌกูโฏ     ปพฺพโต    รมณีโย
โคตมนิโคฺรโธ     รมณีโย    โจรปฺปปาโต    รมณียา    เวภารปสฺเส
สตฺตปณฺณคุหา    รมณียา    อิสิคิลิปสฺเส   กาฬสิลา   รมณีโย   สีตวเน
สปฺปโสณฺฑิกปพฺภาโร        รมณีโย       ตโปทาราโม       รมณีโย
@เชิงอรรถ:  ม. ภนฺเต ฯ  ยุ. นิโครฺธาราเม ฯ  ม. ยุ. สตฺตปณฺีคุหายํ ฯ อิโต ปรํ
@อีทิสเมว ฯ
เวฬุวนกลนฺทกนิวาโป  ๑-  รมณียํ ชีวกมฺพวนํ รมณีโย มทฺทกุจฺฉิมิคทาโย ๒-
ยสฺส  กสฺสจิ  อานนฺท  จตฺตาโร  อิทฺธิปาทา  ภาวิตา  พหุลีกตา ยานีกตา
วตฺถุกตา  อนุฏฺิตา  ปริจิตา  สุสมารทฺธา  โส  อากงฺขมาโน  กปฺปํ  วา
ติฏฺเยฺย กปฺปาวเสสํ วา ฯ
     {๑๐๔.๒}  ตถาคตสฺส  โข  อานนฺท  จตฺตาโร  อิทฺธิปาทา ภาวิตา
พหุลีกตา  ยานีกตา  วตฺถุกตา  อนุฏฺิตา  ปริจิตา  สุสมารทฺธา  โส  ๓-
อากงฺขมาโน  อานนฺท  ตถาคโต  กปฺปํ  วา  ติฏฺเยฺย  กปฺปาวเสสํ วาติ
เอวมฺปิ   โข  ตฺวํ  อานนฺท  ตถาคเตน  โอฬาริเก  นิมิตฺเต  กยิรมาเน
โอฬาริเก   โอภาเส  กยิรมาเน  นาสกฺขิ  ปฏิวิชฺฌิตุํ  น  ตถาคตํ  ยาจิ
ติฏฺตุ   ภควา   กปฺปํ   ติฏฺตุ  สุคโต  กปฺปํ  พหุชนหิตาย  พหุชนสุขาย
โลกานุกมฺปาย   อตฺถาย   หิตาย   สุขาย   เทวมนุสฺสานนฺติ  สเจ  ตฺวํ
อานนฺท  ตถาคตํ  ยาเจยฺยาสิ  เทฺว  ว  เต วาจา ตถาคโต ปฏิกฺขิเปยฺย
อถ   ตติยกํ  อธิวาเสยฺย  ตสฺมาติหานนฺท  ตุเยฺหเวตํ  ทุกฺกฏํ  ตุเยฺหเวตํ
อปรทฺธํ ฯ
     [๑๐๕]   เอกมิทาหํ   อานนฺท   สมยํ  อิเธว  เวสาลิยํ  วิหรามิ
อุเทเน   เจติเย  ฯ  ตตฺราปิ  โข  ตาหํ  อานนฺท  อามนฺเตสึ  รมณียา
อานนฺท   เวสาลี   รมณียํ   อุเทนํ   เจติยํ   ยสฺส   กสฺสจิ   อานนฺท
จตฺตาโร   อิทฺธิปาทา  ภาวิตา  พหุลีกตา  ยานีกตา  วตฺถุกตา  อนุฏฺิตา
ปริจิตา    สุสมารทฺธา    โส   อากงฺขมาโน   กปฺปํ   วา   ติฏฺเยฺย
กปฺปาวเสสํ   วา   ฯ   ตถาคตสฺส  โข  อานนฺท  จตฺตาโร  อิทฺธิปาทา
@เชิงอรรถ:  ม. ยุ. เวฬุวเน ฯ  ม. ยุ. มทฺทกุจฺฉิสฺมึ ฯ  ยุ. อยํ ปาโ นตฺถิ ฯ
ภาวิตา   พหุลีกตา  ยานีกตา  วตฺถุกตา  อนุฏฺิตา  ปริจิตา  สุสมารทฺธา
โส   ๑-   อากงฺขมาโน   อานนฺท   ตถาคโต   กปฺปํ   วา  ติฏฺเยฺย
กปฺปาวเสสํ   วาติ   เอวมฺปิ  โข  ตฺวํ  อานนฺท  ตถาคเตน  โอฬาริเก
นิมิตฺเต  กยิรมาเน  โอฬาริเก  โอภาเส  กยิรมาเน  นาสกฺขิ  ปฏิวิชฺฌิตุํ
น   ตถาคตํ   ยาจิ   ติฏฺตุ   ภควา   กปฺปํ   ติฏฺตุ   สุคโต   กปฺปํ
พหุชนหิตาย    พหุชนสุขาย   โลกานุกมฺปาย   อตฺถาย   หิตาย   สุขาย
เทวมนุสฺสานนฺติ   สเจ   ตฺวํ   อานนฺท   ตถาคตํ   ยาเจยฺยาสิ   เทฺว
ว   เต   วาจา   ตถาคโต   ปฏิกฺขิเปยฺย   อถ   ตติยกํ  อธิวาเสยฺย
ตสฺมาติหานนฺท ตุเยฺหเวตํ ทุกฺกฏํ ตุเยฺหเวตํ อปรทฺธํ ฯ
     [๑๐๖]   เอกมิทาหํ   อานนฺท   สมยํ  อิเธว  เวสาลิยํ  วิหรามิ
โคตมเก    เจติเย   ฯเปฯ   อิเธว   เวสาลิยํ   วิหรามิ   สตฺตมฺเพ
เจติเย   ฯ   อิเธว  เวสาลิยํ  วิหรามิ  พหุปุตฺเต  เจติเย  ฯ  อิเธว
เวสาลิยํ   วิหรามิ   สารนฺทเท   เจติเย   ฯ   อิทาเนว   โข  ตาหํ
อานนฺท    อชฺช   ปาวาเล   เจติเย   อามนฺเตสึ   รมณียา   อานนฺท
เวสาลี   รมณียํ   อุเทนํ   เจติยํ   รมณียํ   โคตมกํ   เจติยํ   รมณียํ
สตฺตมฺพํ    เจติยํ    รมณียํ    พหุปุตฺตํ    เจติยํ    รมณียํ   สารนฺททํ
เจติยํ   รมณียํ   ปาวาลํ   เจติยํ   ยสฺส   กสฺสจิ   อานนฺท  จตฺตาโร
อิทฺธิปาทา    ภาวิตา    พหุลีกตา    ยานีกตา    วตฺถุกตา   อนุฏฺิตา
ปริจิตา    สุสมารทฺธา    โส   อากงฺขมาโน   กปฺปํ   วา   ติฏฺเยฺย
กปฺปาวเสสํ วา ฯ
     {๑๐๖.๑}      ตถาคตสฺส      โข      อานนฺท     จตฺตาโร
อิทฺธิปาทา           ภาวิตา          พหุลีกตา          ยานีกตา
@เชิงอรรถ:  ยุ. อยํ ปาโ นตฺถิ ฯ อิโต ปรํ อีทิสเมว ฯ
วตฺถุกตา   อนุฏฺิตา   ปริจิตา  สุสมารทฺธา  โส  อากงฺขมาโน  อานนฺท
ตถาคโต   กปฺปํ   วา   ติฏฺเยฺย   กปฺปาวเสสํ   วาติ   เอวมฺปิ  โข
ตฺวํ   อานนฺท   ตถาคเตน   โอฬาริเก  นิมิตฺเต  กยิรมาเน  โอฬาริเก
โอภาเส   กยิรมาเน   นาสกฺขิ   ปฏิวิชฺฌิตุํ   น  ตถาคตํ  ยาจิ  ติฏฺตุ
ภควา    กปฺปํ    ติฏฺตุ    สุคโต   กปฺปํ   พหุชนหิตาย   พหุชนสุขาย
โลกานุกมฺปาย    อตฺถาย    หิตาย    สุขาย   เทวมนุสฺสานนฺติ   สเจ
ตฺวํ   อานนฺท   ตถาคตํ   ยาเจยฺยาสิ  เทฺว  ว  เต  วาจา  ตถาคโต
ปฏิกฺขิเปยฺย    อถ   ตติยกํ   อธิวาเสยฺย   ตสฺมาติหานนฺท   ตุเยฺหเวตํ
ทุกฺกฏํ ตุเยฺหเวตํ อปรทฺธํ
     {๑๐๖.๒}   น   นุ   เอวํ  ๑-  อานนฺท  มยา  ปฏิกจฺเจว  ๒-
อกฺขาตํ    สพฺเพเหว    ปิเยหิ    มนาเปหิ   นานาภาโว   วินาภาโว
อญฺถาภาโว    ตํ    กุเตตฺถ   อานนฺท   ลพฺภา   ยนฺตํ   ชาตํ   ภูตํ
สงฺขตํ ปโลกธมฺมํ ตํ วต มา ปลุชฺชีติ เนตํ านํ วิชฺชติ ฯ
     {๑๐๖.๓}  ยํ  โข  ปเนตํ อานนฺท ตถาคเตน จตฺตํ วนฺตํ มุตฺตํ ปหีนํ
ปฏินิสฺสฏฺ   โอสฺสฏฺโ  อายุสงฺขาโร  เอกํเสน  วาจา  [๓]-  ภาสิตา
น    จิรํ   ตถาคตสฺส   ปรินิพฺพานํ   ภวิสฺสติ   อิโต   ติณฺณํ   มาสานํ
อจฺจเยน   ตถาคโต   ปรินิพฺพายิสฺสตีติ   ตญฺจ  ๔-  ตถาคโต  ชีวิตเหตุ
ปุน   ปจฺจาคมิสฺสตีติ   เนตํ   านํ   วิชฺชติ   ฯ   อายามานนฺท  เยน
มหาวนํ   เยน   ๕-   กูฏาคารสาลา   เตนุปสงฺกมิสฺสามาติ   ฯ  เอวํ
ภนฺเตติ   โข   อายสฺมา   อานนฺโท   ภควโต   ปจฺจสฺโสสิ  ฯ  อถโข
@เชิงอรรถ:  ม. เอตํ ฯ  สี. ยุ. ปฏิคจฺเจว ฯ  ยุ. ภควตา ฯ  ยุ. ตํ วจนํ ฯ
@ ยุ. อยํ ปาโ นตฺถิ อิโต ปรํ อีทิสเมว ฯ
ภควา    อายสฺมตา    อานนฺเทน    สทฺธึ    เยน    มหาวนํ   เยน
กูฏาคารสาลา    เตนุปสงฺกมิ    อุปสงฺกมิตฺวา    อายสฺมนฺตํ    อานนฺทํ
อามนฺเตสิ   คจฺฉ   ตฺวํ   อานนฺท  ยาวติกา  ภิกฺขู  เวสาลึ  อุปนิสฺสาย
วิหรนฺติ   เต  สพฺเพ  อุปฏฺานสาลายํ  สนฺนิปาเตหีติ  ฯ  เอวํ  ภนฺเตติ
โข   อายสฺมา   อานนฺโท   ภควโต  ปฏิสฺสุณิตฺวา  ๑-  ยาวติกา  ภิกฺขู
เวสาลึ     อุปนิสฺสาย    วิหรนฺติ    เต    สพฺเพ    อุปฏฺานสาลายํ
สนฺนิปาเตตฺวา    เยน   ภควา   เตนุปสงฺกมิ   อุปสงฺกมิตฺวา   ภควนฺตํ
อภิวาเทตฺวา   เอกมนฺตํ   อฏฺาสิ   ฯ  เอกมนฺตํ  ิโต  โข  อายสฺมา
อานนฺโท    ภควนฺตํ    เอตทโวจ    สนฺนิปติโต    ภนฺเต   ภิกฺขุสงฺโฆ
ยสฺสทานิ ภนฺเต ภควา กาลํ มญฺตีติ ฯ
     [๑๐๗]    อถโข   ภควา   เยน   อุปฏฺานสาลา   เตนุปสงฺกมิ
อุปสงฺกมิตฺวา   ปญฺตฺเต   อาสเน  นิสีทิ  ฯ  นิสชฺช  โข  ภควา  ภิกฺขู
อามนฺเตสิ   ตสฺมาติห   ภิกฺขเว   เย  เต  ๒-  มยา  ธมฺมา  อภิญฺา
เทสิตา   เต   โว   สาธุกํ   อุคฺคเหตฺวา   อาเสวิตพฺพา  ภาเวตพฺพา
พหุลีกาตพฺพา     ยถยิทํ    พฺรหฺมจริยํ    อทฺธนิยํ    อสฺส    จิรฏฺิติกํ
ตทสฺส    พหุชนหิตาย   พหุชนสุขาย   โลกานุกมฺปาย   อตฺถาย   หิตาย
สุขาย  เทวมนุสฺสานํ  ฯ  กตเม  จ  เต  ภิกฺขเว  ธมฺมา  มยา อภิญฺา
เทสิตา   เย  เต  ๓-  สาธุกํ  อุคฺคเหตฺวา  อาเสวิตพฺพา  ภาเวตพฺพา
พหุลีกาตพฺพา     ยถยิทํ    พฺรหฺมจริยํ    อทฺธนิยํ    อสฺส    จิรฏฺิติกํ
ตทสฺส    พหุชนหิตาย   พหุชนสุขาย   โลกานุกมฺปาย   อตฺถาย   หิตาย
@เชิงอรรถ:  ยุ. ปฏิสฺสุตฺวา ฯ  ยุ. โว ฯ  ม. ยุ. โว ฯ
สุขาย  เทวมนุสฺสานํ  ฯ  เสยฺยถีทํ  ฯ  จตฺตาโร  สติปฏฺานา  จตฺตาโร
สมฺมปฺปธานา      จตฺตาโร     อิทฺธิปาทา     ปญฺจินฺทฺริยานิ     ปญฺจ
พลานิ    สตฺต   โพชฺฌงฺคา   อริโย   อฏฺงฺคิโก   มคฺโค   ฯ   อิเม
โข  เต  ๑-  ภิกฺขเว  ธมฺมา  มยา  อภิญฺา เทสิตา เย ๒- เต สาธุกํ
อุคฺคเหตฺวา     อาเสวิตพฺพา    ภาเวตพฺพา    พหุลีกาตพฺพา    ยถยิทํ
พฺรหฺมจริยํ     อทฺธนิยํ     อสฺส    จิรฏฺิติกํ    ตทสฺส    พหุชนหิตาย
พหุชนสุขาย      โลกานุกมฺปาย      อตฺถาย      หิตาย      สุขาย
เทวมนุสฺสานนฺติ ฯ
     {๑๐๗.๑}   อถโข   ภควา  ภิกฺขู  อามนฺเตสิ  หนฺททานิ  ภิกฺขเว
อามนฺตยามิ    โว    วยธมฺมา    สงฺขารา   อปฺปมาเทน   สมฺปาเทถ
น    จิรํ   ตถาคตสฺส   ปรินิพฺพานํ   ภวิสฺสติ   อิโต   ติณฺณํ   มาสานํ
อจฺจเยน    ตถาคโต   ปรินิพฺพายิสฺสตีติ   ฯ   อิทมโวจ   ภควา   อิทํ
วตฺวาน ๓- สุคโต อถาปรํ เอตทโวจ สตฺถา ๔-
     [๑๐๘]  ทหราปิ จ เย วุฑฺฒา        เย พาลา เย จ ปณฺฑิตา
            อฑฺฒา เจว ทฬิทฺทา จ          สพฺเพ มจฺจุปรายนา ฯ
            ยถาปิ กุมฺภการสฺส               กตํ มตฺติกภาชนํ
            ขุทฺทกญฺจ มหนฺตญฺจ           ยญฺจ ปกฺกํ ยญฺจ อามกํ
            สพฺพํ เภทปริยนฺตํ                เอวํ มจฺจานชีวิตํ ฯ
     อถาปรํ เอตทโวจ สตฺถา
@เชิงอรรถ:  ยุ. อยํ ปาโ นตฺถิ ฯ  ยุ. เต โว ฯ ม. เย โว ฯ  ยุ. วตฺวา ฯ อิโต ปรํ
@อีทิสเมว ฯ  อิโต ปรํ สีหลโปตฺถเก ปริปกฺโก วโย มยฺหํ ... ทุกฺขสฺสนฺตํ
@กริสฺสตีติ ทิสฺสติ ฯ
            ปริปกฺโก วโย มยฺหํ         ปริตฺตํ มม ชีวิตํ
            ปหาย โว คมิสฺสามิ         กตํ เม สรณมตฺตโน ฯ
            อปฺปมตฺตา สตีมนฺโต       สุสีลา โหถ ภิกฺขโว
            สุสมาหิตสงฺกปฺปา           สจิตฺตมนุรกฺขถ ฯ
            โย อิมสฺมึ ธมฺมวินเย       อปฺปมตฺโต วิหริสฺสติ ๑-
            ปหาย ชาติสํสารํ            ทุกฺขสฺสนฺตํ กริสฺสตีติ ฯ
                        ตติยภาณวารํ ฯ ๒-
     [๑๐๙]  อถโข  ภควา  ปุพฺพณฺหสมยํ  นิวาเสตฺวา  ปตฺตจีวรมาทาย
เวสาลึ   ปิณฺฑาย   ปาวิสิ   เวสาลิยํ   ปิณฺฑาย   จริตฺวา   ปจฺฉาภตฺตํ
ปิณฺฑปาตปฏิกฺกนฺโต  นาคาวโลกิตํ  ๓-  เวสาลึ  อปโลเกตฺวา  อายสฺมนฺตํ
อานนฺทํ     อามนฺเตสิ     อิทํ     ปจฺฉิมกํ     อานนฺท    ตถาคตสฺส
เวสาลิยา   ๔-   ทสฺสนํ  ภวิสฺสติ  อายามานนฺท  เยน  ภณฺฑคาโม  ๕-
เตนุปสงฺกมิสฺสามาติ  ฯ  เอวํ  ภนฺเตติ  โข  อายสฺมา  อานนฺโท ภควโต
ปจฺจสฺโสสิ ฯ
     {๑๐๙.๑}   อถโข   ภควา   มหตา   ภิกฺขุสงฺเฆน   สทฺธึ  เยน
ภณฺฑคาโม   ตทวสริ   ฯ   ตตฺร   สุทํ   ภควา  ภณฺฑคาเม  วิหรติ  ฯ
ตตฺร    โข   ภควา   ภิกฺขู   อามนฺเตสิ   จตุนฺนํ   ภิกฺขเว   ธมฺมานํ
อนนุโพธา    อปฺปฏิเวธา    เอวมิทํ    ทีฆมทฺธานํ   สนฺธาวิตํ   สํสริตํ
มมญฺเจว   ตุมฺหากญฺจ   ฯ   กตเมสํ   จตุนฺนํ   ฯ   อริยสฺส   ภิกฺขเว
สีลสฺส    อนนุโพธา    อปฺปฏิเวธา    เอวมิทํ   ทีฆมทฺธานํ   สนฺธาวิตํ
@เชิงอรรถ:  สี. ยุ. วิเหสฺสติ ฯ ม. วิหสฺสติ ฯ  ยุ. ตติยกภาณวารํ นิฏฺิตํ ฯ ม. ตติโย
@ภาณวาโร ฯ  ม. ยุ. นาคาปโลกิตํ ฯ  ยุ. เวสาลิทสฺสนํ ฯ  ม. ภณฺฑคาโม ฯ
@อิโต ปรํ อีทิสเมว ฯ
สํสริตํ    มมญฺเจว    ตุมฺหากญฺจ    ฯ   อริยสฺส   ภิกฺขเว   สมาธิสฺส
อนนุโพธา    อปฺปฏิเวธา    เอวมิทํ    ทีฆมทฺธานํ   สนฺธาวิตํ   สํสริตํ
มมญฺเจว    ตุมฺหากญฺจ   ฯ   อริยาย   ภิกฺขเว   ปญฺาย   อนนุโพธา
อปฺปฏิเวธา    เอวมิทํ    ทีฆมทฺธานํ    สนฺธาวิตํ    สํสริตํ   มมญฺเจว
ตุมฺหากญฺจ   ฯ   อริยาย   ภิกฺขเว   วิมุตฺติยา  อนนุโพธา  อปฺปฏิเวธา
เอวมิทํ ทีฆมทฺธานํ สนฺธาวิตํ สํสริตํ มมญฺเจว ตุมฺหากญฺจ ฯ
     {๑๐๙.๒}  ตยิทํ  ภิกฺขเว  อริยํ  สีลํ อนุพุทฺธํ ปฏิวิทฺธํ อริโย สมาธิ
อนุพุทฺโธ    ปฏิวิทฺโธ   อริยา   ปญฺา   อนุพุทฺธา   ปฏิวิทฺธา   อริยา
วิมุตฺติ   อนุพุทฺธา   ปฏิวิทฺธา   อุจฺฉินฺนา   ภวตณฺหา   ขีณา   ภวเนตฺติ
นตฺถิทานิ   ปุนพฺภโวติ   ฯ   อิทมโวจ   ภควา   อิทํ   วตฺวาน  สุคโต
อถาปรํ เอตทโวจ สตฺถา
     [๑๑๐]  สีลํ สมาธิ ปญฺา จ          วิมุตฺติ จ อนุตฺตรา
              อนุพุทฺธา อิเม ธมฺมา          โคตเมน ยสสฺสินา
              อิติ พุทฺโธ อภิญฺาย           ธมฺมมกฺขาติ ๑- ภิกฺขุนํ
              ทุกฺขสฺสนฺตงฺกโร สตฺถา        จกฺขุมา ปรินิพฺพุโพติ ฯ
     [๑๑๑]  ตตฺรปิ  สุทํ  ภควา  ภณฺฑคาเม  วิหรนฺโต  เอตเทว พหุลํ
ภิกฺขูนํ   ธมฺมึ   กถํ   กโรติ   อิติ   สีลํ   อิติ   สมาธิ   อิติ  ปญฺา
สีลปริภาวิโต   สมาธิ   มหปฺผโล   โหติ   มหานิสํโส   สมาธิปริภาวิตา
ปญฺา   มหปฺผลา   โหติ   มหานิสํสา   ปญฺาปริภาวิตํ  จิตฺตํ  สมฺมเทว
อาสเวหิ วิมุจฺจติ เสยฺยถีทํ กามาสวา ภวาสวา [๒]- อวิชฺชาสวาติ ฯ
@เชิงอรรถ:  ม. ยุ. ธมฺมมกฺขาสิ ฯ  ยุ. ทิฏฺาสวา ฯ
     [๑๑๒]  อถโข  ภควา  ภณฺฑคาเม  ยถาภิรนฺตํ วิหริตฺวา อายสฺมนฺตํ
อานนฺทํ    อามนฺเตสิ    อายามานนฺท   เยน   หตฺถิคาโม   อมฺพคาโม
ชมฺพุคาโม   เยน   โภคนครํ   เตนุปสงฺกมิสฺสามาติ   ฯ  เอวํ  ภนฺเตติ
โข   อายสฺมา   อานนฺโท   ภควโต   ปจฺจสฺโสสิ   ฯ   อถโข  ภควา
มหตา    ภิกฺขุสงฺเฆน   สทฺธึ   เยน   โภคนครํ   ตทวสริ   ฯ   ตตฺร
สุทํ  ภควา  โภคนคเร  วิหรติ  อานนฺเท  เจติเย  ฯ  ตตฺร  โข ภควา
ภิกฺขู    อามนฺเตสิ   จตฺตาโรเม   ภิกฺขเว   มหาปเทเส   เทเสสฺสามิ
ตํ    สุณาถ   สาธุกํ   มนสิกโรถ   ภาสิสฺสามีติ   ฯ   เอวํ   ภนฺเตติ
โข เต ภิกฺขู ภควโต ปจฺจสฺโสสุํ ฯ ภควา เอตทโวจ
     [๑๑๓]   อิธ   ภิกฺขเว   ภิกฺขุ   เอวํ   วเทยฺย  สมฺมุขา  เมตํ
อาวุโส    ภควโต    สุตํ    สมฺมุขา   ปฏิคฺคหิตํ   อยํ   ธมฺโม   อยํ
วินโย   อิทํ   สตฺถุ   สาสนนฺติ   ตสฺส  ภิกฺขเว  ภิกฺขุโน  ภาสิตํ  เนว
อภินนฺทิตพฺพํ    นปฺปฏิกฺโกสิตพฺพํ    ฯ    อนภินนฺทิตฺวา   อปฺปฏิกฺโกสิตฺวา
ตานิ  ปทพฺยญฺชนานิ  สาธุกํ  อุคฺคเหตฺวา สุตฺเต โอสาเรตพฺพานิ ๑- วินเย
สนฺทสฺเสตพฺพานิ   ฯ   ตานิ   เจ  สุตฺเต  โอสาริยมานานิ  ๒-  วินเย
สนฺทสฺสิยมานานิ  น เจว สุตฺเต โอสรนฺติ ๓- น จ ๔- วินเย สนฺทิสฺสนฺติ ฯ
นิฏฺเมตฺถ   คนฺตพฺพํ   อทฺธา   อิทํ   น   เจว   ตสฺส  ภควโต  วจนํ
อิมสฺส   จ   ภิกฺขุโน   ทุคฺคหิตนฺติ  อิติ  เหตํ  ภิกฺขเว  ฉฑฺเฑยฺยาถ  ฯ
ตานิ   เจ   สุตฺเต   โอสาริยมานานิ   วินเย  สนฺทสฺสิยมานานิ  สุตฺเต
@เชิงอรรถ:  ยุ. โอตาเรตพฺพานิ ฯ  ยุ. โอตาริยมานานิ ฯ อิโต ปรํ อีทิสเมว ฯ  สี. ยุ.
@โอตรนฺติ ฯ  ยุ. น วินเย ฯ
เจ  ๑-  โอสรนฺติ  วินเย เจ ๒- สนฺทิสฺสนฺติ ฯ นิฏฺเมตฺถ คนฺตพฺพํ อทฺธา
อิทํ  ตสฺส  ภควโต  วจนํ  อิมสฺส  จ  ภิกฺขุโน สุคหิตนฺติ อิทํ ภิกฺขเว ปมํ
มหาปเทสํ ธาเรยฺยาถ ฯ
     [๑๑๔]   อิธ  ปน  ภิกฺขเว  ภิกฺขุ  เอวํ  วเทยฺย  อมุกสฺมึ  นาม
อาวาเส   สงฺโฆ   วิหรติ   สเถโร   สปาโมกฺโข  ตสฺส  เม  สงฺฆสฺส
สมฺมุขา   สุตํ   สมฺมุขา   ปฏิคฺคหิตํ   อยํ   ธมฺโม   อยํ   วินโย  อิทํ
สตฺถุ   สาสนนฺติ   ตสฺส   ภิกฺขเว   ภิกฺขุโน  ภาสิตํ  เนว  อภินนฺทิตพฺพํ
นปฺปฏิกฺโกสิตพฺพํ     ฯ     อนภินนฺทิตฺวา     อปฺปฏิกฺโกสิตฺวา     ตานิ
ปทพฺยญฺชนานิ   สาธุกํ   อุคฺคเหตฺวา   สุตฺเต   โอสาเรตพฺพานิ   วินเย
สนฺทสฺเสตพฺพานิ    ฯ   ตานิ   เจ   สุตฺเต   โอสาริยมานานิ   วินเย
สนฺทสฺสิยมานานิ  น  เจว  สุตฺเต  โอสรนฺติ  น  จ  วินเย สนฺทิสฺสนฺติ ฯ
นิฏฺเมตฺถ   คนฺตพฺพํ  อทฺธา  อิทํ  น  เจว  ตสฺส  ภควโต  วจนํ  ตสฺส
จ   ภิกฺขุสงฺฆสฺส   ทุคฺคหิตนฺติ   อิติ   เหตํ   ภิกฺขเว   ฉฑฺเฑยฺยาถ  ฯ
ตานิ   เจ   สุตฺเต   โอสาริยมานานิ   วินเย  สนฺทสฺสิยมานานิ  สุตฺเต
เจ  ๓-  โอสรนฺติ  วินเย  จ  สนฺทิสฺสนฺติ  ฯ  นิฏฺเมตฺถ คนฺตพฺพํ อทฺธา
อิทํ    ตสฺส   ภควโต   วจนํ   ตสฺส   จ   สงฺฆสฺส   สุคหิตนฺติ   อิทํ
ภิกฺขเว ทุติยํ มหาปเทสํ ธาเรยฺยาถ ฯ
     [๑๑๕]   อิธ  ปน  ภิกฺขเว  ภิกฺขุ  เอวํ  วเทยฺย  อมุกสฺมึ  นาม
อาวาเส   สมฺพหุลา   เถรา   ภิกฺขู   วิหรนฺติ   พหุสฺสุตา  อาคตาคมา
ธมฺมธรา   วินยธรา   มาติกาธรา   เตสํ   เม  เถรานํ  สมฺมุขา  สุตํ
@เชิงอรรถ: ๑-๒-๓ ม. ยุ. เจว ... จ ฯ
สมฺมุขา   ปฏิคฺคหิตํ   อยํ   ธมฺโม   อยํ   วินโย  อิทํ  สตฺถุ  สาสนนฺติ
ตสฺส    ภิกฺขเว   ภิกฺขุโน   ภาสิตํ   เนว   อภินนฺทิตพฺพํ   ฯเปฯ   น
วินเย   สนฺทิสฺสนฺติ   ฯ   นิฏฺเมตฺถ   คนฺตพฺพํ   อทฺธา  อิทํ  น  เจว
ตสฺส    ภควโต   วจนํ   เตสญฺจ   เถรานํ   ทุคฺคหิตนฺติ   อิติ   เหตํ
ภิกฺขเว   ฉฑฺเฑยฺยาถ   ฯ   ตานิ  เจ  สุตฺเต  โอสาริยมานานิ  ฯเปฯ
วินเย    สนฺทิสฺสนฺติ   ฯ   นิฏฺเมตฺถ   คนฺตพฺพํ   อทฺธา   อิทํ   ตสฺส
ภควโต   วจนํ   เตสญฺจ   เถรานํ   สุคหิตนฺติ   อิทํ   ภิกฺขเว   ตติยํ
มหาปเทสํ ธาเรยฺยาถ ฯ
     [๑๑๖]   อิธ  ปน  ภิกฺขเว  ภิกฺขุ  เอวํ  วเทยฺย  อมุกสฺมึ  นาม
อาวาเส  [๑]-  เถโร  ภิกฺขุ  วิหรติ  พหุสฺสุโต  อาคตาคโม  ธมฺมธโร
วินยธโร   มาติกาธโร   ตสฺส   เม   เถรสฺส   สมฺมุขา  สุตํ  สมฺมุขา
ปฏิคฺคหิตํ   อยํ   ธมฺโม   อยํ   วินโย   อิทํ   สตฺถุ   สาสนนฺติ  ตสฺส
ภิกฺขเว   ภิกฺขุโน   ภาสิตํ   เนว   อภินนฺทิตพฺพํ   นปฺปฏิกฺโกสิตพฺพํ   ฯ
อนภินนฺทิตฺวา     อปฺปฏิกฺโกสิตฺวา     ตานิ     ปทพฺยญฺชนานิ    สาธุกํ
อุคฺคเหตฺวา   สุตฺเต   โอสาเรตพฺพานิ   วินเย  สนฺทสฺสิตพฺพานิ  ๒-  ฯ
ตานิ   เจ   สุตฺเต  โอสาริยมานานิ  วินเย  สนฺทสฺสิยมานานิ  น  เจว
สุตฺเต  โอสรนฺติ  น  จ  ๓-  วินเย  สนฺทิสฺสนฺติ  ฯ  นิฏฺเมตฺถ คนฺตพฺพํ
ฯเปฯ  อทฺธา  อิทํ  ตสฺส  ภควโต  วจนํ  ตสฺส  จ เถรสฺส สุคหิตนฺติ อิทํ
ภิกฺขเว   จตุตฺถํ   มหาปเทสํ  ธาเรยฺยาถ  ๔-  ฯ  อิเม  โข  ภิกฺขเว
จตฺตาโร  มหาปเทเส  ธาเรยฺยาถาติ  ฯ  ตตฺรปิ  สุทํ  ภควา โภคนคเร
@เชิงอรรถ:  ม. ยุ. เอโก ฯ  ม. ยุ. สนฺทสฺเสตพฺพานิ ฯ  ยุ. น วินเย ... ฯ  ยุ.
@ธาเรยฺยาถาติ ฯ
วิหรติ   ๑-   อานนฺเท   เจติเย   เอตเทว  พหุลํ  ภิกฺขูนํ  ธมฺมึ  กถํ
กโรติ    อิติ    สีลํ    อิติ    สมาธิ    อิติ   ปญฺา   สีลปริภาวิโต
สมาธิ    มหปฺผโล    โหติ    มหานิสํโส    สมาธิปริภาวิตา    ปญฺา
มหปฺผลา    โหติ    มหานิสํสา    ปญฺาปริภาวิตํ    จิตฺตํ    สมฺมเทว
อาสเวหิ วิมุจฺจติ เสยฺยถีทํ กามาสวา ภวาสวา อวิชฺชาสวาติ ฯ
     [๑๑๗]  อถโข  ภควา  โภคนคเร  ยถาภิรนฺตํ วิหริตฺวา อายสฺมนฺตํ
อานนฺทํ  อามนฺเตสิ  อายามานนฺท  เยน  ปาวา  เตนุปสงฺกมิสฺสามาติ  ฯ
เอวํ  ภนฺเตติ  โข  อายสฺมา  อานนฺโท  ภควโต  ปจฺจสฺโสสิ  ฯ  อถโข
ภควา  มหตา  ภิกฺขุสงฺเฆน  สทฺธึ  เยน  ปาวา  ตทวสริ  ฯ  ตตฺร  สุทํ
ภควา   ปาวายํ  วิหรติ  จุนฺทสฺส  กมฺมารปุตฺตสฺส  อมฺพวเน  ฯ  อสฺโสสิ
โข  จุนฺโท  กมฺมารปุตฺโต  ภควา  กิร  ปาวํ  อนุปฺปตฺโต  ปาวายํ วิหรติ
มยฺหํ  อมฺพวเนติ  ฯ  อถโข  จุนฺโท กมฺมารปุตฺโต เยน ภควา เตนุปสงฺกมิ
อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ
     {๑๑๗.๑}   เอกมนฺตํ   นิสินฺนํ   โข   จุนฺทํ  กมฺมารปุตฺตํ  ภควา
ธมฺมิยา   กถาย   สนฺทสฺเสสิ   สมาทเปสิ   สมุตฺเตเชสิ  สมฺปหํเสสิ  ฯ
อถโข   จุนฺโท   กมฺมารปุตฺโต   ภควตา   ธมฺมิยา   กถาย  สนฺทสฺสิโต
สมาทปิโต  สมุตฺเตชิโต  สมฺปหํสิโต  ภควนฺตํ  เอตทโวจ  อธิวาเสตุ  เม
ภนฺเต  ภควา  สฺวาตนาย  ภตฺตํ  สทฺธึ ภิกฺขุสงฺเฆนาติ ฯ อธิวาเสสิ ภควา
ตุณฺหีภาเวน  ฯ  อถโข  จุนฺโท  กมฺมารปุตฺโต  ภควโต  อธิวาสนํ วิทิตฺวา
@เชิงอรรถ:  ม. ยุ. วิหรนฺโต ฯ
อุฏฺายาสนา ภควนฺตํ อภิวาเทตฺวา ปทกฺขิณํ กตฺวา ปกฺกามิ ฯ
     {๑๑๗.๒}  อถโข  จุนฺโท  กมฺมารปุตฺโต  ตสฺสา  รตฺติยา อจฺจเยน
สเก   นิเวสเน   ปณีตํ   ขาทนียํ   โภชนียํ   ปฏิยาทาเปตฺวา  ปหูตญฺจ
สูกรมทฺทวํ  ภควโต  กาลํ  อาโรจาเปสิ  กาโล  ภนฺเต นิฏฺิตํ ภตฺตนฺติ ฯ
อถโข    ภควา    ปุพฺพณฺหสมยํ   นิวาเสตฺวา   ปตฺตจีวรมาทาย   สทฺธึ
ภิกฺขุสงฺเฆน    เยน   จุนฺทสฺส   กมฺมารปุตฺตสฺส   นิเวสนํ   เตนุปสงฺกมิ
อุปสงฺกมิตฺวา   ปญฺตฺตาสเน   นิสีทิ   ฯ   นิสชฺช   โข   ภควา  จุนฺทํ
กมฺมารปุตฺตํ   อามนฺเตสิ   ยนฺเต   จุนฺท   สูกรมทฺทวํ   ปฏิยตฺตํ   เตน
มํ   ปริวิส   ยํ   ปนญฺ   ขาทนียํ   โภชนียํ  ปฏิยตฺตํ  เตน  ภิกฺขุสงฺฆํ
ปริวิสาติ   ฯ   เอวํ   ภนฺเตติ   โข   จุนฺโท   กมฺมารปุตฺโต  ภควโต
ปฏิสฺสุตฺวา    ยํ    อโหสิ    สูกรมทฺทวํ    ปฏิยตฺตํ    เตน   ภควนฺตํ
ปริวิสิ    ยํ   ปนญฺ   ขาทนียํ   โภชนียํ   ปฏิยตฺตํ   เตน   ภิกฺขุสงฺฆํ
ปริวิสิ ฯ
     {๑๑๗.๓}   อถโข  ภควา  จุนฺทํ  กมฺมารปุตฺตํ  อามนฺเตสิ  ยนฺเต
จุนฺท   สูกรมทฺทวํ   อวสิฏฺ   ตํ   โสพฺเภ   นิขณาหิ   นาหนฺตํ   จุนฺท
ปสฺสามิ   สเทวเก   โลเก   สมารเก   สพฺรหฺมเก  สสฺสมณพฺราหฺมณิยา
ปชาย   สเทวมนุสฺสาย   ยสฺส   ตํ  ปริภุตฺตํ  สมฺมา  ปริณามํ  คจฺเฉยฺย
อญฺตฺร   ตถาคตสฺสาติ   ฯ   เอวํ  ภนฺเตติ  โข  จุนฺโท  กมฺมารปุตฺโต
ภควโต   ปฏิสฺสุตฺวา   ยํ   อโหสิ   สูกรมทฺทวํ   อวสิฏฺ   ตํ  โสพฺเภ
นิขณิตฺวา       เยน      ภควา      เตนุปสงฺกมิ      อุปสงฺกมิตฺวา
ภควนฺตํ     อภิวาเทตฺวา     เอกมนฺตํ     นิสีทิ     ฯ     เอกมนฺตํ
นิสินฺนํ   โข   จุนฺทํ  กมฺมารปุตฺตํ  ภควา  ธมฺมิยา  กถาย  สนฺทสฺเสตฺวา
สมาทเปตฺวา สมุตฺเตเชตฺวา สมฺปหํเสตฺวา อุฏฺายาสนา ปกฺกามิ ฯ
     {๑๑๗.๔}    อถโข   ภควโต   จุนฺทสฺส   กมฺมารปุตฺตสฺส   ภตฺตํ
ภุตฺตาวิสฺส   ขโร   อาพาโธ   อุปฺปชฺชิ  โลหิตปกฺขนฺทิกา  สพาฬฺหา  ๑-
เวทนา  วตฺตนฺติ  มรณนฺติกา  ฯ  ตาปิ  ๒-  สุทํ  ภควา สโต สมฺปชาโน
อธิวาเสสิ   อวิหญฺมาโน   ฯ   อถโข   ภควา   อายสฺมนฺตํ   อานนฺทํ
อามนฺเตสิ   อายามานนฺท   เยน   กุสินารา   เตนุปสงฺกมิสฺสามาติ   ฯ
เอวํ ภนฺเตติ โข อายสฺมา อานนฺโท ภควโต ปจฺจสฺโสสิ ฯ
     [๑๑๘] จุนฺทสฺส ภตฺตํ ภุญฺชิตฺวา     กมฺมารสฺสาติ เม สุตํ
                อาพาธํ สมฺผุสิ ธีโร          สพาฬฺหํ ๓- มรณนฺติกํ ฯ
                          ภุตฺตสฺส เว ๔- สูกรมทฺทเวน
                          พฺยาธี สพาฬฺหา ๕- อุทปาทิ สตฺถุ ๖-
                          วิเรจมาโน ๗- ภควา อโวจ
                          คจฺฉามหํ กุสินารํ *- นครนฺติ ฯ
         (อิมา คาถาโย สงฺคีติกาเล สงฺคีติการเกหิ วุตฺตา ๘-)
     [๑๑๙]  อถโข  ภควา  มคฺคา  โอกฺกมฺม  เยน  อญฺตรํ  รุกฺขมูลํ
เตนุปสงฺกมิ     อุปสงฺกมิตฺวา     อายสฺมนฺตํ     อานนฺทํ    อามนฺเตสิ
อิงฺฆ   เม   ตฺวํ  อานนฺท  จตุคฺคุณํ  สงฺฆาฏึ  ปญฺเปหิ  ๙-  กิลนฺโตสฺมิ
อานนฺท   นิสีทิสฺสามีติ   ฯ   เอวํ   ภนฺเตติ   โข  อายสฺมา  อานนฺโท
@เชิงอรรถ: ๑-๕ ม. ยุ. ปพาฬฺหา ฯ  ม. ยุ. ตา ฯ  ม. ยุ. ปพาฬฺหํ ฯ  ม. ยุ. จ ฯ
@ โป. ม. ยุ. สตฺถุโน ฯ  ยุ. วิริจฺจมาโน ฯ  สี. ม. ยุ. อิเม ปาา นตฺถิ ฯ
@ โป. ยุ. ปญฺาเปสิ ฯ อิโต ปรํ อีทิสเมว ฯ
@* มีการแก้ไขคำ กุสินรํ เป็น กุสินารํ
ภควโต   ปฏิสฺสุตฺวา   จตุคฺคุณํ   สงฺฆาฏึ   ปญฺเปสิ   ฯ  นิสีทิ  ภควา
ปญฺตฺเต   อาสเน   ฯ   นิสชฺช   โข   ภควา   อายสฺมนฺตํ   อานนฺทํ
อามนฺเตสิ   อิงฺฆ   เม   ตฺวํ   อานนฺท   ปานียํ   อาหร  ปิปาสิโตสฺมิ
อานนฺท   ปิวิสฺสามีติ   ฯ   เอวํ   วุตฺเต  อายสฺมา  อานนฺโท  ภควนฺตํ
เอตทโวจ    อิทานิ    ภนฺเต   ปญฺจมตฺตานิ   สกฏสตานิ   อภิกฺกนฺตานิ
ตํ   จกฺกจฺฉินฺนํ   อุทกํ   ปริตฺตํ   ลุฬิตํ   อาวิลํ   สนฺทติ   อยํ  ภนฺเต
กกุธนที  ๑-  อวิทูเร  อจฺโฉทกา  สาโตทกา  สีโตทกา  เสโตทกา  ๒-
สุปติตฺถา    รมณียา    เอตฺถ   ภควา   ปานียญฺจ   ปิวิสฺสติ   คตฺตานิ
จ สีตีกริสฺสตีติ ๓- ฯ
     {๑๑๙.๑}    ทุติยมฺปิ    โข    ภควา    อายสฺมนฺตํ    อานนฺทํ
อามนฺเตสิ   อิงฺฆ   เม   ตฺวํ   อานนฺท   ปานียํ   อาหร  ปิปาสิโตสฺมิ
อานนฺท   ปิวิสฺสามีติ   ฯ   ทุติยมฺปิ   โข  อายสฺมา  อานนฺโท  ภควนฺตํ
เอตทโวจ    อิทานิ    ภนฺเต   ปญฺจมตฺตานิ   สกฏสตานิ   อภิกฺกนฺตานิ
ตํ   จกฺกจฺฉินฺนํ   อุทกํ   ปริตฺตํ   ลุฬิตํ   อาวิลํ   สนฺทติ   อยํ  ภนฺเต
กกุธนที    อวิทูเร    อจฺโฉทกา    สาโตทกา   สีโตทกา   เสโตทกา
สุปติตฺถา   รมณียา   เอตฺถ   ภควา  ปานียญฺจ  ปิวิสฺสติ  คตฺตานิปิ  ๔-
สีตีกริสฺสตีติ ฯ
     {๑๑๙.๒}   ตติยมฺปิ  โข  ภควา  อายสฺมนฺตํ  อานนฺทํ  อามนฺเตสิ
อิงฺฆ    เม   ตฺวํ   อานนฺท   ปานียํ   อาหร   ปิปาสิโตสฺมิ   อานนฺท
ปิวิสฺสามีติ   ฯ   เอวํ   ภนฺเตติ   โข   อายสฺมา   อานนฺโท  ภควโต
@เชิงอรรถ:  สี. ยุ. กกุตฺถา นทีติปิ กกุธา นทีติปิ ปาโ ฯ ม. กกุธานที ฯ  สี. ยุ.
@อจฺโฉทิกา สาโตทิกา สีโตทิกา เสตกา ฯ  โป. ยุ. สีตํ กริสฺสตีติ ฯ อิโต ปรํ
@อีทิสเมว ฯ  ม. ยุ. คตฺตานิ จ ฯ
ปฏิสฺสุตฺวา   ปตฺตํ   คเหตฺวา   เยน   สา   นทิกา   เตนุปสงฺกมิ   ฯ
อถโข   สา   นทิกา  จกฺกจฺฉินฺนา  ปริตฺตา  ลุฬิตา  อาวิลา  สนฺทมานา
อายสฺมนฺเต   อานนฺเท   อุปสงฺกมนฺเต   อจฺฉา   วิปฺปสนฺนา   อนาวิลา
สนฺทติ   ๑-   ฯ   อถโข   อายสฺมโต  อานนฺทสฺส  เอตทโหสิ  อจฺฉริยํ
วต   โภ   อพฺภุตํ  วต  โภ  ตถาคตสฺส  มหิทฺธิกตา  มหานุภาวตา  ๒-
อยํ   หิ  สา  นทิกา  จกฺกจฺฉินฺนา  ปริตฺตา  ลุฬิตา  อาวิลา  สนฺทมานา
มยิ   อุปสงฺกมนฺเต   อจฺฉา  วิปฺปสนฺนา  อนาวิลา  สนฺทตีติ  ฯ  ปตฺเตน
ปานียํ   อาทาย   เยน   ภควา   เตนุปสงฺกมิ   อุปสงฺกมิตฺวา  ภควนฺตํ
เอตทโวจ   อจฺฉริยํ   ภนฺเต   อพฺภุตํ   ภนฺเต   ตถาคตสฺส  มหิทฺธิกตา
มหานุภาวตา   ๓-   อิทานิ   สา  ภนฺเต  นทิกา  จกฺกจฺฉินฺนา  ปริตฺตา
ลุฬิตา   อาวิลา   สนฺทมานา   มยิ   อุปสงฺกมนฺเต   อจฺฉา  วิปฺปสนฺนา
อนาวิลา   สนฺทิตฺถ   ปิวตุ   ภควา  ปานียํ  ปิวตุ  สุคโต  ปานียนฺติ  ฯ
อถโข ภควา ปานียํ อปายิ ฯ
     [๑๒๐]  เตน  โข  ปน  สมเยน  ปุกฺกุโส  มลฺลปุตฺโต  อาฬารสฺส
กาลามสฺส   สาวโก   กุสินาราย   ปาวํ  อทฺธานมคฺคปฏิปนฺโน  โหติ  ฯ
อทฺทสา   โข   ปุกฺกุโส   มลฺลปุตฺโต   ภควนฺตํ   อญฺตรสฺมึ   รุกฺขมูเล
นิสินฺนํ     ทิสฺวาน     เยน    ภควา    เตนุปสงฺกมิ    อุปสงฺกมิตฺวา
ภควนฺตํ   อภิวาเทตฺวา   เอกมนฺตํ   นิสีทิ   ฯ  เอกมนฺตํ  นิสินฺโน  โข
ปุกฺกุโส   มลฺลปุตฺโต   ภควนฺตํ   เอตทโวจ   อจฺฉริยํ   ภนฺเต   อพฺภุตํ
ภนฺเต   สนฺเตน   วต   ภนฺเต   ปพฺพชิตา  วิหาเรน  วิหรนฺติ  ภูตปุพฺพํ
@เชิงอรรถ:  ม. ยุ. สนฺทิตฺถ ฯ ๒-๓ โป. มหานุภาวกตา ฯ
ภนฺเต   อาฬาโร   กาลาโม   อทฺธานมคฺคปฏิปนฺโน   มคฺคา   โอกฺกมฺม
อวิทูเร   อญฺตรสฺมึ   รุกฺขมูเล   ทิวาวิหารํ  ๑-  นิสีทิ  อถโข  ภนฺเต
ปญฺจมตฺตานิ   สกฏสตานิ   อาฬารํ  กาลามํ  นิสฺสาย  นิสฺสาย  อติกฺกมึสุ
อถโข    ภนฺเต    อญฺตโร    ปุริโส   ตสฺส   สกฏสตฺถสฺส   ปิฏฺิโต
ปิฏฺิโต    อาคจฺฉนฺโต    เยน    อาฬาโร    กาลาโม   เตนุปสงฺกมิ
อุปสงฺกมิตฺวา   อาฬารํ   กาลามํ   เอตทโวจ  อปิ  ภนฺเต  ปญฺจมตฺตานิ
สกฏสตานิ    อติกฺกนฺตานิ    อทฺทสาติ    น    โข    อหํ    อาวุโส
อทฺทสนฺติ   กึ   ปน   ภนฺเต   สทฺทํ   อสฺโสสีติ  น  โข  อหํ  อาวุโส
สทฺทํ    อสฺโสสินฺติ    กึ   ปน   ภนฺเต   สุตฺโต   อโหสีติ   น   โข
อหํ   อาวุโส   สุตฺโต   อโหสินฺติ   กึ   ปน   ภนฺเต   สญฺี  อโหสีติ
เอวมาวุโสติ   โส   ตฺวํ   ภนฺเต  สญฺี  สมาโน  ชาคโร  ปญฺจมตฺตานิ
สกฏสตานิ นิสฺสาย นิสฺสาย อติกฺกนฺตานิ เนว อทฺทส
     {๑๒๐.๑}  น  ปน  สทฺทํ  อสฺโสสิ  อปิ  หิ ๒- เต ภนฺเต สงฺฆาฏิ
รเชน    โอกิณฺณาติ   เอวมาวุโสติ   อถโข   ภนฺเต   ตสฺส   ปุริสสฺส
เอตทโหสิ   อจฺฉริยํ   วต   โภ   อพฺภุตํ  วต  โภ  สนฺเตน  วต  โภ
ปพฺพชิตา    วิหาเรน    วิหรนฺติ   ยตฺร   หิ   นาม   สญฺี   สมาโน
ชาคโร       ปญฺจมตฺตานิ      สกฏสตานิ      นิสฺสาย      นิสฺสาย
อติกฺกนฺตานิ    เนว   ทกฺขติ   น   ปน   สทฺทํ   โสสฺสตีติ   อาฬาเร
กาลาเม อุฬารํ ปสาทํ ปเวเทตฺวา ปกฺกามีติ ฯ
     {๑๒๐.๒}   ตํ  กึ  มญฺสิ  ปุกฺกุส  กตมํ  นุ  โข  ทุกฺกรตรํ  วา
ทุรภิสมฺภวตรํ   วา   โย   วา   สญฺี   สมาโน  ชาคโร  ปญฺจมตฺตานิ
@เชิงอรรถ:  ยุ. ทิวาวิหาเร ฯ  ม. สุ. ฯ
สกฏสตานิ     นิสฺสาย    นิสฺสาย    อติกฺกนฺตานิ    เนว    ปสฺเสยฺย
น   ปน   สทฺทํ   สุเณยฺย   โย   วา  สญฺี  สมาโน  ชาคโร  เทเว
วสฺสนฺเต     เทเว    คฬคฬายนฺเต    วิชฺชุตาสุ    ๑-    นิจฺฉรนฺตีสุ
อสนิยา   ผลนฺติยา   เนว   ปสฺเสยฺย   น   ปน  สทฺทํ  สุเณยฺยาติ  ฯ
กึ   หิ   ภนฺเต   [๒]-   กริสฺสนฺติ   ปญฺจ   วา  สกฏสตานิ  ฉ  วา
สกฏสตานิ    สตฺต   วา   สกฏสตานิ   อฏฺ   วา   สกฏสตานิ   นว
วา  สกฏสตานิ  ทส  วา  สกฏสตานิ  ฯเปฯ  สหสฺสํ  วา สกฏสตานิ ๓-
อถโข    เอตเทว    ทุกฺกรตรญฺเจว    ทุรภิสมฺภวตรญฺจ    โย   สญฺี
สมาโน   ชาคโร   เทเว   วสฺสนฺเต   เทเว  คฬคฬายนฺเต  วิชฺชุตาสุ
นิจฺฉรนฺตีสุ อสนิยา ผลนฺติยา เนว ปสฺเสยฺย น ปน สทฺทํ สุเณยฺยาติ ฯ
     [๑๒๑]  เอกมิทาหํ  ปุกฺกุส  สมยํ  อาตุมายํ  วิหรามิ ภูสาคาเร ฯ
เตน  โข  ปน  สมเยน  เทเว  วสฺสนฺเต  เทเว คฬคฬายนฺเต วิชฺชุตาสุ
นิจฺฉรนฺตีสุ   อสนิยา   ผลนฺติยา   อวิทูเร   ภูสาคารสฺส  เทฺว  กสฺสกา
ภาตโร   หตา   จตฺตาโร   จ  พลิพทฺทา  ฯ  อถโข  ปุกฺกุส  อาตุมายํ
มหาชนกาโย   นิกฺขมิตฺวา   เยน   เต   เทฺว  กสฺสกา  ภาตโร  หตา
จตฺตาโร   จ   พลิพทฺทา   เตนุปสงฺกมิ   ฯ  เตน  โข  ปนาหํ  ปุกฺกุส
สมเยน  ภูสาคารา  นิกฺขมิตฺวา  ภูสาคารทฺวาเร  อพฺโภกาเส จงฺกมามิ ฯ
อถโข    ปุกฺกุส   อญฺตโร   ปุริโส   ตมฺหา   มหาชนกายา   เยนาหํ
เตนุปสงฺกมิ   อุปสงฺกมิตฺวา   มํ   อภิวาเทตฺวา   เอกมนฺตํ  อฏฺาสิ  ฯ
@เชิงอรรถ:  ม. วิชฺชุลฺลตาสุ ฯ อิโต ปรํ อีทิสเมว ฯ  ยุ. ตานิ ฯ  ม. สกฏสตสหสฺสํ
@วา ฯ
เอกมนฺตํ   ิตํ   โข   อหํ   ปุกฺกุส   ตํ  ปุริสํ  เอตทโวจํ  กินฺนุ  โข
โส   อาวุโส   มหาชนกาโย   สนฺนิปติโตติ   ฯ  อิทานิ  ภนฺเต  เทเว
วสฺสนฺเต  เทเว  คฬคฬายนฺเต  วิชฺชุตาสุ  นิจฺฉรนฺตีสุ  อสนิยา  ผลนฺติยา
เทฺว  กสฺสกา  ภาตโร  หตา  จตฺตาโร  จ  พลิพทฺทา  เอตฺถ  ๑-  โส
มหาชนกาโย    สนฺนิปติโต    ตฺวํ   ปน   ภนฺเต   กฺว   อโหสีติ   ฯ
อิเธว   โข  อหํ  อาวุโส  อโหสินฺติ  ฯ  กึ  ปน  ภนฺเต  อทฺทสาติ  ฯ
น  โข  อหํ  อาวุโส  อทฺทสนฺติ  ฯ  กึ  ปน  ภนฺเต  สทฺทํ  อสฺโสสีติ ฯ
น   โข   อหํ   อาวุโส  สทฺทํ  อสฺโสสินฺติ  ฯ  กึ  ปน  ภนฺเต  สุตฺโต
อโหสีติ   ฯ   น   โข   อหํ   อาวุโส  สุตฺโต  อโหสินฺติ  ฯ  กึ  ปน
ภนฺเต   สญฺี   อโหสีติ   ฯ  เอวมาวุโสติ  ฯ  โส  ตฺวํ  ภนฺเต  สญฺี
สมาโน   ชาคโร   เทเว   วสฺสนฺเต   เทเว  คฬคฬายนฺเต  วิชฺชุตาสุ
นิจฺฉรนฺตีสุ    อสนิยา    ผลนฺติยา    เนว   อทฺทส   น   ปน   สทฺทํ
อสฺโสสีติ ฯ เอวมาวุโสติ ฯ
     {๑๒๑.๑}   อถโข   ปุกฺกุส   ตสฺส  ปุริสสฺส  เอตทโหสิ  อจฺฉริยํ
วต  โภ  อพฺภุตํ  วต  โภ  สนฺเตน  วต  โภ ปพฺพชิตา วิหาเรน วิหรนฺติ
ยตฺร   หิ   นาม   สญฺี   สมาโน   ชาคโร  เทเว  วสฺสนฺเต  เทเว
คฬคฬายนฺเต    วิชฺชุตาสุ    นิจฺฉรนฺตีสุ    อสนิยา    ผลนฺติยา   เนว
ทกฺขิสฺสติ   ๒-   น   ปน   สทฺทํ   สุณิสฺสตีติ   ฯ  มยิ  อุฬารํ  ปสาทํ
ปเวเทตฺวา ปทกฺขิณํ กตฺวา ปกฺกามีติ ฯ
     {๑๒๑.๒}    เอวํ    วุตฺเต    ปุกฺกุโส    มลฺลปุตฺโต   ภควนฺตํ
เอตทโวจ      เอสาหํ      ภนฺเต     โย     [๓]-     อาฬาเร
กาลาเม      ปสาโท      ตํ      มหาวาเต     วา     โอผุนามิ
@เชิงอรรถ:  ม. ยุ. เอตฺเถ ฯ  ม. ทกฺขติ ฯ ยุ. ทกฺขิติ ฯ  ม. ยุ. เม. ฯ
สีฆโสตาย    วา    นทิยา   ปวาเหมิ   อภิกฺกนฺตํ   ภนฺเต   อภิกฺกนฺตํ
ภนฺเต   เสยฺยถาปิ   ภนฺเต   นิกฺกุชฺชิตํ   วา   อุกฺกุชฺเชยฺย   ปฏิจฺฉนฺนํ
วา   วิวเรยฺย   มูฬฺหสฺส   วา   มคฺคํ   อาจิกฺเขยฺย   อนฺธกาเร  วา
เตลปฺปชฺโชตํ   ธาเรยฺย   จกฺขุมนฺโต   รูปานิ   ทกฺขนฺติ  ๑-  เอวเมว
ภควตา   อเนกปริยาเยน   ธมฺโม   ปกาสิโต  เอสาหํ  ภนฺเต  ภควนฺตํ
สรณํ   คจฺฉามิ   ธมฺมญฺจ   ภิกฺขุสงฺฆญฺจ   อุปาสกํ   มํ  ภควา  ธาเรตุ
อชฺชตคฺเค ปาณุเปตํ สรณงฺคตนฺติ ฯ
     {๑๒๑.๓}    อถโข    ปุกฺกุโส    มลฺลปุตฺโต    อญฺตรํ   ปุริสํ
อามนฺเตสิ    อิงฺฆ   เม   ตฺวํ   ภเณ   สิงฺคิวณฺณํ   ยุคมฏฺ   ธารณียํ
อาหราติ   ฯ   เอวํ  ภนฺเตติ  โข  โส  ปุริโส  ปุกฺกุสสฺส  มลฺลปุตฺตสฺส
ปฏิสฺสุตฺวา    ตํ   สิงฺคิวณฺณํ   ยุคมฏฺ   ธารณียํ   อาหริ   ฯ   อถโข
ปุกฺกุโส    มลฺลปุตฺโต    ตํ    สิงฺคิวณฺณํ   ยุคมฏฺ   ธารณียํ   ภควโต
อุปนาเมสิ    อิทํ    ภนฺเต   สิงฺคิวณฺณํ   ยุคมฏฺ   ธารณียํ   ตํ   เม
ภนฺเต     ภควา     ปฏิคฺคณฺหาตุ     อนุกมฺปํ     อุปาทายาติ     ฯ
เตนหิ   ปุกฺกุส   เอเกน   มํ   อจฺฉาเทหิ   เอเกน   อานนฺทนฺติ   ฯ
เอวํ   ภนฺเตติ   โข  ปุกฺกุโส  มลฺลปุตฺโต  ภควโต  ปฏิสฺสุตฺวา  เอเกน
ภควนฺตํ   อจฺฉาเทสิ   เอเกน   อายสฺมนฺตํ  อานนฺทํ  ฯ  อถโข  ภควา
ปุกฺกุสํ   มลฺลปุตฺตํ   ธมฺมิยา  กถาย  สนฺทสฺเสสิ  สมาทเปสิ  สมุตฺเตเชสิ
สมฺปหํเสสิ   ฯ   อถโข   ปุกฺกุโส  มลฺลปุตฺโต  ภควตา  ธมฺมิยา  กถาย
สนฺทสฺสิโต     สมาทปิโต    สมุตฺเตชิโต    สมฺปหํสิโต    อุฏฺายาสนา
ภควนฺตํ อภิวาเทตฺวา ปทกฺขิณํ กตฺวา ปกฺกามิ ฯ
@เชิงอรรถ:  โป. ม. ทกฺขนฺตีติ ฯ ยุ. ทกฺขินฺตีติ ฯ
     [๑๒๒]  อถโข  อายสฺมา อานนฺโท อจิรปกฺกนฺเต ปุกฺกุเส มลฺลปุตฺเต
ตํ    สิงฺคิวณฺณํ   ยุคมฏฺ   ธารณียํ   ภควโต   กายํ   อุปนาเมสิ   ฯ
ตํ   ภควโต   กายํ   อุปนามิตํ   หตจฺฉิกํ  ๑-  วิย  ขายติ  ฯ  อถโข
อายสฺมา   อานนฺโท   ภควนฺตํ   เอตทโวจ   อจฺฉริยํ   ภนฺเต   อพฺภุตํ
ภนฺเต   ยาว   ปริสุทฺโธ   ภนฺเต   ตถาคตสฺส   ฉวิวณฺโณ  ปริโยทาโต
อิทํ   ภนฺเต   สิงฺคิวณฺณํ   ยุคมฏฺ   ธารณียํ   ภควโต  กายํ  อุปนามิตํ
หตจฺฉิกํ   ๑-  วิย  ขายตีติ  ฯ  เอวเมตํ  อานนฺท  ทฺวีสุ  โข  อานนฺท
กาเลสุ    อติวิย    ตถาคตสฺส   กาโย   ปริสุทฺโธ   โหติ   ฉวิวณฺโณ
ปริโยทาโต    กตเมสุ    ทฺวีสุ    ยญฺจ    อานนฺท   รตฺตึ   ตถาคโต
อนุตฺตรํ    สมฺมาสมฺโพธึ    อภิสมฺพุชฺฌติ   ยญฺจ   รตฺตึ   อนุปาทิเสสาย
นิพฺพานธาตุยา   ปรินิพฺพายติ   อิเมสุ   โข   อานนฺท   ทฺวีสุ   กาเลสุ
อติวิย   ตถาคตสฺส   กาโย   ปริสุทฺโธ   โหติ   ฉวิวณฺโณ  ปริโยทาโต
อชฺช   โข   ปนานนฺท  รตฺติยา  ปจฺฉิเม  ยาเม  กุสินารายํ  อุปวตฺตเน
มลฺลานํ    สาลวเน    อนฺตเร   ยมกสาลานํ   ตถาคตสฺส   ปรินิพฺพานํ
ภวิสฺสติ    อายามานนฺท    เยน    กกุธนที   เตนุปสงฺกมิสฺสามาติ   ฯ
เอวํ ภนฺเตติ โข อายสฺมา อานนฺโท ภควโต ปจฺจสฺโสสิ ฯ
     [๑๒๓]  สิงฺคิวณฺณํ ยุคมฏฺ        ปุกฺกุโส อภิหารยิ
               เตน อจฺฉาทิโต สตฺถา     โสมวณฺโณ ๒- อโสภถาติ ฯ
     [๑๒๔]  อถโข  ภควา  มหตา  ภิกฺขุสงฺเฆน  สทฺธึ  เยน  กกุธนที
@เชิงอรรถ:  ม. หตจฺจิกํ ฯ ยุ. วีตจฺจีกํ ฯ อิโต ปรํ อีทิสเมว ฯ  สี. ยุ. เหมวณฺโณ ฯ
เตนุปสงฺกมิ    อุปสงฺกมิตฺวา    กกุธนทึ    อชฺโฌคาเหตฺวา    นฺหาตฺวา
จ  ปิวิตฺวา  จ  ปจฺจุตฺตริตฺวา  เยน  อมฺพวนํ  เตนุปสงฺกมิ  อุปสงฺกมิตฺวา
อายสฺมนฺตํ   จุนฺทกํ   อามนฺเตสิ   อิงฺฆ   เม   ตฺวํ   จุนฺทก   จตุคฺคุณํ
สงฺฆาฏึ ปญฺเปหิ กิลนฺโตสฺมิ จุนฺทก นิปชฺชิสฺสามีติ ฯ
     {๑๒๔.๑}  เอวํ  ภนฺเตติ  โข อายสฺมา จุนฺทโก ภควโต ปฏิสฺสุตฺวา
จตุคฺคุณํ  สงฺฆาฏิ  ปญฺเปสิ  ฯ  อถโข  ภควา ทกฺขิเณน ปสฺเสน สีหเสยฺยํ
กปฺเปสิ   ปาเทน  ๑-  ปาทํ  อจฺจาธาย  สโต  สมฺปชาโน  อุฏฺานสญฺ
มนสิกริตฺวา   ฯ   อายสฺมา   ปน   จุนฺทโก   ตตฺเถว  ภควโต  ปุรโต
นิสีทิ ฯ
     [๑๒๕]  คนฺตฺวาน พุทฺโธ นทิกํ ๒- กกุธํ
                 อจฺโฉทกํ สาโตทกํ วิปฺปสนฺนํ
                 โอคาหิ สตฺถา อกิลนฺตรูโป ๓-
                 ตถาคโต อปฺปฏิโม จ โลเก ฯ
                 นฺหาตฺวา จ ปิวิตฺวา จุทกานิ ๔- สุตฺวา
                 ปุรกฺขโต ภิกฺขุคณสฺส มชฺเฌ
                 สตฺถา ๕- ปวตฺตา ภควา อิธ ธมฺเม
                 อุปาคมิ อมฺพวนํ มเหสิ ฯ
                 อามนฺตยี จุนฺทกํ นาม ภิกฺขุํ
                 จตุคฺคุณํ สนฺถริ ๖- เม นิปชฺชึ ๗-
                 โส โจทิโต ๘- ภาวิตตฺเตน จุนฺโท
@เชิงอรรถ:  ม. ยุ. ปาเท ฯ  ยุ. นทิยํ ฯ  ยุ. สุกิลนฺตรูโป ฯ  ม. ยุ. จุทตาริ
@สตฺถา ฯ  ม. วตุตา ฯ  ม. สนฺถร ฯ ยุ. ปตฺถร ฯ  ม. ยุ. นิปชฺชํ ฯ
@ ยุ. โมทิโต ฯ
                 จตุคฺคุณํ สนฺถริ ๑- ขิปฺปเมว
                 นิปชฺชิ สตฺถา อกิลนฺตรูโป ๒-
                 จุนฺโทปิ ตตฺถ ปมุเข นิสีทีติ ฯ
     [๑๒๖]  อถโข  ภควา  อายสฺมนฺตํ  อานนฺทํ  อามนฺเตสิ  สิยา โข
ปนานนฺท    จุนฺทสฺส   กมฺมารปุตฺตสฺส   โกจิ   วิปฺปฏิสารํ   อุปฺปาเทยฺย
ตสฺส   เต   อาวุโส   จุนฺท   อลาภา  ตสฺส  เต  ทุลฺลทฺธํ  ยสฺส  เต
ตถาคโต    ปจฺฉิมํ    ปิณฺฑปาตํ    ปริภุญฺชิตฺวา   ปรินิพฺพุโตติ   จุนฺทสฺส
โข    อานนฺท    กมฺมารปุตฺตสฺส    เอวํ   วิปฺปฏิสาโร   ปฏิวิเนตพฺโพ
ตสฺส   เต   อาวุโส   จุนฺท   ลาภา   ตสฺส   เต  สุลทฺธํ  ยสฺส  เต
ตถาคโต    ปจฺฉิมํ    ปิณฺฑปาตํ    ปริภุญฺชิตฺวา    ปรินิพฺพุโต   สมฺมุขา
เมตํ   อาวุโส   จุนฺท   ภควโต   สุตํ   สมฺมุขา   ปฏิคฺคหิตํ   เทฺวเม
ปิณฺฑปาตา   สมสมผลา   สมสมวิปากา   อติวิย   อญฺเหิ   ปิณฺฑปาเตหิ
มหปฺผลตรา จ มหานิสํสตรา จ ฯ
     {๑๒๖.๑}  กตเม  เทฺว  ฯ  ยญฺจ  ปิณฺฑปาตํ ปริภุญฺชิตฺวา ตถาคโต
อนุตฺตรํ    สมฺมาสมฺโพธึ   อภิสมฺพุชฺฌติ   ยญฺจ   ปิณฺฑปาตํ   ปริภุญฺชิตฺวา
ตถาคโต   อนุปาทิเสสาย   นิพฺพานธาตุยา   ปรินิพฺพายติ   อิเม   เทฺว
ปิณฺฑปาตา   สมสมผลา   สมสมวิปากา   อติวิย   อญฺเหิ   ปิณฺฑปาเตหิ
มหปฺผลตรา   จ   มหานิสํสตรา   จ  อายุสํวตฺตนิกํ  อายสฺมตา  จุนฺเทน
กมฺมารปุตฺเตน    กมฺมํ    อุปจิตํ   วณฺณสํวตฺตนิกํ   อายสฺมตา   จุนฺเทน
กมฺมารปุตฺเตน    กมฺมํ    อุปจิตํ    สุขสํวตฺตนิกํ    อายสฺมตา   ฯเปฯ
ยสสํวตฺตนิกํ ฯเปฯ
@เชิงอรรถ:  ยุ. ปตฺถริ ฯ   ยุ. สุกิลนฺตรูโป ฯ
สคฺคสํวตฺตนิกํ     ฯเปฯ    อธิปเตยฺยสํวตฺตนิกํ    อายสฺมตา    จุนฺเทน
กมฺมารปุตฺเตน    กมฺมํ   อุปจิตนฺติ   จุนฺทสฺส   อานนฺท   กมฺมารปุตฺตสฺส
เอวํ    วิปฺปฏิสาโร   ปฏิวิเนตพฺโพติ   ฯ   อถโข   ภควา   เอตมตฺถํ
วิทิตฺวา ตายํ เวลายํ อิมํ อุทานํ อุทาเนสิ
     [๑๒๗]  ททโต ปุญฺ ปวฑฺฒติ
               สํยมโต เวรํ น วียติ ๑-
               กุสโล ว ชหาติ ปาปกํ
               ราคโทสโมหกฺขยา นิพฺพุโตติ ๒- ฯ
                     จตุตฺถภาณวารํ ฯ
     [๑๒๘]    อถโข    ภควา    อายสฺมนฺตํ   อานนฺทํ   อามนฺเตสิ
อายามานนฺท     เยน    หิรญฺวติยา    นทิยา    ปาริมนฺตีรํ    เยน
กุสินารา    อุปวตฺตนํ    มลฺลานํ    สาลวนํ   เตนุปสงฺกมิสฺสามาติ   ฯ
เอวํ  ภนฺเตติ  โข  อายสฺมา  อานนฺโท  ภควโต  ปจฺจสฺโสสิ  ฯ  อถโข
ภควา    มหตา    ภิกฺขุสงฺเฆน    สทฺธึ   เยน   หิรญฺวติยา   นทิยา
ปาริมนฺตีรํ   เยน   กุสินารา   อุปวตฺตนํ  มลฺลานํ  สาลวนํ  เตนุปสงฺกมิ
อุปสงฺกมิตฺวา    อายสฺมนฺตํ    อานนฺทํ   อามนฺเตสิ   อิงฺฆ   เม   ตฺวํ
อานนฺท    อนฺตเรน    ยมกสาลานํ    อุตฺตรสีสกํ    มญฺจกํ   ปญฺเปหิ
กิลนฺโตสฺมิ   อานนฺท   นิปชฺชิสฺสามีติ   ฯ  เอวํ  ภนฺเตติ  โข  อายสฺมา
อานนฺโท  ภควโต  ปฏิสฺสุตฺวา  อนฺตเรน  ยมกสาลานํ  อุตฺตรสีสกํ  มญฺจกํ
ปญฺเปสิ   ฯ   อถโข   ภควา   ทกฺขิเณน  ปสฺเสน  สีหเสยฺยํ  กปฺเปสิ
@เชิงอรรถ:  ม. ยุ. น จียติ ฯ  โป. ปรินิพฺพุโต ฯ ม. สนิพฺพุโต ฯ ยุ. ส นิพฺพุโต ฯ
ปาเทน ปาทํ อจฺจาธาย สโต สมฺปชาโน ฯ
     [๑๒๙]   เตน   โข   ปน   สมเยน  ยมกสาลา  สพฺพผาลิผุลฺลา
โหนฺติ   อกาลปุปฺเผหิ   เต   ตถาคตสฺส   สรีรํ  โอกิรนฺติ  อชฺโฌกิรนฺติ
อภิปฺปกิรนฺติ    ตถาคตสฺส    ปูชาย    ฯ   ทิพฺพานิปิ   มนฺทารวปุปฺผานิ
อนฺตลิกฺขา   ปปตนฺติ   ตานิ   ตถาคตสฺส   สรีรํ  โอกิรนฺติ  อชฺโฌกิรนฺติ
อภิปฺปกิรนฺติ    ตถาคตสฺส    ปูชาย    ฯ    ทิพฺพานิปิ    จนฺทนจุณฺณานิ
อนฺตลิกฺขา  สมฺปตนฺติ  ๑-  ตานิ  ตถาคตสฺส  สรีรํ  โอกิรนฺติ อชฺโฌกิรนฺติ
อภิปฺปกิรนฺติ   ตถาคตสฺส   ปูชาย   ฯ   ทิพฺพานิปิ   ตุริยานิ  อนฺตลิกฺเข
วชฺชนฺติ   ๒-   ตถาคตสฺส   ปูชาย  ฯ  ทิพฺพานิปิ  สงฺคีตานิ  อนฺตลิกฺเข
วตฺตนฺติ ตถาคตสฺส ปูชาย ฯ
     {๑๒๙.๑}    อถโข   ภควา   อายสฺมนฺตํ   อานนฺทํ   อามนฺเตสิ
สพฺพผาลิผุลฺลา    โข    อานนฺท    ยมกสาลา   อกาลปุปฺเผหิ   [๓]-
ตถาคตสฺส    สรีรํ   โอกิรนฺติ   อชฺโฌกิรนฺติ   อภิปฺปกิรนฺติ   ตถาคตสฺส
ปูชาย    ทิพฺพานิปิ    มนฺทารวปุปฺผานิ    อนฺตลิกฺขา    ปปตนฺติ   ตานิ
ตถาคตสฺส    สรีรํ   โอกิรนฺติ   อชฺโฌกิรนฺติ   อภิปฺปกิรนฺติ   ตถาคตสฺส
ปูชาย     ทิพฺพานิปิ    จนฺทนจุณฺณานิ    อนฺตลิกฺขา    ปปตนฺติ    ตานิ
ตถาคตสฺส    สรีรํ   โอกิรนฺติ   อชฺโฌกิรนฺติ   อภิปฺปกิรนฺติ   ตถาคตสฺส
ปูชาย   ทิพฺพานิปิ   ตุริยานิ   อนฺตลิกฺเข   วชฺชนฺติ   ตถาคตสฺส  ปูชาย
ทิพฺพานิปิ    สงฺคีตานิ   อนฺตลิกฺเข   วตฺตนฺติ   ตถาคตสฺส   ปูชาย   น
โข   อานนฺท   เอตฺตาวตา  ว  ตถาคโต  สกฺกโต  วา  โหติ  ครุกโต
วา   มานิโต   วา   ปูชิโต   วา   อปจิโต   วา  โย  โข  อานนฺท
@เชิงอรรถ:  ม. ยุ. ปปตนฺติ ฯ  ยุ. วชฺเชนฺติ ฯ  ม. เต ฯ
ภิกฺขุ  วา  ภิกฺขุนี  วา  อุปาสโก  วา  อุปาสิกา วา ธมฺมานุธมฺมปฏิปนฺโน
วิหรติ   สามีจิปฏิปนฺโน   อนุธมฺมจารี  โส  ตถาคตํ  สกฺกโรติ  ครุกโรติ
มาเนติ  ปูเชติ  [๑]-  ปรมาย ปูชาย ตสฺมาติหานนฺท ธมฺมานุธมฺมปฏิปนฺนา
วิหริสฺสาม   สามีจิปฏิปนฺนา   อนุธมฺมจาริโนติ   เอวญฺหิ   โว   อานนฺท
สิกฺขิตพฺพนฺติ ฯ
     [๑๓๐]   เตน   โข  ปน  สมเยน  อายสฺมา  อุปวาโณ  ภควโต
ปุรโต   ิโต   โหติ  ภควนฺตํ  วีชมาโน  ฯ  อถโข  ภควา  อายสฺมนฺตํ
อุปวาณํ   อปสาเทติ  ๒-  อเปหิ  ภิกฺขุ  มา  เม  ปุรโต  อฏฺาสีติ  ฯ
อถโข    อายสฺมโต    อานนฺทสฺส   เอตทโหสิ   อยํ   โข   อายสฺมา
อุปวาโณ    ทีฆรตฺตํ    ภควโต   อุปฏฺาโก   สนฺติกาวจโร   สมีปจารี
อถ  จ  ปน  ภควา  ปจฺฉิเม  กาเล  อายสฺมนฺตํ  อุปวาณํ อปสาเทติ ๓-
อเปหิ  ภิกฺขุ  มา  เม  ปุรโต  อฏฺาสีติ  โก นุ โข เหตุ โก ปจฺจโย ยํ
ภควา   อายสฺมนฺตํ  อุปวาณํ  อปสาเทติ  อเปหิ  ภิกฺขุ  มา  เม  ปุรโต
อฏฺาสีติ ฯ
     {๑๓๐.๑}   อถโข  อายสฺมา  อานนฺโท  ภควนฺตํ  เอตทโวจ  อยํ
ภนฺเต   อายสฺมา  อุปวาโณ  ทีฆรตฺตํ  ภควโต  อุปฏฺาโก  สนฺติกาวจโร
สมีปจารี   อถ   จ   ปน  ภควา  ปจฺฉิเม  กาเล  อายสฺมนฺตํ  อุปวาณํ
อปสาเทติ  อเปหิ  ภิกฺขุ  มา  เม ปุรโต อฏฺาสีติ โก นุ โข ภนฺเต เหตุ
โก  ปจฺจโย  ยํ  ภควา  อายสฺมนฺตํ  อุปวาณํ  อปสาเทติ อเปหิ ภิกฺขุ มา
เม  ปุรโต  อฏฺาสีติ  ฯ  เยภุยฺเยน  อานนฺท  ทสสุ  โลกธาตูสุ เทวตา
@เชิงอรรถ:  ม. อปจิยติ ฯ ๒-๓ ม. อปสาเรสิ ฯ ยุ. อปสาเทสิ ฯ อิโต ปรํ อีทิสเมว ฯ
สนฺนิปติตา   ตถาคตํ   ทสฺสนาย   ยาวตา  อานนฺท  กุสินารา  อุปวตฺตนํ
มลฺลานํ   สาลวนํ   สมนฺตโต   ทฺวาทส   โยชนานิ  นตฺถิ  โส  ปเทโส
วาลคฺคโกฏินิตุทฺทนมตฺโตปิ    มเหสกฺขาหิ   เทวตาหิ   อปฺผุโฏ   เทวตา
อานนฺท    อุชฺฌายนฺติ   ทูรา   วตมฺหา   อาคตา   ตถาคตํ   ทสฺสนาย
กทาจิ   กรหจิ   ตถาคโต  ๑-  โลเก  อุปฺปชฺชติ  อรหํ  สมฺมาสมฺพุทฺโธ
อชฺเชว    รตฺติยา    ปจฺฉิมยาเม    ตถาคตสฺส   ปรินิพฺพานํ   ภวิสฺสติ
อยญฺจ   มเหสกฺโข   ภิกฺขุ   ภควโต   ปุรโต   ิโต  โอวาเรนฺโต  น
มยํ ลภาม ปจฺฉิเม กาเล ตถาคตํ ทสฺสนายาติ [๒]- ฯ
     {๑๓๐.๒}  กถํภูตา  ปน  ภนฺเต ภควา เทวตา มนสิกโรนฺตีติ ๓-
สนฺตานนฺท   เทวตา   อากาเส   ปวีสญฺินิโย  เกเส  ปกิริย  กนฺทนฺติ
พาหา   ปคฺคยฺห   กนฺทนฺติ   ฉินฺนปาทํ   ๔-   วิย  ปปตนฺติ  อาวฏฺฏนฺติ
วิวฏฺฏนฺติ     อติขิปฺปํ    ภควา    ปรินิพฺพายิสฺสติ    อติขิปฺปํ    สุคโต
ปรินิพฺพายิสฺสติ อติขิปฺปํ จกฺขุมา โลเก ๕- อนฺตรธายิสฺสตีติ
     {๑๓๐.๓}   สนฺตานนฺท   เทวตา   ปวิยา  ปวีสญฺินิโย  เกเส
ปกิริย   กนฺทนฺติ   พาหา   ปคฺคยฺห   กนฺทนฺติ   ฉินฺนปาทํ  วิย  ปปตนฺติ
อาวฏฺฏนฺติ    วิวฏฺฏนฺติ    อติขิปฺปํ    ภควา   ปรินิพฺพายิสฺสติ   อติขิปฺปํ
สุคโต    ปรินิพฺพายิสฺสติ   อติขิปฺปํ   จกฺขุมา   โลเก   อนฺตรธายิสฺสตีติ
ยา   ปน   ตา  เทวตา  วีตราคา  ตา  สตา  สมฺปชานา  อธิวาเสนฺติ
อนิจฺจา สงฺขารา ตํ กุเตตฺถ ลพฺภาติ ฯ
@เชิงอรรถ:  ม. ยุ. ตถาคตา --- สมฺมาสมฺพุทฺธา ฯ  ยุ. (เทวตา อานนฺท อุชฺฌายนฺตีติ ฯ)
@ ม. ยุ. มนสิกโรตีติ ฯ  ม. ยุ. ฉินฺนปาตํ ฯ อิโต ปรํ อีทิสเมว ฯ
@ สี. ม. ยุ. จกฺขุํ โลเก ฯ อิโต ปรํ อีทิสเมว ฯ
     [๑๓๑]   ปุพฺเพ   ภนฺเต  ทิสาสุ  วสฺสํ  วุตฺถา  ภิกฺขู  อาคจฺฉนฺติ
ตถาคตํ   ทสฺสนาย   เต   มยํ   ลภาม  มโนภาวนีเย  ภิกฺขู  ทสฺสนาย
ลภาม    ปยิรูปาสนาย   ภควโต   ปน   มยํ   ภนฺเต   อจฺจเยน   น
ลภิสฺสาม     มโนภาวนีเย     ภิกฺขู     ทสฺสนาย     น    ลภิสฺสาม
ปยิรูปาสนายาติ ฯ
     {๑๓๑.๑}     จตฺตารีมานิ     อานนฺท    สทฺธสฺส    กุลปุตฺตสฺส
ทสฺสนียานิ  สํเวชนียานิ  านานิ  ฯ  กตมานิ  จตฺตาริ  ฯ  อิธ ตถาคโต
ชาโตติ   อานนฺท   สทฺธสฺส   กุลปุตฺตสฺส  ทสฺสนียํ  สํเวชนียํ  านํ  อิธ
ตถาคโต    อนุตฺตรํ   สมฺมาสมฺโพธึ   อภิสมฺพุทฺโธติ   อานนฺท   สทฺธสฺส
กุลปุตฺตสฺส   ทสฺสนียํ   สํเวชนียํ   านํ   อิธ  ตถาคเตน  ๑-  อนุตฺตรํ
ธมฺมจกฺกํ    ปวตฺติตนฺติ    อานนฺท    สทฺธสฺส    กุลปุตฺตสฺส    ทสฺสนียํ
สํเวชนียํ    านํ    อิธ    ตถาคโต   อนุปาทิเสสาย   นิพฺพานธาตุยา
ปรินิพฺพุโตติ   อานนฺท   สทฺธสฺส   กุลปุตฺตสฺส   ทสฺสนียํ  สํเวชนียํ  านํ
อิมานิ    โข    อานนฺท   จตฺตาริ   สทฺธสฺส   กุลปุตฺตสฺส   ทสฺสนียานิ
สํเวชนียานิ านานิ
     {๑๓๑.๒}   อาคมิสฺสนฺติ   โข   อานนฺท  สทฺธา  ภิกฺขู  ภิกฺขุนิโย
อุปาสกา    อุปาสิกาโย   อิธ   ตถาคโต   ชาโตติปิ   อิธ   ตถาคโต
อนุตฺตรํ    สมฺมาสมฺโพธึ    อภิสมฺพุทฺโธติปิ    อิธ    ตถาคเตน    ๒-
อนุตฺตรํ    ธมฺมจกฺกํ    ปวตฺติตนฺติปิ    อิธ   ตถาคโต   อนุปาทิเสสาย
นิพฺพานธาตุยา   ปรินิพฺพุโตติปิ   เย   หิ   เกจิ   อานนฺท  เจติยจาริกํ
อาหิณฺฑนฺตา    ปสนฺนจิตฺตา   กาลํ   กริสฺสนฺติ   สพฺเพ   เต   กายสฺส
เภทา ปรมฺมรณา สุคตึ สคฺคํ โลกํ อุปปชฺชิสฺสนฺตีติ ฯ
@เชิงอรรถ: ๑-๒ โป. ตถาคโต ... ปวตฺตตีติ ฯ
     [๑๓๒]   กถํ  มยํ  ภนฺเต  มาตุคาเม  ปฏิปชฺชามาติ  ฯ  อทสฺสนํ
อานนฺทาติ  ฯ  ทสฺสเน  ภควา  สติ  กถํ  ปฏิปชฺชิตพฺพนฺติ  ฯ  อนาลาโป
อานนฺทาติ  ฯ  อาลปนฺเต  ๑-  ภนฺเต  กถํ ปฏิปชฺชิตพฺพนฺติ ฯ สติ อานนฺท
อุปฏฺาเปตพฺพาติ ฯ
     [๑๓๓]   กถํ   มยํ  ภนฺเต  ตถาคตสฺส  สรีเร  ปฏิปชฺชามาติ  ฯ
อพฺยาวฏา   ตุเมฺห   อานนฺท   โหถ   ตถาคตสฺส   สรีรํ  ปูชาย  อิงฺฆ
ตุเมฺห   อานนฺท   สทตฺเถ   ฆฏถ   สทตฺเถ   ๒-   อนุยุญฺชถ  สทตฺเถ
อปฺปมตฺตา      อาตาปิโน      ปหิตตฺตา      วิหรถ      สนฺตานนฺท
ขตฺติยปณฺฑิตาปิ            พฺราหฺมณปณฺฑิตาปิ           คหปติปณฺฑิตาปิ
ตถาคเต อภิปฺปสนฺนา เต ตถาคตสฺส สรีรปูชํ กริสฺสนฺตีติ ฯ
     {๑๓๓.๑}  กถํ  ปน  ภนฺเต  ตถาคตสฺส  สรีเร  ปฏิปชฺชิตพฺพนฺติ ฯ
ยถา   โข   อานนฺท   รญฺโ   จกฺกวตฺติสฺส   สรีเร  ปฏิปชฺชนฺติ  เอวํ
ตถาคตสฺส   สรีเร   ปฏิปชฺชิตพฺพนฺติ   ฯ   กถํ   ปน   ภนฺเต   รญฺโ
จกฺกวตฺติสฺส   สรีเร   ปฏิปชฺชนฺตีติ   ฯ   รญฺโ   อานนฺท  จกฺกวตฺติสฺส
สรีรํ  อหเตน  วตฺเถน  เวเนฺติ  อหเตน  วตฺเถน  เวเตฺวา  วิหเตน
กปฺปาเสน   เวเนฺติ  วิหเตน  กปฺปาเสน  เวเตฺวา  อหเตน  วตฺเถน
เวเนฺติ  เอเตน  อุปาเยน ปญฺจหิ ยุคสเตหิ รญฺโ จกฺกวตฺติสฺส สรีเร ๓-
เวเตฺวา    อยสาย    เตลโทณิยา   ปกฺขิปิตฺวา   อญฺิสฺสา   อยสาย
โทณิยา   ปฏิกฺกุชฺชิตฺวา  สพฺพคนฺธานํ  จิตกํ  กริตฺวา  รญฺโ  จกฺกวตฺติสฺส
สรีรํ    ฌาเปนฺติ    ๔-   จาตุมฺมหาปเถ   รญฺโ   จกฺกวตฺติสฺส   ถูปํ
@เชิงอรรถ:  โป. ม. ยุ. อาลปนฺเตน ปน ฯ  ยุ. สทตฺถํ ฯ  ม. ยุ.
@สรีรํ ฯ  โป. ชาเลนฺติ ฯ
กโรนฺติ   เอวํ   โข   อานนฺท  รญฺโ  จกฺกวตฺติสฺส  สรีเร  ปฏิปชฺชนฺติ
ยถา   โข   อานนฺท   รญฺโ   จกฺกวตฺติสฺส   สรีเร  ปฏิปชฺชนฺติ  เอวํ
ตถาคตสฺส     สรีเร     ปฏิปชฺชิตพฺพํ     จาตุมฺมหาปเถ    ตถาคตสฺส
ถูโป   กาตพฺโพ   ตตฺถ   เย  เต  มาลํ  วา  คนฺธํ  วา  จุณฺณกํ  วา
อาโรเปสฺสนฺติ   วา   อภิวาเทสฺสนฺติ   วา   จิตฺตํ   วา  ปสาเทสฺสนฺติ
เตสนฺตํ ภวิสฺสติ ทีฆรตฺตํ หิตาย สุขายาติ ฯ
     [๑๓๔]  จตฺตาโรเม  อานนฺท  ถูปารหา  ฯ  กตเม  จตฺตาโร  ฯ
ตถาคโต     อรหํ     สมฺมาสมฺพุทฺโธ     ถูปารโห    ปจฺเจกสมฺพุทฺโธ
ถูปารโห ตถาคตสฺส สาวโก ถูปารโห ราชา จกฺกวตฺติ ถูปารโห ๑- ฯ
     {๑๓๔.๑}   กิญฺจานนฺท   ๒-   อตฺถวสํ   ปฏิจฺจ  ตถาคโต  อรหํ
สมฺมาสมฺพุทฺโธ    ถูปารโห    ฯ    อยํ    ตสฺส    ภควโต   อรหโต
สมฺมาสมฺพุทฺธสฺส     ถูโปติ    อานนฺท    พหู    ๓-    ชนา    จิตฺตํ
ปสาเทนฺติ    เต    ตตฺถ    จิตฺตํ    ปสาเทตฺวา    กายสฺส   เภทา
ปรมฺมรณา    สุคตึ    สคฺคํ   โลกํ   อุปปชฺชนฺติ   อิทํ   โข   อานนฺท
อตฺถวสํ ปฏิจฺจ ตถาคโต อรหํ สมฺมาสมฺพุทฺโธ ถูปารโห ฯ
     {๑๓๔.๒}    กิญฺจานนฺท    อตฺถวสํ    ปฏิจฺจ    ปจฺเจกสมฺพุทฺโธ
ถูปารโห   ฯ   อยํ   ตสฺส  ปจฺเจกพุทฺธสฺส  ถูโปติ  อานนฺท  พหู  ชนา
จิตฺตํ   ปสาเทนฺติ   เต   ตตฺถ   จิตฺตํ   ปสาเทตฺวา   กายสฺส  เภทา
ปรมฺมรณา    สุคตึ    สคฺคํ   โลกํ   อุปปชฺชนฺติ   อิทํ   โข   อานนฺท
อตฺถวสํ ปฏิจฺจ ปจฺเจกสมฺพุทฺโธ ถูปารโห ฯ
     {๑๓๔.๓}     กิญฺจานนฺท     อตฺถวสํ     ปฏิจฺจ     ตถาคตสฺส
@เชิงอรรถ:  โป. ม. ถูปารโหติ ฯ  สี. กตมาจานนฺท ฯ ยุ. กตมญฺจานนฺท ฯ
@อิโต ปรํ อีทิสเมว ฯ  ยุ. พหุชโน ... ปสาเทติ ฯ อิโต ปรํ อีทิสเมว ฯ
สาวโก   ถูปารโห   ฯ   อยํ  ตสฺส  ภควโต  อรหโต  สมฺมาสมฺพุทฺธสฺส
สาวกถูโปติ    อานนฺท   พหู   ชนา   จิตฺตํ   ปสาเทนฺติ   เต   ตตฺถ
จิตฺตํ   ปสาเทตฺวา   กายสฺส   เภทา   ปรมฺมรณา   สุคตึ  สคฺคํ  โลกํ
อุปปชฺชนฺติ   อิทํ   โข   อานนฺท   อตฺถวสํ  ปฏิจฺจ  ตถาคตสฺส  สาวโก
ถูปารโห ฯ
     {๑๓๔.๔}  กิญฺจานนฺท  อตฺถวสํ  ปฏิจฺจ ราชา จกฺกวตฺติ ถูปารโห ฯ
อยํ   ตสฺส   ธมฺมิกสฺส   ธมฺมรญฺโ   ถูโปติ  อานนฺท  พหู  ชนา  จิตฺตํ
ปสาเทนฺติ   เต   ตตฺถ  จิตฺตํ  ปสาเทตฺวา  กายสฺส  เภทา  ปรมฺมรณา
สุคตึ   สคฺคํ   โลกํ   อุปปชฺชนฺติ   อิทํ   โข  อานนฺท  อตฺถวสํ  ปฏิจฺจ
ราชา จกฺกวตฺติ ถูปารโห อิเม โข อานนฺท จตฺตาโร ถูปารหาติ ฯ
     [๑๓๕]   อถโข   อายสฺมา   อานนฺโท  วิหารํ  ปวิสิตฺวา  กปิสีสํ
อาลมฺพิตฺวา   โรทมาโน   อฏฺาสิ   อหญฺจ   วตมฺหิ  เสกฺโข  สกรณีโย
สตฺถุ   จ   เม  ปรินิพฺพานํ  ภวิสฺสติ  โย  มม  อนุกมฺปโกติ  ฯ  อถโข
ภควา   ภิกฺขู  อามนฺเตสิ  กหํ  นุ  โข  ภิกฺขเว  อานนฺโทติ  ฯ  เอโส
ภนฺเต   อายสฺมา   อานนฺโท   วิหารํ   ปวิสิตฺวา   กปิสีสํ  อาลมฺพิตฺวา
โรทมาโน    ิโต    อหญฺจ    วตมฺหิ    เสกฺโข    สกรณีโย   สตฺถุ
จ เม ปรินิพฺพานํ ภวิสฺสติ โย มม อนุกมฺปโกติ ฯ
     {๑๓๕.๑}  อถโข  ภควา  อญฺตรํ  ภิกฺขุํ อามนฺเตสิ เอหิ ตฺวํ ภิกฺขุ
มม  วจเนน  อานนฺทํ  อามนฺเตหิ สตฺถา ตํ อาวุโส อานนฺท อามนฺเตตีติ ฯ
เอวํ   ภนฺเตติ   โข   โส   ภิกฺขุ   ภควโต   ปฏิสฺสุตฺวา  เยนายสฺมา
อานนฺโท     เตนุปสงฺกมิ     อุปสงฺกมิตฺวา     อายสฺมนฺตํ     อานนฺทํ
เอตทโวจ   สตฺถา  ตํ  อาวุโส  อานนฺท  อามนฺเตตีติ  ฯ  เอวมาวุโสติ
โข   อายสฺมา   อานนฺโท   ตสฺส   ภิกฺขุโน   ปฏิสฺสุตฺวา  เยน  ภควา
เตนุปสงฺกมิ   อุปสงฺกมิตฺวา   ภควนฺตํ  อภิวาเทตฺวา  เอกมนฺตํ  นิสีทิ  ฯ
เอกมนฺตํ   นิสินฺนํ   โข   อายสฺมนฺตํ   อานนฺทํ  ภควา  เอตทโวจ  อลํ
อานนฺท   มา   โสจิ   มา  ปริเทวิ  น  นุ  เอวํ  ๑-  อานนฺท  มยา
ปฏิกจฺเจว    อกฺขาตํ    สพฺเพเหว    ปิเยหิ   มนาเปหิ   นานาภาโว
วินาภาโว   อญฺถาภาโว  ตํ  กุเตตฺถ  [๒]-  ลพฺภา  ยนฺตํ  ชาตํ  ภูตํ
สงฺขตํ   ปโลกธมฺมํ   ตํ   วต   มา   ปลุชฺชีติ   เนตํ   านํ   วิชฺชติ
ทีฆรตฺตํ    โข    เต    อานนฺท   ตถาคโต   ปจฺจุปฏฺิโต   เมตฺเตน
กายกมฺเมน  หิเตน  สุเขน  อทฺวเยน  อปฺปมาเณน  เมตฺเตน  วจีกมฺเมน
หิเตน   สุเขน   อทฺวเยน   อปฺปมาเณน  เมตฺเตน  มโนกมฺเมน  หิเตน
สุเขน   อทฺวเยน   อปฺปมาเณน  กตปุญฺโสิ  ตฺวํ  อานนฺท  ปธานมนุยุญฺช
ขิปฺปํ โหหิปิ ๓- อนาสโวติ ฯ
     {๑๓๕.๒}   อถโข  ภควา  ภิกฺขู  อามนฺเตสิ  เยปิ  เต  ภิกฺขเว
อเหสุํ      อตีตมทฺธานํ      อรหนฺโต     สมฺมาสมฺพุทฺธา     เตสมฺปิ
ภควนฺตานํ     เอตปรมาเยว     อุปฏฺากา     อเหสุํ     เสยฺยถาปิ
มยฺหํ    อานนฺโท    เยปิ   เต   ภิกฺขเว   ภวิสฺสนฺติ   อนาคตมทฺธานํ
อรหนฺโต     สมฺมาสมฺพุทฺธา    เตสมฺปิ    ภควนฺตานํ    เอตปรมาเยว
อุปฏฺากา   ภวิสฺสนฺติ   เสยฺยถาปิ   มยฺหํ   อานนฺโท   ปณฺฑิโต  [๔]-
ภิกฺขเว    อานนฺโท    ชานาติ    อยํ    กาโล   ตถาคตํ   ทสฺสนาย
อุปสงฺกมิตุํ   อยํ   กาโล   ภิกฺขูนํ   อยํ   กาโล  ภิกฺขุนีนํ  อยํ  กาโล
@เชิงอรรถ:  ม. ยุ. เอตํ ฯ  โป. ม. ยุ. อานนฺท ฯ  ม. ยุ. โหหิสิ ฯ  ยุ. โข ฯ
อุปาสกานํ  อยํ  กาโล  อุปาสิกานํ  อยํ  กาโล  รญฺโ  ราชมหามตฺตานํ
อยํ กาโล ติตฺถิยานํ อยํ กาโล ติตฺถิยสาวกานนฺติ ฯ
     [๑๓๖]  จตฺตาโรเม  ภิกฺขเว อจฺฉริยา อพฺภุตธมฺมา ๑- อานนฺเท ฯ
กตเม   จตฺตาโร   ฯ   สเจ   ภิกฺขเว  ภิกฺขุปริสา  อานนฺทํ  ทสฺสนาย
อุปสงฺกมติ   ทสฺสเนน   สา   อตฺตมนา   โหติ   ตตฺร   เจ  อานนฺโท
ธมฺมํ    ภาสติ    ภาสิเตนปิ    สา   อตฺตมนา   โหติ   อติตฺตา   ว
ภิกฺขเว    ภิกฺขุปริสา    โหติ   อถ   อานนฺโท   ตุณฺหี   โหติ   สเจ
ภิกฺขเว   ภิกฺขุนีปริสา   อานนฺทํ   ทสฺสนาย   อุปสงฺกมติ  ทสฺสเนน  สา
อตฺตมนา   โหติ   ตตฺร   เจ   อานนฺโท   ธมฺมํ   ภาสติ   ภาสิเตนปิ
สา    อตฺตมนา   โหติ   อติตฺตา   ว   ภิกฺขเว   ภิกฺขุนีปริสา   โหติ
อถ   ๒-  อานนฺโท  ตุณฺหี  โหติ  สเจ  ภิกฺขเว  อุปาสกปริสา  อานนฺทํ
ทสฺสนาย อุปสงฺกมติ ทสฺสเนน สา อตฺตมนา โหติ
     {๑๓๖.๑}   ตตฺร   เจ  อานนฺโท  ธมฺมํ  ภาสติ  ภาสิเตนปิ  สา
อตฺตมนา   โหติ   อติตฺตา   ว  ภิกฺขเว  อุปาสกปริสา  โหติ  อถ  ๓-
อานนฺโท    ตุณฺหี    โหติ   สเจ   ภิกฺขเว   อุปาสิกาปริสา   อานนฺทํ
ทสฺสนาย   อุปสงฺกมติ   ทสฺสเนน   สา   อตฺตมนา   โหติ   ตตฺร  เจ
อานนฺโท   ธมฺมํ   ภาสติ   ภาสิเตนปิ   สา   อตฺตมนา  โหติ  อติตฺตา
ว   ภิกฺขเว   อุปาสิกาปริสา   โหติ   อถ  ๔-  อานนฺโท  ตุณฺหี  โหติ
อิเม โข ภิกฺขเว จตฺตาโร อจฺฉริยา อพฺภุตธมฺมา ๕- อานนฺเท ฯ
     {๑๓๖.๒}   จตฺตาโรเม   ภิกฺขเว  อจฺฉริยา  อพฺภุตธมฺมา  รญฺเ
จกฺกวตฺติมฺหิ   [๖]-   สเจ   ภิกฺขเว   ขตฺติยปริสา  ราชานํ  จกฺกวตฺตึ
@เชิงอรรถ: ๑-๕ ม. ยุ. อพฺภุตา ธมฺมา ฯ ๒-๓-๔ ม. อถโข ฯ สพฺพตฺถ อีทิสเมว ฯ
@ ม. กตเม จตฺตาโร ฯ
ทสฺสนาย   อุปสงฺกมติ   ทสฺสเนน   สา   อตฺตมนา   โหติ   ตตฺร  เจ
ราชา   จกฺกวตฺติ  ภาสติ  ภาสิเตนปิ  สา  อตฺตมนา  โหติ  อติตฺตา  ว
ภิกฺขเว   ขตฺติยปริสา   โหติ   อถ   ราชา  จกฺกวตฺติ  ตุณฺหี  โหติ  ฯ
สเจ    ภิกฺขเว    พฺราหฺมณปริสา   ฯ   คหปติปริสา   ฯ   สมณปริสา
ราชานํ   จกฺกวตฺตึ   ทสฺสนาย   อุปสงฺกมติ   ทสฺสเนน   สา  อตฺตมนา
โหติ   ตตฺร   เจ  ราชา  จกฺกวตฺติ  ภาสติ  ภาสิเตนปิ  สา  อตฺตมนา
โหติ   อติตฺตา   ว   ภิกฺขเว  สมณปริสา  โหติ  อถ  ราชา  จกฺกวตฺติ
ตุณฺหี   โหตีติ   ๑-   เอวเมว   โข   ภิกฺขเว   จตฺตาโร   อจฺฉริยา
อพฺภุตธมฺมา   อานนฺท   สเจ   ภิกฺขเว   ภิกฺขุปริสา  อานนฺทํ  ทสฺสนาย
อุปสงฺกมติ ทสฺสเนน สา อตฺตมนา โหติ
     {๑๓๖.๓}   ตตฺร   เจ  อานนฺโท  ธมฺมํ  ภาสติ  ภาสิเตนปิ  สา
อตฺตมนา   โหติ  อติตฺตา  ว  ภิกฺขเว  ภิกฺขุปริสา  โหติ  อถ  อานนฺโท
ตุณฺหี   โหติ   ฯ   สเจ   ภิกฺขเว   ภิกฺขุนีปริสา  ฯ  อุปาสกปริสา  ฯ
อุปาสิกาปริสา    อานนฺทํ    ทสฺสนาย    อุปสงฺกมติ    ทสฺสเนน   สา
อตฺตมนา   โหติ   ตตฺร   เจ  อานนฺโท  ธมฺมํ  ภาสติ  ภาสิเตนปิ  สา
อตฺตมนา   โหติ   อติตฺตา   ว   ภิกฺขเว  อุปาสิกาปริสา  โหติ  อถโข
อานนฺโท   ตุณฺหี   โหติ   อิเม   โข   ภิกฺขเว   จตฺตาโร   อจฺฉริยา
อพฺภุตธมฺมา อานนฺเทติ ฯ
     [๑๓๗]   เอวํ   วุตฺเต  อายสฺมา  อานนฺโท  ภควนฺตํ  เอตทโวจ
มา  ภนฺเต  ภควา  อิมสฺมึ ขุทฺทกนครเก ๒- อุชฺชงฺคลนครเก สาขานครเก
ปรินิพฺพายิ   ๓-   สนฺติ  [๔]-  ภนฺเต  อญฺานิ  มหานครานิ  เสยฺยถีทํ
@เชิงอรรถ:  ม. ยุ. โหติ ฯ  ยุ. กุฑฺฑนครเก ฯ อิโต ปรํ อีทิสเมว ฯ  ยุ.
@ปรินิพฺพายตุ ฯ  ยุ. หิ ฯ
จมฺปา   ราชคหํ   สาวตฺถี   สาเกตํ  โกสมฺพี  พาราณสี  เอตฺถ  ภควา
ปรินิพฺพายตุ     เอตฺถ    พหู    ขตฺติยมหาสาลา    พฺราหฺมณมหาสาลา
คหปติมหาสาลา    ตถาคเต   อภิปฺปสนฺนา   เต   ตถาคตสฺส   สรีรปูชํ
กริสฺสนฺตีติ   ฯ   มา   เหวํ  อานนฺท  อวจ  มา  เหวํ  อานนฺท  อวจ
ขุทฺทกนครกํ อุชฺชงฺคลนครกํ สาขานครกนฺติ
     {๑๓๗.๑}   ภูตปุพฺพํ  อานนฺท  ราชา  มหาสุทสฺสโน  นาม  อโหสิ
จกฺกวตฺติ  ธมฺมิโก  ธมฺมราชา  จาตุรนฺโต  วิชิตาวี  ชนปทฏฺาวริยปฺปตฺโต
สตฺตรตนสมนฺนาคโต     รญฺโ     อานนฺท     มหาสุทสฺสนสฺส     อยํ
กุสินารา   กุสาวตี   นาม   ราชธานี  อโหสิ  ปุรตฺถิเมน  จ  ปจฺฉิเมน
จ  ทฺวาทสโยชนานิ  อายาเมน  อุตฺตเรน  จ  ทกฺขิเณน  จ สตฺตโยชนานิ
วิตฺถาเรน   กุสาวตี  อานนฺท  ราชธานี  อิทฺธา  เจว  อโหสิ  ผีตา  จ
พหุชนา  จ  อากิณฺณมนุสฺสา  จ  สุภิกฺขา  จ  เสยฺยถาปิ  อานนฺท เทวานํ
อาลกมนฺทา   นาม   ราชธานี  อิทฺธา  เจว  อโหสิ  ผีตา  จ  พหุชนา
จ   อากิณฺณยกฺขา   จ   สุภิกฺขา   จ  เอวเมว  โข  อานนฺท  กุสาวตี
ราชธานี   อิทฺธา   เจว  อโหสิ  ผีตา  จ  พหุชนา  จ  อากิณฺณมนุสฺสา
จ   สุภิกฺขา   จ  กุสาวตี  อานนฺท  ราชธานี  ทสหิ  สทฺเทหิ  อวิวิตฺตา
อโหสิ   ทิวา   เจว   รตฺติญฺจ   เสยฺยถีทํ   หตฺถิสทฺเทน   อสฺสสทฺเทน
รถสทฺเทน   เภริสทฺเทน   มุทิงฺคสทฺเทน   ๑-   วีณาสทฺเทน  คีตสทฺเทน
สมฺมสทฺเทน  ตาลสทฺเทน  ๒-  [๓]-  อสถ  ๔-  ปิวถ ขาทถาติ ทสเมน
สทฺเทน   คจฺฉ   ตฺวํ   อานนฺท   กุสินารายํ   ปวิสิตฺวา   โกสินารกานํ
@เชิงอรรถ:  ยุ. มุติงฺค ... ฯ  ม. ปาณิตาลสทฺเทน ฯ  โป. ม. สงฺขสทฺเทน ฯ
@ ม. ยุ. อสนาถ ฯ อิเม อสมปาา อญฺตฺถาปิ เอวํ าตพฺพา ฯ
มลฺลานํ  อาโรเจหิ  อชฺช  โข  วาสิฏฺ๑-  รตฺติยา  ปจฺฉิเม  ยาเม
ตถาคตสฺส    ปรินิพฺพานํ    ภวิสฺสติ    อภิกฺกมถ   วาสิฏฺา   อภิกฺกมถ
วาสิฏฺา    มา    ปจฺฉา   วิปฺปฏิสาริโน   อหุวตฺถ   อมฺหากญฺจ   โน
คามกฺเขตฺเต    ตถาคตสฺส    ปรินิพฺพานํ   อโหสิ   น   มยํ   ลภิมฺหา
ปจฺฉิเม  กาเล  ตถาคตํ  ทสฺสนายาติ  ฯ  เอวํ  ภนฺเตติ  โข  อายสฺมา
อานนฺโท    ภควโต    ปฏิสฺสุตฺวา    นิวาเสตฺวา   ปตฺตจีวรํ   อาทาย
อทุติโย ๒- กุสินารายํ ปาวิสิ ฯ
     {๑๓๗.๒}  เตน  โข  ปน  สมเยน โกสินารกา มลฺลา สณฺาคาเร
สนฺนิปติตา  โหนฺติ  เกนจิเทว  กรณีเยน  ฯ  อถโข  อายสฺมา  อานนฺโท
เยน   โกสินารกานํ   มลฺลานํ   สณฺาคารํ   เตนุปสงฺกมิ  อุปสงฺกมิตฺวา
โกสินารกานํ  มลฺลานํ  อาโรเจสิ  อชฺช  โข  วาสิฏฺา  รตฺติยา ปจฺฉิเม
ยาเม   ตถาคตสฺส   ปรินิพฺพานํ  ภวิสฺสติ  อภิกฺกมถ  วาสิฏฺา  อภิกฺกมถ
วาสิฏฺา  มา  ปจฺฉา  วิปฺปฏิสาริโน  อหุวตฺถ อมฺหากญฺจ โน คามกฺเขตฺเต
ตถาคตสฺส   ปรินิพฺพานํ   อโหสิ   น   มยํ   ลภิมฺหา   ปจฺฉิเม  กาเล
ตถาคตสฺส   ๓-   ทสฺสนายาติ   ฯ   อิทมายสฺมโต   อานนฺทสฺส  สุตฺวา
มลฺลา   จ  มลฺลปุตฺตา  จ  มลฺลสุณิสา  จ  มลฺลปชาปติโย  จ  อฆาวิโน
ทุมฺมนา  เจโตทุกฺขสมปฺปิตา  อปฺเปกจฺเจ  เกเส  ปกิริย  กนฺทนฺติ  พาหา
ปคฺคยฺห  กนฺทนฺติ  ฉินฺนปาทํ  วิย  ปปตนฺติ  อาวฏฺฏนฺติ  วิวฏฺฏนฺติ  อติขิปฺปํ
ภควา    ปรินิพฺพายิสฺสติ    อติขิปฺปํ   สุคโต   ปรินิพฺพายิสฺสติ   อติขิปฺปํ
@เชิงอรรถ:  สี. ม. ยุ. วาเสฏฺา ฯ อิโต ปรํ อีทิสเมว ฯ  สี. ม. ยุ. อตฺตทุติโย ฯ
@ ม. ยุ. ตถาคตํ ฯ
จกฺขุมา   โลเก  อนฺตรธายิสฺสตีติ  ฯ  อถโข  มลฺลา  จ  มลฺลปุตฺตา  จ
มลฺลสุณิสา  จ  มลฺลปชาปติโย  จ  อฆาวิโน  ทุมฺมนา  เจโตทุกฺขสมปฺปิตา
เยน อุปวตฺตนํ มลฺลานํ สาลวนํ เยนายสฺมา อานนฺโท เตนุปสงฺกมึสุ ฯ
     {๑๓๗.๓}  อถโข  อายสฺมโต  อานนฺทสฺส  เอตทโหสิ สเจ โข อหํ
โกสินารเก   มลฺเล   เอกเมกํ   ภควนฺตํ  วนฺทาเปสฺสามิ  อวนฺทิโต  จ
ภควา   โกสินารเกหิ   มลฺเลหิ   ภวิสฺสติ   อถายํ   รตฺติ   วิภายิสฺสติ
ยนฺนูนาหํ   โกสินารเก   มลฺเล   กุลปริวตฺตโส  กุลปริวตฺตโส  เปตฺวา
ภควนฺตํ   วนฺทาเปยฺยํ   อิตฺถนฺนาโม   ภนฺเต   มลฺโล  สปุตฺโต  สภริโย
สปริโส  สามจฺโจ  ภควโต  ปาเท  สิรสา  วนฺทตีติ  ฯ  อถโข อายสฺมา
อานนฺโท   โกสินารเก   มลฺเล   กุลปริวตฺตโส  กุลปริวตฺตโส  เปตฺวา
ภควนฺตํ   วนฺทาเปสิ   อิตฺถนฺนาโม   ภนฺเต   มลฺโล   สปุตฺโต  สภริโย
สปริโส  สามจฺโจ  ภควโต  ปาเท  สิรสา  วนฺทตีติ  ฯ  อถโข อายสฺมา
อานนฺโท   เอเตน   อุปาเยน  ปเมเนว  ยาเมน  โกสินารเก  มลฺเล
ภควนฺตํ วนฺทาเปสิ ฯ
     [๑๓๘]   เตน   โข   ปน  สมเยน  สุภทฺโท  นาม  ปริพฺพาชโก
กุสินารายํ   ปฏิวสติ   ฯ   อสฺโสสิ  โข  สุภทฺโท  ปริพฺพาชโก  อชฺเชว
[๑]-  รตฺติยา  ปจฺฉิเม  ยาเม  สมณสฺส โคตมสฺส ปรินิพฺพานํ ภวิสฺสตีติ ฯ
อถโข   สุภทฺทสฺส   ปริพฺพาชกสฺส   เอตทโหสิ   สุตํ   โข   ปน  เมตํ
ปริพฺพาชกานํ    วุฑฺฒานํ    มหลฺลกานํ   อาจริยปาจริยานํ   ภาสมานานํ
กทาจิ  กรหจิ  ตถาคตา  โลเก  อุปฺปชฺชนฺติ  อรหนฺโต สมฺมาสมฺพุทฺธา ๒-
@เชิงอรรถ:  ยุ. กิร ฯ  ม. ยุ. สมฺมาสมฺพุทฺธาติ ฯ อิโต ปรํ อีทิสเมว ฯ
อชฺเชว   รตฺติยา   ปจฺฉิเม   ยาเม   สมณสฺส   โคตมสฺส   ปรินิพฺพานํ
ภวิสฺสติ   อตฺถิ   จ   เม   อยํ   กงฺขาธมฺโม  อุปฺปนฺโน  เอวมฺปสนฺโน
อหํ   สมเณ   โคตเม   ปโหติ   เม   สมโณ   โคตโม   ตถา  ธมฺมํ
เทเสตุํ ยถา อหํ อิมํ กงฺขาธมฺมํ ปชเหยฺยนฺติ ฯ
     {๑๓๘.๑}  อถโข  สุภทฺโท  ปริพฺพาชโก  เยน  อุปวตฺตนํ  มลฺลานํ
สาลวนํ   เยนายสฺมา   อานนฺโท  เตนุปสงฺกมิ  อุปสงฺกมิตฺวา  อายสฺมนฺตํ
อานนฺทํ   เอตทโวจ   สุตํ   เมตํ  โภ  อานนฺท  ปริพฺพาชกานํ  วุฑฺฒานํ
มหลฺลกานํ   อาจริยปาจริยานํ   ภาสมานานํ   กทาจิ   กรหจิ  ตถาคตา
โลเก    อุปฺปชฺชนฺติ    อรหนฺโต    สมฺมาสมฺพุทฺธา   อชฺเชว   รตฺติยา
ปจฺฉิเม   ยาเม  สมณสฺส  โคตมสฺส  ปรินิพฺพานํ  ภวิสฺสติ  อตฺถิ  จ  เม
อยํ    กงฺขาธมฺโม   อุปฺปนฺโน   เอวมฺปสนฺโน   อหํ   สมเณ   โคตเม
ปโหติ   เม   สมโณ   โคตโม   ตถา  ธมฺมํ  เทเสตุํ  ยถา  อหํ  อิมํ
กงฺขาธมฺมํ   ปชเหยฺยํ   สาธาหํ   ๑-   โภ   อานนฺท   ลเภยฺยํ  สมณํ
โคตมํ ทสฺสนายาติ ฯ
     {๑๓๘.๒}   เอวํ  วุตฺเต  อายสฺมา  อานนฺโท  สุภทฺทํ  ปริพฺพาชกํ
เอตทโวจ  อลํ  อาวุโส  สุภทฺท  มา ตถาคตํ วิเหเสิ กิลนฺโต ภควาติ ฯ
ทุติยมฺปิ   โข   สุภทฺโท   ปริพฺพาชโก   ฯเปฯ   ตติยมฺปิ  โข  สุภทฺโท
ปริพฺพาชโก   อายสฺมนฺตํ   อานนฺทํ  เอตทโวจ  สุตํ  เมตํ  โภ  อานนฺท
ปริพฺพาชกานํ        วุฑฺฒานํ       มหลฺลกานํ       อาจริยปาจริยานํ
ภาสมานานํ     กทาจิ     กรหจิ    ตถาคตา    โลเก    อุปฺปชฺชนฺติ
@เชิงอรรถ:  สี. ยุ. สฺวาหํ ฯ อิโต ปรํ อีทิสเมว ฯ
อรหนฺโต   สมฺมาสมฺพุทฺธา   อชฺเชว   รตฺติยา  ปจฺฉิเม  ยาเม  สมณสฺส
โคตมสฺส   ปรินิพฺพานํ   ภวิสฺสติ   อตฺถิ   จ   เม   อยํ   กงฺขาธมฺโม
อุปฺปนฺโน   เอวมฺปสนฺโน   อหํ   สมเณ   โคตเม   ปโหติ  เม  สมโณ
โคตโม  ตถา  ธมฺมํ  เทเสตุํ  ยถา  อหํ  อิมํ  กงฺขาธมฺมํ  ปชเหยฺยํ ๑-
สาธาหํ    โภ   อานนฺท   ลเภยฺยํ   สมณํ   โคตมํ   ทสฺสนายาติ   ฯ
ตติยมฺปิ   โข   อายสฺมา   อานนฺโท   สุภทฺทํ   ปริพฺพาชกํ   เอตทโวจ
อลํ อาวุโส สุภทฺท มา ตถาคตํ วิเหเสิ กิลนฺโต ภควาติ ฯ
     {๑๓๘.๓}  อสฺโสสิ  โข  ภควา  อายสฺมโต  อานนฺทสฺส  สุภทฺเทน
ปริพฺพาชเกน   สทฺธึ   อิมํ   กถาสลฺลาปํ  ฯ  อถโข  ภควา  อายสฺมนฺตํ
อานนฺทํ  อามนฺเตสิ  อลํ  อานนฺท  มา  สุภทฺทํ  วาเรสิ ลภตุ ๒- อานนฺท
สุภทฺโท    ตถาคตํ    ทสฺสนาย    ยงฺกิญฺจิ    มํ   สุภทฺโท   ปุจฺฉิสฺสติ
สพฺพนฺตํ    อญฺาเปกฺโข    ว    มํ   ปุจฺฉิสฺสติ   โน   วิเหสาเปกฺโข
ยญฺจสฺสาหํ ปุฏฺโ พฺยากริสฺสามิ ตํ ขิปฺปเมว อาชานิสฺสตีติ ฯ
     {๑๓๘.๔}  อถโข  อายสฺมา  อานนฺโท สุภทฺทํ ปริพฺพาชกํ เอตทโวจ
คจฺฉาวุโส   สุภทฺท  กโรติ  เต  ภควา  โอกาสนฺติ  ฯ  อถโข  สุภทฺโท
ปริพฺพาชโก    เยน    ภควา    เตนุปสงฺกมิ   อุปสงฺกมิตฺวา   ภควตา
สทฺธึ   สมฺโมทิ   สมฺโมทนียํ   กถํ   สาราณียํ   วีติสาเรตฺวา  เอกมนฺตํ
นิสีทิ   ฯ   เอกมนฺตํ   นิสินฺโน   โข   สุภทฺโท   ปริพฺพาชโก  ภควนฺตํ
เอตทโวจ    เยเม   โภ   โคตม   สมณพฺราหฺมณา   สงฺฆิโน   คณิโน
คณาจริยา    าตา    ยสสฺสิโน    ติตฺถกรา   สาธุสมฺมตา   พหุชนสฺส
@เชิงอรรถ:  โป. ม. ปชเหยฺยนฺติ ฯ  ม. ยุ. ลภตํ ฯ
เสยฺยถีทํ   ปูรโณ   กสฺสโป  มกฺขลิ  โคสาโล  อชิโต  เกสกมฺพโล  ๑-
ปกุโธ   กจฺจายโน   สญฺชโย   เวลฏฺปุตฺโต   ๒-  นิคณฺโ  นาฏปุตฺโต
สพฺเพ   เต   สกาย   ปฏิญฺาย   อพฺภญฺึสุ   สพฺเพ   ๓-   ปน   น
อพฺภญฺึสุ   อุทาหุ   เอกจฺเจ  น  อพฺภญฺึสูติ  ฯ  อลํ  สุภทฺท  ติฏฺเตตํ
สพฺเพ  เต  สกาย  ปฏิญฺาย  อพฺภญฺึสุ  สพฺเพ  ๔-  ปน  น  อพฺภญฺึสุ
อุทาหุ    เอกจฺเจ   อพฺภญฺึสุ   เอกจฺเจ   น   อพฺภญฺึสูติ   ธมฺมนฺเต
สุภทฺท   เทสิสฺสามิ   ตํ   สุณาหิ   สาธุกํ   มนสิกโรหิ  ภาสิสฺสามีติ  ฯ
เอวํ   ภนฺเตติ   โข   สุภทฺโท   ปริพฺพาชโก   ภควโต  ปจฺจสฺโสสิ  ฯ
ภควา เอตทโวจ
     {๑๓๘.๕}   ยสฺมึ   โข   สุภทฺท   ธมฺมวินเย  อริโย  อฏฺงฺคิโก
มคฺโค    น    อุปลพฺภติ    สมโณปิ   ตตฺถ   น   อุปลพฺภติ   ทุติโยปิ
ตตฺถ   สมโณ   น   อุปลพฺภติ   ตติโยปิ   ตตฺถ  สมโณปิ  น  อุปลพฺภติ
จตุตฺโถปิ    ตตฺถ    สมโณ    น   อุปลพฺภติ   ยสฺมิญฺจ   โข   สุภทฺท
ธมฺมวินเย   อริโย   อฏฺงฺคิโก   มคฺโค   อุปลพฺภติ    สมโณปิ   ตตฺถ
อุปลพฺภติ    ทุติโยปิ    ตตฺถ    สมโณ    อุปลพฺภติ    ตติโยปิ   ตตฺถ
สมโณ    อุปลพฺภติ    จตุตฺโถปิ    ตตฺถ    สมโณ   อุปลพฺภติ   อิมสฺมึ
โข    สุภทฺท    ธมฺมวินเย    อริโย   อฏฺงฺคิโก   มคฺโค   อุปลพฺภติ
อิเธว   สุภทฺท   สมโณ   อิธ   ทุติโย   สมโณ   อิธ   ตติโย  สมโณ
อิธ    จตุตฺโถ    สมโณ    สุญฺา    ปรปฺปวาทา   สมเณภิ   อญฺเหิ
@เชิงอรรถ:  สี. ยุ. เกสกมฺพลี ฯ  สี. ยุ. เวลฏฺิปุตฺโต ฯ ๓-๔ ม. ยุ. สพฺเพว ฯ
อิเม   จ   สุภทฺท  ภิกฺขู  สมฺมา  วิหเรยฺยุํ  อสุญฺโ  โลโก  อรหนฺเตหิ
อสฺสาติ ฯ
     [๑๓๙]  เอกูนตึส- ๑- วยสา สุภทฺท
             ยํ ปพฺพชึ กึกุสลานุเอสี
             วสฺสานิ ปญฺาสสมาธิกานิ
             ยโต อหํ ปพฺพชิโต สุภทฺท
             ายสฺส ธมฺมสฺส ปเทสวตฺติ
             อิโต พหิทฺธา สมโณปิ นตฺถิ ฯ
ทุติโยปิ   สมโณ   นตฺถิ   ตติโยปิ   สมโณ   นตฺถิ   จตุตฺโถปิ   สมโณ
นตฺถิ    สุญฺา   ปรปฺปวาทา   สมเณภิ   อญฺเหิ   อิเม   จ   สุภทฺท
ภิกฺขู สมฺมา วิหเรยฺยุํ อสุญฺโ โลโก อรหนฺเตหิ อสฺสาติ ฯ
     [๑๔๐]   เอวํ  วุตฺเต  สุภทฺโท  ปริพฺพาชโก  ภควนฺตํ  เอตทโวจ
อภิกฺกนฺตํ   ภนฺเต   อภิกฺกนฺตํ   ภนฺเต   เสยฺยถาปิ   ภนฺเต   นิกฺกุชฺชิตํ
วา   อุกฺกุชฺเชยฺย   ปฏิจฺฉนฺนํ   วา   วิวเรยฺย   มูฬฺหสฺส   วา   มคฺคํ
อาจิกฺเขยฺย    อนฺธกาเร   วา   เตลปฺปชฺโชตํ   ธาเรยฺย   จกฺขุมนฺโต
รูปานิ   ทกฺขนฺติ   เอวเมว  ภควตา  อเนกปริยาเยน  ธมฺโม  ปกาสิโต
เอสาหํ    ภนฺเต    ภควนฺตํ   สรณํ   คจฺฉามิ   ธมฺมญฺจ   ภิกฺขุสงฺฆญฺจ
ลเภยฺยามหํ  ๒-  ภนฺเต  ภควโต  สนฺติเก ปพฺพชฺชํ ลเภยฺยํ อุปสมฺปทนฺติ ฯ
โย     โข     สุภทฺท     อญฺติตฺถิยปุพฺโพ     อิมสฺมึ     ธมฺมวินเย
@เชิงอรรถ:  สี. ม. ยุ. เอกูนตึโส ฯ  ม. ยุ. ลเภยฺยาหํ ฯ
อากงฺขติ    ปพฺพชฺชํ    อากงฺขติ   อุปสมฺปทํ   โส   จตฺตาโร   มาเส
ปริวสติ   จตุนฺนํ   มาสานํ   อจฺจเยน  อารทฺธจิตฺตา  ภิกฺขู  ปพฺพาเชนฺติ
อุปสมฺปาเทนฺติ     ภิกฺขุภาวาย     อปิจ     เมตฺถ    ปุคฺคลเวมตฺตตา
วิทิตาติ    ฯ    สเจ   ภนฺเต   อญฺติตฺถิยปุพฺพา   อิมสฺมึ   ธมฺมวินเย
อากงฺขนฺตา    ปพฺพชฺชํ    อากงฺขนฺตา    อุปสมฺปทํ   จตฺตาโร   มาเส
ปริวสนฺติ     จตุนฺนํ     มาสานํ    อจฺจเยน    อารทฺธจิตฺตา    ภิกฺขู
ปพฺพาเชนฺติ    อุปสมฺปาเทนฺติ    ภิกฺขุภาวาย   อหํ   จตฺตาริ   วสฺสานิ
ปริวสิสฺสามิ  จตุนฺนํ  วสฺสานํ  อจฺจเยน  อารทฺธจิตฺตา  ภิกฺขู  ปพฺพาเชนฺตุ
อุปสมฺปาเทนฺตุ ภิกฺขุภาวายาติ ฯ
     {๑๔๐.๑}  อถโข  ภควา อายสฺมนฺตํ อานนฺทํ อามนฺเตสิ เตนหานนฺท
สุภทฺทํ  ปริพฺพาชกํ  ปพฺพาเชถาติ  ฯ  เอวํ ภนฺเตติ โข อายสฺมา อานนฺโท
ภควโต  ปจฺจสฺโสสิ  ฯ  อถโข  สุภทฺโท  ปริพฺพาชโก  อายสฺมนฺตํ อานนฺทํ
เอตทโวจ  ลาภา  เต ๑- อาวุโส อานนฺท สุลทฺธํ เต ๒- อาวุโส อานนฺท
เย  เอตฺถ  สตฺถารา  ๓-  สมฺมุขา  อนฺเตวาสิกาภิเสเกน  อภิสิตฺตาติ ฯ
อลตฺถ   โข   สุภทฺโท   ปริพฺพาชโก  ภควโต  สนฺติเก  ปพฺพชฺชํ  อลตฺถ
อุปสมฺปทํ  ฯ  อจิรูปสมฺปนฺโน  โข  ปนายสฺมา  สุภทฺโท  เอโก  วูปกฏฺโ
อปฺปมตฺโต    อาตาปี    ปหิตตฺโต   วิหรนฺโต   นจิรสฺเสว   ยสฺสตฺถาย
กุลปุตฺตา    สมฺมเทว    อคารสฺมา    อนคาริยํ   ปพฺพชนฺติ   ตทนุตฺตรํ
พฺรหฺมจริยปริโยสานํ   ทิฏฺเ   ว   ธมฺเม   สยํ   อภิญฺา   สจฺฉิกตฺวา
อุปสมฺปชฺช   วิหาสิ   ขีณา  ชาติ  วุสิตํ  พฺรหฺมจริยํ  กตํ  กรณียํ  นาปรํ
@เชิงอรรถ: ๑-๒ ม. ยุ. โว ฯ  ม. สตฺถุ ฯ
อิตฺถตฺตายาติ   อพฺภญฺาสิ   ฯ   อญฺตโร  โข  ปน  อายสฺมา  สุภทฺโท
อรหตํ อโหสิ ฯ โส ภควโต ปจฺฉิโม สกฺขิสาวโก อโหสีติ ฯ
                   ปญฺจมภาณวารํ สมตฺตํ ฯ
     [๑๔๑]   อถโข   ภควา   อายสฺมนฺตํ  อานนฺทํ  อามนฺเตสิ  สิยา
โข    ปนานนฺท    ตุมฺหากํ    เอวมสฺส   อตีตสตฺถุกํ   ปาวจนํ   นตฺถิ
โน   สตฺถาติ   น   โข   ปเนตํ   อานนฺท   เอวํ  ทฏฺพฺพํ  โย  โว
อานนฺท   มยา   ธมฺโม   จ   วินโย  จ  เทสิโต  ปญฺตฺโต  โส  โว
มมจฺจเยน สตฺถา
     {๑๔๑.๑}   ยถา   โข   ปนานนฺท   เอตรหิ   ภิกฺขู   อญฺมญฺ
อาวุโสวาเทน   สมุทาจรนฺติ   น   เต  มมจฺจเยน  เอวํ  สมุทาจริตพฺพํ
เถรตเรน   อานนฺท   ภิกฺขุนา  นวกตโร  ภิกฺขุ  นาเมน  วา  โคตฺเตน
วา   อาวุโสวาเทน  วา  สมุทาจริตพฺโพ  นวกตเรน  ภิกฺขุนา  เถรตโร
ภิกฺขุ   ภนฺเตติ   วา   อายสฺมาติ   วา   สมุทาจริตพฺโพ  อากงฺขมาโน
อานนฺท     สงฺโฆ     มมจฺจเยน     ขุทฺทานุขุทฺทกานิ     สิกฺขาปทานิ
สมูหนตุ    ฉนฺนสฺส    อานนฺท    ภิกฺขุโน    มมจฺจเยน    พฺรหฺมทณฺโฑ
ทาตพฺโพติ    ฯ    กตโม   ปน   ภนฺเต   พฺรหฺมทณฺโฑติ   ฯ   ฉนฺโน
อานนฺท   ภิกฺขุ  ยํ  อิจฺเฉยฺย  ตํ  วเทยฺย  โส  ภิกฺขูหิ  เนว  วตฺตพฺโพ
น โอวทิตพฺโพ น อนุสาสิตพฺโพติ ฯ
     [๑๔๒]  อถโข  ภควา  ภิกฺขู  อามนฺเตสิ  สิยา  โข  ปน ภิกฺขเว
เอกภิกฺขุสฺสปิ   กงฺขา  วา  วิมติ  วา  พุทฺเธ  วา  ธมฺเม  วา  สงฺเฆ
วา   มคฺเค   วา   ปฏิปทาย   วา   ปุจฺฉถ   ภิกฺขเว   มา   ปจฺฉา
วิปฺปฏิสาริโน   อหุวตฺถ   สมฺมุขีภูโต   โน   สตฺถา   อโหสิ   น   มยํ
สิกฺขิมฺหา   ภควนฺตํ   สมฺมุขา  ปฏิปุจฺฉิตุนฺติ  ฯ  เอวํ  วุตฺเต  เต  ภิกฺขู
ตุณฺหี   อเหสุํ   ฯ   ทุติยมฺปิ  โข  ภควา  ฯเปฯ  ตติยมฺปิ  โข  ภควา
ภิกฺขู   อามนฺเตสิ   สิยา  โข  ปน  ภิกฺขเว  เอกภิกฺขุสฺสปิ  กงฺขา  วา
วิมติ  วา  พุทฺเธ  วา  ธมฺเม  วา  สงฺเฆ  วา มคฺเค วา ปฏิปทาย วา
ปุจฺฉถ    ภิกฺขเว   มา   ปจฺฉา   วิปฺปฏิสาริโน   อหุวตฺถ   สมฺมุขีภูโต
โน  สตฺถา  อโหสิ  น  มยํ  สิกฺขิมฺหา  ภควนฺตํ  สมฺมุขา  ปฏิปุจฺฉิตุนฺติ ฯ
ตติยมฺปิ โข เต ภิกฺขู ตุณฺหี อเหสุํ ฯ
     {๑๔๒.๑}  อถโข  ภควา  ภิกฺขู  อามนฺเตสิ  สิยา โข ปน ภิกฺขเว
สตฺถุ   คารเวนปิ   น   ปุจฺเฉยฺยาถ   สหายโกปิ   ภิกฺขเว  สหายกสฺส
อาโรเจตูติ  ฯ  เอวํ  วุตฺเต  เต  ภิกฺขู  ตุณฺหี อเหสุํ ฯ อถโข อายสฺมา
อานนฺโท  ภควนฺตํ  เอตทโวจ  อจฺฉริยํ  ภนฺเต อพฺภุตํ ภนฺเต เอวํ ปสนฺโน
อหํ  ภนฺเต  อิมสฺมึ  ภิกฺขุสงฺเฆ  นตฺถิ  อิมสฺมึ  ภิกฺขุสงฺเฆ  เอกภิกฺขุสฺสาปิ
กงฺขา  วา  วิมติ วา พุทฺเธ วา ธมฺเม วา สงฺเฆ วา มคฺเค วา ปฏิปทาย
วาติ  ฯ  ปสาทา  โข  ตฺวํ  อานนฺท  วเทสิ  าณเมว  เหตฺถ  อานนฺท
ตถาคตสฺส   นตฺถิ   อิมสฺมึ   ภิกฺขุสงฺเฆ   เอกภิกฺขุสฺสาปิ   กงฺขา   วา
วิมติ  วา  พุทฺเธ  วา  ธมฺเม  วา  สงฺเฆ  วา มคฺเค วา ปฏิปทาย วา
อิเมสํ   หิ   อานนฺท   ปญฺจนฺนํ   ภิกฺขุสตานํ  โย  ปจฺฉิมโก  ภิกฺขุ  โส
โสตาปนฺโน อวินิปาตธมฺโม นิยโต สมฺโพธิปรายโนติ ฯ
     [๑๔๓]   อถโข   ภควา   ภิกฺขู   อามนฺเตสิ  หนฺททานิ  ภิกฺขเว
อามนฺตยามิ   โว   วยธมฺมา   สงฺขารา  อปฺปมาเทน  สมฺปาเทถาติ  ฯ
อยํ ตถาคตสฺส ปจฺฉิมา วาจา ฯ
     [๑๔๔]    อถโข   ภควา   ปมชฺฌานํ   สมาปชฺชิ   ปมชฺฌานา
วุฏฺหิตฺวา   ทุติยชฺฌานํ   สมาปชฺชิ   ทุติยชฺฌานา  วุฏฺหิตฺวา  ตติยชฺฌานํ
สมาปชฺชิ     ตติยชฺฌานา     วุฏฺหิตฺวา     จตุตฺถชฺฌานํ     สมาปชฺชิ
จตุตฺถชฺฌานา       วุฏฺหิตฺวา       อากาสานญฺจายตนํ      สมาปชฺชิ
อากาสานญฺจายตนสมาปตฺติยา    วุฏฺหิตฺวา   วิญฺาณญฺจายตนํ   สมาปชฺชิ
วิญฺาณญฺจายตนสมาปตฺติยา    วุฏฺหิตฺวา    อากิญฺจญฺายตนํ    สมาปชฺชิ
อากิญฺจญฺายตนสมาปตฺติยา       วุฏฺหิตฺวา      เนวสญฺานาสญฺาตยนํ
สมาปชฺชิ         เนวสญฺานาสญฺายตนสมาปตฺติยา         วุฏฺหิตฺวา
สญฺาเวทยิตนิโรธํ สมาปชฺชิ ฯ
     {๑๔๔.๑}  อถโข  อายสฺมา อานนฺโท อายสฺมนฺตํ อนุรุทฺธํ เอตทโวจ
ปรินิพฺพุโต  ภนฺเต  อนุรุทฺธ  ภควาติ  ฯ นาวุโส อานนฺท ภควา ปรินิพฺพุโต
สญฺาเวทยิตนิโรธํ   สมาปนฺโนติ  ฯ  อถโข  ภควา  สญฺาเวทยิตนิโรธ-
สมาปตฺติยา       วุฏฺหิตฺวา     เนวสญฺานาสญฺายตนํ     สมาปชฺชิ
เนวสญฺานาสญฺายตนสมาปตฺติยา       วุฏฺหิตฺวา      อากิญฺจญฺายตนํ
สมาปชฺชิ    อากิญฺจญฺายตนสมาปตฺติยา    วุฏฺหิตฺวา    วิญฺาณญฺจายตนํ
สมาปชฺชิ    วิญฺาณญฺจายตนสมาปตฺติยา   วุฏฺหิตฺวา   อากาสานญฺจายตนํ
สมาปชฺชิ    อากาสานญฺจายตนสมาปตฺติยา    วุฏฺหิตฺวา   จตุตฺถํ   ฌานํ
สมาปชฺชิ    จตุตฺถา    ฌานา    วุฏฺหิตฺวา   ตติยํ   ฌานํ   สมาปชฺชิ
ตติยา   ฌานา   วุฏฺหิตฺวา   ทุติยํ   ฌานํ   สมาปชฺชิ   ทุติยา  ฌานา
วุฏฺหิตฺวา    ปมํ    ฌานํ    สมาปชฺชิ   ปมา   ฌานา   วุฏฺหิตฺวา
ทุติยํ    ฌานํ   สมาปชฺชิ   ทุติยา   ฌานา   วุฏฺหิตฺวา   ตติยํ   ฌานํ
สมาปชฺชิ   ตติยา   ฌานา   วุฏฺหิตฺวา   จตุตฺถํ   ฌานํ   สมาปชฺชิ  ฯ
จตุตฺถา ฌานา วุฏฺหิตฺวา สมนนฺตรา ภควา ปรินิพฺพายิ ฯ
     [๑๔๕]   ปรินิพฺพุเต   ภควติ   สห   ปรินิพฺพานา   มหาภูมิจาโล
อโหสิ ภึสนโก โลมหํโส เทวทุนฺทภิโย จ ผลึสุ ฯ
     [๑๔๖]   ปรินิพฺพุเต   ภควติ  สห  ปรินิพฺพานา  พฺรหฺมา  สหมฺปติ
อิมํ คาถํ อภาสิ
           สพฺเพ ว นิกฺขิปิสฺสนฺติ       ภูตา โลเก สมุสฺสยํ
           ยตฺถ เอตาทิโส สตฺถา       โลเก อปฺปฏิปุคฺคโล
           ตถาคโต พลปฺปตฺโต        สมฺพุทฺโธ ปรินิพฺพุโตติ ฯ
     [๑๔๗]  ปรินิพฺพุเต  ภควติ  สห  ปรินิพฺพานา  สกฺโก เทวานมินฺโท
อิมํ คาถํ อภาสิ
           อนิจฺจา วต สงฺขารา            อุปฺปาทวยธมฺมิโน
           อุปฺปชฺชิตฺวา นิรุชฺฌนฺติ       เตสํ วูปสโม สุโขติ ฯ
     [๑๔๘]  ปรินิพฺพุเต  ภควติ  สห  ปรินิพฺพานา  อายสฺมา  อนุรุทฺโธ
อิมา คาถา อภาสิ
           นาหุ อสฺสาสปสฺสาโส         ิตจิตฺตสฺส ตาทิโน
           อเนชฺโช ๑- สนฺติมารพฺภ    ยํ กาลมกรี มุนิ ฯ
           อสลฺลีเนน จิตฺเตน             เวทนํ อชฺฌวาสยิ
           ปชฺโชตสฺเสว นิพฺพานํ        วิโมกฺโข เจตโส อหูติ ฯ
     [๑๔๙]  ปรินิพฺพุเต  ภควติ  สห  ปรินิพฺพานา  อายสฺมา  อานนฺโท
อิมํ คาถํ อภาสิ
           ตทาสิ ยํ ภึสนกํ              ตทาสิ โลมหํสนํ
           สพฺพาการวรูเปเต          สมฺพุทฺเธ ปรินิพฺพุเตติ ฯ
     [๑๕๐]   ปรินิพฺพุเต   ภควติ  เย  เตตฺถ  ๒-  ภิกฺขู  อวีตราคา
อปฺเปกจฺเจ    พาหา    ปคฺคยฺห   กนฺทนฺติ   ฉินฺนปาทํ   วิย   ปปตนฺติ
อาวฏฺฏนฺติ     วิวฏฺฏนฺติ    อติขิปฺปํ    ภควา    ปรินิพฺพุโต    อติขิปฺปํ
สุคโต    ปรินิพฺพุโต    อติขิปฺปํ    จกฺขุมา   โลเก   อนฺตรหิโตติ   ฯ
เย   ปน   เต   ภิกฺขู   วีตราคา  เต  สตา  สมฺปชานา  อธิวาเสนฺติ
อนิจฺจา วต สงฺขารา ตํ กุเตตฺถ ลพฺภาติ ฯ
     [๑๕๑]   อถโข   อายสฺมา   อนุรุทฺโธ   ภิกฺขู   อามนฺเตสิ  อลํ
อาวุโส   มา  โสจิตฺถ  มา  ปริเทวิตฺถ  น  นุ  เอตํ  อาวุโส  ภควตา
ปฏิกจฺเจว    อกฺขาตํ    สพฺเพเหว    ปิเยหิ   มนาเปหิ   นานาภาโว
วินาภาโว    อญฺถาภาโว    ตํ    กุเตตฺถ   อาวุโส   ลพฺภา   ยนฺตํ
ชาตํ    ภูตํ    สงฺขตํ   ปโลกธมฺมํ   ตํ   วต   มา   ปลุชฺชีติ   เนตํ
@เชิงอรรถ:  ม. ยุ. อเนโช ฯ  สี. ตตฺถ เย เต ฯ ม. ยุ. เย เต ตตฺถ ฯ
านํ    วิชฺชติ   เทวตา   อาวุโส   อุชฺฌายนฺตีติ   ฯ   กถํภูตา   ปน
ภนฺเต อนุรุทฺธ เทวตา มนสิกโรนฺตีติ ๑- ฯ
     {๑๕๑.๑}   สนฺตาวุโส  อานนฺท  เทวตา  อากาเส  ปวีสญฺินิโย
เกเส  ปกิริย  กนฺทนฺติ  พาหา  ปคฺคยฺห  กนฺทนฺติ  ฉินฺนปาทํ  วิย ปปตนฺติ
อาวฏฺฏนฺติ   วิวฏฺฏนฺติ   อติขิปฺปํ   ภควา   ปรินิพฺพุโต   อติขิปฺปํ  สุคโต
ปรินิพฺพุโต   อติขิปฺปํ   จกฺขุมา  โลเก  อนฺตรหิโตติ  สนฺตาวุโส  อานนฺท
เทวตา  ปวิยา  ปวีสญฺินิโย เกเส ปกิริย กนฺทนฺติ ฯเปฯ อนฺตรหิโตติ ฯ
ยา  ปน  เทวตา  วีตราคา  ตา  สตา  สมฺปชานา  อธิวาเสนฺติ อนิจฺจา
สงฺขารา   ตํ   กุเตตฺถ   ลพฺภาติ   ฯ  อถโข  อายสฺมา  จ  อนุรุทฺโธ
อายสฺมา จ อานนฺโท ตํ รตฺตาวเสสํ ธมฺมิยา กถาย วีตินาเมสุํ ฯ
     {๑๕๑.๒}  อถโข  อายสฺมา อนุรุทฺโธ อายสฺมนฺตํ อานนฺทํ อามนฺเตสิ
คจฺฉ   อาวุโส   อานนฺท   กุสินารํ   ปวิสิตฺวา   โกสินารกานํ  มลฺลานํ
อาโรเจหิ   ปรินิพฺพุโต  วาสิฏฺา  ภควา  ยสฺสทานิ  กาลํ  มญฺถาติ  ฯ
เอวํ    ภนฺเตติ   โข   อายสฺมา   อานนฺโท   อายสฺมโต   อนุรุทฺธสฺส
ปฏิสฺสุตฺวา    ปุพฺพณฺหสมยํ   นิวาเสตฺวา   ปตฺตจีวรํ   อาทาย   อทุติโย
กุสินารํ ปาวิสิ ฯ
     [๑๕๒]  เตน  โข  ปน  สมเยน  โกสินารกา  มลฺลา สณฺาคาเร
สนฺนิปติตา  โหนฺติ  เกน  ๒-  กรณีเยน  ฯ  อถโข  อายสฺมา  อานนฺโท
เยน   โกสินารกานํ   มลฺลานํ   สณฺาคารํ   เตนุปสงฺกมิ  อุปสงฺกมิตฺวา
@เชิงอรรถ:  ม. ยุ. มนสิกโรตีติ ฯ  สี. ม. ยุ. เตเนว ฯ
โกสินารกานํ      มลฺลานํ     อาโรเจสิ     ปรินิพฺพุโต     วาสิฏฺา
ภควา    ยสฺสทานิ   กาลํ   มญฺถาติ   ฯ   อิทมายสฺมโต   อานนฺทสฺส
สุตฺวา   มลฺลา   จ   มลฺลปุตฺตา   จ   มลฺลสุณิสา   จ  มลฺลปชาปติโย
จ    อฆาวิโน    ทุมฺมนา    เจโตทุกฺขสมปฺปิตา   อปฺเปกจฺเจ   เกเส
ปกิริย   กนฺทนฺติ   พาหา   ปคฺคยฺห   กนฺทนฺติ   ฉินฺนปาทํ  วิย  ปปตนฺติ
อาวฏฺฏนฺติ     วิวฏฺฏนฺติ    อติขิปฺปํ    ภควา    ปรินิพฺพุโต    อติขิปฺปํ
สุคโต ปรินิพฺพุโต อติขิปฺปํ จกฺขุมา โลเก อนฺตรหิโตติ ฯ
     {๑๕๒.๑}  อถโข  โกสินารกา มลฺลา ปุริเส อาณาเปสุํ เตนหิ ภเณ
กุสินารายํ    คนฺธมาลญฺจ    สพฺพญฺจ   ตาฬาวจรํ   สนฺนิปาเตถาติ   ฯ
อถโข    โกสินารกา    มลฺลา    คนฺธมาลญฺจ    สพฺพญฺจ   ตาฬาวจรํ
ปญฺจ   [๑]-  ทุสฺสยุคสตานิ  อาทาย  เยน  อุปวตฺตนํ  มลฺลานํ  สาลวนํ
เยน   ภควโต   สรีรํ   เตนุปสงฺกมึสุ   อุปสงฺกมิตฺวา   ภควโต   สรีรํ
นจฺเจหิ   คีเตหิ   วาทิเตหิ  มาเลหิ  คนฺเธหิ  สกฺกโรนฺตา  ครุกโรนฺตา
มาเนนฺตา    ปูเชนฺตา   เจลวิตานานิ   กโรนฺตา   มณฺฑลมาลานิ   ๒-
ปฏิยาเทนฺตา เอวํ ตํ ๓- ทิวสํ วีตินาเมสุํ ฯ
     {๑๕๒.๒}  อถโข  โกสินารกานํ  มลฺลานํ เอตทโหสิ อติวิกาโล โข
อชฺช  ภควโต  สรีรํ  ฌาเปตุํ เสฺวทานิ มยํ ภควโต สรีรํ ฌาเปสฺสามาติ ฯ
อถโข  โกสินารกา  มลฺลา  ภควโต สรีรํ นจฺเจหิ คีเตหิ วาทิเตหิ มาเลหิ
คนฺเธหิ สกฺกโรนฺตา ครุกโรนฺตา มาเนนฺตา ปูเชนฺตา เจลวิตานานิ กโรนฺตา
มณฺฑลมาลานิ   ๔-   ปฏิยาเทนฺตา   ทุติยมฺปิ  ทิวสํ  วีตินาเมสุํ  ตติยมฺปิ
@เชิงอรรถ:  ม. ยุ. จ ฯ ๒-๔ ม. มณฺฑลมาเฬ ฯ  ม. เอกทิวสํ ฯ
ทิวสํ    วีตินาเมสุํ    จตุตฺถมฺปิ   ทิวสํ   วีตินาเมสุํ   ปญฺจมมฺปิ   ทิวสํ
วีตินาเมสุํ   ฉฏฺมฺปิ   ทิวสํ   วีตินาเมสุํ   ฯ   อถโข  สตฺตมมฺปิ  ทิวสํ
โกสินารกานํ    มลฺลานํ   เอตทโหสิ   มยํ   ภควโต   สรีรํ   นจฺเจหิ
คีเตหิ  วาทิเตหิ  มาเลหิ  คนฺเธหิ  สกฺกโรนฺตา  ครุกโรนฺตา  มาเนนฺตา
ปูเชนฺตา    ทกฺขิเณน   ทกฺขิณํ   นครสฺส   หริตฺวา   พาหิเรน   พาหิรํ
ทกฺขิณโต นครสฺส ภควโต สรีรํ ฌาเปสฺสามาติ ฯ
     [๑๕๓]   เตน   โข   ปน   สมเยน   อฏฺ  มลฺลา  ปาโมกฺขา
สีสนฺหาตา   ๑-   อหตานิ   วตฺถานิ   นิวตฺถา   มยํ   ภควโต   สรีรํ
อุจฺจาเรสฺสามาติ   น   สกฺโกนฺติ   อุจฺจาเรตุํ   ฯ  อถโข  โกสินารกา
มลฺลา   อายสฺมนฺตํ   อนุรุทฺธํ  เอตทโวจุํ  โก  นุ  โข  ภนฺเต  อนุรุทฺธ
เหตุ   โก   ปจฺจโย   เยนิเม   อฏฺ   มลฺลา  ปาโมกฺขา  สีสนฺหาตา
อหตานิ   วตฺถานิ   นิวตฺถา   มยํ   ภควโต   สรีรํ   อุจฺจาเรสฺสามาติ
น   สกฺโกนฺติ   อุจฺจาเรตุนฺติ   ฯ   อญฺถา   โข   วาสิฏฺา  ตุมฺหากํ
อธิปฺปาโย อญฺถา เทวตานํ อธิปฺปาโยติ ฯ
     {๑๕๓.๑}  กถํ  ปน  ภนฺเต  เทวตานํ  อธิปฺปาโยติ ฯ ตุมฺหากํ โข
วาสิฏฺา  อธิปฺปาโย  มยํ  ภควโต  สรีรํ นจฺเจหิ คีเตหิ วาทิเตหิ มาเลหิ
คนฺเธหิ  สกฺกโรนฺตา  ครุกโรนฺตา  มาเนนฺตา  ปูเชนฺตา  ทกฺขิเณน ทกฺขิณํ
นครสฺส   หริตฺวา   พาหิเรน  พาหิรํ  ทกฺขิณโต  นครสฺส  ภควโต  สรีรํ
ฌาเปสฺสามาติ  เทวตานํ โข วาสิฏฺา อธิปฺปาโย มยํ ภควโต สรีรํ ทิพฺเพหิ
@เชิงอรรถ:  สี. ม. ยุ. สีสํ นหาตา ฯ
นจฺเจหิ   คีเตหิ   วาทิเตหิ  มาเลหิ  คนฺเธหิ  สกฺกโรนฺตา  ครุกโรนฺตา
มาเนนฺตา   ปูเชนฺตา   อุตฺตเรน   อุตฺตรํ   นครสฺส  หริตฺวา  อุตฺตเรน
ทฺวาเรน   นครํ  ปวิสิตฺวา  มชฺเฌน  มชฺฌํ  นครสฺส  หริตฺวา  ปุรตฺถิเมน
ทฺวาเรน    นิกฺขมิตฺวา    ปุรตฺถิมโต    นครสฺส    มกุฏพนฺธนํ    นาม
มลฺลานํ   เจติยํ   เอตฺถ   ภควโต   สรีรํ   ฌาเปสฺสามาติ   ฯ  ยถา
ภนฺเต เทวตานํ อธิปฺปาโย ตถา โหตูติ ฯ
     {๑๕๓.๒}  เตน โข ปน สมเยน โกสินารา ๑- ยาว สนฺธิสมลสกฏิรา
ชนฺนุมตฺเตน   โอธินา   มนฺทารวปุปฺเผหิ  สณฺิตา  ๒-  โหติ  ฯ  อถโข
เทวา  จ  โกสินารกา  จ  มลฺลา  ภควโต สรีรํ ทิพฺเพหิ จ มานุสเกหิ จ
นจฺเจหิ   คีเตหิ   วาทิเตหิ  มาเลหิ  คนฺเธหิ  สกฺกโรนฺตา  ครุกโรนฺตา
มาเนนฺตา  ปูเชนฺตา  อุตฺตเรน  อุตฺตรํ นครสฺส หริตฺวา อุตฺตเรน ทฺวาเรน
นครํ   ปวิสิตฺวา  มชฺเฌน  มชฺฌํ  นครสฺส  หริตฺวา  ปุรตฺถิเมน  ทฺวาเรน
นิกฺขมิตฺวา   ปุรตฺถิมโต   นครสฺส   มกุฏพนฺธนํ   นาม   มลฺลานํ  เจติยํ
เอตฺถ ภควโต สรีรํ นิกฺขิปึสุ ฯ
     {๑๕๓.๓}  อถโข  โกสินารกา มลฺลา อายสฺมนฺตํ อานนฺทํ เอตทโวจุํ
กถํ  มยํ  ภนฺเต  อานนฺท  ตถาคตสฺส  สรีเร  ปฏิปชฺชามาติ  ฯ ยถา โข
วาสิฏฺา  รญฺโ  จกฺกวตฺติสฺส  สรีเร  ปฏิปชฺชนฺติ  เอวํ ตถาคตสฺส สรีเร
ปฏิปชฺชิตพฺพนฺติ  ฯ  กถํ  ปน  ภนฺเต  อานนฺท  รญฺโ  จกฺกวตฺติสฺส สรีเร
ปฏิปชฺชนฺตีติ   ฯ  รญฺโ  วาสิฏฺา  จกฺกวตฺติสฺส  สรีรํ  อหเตน  วตฺเถน
เวเนฺติ  อหเตน  วตฺเถน เวเตฺวา วิหเตน กปฺปาเสน เวเนฺติ วิหเตน
@เชิงอรรถ:  ม. ยุ. กุสินารา ยาว สนฺธิสมลสํกฏีรา ฯ  ม. ยุ. สณฺตา ฯ
กปฺปาเสน   เวเตฺวา   อหเตน  วตฺเถน  เวเนฺติ  เอเตน  อุปาเยน
ปญฺจหิ   ยุคสเตหิ   รญฺโ  จกฺกวตฺติสฺส  สรีรํ  เวเตฺวา  อยสาย  ๑-
เตลโทณิยา   ปกฺขิปิตฺวา  อญฺิสฺสา  อยสาย  ๒-  โทณิยา  ปฏิกฺกุชฺชิตฺวา
สพฺพคนฺธานํ   จิตกํ   กริตฺวา   รญฺโ   จกฺกวตฺติสฺส   สรีรํ   ฌาเปนฺติ
จาตุมฺมหาปเถ    รญฺโ    จกฺกวตฺติสฺส    ถูปํ   กโรนฺติ   เอวํ   โข
วาสิฏฺา    รญฺโ    จกฺกวตฺติสฺส    สรีเร   ปฏิปชฺชนฺติ   ยถา   โข
วาสิฏฺา   รญฺโ   จกฺกวตฺติสฺส   สรีเร   ปฏิปชฺชนฺติ  เอวํ  ตถาคตสฺส
สรีเร   ปฏิปชฺชิตพฺพํ  จาตุมฺมหาปเถ  ตถาคตสฺส  ถูโป  กาเรตพฺโพ  ๓-
ตตฺถ   เย   มาลํ   วา   คนฺธํ  วา  จุณฺณกํ  วา  อาโรเปสฺสนฺติ  วา
อภิวาเทสฺสนฺติ    วา   จิตฺตํ   วา   ปสาเทสฺสนฺติ   เตสนฺตํ   ภวิสฺสติ
ทีฆรตฺตํ   หิตาย   สุขายาติ   ฯ   อถโข   โกสินารกา  มลฺลา  ปุริเส
อาณาเปสุํ เตนหิ ภเณ มลฺลานํ วิหตกปฺปาสํ สนฺนิปาเตถาติ ฯ
     {๑๕๓.๔}   อถโข   โกสินารกา  มลฺลา  ภควโต  สรีรํ  อหเตน
วตฺเถน   เวเสุํ   อหเตน   วตฺเถน   เวเตฺวา  วิหเตน  กปฺปาเสน
เวเสุํ  วิหเตน  กปฺปาเสน  เวเตฺวา  อหเตน วตฺเถน เวเสุํ เอเตน
อุปาเยน  ปญฺจหิ  ยุคสเตหิ  ภควโต  สรีรํ เวเตฺวา อยสาย เตลโทณิยา
ปกฺขิปิตฺวา   อญฺิสฺสา   อยสาย   โทณิยา   ปฏิกฺกุชฺชิตฺวา   สพฺพคนฺธานํ
จิตกํ กริตฺวา ภควโต สรีรํ จิตกํ อาโรเปสุํ ฯ
     [๑๕๔]  เตน  โข  ปน  สมเยน  อายสฺมา  มหากสฺสโป  ปาวาย
กุสินารํ    อทฺธานมคฺคปฏิปนฺโน    โหติ    มหตา   ภิกฺขุสงฺเฆน   สทฺธึ
@เชิงอรรถ: ๑-๒ ม. อายสาย ฯ สพฺพตฺถ อีทิสเมว ฯ  ม. ยุ. กาตพฺโพ ฯ
ปญฺจมตฺเตหิ   ภิกฺขุสตหิ   ฯ   อถโข   อายสฺมา   มหากสฺสโป   มคฺคา
โอกฺกมฺม   อญฺตรมฺหิ   รุกฺขมูเล   นิสีทิ   ฯ  เตน  โข  ปน  สมเยน
อญฺตโร    อาชีวโก    กุสินารายํ    มนฺทารวปุปฺผํ   คเหตฺวา   ปาวํ
อทฺธานมคฺคปฏิปนฺโน   โหติ   ฯ   อทฺทสา   โข  อายสฺมา  มหากสฺสโป
ตํ   อาชีวกํ   ทูรโต   ว   อาคจฺฉนฺตํ  ทิสฺวา  ตํ  อาชีวกํ  เอตทโวจ
อปาวุโส   อมฺหากํ   สตฺถารํ   ชานาสีติ  ฯ  อามาวุโส  ชานามิ  อชฺช
สตฺตาหํ   ปรินิพฺพุโต   สมโณ   โคตโม   ตโต  เม  อิทํ  มนฺทารวปุปฺผํ
คหิตนฺติ   ฯ   ตตฺถ   เย   เต  ภิกฺขู  อวีตราคา  อปฺเปกจฺเจ  พาหา
ปคฺคยฺห    กนฺทนฺติ   ฉินฺนปาทํ   วิย   ปปตนฺติ   อาวฏฺฏนฺติ   วิวฏฺฏนฺติ
อติขิปฺปํ   ภควา   ปรินิพฺพุโต   อติขิปฺปํ   สุคโต   ปรินิพฺพุโต   อติขิปฺปํ
จกฺขุมา   โลเก   อนฺตรหิโตติ   ฯ   เย   ปน   เต  ภิกฺขู  วีตราคา
เต   สตา   สมฺปชานา   อธิวาเสนฺติ   อนิจฺจา  สงฺขารา  ตํ  กุเตตฺถ
ลพฺภาติ ฯ
     [๑๕๕]   เตน   โข  ปน  สมเยน  สุภทฺโท  นาม  วุฑฺฒปพฺพชิโต
ตสฺสํ   ปริสายํ   นิสินฺโน   โหติ   ฯ   อถโข   สุภทฺโท  วุฑฺฒปพฺพชิโต
เต   ภิกฺขู   เอตทโวจ   อลํ   อาวุโส  มา  โสจิตฺถ  มา  ปริเทวิตฺถ
สุมุตฺตา   มยํ   เตน   มหาสมเณน  อุปทฺทูตา  จ  โหม  อิทํ  เต  ๑-
กปฺปติ   อิทํ   เต   น   กปฺปตีติ   อิทานิ   ปน   มยํ  ยํ  อิจฺฉิสฺสาม
ตํ   กริสฺสาม   ยํ   น   อิจฺฉิสฺสาม   ตํ   น  กริสฺสามาติ  ฯ  อถโข
@เชิงอรรถ:  โวติปิ ปาโ
[๑]-   มหากสฺสโป  ภิกฺขู  อามนฺเตสิ  อลํ  อาวุโส  มา  โสจิตฺถ  มา
ปริเทวิตฺถ   น   นุ   เอวํ  ๒-  อาวุโส  ภควตา  ปฏิกจฺเจว  อกฺขาตํ
สพฺเพเหว   ปิเยหิ   มนาเปหิ   นานาภาโว   วินาภาโว  อญฺถาภาโว
ตํ   กุเตตฺถ   อาวุโส   ลพฺภา   ยนฺตํ   ชาตํ  ภูตํ  สงฺขตํ  ปโลกธมฺมํ
ตํ วต มา ปลุชฺชีติ เนตํ านํ วิชฺชตีติ ฯ
     [๑๕๖]  เตน โข ปน สมเยน จตฺตาโร มลฺลปาโมกฺขา สีสนฺหาตา ๓-
อหตานิ   วตฺถานิ   นิวตฺถา   มยํ   ภควโต   จิตกํ   อาฬิมฺเปสฺสามาติ
น    สกฺโกนฺติ    อาฬิมฺเปตุํ    ฯ    อถโข    โกสินารกา    มลฺลา
อายสฺมนฺตํ   อนุรุทฺธํ   เอตทโวจุํ   โก  นุ  โข  ภนฺเต  อนุรุทฺธ  เหตุ
โก   ปจฺจโย   เยนิเม   จตฺตาโร  มลฺลปาโมกฺขา  สีสนฺหาตา  อหตานิ
วตฺถานิ    นิวตฺถา    มยํ    ภควโต    จิตกํ   อาฬิมฺเปสฺสามาติ   น
สกฺโกนฺติ    อาฬิมฺเปตุนฺติ    ฯ   อญฺถา   โข   วาสิฏฺา   เทวตานํ
อธิปฺปาโยติ ฯ กถํ ปน ภนฺเต เทวตานํ อธิปฺปาโยติ ฯ
     {๑๕๖.๑}   เทวตานํ   โข  วาสิฏฺา  อธิปฺปาโย  อยํ  อายสฺมา
มหากสฺสโป     ปาวาย     กุสินารํ     อทฺธานมคฺคปฏิปนฺโน    มหตา
ภิกฺขุสงฺเฆน   สทฺธึ   ปญฺจมตฺเตหิ  ภิกฺขุสเตหิ  น  ตาว  ภควโต  จิตโก
ปชฺชลิสฺสติ   ยาวายสฺมา   มหากสฺสโป   ภควโต   ปาเท  สหตฺถา  ๔-
วนฺทิสฺสตีติ ฯ ยถา ภนฺเต เทวตานํ อธิปฺปาโย ตถา โหตูติ ฯ
     {๑๕๖.๒}      อถโข      อายสฺมา     มหากสฺสโป     เยน
กุสินารายํ      ๕-      มกุฏพนฺธนํ     มลฺลานํ     เจติยํ     เยน
@เชิงอรรถ:  ม. ยุ. อายสฺมา ฯ  ม. ยุ. เอตํ ฯ  สี. ยุ. สีสํ นหาตา ฯ
@ ม. ยุ. สิรสา ฯ  ม. กุสินารา ฯ
ภควโต   จิตโก   เตนุปสงฺกมิ   อุปสงฺกมิตฺวา   เอกํสํ   จีวรํ   กตฺวา
อญฺชลึ    ปณาเมตฺวา    ติกฺขตฺตุํ    จิตกํ   ปทกฺขิณํ   กตฺวา   ปาทโต
วิวริตฺวา  ภควโต  ปาเท  สิรสา  วนฺทิ  ฯ  ตานิปิ  โข ปญฺจ ภิกฺขุสตานิ
เอกํสํ   จีวรํ   กตฺวา   อญฺชลึ   ปณาเมตฺวา  ติกฺขตฺตุํ  ปทกฺขิณํ  กตฺวา
ภควโต   ปาเท   สิรสา   วนฺทึสุ   ฯ   วนฺทิเต   [๑]-  ปนายสฺมตา
มหากสฺสเปน    เตหิ    จ    ปญฺจหิ   ภิกฺขุสเตหิ   สยเมว   ภควโต
จิตโก ปชฺชลิ ฯ
     {๑๕๖.๓}  ฌายมานสฺส  โข  ปน  ภควโต  สรีรสฺส ยํ อโหสิ ฉวีติ
วา  จมฺมนฺติ  วา  มํสนฺติ  วา นฺหารูติ วา ลสิกาติ วา ตสฺส เนว ฉาริกา
ปญฺายิตฺถ  น  มสิ  สรีราเนว  อวสิสฺสึสุ  ฯ  เสยฺยถาปิ  นาม  สปฺปิสฺส
วา  เตลสฺส  วา  ฌายมานสฺส  เนว  ฉาริกา  ปญฺายติ น มสิ เอวเมว
ภควโต  สรีรสฺส  ฌายมานสฺส  ยํ  อโหสิ  ฉวีติ  วา  จมฺมนฺติ วา มํสนฺติ
วา   นฺหารูติ   วา   ลสิกาติ   วา   ตสฺส  เนว  ฉาริกา  ปญฺายิตฺถ
น   มสิ   สรีราเนว   อวสิสฺสึสุ   ฯ   เตสญฺจ  ปญฺจนฺนํ  ทุสฺสยุคสตานํ
เทฺว   ว   ทุสฺสานิ   ฑยฺหึสุ   ยญฺจ   สพฺพอพฺภนฺตริมํ  ยญฺจ  พาหิรํ  ฯ
ทฑฺเฒ   โข   ปน  ภควโต  สรีเร  อนฺตลิกฺขา  อุทกธารา  ปาตุภวิตฺวา
ภควโต    จิตกํ    นิพฺพาเปสิ    ฯ   อุทกํ   สาลโตปิ   อพฺภุนฺนมิตฺวา
ภควโต  จิตกํ  นิพฺพาเปสิ  ฯ  โกสินารกา  ๒-  มลฺลา  สพฺพคนฺโธทเกน
ภควโต   จิตกํ   นิพฺพาเปสุํ   ฯ   อถโข  โกสินารกา  มลฺลา  ภควโต
สรีรานิ    สตฺตาหํ    สณฺาคาเร    สตฺติปญฺชรํ    กตฺวา   ธนุปาการํ
@เชิงอรรถ:  ม. ยุ. จ ฯ  ม. ยุ. โกสินารกาปิ ฯ
ปริกฺขิปิตฺวา   นจฺเจหิ   คีเตหิ   วาทิเตหิ   มาเลหิ   คนฺเธหิ  สกฺกรึสุ
ครุกรึสุ มาเนสุํ ปูเชสุํ ฯ
     [๑๕๗]   อสฺโสสิ  โข  ราชา  มาคโธ  อชาตสตฺตุ  เวเทหิปุตฺโต
ภควา   กิร   กุสินารายํ   ปรินิพฺพุโตติ   ฯ   อถโข   ราชา  มาคโธ
อชาตสตฺตุ    เวเทหิปุตฺโต    โกสินารกานํ    มลฺลานํ   ทูตํ   ปาเหสิ
ภควาปิ   ขตฺติโย   อหํปิ   ขตฺติโย   อหํ   อรหามิ   ภควโต  สรีรานํ
ภาคํ   อหํปิ   ภควโต  สรีรานํ  ถูปญฺจ  มหญฺจ  กริสฺสามีติ  ฯ  อสฺโสสุํ
โข   เวสาลิกา   ลิจฺฉวี   ภควา   กิร   กุสินารายํ   ปรินิพฺพุโตติ  ฯ
อถโข    เวสาลิกา   ลิจฺฉวี   โกสินารกานํ   มลฺลานํ   ทูตํ   ปาเหสุํ
ภควาปิ   ขตฺติโย   มยมฺปิ   ขตฺติยา  มยมฺปิ  อรหาม  ภควโต  สรีรานํ
ภาคํ มยมฺปิ ภควโต สรีรานํ ถูปญฺจ มหญฺจ กริสฺสามาติ ฯ
     {๑๕๗.๑}  อสฺโสสุํ โข กาปิลวตฺถวา ๑- สกฺยา ภควา กิร กุสินารายํ
ปรินิพฺพุโตติ   ฯ   อถโข   กาปิลวตฺถวา  สกฺยา  โกสินารกานํ  มลฺลานํ
ทูตํ   ปาเหสุํ   ภควา   อมฺหากํ  าติเสฏฺโ  มยมฺปิ  อรหาม  ภควโต
สรีรานํ  ภาคํ  มยมฺปิ  ภควโต  สรีรานํ  ถูปญฺจ  มหญฺจ  กริสฺสามาติ  ฯ
อสฺโสสุํ   โข   อลฺลกปฺปกา   ถูลโย   ๓-   ภควา   กิร   กุสินารายํ
ปรินิพฺพุโตติ   ฯ   อถโข   อลฺลกปฺปกา   ถูลโย  โกสนารกานํ  มลฺลานํ
ทูตํ   ปาเหสุํ   ภควาปิ   ขตฺติโย   มยมฺปิ   ขตฺติยา   มยมฺปิ  อรหาม
ภควโต   สรีรานํ   ภาคํ   มยมฺปิ   ภควโต   สรีรานํ   ถูปญฺจ  มหญฺจ
@เชิงอรรถ: ๑-๒ ม. กปิลวตฺถุวาสี ฯ  สี. ม. ยุ. พุลโย ฯ
กริสฺสามาติ   ฯ   อสฺโสสุํ   โข   รามคามกา   โกฬิยา   ภควา  กิร
กุสินารายํ   ปรินิพฺพุโตติ  ฯ  อถโข  รามคามกา  โกฬิยา  โกสินารกานํ
มลฺลานํ   ทูตํ   ปาเหสุํ   ภควาปิ   ขตฺติโย   มยมฺปิ   ขตฺติยา  มยมฺปิ
อรหาม   ภควโต   สรีรานํ   ภาคํ   มยมฺปิ   ภควโต  สรีรานํ  ถูปญฺจ
มหญฺจ    กริสฺสามาติ   ฯ   อสฺโสสิ   โข   เวฏฺทีปโก    พฺราหฺมโณ
ภควา  กิร  กุสินารายํ  ปรินิพฺพุโตติ  ฯ  อถโข  เวฏฺทีปโก  พฺราหฺมโณ
โกสินารกานํ    มลฺลานํ    ทูตํ   ปาเหสิ   ภควาปิ   ขตฺติโย   อหมฺปิ
พฺราหฺมโณ    อหมฺปิ    อรหามิ    ภควโต    สรีรานํ   ภาคํ   อหมฺปิ
ภควโต สรีรานํ ถูปญฺจ มหญฺจ กริสฺสามีติ ฯ
     {๑๕๗.๒}  อสฺโสสุํ  โข  ปาเวยฺยกา  มลฺลา ภควา กิร กุสินารายํ
ปรินิพฺพุโตติ  ฯ  อถโข  ปาเวยฺยกา  มลฺลา  โกสินารกานํ  มลฺลานํ  ทูตํ
ปาเหสุํ   ภควาปิ   ขตฺติโย   มยมฺปิ  ขตฺติยา  มยมฺปิ  อรหาม  ภควโต
สรีรานํ  ภาคํ  มยมฺปิ  ภควโต  สรีรานํ  ถูปญฺจ  มหญฺจ  กริสฺสามาติ  ฯ
เอวํ  วุตฺเต  โกสินารกา  มลฺลา  เต  สงฺเฆ  คเณ  เอตทโวจุํ  ภควา
อมฺหากํ    คามกฺเขตฺเต    ปรินิพฺพุโต    น   มยํ   ทสฺสาม   ภควโต
สรีรานํ ภาคนฺติ ฯ
     [๑๕๘]   เอวํ   วุตฺเต   โทโณ   พฺราหฺมโณ  เต  สงฺเฆ  คเณ
เอตทโวจ
           สุณนฺตุ โภนฺโต มม เอกวากฺยํ ๒-
           อมฺหาก พุทฺโธ อหุ ขนฺติวาโท
@เชิงอรรถ:  ม. เอกวาจํ ฯ
           น หิ สาธุยํ อุตฺตมปุคฺคลสฺส
           สรีรภาเค สิย ๑- สมฺปหาโร ฯ
           สพฺเพ ว โภนฺโต สหิตา สมคฺคา
           สมฺโมทมานา กโรมฏฺ ภาเค
           วิตฺถาริกา โหนฺตุ ทิสาสุ ถูปา
           พหู ๒- ชนา จกฺขุมโต ปสนฺนาติ ฯ
     [๑๕๙]   เตนหิ   พฺราหฺมณ  ตฺวญฺเจว  ภควโต  สรีรานิ  อฏฺธา
สมํ   สุวิภตฺตํ   วิภชาหีติ   ฯ   เอวํ   โภติ  เอวํ  โภติ  โข  โทโณ
พฺราหฺมโณ   เตสํ   สงฺฆานํ   คณานํ   ปฏิสฺสุณิตฺวา   ภควโต   สรีรานิ
อฏฺธา   สมํ   สุวิภตฺตํ   วิภชิตฺวา   เต   สงฺเฆ   คเณ   เอตทโวจ
อิมํ   เม   โภนฺโต   ตุมฺพํ  เทนฺตุ  ๓-  อหํปิ  ตุมฺพสฺส  ถูปญฺจ  มหญฺจ
กริสฺสามีติ ฯ อทํสุ โข เต โทณสฺส พฺราหฺมณสฺส ตุมฺพํ ฯ
     [๑๖๐]  อสฺโสสุํ  โข  ปิปฺผลิวนิยา  โมริยา  ภควา กิร กุสินารายํ
ปรินิพฺพุโตติ   ฯ   อถโข   ปิปฺผลิวนิยา  โมริยา  โกสินารกานํ  มลฺลานํ
ทูตํ   ปาเหสุํ   ภควาปิ   ขตฺติโย   มยมฺปิ   ขตฺติยา   มยมฺปิ  อรหาม
ภควโต   สรีรานํ   ภาคํ   มยมฺปิ   ภควโต   สรีรานํ   ถูปญฺจ  มหญฺจ
กริสฺสามาติ   ฯ   นตฺถิ   ภควโต   สรีรานํ  ภาโค  วิภตฺตานิ  ภควโต
สรีรานิ อิโต องฺคารํ หรถาติ ฯ เต ตโต องฺคารํ อาหรึสุ ฯ
     [๑๖๑]  อถโข  ราชา  มาคโธ  อชาตสตฺตุ เวเทหิปุตฺโต ราชคเห
ภควโต   สรีรานํ   ถูปญฺจ   มหญฺจ   อกาสิ   ฯ   เวสาลิกาปิ  ลิจฺฉวี
@เชิงอรรถ:  ม. ยุ. สิยา ฯ  ยุ. พหุชฺชโน ... ปสนฺโนติ ฯ  ม. ยุ. ททนฺตุ ฯ
เวสาลิยํ  ภควโต  สรีรานํ  ถูปญฺจ  มหญฺจ  อกํสุ  ฯ  กาปิลวตฺถวาปิ ๑-
สกฺยา  กปิลวตฺถุสฺมึ  ภควโต  สรีรานํ  ถูปญฺจ มหญฺจ อกํสุ ฯ อลฺลกปฺปกาปิ
ถูลโย    อลฺลกปฺเป   ภควโต   สรีรานํ   ถูปญฺจ   มหญฺจ   อกํสุ   ฯ
รามคามกาปิ   โกฬิยา   รามคาเม   ภควโต   สรีรานํ  ถูปญฺจ  มหญฺจ
อกํสุ   ฯ   เวฏฺทีปโกปิ   พฺราหฺมโณ   เวฏฺทีเป   ภควโต   สรีรานํ
ถูปญฺจ   มหญฺจ   อกาสิ   ฯ   ปาเวยฺยกาปิ   มลฺลา  ปาวายํ  ภควโต
สรีรานํ   ถูปญฺจ   มหญฺจ   อกํสุ   ฯ  โกสินารกาปิ  มลฺลา  กุสินารายํ
ภควโต   สรีรานํ   ถูปญฺจ   มหญฺจ   อกํสุ   ฯ   โทโณปิ   พฺราหฺมโณ
ตุมฺพสฺส   ถูปญฺจ   มหญฺจ  อกาสิ  ฯ  ปิปฺผลิวนิยาปิ  โมริยา  ปิปฺผลิวเน
องฺคารานํ   ถูปญฺจ   มหญฺจ   อกํสุ   ฯ   อิติ   อฏฺ  สรีรตฺถูปา  ๒-
นวโม ตุมฺพถูโป ทสโม องฺคารถูโป เอวเมตํ ภูตปุพฺพนฺติ ฯ
     [๑๖๒]  อฏฺโทณํ จกฺขุมโต สรีรํ
             สตฺตโทณํ ชมฺพุทีเป มเหนฺติ
             เอกญฺจ โทณํ ปุริสวรุตฺตมสฺส
             รามคาเม นาคราชา มเหนฺติ ๓- ฯ
             เอกา หิ ทาา ติทิเวหิ ปูชิตา
             เอกา ปน คนฺธารปุเร มหิยฺยติ
             กาลิงฺครญฺโ วิชิเต ปุเนกํ
             เอกํ ปุน ๔- นาคราชา มเหนฺติ ๕-@เชิงอรรถ:  ม. กปิลวตฺถุวาสีปิ ฯ  สี. อฏฺสรีรตฺถูปานญฺจ ฯ ยุ. อฏฺสฺส ... ฯ
@๓-๕ ม. มเหติ ฯ  ม. ปน ฯ
             ตสฺเสว เตเชน อยํ วสุนฺธรา
             อายาคเสฏฺเหิ มหี อลงฺกตา
             เอวํ อิมํ จกฺขุมโต สรีรํ
             สุสกฺกตํ สกฺกตสกฺกเตหิ ฯ
             เทวินฺทนาคินฺทนรินฺทปูชิโต
             มนุสฺสินฺทเสฏฺเหิ ๑- ตเถว ปูชิโต
             ตํ ตํ ๒- วนฺทถ ปญฺชลิกา ภวิตฺวา
             พุทฺธา ๓- หเว กปฺปสเตหิ ทุลฺลภาติ ฯ
     จตฺตาฬีสสมา ๔- ทนฺตา        เกสา โลมา จ สพฺพโส
     เทวา หรึสุ เอเกกํ                 จกฺกวาฬปรมฺปราติ ฯ
               มหาปรินิพฺพานสุตฺตํ นิฏฺิตํ ตติยํ ฯ
                    --------------
@เชิงอรรถ:  ยุ. มนุสฺสเสฏฺเหิ ฯ  ม. ยุ. ตํ วนฺทถ ... ฯ  ยุ. พุทฺโธ ... ทุลฺลโภติ ฯ
@ ยุ. จตฺตาฬีสสมา ทนฺตา ... ปรมฺปราติ อิเม ปาา นตฺถิ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๑๐ หน้าที่ ๘๕-๑๙๕. https://84000.org/tipitaka/read/pali_read.php?B=10&A=1767&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=10&A=1767&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=10&item=67&items=96              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=10&siri=3              ศึกษาอรรถกถานี้ได้ที่ :- https://84000.org/tipitaka/attha/attha.php?b=10&i=67              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=5&A=2965              The Pali Atthakatha in Roman :- https://84000.org/tipitaka/atthapali/read_rm.php?B=5&A=2965              สารบัญพระไตรปิฎกเล่มที่ ๑๐ https://84000.org/tipitaka/read/?index_10 https://84000.org/tipitaka/english/?index_10

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]