AtthaPali Vol.30

23. 6. Sonadinnavimanavannana abhikkantena vannenati sonadinnavimanam. Tassa ka uppatti? bhagava savatthiyam viharati jetavane. Tena ca samayena nalandayam sonadinna nama eka upasika saddha pasanna bhikkhunam catuhi paccayehi sakkaccam upatthahanti suvisuddha- niccasila atthangasamannagatam uposathampi upavasati. Sa dhammasavanasappayam patilabhitva @Footnote: ¹ Si.,i. sabbasamkilesapakkham ² Ma.u. 14/255/223 atthato samanam @³ cha.Ma.,ka. bhadditthivimanam Upanissayasampannataya catusaccakammatthanam paribruhanti ^1- sotapanna ahosi. Atha annatarena rogena phuttha kalam katva tavatimsesu uppajji. Tam ayasma mahamoggallano:- [217] "abhikkantena vannena ya tvam titthasi devate obhasenti disa sabba osadhi viya taraka. [218] Kena te'tadiso vanno kena te idha mijjhati uppajjanti ca te bhoga ye keci manaso piya. [219] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti imahi tihi gathahi patipucchi. [220] Sa devata attamana moggallanena pucchita panham puttha viyakasi yassa kammassidam phalam. [221] "sonadinnati mam annamsu ^2- nalandayam upasika saddha silena sampanna samvibhagarata sada. [222] Acchadananca bhattanca senasanam padipiyam adasim ujubhutesu vippasannena cetasa. [223] Catuddasim pancadasim ya ca pakkhassa atthami patihariyapakkhanca atthangasusamagatam @Footnote: ¹ Si. patigganhanti ² ka. annimsu [224] Uposatham upavasissam sada silesu samvuta sannama samvibhaga ca vimanam avasamaham. [225] Panatipata virata musavada ca sannata theyya ca aticara ca majjapana ca araka. [226] Pancasikkhapade rata ariyasaccana kovida upasika cakkhumato gotamassa yasassino. [227] Tena me'tadiso vanno tena me idha mijjhati uppajjanti ca me bhoga ye keci manaso piya. [228] Akkhami te bhikkhu mahanubhava manussabhuta yamakasi punnam tenamhi evanjalitanubhava vanno ca me sabbadisa pabhasati"ti devata byakasi. Tam sabbam hettha vuttanayameva. Sonadinnavimanavannana nitthita. ----------------

The Pali Atthakatha in Roman Book 30 page 124-126. http://84000.org/tipitaka/pitaka_item/read_rm.php?B=30&A=2672&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=30&A=2672&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=23 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=692 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=673 The Pali Tipitaka in Roman Character :- http://84000.org/tipitaka/read/roman_read.php?B=26&A=673 Contents of The Tipitaka Volume 26 http://84000.org/tipitaka/read/?index_26