AtthaPali Vol.55

7-12. Paccaniyapatthanavannana [1] Idani kusaladinam padanam patikkhepavasena dhammapaccaniyataya laddhanamam paccaniyapatthanam dassetum nakusalam dhammam paticca nakusalo dhammo uppajjati hetupaccayatiadi araddham. Tattha nakusalam dhammam paticcati kusalassa paccayabhavam vareti. Nakusalo dhammo uppajjatiti kusalassa uppattim vareti, tasma "akusalabyakatam ekam khandham paticca akusalabyakata tayo khandha cittasamutthananca rupan"ti evamadina nayenettha panhavissajjanam veditabbam. ^2- Tasmim tasmim paccaye laddhaganana pana paliyam vuttayeva. Yepi vara sadisavissajjana, tepi tattheva dassita. Tasma sabbamettha hettha vuttanayanusareneva palim upaparikkhitva veditabbam. Yatha cettha, evam dukapatthane dukatikapatthane tikadukapatthane tikatikapatthane dukadukapatthane ca. Ettavata:- tikanca patthanavaram dukuttamam dukam tikanceva tikam dukanca tikam tikanceva dukam dukanca cha paccaniyamhi naya sugambhirati @Footnote: ¹ cha.Ma. veditabbam ² cha.Ma. panham vissajjitabbam Atthakathayam vuttagathaya dipita dhammapaccaniyapatthane cha naya niddittha honti. Paccayavasena panettha ekekasmim patthane anulomadayo cattaro cattaro nayati ekena pariyayena catuvisatinayapatimanditam paccaniyapatthananneva veditabbanti. Paccaniyapatthanavannana nitthita. -----------

The Pali Atthakatha in Roman Book 55 page 570-571. http://84000.org/tipitaka/pitaka_item/read_rm.php?B=55&A=12882&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=55&A=12882&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36