AtthaPali Vol.11

Puratthima samudda pacchimoti yatha puratthimasamudda pacchimasamuddo dure, evam me dure padavitiharo ahositi vadati. So kira pacinacakkavalamukhavattiyam thito padam pasaretva pacchimacakkavalamukhavattim ^1- atikkamati, ^2- puna dutiyapadam pasaretva paracakkavalamukhavattim ^1- atikkamati. ^2- Icchagatanti iccha eva. Annatrevati nippapancatam dasseti. Bhikkhacarakale kiresa nagalatadantakattham khaditva anotatte mukham dhovitva sampatto ^3- uttarakurumhi pindaya caritva cakkavalamukhavattiyam nisinno bhattakiccam karoti, tattha muhuttam visamitva puna javati. Vassasatayukoti tada dighayukakale ^4- hoti, ayam pana vassasatavasitthe ayumhi gamanam arabhi. Vassasatajiviti tam vassasatam anantarayena jivanto. Antarava kalakatoti cakkavalalokassa antam appatva antarava mato. So pana tattha kalam katvapi agantva imasmimyeva cakkavale nibbatti. Appatvati sankharalokassa antam appatva. Dukkhassati vattadukkhassa. Antakiriyanti pariyantakaranam. Kalevareti attabhave. Sasannimhi samanaketi sasanne sacitte. Lokanti dukkhasaccam. Lokasamudayanti samudayasaccam. Lokanirodhanti nirodhasaccam. Patipadanti maggasaccam. Iti naham avuso imani cattari saccani tinakatthadisu pannapemi, imasmim pana catumahabhutike ^5- kayasmimyeva pannapemi"ti dasseti. Samitaviti samitapaPo. Nasimsatiti na pattheti. Chattham. Sattamatthamani vuttatthaneva.

The Pali Atthakatha in Roman Book 11 page 112. http://84000.org/tipitaka/pitaka_item/read_rm.php?B=11&A=2930&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=11&A=2930&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=295 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1966 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1658 The Pali Tipitaka in Roman Character :- http://84000.org/tipitaka/read/roman_read.php?B=15&A=1658 Contents of The Tipitaka Volume 15 http://84000.org/tipitaka/read/?index_15