AtthaPali Vol.50

55. 3. Sayanadayakattherapadanavannana padumuttarabuddhassatiadikam ayasmato sayanadayakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale ekasmim kulagehe nibbatto vinnutam patto gharavasam santhapetva sukhamanubhavanto satthu dhammadesanam sutva satthari pasanno dantasuvannarajatamuttamanimayam maharaham mancam karapetva cinapattakambaladini attharitva sayanatthaya bhagavato adasi. Bhagava tassa anuggaham karonto tattha sayi. So tena punnakammena devamanussesu samsaranto tadanurupam akasagamanasukha- seyyadisukham anubhavitva imasmim buddhuppade vibhavasampanne ekasmim kule nibbattitva vinnutam papunitva satthu dhammadesanam sutva pasannamanaso pabbajitva vipassanto nacirasseva araha ahosi. [20] So attano pubbakammam saritva somanassajato pubbacaritapadanam pakasento padumuttarabuddhassatiadimaha. Tam hettha vuttatthameva. [21] Sukhette bijasampadati yatha tinakacavararahite kaddamadisampanne sukhette vuttabijani saduphalani nipphadenti, evameva Ragadosadidiyaddhasahassakilesasankhatatinakacavararahite suddhasantane punnakkhette vutta- danani appanipi samanani mahapphalani hontiti attho. Sesam suvinneyyamevati. Sayanadayakattherapadanavannana nitthita. ------------

The Pali Atthakatha in Roman Book 50 page 95-96. http://84000.org/tipitaka/pitaka_item/read_rm.php?B=50&A=2095&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=50&A=2095&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=55 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2464 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3109 The Pali Tipitaka in Roman Character :- http://84000.org/tipitaka/read/roman_read.php?B=32&A=3109 Contents of The Tipitaka Volume 32 http://84000.org/tipitaka/read/?index_32