Atthakatha Book 38 : PALI ROMAN
Ja.A.4 tika-pancakanipata

     Tattha bhana samma anunnatoti samma vayasa tvam sabbeheva
amhehi anunnato yante bhanitabbam tam bhana. Attham dhammanca
kevalanti bhananto ca karananceva paveniagatanca vacanam
amuncitva bhana. Pannavanto jutindharati pannasampanna ceva
nanobhasadhara ca daharapi hi pakkhino atthiyeva.
     So evam anunnato tatiyam gathamaha
        na me ruccati bhaddam vo    ulukassabhisecanam
        akkuddhassa mukham passa      katham kuddho karissatiti.
     Tassattho bhaddam tumhakam hotu yam panetam tikkhattum savanaya
ulukassabhisecanam kayirati etam mayham na ruccati etassa hi idani
tutthacittassa akkuddhassa mukham passatha kuddho panayam katham mukham
karissatiti na janami sabbatha cetam mayham na ruccatiti.
     So evam vatva mayham na ruccati mayham na ruccatiti viravanto
akase uppati. Ulukopi nam utthaya anubandhi. Tato patthaya
te annamannam veram bandhimsu. Sakuna suvannahamsam rajanam katva
pakkamimsu.
     Sattha imam dhammadesanam aharitva saccani pakasetva jatakam
samodhanesi tada rajje abhisincitahamsapotako pana ahamevati.
                     Ulukajatakam dasamam.
                    Padumavaggo dutiyo.
                    ---------------


             The Pali Atthakatha in Roman Book 38 page 100.
http://84000.org/tipitaka/pitaka_item/read_rm.php?B=38&A=2077&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=38&A=2077&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=409
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2216
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2193
             The Pali Tipitaka in Roman Character :-
http://84000.org/tipitaka/read/roman_read.php?B=27&A=2193
             Contents of The Tipitaka Volume 27
http://84000.org/tipitaka/read/?index_27