AtthaPali Vol.12

5. Mahārukkhasuttavaṇṇanā [55] Pañcame vuddhaṃ ^1- ojaṃ abhiharantīti paṭhavīrasañca āporasañca upari āropenti. Ojāya āropitattā hatthasatubbedhassa rukkhassa aṅkuraggesu bindūni ^2- viya hutvā sineho tiṭṭhati. Idaṃ panettha opammasaṃsandanaṃ:- mahārukkho viya hi tebhūmikavaṭṭaṃ, mūlāni viya āyatanāni, mūlehi ojāya ārohanaṃ viya chahi dvārehi kammārohanaṃ, ojāya abhiruḷhattā mahārukkhassa yāvakappaṭṭhānaṃ ^3- viya vaṭṭanissitabālaputhujjanassa chahi dvārehi kammaṃ āyūhantassa aparāparaṃ vaṭṭassa vaḍḍhanavasena dīgharattaṃ ṭhānaṃ. Kuddālapiṭakanti kuddālañceva pacchibhājanañca. Khaṇḍākhaṇḍikaṃ chindeyyāti khuddakamahantāni khaṇḍākhaṇḍāni karonto chindeyya. Idaṃ panettha opammasaṃsandanaṃ:- idhāpi hi mahārukkho viya tebhūmikavaṭṭaṃ, rukkhaṃ nāsetukāmo puriso viya yogāvacaro, kuddālo viya ñāṇaṃ, pacchi viya samādhi, rukkhacchedanapharasu viya ñāṇaṃ, rukkhassa mūle chinnakālo viya yogino ācariyasantike kammaṭṭhānaṃ uggahetvā ^4- manasikarontassa paññā, khaṇḍākhaṇḍikachindanakālo viya saṅkhepato catunnaṃ mahābhūtānaṃ manasikārakālo, ^5- phālanaṃ viya dvecattāḷīsāya koṭṭhāsesu vitthāramanasikāro, sakalikaṃ sakalikaṃ karaṇakālo viya upādārūpassa ceva rūpakkhandhārammaṇassapi ^6- viññāṇassa cāti imesaṃ vasena nāmarūpapariggaho, mūlānaṃ uddharaṇaṃ ^7- viya tasseva nāmarūpassa paccayapariyesanaṃ, vātātape visosetvā agginā ḍahanakālo viya anupubbena vipassanaṃ vaḍḍhetvā aññatarasappāyaṃ labhitvā kammaṭṭhāne vibhūte upaṭṭhahamāne ekapallaṅke nisinnassa samaṇadhammaṃ karontassa aggaphalapatti, masikaraṇaṃ viya arahattappattadivaseyeva @Footnote: ¹ cha.Ma.,i. uddhaṃ ² cha.Ma. bindubindūni ³ Sī.,i. yāvatakaṃ ṭhānaṃ @⁴ cha.Ma.,i. gahetvā ⁵ cha.Ma.,i. manasikāro @⁶ cha.Ma.,i. pi-saddo na dissati ⁷ cha.Ma.,i. upacchedanaṃ Aparinibbāyantassa yāvatāyukaṃ ṭhitakālo, mahāvāte ophunanaṃ nadiyā pavāhanaṃ viya ca upādinnakakkhandhabhedena anupādisesāya nibbānadhātuyā parinibbutassa vaṭṭavūpasamo veditabbo. Pañcamaṃ.

The Pali Atthakatha in Roman Book 12 page 96-97. http://84000.org/tipitaka/pitaka_item/read_rm.php?B=12&A=2124 อรรถกถาบาลีอักษรไทย :- http://84000.org/tipitaka/pitaka_item/read_th.php?B=12&A=2124 อ่านอรรถกถาแปลไทย :- http://84000.org/tipitaka/attha/attha.php?b=16&i=206 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2353 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2126 The Pali Tipitaka in Roman Character :- http://84000.org/tipitaka/read/roman_read.php?B=16&A=2126 Contents of The Tipitaka Volume 16 http://84000.org/tipitaka/read/?index_16