AtthaPali Vol.12

Ettavatava desanam nitthapesi. Asammasambuddhesuti chasu sattharesu. Sammasambuddhati mayamasma samma sambuddhati. Kim paticca pannayatiti kismim sati hotiti sattharanam uppannaditthim pucchati. Asammasambuddhesu tesu sammasambuddha eteti evam uppannam titthiyasavakanampi ditthim pucchatiyeva. Idani yasma tesam avijjadhatum paticca sa ditthi hoti, avijjadhatu ca nama mahati dhatu, tasma mahatim dhatum paticca tassa uppattim dipento mahati kho esatiadimaha. Hinam kaccana dhatum paticcati hinam ajjhasayam paticca. Panidhiti cittatthapana. ^1- Sa panesa itthibhavam va makkataditiracchanabhavam va patthentassa uppajjati. Hino puggaloti yassete hina dhamma uppajjanti, sabbo so puggalopi hino nama. Hina vacati ya tassa vaca, ^3- sapi hinava. Hinam acikkhatiti so acikkhantopi hinameva acikkhati, desentopi hinameva desetiti sabbapadani yojetabbani. Upapattiti dve upapattiyo patilabho ca nibbatti ca. Nibbatti hinakusaladivasena veditabba, patilabho cittuppadakkhane hinattikavasena. Katham? tassa hi pancasu nicakulesu uppajjanato hina nibbatti, vessasuddakulesu uppajjanato majjhima, khattiyabrahmanakulesu uppajjanato panita. Dvadasaakusalacittuppadanam pana patilabhato hino patilabho, tebhumikadhammanam patilabhato majjhimo, navalokuttaradhammanam patilabhato panito. Imasmim pana thane nibbattiyeva adhippetati. Tatiyam.

The Pali Atthakatha in Roman Book 12 page 156. http://84000.org/tipitaka/pitaka_item/read_rm.php?B=12&A=3484&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=12&A=3484&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=361 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=4043 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3714 The Pali Tipitaka in Roman Character :- http://84000.org/tipitaka/read/roman_read.php?B=16&A=3714 Contents of The Tipitaka Volume 16 http://84000.org/tipitaka/read/?index_16