Atthakatha Book 50 : PALI ROMAN
Apa.A.2 (visuddha.2)

                  80. 8. Patalipupphiyattherapadanavannana
     suvannavannam sambuddhantiadikam ayasmato patalipupphiyattherassa apadanam.
Ayampi purimajinavaresu katadhikaro tattha tattha bhave vivattupanissayani punnani
upacinanto tissassa bhagavato kale ekasmim kulagehe setthiputto hutva
nibbatto vuddhippatto kusalakusalannu satthari pasiditva patalipuppham gahetva
satthu pujesi. So tena punnena bahudha sukhasampattiyo anubhavanto
devamanussesu samsaranto imasmim buddhuppade kulagehe nibbatto vuddhimanvaya
satthari pasanno pabbajitva nacirasseva araha ahosi.
     [36] So aparabhage attano pubbakammam saritva somanassajato
pubbacaritapadanam pakasento suvannavannam sambuddhantiadimaha. Tattha
antarapaneti a samantato hirannasuvannadikam bhandam panenti vikkinanti
pattharanti etthati apanam, apanassa antaram vithiti antarapanam, tasmim
antarapane. Suvannavannam kancanagghiyasankasam dvattimsavaralakkhanam sambuddham disva
patalipuppham pujesinti attho. Sesam sabbattha uttanatthamevati.
                  Patalipupphiyattherapadanavannana nitthita.
                         --------------


             The Pali Atthakatha in Roman Book 50 page 124.
http://84000.org/tipitaka/pitaka_item/read_rm.php?B=50&A=2695&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=50&A=2695&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=80
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=2902
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=3622
             The Pali Tipitaka in Roman Character :-
http://84000.org/tipitaka/read/roman_read.php?B=32&A=3622
             Contents of The Tipitaka Volume 32
http://84000.org/tipitaka/read/?index_32