AtthaPali Vol.31

115. 5. Kumarapetavatthuvannana accherarupam sugatassa nananti idam kumarapetavatthu. Tassa ka uppatti? savatthiyam kira bahu upasaka dhammagana hutva nagare mahantam mandapam karetva tam nanavannehi vatthehi alankaritva kalasseva sattharam bhikkhusamghanca nimantetva maharahavarapaccattharanatthatesu asanesu buddhappamukham bhikkhusamgham nisidapetva gandhapupphadihi pujetva mahadanam pavattenti. Tam disva annataro maccheramalapariyutthitacitto puriso tam sakkaram asahamano evamaha "varametam sabbam sankarakute chadditam, na tveva imesam mundakanam dinnan"ti. Tam sutva upasaka samviggamanasa "bhariyam vata imina purisena papam pasutam, yena evam buddhappamukhe bhikkhusamghe aparaddhan"ti tamattham tassa matuya arocetva "gaccha tvam sasavakasamgham bhagavantam khamapehi"ti ahamsu. Sa "sadhu"ti patissunitva puttam santajjenti sannapetva bhagavantam bhikkhusamghanca upasankamitva puttena kataaccayam dassenti khamapetva bhagavato bhikkhusamghassa ca sattaham yagudanena pujam akasi. Tassa putto nacirasseva kalam katva kilitthakammupajiviniya ganikaya kucchiyam nibbatti, sa ca nam jatamattamyeva "darako"ti natva susane chaddapesi. So tattha attano punnabaleneva gahitarakkho kenaci anupadduto matu anke viya sukham supi. Devata tassa arakkham ganhimsuti ca vadanti. Atha bhagava paccusasamaye mahakarunasamapattito vutthaya buddhacakkhuna lokam volokento tam darakam sivathikaya chadditam disva suriyuggamanavelaya sivathikam agamasi. "sattha idhagato, karanenettha bhavitabban"ti mahajano sannipati. Bhagava sannipatita- parisaya "nayam darako onnatabbo, ^1- yadipi idani susane chaddito anatho thito, ayatim pana dittheva dhamme abhisamparayanca ularasampattim patilabhissati"ti @Footnote: ¹ Si.,i. omako natabbo Vatva tehi manussehi "kim nu kho bhante imina purimajatiyam katam kamman"ti puttho:- "buddhappamukhassa bhikkhusamghassa pujam akasi janata ularam tatrassa cittassahu annathattam vacam abhasi pharusam asabbhan"ti adina nayena darakena katakammam ayatim pattabbam sampattinca pakasetva sannipatitaya parisaya ajjhasayanurupam dhammam kathetva upari samukkamsikam dhammadesanam akasi. Saccapariyosane caturasitiya panasahassanam dhammabhisamayo ahosi, tanca darakam asitikotivibhavo eko kutumbiko bhagavato sammukhava "mayham putto"ti aggahesi. Bhagava "ettakena ayam darako rakkhito, mahajanassa ca anuggaho kato"ti viharam agamasi. So aparena samayena tasmim kutumbike kalankate tena niyyaditam dhanam patipajjitva kutumbam santhapento tasmim nagareyeva mahavibhavo gahapati hutva danadinirato ahosi. Athekadivasam bhikkhu dhammasabhayam katham samutthapesum "aho nuna sattha sattesu anukampako, sopi nama darako tada anatho thito etarahi mahatim sampattim paccanubhavati, ularani ca punnani karoti"ti. Tam sutva sattha "na bhikkhave tassa ettakava sampatti, atha kho ayupariyosane tavatimsabhavane sakkassa devaranno putto hutva nibbattissati, mahatim dibbasampattim ca patilabhissati"ti byakasi. Tam sutva bhikkhu ca mahajano ca "idam kira karanam disva dighadassi bhagava jatamattassevassa amakasusane chadditassa tattha gantva sangaham akasi"ti satthu nanavisesam thometva tasmim attabhave tassa pavattim kathesum. Tamattham dipenta sangitikara:- [453] "accherarupam sugatassa nanam sattha yatha puggalam byakasi ussannapunnapi bhavanti heke parittapunnapi bhavanti heke. [454] Ayam kumaro sivathikaya chaddito angutthasnehena yapeti rattim na yakkhabhuta na sarisapa va vihethayeyyum katapunnam kumaram. [455] Sunakhapimassa palihimsu pade dhanka singala parivattayanti gabbhasayam pakkhigana haranti kaka pana akkhimalam haranti. [456] Nayimassa rakkham vidahimsu keci na osadham sasapadhupanam va nakkhattayogampi na aggahesum na sabbadhannanipi akirimsu. [457] Etadisam uttamakicchapattam rattabhatam sivathikaya chadditam nonitapindamva pavedhamanam sasamsayam jivitasavasesam. [458] Tamaddasa devamanussapujito disva ca tam byakari bhuripanno `ayam Kumaro nagarassimassa aggakuliko bhavissati bhogato ca'. [459] Kissa vatam kim pana brahmacariyam kissa sucinnassa ayam vipako etadisam byasanam papunitva tam tadisam paccanubhossatiddhin"ti cha gatha avocum. #[453] Tattha accherarupanti acchariyasabhavam. Sugatassa nananti annehi asadharanam sammasambuddhassa nanam, asayanusayananadisabbannutannanameva sandhaya vuttam. Tayidam annesam avisayabhutam katham nananti aha "sattha yatha puggalam byakasi"ti. Tena satthu desanaya eva nanassa acchariyabhavo vinnayatiti ^1- dasseti. Idani byakaranam dassento "ussannapunnapi bhavanti heke, parittapunnapi bhavanti heke"ti aha. Tassattho:- ussannakusaladhammapi idhekacce puggala laddhapaccayassa ^2- apunnassa ^3- vasena jatiadina nihina bhavanti, parittapunnapi appatarapunnadhammapi eke satta khettasampattiadina tassa punnassa mahajutikataya ulara bhavantiti. #[454] Sivathikayati susane. Angutthasnehenati angutthato pavattasnehena, devataya angutthato paggharitakhirenati attho. Na yakkhabhuta na sarisapa vati pisacabhuta va yakkhabhuta va sarisapa va ye keci saranta gacchanta va na vihethayeyyum na badheyyum. ^4- @Footnote: ¹ Ma. khahatiti ² Ma. laddhapaccayataya ³ Si. punnassa @⁴ Ma. na yakkhabhutati yakkha va bhuta va. na sarisapa vati ye keci saranta @gacchanti. na vihetheyyunti na potheyyum #[455] Palihimsu padeti attano jivhaya pade lihimsu. Dhankati kaka. Parivattayantiti ^1- "ma nam kumaram keci vihetheyyun"ti rakkhanta nirogabhavajananattham aparaparam parivattanti. Gabbhasayanti gabbhamalam. Pakkhiganati gijjhakulaladayo sakunagana. Harantiti apanenti. Akkhimalanti akkhigutham. #[456] Keciti keci manussa, amanussa pana rakkham samvidahimsu. Osadhanti tada ayatinca arogyavaham agadam. Sasapadhupanam vati yam jatassa darakassa rakkhanattham sasapena dhupanam karonti, tampi tassa karonta nahesunti dipenti. Nakkhattayogampi na aggahesunti nakkhattayuttampi na ganhimsu, "asukamhi nakkhatte tithimhi muhutte ayam jato"ti evam jatakammampissa na keci akamsuti attho. Na sabbadhannanipi akirimsuti mangalam karonta agadavasena yam sasapatelamissitam saliadidhannam akiranti, tampissa nakamsuti attho. #[457] Etadisanti evarupam. Uttamakicchapattanti paramakiccham apannam ativiya dukkhappattam. Rattabhatanti rattiyam abhatam. Nonitapindam viyati navanitapindasadisam, mamsapesimattatta evam vuttam. Pavedhamananti dubbalabhavena pakampamanam. Sasamsayanti "jivati nu kho na nu kho jivati"ti samsayitataya samsayavantam. Jivitasavasesanti ^2- jivitatthitiya hetubhutanam sadhananam abhavena kevalam jivitamattavasesakam. #[458] Aggakuliko bhavissati bhogato cati bhoganimittam bhogassa vasena ^3- aggakuliko setthakuliko bhavissatiti attho. #[459] "kissa vatan"ti ayam gatha satthu santike thitehi upasakehi tena katakammassa pucchavasena vutta, sa ca kho sivathikaya sannipatitehiti veditabba. Tattha kissati kim assa. Vatanti vatasamadanam. Puna kissati kidisassa sucinnassa @Footnote: ¹ Si.,i. sigala parivattayantiti ² Ma. jivitayavasesanti @³ Si. bhoganimittabhogasampadavasena Vatassa brahmacariyassa cati vibhattim viparinametva yojana. Etadisanti ganikaya kucchiya nibbattanam, susane chaddananti evarupam. Byasananti anattham. Tadisanti tatharupam, "angutthasnehena yapeti rattin"tiadina, "ayam kumaro nagarassimassa aggakuliko bhavissati"tiadina ca vuttappakaranti attho. Iddhinti deviddhim, dibbasampattinti vuttam hoti. Idani tehi upasakehi puttho bhagava yatha tada byakasi, tam dassenta sangitikara:- [460] "buddhappamukhassa bhikkhusamghassa pujam akasi janata ularam tatrassa cittassahu annathattam vacam abhasi pharusam asabbham. [461] So tam vitakkam pavinodayitva pitim pasadam patiladdha paccha tathagatam jetavane vasantam yaguya upatthasi sattarattam. [462] Tassa vatam tam pana brahmacariyam tassa sucinnassa ayam vipako etadisam byasanam papunitva tam tadisam paccanubhossatiddhim. [463] Thatvana so vassasatam idheva sabbehi kamehi samangibhuto kayassa bheda abhisamparayam sahabyatam gacchati vasavassa"ti catasso gatha avocum. #[460] Tattha janatati janasamuho, upasakaganoti adhippayo. Tatrati tassam pujayam. Assati tassa darakassa. Cittassahu annathattanti purimabhavasmim cittassa annathabhavo anadaro agaravo apaccayo ahosi. Asabbhanti sadhusabhaya savetum ayuttam pharusam vacam abhasi. #[461] Soti so ayam. Tam vitakkanti tam papakam vitakkam. Pavinodayitvati matara kataya sannattiya ^1- vupasametva. Pitim pasadam patiladdhati pitim pasadanca patilabhitva uppadetva. Yaguya upatthasiti yagudanena upatthahi. Sattarattanti sattadivasam ^2-. #[462] Tassa vatam tam pana brahmacariyanti tam maya hettha vuttappakaram attano cittassa pasadanam dananca imassa puggalassa vatam tam brahmacariyanca, annam kinci natthiti attho. #[463] Thatvanati yava ayupariyosana idheva manussaloke thatva. Abhisamparayanti punabbhave. Sahabyatam gacchati vasavassati sakkassa devanamindassa puttabhavena sahabhavam gamissati. Anagatatthe hi idam paccuppannakalavacanam. Sesam sabbattha uttanamevati. Kumarapetavatthuvannana nitthita. ---------------

The Pali Atthakatha in Roman Book 31 page 205-211. http://84000.org/tipitaka/pitaka_item/read_rm.php?B=31&A=4540&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=31&A=4540&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=115 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4153 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=4339 The Pali Tipitaka in Roman Character :- http://84000.org/tipitaka/read/roman_read.php?B=26&A=4339 Contents of The Tipitaka Volume 26 http://84000.org/tipitaka/read/?index_26