AtthaPali Vol.33

345. 11. Sonakutikannattheragathavannana upasampada ca me laddhatiadika ayasmato sonassa kutikannassa gatha. Ka uppatti? Ayam kira padumuttarassa bhagavato kale hamsavatinagare vibhavasampanno setthi hutva ularaya issariyasampattiya thito ekadivasam sattharam satasahassakhinasavaparivutam mahatiya buddhalilaya mahantena buddhanubhavena nagaram pavisantam disva pasannamanaso vanditva anjalim katva atthasi. So pacchabhattam upasakehi saddhim viharam gantva bhagavato santike dhammam sunanto sattharam ekam bhikkhum kalyanavakkarananam aggatthane thapentam disva sayampi tam thanam patthetva mahadanam datva panidhanam akasi. Sattha tassa anantarayatam disva "anagate gotamassa nama sammasambuddhassa sasane kalyanavakkarananam aggo bhavissati"ti byakasi. So tattha yavajivam punnani katva devamanussesu samsaranto vipassissa bhagavato kale sasane pabbajitva vattapativattani purento ekassa bhikkhuno civaram sibbitva adasi. Puna buddhasunne loke baranasiyam tunnavayo ^1- hutva ekassa pacceka- buddhassa civarakotim chinnam ghatetva adasi. Evam tattha tattha punnani katva imasmim buddhuppade avantiratthe kulaghare ^2- mahavibhavassa setthino putto hutva nibbatti, sonotissa namam akamsu, kotiagghanakassa kannapilandhanassa dharanena ^3- "kotikanno"ti vattabbe kutikannoti pannayittha. So anukkamena vaddhitva kutumbam santhapento ayasmante mahakaccayane ^4- kulagharam nissaya pavattapabbate viharante tassa santike dhammam sutva saranesu ca silesu ca patitthaya tam catuhi paccayehi upatthahi. So aparabhage samsare @Footnote: ¹ Si.,i. tantavayo ² cha.Ma. kuraraghare ³ Si.,i.dharane ⁴ cha.Ma. mahakaccane Sanjatasamvego therassa santike pabbajitva kicchena kasirena dasavaggam samgham sannipatetva upasampajjitva katipayakalam therassa santike vasitva theram apucchitva sattharam vanditum savatthim upagato satthara ekagandhakutiyam vasam labhitva paccusasamaye ajjhittho solasaatthakavaggiyanam ^1- ussaranena sadhukaram datva bhasitaya "disva adinavam loke"ti ^2- udanagathaya pariyosane vipassanam vaddhetva arahattam papuni. Tena vuttam apadane 3-:- "padumuttaro nama jino ahutinam patiggaho vasisatasahassehi nagaram pavisi tada. Nagaram pavisantassa upasantassa tadino ratanani pajjotimsu ^4- nigghoso asi tavade. Buddhassa anubhavena bheri vajjumaghattita ^5- sayam vina pavajjanti buddhassa pavisato puram. Buddhasettham namassami padumuttaramahamunim patihiranca passitva tattha cittam pasadayim. Aho buddho aho dhammo aho no satthu sampada acetanapi turiya sayameva pavajjare. Satasahassito kappe yam sannamalabhim tada duggatim nabhijanami buddhasannayidam phalam. Kilesa jhapita mayham .pe. Katam buddhassa sasanan"ti. Arahatte pana patitthito attano upajjhayena acikkhitaniyamena paccantimesu janapadesu vinayadharapancamena ganena upasampada, dhuvanhanam, cammattharanam, gunangunupahanam, civaravippavasoti panca vare yacitva te satthu santika labhitva punadeva @Footnote: ¹ Si.,i. addhaddhasolasaatthavaggiyanam ² khu.u. 25/46/175 sonasutta, @vinaYu.maha. 5/258/23 cammakkhandhaka ³ khu.apa. 33/23/47 @patihirasannakattherapadana (sya) ⁴ pali. rathiya paccuggamanadisu @⁵ pali. avajjitamaghattita Attano vasitatthanam gantva upajjhayassa tamattham arocesi. Ayamettha sankhepo, vittharo pana udanatthakathayam ^1- agatanayena veditabbo. Anguttaratthakathayam ^2- pana "upasampanno hutva attano upajjhayassa santike kammatthanam gahetva vipassanam vaddhetva arahattam papuni"ti vuttam. So aparabhage vimuttisukhena viharanto attano patipattim paccavekkhitva somanassajato udanavasena:- [365] "upasampada ca me laddha vimutto camhi anasavo so ca me bhagava dittho vihare ca sahavasim. [366] Bahudeva rattim bhagava abbhokasetinamayi viharakusalo sattha viharam pavisi tada. [367] Santharitvana sanghatim seyyam kappesi gotamo siho selaguhayamva pahinabhayabheravo. [368] Tato kalyanavakkarano sammasambuddhasavako sono abhasi saddhammam buddhasetthassa sammukha. [369] Pancakkhandhe parinnaya bhavayitvana anjasam pappuyya paramam santim parinibbayissatyanasavo"ti ^3- ima panca gatha abhasi. Tattha upasampada ca me laddhati ya sa kicchena dasavaggam bhikkhusamgham sannipatetva attana laddha upasampada, ya ca pana varadanavasena sabba- paccantimesu janapadesu vinayadharapancamena ganena satthara anunnata upasampada, tadubhayam sandhayaha. Casaddo samuccayattho, tena itarepi satthu santika laddhavare sanganhati. Vimutto camhi anasavoti aggamaggena sakalakilesavatthuvimuttiya vimutto @Footnote: ¹ udana.A. 46/... ² mano.pu. 1/206/.... sonakutikannattheravatthu (nava.) @³ cha.Ma. parinibbissatyanasavoti Ca amhi, tatoeva kamasavadihi anasavo amhiti yojana. So ca me bhagava ditthoti yadattham aham avantiratthato savatthim gato, so ca bhagava maya aditthapubbo dittho. Vihare ca sahavasinti na kevalam tassa bhagavato dassanameva maya laddham, atha kho vihare satthu gandhakutiyam satthara karanam sallakkhetva vasentena saha avasim. "vihareti viharasamipe"ti keci. Bahudeva rattinti pathamam yamam bhikkhunam dhammadesanavasena kammatthanasodhanavasena ca majjhimam yamam devanam brahmunanca kankhacchedanavasena bhagava bahudeva rattim abbhokase atinamayi vitinamesi. Viharakusaloti dibbabrahmaanenjaariyaviharesu kusalo. Viharam pavisiti ativelam nisajjacankamehi uppannaparissamavinodanattham gandhakutim pavisi. Santharitvana sanghatim, seyyam kappesiti catuggunam sanghatim pannapetva sihaseyyam kappesi. Tenaha "gotamo siho selaguhayamva, pahinabhayabheravo"ti. Tattha gotamoti bhagavantam gottena kitteti. Siho selaguhayamvati selassa pabbatassa guhayam. Yatha siho migaraja tejussadataya pahinabhayabheravo dakkhinena passena pade padam accadhaya seyyam kappesi, evam cittutrasalomahamsanachambhitattahetunam kilesanam samucchinnatta pahinabhayabheravo gotamo bhagava seyyam kappesiti attho. Tatoti paccha, sihaseyyam kappetva tato vutthahitva "patibhatu tam bhikkhu dhammo bhasitun"ti ^1- satthara ajjhesitoti attho. Kalyanavakkaranoti sundaravaci- karano, kalyanasampannavacanakkamoti ^2- attho. Sono abhasi saddhammanti solasa atthaka- vaggiyasuttani sono kutikanno buddhasetthassa sammasambuddhassa sammukha paccakkhato abhasiti thero attanameva param viya avoca. @Footnote: ¹ khu.u. 25/46/175 sonasutta ² cha.Ma. lakkhanasampannavacanakkamoti Pancakkhandhe parinnayati pancupadanakkhandhe tihipi parinnahi parijanitva te parijanantoyeva anjasam ariyam atthangikam maggam bhavayitva paramam santim nibbanam pappuyya papunitva thito anasavo, tatoeva idani parinibbayissati anupadisesa- nibbanavasena nibbayissatiti. Sonakutikannattheragathavannana nitthita. ---------------

The Pali Atthakatha in Roman Book 33 page 78-82. http://84000.org/tipitaka/pitaka_item/read_rm.php?B=33&A=1777&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=33&A=1777&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=345 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6457 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6585 The Pali Tipitaka in Roman Character :- http://84000.org/tipitaka/read/roman_read.php?B=26&A=6585 Contents of The Tipitaka Volume 26 http://84000.org/tipitaka/read/?index_26