|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Somadattajatakam
yo mam pure paccudetiti idam sattha jetavane viharanto
annataram mahallakam arabbha kathesi.
So kirekam samaneram pabbajesi. So samanero tassa
upakarako hutva tatharupena rogena kalamakasi. Mahallako tasmim
kalakate rodanto paridevanto vicarati. Tam disva bhikkhu
Dhammasabhayam katham samutthapesum avuso asukamahallako samanerassa
kalakatakiriyaya rodanto paridevanto vicarati marananussatikammatthana-
rahito manneti. Sattha agantva kaya nuttha bhikkhave etarahi
kathaya sannisinnati pucchitva imaya namati vutte na bhikkhave
idaneva pubbepesa etasmim mate rodatiyevati vatva tehi
yacito atitam ahari
atite baranasiyam brahmadatte rajjam karente bodhisatto
sakkattam karesi. Atheko kasinigamavasi brahmanamahasalo
kame pahaya himavantam pavisitva isipabbajjam pabbajitva unchacariyaya
vanamulaphalaharo vasi. Ekadivasam phalaphalatthaya gato ekam hatthichapam
disva attano assamapadam netva puttatthane thapetva
somadattotissa namam katva tinapannadini khadapento patijaggi.
So vayappatto mahasariro hutva ekadivasam bahugocaram gahetva
ajirakena dubbalo ahosi. Tapaso tam assamapade katva
phalaphalatthaya gato. Tasmim anagateyeva hatthipotako kalamakasi.
Tapaso phalaphalam gahetva agacchanto annesu divasesu me
putto paccuggamanam karoti ajja na dissati kaham nu kho gatoti
paridevanto pathamam gathamaha
yo mam pure paccudeti aranne duramayati
so na dissati matango somadatto kuhim gatoti.
Tattha pureti ito pubbe. Paccudetiti paccuggacchati.
Aranne duranti imasmim nimmanusse aranne mam duram paccudeti.
Ayatiti ayamasampanno.
Evam paridevamano agantva tam cankamakotiyam patitam disva
gale gahetva paridevamano dutiyam gathamaha
ayam va so mato seti allapitamva vicchito
bhumya nipatito seti amara vata kunjareti.
Tattha ayam vati vibhavanattho vasaddo. Ayameva so na
annoti tam vibhavento evamaha. Allapitanti maluvalataya
aggapavalam. Vicchitoti vicchinno gimhakale majjhantikasamaye
tattavalikapuline nakhena chinditva patito maluvalataya ankuro
viyati vuttam hoti. Bhumyati bhumiyam. Amara vatati amato
vata. Amaritipi patho.
Tasmim khane sakko lokam olokento tam disva ayam
tapaso puttadaram pahaya pabbajito idani hatthipotake puttasannam
katva paridevati samvejetva nam satim patilabhapessamiti tassa
assamapadam agantva akase thitova tatiyam gathamaha
anagariyupetassa vippamuttassa te sato
samanassa na tam sadhu yam petamanusocasiti.
Tassa vacanam sutva tapaso catuttham gathamaha
samvasena have sakka manussassa migassa va
hadaye jayati pemam na tam sakka asocitunti.
Tattha migassa vati imasmim thane sabbe tiracchana migati
vutta. Tanti piyayitam sattam.
Atha nam ovadanto sakko dve gatha abhasi
matam marissam rodanti ye rudanti lapanti ca
tasma tvam isi ma rodi roditam moghamahu santo.
Kanditena have brahme mato peto samutthahe
sabbe sangamma rodama annamannassa nataketi.
Tattha ye rudanti lapanti cati brahmana ye satta rodanti
paridevanti ca sabbe te matamva yo ca marissati tam rodanti
tesam evam rodantanam assusukkhanakalo natthi tasma tvam isi
ma rodi. Kimkarana. Roditam moghamahu santoti pandita hi
roditam nipphalanti vadanti. Mato petoti yadi esa petoti sankhyam
gato mato roditena samutthaheyya. Evam sante sabbepi mayam
samagantva annamannassa natake rodama kim nikkhama acchamati.
Tapaso sakkassa vacanam sutva satim patilabhitva vigatasoko
assuni punchitva sakkassa thutivasena sesagatha abhasi
adittam vata mam santam ghatasittamva pavakam
varina viya osinci sabbam nibbapaye daram.
Abbulham vata me sallam sokam hadayanissitam
yo me sokaparetassa puttasokam apanudi.
Soham abbulhasallosmi vitasoko anavilo
na socami na rodami tava sutvana vasavati.
Ta hettha vuttatthayeva.
Evam tapasam sakko ovaditva sakatthanameva gato.
Sattha imam dhammadesanam aharitva saccani pakasetva
jatakam samodhanesi tada hatthipotako samanero ahosi tapaso
mahallako sakko pana ahamevati.
Somadattajatakam pancamam.
The Pali Atthakatha in Roman Book 39 page 213-217.
http://84000.org/tipitaka/pitaka_item/read_rm.php?B=39&A=4285&modeTY=2
อรรถกถาบาลีอักษรไทย :-
http://84000.org/tipitaka/pitaka_item/read_th.php?B=39&A=4285&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1072
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4618
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4647
The Pali Tipitaka in Roman Character :-
http://84000.org/tipitaka/read/roman_read.php?B=27&A=4647
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]