AtthaPali Vol.32

165. 8. Jambugamikaputtattheragathavannana ^1- kacci no vatthapasutoti ayasmato jambugamikaputtattherassa gatha. Ka uppatti? so kira purimabuddhesu katadhikaro hutva tattha tattha vivattupanissayam kusalam acinanto ito ekatimse kappe vessabhussa bhagavato kale ekadivasam kimsukani pupphani disva tani pupphani gahetva buddhagune anussaranto bhagavantam uddissa akase khipanto pujesi. So tena punnakammena tavatimsesu nibbatto. Tato param punnani katva aparaparam devamanussesu samsaranto imasmim buddhuppade campayam jambugamikassa nama upasakassa putto hutva nibbatti. Tenassa jambugamika- puttotveva samanna ahosi. So vayappatto bhagavato santike dhammam sutva patiladdhasamvego pabbajitva katapubbakicco kammatthanam gahetva sakete anjanavane vasati. Athassa pita "kim nu kho mama putto sasane abhirato viharati, udahu no"ti vimamsanattham "kacci no vatthapasuto"ti gatham likhitva pesesi. So tam vacetva "pita me pamadaviharam asankati, ahanca ajjapi puthujjanabhumim nativatto"ti samvegajato ghatento vayamanto na cirasseva chalabhinno ahosi. Tena vuttam apadane 2-:- "kimsukam pupphitam disva paggahetvana anjalim buddhasettham saritvana akase abhipujayim. Tena kammena sukatena cetanapanidhihi ca jahitva manusam deham tavatimsamagacchaham. Ekatimse ito kappe yam kammamakarim tada @Footnote: ¹ Si.,cha.Ma. jambugamiyaputtatthera... evamuparipi ² khu.apa. 33/84/128 @ kimsukapupphiyattherapadana (sya) Duggatim nabhijanami buddhapujayidam phalam. Kilesa jhapita mayham .pe. Katam buddhassa sasanan"ti. Arahattam pana patva natinam vasananagaram gantva sasanassa niyyanikabhavam pakasento iddhipatihariyam dassesi. Tam disva nataka pasannamanasa bahu samgharame karesum. Theropi sakapitara pesitam gatham ankusam katva ghatento vayamanto arahattam sacchakasi. Annam byakarontopi pitupujanattham 1-:- ^2- "kacci no vatthapasuto kacci no bhusanarato kacci silamayam gandham tvam vayasi ^3- netara paja"ti tameva gatham abhasi. ^2- [28] Tattha kacciti pucchayam nipato. Noti patisedhe. Vatthapasutoti vatthe pasuto vatthapasuto, civaramandanabhirato. Nidassanamattam cetam pattamandanadi- capallapatikkhepassapi adhippetatta. "kacci na vatthapasuto"tipi patho, so evamattho. Bhusanaratoti attabhavavibhusanaya rato abhirato, yathekacce pabbajitvapi capala ^4- kaya- dalhibahula ^5- civaradiparikkharassa attano sarirassa ca mandanavibhusanatthanaya yutta honti. Kimeva parikkharapasuto bhusanarato ca nahositi ayamettha padadvayassapi attho. Silamayam gandhanti akhandadibhavapadanena suparisuddhassa catubbidhassapi silassa vasena yvayam ^6- "yo ca silavatam gandho, vati devesu uttamo"ti ^7- vutto silamayo gandho, tam tvam vayasi silasampattisambhavena kalyanena kittisaddena kim tvam sabba disa pattharasiti attho. Netara pajati na itara dussilapaja, dussilattayeva dussilyamayam duggandham vayati, na silmayam gandham evam tvam duggandham avayitva @Footnote: ¹ Si. sapitupujanattham ^2-2 cha.Ma. "kacci no vatthapasuto"ti tameva gatham abhasi @³ pali. vasi ⁴ Si. ayam patho na dissati ⁵ Si. kayavaddhibahula @⁶ Si. ayam patho na dissati ⁷ khu.dhamMa. 25/56/26 mahakassapattheravatthu Kacci silamayam gandham vayasiti attho. Athava netara pajati na ^1- itara dussilapaja, tam kacci ^2- na hoti, yato silamayam gandham vayasiti byatirekena silagandhavayanameva vibhaveti. Jambugamikaputtattheragathavannana nitthita. ----------------

The Pali Atthakatha in Roman Book 32 page 132-134. http://84000.org/tipitaka/pitaka_item/read_rm.php?B=32&A=2978&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=2978&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=165 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5139 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5422 The Pali Tipitaka in Roman Character :- http://84000.org/tipitaka/read/roman_read.php?B=26&A=5422 Contents of The Tipitaka Volume 26 http://84000.org/tipitaka/read/?index_26