ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๓๕ ภาษาบาลี อักษรไทย พระอภิธรรมปิฎกเล่มที่ ๒ อภิ. วิภงฺโค

                                ขุทฺทกวตฺถุวิภงฺโค
     [๘๔๙]   ชาติมโท  โคตฺตมโท  อาโรคฺยมโท  โยพฺพนมโท ชีวิตมโท
ลาภมโท  สกฺการมโท  ครุการมโท  ปุเรกฺขารมโท  ปริวารมโท โภคมโท
วณฺณมโท     สุตมโท     ปฏิภาณมโท    รตฺตญฺุมโท    ปิณฺฑปาติกมโท
อนวญฺตฺติมโท   อิริยาปถมโท   อิทฺธิมโท   ยสมโท   สีลมโท  ฌานมโท
สิปฺปมโท   อาโรหมโท   ปริณาหมโท   สณฺานมโท   ปาริปูริมโท  มโท
ปมาโท   ถมฺโภ   สารมฺโภ   อติจฺฉตา   มหิจฺฉตา   ปาปิจฺฉตา   สิงฺคํ
ตินฺติณํ   จาปลฺยํ   อสภาควุตฺติ   อรติ   ตนฺทิ   วิชมฺภิกา   ภตฺตสมฺมโท
เจตโส  ลีนตฺตํ  กุหนา  ลปนา  เนมิตฺติกตา  นิปฺเปสิกตา  ลาเภน  ลาภํ
ชิคึสนตา   เสยฺโยหมสฺมีติ   มาโน   สทิโสหมสฺมีติ   มาโน  หีโนหมสฺมีติ
มาโน  เสยฺยสฺส  เสยฺโยหมสฺมีติ  มาโน  เสยฺยสฺส  สทิโสหมสฺมีติ  มาโน
เสยฺยสฺส   หีโนหมสฺมีติ  มาโน  สทิสสฺส  เสยฺโยหมสฺมีติ  มาโน  สทิสสฺส
สทิโสหมสฺมีติ  มาโน  สทิสสฺส  หีโนหมสฺมีติ  มาโน  หีนสฺส เสยฺโยหมสฺมีติ
มาโน  หีนสฺส  สทิโสหมสฺมีติ  มาโน  หีนสฺส  หีโนหมสฺมีติ  มาโน  มาโน
อติมาโน   มานาติมาโน   โอมาโน   อธิมาโน  อสฺมิมาโน  มิจฺฉามาโน
าติวิตกฺโก   ชนปทวิตกฺโก   อมรวิตกฺโก  ปรานุทยตาปฏิสํยุตฺโต  วิตกฺโก
ลาภสกฺการสิโลกปฏิสํยุตฺโต วิตกฺโก อนวญฺตฺติปฏิสํยุตฺโต วิตกฺโก ฯ
     [๘๕๐]   โกโธ  จ  อุปนาโห  จ  มกฺโข  จ  ปลาโส  จ  อิสฺสา
จ    มจฺฉริยญฺจ   มายา   จ   สาเถยฺยญฺจ   อวิชฺชา   จ   ภวตณฺหา
จ   ภวทิฏฺิ   จ   วิภวทิฏฺิ   จ   สสฺสตทิฏฺิ   จ   อุจฺเฉททิฏฺิ   จ
อนฺตวาทิฏฺิ   จ   อนนฺตวาทิฏฺิ   จ  ปุพฺพนฺตานุทิฏฺิ  จ  อปรนฺตานุทิฏฺิ
จ    อหิริกญฺจ    อโนตฺตปฺปญฺจ    โทวจสฺสตา   จ   ปาปมิตฺตตา   จ
อนาชฺชโว   จ   อมทฺทโว   จ   อกฺขนฺติ  จ  อโสรจฺจญฺจ  อสาขลฺยญฺจ
อปฺปฏิสนฺถาโร   จ  อินฺทฺริเยสุ  อคุตฺตทฺวารตา  จ  โภชเน  อมตฺตญฺุตา
จ    มุฏฺสจฺจญฺจ    อสมฺปชญฺญฺจ    สีลวิปตฺติ    จ   ทิฏฺิวิปตฺติ   จ
อชฺฌตฺตํ สญฺโชนญฺจ พหิทฺธา สญฺโชนญฺจ ฯ
     [๘๕๑]   ตีณิ    อกุสลมูลานิ    ตโย    อกุสลวิตกฺกา   ติสฺโส
อกุสลสญฺา     ติสฺโส     อกุสลธาตุโย    ตีณิ    ทุจฺจริตานิ    ตโย
อาสวา    ตีณิ    สญฺโชนานิ    ติสฺโส    ตณฺหา    อปราปิ   ติสฺโส
ตณฺหา    อปราปิ   ติสฺโส   ตณฺหา   ติสฺโส   เอสนา   ติสฺโส   วิธา
ตีณิ    ภยานิ    ตีณิ    ตมานิ   ตีณิ   ติตฺถายตนานิ   ตโย   กิญฺจนา
ตีณิ    องฺคณานิ    ตีณิ    มลานิ    ตีณิ    วิสมานิ   อปรานิปิ   ตีณิ
วิสมานิ    ตโย    อคฺคี   ตโย   กสาวา   อปเรปิ   ตโย   กสาวา
อสฺสาททิฏฺิ    อตฺตานุทิฏฺิ   มิจฺฉาทิฏฺิ   อรติ   วิเหสา   อธมฺมจริยา
โทวจสฺสตา   ปาปมิตฺตตา   นานตฺตสญฺา   อุทฺธจฺจํ   โกสชฺชํ   ปมาโท
อสนฺตุฏฺิตา    อสมฺปชญฺตา   มหิจฺฉตา   อหิริกํ   อโนตฺตปฺปํ   ปมาโท
อนาทริยํ   โทวจสฺสตา   ปาปมิตฺตตา   อสฺสทฺธิยํ   อวทญฺุตา   โกสชฺชํ
อุทฺธจฺจํ    อสํวโร    ทุสฺสีลฺยํ    อริยานํ    อทสฺสนกมฺยตา    สทฺธมฺมํ
อโสตุกมฺยตา     อุปารมฺภจิตฺตตา    มุฏฺสจฺจํ    อสมฺปชญฺ    เจตโส
วิกฺเขโป อโยนิโส มนสิกาโร กุมฺมคฺคเสวนา เจตโส ลีนตฺตํ ฯ
     [๘๕๒]   จตฺตาโร   อาสวา  จตฺตาโร  คนฺถา  จตฺตาโร  โอฆา
จตฺตาโร    โยคา    จตฺตาริ    อุปาทานานิ   จตฺตาโร   ตณฺหุปฺปาทา
จตฺตาริ   อคติคมนานิ   จตฺตาโร   วิปริเยสา  จตฺตาโร  อนริยโวหารา
อปเรปิ    จตฺตาโร   อนริยโวหารา   จตฺตาริ   ทุจฺจริตานิ   อปรานิปิ
จตฺตาริ    ทุจฺจริตานิ   จตฺตาริ   ภยานิ   อปรานิปิ   จตฺตาริ   ภยานิ
อปรานิปิ    จตฺตาริ    ภยานิ   อปรานิปิ   จตฺตาริ   ภยานิ   จตสฺโส
ทิฏฺิโย ฯ
     [๘๕๓]   ปญฺโจรมฺภาคิยานิ    สญฺโชนานิ    ปญฺจุทฺธมฺภาคิยานิ
สญฺโชนานิ    ปญฺจ    มจฺฉริยานิ    ปญฺจ    สงฺคา    ปญฺจ   สลฺลา
ปญฺจ    เจโตขีลา    ปญฺจ    เจตโส    วินิพนฺธา   ปญฺจ   นีวรณานิ
ปญฺจ    กมฺมานิ    อานนฺตริกานิ    ปญฺจ    ทิฏฺิโย    ปญฺจ   เวรา
ปญฺจ    พฺยสนา    ปญฺจ    อกฺขนฺติยา    อาทีนวา    ปญฺจ    ภยานิ
ปญฺจ ทิฏฺธมฺมนิพฺพานวาทา ฯ
     [๘๕๔]   ฉ   วิวาทมูลานิ   ฉ  ฉนฺทราคา  เคหสิตา  ธมฺมา  ฉ
วิโรธวตฺถูนิ    ฉ    ตณฺหากายา    ฉ    อคารวา    ฉ   ปริหานิยา
ธมฺมา   อปเรปิ   ฉ   ปริหานิยา   ธมฺมา   ฉ   โสมนสฺสุปวิจารา  ฉ
โทมนสฺสุปวิจารา   ฉ   อุเปกฺขูปวิจารา   ฉ   เคหสิตานิ   โสมนสฺสานิ
ฉ เคหสิตานิ โทมนสฺสานิ ฉ เคหสิตา อุเปกฺขา ฉ ทิฏฺิโย ฯ
     [๘๕๕]   สตฺต   อนุสยา  สตฺต  ปริยุฏฺานานิ  สตฺต  สญฺโชนานิ
สตฺต อสทฺธมฺมา สตฺต ทุจฺจริตานิ สตฺต มานา สตฺต ทิฏฺิโย ฯ
     [๘๕๖]   อฏฺ  กิเลสวตฺถูนิ  อฏฺ  กุสีตวตฺถูนิ  อฏฺสุ  โลกธมฺเมสุ
จิตฺตสฺส     ปฏิฆาโต     อฏฺ    อนริยโวหารา    อฏฺ    มิจฺฉตฺตา
อฏฺ ปุริสโทสา อฏฺ อสญฺิวาทา อฏฺ เนวสญฺินาสญฺิวาทา ฯ
     [๘๕๗]   นว   อาฆาตวตฺถูนิ   นว   ปุริสมลานิ  นววิธา  มานา
นว    ตณฺหามูลกา    ธมฺมา   นว   อิญฺชิตานิ   นว   มญฺิตานิ   นว
ผนฺทิตานิ นว ปปญฺจิตานิ นว สงฺขตานิ ฯ
     [๘๕๘]   ทส  กิเลสวตฺถูนิ  ทส  อาฆาตวตฺถูนิ  ทส  อกุสลกมฺมปถา
ทส   สญฺโชนานิ   ทส   มิจฺฉตฺตา   ทสวตฺถุกา  มิจฺฉาทิฏฺิ  ทสวตฺถุกา
อนฺตคฺคาหิกา ทิฏฺิ ฯ
     [๘๕๙]   อฏฺารส    ตณฺหาวิจริตานิ    อชฺฌตฺติกสฺส   อุปาทาย
อฏฺารส      ตณฺหาวิจริตานิ     พาหิรสฺส     อุปาทาย     ตเทกชฺฌํ
อภิสญฺูหิตฺวา    อภิสงฺขิปิตฺวา    ฉตฺตึส   ตณฺหาวิจริตานิ   โหนฺติ   อิติ
อตีตานิ   ฉตฺตึส   ตณฺหาวิจริตานิ   อนาคตานิ   ฉตฺตึส   ตณฺหาวิจริตานิ
ปจฺจุปฺปนฺนานิ     ฉตฺตึส    ตณฺหาวิจริตานิ    ตเทกชฺฌํ    อภิสญฺูหิตฺวา
อภิสงฺขิปิตฺวา   อฏฺสตํ  ตณฺหาวิจริตํ  โหติ  ยานิ  จ  ทฺวาสฏฺิทิฏฺิคตานิ
พฺรหฺมชาเล เวยฺยากรเณ วุตฺตานิ ภควตา ฯ
                                      มาติกา ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๓๕ หน้าที่ ๔๖๗-๔๗๑. https://84000.org/tipitaka/read/pali_read.php?B=35&A=9452&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=35&A=9452&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=35&item=849&items=11              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=35&siri=65              ศึกษาอรรถกถานี้ได้ที่ :- https://84000.org/tipitaka/attha/attha.php?b=35&i=849              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=54&A=11816              The Pali Atthakatha in Roman :- https://84000.org/tipitaka/atthapali/read_rm.php?B=54&A=11816              สารบัญพระไตรปิฎกเล่มที่ ๓๕ https://84000.org/tipitaka/read/?index_35 https://84000.org/tipitaka/english/?index_35

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]