Atthakatha Book 11 : PALI ROMAN
Sam.A. (sarattha.1)

       Upasankamiti amittavijayena viya tuttho sakalagame katacchumattampi bhattam
alabhitva gamato nikkhamantam bhagavantam gamiyamanussavesena upasankami. Tathaham
karissamiti idam yo 1- musa bhasati. Evam kirassa ahosi "maya evam vutte puna
pavisati, 2- atha nam gamadaraka  `sakalagame caritva katacchubhikkhampi alabhitva gamato
nikkhamma puna pavitthosi'tiadini vatva upphandessanti"ti. 3- Bhagava pana "sacayam
mam evam vihethessati, muddhamasseva sattadha phalessati"ti tasmim anukampaya
apavisitva gathadvayamaha.
       Tattha pasaviti janesi uppadesi. 4- Asajjati asadetva  ghatetva.
Na me papam vipaccatiti mama papam na vipaccati. Nipphalam etanti kim nu tvam
evam mannasi, ma evam mannasi, 5- atthi taya katassa papassa phalanti dipeti.
Kincananti madditum samattham ragakincanadikilesajatam. Abhassara yathati yatha
abhassara deva sappitikajjhanena yapenta pitibhakkha nama honti, evam
bhavissamati. Atthamam.


             The Pali Atthakatha in Roman Book 11 page 171.
http://84000.org/tipitaka/pitaka_item/read_rm.php?B=11&A=4458&modeTY=2
             อรรถกถาบาลีอักษรไทย :-
http://84000.org/tipitaka/pitaka_item/read_th.php?B=11&A=4458&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=15&i=467
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=3689
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=3238
             The Pali Tipitaka in Roman Character :-
http://84000.org/tipitaka/read/roman_read.php?B=15&A=3238
             Contents of The Tipitaka Volume 15
http://84000.org/tipitaka/read/?index_15