AtthaPali Vol.37

4 Gijjhajatakam yannu gijjho yojanasatanti idam sattha jetavane viharanto ekam matuposakabhikkhum arabbha kathesi. Vatthu samajatake avibhavissati. Sattha pana tam bhikkhum saccam kira tvam bhikkhu gihi posesiti pucchitva saccanti vutte kim pana te hontiti pucchitva matapitaro me bhanteti vutte sadhu sadhuti sadhukaram datva ma bhikkhave imam bhikkhum ujjhayittha, poranakapanditapi gunavasena annatakanampi upakaram akamsu, imassa pana matapitunam bharo yevati vatva atitam ahari. Atite baranasiyam brahmadatte rajjam karente bodhisatto gijjhapabbate gijjhayoniyam nibbattitva matapitaro poseti. Athekasmim kale mahati vatavutthi ahosi. Gijjha vatavutthim sahitum asakkonta sitabhayena baranasim gantva pakarasamipe parikhasamipe ca sitena kampamana nisidimsu. Tada baranasisetthi nagara nikkhamitva nhayitum gacchanto te gijjhe kilamamante disva ekasmim anovassakatthane sannipatetva aggim karapetva gosusanam pesetva gomamsam aharapetva tesam dapetva arakkham thapesi. Gijjha vupasantaya vatavutthiya kallasarira hutva pabbatameva agamamsu. Tattheva sannipatitva evam mantayimsu baranasisetthina amhakam Upakaro kato, katupakarassa nama paccupakaram katum vattatiti, tasma ito patthaya tumhesu yo yam vattham va abharanam va labhati tena tam baranasisetthissa gehe akasangane patetabbanti. Tato patthaya gijjha manussanam vatthabharanani atape sukkhapentanam pamadam oloketva sena viya mamsapesim sahasa gahetva baranasisetthissa gehe akasangane patenti. So gijjhanam abharanabhavam natva sabbani tani visum yeva thapapesi. Gijjha nagaram vilumpantiti ranno arocesum. Raja ekam gijjhampi tava ganhatha, sabbam aharapessamiti tattha tattha pase ceva jalani ca oddapesi. Matuposakagijjho pase bajjhi. Tam gahetva ranno dassessamati nenti. Baranasisetthi rajupatthanam gacchanto te manusse gijjham gahetva gacchante disva ma imam gijjham badhayimsuti saddhinneva agamasi. Gijjham ranno dassesum. Atha nam raja pucchi tumhe nagaram vilumpitva vatthadini ganhathati. Ama maharajati. Kassa dinnaniti. Baranasisetthissati. Kimkaranati. Amhakam tena jivitam dinnam, upakarassa nama paccupakaram katum vattati, tasma adamhati. Atha nam raja gijjha kira yojanasatamatthake thatva kunapam passanti kasma tvam attano odditam pasam na passasiti vatva pathamam gathamaha yannu gijjho yojanasatam kunapani avekkhati, kasma jalanca pasanca asajjapi na bujjhasiti. Tattha yanti nipatamattam. Nuti namatthe nipato. Gijjho nama yojanasatam atikkamitva thitani kunapani avekkhati passatiti attho. Asajjapiti asadetvapi sampapunitvapiti attho. Tvam attano atthaya odditam jalanca pasanca patvapi kasma na bujjhasiti pucchi. Gijjho tassa vacanam sutva dutiyam gathamaha yada parabhavo hoti poso jivitasankhaye atha jalanca pasanca asajjapi na bujjhatiti. Tattha parabhavoti vinaso. Posoti satto. Gijjhassa vacanam sutva raja setthim pucchi saccam mahasetthi gijjhehi tumhakam gehe vatthadini abhataniti. Saccam devati. Kaham taniti. Deva maya sabbani visum visum thapitani, yam yesam santakam, tam tesam dassami, imam gijjham vissajjethati. Gijjham vissajjapetva mahasetthi sabbesam santakani dapesi. Sattha imam dhammadesanam aharitva saccani pakasetva jatakam samodhanesi. Saccapariyosane matuposakabhikkhu sotapattiphale patitthahi. Tada raja anando ahosi, baranasisetthi sariputto, matuposakagijjho pana ahamevati. Gijjhajatakam catuttham. -----------

The Pali Atthakatha in Roman Book 37 page 65-67. http://84000.org/tipitaka/pitaka_item/read_rm.php?B=37&A=1289&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=37&A=1289&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=177 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1156 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1143 The Pali Tipitaka in Roman Character :- http://84000.org/tipitaka/read/roman_read.php?B=27&A=1143 Contents of The Tipitaka Volume 27 http://84000.org/tipitaka/read/?index_27