AtthaPali Vol.32

5. Pancamavagga 298. 1. Kumarakassapattheragathavannana aho buddha aho dhammati ayasmato kumarakassapattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto padumuttarassa bhagavato kale brahmanakule nibbattitva vinnutam papuni. "kulagehe"ti pana anguttaratthakathayam ^1- vuttam. So satthu santikam gantva dhammam sunanto sattharam ekam bhikkhum cittakathikanam aggatthane thapentam disva sayampi tam thanantaram akankhanto panidhanam katva tadanurupani punnani karonto kassapassa bhagavato kale samanadhammam katva sugatisuyeva samsaranto imasmim buddhuppade rajagahe setthi- dhitaya kucchimhi patisandhim ganhi. Sa kira kumarikakaleyeva pabbajitukama hutva matapitaro yacitva pabbajjam alabhamana kulagharam ^2- gatapi gabbhasanthitampi ajananti samikam aradhetva ^3- tena anunnata bhikkhunisu pabbajita. Tassa gabbhinibhavam ^4- disva bhikkhuniyo devadattam pucchimsu, so "assamani"ti aha. Puna dasabalam pucchimsu. Sattha upalittheram paticchapesi. Thero savatthinagaravasini kulani visakhanca upasikam pakkosapetva sarajikaya parisaya vinicchanto ^5- "pure laddho gabbho, pabbajja aroga"ti aha. Sattha "suvinicchitam adhikaranan"ti therassa sadhukaram adasi. Sa bhikkhuni suvannabimbasadisam puttam vijayi. Tam raja pasenadikosalo posesi, "kassapo"ti cassa namam akamsu. Aparabhage alankaritva satthu santikam netva pabbajesi. Kumarakale pabbajitatta bhagavata "kassapam pakkosatha, idam phalam va @Footnote: ¹ mano.pu. 1/217 kumarakassapattheravatthu ² Si. patikulam ³ i. arocetva @⁴ i. gabbhinivannam ⁵ cha.Ma. vinicchinanto Khadaniyam ^1- va kassapassa detha"ti vutte "katarakassapassa"ti. "kumarakassapassa"ti. Evam gahitanamatta ranno ^2- posavanikaputtatta ca vuddhakalepi kumarakassapotveva pannayittha. So pabbajitakalato patthaya vipassanaya ceva kammam karoti, buddhavacananca ugganhati. Atha tena saddhim pabbatamatthake samanadhammam katva anagami hutva suddhavase nibbatto mahabrahma "vipassanaya mukham dassetva maggaphalappattiya ^3- upayam karissami"ti pancadasa panhe abhisankharitva andhavane vasantassa therassa "ime panhe sattharam puccheyyasi"ti acikkhitva gato. So te panhe bhagavantam pucchi. Bhagavapissa byakasi. Thero satthara kathitaniyameneva te ugganhitva vipassanam gabbham ganhapetva arahattam papuni. Tena vuttam apadane ^4- :- "ito satasahassamhi kappe uppajji nayako sabbalokahito dhiro ^5- padumuttaranamako. Tadaham brahmano hutva vissuto vedaparagu divaviharam vicaram addasam lokanayakam. Catusaccam pakasentam bodhayantam sadevakam ^6- sasavakam cittakathikam ^7- vannayantam mahajane. ^8- Tada muditacittoham nimantetva tathagatam nanarattehi vatthehi alankaritvana mandapam. Nanaratanapajjotam sasamgham bhojayim tahim bhojayitvana sattaham nanaggarasabhojanam. Nanacittehi pupphehi pujayitva sasavakam nipacca padamulamhi tam thanam patthayim aham. @Footnote: ¹ i. odaniyam ² Si.,Ma. ranna ³ Ma. maggaphaluppattiya ⁴ khu.apa. 33/125/194 @ kumarakassapattherapadana (sya) ⁵ cha.Ma. viro ⁶ Ma. sadevakam samarakam @⁷ cha.Ma. vicittakathikanaggam ⁸ Si. vannayanti mahajana Tada munivaro aha karunekarasasayo passathetam dijavaram padumananalocanam. Pitipamojjabahulam samuggatatanuruham hasavaham visalakkham ^1- mama sasanalalasam. Patitam padamule me ekavatthasumanasam esa pattheti tam thanam vicittakathikattanam. Satasahassito kappe okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito kumarakassapo nama hessati satthu savako. Vicittapupphadussanam ratanananca vahasa vicittakathikanam so aggatam papunissati. Tena kammena sukatena cetanapanidhihi ca jahitva manusam deham tavatimsamagacchaham. Paribbhamam bhavabhave ^2- rangamajjhe yatha nato sakhamigatrajo hutva migiya kucchimokkamim. Tada mayi kucchigate vajjhavaro upatthito sakhena catta me mata nigrodham saranam gata. Tena sa migarajena marana parimocita pariccajitva sapanam mamevam ovadi tada. Nigrodhameva seveyya na sakhamupasamvase nigrodhasmim matam seyyo yance sakhasmi ^3- jivitam. @Footnote: ¹ Si. hasadikam visalakkham,cha.Ma. hasamhitavisalakkham ² Si. bhavakase ³ cha.Ma. sakhamhi Tenanusittha migayuthapena ^1- ahanca mata ca tathetare ca agamma rammam tusitadhivasam gata pavasam sagharam yatheva. Puno kassapavirassa atthamentamhi sasane aruyha selasikharam yunjitva jinasasanam. Idanaham rajagahe jato setthikule ahum ^2- apannasatta ^3- me mata pabbaji anagariyam. Sagabbham tam viditvana devadattamupanayum so avoca vinasetha papikam bhikkhunim imam. Idanipi munindena jinena anukampita sukhini janani ^4- mayham mata bhikkhunupassaye. Tam viditva mahipalo kosalo mam aposayi kumarapariharena namenahanca kassaPo. Mahakassapamagamma aham kumarakassapo vammikasadisam kayam sutva buddhena desitam. Tato cittam vimucci me anupadaya sabbaso payasim damayitvaham etadaggamapapunim. Kilesa jhapita mayham .pe. katam buddhassa sasanan"ti. Arahattam pana patva cittakathikabhavena satthara etadagge thapito attano patipattim paccavekkhitva ratanattayagunavibhavanamukhena annam byakaronto:- [201] "aho buddha aho dhamma aho no satthu sampada @Footnote: ¹ Si. migayuthamenam ² Si. ahu ³ Si. apannagabbha ⁴ cha.Ma. ajani Yattha etadisam dhammam savako sacchikahiti. [202] Asankheyyesu kappesu sakkayadhigata ahu ^1- tesamayam pacchimako carimoyam samussayo jatimaranasamsaro natthi dani punabbhavo"ti gathadvayam abhasi. Tattha ahoti acchariyatthe nipato. Buddhati sabbannubuddha, garavavasena bahuvacanam, aho acchariya sambuddhati attho. Dhammati pariyattidhammena saddhim navalokuttaradhamma. Aho no satthu sampadati amhakam satthu dasabalassa aho sampattiyo. Yatthati yasmim satthari brahmacariyavasena. Etadisam dhammam, savako sacchikahititi etadisam evarupam suvisuddhajjhanabhinnaparivaram ^2- anavasesakilesakkhayavaham santam panitam anuttaram dhammam savakopi nama sacchikarissati, tasma evamvidhaguna- ^3- visesadhigamahetubhuta aho acchariya buddha bhagavanto, acchariya dhammaguna, acchariya amhakam satthu sampattiyoti ratanattayassa gunadhimuttim pavedesiti. Dhammasampatti- kittaneneva hi samghasuppatipatti kittita hotiti. Evam sadharanavasena dassitam dhammassa sacchikiriyam idani attupanayikam katva dassento "asankheyyesu"ti gathamaha. Tattha asankheyyesuti gananapatham vitivattesu mahakappesu. Sakkayati paccupadanakkhandha. Te hi paramatthato vijjamanadhamma- samuhataya "sakkaya"ti vuccanti. Ahuti nivattanupayassa ^4- anadhigatatta anapagata ahesum. Tesamayam pacchimako, carimoyam samussayoti yasma ayam sabbapacchimako, tatoeva carimo, tasma jatimaranasahito khandhadipatipatisannito samsaro idani ayatim punabbhavabhavato punabbhavo natthi, ayamantima jatiti attho. Kumarakassapattheragathavannana nitthita. @Footnote: ¹ cha.Ma. ahu ² i.....bhisanna.... ³ Si.,i. evam vividha... @⁴ Si.,i. vuttarupa yassa

The Pali Atthakatha in Roman Book 32 page 497-501. http://84000.org/tipitaka/pitaka_item/read_rm.php?B=32&A=11110&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=11110&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=298 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5977 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6110 The Pali Tipitaka in Roman Character :- http://84000.org/tipitaka/read/roman_read.php?B=26&A=6110 Contents of The Tipitaka Volume 26 http://84000.org/tipitaka/read/?index_26