AtthaPali Vol.32

Disva pasannamanaso suparipakkani vantato muttani ambaphalani adasi. So tena punnakammena devaloke nibbatto aparaparam punnakammani upacinanto imasmim buddhuppade vesaliyam licchavirajakule nibbatti, vaddhamanotissa namam ahosi. So vayappatto saddho pasanno dayako danarato karako samghupatthako hutva tatharupe aparadhe satthara pattanikkujjanakamme karapite aggim akkanto viya samgham khamapetva kammam patippassambhetva sanjatasamvego pabbaji, pabbajitva pana thinamiddhabhibhuto vihasi. Tam sattha samvejento:- ^1- "sattiya viya omattho dayhamaneva matthake bhavaragappahanaya sato bhikkhu paribbaje"ti gathamaha. ^1- [40] Tattha bhavaragappahanayati bhavaragassa ruparagassa aruparagassa ca pajahanatthaya. Yadipi ajjhattasamyojanani appahaya bahiddhasamyojananam pahanam nama natthi, nanantarikabhavato pana uddhambhagiyasamyojanappahanavacanena orambhagiya- samyojanappahanampi vuttameva hoti. Yasma va samucchinnorambhagiyasamyojananampi kesanci ariyanam uddhambhagiyasamyojanani duppaheyyani honti, tasma suppaheyyato duppaheyyameva dassento bhagava bhavaragappahanasisena sabbassapi uddhambhagiya- samyojanassa pahanamaha. Therassaeva va ajjhasayavasenevam vuttam. Sesam vuttanayameva. Vaddhamanattheragathavannana nitthita. Paramatthadipaniya theragathasamvannanaya catutthavaggavannana nitthita. @Footnote: ^1-1 cha.Ma. "sattiya viya omattho"ti gatham abhasi

The Pali Atthakatha in Roman Book 32 page 165. http://84000.org/tipitaka/pitaka_item/read_rm.php?B=32&A=3700&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=3700&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=177 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5212 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5475 The Pali Tipitaka in Roman Character :- http://84000.org/tipitaka/read/roman_read.php?B=26&A=5475 Contents of The Tipitaka Volume 26 http://84000.org/tipitaka/read/?index_26