AtthaPali Vol.38

Saliyajatakam yvayam saliyacchapoti idam sattha veluvane viharanto avuso devadatto tasakarakopi bhavitum nasakkhiti vacanam arabbha kathesi. Tada hi sattha na bhikkhave idaneva pubbepesa mama tasakarakopi bhavitum nasakkhiti vatva atitam ahari. Atite baranasiyam brahmadatte rajjam karente bodhisatto gamake kutumbiyakule nibbattitva tarunakale pamsukilakehi darakehi saddhim gamadvare nigrodharukkhamule kilati. Tada eko dubbalavejjo game kinci kammam alabhitva nikkhanto tam thanam patva ekam sappam vitapabbhantarena sisam niharitva niddayantam disva maya game kinci na laddham ime darake vancetva sappena damsapetva tikicchitva kincideva ganhissamiti cintetva bodhisattam aha sace saliyacchapam passeyyasi ganheyyasiti. Ama ganheyyanti. Passeso vitapabbhantare sayitoti. So tassa sappabhavam ajananto rukkham aruyha tam givayam gahetva sappoti natva nivattitum adento suggahitam gahetva vegena khipi. So gantva vejjassa givayam patito givam palivethetva kara karati damsitva tattheva nam patetva palayi. Manussa parivarayimsu. Mahasatto sampattaparisaya dhammam desento ima gatha abhasi Yvayam saliyacchapoti kanhasappam agahayi tena sappenayam dattho hato papanusasako ahantaramahantaram ^1- yo naro hantumicchati evam so nihato seti yathayam puriso hato ahanantamaghatentam yo naro hantumicchati evam so nihato seti yathayam puriso hato yatha pamsumutthi puriso pativatam patikkhipe tameva so rajo hanti yathayam puriso hato yo appadutthassa narassa dussati suddhassa posassa ananganassa tameva balam pacceti papam sukhumo rajo pativatamva khittoti. Tattha yvayanti yo ayam. Ayameva va patho. Sappenayanti yo ayam tena sappena dattho. Papanusasakoti papakam anusasako. Ahantaranti apaharantam. Ahantaranti amarentam. Setiti matasayanam sayati. Aghatentanti amarentam. Suddhassati niraparadhassa. Posassati sattassa. Ananganassati idampi niraparadhabhavanneva sandhaya vuttam. Paccetiti kammasarikkhakam hutva patieti. Sattha imam dhammadesanam aharitva jatakam samodhanesi tada @Footnote: ^1. ahanantamahantaram. Dubbalavejjo devadatto ahosi panditadarako pana ahamevati. Saliyajatakam sattamam --------

The Pali Atthakatha in Roman Book 38 page 483-485. http://84000.org/tipitaka/pitaka_item/read_rm.php?B=38&A=10028&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=10028&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=783 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3649 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3605 The Pali Tipitaka in Roman Character :- http://84000.org/tipitaka/read/roman_read.php?B=27&A=3605 Contents of The Tipitaka Volume 27 http://84000.org/tipitaka/read/?index_27