AtthaPali Vol.32

185. 8. Sanjayattheragathavannana yato ahanti ayasmato sanjayattherassa gatha. Ka uppatti? sopi purimabuddhesu katadhikaro tattha tattha vivattupanissayam punnam upacinanto vipassissa bhagavato kale mahati puge sankittivasena ^1- vatthum samgharitva ^2- ratanattayam uddissa punnam karonto sayam daliddo hutva nesam ganadinam ^3- punnakiriyaya byavato ahosi. Kalena kalam bhagavantam upasankamitva vanditva pasannamanaso bhikkhunanca tam tam veyyavaccam akasi. So tena punnakammena devaloke nibbatto aparaparam punnani katva sugatisuyeva samsaranto imasmim buddhuppade rajagahe @Footnote: ¹ Si. mahatisu parisasu kittivasena ² Si. samharitva ³ Si. janasangahanadivasena Vibhavasampannassa brahmanassa putto hutva nibbatti sanjayo nama namena, so vayappatto brahmayupokkharasatiadike abhinnate brahmane sasane abhippasanne disva sanjatappasado sattharam upasankami. Tassa sattha dhammam desesi. So dhammam sutva sotapanno ahosi. Aparabhage pabbaji. Pabbajanto ca khuraggeyeva chalabhinno ahosi. Tena vuttam apadane ^1- :- "vipassissa bhagavato mahapugagano ahu veyyavaccakaro asim sabbakiccesu vavato. Deyyadhammo ca me natthi sugatassa mahesino avandim satthuno pade vippasannena cetasa. Ekanavutito kappe veyyavaccam akasaham duggatim nabhijanami veyyavaccassidam phalam. Ito ca atthame kappe raja asim sucintito sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Chalabhinno pana hutva annam byakaronto:- ^2- "yato aham pabbajito agarasma anagariyam nabhijanami sankappam anariyam dosasamhitan"ti gatham abhasi. ^2- [48] Tattha yato aham pabbajitoti yato pabhuti yato patthaya aham pabbajito. Pabbajitakalato patthaya nabhijanami sankappam, anariyam dosasamhitanti ragadidosasamhitam, tatoeva anariyam nihinam, ariyehi va anaraniyataya anariyehi araniyataya ca anariyam @Footnote: ¹ khu.apa. 32/51/192 veyyavaccakattherapadana ^2-2 "yato aham pabbajito"ti gatham abhasi Papam arammane abhutagunadisankappanato "sankappo"ti laddhanamam kamavitakkadi- micchavitakkam uppaditam nabhijanamiti, "khuraggeyeva maya arahattam pattan"ti annam byakasi. Sanjayattheragathavannana nitthita. --------------

The Pali Atthakatha in Roman Book 32 page 185-187. http://84000.org/tipitaka/pitaka_item/read_rm.php?B=32&A=4166&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=32&A=4166&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=185 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5262 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5514 The Pali Tipitaka in Roman Character :- http://84000.org/tipitaka/read/roman_read.php?B=26&A=5514 Contents of The Tipitaka Volume 26 http://84000.org/tipitaka/read/?index_26