AtthaPali Vol.11

2. Kindadasuttavannana [42] Dutiye annadoti yasma atibalavapi dve tini bhattani abhutva utthatum na sakkoti, bhutva pana dubbalopi hutva balasampanno hoti, tasma "annado balado"ti aha. Vatthadoti yasma surupopi duccolo va acolo va virupo hoti ohilito duddassiko, vatthacchanno devaputto viya sobhati, tasma "vatthado hoti vannado"ti aha. Yanadoti hatthiyanadinam dayako, tesu pana:- na hatthiyanam samanassa kappati na assayanam na rathena yatum idanca yanam samanassa kappati upahana rakkhato silakkhandhanti. Tasma chattupahanakattarayatthimancapithanam dayako yo ca maggam sodheti, nissenim karoti, setum karoti, navam patiyadeti, sabbopi yanadova hoti. Sukhado hotiti yanasukhavahanato sukhado nama hoti. Cakkhudoti andhakare cakkhumantanampi rupadassanabhavato dipado cakkhudo nama hoti, anuruddhatthero viya dibbacakkhusampadam labhati. @Footnote: ¹ cha.Ma. sunihatam evamuparipi Sabbadado hotiti sabbesamyeva baladinam dayako hoti. Dve tayo game pindaya caritva kinci aladdha agatassapi sitalaya pokkharaniya nhayitva patissayam ^1- pavisitva muhuttam mance nipajjitva utthaya nisinnassapi kaye balam aharitva pakkhittam viya hoti. Bahi vicarantassa ca kaye vannayatanam vatatapehi jhayati, patissayam pavisitva dvarampidhaya muhuttam nipannassa ca visabhagasantati vupasamati, sabhagasantati okkamati, vannayatanam aharitva pakkhittam viya hoti. Bahi vicarantassa pade kantako vijjhati, khanu paharati, sirimsapadiparissayo ^2- ceva corabhayam ca uppajjati, patissayam pavisitva dvarampidhaya nipannassa sabbe te parissaya na honti, dhammam sajjhayantassa dhammapitisukham, kammatthanam manasikarontassa upasamasukham uppajjati. Tatha bahi vicarantassa ca seda muncanti, akkhini phandanti, senasanam pavisanakkhane kupe otinno viya hoti, mancapithadini na pannayanti. Muhuttam nisinnassa pana akkhipasado aharitva pakkhitto viya hoti, dvarakavatavatapanamancapithadini pannayanti. Tena vuttam "so ca sabbadado hoti, yo dadati upassayan"ti. Amatam dado ca so hotiti panitabhojanassa pattam purento viya amaradanam nama deti. Yo dhammamanusasatiti yo dhammam anusasati, atthakatham katheti, palim vaceti, pucchitapanham vissajjeti, kammatthanam acikkhati, dhammassavanam karoti, sabbopesa dhammamanusasati nama. Sabbadanananca idam dhammadanameva agganti veditabbam. Vuttampi cetam:- "sabbadanam dhammadanam jinati sabbarasam dhammaraso jinati sabbaratim dhammarati jinati tanhakkhayo sabbadukkham jinati"ti ^3- dutiyam. @Footnote: ¹ Ma. upassayam ² cha.Ma. sarisapadiparissayo ³ khu. dhamMa. 25/354/78 sakkadevarajavatthu

The Pali Atthakatha in Roman Book 11 page 80-81. http://84000.org/tipitaka/pitaka_item/read_rm.php?B=11&A=2110&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=11&A=2110&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=137 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=923 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=822 The Pali Tipitaka in Roman Character :- http://84000.org/tipitaka/read/roman_read.php?B=15&A=822 Contents of The Tipitaka Volume 15 http://84000.org/tipitaka/read/?index_15