AtthaPali Vol.36

8. Saketajatakam yasmim mano nivisatiti idam sattha saketam nissaya anjanavane viharanto ekam brahmanam arabbha kathesi. Bhagavato kira bhikkhusanghaparivutassa saketam pindaya pavisanakale eko saketanagaravasi mahallakabrahmano nagarato bahi gacchanto antaradvare dasabalam disva padesu patitva gopphakesu galham gahetva tata nanu nama puttehi jinnakale matapitaro patijaggitabba kasma ettakam kalam amhakam attanam na dassesi maya tava ditthosi mataram pana passitum ehiti sattharam gahetva attano geham agamasi. Sattha tattha gantva nisidi pannattasane saddhim bhikkhusanghena. Brahmanipi idani me putto agatoti agantva satthu padesu patitva tata ettakam kalam kaham gatosi nanu nama puttena matapitaro mahallakakale upatthatabbati paridevi puttadhitaropi etha bhataram vandathati vandapesi. Ubho tutthamanasa mahadanam adamsu. Sattha bhattakiccam nitthapetva tesam dvinnampi jananam jarasuttam kathesi. Suttapariyosane ubhopi anagamiphale patitthahimsu. Sattha utthayasana anjanavanameva agamasi. Bhikkhu dhammasabhayam sannisinna katham samutthapesum avuso brahmano tathagatassa pita suddhodano mata mahamayati janati janantova saddhim brahmaniya tathagatam amhakam puttoti vadati satthapi adhivasesi kinnu kho karananti. Sattha tesam Katham sutva bhikkhave ubhopete attano puttameva puttoti vadantiti vatva atitam ahari bhikkhave ayam brahmano atite nirantaram pancajatisatani mayham pita ahosi pancajatisatani cullapita pancajatisatani mahapita esapi brahmani nirantarameva pancajatisatani mata ahosi pancajatisatani cullamata pancajatisatani mahamata evaham diyaddhajatisahassam brahmanassa hatthe samvaddho diyaddhajatisahassam brahmaniya hatthe samvaddhoti tini jatisahassani kathetva abhisambuddho hutva imam gathamaha yasmim mano nivisati cittancapi pasidati aditthapubbake pose kamam tasmimpi vissaseti. Tattha yasmim mano nivisatiti yasmim puggale ditthamatteyeva cittam patitthati. Cittancapi pasidatiti yasmim ditthamatte cittampi pasidati mudukam hoti. Aditthapubbake poseti pakatiya tasmim attabhave aditthapubbepi puggale. Kamam tasmimpi vissaseti anubhutapubbasinehavaseneva tasmimpi puggale ekamsena vissase vissasam apajjatiyevati attho. Evam sattha imam dhammadesanam aharitva anusandhim ghatetva jatakam samodhanesi tada brahmano ca brahmani ca eteeva ahesum puttopi ahamevati. Saketajatakam atthamam. -------------

The Pali Atthakatha in Roman Book 36 page 109-110. http://84000.org/tipitaka/pitaka_item/read_rm.php?B=36&A=2165&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=36&A=2165&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=68 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=446 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=436 The Pali Tipitaka in Roman Character :- http://84000.org/tipitaka/read/roman_read.php?B=27&A=436 Contents of The Tipitaka Volume 27 http://84000.org/tipitaka/read/?index_27