Atthakatha Book 30 : PALI ROMAN
Vimana.A. (paramatthadi.)

                  27. 10. Pathamabhikkhadayikavimanavannana
       abhikkantena vannenati pathamabhikkhadayikavimanam. 3- Tassa ka uppatti? bhagava
savatthiyam viharati jetavane. Tena ca samayena uttaramadhurayam annatara itthi khinayuka
@Footnote: 1 cha.Ma. sunidda..., Si. sunanda....
@2 Si. sunandati, cha.Ma. suniddati  2 cha.Ma. bhikkhadayikavimanam
Hoti apaye uppajjanaraha. Bhagava puccusavelayam mahakarunasamapattito
vutthaya lokam volokento tam itthim apaye uppajjanaraham disva mahakarunaya
sancoditamanaso tam sugatiyam patitthapetkamo eko adutiyo madhuram agamasi. Gantva
pubbanhasamayam nivasetva pattacivaram adaya bahinagaram pindaya pavisi. Tena
samayena sa itthi gehe aharam sampadetva ekamante patisametva ghatam
gahetva udakatittham gantva nhayitva ghatena udakam gahetva attano geham
gacchanti  antaramagge bhagavantam passitva "api bhante pindo laddho"ti vatva
"labhissami"ti ca bhagavata vutte aladdhabhavam natva ghatam thapetva bhagavantam
upasankamitva vanditva "aham bhante pindapatam dassami, adhivasetha"ti aha.
Adhivasesi bhagava tunhibhavena. Sa bhagavato adhivasanam viditva pathamataram gantva
sittasammatthe padese asanam pannapetva bhagavato pavesanam udikkhamana atthasi.
Bhagava geham pavisitva pannatte asane nisidi. Atha sa bhagavantam bhojesi,
bhagava katabhattakicco onitapattapani tassa anumodanam katva pakkami. Sa
anumodanam sutva anappakam pitisomanassam patisamvedenti yava cakkhupathasamatikkama
buddharammanam pitim avijahanti namassamana atthasi.
        Sa katipayadivasatikkameneva kalam katva tavatimsabhavane nibbatti,
accharasahassancassa parivaro ahosi. Tam ayasma mahamoggallano 1-:-
         [270]   "abhikkantena vannena    .pe. Osadhi viya taraka.
         [271]    Kena te'tadiso vanno .pe.
                       Vanno ca te sabbadisa pabhasati"ti
gathahi pucchi.
@Footnote: 1 Si. athayasma mahamoggallano devacarikam caranto tam devatam mahatiya deviddhiya
@mahantena devatanubhavena buddhananenapi paricchinditumasakkuneyyam
@dibbavibhutimanubhavantim disva imahi gathahi taya katapunnakammam pucchi.
         [273]    Sa devata attamana     .pe. Yassa kammassidam phalam.
         [274]          "aham manussesu manussabhuta
                         purimaya jatiya manussaloke.
         [275]    Addasam virajam buddham       vippasannamanavilam
                  tassa adasaham bhikkham      pasanna sehi panibhi.
         [276]    Tena me'tadiso vanno .pe.
                         Vanno ca me sabbadisa pabhasati"ti
devata byakasi. Sesam sabbam hettha vuttanayatta uttanatthameva.
                  Pathamabhikkhadayikavimanavannana  nitthita.
                       ------------------


             The Pali Atthakatha in Roman Book 30 page 132-134.
http://84000.org/tipitaka/pitaka_item/read_rm.php?B=30&A=2831&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=30&A=2831&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=27
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=780
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=769
             The Pali Tipitaka in Roman Character :-
http://84000.org/tipitaka/read/roman_read.php?B=26&A=769
             Contents of The Tipitaka Volume 26
http://84000.org/tipitaka/read/?index_26