AtthaPali Vol.38

jambukhadakajatakam koyam vindussaro vagguti idam sattha veluvane viharanto devadattakokalike arabbha kathesi. Tada hi devadatte parihinalabhasakkare kokaliko kulani upasankamitva devadattatthero nama mahasammatapaveniya okkakarajavamse jato asambhinne khattiyavamse samvuddho tipitako jhanalabhi madhurakatho dhammakathiko detha karotha therassati devadattassa vannam bhasati. Devadattopi kokaliko udiccabrahmanakula nikkhamitva pabbajito bahussuto dhammakathiko detha karotha kokalikassati kokalikassa vannam bhasati. Iti te annamannassa vannam bhasitva kulagharesu bhunjanta vicaranti. Athekadivasam bhikkhu dhammasabhayam katham samutthapesum avuso devadattakokalika annamannassa abhutagunakatham kathetva bhunjanta vicarantiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva te abhutagunakatham kathetva bhunjanti pubbepete bhunjimsuyevati vatva atitam ahari. Atite baranasiyam brahmadatte rajjam karente bodhisatto Annatarasmim jambuvanasande rukkhadevata hutva nibbatti. Tatreko kako jambusakhaya nisinno jambupakkani khadati. Atheko sigalo agantva uddham olokento kakam disva yannunaham imassa abhutagunakatham kathetva jambupakkani khadeyyanti tassa vannam kathento imam gathamaha koyam vindussaro vaggu saravantanamuttamo accuto jambusakhaya moracchapova kujjatiti. Tattha vindussaroti vinduna abhisandena ^1- pinditena sarena samannagato. Vagguti mudumadhurasaddo. Accutoti na cuto sannisinno. Moracchapova kujjatiti tarunamorova manapena sarena ko nameso kujjatiti vadati. Atha nam kako patipasamsanto dutiyam gathamaha kulaputto pajanati kulaputtam pasamsitum byagghacchapasadisavanna bhunja samma dadami teti. Tattha byagghacchapasadisavannati tvam mayham byagghapotakasamanavannova khayati tena tam vadami ambho byagghacchapasadisavanna. Bhunja samma dadami teti vayassa yavadattham jambupakkani khada ahante dadamiti. Evancapana vatva jambusakham caletva phalani patesi. Atha tasmim jamburukkhe nibbattadevata te ubhopi annamannassa @Footnote: ¹ avisatena. avisarena. Abhutagunam kathetva jambupakkani khadante disva tatiyam gathamaha cirassam vata passami musavadi samagate vantadam kunapadanca annamannam pasamsaketi. Tattha vantadanti paresam vantabhattakhadakam kakam. Kunapadancati kunapakhadanakam sigalanca. Imancapana gatham vatva sa devata bheravaruparammanam dassetva te tato palapesiti. Sattha imam dhammadesanam aharitva jatakam samodhanesi tada sigalo devadatto ahosi kako kokaliko rukkhadevata pana ahamevati. Jambukhadakajatakam catuttham -------

The Pali Atthakatha in Roman Book 38 page 207-209. http://84000.org/tipitaka/pitaka_item/read_rm.php?B=38&A=4308&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=38&A=4308&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=481 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2515 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2478 The Pali Tipitaka in Roman Character :- http://84000.org/tipitaka/read/roman_read.php?B=27&A=2478 Contents of The Tipitaka Volume 27 http://84000.org/tipitaka/read/?index_27